مذكرات طبيبة صغنونة فى الصحراء

[ragab2]

نتمنى

لكى السلامة وهدوء البال فى المكان الجديد

ونأمل أن نظل نقرأ لكى مواضيعك الجريئة الشيقة

من موقعك الجديد

تحياتى

[بنت شعنونة]

ربنا خليكم كلكم

الطشت ها اخبيه مع بابا "وش واحدا حاسا انها داخلة الشغل بزفة طشششت!!!"

د.رجب ربنا يحليك يارب..

اخر مدالخة ليا قبل الرحيل

فاضل 3 ساعات واقل ع السفر

مش قادرا انام

ولا بابا كمان

انا مرعووووووبة جدا

ادعولي ارجوكم ان ربنا يعديها على خير

حاسا زي ما تكون الرحلة دي اخر عمري :-(

زي ما اكون رايحا اموت!!

احساس غريب جدا

ربنا يستر

دعواتكم وها توحشوني اوي

وخلوا بالكم من بعض لحد ما ارجع

لو مكتوبلي عمر...

[MuslimaEgyptian]

السلام عليكم د. شانا

يا رب تلحقى تشوفى مداخلتى قبل ما تسافرى إن شاء الله...خلى بالك من نفسك ...مكنش ينفع واسطه ولا حاجه تخليكى فى مصر؟ ليس تشجيعا لمبدأ الواسطه طبعا ولكن لا بأس بها لو بيبهدلوا بنات الناس كده فى السلوم وحاجات كده إسمها بيخوف.

ربنا معاكى إن شاءالله وربنا يحفظك وتطمنينا عليكى

وأدعو لك بالمزيد من التقدم فى مجال إنسانى جميل كمهنه الطب..وتكون السلوم خطوه من خطوات النجاح فيه..

نلقاك على خير...

لا إله إلا الله...

[بنت شعنونة]

وحشتوووووووونييييييي جداااااا الحبة دووووووووول :-))

ياترى انا كمان وحشتكم؟

اول مارجعت من السفر رميت الشنطة ودخلت ع النت عشن اشوفكم لقيت المنتدى مقفول

الحمدلله انه فتح عشان انتوا وحشتووووووني قووووووي

راحا يوم وراجعا تاني يوم الجمعة ان شاء الله

انام حبببببة بس وارجع احكيييييلكم ع المهاااااااازل اللي انا عملتها هناااااااااااااااك "وش مغمى عليه من كتر الضحك"

بس بجد بجد

وحشتوووووووووووووونننننننيييييي اووووووووووويييييييييي

[freefreer]

الله مفاجأة حلوة بجد .. متشوقين نسمع حكاويكى و ععملتى ايه فى اهل مرسى مطروح الغلابه ..

[SANAA]

الف حمدلله على السلامه

كده تشوقينا وتسبينا

يالا اصحى وبقى نامى في طريق الرجوع

[بنت شعنونة]

اولا انتوا وحشتووووووووني اووووووي

نحكي بقىىىىىى

بعد الديباجة والذي منه و الغلاسة المعهووووودة بتاعت الموظفين وفييييين وفين على ما استلمت الشغل في المكان اللي انا عاوزاه بعد ما عملت افلام

لكن الحمدلله ربنا سترها معايا وعدت على خيييييييييير :rolleyes:

رحت بقى استلم السكن

لقت الغرفة مليااااااااانة بلالالالالاوي المهم جبت العاملات ينضفوها لحد ما انا ارجع

خلصت ورقي والعاملات كانوا نزلوا وكان فاضل اني اطلع بقى ارص شنطييييييي واقعد بقى واشوف حالي

اول موقف كوميدي

السكن عبارة عن طرقة فيها يجي عشر اوض يمين وزيهم شمال وكل الأبواب شبببببه بعض!!! :blink:

مافيش ايييييي حاجا مميزة للابواب!؟

وطبعا قعدت اووووول يوم ادخل اوضت البنت اللي جنبي

وادخل عليها زي الزاوخ

زوووووووووو

الاقي البنت تصحى من النوم مفزووووعة :o وتصوت في وشي

اقوم اكتشف انها مش اوضتي و انها اوضة اللي جنبي

اعتذر وارجع اجري على اوضتي

وكدا يجي 876548746876543 مررررة

لما البنتتتتتت طهههههههقت مني واكرهتنييييييي ;)

طب اعمل ايييييييييه ما البيبان كلها نفسسسسسسس الشككككككل :angry:

دخلت الاوضة لقيت الحماااااام معفففففن زي ماهوا :angry: :(

وكان لازم انا انضفه

اناااااااااااااااا انضف التوالييييييييييييييييييتتتتتت؟؟؟؟؟؟؟؟؟؟؟؟

وفيه "......" بتاعة لازقة كمااااااااااااااااااااان :angry:

طبعا نزلت زي الأمورة

درجن درجن درجن

رحت جبت فرشة حمام وفرشة تواليت وصابون وبتاع

ولسا ها ابتدي؟

لقيت اني ناسيا اشتري سلاكة بلاليع

رحت نازلة تاني

درجن درجن درجن...

جبت سلاكة وجردل زبالة

لسا ها ابتدديييي انضف

اكتشفت اني نسيت اشتري مساحة ارض

رحت نازلة

درجن درجن درجن

جبتها ورجعت

وهوبااااااااا

رحت لايسا جوانتي الحمام ومسكت الفرشة بتاعت التواليت

ان نفسيييييي تجيبني انضفه!!!!!!

ابدااااااااااااااا :(

واخيرا قررت اغمض وانضفه وانا عمالة اطلع كللللل انواع الموسيقة التصويرية

ياااااااع

يووووووع

اخييييييييي

اخي اخي اخيييييي

يع يع يع يع

وهاتك يا صويييييييت لحد ما اتنيييييل نضضضضضضف وانا كنت ها ارججججع اللي في بطنننننيييييييييي

"معلش قرفتكم بس لازززززم تحسوا بمعاناااااتييييييييي : :angry: <_< "

المهم نضفت وسيقت الارض وافلالالالالام ورشيت ولكه تمام

دا اول موقف

التاني بقى حصل تاني يوم لما جيت اسال ع الأكل

قالولي انه بيبقى حلل محطوطة على الترابيزة في المطبخ وكل واحد ياخد منابة

طلعت لقيت صننيية كبيييييرة في بطاطس وفرخ قطع

وحلة فيها "شوووووية" رز يادوبك يكفوا 4 انفار بالعافية

وصنينه تانية صغبرة ملفوفة بفويل :blink:

فتحتها وببص جواها لقيت حاجا كدا شكلها ما يسرش!!!

المشكلة انه الصنينة كانت مجمدة؟؟؟

قلت انا مش ها اكل من دي ها اكل من التانين

وكان ورايا بنت واقفا بتعمل حاجا في الفرن

لقيتها بتبصلي شزراااااااااااااا

وراحت واخدا الصنينية وطلعت تجري من وشي وهيا مش طاياقااااني

اتااااااااري الصنينية دي اكلها هيا وانا فتحته غلللللللط : :huh: <_<

طبعا طلعت اجررررري من وشها قبل ما تقتلنييييي :ph34r:

الموقف التالت

البنات كلللللهم محجبات

بعد لما اتعرفت عليهم وسلمت عليهم تحت

لما طلعت السكن كانوا كلهم فوق وغيروا بقى وقاعدين براحتهم

قعدت اسلم علهم تاني واعرفهم بنفسي!!!!!!

انا ما عرفتهممممممممششششششش لما شالوا الطرح ولبسوا لبس البيييييييييت :angry: <_<

طبعا كلهم عندهم يقين اني مجنونة دلوقتيييييييي <_< :blink:

[بنت شعنونة]

المواقف تاني يوم بقى

مش عاوزة اقولكم انه كذااااااا ممرض افتكره دكتووووور

وكذا دكتور افتكره عياننننن

وافلالالالالالالالالام

جت حالة وانا واقفة في الأستقبال..حالة سيكو

اهلها مزعلينها واغمى عليها وجايبنيها بالاسعاف

المهم

عارفين فيلم ريا وسكينة؟

فاكرين شكل ريا؟

هيااااااا بس على لون بنيييييييييييي :(

والله زي ما بقولكم

المهم هيا كانت في غرفة الأنعاش

ودخلت وقفلت الباب عليا انا و2 ممرضات وواحدة من قرايبها

المهم

اضربها

مش بتفوق؟

قلت بقى اضغط فوق عنيها "دا مؤلم جدا" عشان تفوق

مافاقتش برضه

قلت ما بدهاش اقرصها

رحت قارصاها

قعدت تصوت وهيا معغمضة

وانا اقولها قوليل اسمك ايه وفتحي عينيك

ودي تصوت

وابتدت تخربش ايدي وتزقني

فخليت الممرضات يمسكوها ويكتفواها كل واحدا ماسكا ايد

المهم انا اقرصها وهيا تصوت

وفجاة

راحت مصوووووووته صويتة شديدة <_<

ورحت حادفانا احنا التلاتا من فوقيها

;)

وهوياااااا

راحت قايما واقفا وعملت زي الساحرة الشريرة جدا وبتجز على سنانها ومدت ايديها قدامها وطلعت تجري ورانا <_< :angry: <_< <_<

احنا شفنا المنظر دا

ورحنا زوووووووووووووووو

جرررررري احنا التلاتة على برا واحنتا بنصرخ حد يلحقنا منهااااااااااااااااااا :rolleyes:

[فــيــروز]

اولا حمدلله عالسلامه :rolleyes: و رمضان كريم

ثانيا

درجن درجن درجن...

دى عجبتنى اوى ;) <_< <_<

ثالثا

راحت قايما واقفا وعملت زي الساحرة الشريرة جدا وبتجز على سنانها ومدت ايديها قدامها وطلعت تجري ورانا

<_< <_< :angry: تهلك من الضحك فعلا

[بنت شعنونة]

فيروووووز وحشتيني جداااااااا :angry:

وبعدين انتي عارفا درجن درجن دي

السبب فيها انه الناس هناك حافظييييين بعض والزي الرسمي هناك النقاب

ف طبعا انا كنت هناااااااك مشهوووووورة عشان مش منقببببببة :rolleyes:

المهم

المستشفى الشارع بتاعها مليااااان محلالالات انما كلها على بعد كيلو او اتنين

ف لكسل اركب تاكس وبروح مشي

ف القهوة اللي جنبنا دا غير صحاب المحلات بصولي واستغربوا مين الوافد الجديد في مطروح دا؟ <_<

ف شافوني رايحا جايا ابو 9 مرات كدا وكل مرة ماسكا حاجا عجب

مرة مساحة مرة فرشة حمام مرة جردل <_<

لدرجة انهم ابتدوا يخمنوا انا ها ارجع ب ايه ;)

وابقى سامعااااااهم وانا راجعااااااااا عمالين يخمنوا <_<

لدرجة انه رئيسة الممرضات من كتر ما ضحكت على منظري وانا داخلة خارجااااااا قالتيلي

انتي فرشتي الشقققققة فوق والا لسا يا دكتووووورة <_< :angry: :angry:

عشان كدا بقيت اخدها جرررري من قدامهم "درجن درجن درجن"

[فــيــروز]

طيب فين باقى الموضوع بقى ;) <_< <_<

انا بجد كل ما اتخيلك و انت طالعه درجن درجن درجن

وبعدين نازله درجن درجن درجن

افتكر فيلم عربى بس هو اييييييييييييييييه .. ماعرفشششش :rolleyes: <_<

[بنت شعنونة]

لحد دلوقتي دا الجزء الكوميدي

الشغل هناك بالعببببط طبعا

شغل كتييييير اوي انما المديرة لسا مش معترفة بيا نهااااائي <_<

رمياني في الأستقبال ;)

بس ماشي ناا وراها والزمن طويل

هناك التعيين بيبقى على درجة نائب عشان مافيش داكترة غيرنا اصلالالالالالا "يلهوووووووووييييييييييي" :angry: :angry:

ان شاء الله ان شاء الله ها اتعين باطنة.. انا طلبت منها كدا

اتعلمت الغرز في اليويمن اللي فاتو وخيطت يجي 6 اشخاص :rolleyes: "فرحاناااا جداااااا"

واحتفلت باول غرزة ونزلت اشتريت لنفسي علية تووووونة يومها وبيبسي عشان احتفل بنفسي

واتصلت ب بابا وافلالالالالالام :angry:

الجزء المجهول بقى

معايا بنتين مش طبيعين ابدا!!

الله اعلم الله اعلم حاسا انهم شواذ!!! طريقة تعاملهم مريبة جدااااااا <_<

الأكل هناك مافيششششششش

قالولللللي "قاااااااااالوليييي" ان لينا فطار وعشا وغدا

بيني وبينكم ما شفتش الا الغدا بس!!! <_<

وماشفتش اي وجبة تانية؟!

مع اني بشوف البنات بتاكل فطار وعشا واكل موحد

بيجي منييييين مش عارفة؟

وكل ما اسال الاقي اجابات عايمة كدا؟

مش فاهما في ايه بالضبط!!

الأجازات يوم الجمعه فقط

وعشان بهدلة السفررررر الي ناا ابهدلتها النهاردا دي

البنات بيشتغلوا ايام الجمع ويحوشوا 4 ايام راحة اخر الشهر

الحياة هناك ملللللل جدااااااا

حتى التلفزيون طشاااااش

يعني مافيش اي حاج تعلمها غير الشغغغغغغل

بس يارتني اشتغل ماكنتش زهقت

عشن كدا طول الويم انا تحت او اطنطط اتلم من كل حد حاجا

والشهادة لله كلللللهممم عاوزين يعلموني

"عشان اشيل شغلهم طبعا" :angry:

بس برضه فرحانا

الصراصير.. كائن اليف بنربييييييه هناااااك

ومافيش فايدة انهم يومووووووتوووووو

دا انا حاسا اني مرة ها ابقى قاعدا الاقي الصرصار معدي من قدامي وقولي سلالالامووو علييكووو <_<

الأكل هناك غااااالي جدااااا

وسيء اوووي

انا جالي مجاعا اليومين الي فاتوا دول ولازم اتعلم التوفير

تعلمت البخلللللللللل والله.....

المرضى هناك كوكتيل عجيب

اسؤهم البدو عشان بيضربوا الدكاترا‍؟؟

[متفائل]

حمد لله على السلامة يا شانا

أحتفظي يا بنتي بالمذكرات دي لانها لزيزة فعلا ولونك مش مركذه أوي يمكن علشان متحمسة ;)

بس أكيد بعد ما تخلصي المذكرات دي ممكن تنشريها وبعدين مش هنعرف نكلمك تاني <_<

منظر الست الي أمت تجري وراكو فظيييع :rolleyes:

أستمري <_<

[Scorpion]

الدكتورة رجعت....

يا ألف نهار أبيض.... حمدلله علي السلامة يا شانا.. يخرب عقلك... حقيقي ليكي وحشة....

المهم أننا أطمننا عليكي و كله تمام....

فهمنا أن التليفزيون طشاش هناك... بس خطوط التليفون شغالة... و فيه كومبيوتر هناك.. مش كده ؟؟؟؟

[بنت شعنونة]

سكوووووربيوووووون

ازييييييييييي حضرتك وحشتني جدااااااا والله :angry: :angry:

فهمنا أن التليفزيون طشاش هناك... بس خطوط التليفون شغالة... و فيه كومبيوتر هناك.. مش كده ؟؟؟؟

تليفون؟؟؟؟؟؟؟

كمبيوتر؟؟؟؟؟؟؟؟؟؟

انا سمعت الكلمتين دول فييييييييين ياربييييييي <_<

انت بتتكلم في اييييييييييييييييه <_< <_<

دا اذا كان المعلبات مش لاقياها هناااااااااااك :(

تقولي كمبيوترررررر :rolleyes:

التلفون الوحيد المتاح هناك تلفون داخلي للسكن عشان ينادونا لما يكون في حالة تحت او محتاجين حد مننا بسرعة

انما غير كدااااااا

خرفاااااااااااااااااااااااان ومعييييييييييز فقط لا غيييييييييير :(

استاذ متفائل

هوا فعلا حماااااس

اصلي فرحانا جدا اني اشتغلت + اني رجععععععت اصلا

وفي نفس الوقت ضيق وقت وعاوزة احكي كللللللل حاجا بسرعة وعاوزة اجري اشتري المعلبات و الأكل واخرج واشوف الناس واكلم قرايبي واقعد مع بابا عشان واحشني اوي واخويا النونوعشان اشتقت اشوف اطفال امامير ونضاااااف واشوف التلفزيون عشان الدش وحشنيييي

