مذكرات طبيبة صغنونة فى الصحراء

[Farah]

لو رحتي وانتي ارفانه حتتعبي اكثر حاولي تهدي نفسك

وبعدين يمكن تكون البنت كويسه اهي تونسك

انتي مش عارفه ايه اللي حيحصل بكره وربا ضارة نافعه

[بنت شعنونة]

ربنتا يستر يا فرح

بس انا شفتها مرة

وهيا من النوع الكئييييييب والبئيس

وانا مش ناقصة خلقة

يارب تكون كويسة واكون ظالماها

[مونتانا]

هااااااااااى شعنونة

انا صديقة جديدة وعايزة اشارك

انتى متشاءمة اوى اوى يا شعنونة

لازم تصبري وما تحكميش على الامور مسبقاااااا

وان شاء اللة البنت اللى معاكى تكون كويسة وحاولى تقابليها كويس :blink:

وان شاء اللة احتمال تكونوا اصحاب :unsure:

وربناااااا معااااااااكىىىىىىىىىىىىىىىىىىىىىىىىى

[بنت شعنونة]

اول تحقيق اتحول له

كان يوم الأحد دا... ;)

واول انقطاع ليا ها يبقى الأسبوع الجاي..

الظاهر ان الأخطبوط كسب rs:

تم تعديل 15 يونيو 2004 بواسطة بنت شعنونة

[se_ Elsyed]

وإيه يعني " الضربة التي لا تقصم الظهر تقويه " وطالما إنتي على حق فلا تخشي أي شيء .. لأن الحق من أسماء الله الحسنى .

[بنت شعنونة]

التتتتتتتتتتتتاااااااااااااااااااااااااااااااااااااررررررر

بعد موضوع التوزيع الجغرافي للأطباء

جم دكاترة كتيييييييييييييييييييييير الى محافظة مطروح

بالعربي المحافظة اتكست دكاترة

والسكن عندنا اصبح مكدس على اخررررررة

لدرجة انهم حدفوا شوية دكاترة يناموا في العنابر يا عيني :o

الدفعة الجديدة..........

مش تمام

شوية بنات تافهة ومخها فااااااااااضي فعلا

واشكال عمري في حياتي ما شفتها

معانا بنت "او اكثر" مش طبيعين

وفعلا احنا ابتدينا نخاف منهم بحقيقي

زيها زي الولد تمام‍‍‍‍‍‍‍‍‍‍؟؟؟؟؟؟؟؟؟

نفسي اعرف افهمكم

لكن لكم ان تتخيلوا اننا بطلنا نطلع برا الاوضة من غير كم طوييييييييييييييييل وبنطلوووووووووووووون اطووووووووووول :lol:

خناقات بنات.........

كل بنت اختارت في ذاتها ولد او اكتر من الدكارتا

وكلللللللللل يوم نصبح ونتمسى على خناقات بالهبببببببببببببل

عشان انتي ليه كلمتيه

وانتي ليه وقفتي معاه

مش عارفة انه محجوز‍‍‍‍‍؟؟؟؟؟؟؟؟؟ gt:

والصبيان ولالالالالالالالالا هنا اصلا

واللي حاسس منهم بحاجا

مستغل البنت اسوأ استغلال

اشي تعمله اكل

اشي تطبخله حاجا نفسه فيها

اشي تشتريله عصييييييير

سوري يا حشيش بس ها استعمل اسلوبك من فرستيييييييييي

خايفة يوم الاقي واحدا منهم ماسكا غيارات واحد من الدكاترا بتغسلهااااااااااااااااااله <_<

تم تعديل 28 يوليو 2004 بواسطة بنت شعنونة

[Sherief AbdelWahab]

مع احترامي لزملائك البنات..العالم دي حتفضل عيال لحد امتى؟..

خلص الكلام

[Salwa]

شانا حبيبتى .

وحشتينا ياشنشن قوى قوى .....

ياعينى ياشانا ..مكتوب عليكى كل يوم تشوفى حاجة تفرسك وتسكتى وان اتكلمتى الدنيا حاتولع ...

من ناحية البنات المسترجلين دول .خليكى بعيد بعيد بعيد .......لأن ممكن واحدة منهن تسمعك ما تكرهين خليكى فى حالك ...ماهى لو مقدرتش تستميلك حا تخللى حياتك مستحيلة ....

ربنا يهدى ......../ آهى دى بقى امشى معاها بمبدأ ابعد عن الشر وغنى له /.....

من ناحية البنات اللى عاملين صراع على الدكاترة .ده شئ مؤسف بس هى دى النتيجة .....امال انتى منتظرة ايه ؟؟.كل حاجة دلوقت بقت تتاخد بمنطق القوة والاستيلاء ...واللى يلحق يخطف حتى الشبان ......مفيش حد بيتجوز ..الظروف وحشة ..

يعنى طالما مفيش حياء توقعى بقى كل شئ .....

وبرضه الشاب اللامبالى مهما كان مركزه وتعليمه لكنه يسعد لما يلاقى واحدة تتمنى له الرضا يرضى .وللأسف يستغلها وهى توافق على امل النهاية السعيدة .......وفى اغلب الحالات دى بيكون مبدأ هؤلاء الشباب ان الزواج مشروع فاشل .....

طيب شوفى الشابة عملت ايه ؟؟ حاتتوقعى منها ايه يعنى ؟؟؟

خليكى بعيد ياشانا .......

وطالما الدكاترة كتروا كدة فى مطروح ....ليه مترجعيش مكانك الأصلى ؟؟

[بنت شعنونة]

عندنا اصغر واحدا فيهم عندها 23 سنة

جابتلي استبحسسسسسسس في نافوخي

كل يوووووووووم تصحيني من النووووووووم

سواء نوم الضهر او على الساعا 6 الصبح كدا

اشي بطني وجعاني

اشي ايدي وجعاني

المهم لازم تكون اي مصيبة فيها وجعاها

ومع اني واثثثثثثثثثثثثثقة ومتاكدا انها بتمثثثثثثثثثل

وكلنا عارفين انها بتستهبل علينا

لكن بضطر اقوم مضروووووووووبة ميييييييييت قبقاب زي البتاعة كدا وانزل اجيبلها محاليل وحقن عشان اديهالها خليها تتنيل تنام

gt:

من يومين بالظبط انا كنت عيانا قووووووووووي

و واخدا حقنة عشان تنزل الحرارة وتنيمني

و ما صدقت على الله اني نمت شوية بعد التعب

وكله سابلي الاوضة عشان انام

والله

بعدها بربع ساعا لقيتها واقفة قدامي

وانا نومي خفييييييييييف جداااااااااااااااااااا

ف حسيت بيها لكن عملت نفسي مكملة نوم

شانا

مارديتش

شانا

ولا عبرتها

شاااااااااااااااااناااااااااااااااااا

افففففففففففف

نععععععععععععععععععععمممممممممممممم ؟؟؟؟؟؟؟؟

انتي تعبانة؟

-ايوا؟

- طب اوكي.. نامي..

كنت ها انتحرررررررررررر والله :lol: <_<

[se_ Elsyed]

خناقات بنات.........

كل بنت اختارت في ذاتها ولد او اكتر من الدكارتا

وكلللللللللل يوم نصبح ونتمسى على خناقات بالهبببببببببببببل

عشان انتي ليه كلمتيه

وانتي ليه وقفتي معاه

مش عارفة انه محجوز‍‍‍‍‍؟؟؟؟؟؟؟؟؟ <_<

عدم اللامؤخذه يا شانا .. إنت بتتكلمي عن طبيبات ام ممرضات ؟

فالطبيبة المفروض إنها إنسانه متفوقة بدليل إنها دخلت كلية الطب .. والمفروض إنها إنسانة متعملة تعليم عالي وغالباً ما تكون مثقفة وإلا هاتكون أصغر تمرجية أشطر منها .. يبقى في الأخر عندهم تلك العقول الخاوية والأفكار السطحية والحركات التي لا يقوم بها إلا متوسطي التعليم وقليلي الثقافة ؟ .

