مذكرات طبيبة صغنونة فى الصحراء

[إبن مصر]

:)

واحده واحده عليا .

وبعدين انت قلت ان الكلام ده فى محاضر رسميه ( وزاره الداخليه و وزاره الصحه ) صح؟

يبقى ببساطه نتابعلك الموضوع :huh:

اى خدمه

تم تعديل 14 سبتمبر 2004 بواسطة se_ Elsyed

[بنت شعنونة]

وزارة الداخلية؟؟

وزارة الصحة؟ pp:

مش عارفا

بس هما في محضر رسمي في القسم عندنا بتاع مطروح

وبيقولوا انهم رافعين قضية ومحامي النقابة بتاعنا بيتابعها في مطروح وحمدي واحمد عملوله توكيل رسمي للقضية..

اما موضوع الوزارة دا

ف انا نازلة يوم الأربع الصبح الوزارة اصلا عشان ادور على كوسسسسسسسسسسسسسسسسسسسسسسسة تنقلني من هناك لآنه فاضلي شوية وابقى مجنونة رسمي smk:

اضافة الى اني اقول الموضوع دا لآي حدددددددد كبيييييير

لعل وعسى :)

واعرف مفردات المرتب بتاعنا

لآن واحد من زمايلنا جابلنا ورق الملف اللي احنا استلمنا بيه العمل ومضينا عليه عمياااااااااااااني

واكتشفنا اننا بنتسرق في حوالي ربع المرتب عيني عينك :P

حسسسسسسسسبببببببببيييييي الله فييييييييييكييييييي يابلللللللللللللد

والله لآطلع منها واسيبها توووووووووووولللللللععععععععع

على اللي يوووووووووووووعزها بعد كدااااااااااااااااااا

ماااااااااففففففففففففييييييييييييششششششششششششششش فاييييييييدةةةةةةةةة نهااااااااااااااائئئئئئئئئئئئئييييييييييييييي :huh: :o

تم تعديل 14 سبتمبر 2004 بواسطة بنت شعنونة

[عادل أبوزيد]

الفاضلة شعنونة

سأضطر للإختصار الشديد فى مداخلتى هذه ..

عليكى أن تستوعبى المديرة و الرؤساء الآخرين تحدثى معهم بقلب مفتوح أن ما تقومين به من إحتجاج و تصعيد للمواقف هو نفسه ما تريده المديرة و من فوقها و لكنهم مقيدين بأعباء الوظيفة و خطوطها الحمراء تأكدى فعلا المديرة و كل مديرة تحلم بالقدرة على الإحتجاج و رفع الأمر إلى المسئولين.

قولى لها سيدتى نحن الشباب أصحاب البلد الحقيقيين و نحن من سنعاتى إذا تركنا الأمور فى أعنتها.

و إقتنصى الفرصة تعاونى مع زملائك و تقدموا بمطالب موضوعية مثل ضرورة أن يعاد البناء بطريقة إنسانية تراعى ظروف المستشفى و أن تتم حملة توعية للمواطنين بأن هؤلاء الأطباء هم أبنائكم و إخواتكم و فى نفس الوضع ضرورة توعية الأطباء بالسلوك المقبول إجتماعيا فى المنطقة.

أكاد أسمعك تضحكين عند الحديث عن حملات التوعية هذه .. الفاضلة شعنونة هذا دور حقيقة لا أعرف دور من هو لكنه يجب القيام به بإستمرار لعلك رأيت رجلا رث الثياب و الجميع يحترمه و لا يجرؤ على الجلوس بين يديه ... هذا يرجع لقيم إجتماعية و قبلية قد لا تعرفينها أنت و زملائك ... فى أوروبا كان يتم توعيتنا بالتقاليد السائدة فى دول الخليج قبل سفرنا فى مهام عمل.

إذهبى أنت و زملائك إلى الحزب الوطنى فى بلدكم "أظن السلوم" حاولى رفع إقتراح إلى وزارة الصحة بشكواكم هذه إلى وزارة الداخلية فحماية المستشفى و العاملين فيها دور وزارة الداخلية و ليس دور المديرة و دور تقوم به الجهة المسئولة عن أمن المواطن و الوطن و ليس موظف أمن ب 250 جنيه شهريا.

أتعشم أن تقرأى ردى هذا قبل أن تتخذى أى قرار

و أكرر هذا الوطن أنتم اصحابه .. ومواجهة هذه النوعية من المسائل هو لب ممارسة المواطنة

[عوف]

واحده واحده عليا .

وبعدين انت قلت ان الكلام ده فى محاضر رسميه ( وزاره الداخليه و وزاره الصحه ) صح؟

يبقى ببساطه نتابعلك الموضوع 

اى خدمه

بارك الله فيك يا أخ ابن مصر

والحقيقة أنه طالما لديك النفوذ والقدرة على التأثير في مراكز القرار في الداخلية والصحة والمراكز الحكومية فإنني اقترح إدارة المنتدى إنشاء باب للشكاوى وهموم المصريين وهي كثيرة على أن تتولى سيادتك متابعة هذه الشكاوى وحلها من خلال نفوذك واتصالاتك.

بارك الله فيك مرة أخرى.

[بنت شعنونة]

وهي كثيرة على أن تتولى سيادتك متابعة هذه الشكاوى وحلها من خلال نفوذك واتصالاتك.

:)

:)

:P

هوا الرئيس المبجل حفظه الله ورعاه عدا من هنا والا حاجا!!؟!!

[بنت شعنونة]

اااااااااااخر مراحل الهروب

بعدها سيحتلني اليأس التاااااااااام

الزمالة المصرية

اختراع جدييييييييد

ها اقدم على زمالة اشعة

اهلي بينصحوني ب طب الطواريء او طب الأسرة

بيني وبينكم ولالالالالالالا اعرف حاجا عنهم ولا اعرف اتخرج منهم اشتغل ايه اصلا!!!!!!! :o :angry:

ها استخير ربنا وخلينا في الأشعة دا لو ربنا كرمنا يعني

دعواتكم موضوع الزمالة دا يمشي على خير عشان امشي من مطروح بقى

احسن الواحد وصل للنهاااااااااااااااااية بجد mf(

ادعووووووووووووووووووووولللللييييييييييييي

رمضان جاااااااااييييييييييييييييييييييييييييييييييي :P

[Maverick]

بالرغم إن ماليش فى الطب

لا أنصحك أن تتخذى أى قرار فى حياتك على أساس الهروب من موقف معين او كرد فعل لموقف معين

يجب أن تكون القرارات المصيرية فى حياة الأنسان نتيجة رغبة حقيقية او رؤية فى الحياة

وأخيرا وفقق الله لما فيه الخير

تم تعديل 3 أكتوبر 2004 بواسطة Maverick

[بنت شعنونة]

انا بالذااااااااات

وفي الطب

ماشاي بالبركة

ليس لي اي هدف

وكل اللي يجيبوا ربنا كويس :angry:

الحمدلله على كل شيء

ادعوالي انتوا بس لآن الدنيا ضلمت وانا ماشيا طشاااااااااش

اسكتوووووووواااااااااااا

مش انا عملت مشكلة وانا في الوزارة عشان موضوع النقل بتاعي

وقررت اني اقابل الوزيييييييييير!!!

وبابا اترعب مني لما كان ها يتبرا مني النهاردا

بس عييييييييييب

وقفت وقفة رجااااااااااااالة

وصمممممممتت اقابل السيد الوزيييييييييييير

اقولكم عملت ايه والا...........؟؟ mf(

[بنت شعنونة]

استاذ عادل ابو زيد

وعدت حضرتك بالرد

رغم كم الأحباطات المتتالية اللي عمالة تنزل على دماغي لدرجة سطلتني وخلتني ماشيا بالبركة ومش قادرة افكر انا ناوية على ايه في مستقبلي

وفعلا الكلمة الوحيدة الصحيحة اللي تنطبق عليا دلوقتي هيا... "عــــــــك"

ماعلينا..

مديرة المستشفى طول عمرهم يحكولي عليها انها مالهاش امان وكنت اكدبهم لحد ما لقيت دا فعلا امبارح

تصور انها قعدت تغلس عليا عشان ما امضيِش ورق الزمالة رغم معرفتها التامة بضيق الوقت وانها تعتبر فرصة ولو هيا ما مضتش الورقة ممكن مستقبلي فيها يطير!

لكن عشان مزاجها لعبت بيا على الحبل

لكن الحمدلله ربنا كرمني وكان جنبي لآخر لحظة...

ومضينا الورق..

يوم ما كنت في الوزراة بحاول انقل نفسي عن طريق الكوسة

لكن سكرتيرة مكتب الكوسة بتاعي زحلقتني وقالتلي ان د.حسن مش موجود روحي قدمي التماس للوزير عشان يمضيه

بابا يا عيني صدقها وراح بمنتهى البساطة مع اني قلتله انها بتزحلقنا..

رحنا لفرد الأمن على باب مبنى الوزير

-نعم

-عاوزة اقابل الوزير

-ليه؟

-عاوزة في حاجا مهمة!!

-عندك معاد؟

-لا بس عاوزة معاد اجيبه منين؟

-من مكتب العلاقات العامة

-طب هوا موجود دلوقتي

-مش عارف انا فرد امن بس

- طب فين مكتب العلااقات دا؟

-هوا انتي عاوزاه في ايه؟

- وانت مالك انت مش فرد امن!!!!!! cr((:

رحت مكتب العلااقات ونفس الحوار بالملي اتكرر

ومنه دلخت لواحد جوا المكتب هبيت فيه برضه لآنه كل واحد اقابله عاوز يعرف انا عاوزاة في ايه

واللي هل عليا الزعق والشخط وكلمة واحدا

"هيا مقابلة الوزير اتمنعت والا ايه!!!!!!!!!!!!!"

المهم اخيرا خدت رقم ودخلت مكتب الوزير

قابلني واحد محترم جدا

قلتله في اقتضاب اني عاوزا اقابل الوزير لسببين

1- انقل

2- ضرب الاطباء هناك اللي هوا سبب طلب نقلي

قالي اطلعي لمكتب نايب الوزير

طلعت مكانش موجود فعلا ولكن لقيت سكرتيرة اللي حدفتني تااااااااااااااااني لمكتب د.حسن على اعتباره هوا المسؤول عن نقلي

بابا اتصل بيه على الموبايل فوجئنا ان الراجل في مكتبه والست هانم السكرتيرة زحلقتنا فعلا

الراجل كان في منتهى الذوق

وطلعنااا قابلناه على طول

لكن لما كلمته على النقل قعد يهرش يجي ساعا

فهمت بصنعة لطافة انه مش ها يعمل حاجا

فكلمته عن الزمالة وانه على الأقل يخلصلي ورقي فيها

ووعدني انه ها يعملها

واكنك يا ابو زيد ما غزيت...........

دلوقتي قدامي السكك دي

1- الزمالة المصرية لو اتقبلت فيها ميزتها انها بتديني درجة اخصائي اول بعد 4 سنين دراسة لكن مالهاش اي قيمة برا مصر.. دا غير اني ما اعرفش درجة الأخصائي دي معتمدة او لا في مصر؟؟ لآنها برنامج تدريبي... لكن ها تسمحلي اهرب من مطروح وياعالم لفين!...

اهلي عاوزيني اقدم طب اسرة.. و انا قدمت اشعة رغم جهلي التام بكيفية دراستها!

-اطلع برا مصر واسافر.. خاصة انه خبرتي بقت سنة او سنتين لو حسبنا الأمتياز

ف بهدله ب بهدلة يبقى اتبهدل بمقابل مادي احسن من قروش

- اكمل في مطروح ودا اللي ها يحصل لو ما اتقبلتش في الزمالة.. لكن المديرة مش طايقة وشي .. وفعلا انا مش قادرة اشوف وشهم هناك ابدااااااااااا ولا قادرة ارجع تاني خلاص.. استهلكوا صبري كله للأسف..

- واخيرا استقيل من الوزارة ودا كدا يبقى ضيعت نفسي تماما

مش عارفة اعمل ايه بجد

ومش عارفا حتى افكر او انا عاوزة ايه

لأني للأسف مش عاوزة اي حاااااااااااااااجا

[بنت شعنونة]

لحظة الأنفجار

جنووووووووووني خلالالالالالاص

من كتر الأستقصاد و العند وصلوا بيه لنقطة انفجار لم تكن مدروسة!

والاغرب منها الرد على لحظة الأنفجار دي؟!

نائب المديرة

عبدة بيييييه

مستقصدني على طووووووول الخط ومش طايقين بعض

العيد الصغير اللي فات قعدني في مطروح بحجة اني جديدة عشان الدكاترة القدام يسافروا

في العيد الكبير قعدته كله بحجة انه فيه عجز

اعتقدت لوهلة (ويالا غبائي) انه حقي اني انزل بقى العيد دا!

وكرماااااااا مني قلتله ها انزل تاني يوم العيد

يوم البيه يقولي حرام عشان الناس الجدييييييييييدة تنزل؟

فكرته بالعيدين اللي فاتوا

المهم

خلصت انه اداني نبطشية السبت الوقفة و الحد وقاااااااااال ايه؟؟؟؟؟ يوم الجمعه!!!!!!!!!!!!

3 نبطشيات؟؟؟؟؟؟

ليه

انا الوحيدة اللي كدا

دا غير انه كللللللللل الناس خدوا اسبوع واكتر اجازا

انا بس اللي اداني 4 ايام؟

انكتمت

الناس كلها اعترضت على جدول النبطشيات وراحوا البنات عنده المكتب

ومنهم بنات جداد هوا بيرسم عليهم

وانا واقفة

شطب 4 نبطشيات وبدلها عشان خاطر البنات تنزل

رحت اتنهزتها فرصة وقلتله طب انا كمان لو سمحت شيلي الجمعه

قالي لا!!!!! gsm::

اتفرست

خرجنا من المكتب افتكرنا انه في 3 زمايلنا ما نزلوش في الجدول من اصله

رجعتله عشان يحط حد فيهم ويشلني

شاااااااااااال ناس تانية قاااااااااعدييييييييين اصلا في العيد وسابني

وبعد ما برشم الجدول قال ايييييه

هاتيلي ايييييييي دكتور يبدل معاكي يا دكتورة وانا ابدلك

من عنياااااااااا يا دكتورة!!!!

كل الكلام دا على مشهد من ناس كتير جدا

خجرت وكلي ياس

وبعد 10 دقايق ربنا فرجها ولقتي حد يبدل

رحتله بورقة تبديل

- ممكن توافقلي عليها يا دكتر عبده؟

-لالا

- لييييييه!؟؟؟؟؟؟؟؟؟؟؟؟؟؟

- بكرا ها انزل ورقة بالعلم بالنبطشيات لما تمضوووووووووا عليها ابقى امضيلك التبديل

حسيت انه استقصاد زييييييييييادة اووووووووووووووي المرادي

وعرفت المقلب اللي ها يعملوا

يمضيني بالعلم وبعدها يقولي لا عشان اتحول للتحقيق

-اوكي يا دكتر بس انا مش ها امضي الورقة الا لما تمضيلي التبديل

واحدة ب واحدة

انفججججججججججر زي البركاااااان في وشي بصوت عااااااااااااالي جدا جدااااااا

وهوا عمال يقول والله العظييييييم ما انا ماضيلك

وكررها كذا مرة دا غير كلام كتييييييييير ما سمعتوش من كتر الزعيق

كل دا قدام الناس

انفجرررررررررت

وصرخت في وشه باعلى صوووووووووووووتي

- انت فاكرررررررررر نفسسسسك مين عشان تزعقلي

ما تزعقليييييييييش

انت حتتتتتتتتتتتتتة مديييييييييير

انت فاكر نفسك ابويا؟؟؟؟؟؟؟؟؟؟؟؟

والا المستشفى دي مستشفت ابووووووووووك

دي حكوووووووومة واللي بيني وبينك الوزارة

كل الكلام دا طلع زي طلقات الرصاص بصوت هستيري لم عليا المستشفى كلها وانا رايحا عليه عاوزة امسك رقبته اقتله

مش بهزر

كنت ها اقتله فعلا

لولا البنات زميلاتي اتلموا عليا كلللللللللللهم وشالوني من قدمه وكتموا بقي وهوا خاف مني وطلع يجري

وانا ماشيا رايحا السكن لقيته

قلتله لما تبقى انت تقعد في العيد تبقى تتحكم فينا :D

توقعت يقدم فيا مذكرة

كتبها فعلا ولكن ما قدمهاش؟

مش عارفا ليه

راح يدحلب ع البنات يجس نبضهم وموقفهم ولكهم هزقوه عشان هوا قرفنا كلنا في الجدول

دكتور زميل

قالي انه خايف مني انا لا اقدم فيه مذكرة عشان كدا ما قدمش المذكرة!!

مع انه راجل شراني جداااااااا

مازلت مستغربة الوضع

خدت الاجازة غصب عن عينه

ربنا فرجها من عنده وبدلت النبطشية اول ما هوا سافر

ونبطشية الجمعه ها انقطع عنها

ولو قدم مذكرة ها اقول انه مستقصدني واقرفه في عيشته non::

اول مرة انفجر كدا وافقد اعصابي

فعلا

حسيت انه لولا البنات كنت قتله

والله بتكلم جد

الله يحرقك يا عبده

انت والمديرة في يوم واحد

[kfaya]

قششششششششششططططططه

عليكىىىىىىىىى

يااااااااااااااا

شعنونههههههههههههههههههههههههه

و الله العظيم أرجل من ميت راجل ....... الدكتور ده سافل و لا يستحق أن يكون دكتور أصلا ....

حسيت انه لولا البنات كنت قتله

والله بتكلم جد

و تبقى... شعنونه قاتلة عبدة ..... :D

أسم فيلم هيكسر الدنيا ...

gsm::

روقى يا نونا .... حمد لله على السلامة ....

وكل سنة و انتى طيبة ,

خشيى اتسحرى بكحكاية و كام غريبايه ..

[Lighthouse]

:D

مهنة الطب

انبل مهنة على وجه الارض والمفترض فيمن يمتهنها ان يتحلى بروح التعاون والقدرة على العطاء

ايه الدكاترة العجيبة دي ياشانا

كل سنة وانت طيبة وعيد سعيد

روقي دمك بس ولايهمك gsm::

[سقراط المصري]

الأخت الفاضله شعنونه

مش فاكر مين من المغنيين قال الطيب في الزمان دا بيقولوا علي ضعيف.

هو عدواني وشراني بس جبان ، فلازم توريله العين الحمرا

اعتقد ان تصرفك كان صح مع مثل هذه النوعيات من المحسوبين على البشر.

تحياتي برجوعك ، وعيد سعيد :D

سقراط

تم تعديل 12 نوفمبر 2004 بواسطة سقراط المصري

[بنت شعنونة]

كلاب الرياسة

بنتين دراع يمين و ...دراع شمال للمديرة

حكيتلكم عليهم في اول الموضوع

فاكرنيهم؟ gsm::

اللي بيناموا على سرير واحد مع انه في اوضتهم سريرين!

ماعلينا

عزمنا المديرة على الفطار عندنا على سبيل تصليح الموقف ما بينا وما بينها

خصوصا ان ( هم و غم ...دا الأسم الكودي اللي المستشفى سموهم بيه) عمالين يملوا ودانها وسسسسسسسسوسسسسسسة علينا وبيحكولها كلللللللل حاجا

بالكدب او بالحق

ما هيا دي وظيفتهم

جواااااسسسسسسسسييييس على كل حاااااااجا

بس المهم الله اعلم بقى بيقولوا ايه؟

دول مش بيسلموا علينا ولا بيكلمونا ودايما يبصولنا باحتقار

ولا كأننا كلاب!

حتى سلالالالالالام عليكم؟ مش بيقولها ولا يردوها لو قلنها

هما كدا من يوووووووووووم ما شفتهم مع الطبيبات كلهم

يوم العزومة

طلعت المديرة السكن

وسبحااااااااااااااااااااااان الله؟؟؟؟؟؟؟؟؟؟؟؟؟؟؟؟؟؟ flrt:

قال ايييييييه

بيكلمونا ويهزروا معااااااااانا ويساعدونا في توضيب السفرة عشان المديرة تشوفهم!

لدرجة اني كنت ها اطقققققققق من الغيظ؟؟

شوف النفاق يا اخي؟؟؟؟؟؟؟؟

الكااااااااااارررررررثثثا الأكبر

احنا دايما نصلي جماعا المغرب وهما ولا ركعوها معانا

اليوم دا جم صلوا معانا؟؟؟؟؟؟؟؟؟؟؟؟

يانهار اسووووووود

بينافقوا حتى في الصلاة ياربببببببببببيييييييييي؟؟؟؟؟؟؟؟؟

حسبي الله ونعم الوكيل فيهم بجد

:D

تاني يوم ب ننادي بعض عشان نصلي المغرب جماعا وهما كانوا واقفين معانا في المطبخ

رحت قلت بصوت عاااااااااااالي جدا مع انها ورايا خبط

يا جماااااااعا

اللي يبقى الامام يصلي ب قل هو الله احد وانا اعطيناك الكوثر

واية ان المنافقين كانوا في الدرك الأسفل من النار

واخر ايات البقرة... اللهم لا تؤاخذنا بما فعل الســـــــــفــــهـــاء مناا

بدوّر وشي لقيت بقيت البنات اغمى عليهم من الضحك ع الأرض

بس قلت اللي في نفسي وارتحت وخلالالالالالالالالالالالالاص non::

[بنت شعنونة]

استاذ كفايا flrt:

ربنا يخليك

بس مسسسسسسسسسسسيري اقتله برضه non::

لايت

انتي شوفتي حاجا لسا!

عبده بيه دا

استاذ تحرش بالطبيبات

لو حكيتليك عمل ايه مع زميلة لنا من كام يوم

مش ها تكشفي عند دكااااااااااترة ابداااااااااااااااااااا

ها تكشفي عند مجبرااااااااتي ابرك :D

سقراط

فعلا

بس بجد ما تعرفش ازاي لازم اتعامل معاه؟

عامل زي الزيبق

مش عارفا امسكله وش او اتوقع رد فعله

الله ينتقم منه gsm::

[وليد صفوت]

شانا .......

كل سنة و انتى طيبة و عيد سعيد عليكى ....

انا شايف انك تستمرى فى نفس طريقتك المعتادة ..... فى اضافة الكثييييييييير و الكثييييييييييييييييييييييير من الخبث ...... على شوية دهاء ....... على حبة مكر ........ متغلفين تحت شيئ من الكياسة و اللباقة و سرعة البديهة ......

لو ده اتحقق ( طبعاً كل الصفات دى مش حتنزلك من السما فى يوم واحد .... و انما بالتدريب و الممارسة ) .... كنا بنقول انه لو اتحققت الصفات دى فيكى ......

يبقى و لا مليون ( راجل الا ) زى ( الراجل الا ) اللى شغال مدير معاكم ده ...

جربى .......... و احكيلى على النتائج ..

سلااااااام

[بنت شعنونة]

تجمعنا واشتكينا..

الموضوع كبر مرة واحدا والطبيبات كانوا ها يمسكوا في بعض ويضربوا بعض

عملنا تجمع ونزلنا للمديرة

خافت

رايت الخوف في عقلها لآول مرة من ساعة ما اشتغلت

شعور ابهجني

قررنا التجمع مرة اخرى

ولكن هذه المرة سنذهب للمديرية

سنشتكي نائب المدير عبده بيه بتهمة التحرش "ال****" بالطبيبات

لا نعرف كيف سنقولها

لكن سنفعل وقريبا ان شاء الله...

حركة النقل وصلت اخيرا

طلبت نقلي لمحافظة اخرى

اي مصيبة والسلام

طالعة من حفرة لدحديرة

مش مهم

المهم امشي

قدمت نيابتي

حاجات كلها مش عاوزاها

بس برضه مش مهم

المهم امشي وبس

ربنا يستر

حاسا اني خبطت في كل حلة لقيتها قدامي

ربنا يحلها من عنده بقى :(

[SnipeR]

موش عارف انا ضد فكره نقلك لاي مكان غير اسكندريه

يعني لو مرحتيش اسكندريه افضلي في مطروح..

انتي اولريدي اخدتي خبره في التعامل مع الصنف اللي موجود عند وعرفتي هم مين وهم عرفو مين شانا..

هتروحي مكان تاني بقي وتبتدي من الاول تاني؟؟؟؟؟؟

[بنت شعنونة]

صدقني احسن

عارف ليه

عشان ابتدي صح

عارف ازاي

يعني لا ها اضحك ولا اهزر مع مين ماكان يكون واديهم وش جبس على حق

وشغل على قد فلوسهم

عشان غلطتي هنا اني بينت طبيعتي ايه ف بقى كل اللي يعوز يهبل يهبل

تصور يا سنيبر

الراجل ال^%$%^$%# عبده بيه

انا ماشيا من المستشفى اول امبارح وانا عيانة وواحد شبهه كدا شافني" من نفس العينة يعني"

لقيته بيقولي

انتي اخليتي والا ايه يادكتورة!!

؟؟؟

قلتله لا بس بحاول على قد ما اقدر

ومشيت عشان استاذن من المديرة واسافر لآني كنت ها امووووووت خلاص

مالقتهاش رحت مسافرة

شافني الأخ

راح مبلغ عني عبده بيييييييه

اللي عرفت بعد كدا انه قلب الدنيا عليا وراح ضرب صاروخ ارض جو عند المديرة فيا

وكانت ها تبقى مشكلة لولا ستر ربنا

واتصلت بالمديرة اللي تفهمت موقفي لآن صوتي كان ضايع فعلا

وهيا كانت شايفاني قبلها بيوم وسمعت من ومايلنا عن منظري

شفت جبروت اكتر من كدا؟؟؟

حتى في العيا

يارب اخسف بيهم الأرض وافضحهم بنياتهم يااااااااااااارب

قولوا اميييييين ارجوكم

[SnipeR]

تديهم وش الجبس علي حق دي عندك حق فيها..

شغل علي قد فلوسهم دي بقي اللي صعب جدا مع حد زيك..

لان مهنتك بالذات محتاجه ضمير... مفتكرش هتقدري توزني ضميرك بفلوسهم يافندم..صح وللا غلط؟

(F)