مزاميزو في بلاد الثلج

[مزاميزو]

السلام عليكم ورحمة الله وبركاته

أحبائي أعزائي فلزات أكبادي محاوري محاورات المصريين ...

حبيت أفتح الموضوع الجديد أملا في إني أفيد غير زي ما أنا استفدت من غيري وأقدم فكرة عن اللي شوفته وعملته من يوم ما قدمت طلب الهجرة حتى وصولي إلى كندا وايه اللي عملته في كندا من ساعة ما جيت هنا واشير إن صاحب فكرة الإسم بلدياتي نصار لينك

أعرفكم بنفسي .... أنا اسمي محمد خليفة مهندس مدني 28 سنة من المنصورة أيوة عارف أجدع ناس بس داليدا نست تقولها في الأغنية

أنا هكتب الملخص بتاع الحلقات عشان اللي يوقع منه حلقة يتابع في الإعادة واوعى تغمض عينيك واوعى تروح في اي حته ماهو عشان لا مؤاخذة دا انتاج وفلوس .... دي سينما مش لعبة افهموها بقى (فيلم بين السما والأرض - وش المخرج) :lol:

أولا: أنا قدمت فتح ملفي لكيبيك في أغسطس 2005 واستلمت الجواب الخاص بفتح الملف وكان مكتوب إن الملف اتفتح يوم 29 أغسطس 2005

ثانيا: المقابلة الشخصية بالسفارة الكندية في القاهرة يوم 19 نوفمبر 2007

ثالثا: تقديم الملف الفيدرال يوم 29 نوفمبر 2007 ودخل عملية processing يوم 12 ديسمبر 2007

رابعا: الكشف الطبي عملته في شهر نوفمبر 2008

خامسا: استلمت الفيزا في يناير 2009

سادسا: تم إلغاء الفيزا عشان غلطت الغلطة اللي بيغلطها كل راجل لحين اضافة الزوجة على الملفين الخاصين بكيبك والفيدرال

سابعا: تم استرداد الفيزا مرة أخرى في 16 يوليو 2009 بعد ما صلحت غلطتي ورجعت فرداني تاني

ثامنا: السفر إلى كندا 17 يوليو 2009

تاسعا: ايه اللي أنا عملته في كندا حتى الآن

فاصل ونواصل

[ahmed el hady]

الحمد لله يا باشا على سلامة الوصول وربنا يوفقك ان شاء الله فى حياتك الجديدة ان شاء الله بس معلش ممكن توضحلنا النقطة السابعة دى وهى رجعت فردانى تانى دى يعنى منفعش تضيف زوجتك ؟

[medopharm]

السلام عليكم ورحمة الله وبركاته

أحبائي أعزائي فلزات أكبادي محاوري محاورات المصريين ...

حبيت أفتح الموضوع الجديد أملا في إني أفيد غير زي ما أنا استفدت من غيري وأقدم فكرة عن اللي شوفته وعملته من يوم ما قدمت طلب الهجرة حتى وصولي إلى كندا وايه اللي عملته في كندا من ساعة ما جيت هنا واشير إن صاحب فكرة الإسم بلدياتي نصار لينك

أعرفكم بنفسي .... أنا اسمي محمد خليفة مهندس مدني 28 سنة من المنصورة أيوة عارف أجدع ناس بس داليدا نست تقولها في الأغنية

أنا هكتب الملخص بتاع الحلقات عشان اللي يوقع منه حلقة يتابع في الإعادة واوعى تغمض عينيك واوعى تروح في اي حته ماهو عشان لا مؤاخذة دا انتاج وفلوس .... دي سينما مش لعبة افهموها بقى (فيلم بين السما والأرض - وش المخرج) :lol:

أولا: أنا قدمت فتح ملفي لكيبيك في أغسطس 2005 واستلمت الجواب الخاص بفتح الملف وكان مكتوب إن الملف اتفتح يوم 29 أغسطس 2005

ثانيا: المقابلة الشخصية بالسفارة الكندية في القاهرة يوم 19 نوفمبر 2007

ثالثا: تقديم الملف الفيدرال يوم 29 نوفمبر 2007 ودخل عملية processing يوم 12 ديسمبر 2007

رابعا: الكشف الطبي عملته في شهر نوفمبر 2008

خامسا: استلمت الفيزا في يناير 2009

سادسا: تم إلغاء الفيزا عشان غلطت الغلطة اللي بيغلطها كل راجل لحين اضافة الزوجة على الملفين الخاصين بكيبك والفيدرال

سابعا: تم استرداد الفيزا مرة أخرى في 16 يوليو 2009 بعد ما صلحت غلطتي ورجعت فرداني تاني

ثامنا: السفر إلى كندا 17 يوليو 2009

تاسعا: ايه اللي أنا عملته في كندا حتى الآن

فاصل ونواصل

مبروك ياباشمهندس ع الاستقرار فى كندا

وبالتوفيق ان شاء الله فى الخطوات القادمه

منتظرين باقى التفاصيل

تحياتى

[Nassarlink]

حمد الله علي السلامه يا مزاميزو

وربنا يوفقك

الاخبار عندك ايه

ان شاء الله تكون تمام

مبروك علي افتتاح القهوه بتاعتك

وان شاء الله تنافس القهاوي الكبيره التانيه

احنا في انتظارك تحكي التفاصيل

من طأطأ الي السلام عليكواااااااااااااااااا

نصّار

[safaalabana]

حمدالله عالسلامه ودعاؤنا لكم بالتوفيق

[AL MUHAGER]

تسجيل متابعة ... واحجز لي كرسي في القهمة يا عم مزاميزو... وفي انتظار قصة الرحالة مزاميزو في ارض التلج.... :rolleyes:

[hamoudi]

اهلا وسهلا ببتوع المنصوره هلو كده ونوروا

اولا شكرا على المداخله وعلى عرضك المساعده

ثانيا انا مش فاهم يعني ايه رجعت فرداني تاني

ثالثا اين تقيم في كندا

مشكورا

[jessika]

حمدللة على سلامتك.....تسجيل متابعة .........وفى انتظار التفاصيل

ويارب تكون فى موريال

[astrophy]

الف مبروك وربنا يوفقك ان شاء الله عايزين تحكى كل شىء بالتفصيل الممل من اول ما غادرت مصر حتى الان وانطباعك عن البلد ايه

احكى واحنا معاك ومبروك تانى على القهوة بتاعتك يابشمهندس وبالتوفيق

[qenawy]

يا مزاميزو حمد الله علي السلامة واهم حاجة الموز بانواعه ما تنساناش

[مزاميزو]

الحلقة الأولى

بداية أنا قدمت ملفي عند محامي لكيبيك حيث هي بالنسبة لي كانت أحسنمن الفيدرال

المهم أنا بعت الورق للمحامي في أول أسبوع في شهر أغسطس وهو بعته على مكتب كيبيك في سوريا واتفتح الملف بتاريخ 29 أغسطس 2005

استلمت بعد جواب فتح الملف باني استعد للمقابلة الكلام دا في أبريل 2007

في أوائل سبتمبر 2007 وصل جواب من حكومة كيبيك تحدد مكان وميعاد المقابلة الشخصية

يا موزك يا كندا دا أنا كنت بحب صندل في مصر

كنت أنا سافرت الكويت في يوليو 2006 ولما عرفت بميعاد المقابلة الشخصية نزلت على مصر وكنت قدمت استقالتي عشان كنت عامل حسابي إني ممكن أخد الفيزا خلال خمس أوست شهور من تاريخ المقابلة وقلت بالمرة الواحد يشوف بنت الحلال عشان الواحد عينه متروحش على موزة ماشية كده ولا حتة مارونجلاسيه معدية من هناك ... الواحد تعبان برضه