ولو الموضوع ده كان ينطبق على طاقم الطبيبات يبقى على الدنيا السلام ..... وحسبنا الله ونعم الوكيل .

أما موضوع الإسترجال ده .. فبصراحة ده جديد على مجتمعنا وعمري لا سمعت عنه ولا شفته حتى .. وإنتي كان قصدك تقولي إنها شاذة جنسية وتنجذب لبنات جنسها ( دي دكتورة برضوا ولا ممرضة ؟ ) ..

شعنونة يا بنتي أنا رأيي تستقضيلك حتة سلاح من البدو بتوع مرسى مطروح يعني كلاشين أو رشاش عوزي .. أي حاجة خفيفة والسلام وتخبية تحت البالطو الأبيض للطواريء .. فأنتي هاتلاقيها من العيانيين ولا من زميلات الندامة اللي معاكي ؟

[amir]

لكن بضطر اقوم مضروووووووووبة ميييييييييت قبقاب زي البتاعة كدا وانزل اجيبلها محاليل وحقن عشان اديهالها خليها تتنيل تنام

مش انتى دكتوره ؟!

شوفيلها مخدر قوى المفعول يستمر لـ 24 ساعه ... و ريحى دماغك

[G.G]

أول مرة أقرأ الموضوع ده ... و أتأثرت به جدا ! بين ضحكة :angry: و انت(درجن درجن درجن ;)) و بين دمعة ( و الله دموعي نزلت و أنا بقرأ عن الراجل بدون النظارة و والدته العجوز).. و تذكرت أختي و هي دكتورة مثلك كان عندها تكليف في أرياف الفيوم.. و مرة ذهبت معاها على سبيل الفسحة ( <_< ) و أنا مسافرة و أنا قال إيه بأحلم بالمراعي الخضراء و النيل الأزرق !!و رجعت و قلبي محطم على غلب الناس!! و لن أنسى منظر الطفل الصغير او الذباب لازق حول شفايفه, و أمه تحمله للكشف لأنه بطنه واجعاه و هي قال إيه لا تعلم السبب !!! مع إن كم الذباب على وجهه يعيي الولد و أبوه و البواب !! سبحان الله كأن الفقر مش كفاية عليهم لازم يجيب أصحابه معاه "الجهل و المرض"..

بس إنت جادعة فعلا لأن أختي بعد شهور قليلة طلبت نقلها لكن أنت واضح أنك تريدين أن تحدثي تغيير.. ربنا معاكي و يوفقك ..بس فعلا زي ما الأخوة الأفاضل وضحوا لك ..تعمدي التحفظ لدرجة "الغلاسة" في التعامل مع البوز و تحاشي الكلام الكثير حتى لو كان زعيق أو لوم لأحد الزملاء . و هذه وصفة فعلا مجربة

و إفتكري أن الناس بتخاف قوي من الشخص اللي ما بيتكلمش كثير و بتعمله ألف حساب.

المهم ربنا معاكي و تقدري تساعدي الناس الغلابة...

تم تعديل 1 يونيو 2005 بواسطة G.G

[بنت شعنونة]

شريف عبدالوهاب..

والله ما انا عارفة انا لو صورتلك الخناقات ها توقل دول ولا الأعدادية fsh::

ماما سلوى

وحشتييييييني جداااااااااا

انا فعلا قررت اتنقل

ومع اني ارفض الكوسة و الواسطة لكن المرادي انا قلت ل بابا انا حركة نقلي قربت وها اقدم فيها

وعاوز كلللللللللللللللللللل الواسطاااااااااااات اللي تعرفها عشان انقل

بصراحا

انا خايفة على نفسي بحقيقي

انا خايفة اتحول؟؟؟؟؟؟؟؟

سي السيد

والله دكاااااااااااتراااااااا

وبشري كمااااااااان

شفت الخيبة القوية :angry:

اما موضوع الشذوذ الجنسي دا

عندنا 3 بنات كدا فعلا

اهلي بيقولوا نتلم كلنا ونوقع على طلب باخراجهم من السكن

لكن لما تيجي تفكر في التنفيذ

صعب جدا...

ها اعمل الكارثا دي ازززززززاااااااااااااااااااااييييييييي؟؟؟؟ <_<

استاذ امير

والله لسامن خمس دقايق قايلة الكلمتين دول لزميلتي

ها افقعها منوووووووووووم وانااااااااااااااااام انا ;)

جي جي

ربنا يخليكي يا فندم

ادعيلنا بس ربنا ينجينا من المهااااااااااااااااااااااااااالك

[amir]

اما موضوع الشذوذ الجنسي دا

عندنا 3 بنات كدا فعلا

اهلي بيقولوا نتلم كلنا ونوقع على طلب باخراجهم من السكن

لكن لما تيجي تفكر في التنفيذ

صعب جدا...

ها اعمل الكارثا دي ازززززززاااااااااااااااااااااييييييييي؟؟؟؟ <_<

آهو الموضوع ده بالذات مالكيش دعوه به

طبعا من الصعب أثبات اى حاجه ده غير الفضايح اللى ممكن تمس المجموعه كلها

نصيحه اخويه خليكى فى شغلك و ركزى ازاى تهربى من هذا المكان

أنا أسف أنى قلت تهربى من مكانك , لكن للأسف مفيش حل تانى

تمنياتى بالتوفيق

[lالمطحون]

ايه اللى جرى وبيجرى لبلدنا واضح ان الغربه خليتنا بعيد عن تلك الكوارث وانحطاط الاخلاق حتى الاطباء يادى المصيبه ربنا يقويكى يا شانا وحاولى تاخدى تخصص بسرعه كفايه تضييع وقت والمهم تكملى واعتقد فى تخصص زى radio and chemotherapy هتلاقى مكان كويس فى القاهره لان الكل بيهرب منه ولانى بعيد عن مصر من مده ومليش علاقه بوزارة الصحه لكنت سعيت لمساعدتك باى شكل فانسى كل العك اللى عندك ودورى على مستقبلك بسرعه وربنا معاكى وكلنا معاكى وبنحبك جدا جدا

[بنت شعنونة]

  وحاولى تاخدى تخصص بسرعه كفايه تضييع وقت والمهم تكملى واعتقد فى تخصص زى radio and chemotherapy 

استاذ مطحون

اهي الكلمة دي مربط الفرس stnd::

انا كنت ناوية اكمل في لعبة الأورام دي لآني حسيت اني ابتديت افهم وكمان عرفت انه مافيش حد بيتقدم فيها اصلا ف ما بيصدقوا حد يتقدم حتى لو كان تقديرة مقبول زي حلاتي ;)

لكن بحسبة بسيطة

لقيت اني ها اشحت واني لازم اوصل للدكتوراه عشان اعرف اقبض مرتب معقووووووووول

قلت خلاص ما بدهاش

خليها باطنة وخلاص

تيجي مشكلة تانية

خطيبي عنده شرط مهم

ان مراته تشتغل نص نهار بس ف هوا عاوز اي تخصص سهل مش محتاج نبطشيات "بيني وبينك حقة... + ان انا كمان قرفت وزهقت فقلت اقدم في اي تخصص من التخصصات اللي محتاجا مدة تكليف سنة واحدا بس"

المهم لما جيت ابص في الورق بتاع النيابات

لقيت التخصصات التالية هيا اللي بعد سنة بس

يعني ممكن اقدم فيها اليومين دول

تخدير- اشعة - علاج طبيعي - صدر - حميات - معامل "تحاليل" -مستوطنة

!!!

كلهم ابشع من بعض للأسف

وانا دلوقتي في قمة الحيرة لآني بكرههم كلهم الوحيدة فيهم اللي قريبة للباطنة شوية هيا الصدر بس برا ما بيلبوش دكاترة صدرية

مش عارفا اعمل ايه

اختار اي حاجا عشان ارضي خطيبي

والا اعمل اييييييييييييه

مششششششش عاااااااااااااارفة mc(:

[بنت شعنونة]

المرة دي نهااااااااااااائيييييي

واحد من زمايلنا اتمسك انضرب علقة سخخخخخخخخخنة بدون اي سبب واتحجز في القسم هوا و دكتور تاني

احنا كلنا اتجننا واتنرفزنا وطلبنا وكيل الوزارة اللي عندنا هناك دا عشان يجي يكلمنا بصفتة نقيب الاطباء وعملناها مشكلة وكتبنا انذار بالأضراب عن العمل لو الناس دي ما اتحبستش او انهم يجيبولنا افراد امن يحمونا من الناس الغجر اللي ممكن نتعامل معاهم

وبعد وعود سكتنا

بعدها بيومين اتنين تمام

نط حرامي عل سكن الأطباء الرجال وسرقهم وهما نايمين

ونط واحد عندنا في السكن

ساعتها قدمنا مذكرة رسمية وعملنالها خط سركي عشان ما تتكروتش

واشعنا اننا بهتنا للداخلية ولوزارة الصحة باللي حصل

لآنه على راي زمايلنا الصبيان مش فاضل غير انه ولد يتقتل او بنت تغتصب

الحالة هناك اصبحت لا تطااااااااااااق

خصوصا بعد ما المديرة نزلت فينا شتايم عيني عينك وانا اولهم لآنها فاكرة انه انا الزعيمة بتاعتهم!! على حد قولها mfb:

استشاري اتنرفز اني رديت على المديرة وهيا بتقولي كفايا اننا مجاملينك في شغلك واجزاتك

وانا قلتلها ماحدش في المستشفى دي كلها له جميلة عيا

وقالي انا لو مكانها كنت ضربتك بالقلم!! :o

وها تعملي ايه يعني؟

قلتله لا دا انا اعمل واعمل واعمل

الا الكرامة

- ولاحاجا ها توديها القسم.. ها تقول بنتي وبربيها!

- انا ماما اتوفت من زمان الحمدلله art:)

- والله انا كنت عاوز اقوم الطشك قلمين بس قعدت اقول راجل يضرب بنت راجل يضرب بنت.. لا بلاش

- :o

طب كنت اعملها كدا يا دكتر وصدقني كنت ندمت طول عمرك

بعد الحوار دا

قرفت من كل الشغل وبقى شغلي الشاغل اني اولع في المستشفى واعملمشاكل مع كل من هب ودب مدام من الأدارة او حتى ينتمي ليها من بعيد

حاجا تقررررررررررف mfb:

تم تعديل 14 سبتمبر 2004 بواسطة se_ Elsyed

[إبن مصر]

1- زمايلك ضربوه ليه؟؟ لازم عملوا حاجه مش من الباب للطاق .....

2- المشكله الى قولتيها اداريه يا بنتى ... حددى التفاصيل علشان نتفاعل مع الحقيقه وليس المشاعر...

وشكرا

ابن مصر

تم تعديل 14 سبتمبر 2004 بواسطة se_ Elsyed

[بنت شعنونة]

بص يا ابن مصر

الحكاية بالمختصر

دكتور اسمه حمدي كان نبطشي طواريء جراحة

حالة دخلت عظام ومعمولها عرض جراحة عشان يتاكدوا انه ما فيش نزيف داخلي

الغرف سيئة جدا واهل العيان قرفوا انهم يحطوه في الغرفة لآن بقية الغرف بتتهد وتتبني من جديد ف اتخانقوا مع الممرضة

على وصول الطبيب كان الصوت عالي ولقي اكتر من 5 اشخاص في غرفة الكشف

ف قال بالحرف الواحد

" ايه كل الناس دي؟ طلعيهم برا والمريض بس هوا اللي يفضل"