واااااااكككككككلللللل عشان الأكل وحشننننننننننيييييييي

كل دااااا في 24 ساااااااااااااععععععععععة <_< ;) :(

سقراااااااااط انت فييييين

فاكر ال هم هم هم اللي قولتلك عليييييه

لقييييييته هناااااااااك

همهمهممهمهمهمهممه :(

عم داروييين

انت مخاصمني والا ايه؟ :(

[صعيدي]

ألف حمد الله على السلامة

فعلا الكل كان مشتاق لمداخلاتك وممكن تنتهزى الوقت الفراغ وانتى هناك وتكتبى مذكراتك B)

ويا سلام لو عرفتى تجيبى كومبيوتر صغير (ممكن مستعمل ) وتكتبى عليه كل اللى بيحصلك :P

وبعدين لما تنزلى أجازة تبعتى لنا المذكرات :ph34r:

علشان ميفوتناش حاجة :D :D

تم تعديل 24 أكتوبر 2003 بواسطة صعيدي

[Salwa]

شانا حبيبة قلبى .

حمدلله على السلامة ....

ايه ده يابنتى ..انتى فين بالضبط ؟؟

ده ولا مجاهل افريقيا ...

انا لما سألت فى مصر على سعر الكمبيوتر المحمول لقيته ب18 ألف جنيه فى كارفور ..ولولا كدة كنت قلتلك اشترى واحد بالتقسيط ...

لكى وحشة مش معقولة فعلا ...

وزى ماقلت لك اكتبى فى اجندة كل اللى بيحصل لك يوميا علشان متنسيش ..

ده ياشنشن انتى كدة دخلتى الحرب ....بروح المحارب الشجاع ...والبنت مسكتك فى الآخر ؟؟؟

قصدى البنت اللى جرت وراكى ؟؟؟

مش قادرة اتخيل منظرك ...//من عاش خوافا ..مات كريما // هاهاهاها .

سلام يا شانا وخللى بالك من نفسك وكل سنة وانتى طيبة ..

سلامى.

[بنت شعنونة]

ربنا يخلييييك يا استاذ صعيدي والله انتوا كمان وحشنيي اوووووي

وكل ما يحصلي موقف مضحك اقول ها احشه عشان احكيلكم علييييييه واقعد اتخيل مين ها يقول ايه وكدا :D :D

ماما سلوى

وحشتيييييييينييييييي جداااااااااااااااااا

والله كلكم كلكم وحشني اووووووي اووووووووووووي

وبعدين هوا انا طلعت اجري بعقل؟

دا انا خدت ديلي في سناني وزززززوووووووووووووووو على برا من الرعب

انا لقيت امنا الغوووووولة قدامي اصلا :P :D

كل سنة وانتوا طيبيييييييييين جميعاااااااااااااااااااااااا ورمضان كريم ع الكل يارب

اشوفكم بعد العيد بقى ان شاء الله

خلوا بالكم من بعععضضضضضضضضضضضض كلكم كلكم كلكم :ph34r: B)

سلام عليكم

[moody00x]

حمدلله علي السلامة يا شانا..

وخللى بالك من نفسك وكل سنة وانتى طيبة

[ســيد مرزوق]

أولا حمدا لله على سلامتك يا شنشن ... ثانيا موتيني من الضحك على اللي حصل لك هناك ... حاجة فظيعة ومريعة لو ركزتي شوية وكتبتي بنفس أسلوبك ده بشكل منظم ومرتب شوية عن كده يبقى فشر أحسن سيناريست كوميدي وتعملي مسرحيات ومسلسلات كوميدية ماحصلتش .

بس اللي أنا مستغرب له في البلد الفقر دي .... إزاي يودوا بنت لوحدها مهما كانت وظيفها في حتة محدوفة كده وظروف زي دي ؟؟؟؟؟؟ يعني أعتقد إن ده ظلم بين وسوء تقدير من القائمين على الموضوع ده .

يعني لو بنت حد فيهم أو حتى قريبته كانوا عملوا كده ؟؟؟

مش باعقدك ولا حاجة لا سمح الله ولكني زعلان عشانك ... بالرغم من أن بعض الأصوات تقول وإيه يعني ؟؟؟ مش دي المساواه اللي دوشونا عليها ؟؟؟؟ إعتبري نفسك ولد ودخل الجيش .

ربنا معاكي .. يحفظ ويرعاكي .