بعد المقابلة عرفت من المحامي بتاعي إنهم بقوا يطولوا مدة إنتظار المديكال وممكن استنى سنة واشتغلت في شركة بالقاهرة حتى يونيو الماضي

بعد عمل الكشف الطبي والحصول على الفيزا كان في ورق مع الباسبورفي معلومات عامة وشروط من السفارة الكندية كان المهم بالنسبة لي هو انه لو اتغيرت حالتي الاجتماعية أو عدد الأسرة زاد قبل السفر فلازم ابلغ السفارة وفعلا أنا عملت كده عشان كتبت كتابي بعد ما استلمت التأشيرة بأسبوعين وبعتولي ايميل يوضح الأوراق المطلوبة وكان من ضمنها ورقة السي اس كيو وفعلا بعت الورق المطلوب بعد ما أخدت موافقة كيبيك على مراتي بدون مقابلة تاني عشان أنا كنت جايب في المقابلة الشخصية 67 نقطة والمطلوب في كيبيك للسنجل 58 والمتزوج 66 وكيبيك لها نظام تقييم يختلف عن الفيدرال وأنا عرفت الاسكور بتاعي لما ضابط الهجرة قام يصور ورق وأنا في المقابلة وشوفت التقييم بتاعه وجمعته لأنهم مش بيقولوا لحد هو جاب كام

وعملت الكشف الطبي لمراتي المهم انفصلنا بعدها باسبوعين وعشان كده رجعت فرداني ... يالا عشان سكة مزاميزو تبقى كلها موز

وبلغت السفارة تاني وبعت قسيمة الطلاق مترجمة فبعتوا التأشيرة يوم 16 يوليو وسافرت تاني يوم 17 يوليو

فاصل ونواصل

[حسام يوسف]

اولا حمد الله ع السلامة ياباشمهندس

ثانيا رمضان كريم وربنا يكرمنا بفضائله

ثالثا عشان أتأكد بس مش حضرتك كان ليك صورة رمزية تانية ؟

رابعا منتظرين باقى الحلقات وياترى انت في الكيبيك ولا عملت زى التانيين؟

[مزاميزو]

السلام عليكم ورحمة الله وبركاته

الله يسلم الجميع نتابع تفاصيل السفر....

أنا هجرتي المفروض لكيبيك بس أنا ليا قرايب في تورونتو فكانت كيبيك بالنسبة لي بوابة لدخول كندا

حجزت على اللوفتهانزا من القاهرة لمونتريال مرورا بترانزيت حوالي ساعة في فرانكفورت وحجزت طيران داخلي من مونتريال إلى تورونتو وكان الفرق بين الطيارتين في ترانزيت مونتريال حوالي 5 ساعات

محصلش حاجة في الرحلة غير عادية غير إني لما وصلت فرانكفورت لقيت في مطر وأنا كنت فاكر الصيف في أوروبا أو حتى في كندا زي عندنا مفيش مطر

وطبعا وهم بيعملوا check في فرانكفورت على الباسبور قبل ما أطلع الطيارة المتجهة لمونتريال كان شكلى وحش عشان الباسبور فردة الشبشب بتاعنا .... فرعوني بقى :yahoo: طبعا مفيش بار كود في الباسبور والبار كود اللي على الفيزا مش عارفين يمرره على الجهاز عشان حجمه وبعد ما عدى يجي عشرين واحد من الموظف التاني كنت خلصت مهمتي بنجاح مع الموظفة اللي اصطادتني واكيد عرفت غلطة اللي يلعب مع المصريين وهي حلفت ما عدتش هتعملها تاني فما حدش يقلق يا جماعة

أنت بس قول مزاميزو وخلاص... :yahoo: احتمال معدناش هنعرف عنك حاجة تاني

مطار مونتريال طلعت مع الناس زي ما هي طالعة ومشيت معاهم في نفس السكة لحد ما وصلنا الكاونتر اللي بيتأكدوا فيه من الباسبور والفيزا والورق بتاعك

كنت نسيت أقول إنك بتستلم مع الفيزا 3 ورقات واحدة أصل و2 كربون متعملش فيهم حاجة لحد ما تسلمهم في المطار اللي هتدخل منه بيتختم الباسبور ختم دخول والموظف بشاورلك على المكتب اللي تدخلهبتاع الهجرة ..... بتوقف في الطابور لحد ما يجي دورك وبتوقع على ورقة CPR اللي أنت استلمتها مع الفيزا على الأصل وهي بتطبع على الورق الكربوني وبيدوك نسخة وبيطلبوا منك عنوان في أي حته في كندا عشان المكتب دا بتاع الفيدرال ما لهمش دعوة لو أنت هتقعد في كيبيك ولا لأ ولو ما معكش عنوان هيدولك ورقة تبقى تكتب فيها العنوان اللي ممكن تستلم عليه بريدك وتبقى تبعتها بالفاكس وهو دا اللي أنا عملته لأني كنت فاكر إن لازم العنوان يبقى في كيبيك والكلام دا مش صحيح

بعد ما تخلص معاهم هيشاورا ليك على المكتب الخاص بالهجرة لكيبيك لو هتقعد في كيبيك ادخل لهم لو هتعمل زي حالاتي مش لازمك إنك تدخل وتضيع وقت أنا دخلت وأخدت شوية ورق وعناوين لأماكن في مونتريال وكله متعان للذكرى والتاريخ

خرجت من مكتب الهجرة أخدت شنطتي وطلعت الدور التاني عشان الدور الأرض وصول والتاني سفر .... المهم طلعت للدور اللي فيه السفر وأخدت ورقة البوردينج للرحلة من مونتريال لتورونتو وفي مطار تورونتو كان ابن عمتي مستنيني وروحت معاه وأنا حتى تاريخه قاعد معاه

فاصل ونواصل

[مزاميزو]

اولا حمد الله ع السلامة ياباشمهندس

ثانيا رمضان كريم وربنا يكرمنا بفضائله

ثالثا عشان أتأكد بس مش حضرتك كان ليك صورة رمزية تانية ؟

رابعا منتظرين باقى الحلقات وياترى انت في الكيبيك ولا عملت زى التانيين؟

أولا الله يسلمك

ثانيا الله أكرم

ثالثا أيوه كان ليا صورة رمزية تانية بس الموجود حاليا صورتي الحقيقية

رابعا أنا سلكت مسلك كيبيك حتى اصل إلى أرض التوبة أونتاريو

[مزاميزو]

مبروك ياباشمهندس ع الاستقرار فى كندا

وبالتوفيق ان شاء الله فى الخطوات القادمه

منتظرين باقى التفاصيل

تحياتى

الله يبارك فيك والتفاصيل جاية إنشاء الله

حمد الله علي السلامه يا مزاميزو

وربنا يوفقك

الاخبار عندك ايه

ان شاء الله تكون تمام

مبروك علي افتتاح القهوه بتاعتك

وان شاء الله تنافس القهاوي الكبيره التانيه

احنا في انتظارك تحكي التفاصيل

من طأطأ الي السلام عليكواااااااااااااااااا

نصّار

الله يبارك فيك وعلى المنافسة البركة في الزباين

والتفاصيل هقول عليها بس على الله انتم ما تملوش منها

حمدالله عالسلامه ودعاؤنا لكم بالتوفيق

الله يسلمك ودعائك بالتوفيق لي هو خير ما أتمناه

تسجيل متابعة ... واحجز لي كرسي في القهمة يا عم مزاميزو... وفي انتظار قصة الرحالة مزاميزو في ارض التلج.... :yahoo:

يا باشا القهوة منورة بيك وانت مش عايز عزومة المشاريب هنا ببلاش للحبايب واللي جاي من ريحة الحبايب

اهلا وسهلا ببتوع المنصوره هلو كده ونوروا

اولا شكرا على المداخله وعلى عرضك المساعده

ثانيا انا مش فاهم يعني ايه رجعت فرداني تاني

ثالثا اين تقيم في كندا

مشكورا

أولا العفو لا شكر على واجب

ثانيا أنا انفصلت عن مراتي

ثالثا أنا في تورونتو

حمدللة على سلامتك.....تسجيل متابعة .........وفى انتظار التفاصيل

ويارب تكون فى موريال

الله يسلمك وارجو أن اكون عند حسن الظن ... وللأسف مش في مونتريال

الف مبروك وربنا يوفقك ان شاء الله عايزين تحكى كل شىء بالتفصيل الممل من اول ما غادرت مصر حتى الان وانطباعك عن البلد ايه

احكى واحنا معاك ومبروك تانى على القهوة بتاعتك يابشمهندس وبالتوفيق

كله جاي وبالتفصيل الممل

يا مزاميزو حمد الله علي السلامة واهم حاجة الموز بانواعه ما تنساناش

الله يسلمك .... أنت هتوصيني على الموز دول في عنيا

[hamoudi]

هل بالساعه التى قضيتها في مطار مونتريال ترانزيت قبل الذهاب الى تورنتو يعد اللاندينج بتاعك كيبك بالرغم من انك اعطيتهم عنوان تورنتو

[مزاميزو]

هل بالساعه التى قضيتها في مطار مونتريال ترانزيت قبل الذهاب الى تورنتو يعد اللاندينج بتاعك كيبك بالرغم من انك اعطيتهم عنوان تورنتو

بدخولك أي مطار في كيبيك تكون عملت اللانديج في كيبيك وممكن تسيب كيبيك بعدها بدقيقة مش بساعة

[حسام يوسف]

اتمنى حضرتك تكون مبسوط ونتمنى ناخد فكرة عن السكن واسعاره والشغل الكاجوال ومعادلة المهندسين عشان اخويا مهندس معمارى

وكل سنة وانت طيب بمناسبة شهر رمضان الكريم

[مزاميزو]

اتمنى حضرتك تكون مبسوط ونتمنى ناخد فكرة عن السكن واسعاره والشغل الكاجوال ومعادلة المهندسين عشان اخويا مهندس معمارى

وكل سنة وانت طيب بمناسبة شهر رمضان الكريم

أنا الحمد لله تمام والله

بالنسبة للسكن حسب الموقع كل ما بتقرب من منطقة وسط المدينة (downtown) الأسعار بتزيد عن أسعار الإيجار للشقق والبيوت البعيدة عن وسط البلد يعني شقة غرفة واحدة في وسط البلد بحوالي 1500 دولار وفي منطقة زي اللي أنا فيها اسمها سكاربو ممكن نفس الشقة بحوالي 700 دولار

أنا ساكن مع ابن عمتي وهو مأجر Basement أوضتين ب 550 دولار

بالنسبة للمهندسين في شكل ممكن من غير رخصة هنا مش لازم تعمل معادلة إلا إذا PEO طلبوا منك إنك تسدرس كورسات معينة إنما أنت ممكن تشتغل بشهادتك بدون تعديل بس أهم حاجة تكون اللغة بتاعتك ممتازة ولو في مهارات تانية زي الكومبيوتر وساعات بيطلبوا ان يكون في لغة تانية ممكن ساعات تبقى عربي دا لو في شركة فيها عرب أما المعماريين مش زي المهندسين في رخصتهم فهما ليهم منظمة تانية أنا بصراحة معرفش هي ايه

وأخيرا الله أكرم علينا كلنا

[حسام يوسف]

يعنى حضرتك لو أخويا المهندس ده بيعرف برامج هندسية زي الاوتوكاد والبرامج اياها بتاعة المهندسين دي

ممكن يشتغل من غير معادلات؟

وياترى خطط حضرتك ايه للمعادلة أو الشغل؟