فوجيء د\ حمدي

بكمية لكميات وضرب مبرح لدرجة انه كان ها يموت وواحد من زمايلنا راح يحوش عنه ف انضرب هوا كمان لمدة ربع ساعة ضرب متواصل

لحد ما بانلهم صاحب اللي هوا مدير المستشفى

وطلب البوليس

وبدل ما المدير يحاجي على الدكاترة راح معاهم القسم وخرجنا من معقلنا "المستشفى"

ف بقى المحضر عبارة عن مواطن ضرب مواطن

وليس مواطن اعتدى على طبيب اثناء تادية عمله

ولما كلم المدير بتاعنا قاله طلعهم من الحبس باي ثمن

فراح قالهم اعملوا مغمى عليكم

وطلب عربية الأسعاف اللي دخلت بيهم طيارة على المستشفى

ودخل د\حمدى و د\احمد الى المستشفى

وبمجرد نزول حمدي من عربية الأسعاف طب مغمى عليه بجد في غيبوبة سكر وضغط مرتفع جدا

واتحجز في العناية المركزة لمدة 5 ايام وكل دا مثبت في المحضر اللي عملنا

تاني يوم كان كل الأطباء مقدمين مذكرة انه لالالالالالالالالالالالالازم يتوجد امن في المستشفى وانه لازم القضية تكمل للنهاية ولا صلح ولا يحزنون مهما حصل عشان الناس تتعظ والا احنا مضربين عن العمل

الوضع في المستشفى كان مكهرب جدا

وانا اصريت انه وكيل الوزارة بتاعنا د\ نبيل يجي عندنا

لآنه البيه لما بيدخل بووووووووواااااااااااااااااااب المستشفى بيجي يطمن عليه

يبقى لما د\ ينضرب ما يجيش؟؟؟؟؟؟؟؟؟؟؟ :unsure:

وقلت الكلام دا قدام المدير وكللللللللللل الزملاء

فسخنوا معايا

وكان دفاع مدير المستشفى ان د\نبيل كان معاه طووووووووول اليوم على التلفون؟؟؟

يافرحتي؟؟؟؟؟؟؟

واصريت

والراجل لما حس اني سخنت الناس اتصل بيه وقاله الدكاترة عاملة هياج واضراب

وجه فعلا

وكنت انا المتحدثة طول الوقت تقريبا

بحقائق واضحة ومحددة

وكانت اجاباته عبارة عن عمه بيلبسهلنا

وزي ما رحنا زي ما جينا

النتيجة الوحيدة اني كنت بلاك ليست محترم

نسيت اقولكم

الناس عرضوا 15 الف جنية صلح + اعتذار رسمي في الجرنان واخر معلوماتنا ان حمدي رفض تماما الصلح

رغم تراجع عدد من الزملا في موقفهم وتحفيزهم انه ياخد الفلوس!

بعدها بيومين بالعدد

وبرضة دا مثبت في المحضر

[بنت شعنونة]

نتيجة لعدم وجود امن في المستشفى 2 حرامية مساطيل دخلوا سكن الدكاترة الصبيان وسرقوا منه فلوس ومبايلات وهما نايمين وواحد منهم نط عندنا لآن السكنين سداح مداح

وكانت النتيجة اننا قدمنا مذكرة ممضية من 32 طبيب وطبيبة ودخلت سركي عشان يجيبوا امن او يمشونا بقى قبل ما نموت وكانت النتيجة ان المديرة اجتمعت معانا كلنا وانها ها تعين ضباط امن الفرد ب 250 جنيه وانها ها تدفعها من صندوق المستشفى

يعني من الأخر ان الدكاترة مش ها يقبضوا صندوق

وانها فتحت باب النقل لو حد عاوز يتنقل

و الأتنين كانوا كلام في كلام

واكنك يا ابو زيد ما غزيت :unsure: