التعبير عن الحب فى الأسرة

[عادل أبوزيد]

فى رد من شعنونة على رسالة لى فى باب التعليم و العمل قالت

اااااااخخخخ يا استاذ عادل

مسكت الجرررررح تمام

اهي دي اكبر مشكللللللة بقى

اني اعرف اعبر عن حبي :lol:

:D

يعني انا نفسي كل يوم امسك بابا واخواتي احضنهم انما المشكلة اني بتكسسسسسسسف اقولهم عاوزة احضنكم او اني ابوسهم mfb:  :D  hg)::

ببقى ها امووووووووت احضن بابا

انما بتكسف

أقول التعبير عن الحب شئ مهم جدا و أذكر أن الفاضل هشام كتب من قبل عن أفكار جديدة تسعد بها زوجتك أو تسعدى بها زوجك ....... و قد إستغرب بعض الأعضاء من مجرد التفكير فى التعبير عن الحب.

فى موضوع قديم ذكرت كيف أن علاقتى بزوجة أبى يحكمها الحب لقد أحببتها و أحبتنى ..

صدقونى الطرف الآخر سواء إبن أو إبنة أب أو أم سيسعد جدا بحضن و قبلة و لن يسألك عن مبرر منطقى لذلك

و الغريب أن عدوى الحضن و القبلات ستنتقل إليه و ربما بعد أقل من يوم ربما تجد تلك القبلات و الأحضان و قد ردت إليك ثم تشيع العدوى فى الأسرة

و إياك أن تشعر بالإحباط لو وجدت رد فعل سلبى أو ربما إستنكارى ...

هناك بعض الناس فى مراحل تربيتهم تعلموا أن يخفوا عواطفهم و مشاعرهم و لكن ذلك لن يصمد طويلا أمام نهر متدفق من القبلات و الأحضان و الإهتمام

نفن فى النهاية بشر

[بنت شعنونة]

احم احم hg):: hg)::

ييادي الكسووووووووووووف mfb: :lol:

اقول لحضرتك على حاجا غريبة يا استاذ عادل

عكس الكلام بتاع حضرتك خالص

من يجي كام سنة كدا واحد زميل بابا كان مروح بيته

وهوا خارج سلم على عياله وباسهم على غير عادة وخرج

واتوفى في اليوم دا

من يومها وبقى بابا كل ما يدخل البيت علينا سلم علينا كللللللنا ويبوسنا

واحنا كمان لو دخلنا عليه نعمل نفس الحاجا

لدرجة ان الناس بتستغرب من الموضوع دا جدا!!!؟ h):

المشكلة بقى

ان البوسة دي مع الوقت بقت روتيييييين

من غير طعم

اللهم لما ببقى راجعا من سفر او بابا واحشني بحاول اتشعلق في رقبته حبة زيادة

ماهي دي الفرصة الوحيدة اللي ممكن احضنه من غر ما اتكسف mfb: mfb:

اصل ها اعمل ايه يعني؟

اروح اقول ل بابا والنبي احضني عشان انت واحشني اوي؟؟

دا انا مرة واحدة عملتها مع اخويا وقلتله تعال احضنك عشان انت واحشني راح بصل وضحك وسابني ومشي؟ :D :D

اوقات بحس بابا كمان عاوز يحضني لكن مش عارف يقولي ازاي

ف بنفضل نبص لبعض كدا او نتكلم في اي حاجا وخلاص mfb:

[جـورج]

استاذ عادل

اتفق معاك تماما فنحن الاباء نحتاج الى تبادل مشاعر الحب و الحنان مع اولادنا و بناتنا

تعود اولادى على تقبيلى و تقبيل امهم عند عودتهم من المدارس و عند عودتهم للبيت اذا كانوا خرجوا لوحدهم و اصبح سلامى عليهم و قبلتى لهم شئ مهم لهم و لى انا ايضا حتى انهم بيعتبروا عدم تقبيلى لهم نوع من العقاب و يسئلوا امهم ايه اللى زعلنى منهم و ماخلنيش اسلم عليهم

اما الاخت شعنونه

فاسمحى لى ان اقولك ان انا مستغرب من كسوفك من حضن بابا ربنا يخليه لك او من حضن اخواتك ده مفيش احن من حضن الوالد على اولاده و بناته على الاقل كله بركه و حب بدون مقابل

سيبى اللى فى ايدك دلوقتى و روحى بوسى بابا و اتمتعى بحبه و حنانه

hg):: cld:

[afiona]

موضوع حلو...

انا ايضا حتى انهم بيعتبروا عدم تقبيلى لهم نوع من العقاب و يسئلوا امهم ايه اللى زعلنى منهم و ماخلنيش اسلم عليهم

ربنا يخليلك ولادك، وبدون التطفل على أسلوب تربية أحد، أنا رأيي إن العقاب بالحرمان من العواطف مثل القبلة أوالحضن صعب أوى.المفروض إنها مشاعر لا تتغير بتغير الظروف والمهم الطفل يكون فاهم إن حب والديه له غير مشروط بسلوكه...أفضل عقاب آخر..

