الله معك

[hemaya]

الله معك

قالتلي رايح فين

سايبنا لمين ؟

في الدنيا ملناش

غيرك إنت بعد ربنا

قالتلي

هنا مولدك .. هنا دنيتك

مصر الحبيبة ادتك

نيلك وأرضك جنتك

ليه تنسي وتهاجر بعيد

ليه تقتل الحلم الوحيد

مش ده كلامك من زمان

إن الطريق بينا أمان

وإن الأمل هيكون وكان

طول ما احنا جنب بعضنا

علي أرضنا

عايشين في جنة حلمنا

مصر الحبيبة أُمنا

قالتلي

قالتلي كلمة ودمعتين

إن النهار هيبات حزين

وإن انتظار حلم السنين

أصبح سراب

والإكتئاب

هو صديقي ف غربتك

قالتلي

ليه ساكت كده

قول أي حاجة مش كده

قول كلمتك

إن إنت مش ناوي تروح

وإنت جنبي ليّه روح

وإني هكون جنتك

مها تضيق قوي دنيتك

بكلمة مني

هتعيش كأنك في البراح

وبنظرة مني

هتلاقي أنوار الصباح

وبالتأني

هتنول مراتب النجاح

بس بشرط

تفضل هنا .. هنا جنبنا

قالتلي

الغربة صبحت مزمنة

هتروح تسافر

مش تاني راجع

ولا تاني سامع

كلمتي

دمعتي

كل الطريق هيودعك

إلا أنا مش هسمعك

كلي معك

بس انا هعمل

أنا مش بسمعك

ولا أنا هودعك

دمع ف عيوني بيندهك

بلاش تسافر

أبوس إديك

بلاش تهاجر

أبوس إديك

أموت معك

بس ما دام انك نويت

تغيب تسافر

خلاص

الله معك

19/08/2009

تم تعديل 22 أغسطس 2009 بواسطة hemaya

[غريب الخبر]

الله معاك

[mandoo]

أبوس إيدك .. بلاش الحاجات اللى بتوجع القلب دى ..

والله معك ومع كل الغلابة المتغربيين

[doha]

جميلة اوي .. تسلم ايدك

[lovelyramy]

جميله وربنا يصبرنا كلنا على الغربه