أنا الغريب في ليل الغربة يا أمي

[hemaya]

أنا الغريب في ليل الغربة يا أمي

لا إيدين بتمسح دمعتي

ولا حد من دمي

واللي انكتب عالجبين

بشوفه بعيوني

ويا ليل وهشكي لمين

غير حيرتي وظنوني

أنا الغريب وفارد في الهوا إديني

في الريح بعافر

ومستني الكلمة تحييني

لا الكلمة جتني

ولا الدمع فارق عيني

وبقول مسافر

وأنا مش مسافر

أنا بموت

في الغربة وسنيني

أنا الغريب في الغربة يا أمي

وحدي هنا

ومعايا جرحي ودمعتي وهمي

مستني ليل الصبر

جايز ينطلق فجري

وبغني موال الألم

طول دنيتي وعمري

ولا ليل بيرحل

ولا فجر طالع

والعمر راح يجري

أنا الغريب

مستني حد يمد له ايده

أنا الغريب والعيد يعدي

علي كل البشر

بس ده مش عيده

حتي الأحبة اتجمعوا

علي جرحي بيذيدوا

ويقولوا غربة بغربة

إيه يعني جرح كمان

هو اللي هيذيدوا

أنا الغريب في الغربة يا أمي

أنا الغريب وهموت وحيد

وأرجع إليكي بين ايديكي

احضني وسمي

ودوني جنب أبوية

وعمتي وعمي

واقري عليه الفاتحة

واترحمي يا أمي

دا أنا الغريب اللي مات في الغربة يا أمي

05-08-2009

[Princesse]

:) bv:-

قصيدة جميلة ، ربنا يهون على الجميع الغربة و يرجعوا لحضن الوطن و الاهل

[bentbatota]

قصيدة جميلة وحزينة جدا تشعر بهذه المشاعر وانت فى الغربة وتتمنى انك لما ترجع يزول هذا الشعور يا سيدى

ولكن هيهات يا سيدى ان يعود شيئا ويصبح شعورك بالقصيدة وانت فى بلدك وتعيش بهذا الشعور

ل

ولا فجر طالع

والعمر راح يجري

وتحياتى لك يا سيدى ويهون ربنا غربتنا الى بره واللى جوه

وكل سنةوانت طيب بمناسبة رمضان وكل الاخوة والاخوات فى محاورات المصريين