مزاميزو في بلاد الثلج

[مزاميزو]

السلام عليكم ورحمة الله وبركاته

أرجع أكمل تسجيلاتي عن كندا ..... طبعا أول حاجة لفتت انتباهي هو المطر اللي أنا ما كنتش متخيله بأن في مكان بيمطر في الصيف وثانيا برودة الجو عليا وانا لسه جاي من 40 درجة إلى 22 هنا في كندا في شهر يوليو ولما سألت عرفت إن دا أبرد صيف جه في تاريخ كندا والكلام على لسان ناس هنا من سبعينيات القرن الماضي

الحاجة اللي طبعا هتبهر أي واحد جاي من الشرق الأوسط حيث الصحراء في كل حتة هو المساحات الخضراء الضخمة

أسفلت الشوارع في منطقة سكاربو حيث أسكن هي الأسؤ في كل تورونتو كلها نقر وحفر واسفلت مرقع زي ما يكون مكتوب عليا في مصر وهنا بس مش مشكلة احنا متعودين على جبال وبلاعات تشفط عربيات وعيال في مصر :wub:

منطقة سكاربو حيث اسكن غالبية سكانها من الصينيين والهنود والسود وإن كانت منطقة حيوية فسمعتها مش كويسة من سجل الجرائم هنايعني شوية قتل على سرقة بس عامة مش زي أفلام هوليود ومش كل يوم دا بتبقى حوادث فردية منفصلة

المهم دول شوية الانطباعات الأولية

نرجع لمرجوعنا أنا وصلت تورونتو يوم الجمعة الساعة 6:15 مساءا بتوقيت تورونتو طبعا أنا اخترت توقيت الويك اند حتى لا اسبب مشاكل لقريبي وفعلا عرفت ازاي اتحرك في تورونتو بالخريطة والشوارع هنا نوعبن يا شوارع باتجاه شمال و جنوب يا شوارع شرق وغرب وأنا باعني الشوارع الرئيسية اللي بتمشي فيها الباصات

يوم الاتنين روحت Town Center دا في سكاربو عشان أقدم على SIN ودا من أهم الكروت في كندا ولازم تعينه في حته أمان لأن لو وقع في ايد حد تاني ممكن ينتحل شخصيتك وتتبهدل بسببه... خلصت المشوار دا ورحت بنك RBC Royal Bank ودا من أحسن البنوك هنا وانصح اللي جاي يفتح حساب في RBC أو Canada Trust ودول أحسن بنكين هنا والكلام على مسئولية الناس اللي عابشين هنا من سنين طويلة وفي بنوك تانية زي CIBC و HSBC

أما كارت الأوهيب OPHIP ودا كارت التأمين الصحي فمعرفتش أعمله عشان هم طالبين اثبات للعنوان ودا بانك تجيب فاتورة أو Bank Statmant باسمك على عنوانك أو العنوان اللي بتستلم فيه بريدك يعني أنا ساكن في حتة والبريد بتاعي في مكان تاني فيه قرايب ليا بس هم مستقرين اكتر من ابن عمتي فيه

وفاصل ..... ونواصل

[مزاميزو]

يعنى حضرتك لو أخويا المهندس ده بيعرف برامج هندسية زي الاوتوكاد والبرامج اياها بتاعة المهندسين دي

ممكن يشتغل من غير معادلات؟

وياترى خطط حضرتك ايه للمعادلة أو الشغل؟

ايوه ممكن يشتغل من غير معادلات بس مش هياخد مرتب زي اللي معاه رخصة للمهنة وهنا الرخصة أهميتها في إن ختمك على اللوحات أو مستندات الشركة بيكون ليه تمن هو ان مرتبك أعلى

أنا بالنسبة لي باحسن مستوى اللغة عندي شوية كمان بالإضافة إني اخدت Workshop لكيفية كتابة السيرة الذاتية حسب المواصفات الكندية وكيفية البحث عن شغل وقدمت في PEO -Professional Engineers in Ontario ودي المنظمة الخاصة بالمهندسين على برنامج EIT - Engineer Intern Training عشان بعد سنة أقدر أقدم على امتحان الرخصة PEO Lisence ولو في حاجة مطلوب أعدلها فهيكون بناءا على طلب PEO عشان أنا ممكن أعمل معادلة ويرجعوا في PEO يطلبوا حاجة تانية زيادة فعشان لا اضيع وقت ولا فلوس على الفاضي

الحاجة اللي احب اوضحها إن المعادلة حاجة ورخصة الشغل حاجة تانية والرخصة طبعا هي اللي تساعد في الشغل مش العكس لأن انت حتى لو خريج جامعة من هنا دا لا يعفيك من انك لازم تعمل الرخصة

[hamoudi]

الاخ العزيز مزاميزو

هل اللاندينج في كيبك بالطريقه التى ذكرتها واعطائهم عنوان في كندا الفيدراليه لاستلام كروت البي ار مقبول ام ان هذا بالنسبه للكيبكاويه يجعلك من الاعداء

والا انت بكده تعد من الكيبكاويه

تقبل تحياتي

تم تعديل 22 أغسطس 2009 بواسطة hamoudi

[مزاميزو]

الاخ العزيز مزاميزو

هل اللاندينج في كيبك بالطريقه التى ذكرتها واعطائهم عنوان في كندا الفيدراليه لاستلام كروت البي ار مقبول ام ان هذا بالنسبه للكيبكاويه يجعلك من الاعداء

والا انت بكده تعد من الكيبكاويه

تقبل تحياتي

لا مفيش اي مشكلة خالص لأن اللي بياخد منك العنوان مكتب الهجرة التابع للحكومة الفيدرالية

وأنا حاليا لا أعد من الكيبكواه لأني عايش في اونتاريو بس لو عايز ارجع هناك ممكن ولو عايز اروح في اي حتة تانية في كناد مسموح مفيش مشكلة لأنك بتاخد تاشيرة لكندا مش لكيبيك بس

[ahmed el hady]

الاخ العزيز / محمد

طب وبالنسبة للتعهد الى بيتمضى فى الاوراق الفيدرال وانك بتتعهد انك هتعيش فى كيبك مفيش مشكلة منه

[Nassarlink]

لقيت شغل ولا لاسه يا مزاميزو

[hosiny]

موضوع جميل يا مزاميزو

رجالة المنصورة رافعين راسنا في كل حته

[مراد أنور]

حمد لله على السلامة يا مزاميزو :closedeyes:

وكل سنة وإنت طيب :unsure:

ومبروك على القهوة الجديدة smk:

وعااااااااااااااااااااااااااااااااااااندك واحد موز باللبن :blink:

[مزاميزو]

الاخ العزيز / محمد

طب وبالنسبة للتعهد الى بيتمضى فى الاوراق الفيدرال وانك بتتعهد انك هتعيش فى كيبك مفيش مشكلة منه

ولا له أي لازمة لأن الفيزا بتاعتك لكندا مش لكيبيك .... اتوكل على الله من كيبيك

وبالمناسبة ساكن جنبي واحدة من روندا ولغتها الأولى فرنساوي ومع ذلك مارحتش كيبيك عشان بتقول انهم عنصريين وعلى فكرة ليها قرايب هناك وقالتلي إن الكيبيكواه مش بيعجبهم الاكسنت الفرنسيين اللي جايين من فرنسا .... شوف بقى اللي جايين من بلادنا

[مزاميزو]

لقيت شغل ولا لاسه يا مزاميزو

لا والله لسه بس اسألك الدعاء وربنا يسهل عن قريب

[مزاميزو]

موضوع جميل يا مزاميزو

رجالة المنصورة رافعين راسنا في كل حته

ربنا يخليك يا باشا يا رافع من معنوياتي

حمد لله على السلامة يا مزاميزو

وكل سنة وإنت طيب

ومبروك على القهوة الجديدة :blush2:

وعااااااااااااااااااااااااااااااااااااندك واحد موز باللبن

موز ماشي إنما طلبك دا له معنيين حدد ايهم وانا تحت امرك

[مزاميزو]

نرجع لموضوعي عن الفترة اللي قضيتها هنا في كندا

أنا قضيت أول اسبوعين اركب الباصات عشان اكتشف البلد هنا .... بالمناسبة ممكن لما تيجي هنا تعمل اشتراك شهري للباص والمترو

هنا بيسمو المترو SUPWAY وهي شركة واحدة للباصات والمترو اسمها TTC - Toronto Transit Commission الاشتراك الشهري ب 109 دولار والأسبوعي ب 30 دولار

وممكن تعمله من أي محطة سبواي وموقع TTC على النت .... ممكن تشوفوا فيه خطوط المواصلات وأسعار التذاكر ومواعيد الباصات على المحطات الرئيسية

http://www3.ttc.ca/

وتقاطع الشوارع الرئيسية هي محطات الباص الرئيسية اللي ممكن تشوف مواعيد الباصات عندها وتعرف الشوارع دي لما تفتح جوجل Maps مثلا وتعمل زووم على الشوارع وتشوف شوارع لونها أصفر تكون هي دي الشوارع الرئيسية

وياريت لو حد يعرف ازاي ادخل الصور عشان ارفق صور بالموضوع عشان اوضحه أكتر يبقى كتر خيره

فاصل ونواصل

[سامح أنور]

تسجيل متابعة

و ربنا يوفقك يارب

تحياتى لك

[qenawy]

اهلا مزاميزو وعشان الصور الموز المنتظرة

تدخل علي موقع image shack وتعمل upload من الصور اللي عندك علي الموقع

هيديلك رابط للصورة تنسخه و تضغط علي ايقونة وضع صورة او اضف صورة في المنتدي بمنهي البساطة هتظهر

وادي رابط الموقع

image shack

[مزاميزو]

اهلا مزاميزو وعشان الصور الموز المنتظرة

تدخل علي موقع image shack وتعمل upload من الصور اللي عندك علي الموقع

هيديلك رابط للصورة تنسخه و تضغط علي ايقونة وضع صورة او اضف صورة في المنتدي بمنهي البساطة هتظهر

وادي رابط الموقع

image shack

قناوي باشا عندنا يا مرحبا يا مرحبا نورك غطى على الكهربا

نأسف لعدم تواجد الموز حاليا بس بعد عيد الفطر وعليك خير ليك عندي شوية موز على جنب

وبالمناسبة دي هرفع أول صورة عشان خاطر عمنا جناوي

والمبنى اللي سقفه عامل شكل 8 هو دا مبنى Town Center اللي عملت فيه SIN

[مزاميزو]

ألف شكر يا جناوي باشا

عشان عرفت سكة رفع الصور بالمرة بقى صور عن الطبيعة هنا

دا في جنوب هاميلتون منطقة الهنود الحمر واللي بيدخن اكيد هييجي هنا كتير لأن السجاير هنا أرخص والله أعلم لأني على السمع مش بدخن عشان أتأكد من المعلومة

[qenawy]

نأسف لعدم تواجد الموز حاليا

رمضان كريم

طب ما فيش مشمشية او قمر الدين

حته كنافة

حتة بقلاوة

ده احنا في رمضان

بعد الفطار يا سيدي

[مراد أنور]

مراد أنور' post='509257' date='Aug 24 2009, 03:28 PM']حمد لله على السلامة يا مزاميزو :rolleyes:

وكل سنة وإنت طيب :wub:

ومبروك على القهوة الجديدة :)

وعااااااااااااااااااااااااااااااااااااندك واحد موز باللبن

موز ماشي إنما طلبك دا له معنيين حدد ايهم وانا تحت امرك

الطلب ده ليه معنى واحد بس وإنت عارفه

تحب أوصفلك يتجهز إزاى؟؟؟؟؟؟؟؟؟؟؟؟؟؟؟؟؟؟؟؟؟؟

xxx

سلام يا بشمهندس ميزو

تم تعديل 30 أغسطس 2009 بواسطة moheltohamy
برجاء مراعاة تلميحاتكم يا سادة

[مراد أنور]

السلام عليكم يا بشمهندس ميزو :lol:

إزاى أخبارك و أحوالك -_-

وعايزين باقى الحلقات :110:

يالا ياعم بقى إحكيلنا و متحرمناش من خبراتك :lol:

سلام :lol:

[جبار سينج]

نورت كندا يا معلم ميزوو

وطنش صحبك طنش ما انت خلاص عديت