صدقونى الطرف الآخر سواء إبن أو إبنة أب أو أم سيسعد جدا بحضن و قبلة و لن يسألك عن مبرر منطقى لذلك

السؤال عن سبب منطقى لحضن الأب، الأم والأخوة والأخوات هو سؤال غير منطقى...

دا انا مرة واحدة عملتها مع اخويا وقلتله تعال احضنك عشان انت واحشني راح بصل وضحك وسابني ومشي؟

الأستاد الفاضل/ عادل أبوزيد رد على الجزئية دى لأنه عارف إنه ده متوقع فى مجتمعنا.لا تحبطى وكرري المحاولة.... فى الحكاية دى بالدات البنت فى مجتمعنا متقبل منها التعبير عن مشاعرها أكثر من الولاد، لأن الولد لازم يكون "جامد" و"حمش" و"مايحبش الدلع".... زى مايكون مشاعر الحب بين أفراد الأسرة دلع.أنا مؤخرا فقط تخلصت من الكلام ده...

لما والدى العزيز وست الكل أو أحد إخوتى بيزورونى فى الغربة،وبالأخص ست الكل ،الواحد بيعوض كل الحرمان بتاع الغربة فى أول حضن فى المطار.

[Salwa]

التعبير عن المشاعر...

ده اهم شئ فى الحياة..مع ان فيه ناس غريبة ممكن تكون قمة فى الحنان لكن..برستيجهم..يمنعهم انهم يهرجوا ويضحكوا ويحضنوا اولادهم..

الحمدلله بالنسبة لى اولادى احيانا..بيزهقونى..مش عاوزين يعترفوا انهم كبروا وابنى يحضنى جامد..هو طويل جدا..ويقوللى امتى تكبرى ياسلوى وتبقى قدى؟؟؟ زى ماكنت بقول له وهو صغير.

برضه حكاية وهم داخلين وهم خارجين يبوسونا ..دى عادى كل يوم وكل وقت.

بالنسبة للآباء...

انا بحكم الغربة وضعى يختلف عن اوضاع اللى عايشين فى مصر..

ومع ذلك..

التعبير عن حبى لأمى..او..تعبيرها عن حبها..كان روعة..اجمل احساس طبعا

يعنى بعد السنين دى كلها..

اتذكر منذ 6 سنوات..وكانت مريضة..نزلت مصر 4 مرات فى السنة.

واتذكر انه قبل وفاة والدتى بشهرين كنت فى مصر ..ذهبت مباشرة لمنزل

والدتى..كانت موجودة كل الاسرة..

فى اليوم ده..كنا .هى وانا..نسبح فى فضاء فسيح..لم نكن نتكلم كثيرا

كانت فى احضانى بجسدها الضئيل الذى ارهقه المرض..قلت لها هل تعلمين انك

اجمل وافضل نساء الأرض؟؟ هل تعلمين ان الله اكرمك بنا واكرمنا بك ؟؟

احبك يا امى ولولا انى تركت بعض منى فى مكان آخر لظللت العمر كله تحت

قدميك..

كنت اقبلها ..وتقبلنى وتمسح على رأسى وتدعو لى..

لعلى شعرت بالراحة..فى هذه الرحلة بالذات لأنى قلت لها..بالكلام..كم

احبها ؟؟ وقالت لى بلسانها وعينيها..انى سلوى حياتها..

نصيحة ثمينة وعن تجربة...

عبروا بمشاعركم لمن تحبون..قبل فوات الوقت..

دى الحاجة الوحيدة..العلاقة الأكيدة بين الآباء والأبناء..اللى فيها

ارسال واستقبال فى نفس اللحظة..

بيتهيألى فاهمين قصدى...صح.؟؟

علاقة الزوج والزوجة علاقة رائعة ..واحساس جميل وحب ومودة وكل شئ..

انما دى حاجة مختلفة...

كلها احاسيس حلوة..

لكن علاقتك بوالديك...

علاقتك بالأبناء...

تظل لها طعم آخر...واحساس كامل..بالاكتمال ..واشياء اخرى تشعرها ولا

تستطيع مهما بلغت بك فصاحة التعبير ..ان تكتبها بقلم..

سلامى.

[se_ Elsyed]

عادل أبو زيد كتب

هناك بعض الناس فى مراحل تربيتهم تعلموا أن يخفوا عواطفهم و مشاعرهم و لكن ذلك لن يصمد طويلا أمام نهر متدفق من القبلات و الأحضان و الإهتمام

يـــــيه أهو انا من الناس دي بأكون بحب كل اللي حواليه لكن مابعرفش أعبر عن ده شفهياً كل تعبيري عملي يعني بأحاول أسعدهم على قدر المستطاع بالعمل لكن أنا بأعترف أن هذا النوع من التعبير عن الحب بيكون ناقص مالم يكن مقترناً بالكلام الجميل أيضاً ..

انا عايز اتعالج بصراحة .

سلوى كتبت

مع ان فيه ناس غريبة ممكن تكون قمة فى الحنان لكن..برستيجهم..يمنعهم انهم يهرجوا ويضحكوا ويحضنوا اولادهم..

أصبتي كبد الحقيقة والله يا مدام سلوى

ياخواننا عالجوني وأكسبوا في ثواب :lol: :lol: