منتدي مدينة العبور

[دكتور مصري]

الاخوة الافاضل

ادعوكم لمناقشة كل الامور التى تهم مدينة العبور بما في ذلك اسعار الشقق و الاراضي و الخدمات و تطورها في المدينة و كل ما يمس شئون هذه المدينة التى تعد افضل المدن الجديدة و اكثرها اكتمالا من ناحية الخدمات و قربا للقاهرة الكبري و لا يضاهيها في الهمية سوي القاهرة الجديدة و اكتوبر

و ارجو من سماسرة الاراضي و اصحاب المصالح عدم ازعاج رواد الموضوع

فهو في الاساس لتبادل النفع و المعلومات و النصح

و بصفتى احد المحبين لهذه المدينة و املك ارضا اقوم ببنائها في العبور ارحب باي استفسار من الزوار الافاضل حول المدينة

و كل عام و انتم بخير بمناسبة حلول الشهر الكريم

[سهل جدا]

الحقيقة أنا حابب جداً مدينة العبور..

وعامل حسابي إني لو ماقدرتش أشتري شقة في مدينة نصر.. هاشتري شقة في العبور إن شاء الله..

بداية كدة.. نتمنى من حضرتك يا دكتور.. تذكر لنا بالتفصيل مميزات السكن في العبور..

ثانياً.. هل لما أرجع لمصر نهائي في يوم إن شاء الله.. وبعدين أسكن في العبور.. هل هاقدر أعمل مشروع صغير هناك بحيث يكون عملي جنب السكن بتاعي وجنب أهلي وأولادي !!

[بندق أفندى]

الحقيقة أنا حابب جداً مدينة العبور..

وعامل حسابي إني لو ماقدرتش أشتري شقة في مدينة نصر.. هاشتري شقة في العبور إن شاء الله..

كأنها ارخص اياك؟

[سهل جدا]

الحقيقة أنا حابب جداً مدينة العبور..

وعامل حسابي إني لو ماقدرتش أشتري شقة في مدينة نصر.. هاشتري شقة في العبور إن شاء الله..

كأنها ارخص اياك؟

آه طبعاً أرخص.. وبكثير

الشقة الحلوة في مدينة نصر تخشلها في نص مليون وانت طالع (مش عارف طالع فين أكثر من كده.. :wub: )

بينما في العبور الشقة في نفس المستوى والمساحة تقل بكثير

[Falcon Crest]

المتر في العبور يبدأ من 1600 جنيه يا أستاذ سهل و يصل الي1800- 2000 في الحي التاسع

[ziad]

أنا عايش بين الزقازيق والقاهره

علي الاقل بعدي علي العبور 3-4 مرات اسبوعيا

العبور مميزاتها كتيره قوي

اظن بالنسبه لسعرها هي افضل مدينه جديدة لأن القاهره الجديدة أو الحي الخامس مينفعش تقول عليه مدينه جديده خلاص

اسعاره تقترب من اسعار مدينه نصر وبعض الأحيان اعلي مع نقص الخدمة والمواصلات

أنا نازل مصر اخر رمضان وإن شاء الله تكون العبور في أولوياتي

[دكتور مصري]

اشكر الجميع على تفاعلهم

اما عن مميزات المدينة فاهما قربها الشديد من القاهرة حيث تبعد مسافة خمس دقائق عن كوبري المطار و اول طريق جسر السويسو هذه ميزة مهمة جدا بالنسبة لمن يعمل بالقاهرة الكبري كما ترتبط بشبكة مواصلات كبيرة تصلها بمعظم احياء القاهرة

و تعد العبور اقرب المدن الجديدة الى القاهرة

الميزة الثانية هي اكتمال الخدمات بها و نموها السريع جدا فبها سوق العبور و هو مقصد لكثير من سكان القاهرة لشراء السلع و كذلك بها اسواق كبري مثل كارفور

بالنسبة للخدمات التعليمية بها عدد كبر من المدارس سواء الحومية او الخاصة او الدولية كما ان كل من جامعتى عين شمس و بنها قد بدأتا في تشييد مقار لهما في المدينة و من المخطط ان تبدا الدراسة في جامعة عين شمس بالعبور في عام 2011-2012 وهو ما سينقل المدينة نقله هائلة بالاضافة الى جامعة مصر الدولية التى تعمل بالفعل منذ سنوات

و الميزة الاخرى هي الاسعار فاسعار العبور تقل بكثير عن التجمع الخامس و اكتوبر و يبلغ متوسط سعر المتر 1400-1700 تقسيط اما الفورى فيبلغ المتوسط حوالي 1100-1200 جنيه

المدينة مقسمة بشكل مميز و هناك احياء الفيلات في مدخل المدينة و هي منطقة راقية و مخططة بشكل جميل و هناك الاسكان العائلي و هو ايضا مخطط بشكل ممتاز و راقي

المدينة بها ناديان اجتماعيان و رياضيان

المدينة هي اكثر المدن الجديدة مع اكتوبر نموا و اعمارا و هي بحق اكثر المدن الجديدة التى لها مستقبل واعد جدا في الفترة القادمة و يمكن لاي فرد ان ينتقل اليوم للسكن بها دون اي مشكله بعكس المدن الاتخرى التى تشتري فيها الشقه اليوم لتتركها على الاقل عشر سنوات قبل التفكير في السكن

و للحديث بقية ان شاء الله

[بندق أفندى]

و الميزة الاخرى هي الاسعار فاسعار العبور تقل بكثير عن التجمع الخامس و اكتوبر و يبلغ متوسط سعر المتر 1400-1700 تقسيط اما الفورى فيبلغ المتوسط حوالي 1100-1200 جنيه

طيب أسعار الجولف كم؟

[دكتور مصري]

الاخ الفاضل

منتجع الجولف ليس مقياسا للاسعار في مدينة العبور حيث انه منتجع صمم على مستوى من الرفاهية مرتفع و لذا فالاسعار هناك على ما اعلم ترتفع الى اكثر من 3000 جنيه للمتر

تحياتي

[ziad]

ملحوظه كمان

علي طريق الإسماعيليه القاهره بعد متخرج من مدينه العبور متجه اللي القاهره بتعدي علي نهايه طريق بلبيس الصحراوي وبعدين علي يمينك موقف ومدخل للطريق الدائري ,المنطقه ديه دايما زحمه ,حاليا بيتبني فيها كبري اسمه التقاطع الحر علي مااذكر ,ده هيخلي اللي جاي من اسماعليه متجه للقاهره بعيد عن الناس اللي داخله الدائري بعيد عن زحمه السلام

بعد الإنتهاء من الكبري ده امور كتير قوي هتتحسن

بالنسبه للبناء لجامعه عين شمس أنا كنت معدي علي العبور من 3 أسابيع واعتقد قطع الجامعات علي اليمين وإنت جاي من بلبيس وبصراحه مشفتش بناء هناك

اتمني يكون فيها شغل لأن ديه هتكون نقله لو جامعه عين شمس فتحت هناك أو نقلت بعض كلياتها هناك

[se_ Elsyed]

حاسب يا عم

حد بيجيب في سيرة العبور وعمدتها موجود

أنا لسه واصل النهاردة الفجر

ووالله العظيم كنت جايب لكم كمية صور حيه عن المدينة وأحيائها كلها ...

لكن لخبطة السفر خليتني أنسى الكاميرا في مصر ... بس جيببت الشاحن معايا :lol: .. وهاخلي الأودلا بقى يجيبوها وهما جايين بعد العيد .. معليش أو لو عرفت أجيبها مع اي حد جاي ... وكنت ناوي أكتب لكم موضوع وأسميه " الدر المنثور ... في وصف مدينة العبور "

لكن طالما الدكتور سبقني .. يبقى على بركة الله العملية واحد وكا بتفرقش

نرحب بأي أسئلة واستفسارات ومطلوب ولدينا أسئلة جاهزة أو إيجار جديد :lol:

جايب لكم مفاجأة عن بدائل لطريق مصر الأسماعيلية اللي مجرد ما تيجي سيرته في ناس بيجيلها أنهيار عصبي من الزحمه اللي فيه ...

وبالتالي هاتخرج وتدخل وتتشقلب في العبور من غير ما تعدي على المعجنة دي

هاريح النهاردة من وعثاء السفر وكآبة المنظر ... وبعدين نسخن الموضوع ده اللي هايبقى بإذن الله مرجع هام لكل المهتمين بعروس البحر الأحمر المتوسط " مدينة العبور "

[دكتور مصري]

شكرا الاستاذ سي السيد على تشريفك للموضوع و انا على ثقة من ان مشاركاتك ستثريه و تجعله اكثرا افادة للجميع

[se_ Elsyed]

أهلاً بجارنا العزيز الدكتور

محسوبك في الحي الأول فيلات قدام الملاعب المفتوحه اللي هناك بس كان عندي فيلا الأول في الحي السادس ويعتها وأخدت شقة لأقتناعي بمدينة العبور وبتنظيمها وبالحيوية اللي فيها ... خصوصاً بعد ما كارفور أشتغل وقلب الدنيا رأساً على عقب هناك ..

لكن اسمح لي أختلف مع حضرتك على الأسعار هناك ... موضوع الـ 1100 والـ 1400 للمتر ده صعب ... طب موجود فين ؟

المتوسط دلوقت في الحي الأول فيلات - مش الأول الشعبي الزحمه - هو 1800 .. ولو حاجه مش مميزة يبقى 1400

لكن بشكل عام سوق العقار في العبور مثله مثل كل مصر .. إنضرب بالنار وفعلاً عد ما كانت المنطقة بتشغي ناس رايحه جايه تسأل وتتفرج على شقق .. ما بقاش في لا بيع ولا شرا دلوقت وفي حالة ترقب من الجميع ..

وسبحان مقلب الأحوال .... من سنة كده كنت تتعامل مع السماسرة يبص لي من فوق لتحت ويكلمك من طرف مناخيره ...

دلوقت أعرف ناس كتيره منهم صفوا وقفلوا تماماً بعد ما الحال وقف ...

يكفي أن أذكر لسعادتك إني أعرف ناس منهم معرفة شخصية كان دخله اليومي .... بأقول اليومي ... ما بين 50 إلى 70 ألف ج ... يومياً

من السمسرة وقرعة الأراضي والشرا والبيع ... فهم لم يكونوا سماسرة بيكتفوا بالـ 2.5 % العمولة فقط .. بل كانوا يشتروا ويبيعوا لأنفسهم وكانت العملية لوز ... وناس كانت جايه من الأرياف بجلاليب مقطعه .. شغلوا دماغهم وركبوا هامر .. أنا شوفتهم بعيني

سبحان الله

لكن المدينة بشكل عام دلوقت ما شاء الله عليها ...

مازالت محتفظه بمستواها الراقي ... والخدمات فيها جيده إلى حد كبير ... وما فيش تهريج في التنظيم ولا البناء ...

لو حضرتك جيت ناحيتنا في الحي الأول فيلات قبل الأسكان المميز مباشرة هاتلاقي معلم من معالم المدينة ... وهي عمارة كبيرة مساحتها حوالي 1000 متر ... الجهاز هدم اجزاء منها كبيرة عشان صاحبها طلع حوالي متر فقط فوق المساحة المسموح بالبناء عليها .... بالرغم مين بقى صاحبها .؟

لواء أمن دولة .... لكن جابوا عاليها واطيها وبقت خسارته بالويبة ...

كذلك لما تدخل الحي الأول القديم نفسه تلاقي شي عجيب يمكن مش موجود في مصر كلها من اسكندرية إلى اسوان ...... منطقة مولات فيها يمكن 30 مول جنب بعض متنوعي النشاط وكثير منهم شغال زي النار وحاجه عجيبة بصراحة .... والأمور هناك تحفز على أي نشاط تجاري حيث أن أي مشروع في المدن الجديدة له 10 سنوات أعفا من الضرايب ...

والمواصلات بقت كتيرة ومتنوعة برضوا ... بس لازم عربية برضوا الأمر ما يسلمش ...

وللحديث بقية وكل سنة وأنتم طيبين ...

[dongol]

أخوكم اللي هو العبد لله عايز ياخد حتة أرض في العبور بس تكون في منطقة ليست شعبيه و يا سلام لو كانت قريبه من كارفور

و اذا تعذر موضوع الارض فممكن انزل سقف تطلعاتي و تبقي شقه

تنصحوني بانهي منطقة و يا ريت لو حد يعرف حد بيبني هناك بس يكون مضمون يا ريت يدلني

دنجل

[دكتور مصري]

أهلاً بجارنا العزيز الدكتور

محسوبك في الحي الأول فيلات قدام الملاعب المفتوحه اللي هناك بس كان عندي فيلا الأول في الحي السادس ويعتها وأخدت شقة لأقتناعي بمدينة العبور وبتنظيمها وبالحيوية اللي فيها ... خصوصاً بعد ما كارفور أشتغل وقلب الدنيا رأساً على عقب هناك ..

لكن اسمح لي أختلف مع حضرتك على الأسعار هناك ... موضوع الـ 1100 والـ 1400 للمتر ده صعب ... طب موجود فين ؟

المتوسط دلوقت في الحي الأول فيلات - مش الأول الشعبي الزحمه - هو 1800 .. ولو حاجه مش مميزة يبقى 1400

لكن بشكل عام سوق العقار في العبور مثله مثل كل مصر .. إنضرب بالنار وفعلاً عد ما كانت المنطقة بتشغي ناس رايحه جايه تسأل وتتفرج على شقق .. ما بقاش في لا بيع ولا شرا دلوقت وفي حالة ترقب من الجميع ..

وسبحان مقلب الأحوال .... من سنة كده كنت تتعامل مع السماسرة يبص لي من فوق لتحت ويكلمك من طرف مناخيره ...

دلوقت أعرف ناس كتيره منهم صفوا وقفلوا تماماً بعد ما الحال وقف ...

يكفي أن أذكر لسعادتك إني أعرف ناس منهم معرفة شخصية كان دخله اليومي .... بأقول اليومي ... ما بين 50 إلى 70 ألف ج ... يومياً

من السمسرة وقرعة الأراضي والشرا والبيع ... فهم لم يكونوا سماسرة بيكتفوا بالـ 2.5 % العمولة فقط .. بل كانوا يشتروا ويبيعوا لأنفسهم وكانت العملية لوز ... وناس كانت جايه من الأرياف بجلاليب مقطعه .. شغلوا دماغهم وركبوا هامر .. أنا شوفتهم بعيني

سبحان الله

لكن المدينة بشكل عام دلوقت ما شاء الله عليها ...

مازالت محتفظه بمستواها الراقي ... والخدمات فيها جيده إلى حد كبير ... وما فيش تهريج في التنظيم ولا البناء ...

لو حضرتك جيت ناحيتنا في الحي الأول فيلات قبل الأسكان المميز مباشرة هاتلاقي معلم من معالم المدينة ... وهي عمارة كبيرة مساحتها حوالي 1000 متر ... الجهاز هدم اجزاء منها كبيرة عشان صاحبها طلع حوالي متر فقط فوق المساحة المسموح بالبناء عليها .... بالرغم مين بقى صاحبها .؟

لواء أمن دولة .... لكن جابوا عاليها واطيها وبقت خسارته بالويبة ...

كذلك لما تدخل الحي الأول القديم نفسه تلاقي شي عجيب يمكن مش موجود في مصر كلها من اسكندرية إلى اسوان ...... منطقة مولات فيها يمكن 30 مول جنب بعض متنوعي النشاط وكثير منهم شغال زي النار وحاجه عجيبة بصراحة .... والأمور هناك تحفز على أي نشاط تجاري حيث أن أي مشروع في المدن الجديدة له 10 سنوات أعفا من الضرايب ...

والمواصلات بقت كتيرة ومتنوعة برضوا ... بس لازم عربية برضوا الأمر ما يسلمش ...

وللحديث بقية وكل سنة وأنتم طيبين ...

الاخ الفاضل سي السيد

فعلا كلام حضرتك مظبوط فيما يتعلق بمكاسب السماسرة و انا ايضا رايت ذلك بنفسي

اما عن الاسعار فدي اسعار الاحياء الرابع و الخامس فيلات كاش اما التقسيط فعلا بيرتفع الى 1700-1800

على حد علمي الاحياء السادس و السابع لم يعد فيها اي اراضي للبناء و تقريبا اكتملا و البناء حاليا في الرابع و الخامس فيلات و الثالث عمارات

تحياتي

[دكتور مصري]

أخوكم اللي هو العبد لله عايز ياخد حتة أرض في العبور بس تكون في منطقة ليست شعبيه و يا سلام لو كانت قريبه من كارفور

و اذا تعذر موضوع الارض فممكن انزل سقف تطلعاتي و تبقي شقه

تنصحوني بانهي منطقة و يا ريت لو حد يعرف حد بيبني هناك بس يكون مضمون يا ريت يدلني

دنجل

السلام عليكم

انصحح حضرتك بالاحياء الرابع و الخامس فاسعارها هي الانسب حاليا و لو لديك امكانيات للبناء فورا يمكنك الحصول على قطعة ارض التى ققاربت مهلتها على الانتهاء و بسعر معقول جدا

اما لو عايز شقه في ناس كثير و تسوق شقق في الحي الرابع و الخامس و لو رحت العبور هتلاقي اكثر من شركة في ميدان السادات في مدخل الحي الاول و هناك ممكن تحصل على شقة و بالتقسيط في اي فيلا و تستلمها خلال شهر او اثنين

و اذا حبيت تفاصيل اكثر للشركات دي ممكن تكلمنى على الخاص عشان متبقاش دعايا عبر المنتدي

تحياتي

[سهل جدا]

و اذا حبيت تفاصيل اكثر للشركات دي ممكن تكلمنى على الخاص عشان متبقاش دعايا عبر المنتدي

تحياتي

اللي أعرفه إن منتدى المحاورات لا يمانع من هذ الدعايا..

وليتك تخبرنا بأوثق الناس.. لكي يستفيد الجميع منها..

=======

معليش بالنسبة للمساكن اللي تبع الحكومة ديه في العبور.. إيه سبب رخصها ؟!!

وهل هي سيئة .. لأن فيه تفاوت في الأسعار كبيرة جدا الحقيقة..

[dongol]

السلام عليكم

انصحح حضرتك بالاحياء الرابع و الخامس فاسعارها هي الانسب حاليا و لو لديك امكانيات للبناء فورا يمكنك الحصول على قطعة ارض التى ققاربت مهلتها على الانتهاء و بسعر معقول جدا

اما لو عايز شقه في ناس كثير و تسوق شقق في الحي الرابع و الخامس و لو رحت العبور هتلاقي اكثر من شركة في ميدان السادات في مدخل الحي الاول و هناك ممكن تحصل على شقة و بالتقسيط في اي فيلا و تستلمها خلال شهر او اثنين

و اذا حبيت تفاصيل اكثر للشركات دي ممكن تكلمنى على الخاص عشان متبقاش دعايا عبر المنتدي

تحياتي

انا بعت لحضرتك علي الخاص و شكرا مقدما

دنجل

[دكتور مصري]

و اذا حبيت تفاصيل اكثر للشركات دي ممكن تكلمنى على الخاص عشان متبقاش دعايا عبر المنتدي

تحياتي

اللي أعرفه إن منتدى المحاورات لا يمانع من هذ الدعايا..

وليتك تخبرنا بأوثق الناس.. لكي يستفيد الجميع منها..

=======

معليش بالنسبة للمساكن اللي تبع الحكومة ديه في العبور.. إيه سبب رخصها ؟!!

وهل هي سيئة .. لأن فيه تفاوت في الأسعار كبيرة جدا الحقيقة..

على قدر تعاملي هناك شركة المجد و شركة ابراج و كلاهما ناس محترمة جدا و ملتزمة في التعامل و لهم مكتب في ميدان السادات في مدخل الحي الاول و اكيد هناك شركات اخرى جيده و لكن هؤلاء الناس انا تعاملت معهم و هم ناس محترمون

و طبعا انصح من يشترى شقه ان يكون استلامها في وقت قريب و ليس خلال سنة او حتى نصف سنه يعنى يكون استلامها خلال شهر على الاكثر او فوري لان كثير من الشركات لا يلتزم بالوقت عادة

بالتوفيق للجميع

[دكتور مصري]

هناك في العبور مساكن المشروع القومي للاسكان و مساكن الشباب و دي طبعا اسعارها منخفضه و لكنها صغيرة المساحة و مدعمة من الدولة و اصحابها بيعيدوا بيعها و بيحققوا مكاسب

و لكن الشقق دي موجوده في اماكن منفصلة و بعيدة عن احياء الفيلات التى تقع في مدخل المدينة و تمتد حتى ميدان السادات و مدخل الحي الاول