منتدي مدينة العبور

[دكتور مصري]

سمعت ان هناك نادي اجتماعي سيتم افتتاحه في العبور قريبا هل هناك اي معلومات عن النادي و عن الاندية الموجودة بالمدينة و المبالغ المطلوبة للاشتراك بها

[ozoozo]

علي فكره موضوع مساكن المحافظه اللي هناك دي اغلب ظني انها لا توجد ملكيه للارض اي بعد ما يهدم العقار بعد 50 او 100 او 200 سنه تعود ملكيه الارض بالكامل للمحافظه

وده سبب انخفاض سعرها

[se_ Elsyed]

سمعت ان هناك نادي اجتماعي سيتم افتتاحه في العبور قريبا هل هناك اي معلومات عن النادي و عن الاندية الموجودة بالمدينة و المبالغ المطلوبة للاشتراك بها

طبعاً موجود

وهايبقى تحفه لما يكمل ( نادي العبور الرياضي )

النادي يقع خلف الملاعب المفتوحة على مساحة 32 فدان وتم وضع حجر أساساه من قِبل حسن صقر رئيس جهاز الرياضة من حوالي 6 شهور تقريباً .... وتم تأسيسه من قِبل جمعية المستثمرين بالعبور كمشروع إستثماري ..... وفي لوحه كبيرة محطوطة على الطريق أمامه مبائرة توضح الإنشاءات اللي هاتبقى فيه .... وهو شغال جزئياً حالياً .. وقيمة الإشتراك تعتبر ببلاش دلوقت ( 6 الاف ج للأسرة الواحدة مهما كان عدد أفرادها .... وأعتقد التجديد السنوي لن يزيد على 200 ج سنوياً ) وكل اللي مطلوب صور شهادات الميلام للمشتركين وصور بطاقة الأب والأم ....

وفي طبعاً السفاح الكبير .. نادي إي سي ميلان City Club اللي جنب كارفور على طول .... وده حاجه عاليه وراقية قوي ... سألت عليه من سنتين قالوا لي الإشتراك 75 ألف والأب والأم لازم يبقوا حاصلين على مؤهل عالي .... قلت لهم أقعدوا بالعافية ....

[se_ Elsyed]

الإكتشاف بقى اللي إكتشفته هذه المره وغير مجرى نظرتي للعبور ...

عشان أقرب الفكرة للناس ...

إنت لما كنت بتييجي رايح للعبور ... هانقول مثلاً هاتبدأ من عند نادي الشمس .... تتجه في طريق جسر السويس ... ثم تصل إلى موقف العاشر من رمضان ثم الهايكستب ثم تجد نفق على شكل حرف U تدخله تجد نفسك في العبور ....

في الطريق ده أزحم حته هي بتاعت موقف العاشر من رمضان وبتبقى زحمه في أوقات كتيرة ....

برضوا مش مشكلة تتقضى ...

المصيبة والكارثة كلها في الطريق اللي راجع ....

يا عيني يا ليل ...

والله ممكن تجد ناس واقفه في الطريق ودموعها تجري على خدودها من اللطعه اللي بيتلطعوها هناك ...

مسافه 2 أو 3 كم ... بدون مبالغه ممكن تقعد فيهم ساعه أو ساعه ونص واقف محلك سر ...

عشان برضوا نتخيل ...

وإنت جاي من العاشر من رمضان بتعدي عالشروق ... وبعدين ملاهي اكوا بارك المائية ... وبعدها مدخل مدينة العبور ... وبعدها سوق العبور ...

لحد كده عنب والطريق حرير وزي الفل ....

تيجي بقى تقرب من طريق بلبيس الصحراوي ....

وقبل ما تقرب .... تقع الكارثة المتكررة يومياً ...

زحام رهيب رهيب رهيب .... ما بين سيارات وخصوصاً سيارات نقل واتوبيسات نقل عمال قادمه من مصانع العاشر من رمضان ومن قبلها سيارات فواكه وخضروات قادمه من الإسماعيلية للتوزيع لأنحاء الجمهورية .... وفي ناس داخله طريق بلبيس وناش خارجه منه وبعدها بـ 100 متر الطريق الدائري وفي ناس ماشيه في طريقها على طول متجهه لجسر السويس ...

وعيش يا معلم أقف إلى ما لا نهاية ....

وعشان كده كانت ساعات تيجي سيرة العبور ... فاللي عارفها تلاقيه أتشنج ..... وتيبست أطرافه ... ثم ينخرط في نوبة بكاء هيسترية لهذا السبب ...

طب أنا بقى ساكن في العبور ... وعاوز أطلع الدائري أو أكمل لمصر الجديدة أو مدينة نصر ... يبقى لازم أمشي لحد أخر العبور وبعدين أخد يمين من عند سوق العبور .. لأبدأ رحلة الجهاد المتكررة ....

لأ خلاص ... هذا الحل عدا وولى وتولى

لقينا الحل الأرشميديسي الساحر ..

والله العظيم كنت زي اللي عايش في غياهب الظلمات ... ثم فجأتون لقى طاقة نور في حياته ...

الطريق بقى عبارة عن .... تدخل لأي طريق جانبي متقاطع مع طريق العبور الرئيسي لتقطع المنطقة الصناعية الموجوده هناك ..... وتفضل ماشي بالعرض لحد ما توصل طريق بلبيس الصحراوي .... وهاتعدي على مساحة أرض رهيبة تقدر بملايين الكيلومترات مخصصة لإعادة تمركز مصنع 81 الحربي ... حاجه كده بتاع 4 كم * 5 كم ....

ثم تنعطف يساراً في الطريق قبل بوابة الكرته بتاعت بلبيس وتفضل ماشي على طول لحد ما تعدي على أستاد السلام الرياضي الخاص بفريق الإنتاج الحربي لحد ما توصل طريق مصر الإسماعيلية وتاخد يمين وتمشي 100 متر تلاقي الطريق الدائري ....

تخيلوا ... من ساعة ونص في الطريق ... إلى بالظبط حوالي 6 دقائق .... وتحس إنك ماشي لوحدك في الطريق ده ... لانه ممهد بطريقه جيده وما فيش أي ضغط عليه إطلاقاً ...

كمان لو أنا مش طالع الدايري وعاوز أكمل في جسر السويس على طول وحاسس إن دخلة الدايري ممكن تكون زحمه ...

فما باخدش الطريق للاخر ...

وأول ما وصل عند خزان المياه العملاق اللي بيغذي مدنية السلام ... بادخل من جنبه يمين ... موازياً لمستشفى السلام .... وأعدي على مرور السلام وقسم شرطة السلام وأعدي من تحت الطريق الدائري وأدخل مدنية الحرفيين ... الأقي نفسي تحت كوبري النزهة على شارع جسر السويس ....

حاجه زي الفل ... تخريمة بتوفر كتير جداً جداً جداً قول لحد الصبح ..

وأنا جاي برضوا للعبور بأعمل نفس الشغلانه دي ..... والأقي نفسي داخل المدينة

وأي خدمه يا رجالة ...

طبعاً في كوبري بيتعمل على الطريق دلوقت عشان اللي مكمل على طول في طريق الأسماعيلية رايح جاي ... يطلعه ..

واللي داخل بلبيس الصحراوي أو الدايري .... يمشي تحت ..

[dongol]

ممكن يا حاج سين سين بما ان انت طلعت خبرة جامده في العبور تقولنا الواحد لما يحب يدور علي حتة أرض هناك يعمل ايه علشان ما يضحكش عليه

[se_ Elsyed]

ممكن طبعاً يا دونجل باشا .. سعادتك تؤمر ...

بص ..

كل راغبي البيع في مجال العقارات سواء كانوا أفراد أو شركات او خلافه ... كانوا منتظرين شهري 7 و 8 بفارغ لاصبر للخروج من حالة الركود ومحاولة تسويق عقاراتهم بمكسب ..

لكن نقبهم طلع على شونه ... مش شماته والله .... ربنا يرزق كل واحد ويوسعها عالجميع

لكن فعلاً ... السوق إنضرب بالنار وناس كتيرة بيوتها غتخربت وفلوسها إتجمدت في حاجات مش قادرين يبيعوها ...

وحيث إنك عايز تشتري طين ... قصدي أرض ...

يبقى شكلك مش مستعجل ...

يبقى اصبر شهرين بالكتير يا معلم ... وادعي لي ..

هاتلاقي الدنيا نزلت والبياعين بيجروا وراك عشان تشتري ...

تعمل إيه ؟

أمامك حلين :

1- يا إما تتابع الإعلانات المختلفة سواء في الأهرام أو الوسيط الإلكتروني ... بس تكون إعلانات مباشرة من البائعين .... عشان توفر العمولة

2- تلجأ لمكاتب سمسرة محترمه .... وتستعد لدفع 2.5 % من قيمة الأرض إذا تمت البيعة كعمولة لهم ... وبصراحة هناك مكاتب محترمة كتيرة جداً وبيبقى عندهم داتا بيز كبيرة وبيوريك حاجات كتيرة قوي .. وحتى لو لف معاك لعدة أيام وما اشتريتش .. ما بيبقاش في مشكلة ومش هاتدقع حاجه

بس

- لازم تحدد هدفك ؟ إنت عاوز إيه ؟

أرض فيلا يعني تبني على 50 % فقط والباقي حديقة ومسموح لك ببدروم ودورين ولو عاوز التالت بتدفع رسوم تقدر 25 % من قيمة الأرض الحقيقة بتاعت زمان وروف طبعاً

ولا

أرض عمارة ومسموح لك بأربع أدوار وروف وتبني على 60 % والباقي فاضي .. فراغ يعني ..

- طبعاً ميزانيتك ... شي مهم .... ميزانية الشرا وميزانية البنا اللي لازم تحط تحتها 100 خط عشان ما تتورطش وتبقى زي اللي نزل البحر لا قادر يكمل ولا قادر يرجع

ويا هناك يا سعدك لو وقعت على حته أرض تخصيص قديم بحيث تنقل ملكية على طول ....

[بندق أفندى]

سمعت ان هناك نادي اجتماعي سيتم افتتاحه في العبور قريبا هل هناك اي معلومات عن النادي و عن الاندية الموجودة بالمدينة و المبالغ المطلوبة للاشتراك بها

طبعاً موجود

وفي طبعاً السفاح الكبير .. نادي إي سي ميلان City Club اللي جنب كارفور على طول .... وده حاجه عاليه وراقية قوي ... سألت عليه من سنتين قالوا لي الإشتراك 75 ألف والأب والأم لازم يبقوا حاصلين على مؤهل عالي .... قلت لهم أقعدوا بالعافية ....

اتعرض على ب 20 الف ووبالتقسيط على 3 سنوات .. قلت مش عاوز .. لأنه عندى عضوية نادى كبير ولا هى تجميع عضويات وخلاص؟

[se_ Elsyed]

اتعرض على ب 20 الف ووبالتقسيط على 3 سنوات .. قلت مش عاوز .. لأنه عندى عضوية نادى كبير ولا هى تجميع عضويات وخلاص؟

ده في الستينات ولا أمتى يا شيف ؟ :closedeyes:

لو العرض مازال قائم .... قولي ومش هانسى عرقك .... ليك حته بخمسة مقفولة فوق العشرين

كلام رجالة

[بندق أفندى]

اتعرض على ب 20 الف ووبالتقسيط على 3 سنوات .. قلت مش عاوز .. لأنه عندى عضوية نادى كبير ولا هى تجميع عضويات وخلاص؟

ده في الستينات ولا أمتى يا شيف ؟ :closedeyes:

لو العرض مازال قائم .... قولي ومش هانسى عرقك .... ليك حته بخمسة مقفولة فوق العشرين

كلام رجالة

أول ما فتح من حوالى 3 سنوات يمكن ..

ما تنساش انى من سكان العبور ..

[se_ Elsyed]

..

ما تنساش انى من سكان العبور ..

بجد والله

وسايبني أنبح في صوتي من الصبح ....

يعني طلعنا جيران

( حلو يبقى كده هارمي الهلب على طول على بندق .. عزومات بقى وسي فوود ... ولحمه فوود .. وهاتبجى هيصه يا معنم )

إنتي فين من عند الحج حليم يا شيف ؟ :closedeyes:

ده أحنا كده هانعمل لوبي عبوري ... ونحتل المنتدى ..

تحيه لكل أبطال العبور

تحيه لهؤلاء الرجال البواسل وأسود المعارك

[بندق أفندى]

..

ما تنساش انى من سكان العبور ..

بجد والله

وسايبني أنبح في صوتي من الصبح ....

يعني طلعنا جيران

( حلو يبقى كده هارمي الهلب على طول على بندق .. عزومات بقى وسي فوود ... ولحمه فوود .. وهاتبجى هيصه يا معنم )

إنتي فين من عند الحج حليم يا شيف ؟

ده أحنا كده هانعمل لوبي عبوري ... ونحتل المنتدى ..

تحيه لكل أبطال العبور

تحيه لهؤلاء الرجال البواسل وأسود المعارك

انا عمال أسألك على الجولف من زمان .. وانتى تقولى اوعى وشك دا غالى أوى ..

أنا أخدت فيه لما كان كومة رمل .. وبعدين انا من فقراء الحى .. الركن المطل على جمعية عرابى مباشرة

بجد بلكونتى تطل على الركن الجنوبى الغربى

نتقابل .. نروح نجيب السمك والجمبرى من السويس سيبك من سوق العبور دول شوية بلطجية

ونرجع نعمل شوية أكل .. نطفش بيهم الجيران

تم تعديل 29 أغسطس 2009 بواسطة بندق أفندى

[dongol]

ممكن طبعاً يا دونجل باشا .. سعادتك تؤمر ...

بص ..

كل راغبي البيع في مجال العقارات سواء كانوا أفراد أو شركات او خلافه ... كانوا منتظرين شهري 7 و 8 بفارغ لاصبر للخروج من حالة الركود ومحاولة تسويق عقاراتهم بمكسب ..

لكن نقبهم طلع على شونه ... مش شماته والله .... ربنا يرزق كل واحد ويوسعها عالجميع

لكن فعلاً ... السوق إنضرب بالنار وناس كتيرة بيوتها غتخربت وفلوسها إتجمدت في حاجات مش قادرين يبيعوها ...

وحيث إنك عايز تشتري طين ... قصدي أرض ...

يبقى شكلك مش مستعجل ...

يبقى اصبر شهرين بالكتير يا معلم ... وادعي لي ..

هاتلاقي الدنيا نزلت والبياعين بيجروا وراك عشان تشتري ...

تعمل إيه ؟

أمامك حلين :

1- يا إما تتابع الإعلانات المختلفة سواء في الأهرام أو الوسيط الإلكتروني ... بس تكون إعلانات مباشرة من البائعين .... عشان توفر العمولة

2- تلجأ لمكاتب سمسرة محترمه .... وتستعد لدفع 2.5 % من قيمة الأرض إذا تمت البيعة كعمولة لهم ... وبصراحة هناك مكاتب محترمة كتيرة جداً وبيبقى عندهم داتا بيز كبيرة وبيوريك حاجات كتيرة قوي .. وحتى لو لف معاك لعدة أيام وما اشتريتش .. ما بيبقاش في مشكلة ومش هاتدقع حاجه

بس

- لازم تحدد هدفك ؟ إنت عاوز إيه ؟

أرض فيلا يعني تبني على 50 % فقط والباقي حديقة ومسموح لك ببدروم ودورين ولو عاوز التالت بتدفع رسوم تقدر 25 % من قيمة الأرض الحقيقة بتاعت زمان وروف طبعاً

ولا

أرض عمارة ومسموح لك بأربع أدوار وروف وتبني على 60 % والباقي فاضي .. فراغ يعني ..

- طبعاً ميزانيتك ... شي مهم .... ميزانية الشرا وميزانية البنا اللي لازم تحط تحتها 100 خط عشان ما تتورطش وتبقى زي اللي نزل البحر لا قادر يكمل ولا قادر يرجع

ويا هناك يا سعدك لو وقعت على حته أرض تخصيص قديم بحيث تنقل ملكية على طول ....

يا سلام عليك يا أبو الاسيان دايما تجيب من الاخر

انا طبعا محدد هدفي ان يكون عندي بيت لوحدي انا والعيال يعني مش استثمار علشان كده مش عايز عماير و بدور علي فيلا محندقة كده تلمنا

بما ان حضرتك قلت اني لازم احدد الميزانيه بتاعة الارض و بتاعة البنا ممكن تدينا فكرة عن الاسعار دلوقتي عاملة ايه في العبور علشان الواحد ما يتسوحش و يقعد يدور و في الاخر يلاقي انه الاسعار اكبر من الميزانية المتاحة

[دكتور مصري]

الاخ الفاضل سي السيد

شكرا على الرد

جزاك الله خيرا

[ahmed badr]

اخوانى رواد المنتدى

السلام عليكم ورحمة الله وبركاته

وكل عام وأنتم بالف خير

ارجو الافادة عن سؤالى التالى ولكم خالص الشكر والتقدير

أنا من سكان المنصورة وكان معى سيارة فى الاجازة الماضية وكنت أسلك الطريق من المنصورة إلى الدائرى إلى أن أمر أسفل نفق السلام ثم اعمل u-turn إلى أن اجد لافتة مكتوب عليها العبور انزل من عند هذة الفتحة وهذا هو طريق مصر الاسماعيلية وأستمر فى السير حتى اصل إلى القادسية (بعد الشروق وبعد المركز الطبى العالمى ) حيث فطعة ارضى التى اشتريتها حديثاً (على فكرة منطقة القادسية أنضمت حديثاً لجهاز العبور حسب القرار الجمهورى فى شهر فبراير 2009)

وسؤالى من فضلكم !! هل يوجد طريق آخر مختصر من ناحية العاشر من رمضان أو غيره خاصة أننى لن أنزل الاجازة القادمة بالسيارة ؟ فارجو اعلامى بكل الطرق التى يمكن الوصول منها إلى القادسية والمواصلات المتوفرة فى هذة المناطق( باص - سيارات00000)

مع خالص الشكر والتقدير

[دكتور مصري]

كنت في العبور امس

في مكتب احد الاصدقاء الذى يعمل بالتسويق العقاري

و رايت ان هناك اقبالا متوايدا على المدينة و الحركة بدات تعود من جديد في الشراء

و رايت بنفسي احد الاسخاص يستري في الحي الخامس شقة بسعر 1550 جنيه للمتر تقسيط على خمس سنوات فيما تصل اسعار الحي التاسع الى 1800 تقسيط ايضا

كما علمت ان شقق الشباب سيتم تسليمها خلال الشهر القادم

و هي تقد في المنطقة اتى تقع مباشرة خلف جهاز امدينة و تطل على فيلات القصو ر مباشرة و هي فيلات تبلغ مساحة البناء فيها 25 بالمائة فقد و الباقي حديقة

تحياتي للجميع

[se_ Elsyed]

و تطل على فيلات القصو ر مباشرة و هي فيلات تبلغ مساحة البناء فيها 25 بالمائة فقد و الباقي حديقة

النسبة دي مكتوبة صح يا دكتور ؟!!!!!!!!

يعني ابقى شاري 1000 متر وابني على 250 بس واسيبة 750 جنينه ؟!!

تيجي ازاي ؟

[francois]

الاخوة الاعزاء

انا امتلك شقة 205 متر فى الحى التاسع وعارضها للبيع فى منزل من اربع طوابق

الشقة فى الثانى علوى على الشارع واجه بحرية

سعر المتر 1600

متبقى عليها 176000 منهم 50000 دفعة استلام والباقى على 7 اقساط كل 6 شهور

بدون تدخل للوسطاء او السماسرة

وشكرا

[dongol]

الاخوة الاعزاء

انا امتلك شقة 205 متر فى الحى التاسع وعارضها للبيع فى منزل من اربع طوابق

الشقة فى الثانى علوى على الشارع واجه بحرية

سعر المتر 1600

متبقى عليها 176000 منهم 50000 دفعة استلام والباقى على 7 اقساط كل 6 شهور

بدون تدخل للوسطاء او السماسرة

وشكرا

لو عند حضرتك صورة للمبني يا ريت تبعتهالي علي الخاص

انا بدور في المنطقة دي و جاد في الشراء ان شاء الله لو كان المبني كويس

[egyptawy]

ياريت كمان ياجماعة نعمل منتدى لمدينة اكتوبر ونكلم عن كل حاجة فيها

[دكتور مصري]

و تطل على فيلات القصو ر مباشرة و هي فيلات تبلغ مساحة البناء فيها 25 بالمائة فقد و الباقي حديقة

النسبة دي مكتوبة صح يا دكتور ؟!!!!!!!!

يعني ابقى شاري 1000 متر وابني على 250 بس واسيبة 750 جنينه ؟!!

تيجي ازاي ؟

الاخ الفاضل سي السيد

كل عام و انت بخير

نعم النسبة صحيحة و هي كما ذكرت 25% فقط و الباقي حديقة

و هي المنطقة الواقعة خلف النادي الرياضي ملعب كرة القدم و خلف جهاز المدينة

و على فكرة هناك قطع اراضي بالقرعة الاخيرة في هذه المنطقة ايضا و تسمي منطقة القصور و تباع بنظام القرعة و بنفس اسعار احياء الفيلات الخامس و لكن البناء على نسبة اقل من الارض

و هناك كثيرون بدءوا في البناء حتى لا تسحب منهم الارض

تحياتي لك