الرجل.. المرأة .. وسؤال غريب؟؟

[بنت شعنونة]

من خلال الغرببببببة المرة اللي انا عايشاها بعيييييد عنكم

لاحظت حاجا غرييييييبة جدااااا؟؟

ان الشاب المصري بيعرف يرفه عن نفسه كويييييس جداااااا!!!

يعني مثلا..

زمايلنا الصبيان لما بيبقى عندهم وقت راحة.. بيقعدوا يلعبوا كورة او كوتشينه او حتى مونوبولي او حتى يقعدوا يرغوا مع بعض او حتى يرغوا مع المرضات :angry: :blink: mc:

المهم انه يقضي وقت فراغه في حاجا ترفه عنه وخلاص

انما احنا البنات لا؟؟؟؟

يعني احنا وقت فراغنا يا اما بنغسل هدومنا او بنطبخ طبخة نفسنا فيها او لووووو حصل قعدنا نتفرج على التلفزيون او ننااااااااااااااااام...... انما اننا نلعب لعبة؟؟ او حتى نقعد نجري ورا بعض طيب؟!؟!؟!!!!

لابرضه؟؟

دا خلاني محتارة فعلا؟؟

هل ياترى البنت المصرية غير قادرة على المرح؟؟ وهل دا سبب انها بتبقى نكدية بعد الزواج؟؟

والا هل هيا بتكون مرهقققققة جداااااا ومحملة باعباء كتييييييير لدرجة ان النوم بيكون هدددددف من اهداف سعادتها؟

المشكلة انه ف بنات معانا بيشتغلوا من الساعا 8 لحد 2 الضهر بسسسسس

يعني شغلهم مافيهوش نبطشيات

ورغم كدا

بلاقيهم نايمين طووووووووووول اليوم تقريبا؟؟ :blink:

ولو خرجوا مرة في الأسبوع تبقى نعمممممممممة :blink: mc:

او الاقيهم ف المطبخ؟؟

طب ايييييه السبب ان الصبيان عارفين ينبسطوا واحنا لا؟

مع انه معظمهم بيشتغل وقت اطول مننا فعلالالا وبيرهق اكتر مننا

ورغم دا تلاقيهم يلعبوا ويهزروا وعاااااااييييييشين وقتهم

انما احنا حاسا ان عندنا مييييييت سنة؟؟؟؟!!!! :blink: :blink:

دا حتى مرة كان في افطار جماعي لنا مع بعض... البنات رفضوا ينزلوا بحجة انهم بيتكسفوا ياكلوا قدام حد؟؟؟؟

وكنت انا البنت الوحيدة اللي نزلت

وكان يوم سسسسسككككر جدااااا وكنا بنخطف الأكل من بعض

طب ايه السبب بقى في اللخبطة دي؟

وهل بعد الزواج الراجل بيفضل قادر على امتاع "نفسسسسه" وبيصطدم بعدم قدرة المراة على الأستمتاع بالحياة عشان كدا بيتهمها بالنكد؟

والا يا ترى عشان الرجالة مروقين وفيه ستات بتغسلهم وتطبخلهم ومش فارق معاهم ياكلو ايه او يناموا ازاي ف دماغهم فااااااااضية؟ mc: mf( :) :lol: mc:

تم تعديل 7 ديسمبر 2003 بواسطة بنت شعنونة

[Lighthouse]

اعتقد ان طريقة تعامل المجتمع مع البنت هي التي تجعلها لاتعرف كيف تقضي وقتها .

وان كان عندها وقت فراغ فهي لاتعرف كيف ترفه عن نفسها فيه . مش عارفة ليه

صراحة ساعات كتيرة باحس اني مش باعرف ارفه عن نفسي كويس

بالكتير ممكن اروح سينما مع واحدة صاحبتي او نقعد في مكان على النيل

وغير كده باكون في البيت

حتى هواياتي من النوعية التي تمارس في البيت ولا تحتاج حتى لمشاركة احد معي

مش عارفة

اعتقد ده يرجع لطريقة التعامل مع البنت بشكل عام وان مكانها البيت وكم الممنوعات التي تحاصرها .

حتى لو ضحكت بصوت عالي يتم توبيخها على ذلك

وهكذا

ولي عودة

[amir]

حمدلله على السلامه يا ست شعنونه

الحقيقه أن أجابة سؤالك ليه البنت مش بتعرف تعمل ترفيه لنفسها و لزميلاتها هـى أننا مجتمع ذكورى يعنى كل شئ فيه مباح للشاب اما البنت فقدامها محاذير كتير من صنع المجتمع و من العادات و التقاليد ، وهىللأسف عادات باليه و يجب تغييرها لأن مش معقول المجتمعات من حولنا بتتطور واحنا بنعمل خلف در .

و تأكيدا لكلامك أن البنت بعد الجواز ما بتعرفش ازاى تستغل أوقات فراغ جوزها و تشاركه فى هواياته أو يقعدوا مع بعض يتكلموا فى حاجه تكسر روتين الحياه و رتابتها ، لكن للأسف هى لا تستطيع أو بمعنى أخر لا تعرف فهى أصلا تربت على أن كل شئ ممنوع

ايه المانع أنك و مجموعة البنات اللى معاكى تلعبوا كرة السله أو الطائره طالما انكم مع بعض و عندكم وقت فراغ ؟ ايه اللى يمنع انكم تشتركوا مع باقى الزملاء مثلا فى عمل مسابقه ثقافيه و تستفيدوا من معلومات بعضكم ؟

لو جاوبتى بينك و بين نفسك على الأسئله دى حتعرفى ليه الراجل بعد الجواز بيهرب من البيت و بيطلع مع اصحابه و بينسى مراته فى البيت .

[هشام عبد الوهاب]

انما اننا نلعب لعبة؟؟ او حتى نقعد نجري ورا بعض طيب؟!؟!؟!!!!

لابرضه؟؟

دا خلاني محتارة فعلا؟؟

هل ياترى البنت المصرية غير قادرة على المرح؟؟ وهل دا سبب انها بتبقى نكدية بعد الزواج؟؟

أمسك ............ أعتراف صريح .... الحق ياداروين .

[Guest Mohd Gramoun]

ملاحظات علي الموضوع:

كتب أمير:

مجتمعنا ...مجتمع ذكوري... و هذا خطأ و إجحاف لحق المرأة كشريك أساسي و فعال في المجتمع المصري بدليل أن حالة بنت شعنونة أنها تؤدي رسالتها في المجتمع بالعمل حتي وإن كان عملها قد إستوجب رحيلها من المدينة إلي مكان آخر.

أما عن القول بأن كل شئ مباح للرجل؟؟؟؟ فهذا كلام غريب... قد يكون مباحا عند الإباحيين لكن مجتمعنا و إن كان هناك نشازا دائما به و إن كان هناك خروج عن المألوف ...لكنه دائما مجتمع محافظ لا يرضي بفعل مشين او يغضب الله....

و ماذكره أمير أيضا أن البنت قد تربت علي كل شيئ ممنوع ..خطا كبير ... المجتمع لا يمنع او يحرم إلا الخروج علي المألوف ولا أحد يتصور ان البنت كي تكسر حاجز الملل تتصل بزملاء عملها ليجلسوا علي مقهي ينفخون الشيشة و يتسلون او أنها تنزل من بيتها تتمشي في الشوارع بدون هدف.

أما عن هروب الرجل المصري من بيته فهناك أسباب كثيرة مشتركة بين المراة و الرجل منها:

* عدم إهتمام المراة بمظهرها و بنظافة البيت و رائحته.

* عدم مشاركة الزوجة لزوجها في برنامجه اليومي.

* عدم وجود برنامج أسبوعي مسبق للأسرة.

* الوضع الإقتصادي الذي حجم كثير من أرباب الأسر عن التواصل في نمط الحياة السابق.

* عدم تفهم الزوجة في بعض الأحيان لطبيعة عمل الزوج أو مؤثرات العمل.

وارجع لمشاركة لايتهاوس...

الترفيه له أساليب كثيرة قد تغفل عن البعض... فمثلا مشاركتك في هذا المنتدي هو نوع من الترفيه بتعرفة أحد هوايتك و ممارستها و هي الكتابة... أو الترفيه بالقراءه و الإطلاع.

و الخروج للسينما هو كسر للملل بطريقة غير مفيدة لأن السينما لا تقدم في كل الأحوال مادة مفيدة حيث أن معظم الأفلام المعروضة إما اجنبية لا تناسب مجتمعنا و لا يمكن الخروج منها بفائدة إجتماعية واحدة أما الأفلام العربية في تزخر بالإسفاف و الهبوط بدءا من الكتابة و إنتهاءا بالإخراج....

هناك اماكن كثيرة جديرة بالخروج إليها... المكتبات العامة ...الحدائق... النيل كما تفضلت و أشرت...المطاعم... الأسواق... صلة الرحم... الندوات الدينية وهناك الكثير و الكثير كل حسب رغبته و ميوله.

ويا اخت لايت هاوس... هل لديك قناعة أخري بأن البنت ليس مكانها البيت؟...أليس البيت أفضل للبنت من الخروج و التسكع في الشوارع بين نظرات الذئاب و كلمات المنحرفين و تعليقات التافهين؟ وهذا امر لا يحدث دائما ولكن النار دائما من مستصغر الشرر...

و الضحك بصوت عال مرفوض للرجل و للمراة و ليس حقا أصيلا للرجل كي تنازعه فيه المرأة ... و إن الإبتسامة أفضل كثيرا من القهقهة أو الهئهئة... و أسألك هل تعجب المرأة أو تحب الرجل الذي يضحك بصوت عال؟ ...

تم تعديل 7 ديسمبر 2003 بواسطة mgramoun

[بنت شعنونة]

بص يا لايت

كلامك صح عند نسبة كبييييييرة جدا من الناس

بس المفروض ان كل واحد فينا عارف ايه ممكن يبسطه ويعمله

يعني فيه ناس متعتها الفعلية انهم ينامو؟!؟ :blink:

وناس تانية متعتها العظيمة التلفزيون :angry:

انما المشكلة في الناس اللي مش عارفا ايه ممكن يبسطها!!! "زييييييي كداااااا" :blink:

استاذ امير..

الله يسلمك

وكلامك صحيح على العموم في الناس

انما في حالات زي انا مثلا

ما قابلتش المحاذير المعتادة للبنات في تربيتي

ورغم كدا لما وصلت مطروح بقيت زهقاااااانا جدا جدااااااا

ومش عارفا اعمل ايييييه

دا حتى اني اطلع اتمشى انا و البنات مش نافع!؟

بقيت اخد بعضي واتمشى بحجة اني بشتري اييي حاجا

زي المجانين كدا!! :lol:

دا انا حتى بقولهم ايه رايكم في ليلة راس السنة نعمل تغيير

عشان في العيد كنا بنتين بس وما عملناش حاجا غير الشغغغغغغل

ف قلت نعوض العيد بليلة راس السنة

وانا في بالي اجيب زمامير وبالونات وانوار بقى ونهرج في السكن

لقيت البنات بمنتهىىىىىى الأحباط بيقلولي وها نعمل ايه يا حسرة!!!!!!!!!! :blink: :blink:

طب نلعب بالبالوناااااات حتى ونشغل كاسيت

لقيتهم بمنتهى التخلف بيردوا عليا

ومين الل ها "يحيي" الليلة؟؟ انتي؟

بجد بجد اتنرفزززززززززت

وقلت انا ها اجيب البالونات واعلقها في الأوضة عندي واللي عاوز يجي يجي بقىىى mc:

استاااااذ هشااااااام اشتقنااااالك جداااااا

على فكرة انا عاملة شغل شدييييييييييد جدا مع كل الحنفي في مطروووووووح

قتلتلهممممممممممم mc:

استاذ مجرمون

ممكن يكون ف حاجات من كلام حضرتك صح

بس مثلا

هناك اماكن كثيرة جديرة بالخروج إليها... المكتبات العامة ...الحدائق... النيل كما تفضلت و أشرت...المطاعم... الأسواق... صلة الرحم... الندوات الدينية وهناك الكثير و الكثير كل حسب رغبته و ميوله.

طب دلوقتي حل المشكلة دي

مطروح مافيهاش مطاااااعم ولا حدائق و لامكتبات

اروح فييييييين؟؟؟

ويا اخت لايت هاوس... هل لديك قناعة أخري بأن البنت ليس مكانها البيت؟...أليس البيت أفضل للبنت من الخروج و التسكع في الشوارع بين نظرات الذئاب و كلمات المنحرفين و تعليقات التافهين؟

يعني احنا مفروض نعش ونموت ف البيت يا اخ مجرمون؟

طب فين حقنا في الحياة الطبيعة؟؟؟؟؟

والا نرجع لوأد البنات اريييييييييح؟؟؟ :blink:

[بنت شعنونة]

وبعدن انا عندي كلمتين تاعبنييييييي استحملوهم

طب ما فيه ستات متعتها انها تقعد مع صاحبتها على التلفون او حتى يزوروا بعض ف البيت

وتلاق جوزها ضارب بوز وعمال يزعق على الزيارة دي وهاتك يا صويت من الفاتورة؟

دا غير اننا لو حبينا انكم تخرجونا بتزلونااااا يعني عشان نخرج نتفسح ف اي حتة؟

مرة مشغولين

مرة مكسلين

انما سبحان الله مع اصحابكم هوااااااااااا

النشاط و الحيوية بتهللللللل عليكم فجاة :angry:

[فــيــروز]

موضوع رائع mf( ومن الحاجات اللى باحب اتكلم فيها و افتى :P :P

الحقيقه نحن كشعوب لا نعرف كيف نقضى اجازه حقيقيه او وقت راحه بطريقه صحيحه

يعنى معظم الزوجات يقضين يوم الاجازه فى الغسيل و الطبيخ و التنفيض و حموم العيال وكوى هدوم المدرسه :blink:

والازواج على الجانب الآخر يروحوا يصلوا الجمعه و يرجعوا يقروا الجرنال ويتكوموا قصاد التليفزيون :lol:

ويمكن الاجازه الوحيده التى يتغير فيها هذا الروتين بتكون لو سافروا مصيف mc:

يعنى قضاء وقت الفراغ فن نحن جميعا بحاجه لتعلمه .. انا شخصيا باحاول لغاية دلوقت ومش عارفه اوصل لنتيجه مرضيه :blink:

ليه بقى حالنا كده؟ فى الغالب وفى رايى المتواضع لانه ليس لدينا تنظيم حقيقى للوقت وفصل لوقت الجد عن وقت الهزل

وقت الشغل نشتغل شويه و نلعب شويه ووقت الاجازه يبقى من ده على ده بردو .. يمكن لان الوقت فى حد ذاته سواء للترفيه او العمل يفتقد التقدير الحقيقى لقيمته لدينا .. :angry:

السبب التانى اننا -كبنات او اولاد حتى- مش بنتعلم من الصغر يبقى لنا هوايه نحرص عليها ونمارسها بحب mc:

طبعا ضعف الامكانيات فى احيان بيكون السبب لكن من قال ان الهوايات كلها مكلفه .. وبالتالى اما نكبر مانعرفش نقضى وقتنا فى شئ ممتع .. ايه اجمل من قضاء وقت الفراغ فى هوايه محببه !! mc:

قد يزداد الامر شويه لدى الفتيات عن الاولاد لان البنت فى مجتمعنا يعنى نوعا ما تتصرف حتى الآن بطريقة رد الفعل وليس الفعل المباشر .. ده رايى الشخصى .. الولد ممكن جدا ينزل يلعب كوره ولا بلى فى الشارع .. لكن البنت صعب جدا تقوم بهذا بعد ان تتخطى سن الطفوله وبالتالى لو مفيش امكانيات تروح نادى مثلا يبقى اقصى رياضه ممكن تمارسها انها تنزل تمشى فى الشارع .. وان كان هذا ايضا عليه محاذير وليس مقبولا على جميع المستويات :blink:

لا يمكن ايضا انكار ان البنت منذ الطفوله بتكون لها مهام منزليه مختلفه عن اخيها .. فهى ست البيت مكان الام و بالتالى مفروض تقضى اجازاتها المدرسيه تتعلم الطبيخ .. ده شئ فى حد ذاته جميل لكن ان تتحول الاعمال المنزليه الى النشاط الرئيسى الذى تقضى فيه البنت اجازتها شئ بالتاكيد سينعكس عليها فى المستقبل فى انعدام جود هوايه تحبها وتمارسها mc:

انا شخصيا صعب اخرج فى يوم غير يوم الاجازه :) لانى بارجع البيت بعد يوم عمل طويل وبيبقى صعب اخرج و ابقى منتعشه وحالتى عاليه بعد الطحن ده .. :blink:

اما ان الرجل يقدر يمتع نفسه بعد الزواج بمعزل عن زوجته فهو امر يحتاج لمجهود من الطرفين

يعنى الزوجه تشوف ايه من هوايات و ميول الزوج يمكن ان يتشاركا فيه وهو كمان يحاول يبحث عن شئ هى بتحبه ويشجعها يعملوه مع بعض .. المفروض لو عاوزين المركب تمشى يبقى فيه تعاون :blink:

[بنت شعنونة]

طب دا لو متجوزين يا فيروز

انما لو عالم زينا كدا

في المنفى

و وقت الشغل ببقى شغغغغغغغغغغل بحق ربنا

ليه مش عارفين نعمل حاجا تانية في وقت الفراغ؟

بجد اللي بيحصل انه لو واحدة فكرت تفتح التلفزيون تلاق مافهوش حاجا عدلة تروح داخلة نايمة

او لو وراها غسيل او مكوة تعملها

وغير كدا لو اتكلموا شوية نميمة وشوية تحف من الشغل اليومي وخلالالالالالالالاص :angry:

دا انا بفكر اخد الباتيناج بتاع اتزحلق هناك من الزهقققققق والله

بس خايفة يقولوا عليا هبلة.... :blink: :blink: :blink:

[Guest Mohd Gramoun]

أختي بنت شعنونة....

مطروح شانها شأن بقية المدن الصغيرة بها اماكن الترفيه التي تناسبها...وممكن تقضي وقت ظريف في فندق الهنيمون أو البيتش هاوس و أعتقد هناك ثالث اسمه رويال ....

و في مطروح مكتبه معقولة في النادي الإجتماعي...

و فيها محلات لبيع معظم الأغراض ...وفيها الرمال الصافية و البحر...

من الممكن أيضا ان تشحني معك لمطروح جاهز الكمبيوتر لإستخدامه وقت الفراغ... أو شراء مجموعة من الكتب او إستعارتها بغرض قرائتها في مطروح....

و لدي لك نصيحة جيدا أن تبدأي رحلة القرآة هناك بالأربعون النووية ففيها فوائد كثيرة ...

وإذا كنت لست من هواة القراءه... مارايك بالبلاستيشن.....

اما بخصوص البيت و البنات ...فأنا لم اقصد بتاتا أن تلزم البنت البيت بمعني الحبس الإجباري او رهن الإقامة الجبرية الأمر الذي شققت منه العودة لوأد البنات (عادة جاهلية حرمها الإسلام) ولكن ما قصدته ان البيت بدلا من الخروج في الشوارع دونما هدف إلا لمجرد كسر الرتابة و الملل.

بالمناسبة انا أحب البنات جدا و الحمد لله الذي رزقني نور(6) و سلمي(3) و مريم(1/2)..

ربنا يوفقك ...

[بنت شعنونة]

استاذ مجرمون

حضرتك طييييييب جدااااااااااا

الفنادق اللي حضرتك ذكرتها دي مقفولة دلوقت بالضبة والمفتاح لحد ما الصف يرجع تاني :blink: :lol:

وبالنسبة للنادي الأجتماعي دا اوعدك اني ادور عليه عشان انا ما شفتوش لحد دلوقتي :blink:

اما الكتب ف احنا اتهرينا قراااااااية هناك سواء مراجع طبية او كتب طبية ودني او حتى ورقة جرنان مرمية ع الأررررررررض :blink:

اما موضوع ان اخد جهاز الكمبيوتر هناك

mc:

فين خط التلفووووووووون اصلالالالالالالالالا

وغير كدا

فين الوقققققققققت الي ممكن نقعد فيه على الجهاااااااااز

دا لو اتوفر وقت بناااااااااام فيه

زي ما نكون جمال بنحوش النووووم عشان نجتره وقت الشغل mc: :blink:

اما موضوع البلا ستشن

ف دي فكرة بجد

ها اتصل اسالهم التفزيون الل هناك في امكانية اننا نشغلة والا لا...

دا حتى البنات كانوا بيفكروا يجبو "وصلللللة" للدش بتجيب 10 قنوات باين

وخايفين لا المديرة ترفض!!!!!!

ها اموووووووت واعرف ترفض لييييييه؟؟؟؟؟؟ :angry: :blink:

[فــيــروز]

طب دا لو متجوزين يا فيروز

انما لو عالم زينا كدا

في المنفى

و وقت الشغل ببقى شغغغغغغغغغغل بحق ربنا

ليه مش عارفين نعمل حاجا تانية في وقت الفراغ؟

بجد اللي بيحصل انه لو واحدة فكرت تفتح التلفزيون تلاق مافهوش حاجا عدلة تروح داخلة نايمة

او لو وراها غسيل او مكوة تعملها

وغير كدا لو اتكلموا شوية نميمة وشوية تحف من الشغل اليومي وخلالالالالالالالاص :blink:

دا انا بفكر اخد الباتيناج بتاع اتزحلق هناك من الزهقققققق والله

بس خايفة يقولوا عليا هبلة.... :blink:  :blink:  :blink:

يا بنتى حيرتينى :blink:

يعنى فيه وقت فراغ ولا مفيش وقت فراغ :lol:

ما علينا

فكرة الباتيناج كويسه و اقترح عليكى تاخدى حبل و تبقى تنطى الحبل هناك .. منها رياضه ومنها تضييع وقت فى حاجه مفيده اظن معظم البنات بتعرفها "تعرف ناس مش بيعرفوها :angry:"

وايه رايك تخرجوا تعمل كامبينج بره فى الصحرا لمدة يوم من الصبح مثلا mc: بعيد طبعا عن الكائنات الضاره ان وجدت فى المنطقه المجاوره .. بجد ليه لا خصوصا ان ده شئ غير متاح فى مدن مزدحمه زى القاهره mc:

[بنت شعنونة]

كامبينج؟؟؟؟؟؟؟؟؟؟؟؟؟

في مطروح؟؟؟؟؟؟؟؟؟

بنات بس؟؟؟؟؟؟؟

وف البرد دا؟؟؟؟؟؟؟

انت عاوزاهم هدروا دمنا هناااااااااااااااك

sdm: sdm: sdm:

دا احنا لما بنلبس الوان بيقعدوا يبوصوا علينا زي ما نكون كائنات خراااااافية :angry:

وقت الفراغ بكون موجود بس انا قصد على وقت الترفيييييه

افهمك

بمعنى

مثلا انا ممكن كل يوم عندي ساعتين فراغ دا غير وقت النوم من 12-8 بالليل

الساعتين دول يا غسيل يا مكوة يا نوم تاني

انما قصدي لو زاد الوقت عن ساعتين او مثلا فضيت نص يووووووم بحاله

في الحالة دي الوقت بيبقى ممل اوووووووي ويكون الشغل ارحم

فهمتيييييييييني يا فندم :blink: :blink: :blink:

[فــيــروز]

قفلتيها يعنى :blink: همممممممممممم :blink:

طيب ادينى فسحه من الوقت و ارجع بحلول مبتكره :blink:

بس بخصوص موضوع الكامبينج يعنى مش انتم بتخرجوا الى الصحراء فى القوافل الطبيه زى ما قلتى؟ :angry:

طيب يفرق ايه ده عن الكامبينج؟ معلش اخوكم و مش من البلد دى يا ناس :blink:

وايه موضوع الالوان ده !! هو الالوان السائده هناك الاسود الفاتح و الاسود الغامق ولا ايه؟ :blink:

عموما لو وقت الفراغ قصير طبيعى تبقى الانشطه فيه محدوده .. آخرها قراءه او تليفزيون نظرا لظروف المكان وضيق الوقت .. و الوقت الاطول محتاج تقنعى زميلاتك انهم محتاجين يغيروا الروتين واكيد هييجى عليهم وقت يزهقوا من الحياه الرتيبه و يشتركوا معاكى

[Lighthouse]

ويا اخت لايت هاوس... هل لديك قناعة أخري بأن البنت ليس مكانها البيت؟...أليس البيت أفضل للبنت من الخروج و التسكع في الشوارع بين نظرات الذئاب و كلمات المنحرفين و تعليقات التافهين؟ وهذا امر لا يحدث دائما ولكن النار دائما من مستصغر الشرر...

و الضحك بصوت عال مرفوض للرجل و للمراة و ليس حقا أصيلا للرجل كي تنازعه فيه المرأة ... و إن الإبتسامة أفضل كثيرا من القهقهة أو الهئهئة... و أسألك هل تعجب المرأة أو تحب الرجل الذي يضحك بصوت عال؟ ...

mfb: :lol:

مش عارفة يااخ مجرمون ايه في كلامي يدل على اني بادعو البنات للتسكع في الشوارع والتعرض لكلمات المنحرفين والتافهين !!!!!!

وايه قلته يعني اني بادعو البنات للقهقهة والهئهئة !!!!

وشكرا على نصايحك لقضاء وقت فراغ فيما يفيد :D

[Guest Mohd Gramoun]

يا اختي لايت.... رجاء ...لا داعي علامات الغضب... قد يكون خانني التعبير ..لكن ما كتبته هو بغرض عقد المقارنة لا القصد منه إنتقاص كلماتك او فهمها علي غير مقصدها.. و سؤالي لك ليس معناه انك تحرضين علي فعل او أنه هو مسلك شخصي لك ..مجرد كلام عام ليس له صلة قريبة أو بعيدة لشخصك الذي أكن له كل تقدير وإحترام...

وإن أحسست أن كلامي كان به شئ من القسوة أو الحدة فتقبلي إعتذاري مقدما

[بنت شعنونة]

على فكرة

عشان يكون كلامنا واقعي برضه

الشباب برضه لما بيتفسح بيروح حتت معينه بعينها

يعني يا اما قهوة يا اما بيلعب كورة يا اما بيلف بالعربية

الصعب فعلا انك تعرف ازاي تسعد نفسك في حدود امكانياتك المتاحة

اللي بلاحظة ان الشباب عنده القدرة دي

انه يحول اي حاجا لمصلحته هوا

انما البنت لا

غالبا ما بتعرفش

يمكن ممكن تعرف تسعد غيرها

انما نفسها لا

mfb: :lol:

[بنت شعنونة]

اتفرجت امبارح على برنامج على الي ار تي

كان بيتكلم عن الرجل و المراة بعد الزواج وعمليات التجميل

ف فيه واحدا طلعت قالت ان الرجل لا يتزوج الا عشان المتعة فققققققققط لا غير

وانه كل اللي يهمه في مراته انها تكون اموووووورة طول الوقت وبس

مش مهم بقى يكون عندها عقل

بالعكس لو كانت غبية ف دا بيكون احسن

واستدلت على دا ان الراجل لما بيحب يتكلم في السياسة او الرياضة مش ها يروح لمراته حتى لو كانت مثقفة وواعية ومتحضرة انما ها يروح لواحد صاحبة

انما عشان "ينبسط" لازم يروح لمراته!!!!!!!

وعتبت على كل الستات عدم فهمهم للمنطق دا وانهم بيدوروا على العقل اولا ثم الشكل بالنسةبة لهم وانهم بيزعلوا من الراجل لما يقعد "يعاير" مراته بجمال نانسي عجرم او اليسا

او اختنا رووووووووووووووووبييييييي هانم

ف حبيت اسألكم....

الكلام دا صحيح قاااااااااااااااللللل؟؟؟؟؟؟؟؟؟؟؟؟؟ :o :o :o :o :o :huh: :huh: :huh: :huh: :huh: <_< <_< <_< :angry: :angry: mfb: ;) :angry:

[Farida]

لا يا شانا الكلام ده مش صحيح .... الرجل المحترم يحترم المرأه الذكيه و يحب ان زوجته تبقى صديقته و حكايه انها 24 ساعه تبقى أمورة بس تبقى حاجه تزهق

[فــيــروز]

واستدلت على دا ان الراجل لما بيحب يتكلم في السياسة او الرياضة مش ها يروح لمراته حتى لو كانت مثقفة وواعية ومتحضرة انما ها يروح لواحد صاحبة

انما عشان "ينبسط" لازم يروح لمراته!!!!!!!

وايه اللى يمنع ان يلجا لزوجته فى الحالتين اذا كان هذا بالامكان !!

انا رايى ان هناك امور ليس فيها قاعده عامه !! ولكن لا ينبغى ان يطغى الاهتمام بجانب على الجوانب الاخرى !! يعنى ممكن المراه تهتم بجمالها و اناقتها حتى تسعد زوجها ولكن ليس على حساب اهتمامها بثقافتها وتنمية معارفها !! هو يابيض ياسود !! <_<

كما ان المراه الغبيه لم تعد جذابه كما يدعى البعض لان العصر الذى نعيشه الآن فى رايى لا يتحمل اى غباء من اى طرف لا الزوج ولا الزوجه بل كل منهما سيستفيد من ذكاء الآخر بدون شك