حدّ أكل في موائد الرحمن قبل كده (جاوب بصراحة)

[سهل جدا]

لا أدري حقيقة لماذا يخجل أكثر الناس من الأكل على موائد الرحمن..

هل لأنهم يعتقدون أن الأكل على هذه الموائد لا يحقّ إلا للفقراء أو المُعدَمين..

هذا الاعتقاد .. غير صحيح..

لأن إطعام الطعام وإفطار الصائمين من العبادات الجميلة.. التي لا يشترط أن تكون للفقراء..

بل هي لكل النّاس..

وقد يكون الإنسان خارج البيت.. ولا يتمكّن من الوصول إلى بيته على الإفطار..

ففي هذه الحالة .. الأكل من هذه الموائد حلّ جيّد..

وبعض الناس يفضّل الأكل في أفضل المطاعم ويدفع أموال طائلة.. بالرغم من وجود موائد إفطار بجانبه يُرمَى فيها الأكل لقلّة الجالسين عليها..

ثمّة نقطة أخيرة مهمّة..

ألا تتفقون معي أن مشاركة الوجهاء والأغنياء في الأكل من هذه الموائد يرفع الخجل والحرج عن الفقراء..

نرجع بقى لعنوان الموضوع..

هل في حدّ أكل على موائد الرحمن ديه قبل كده ؟!!

ولو حصل.. كيف كان شعورك ؟!! B)

كل سنة وأنتم طيّبين.. ورمضان كريم

[MZohairy]

انا شايف ان الفقير بها اولى 100%

و الكرسي اللي القادر حياخده فحيكون اخذ نصيب احد الفقراء في هذا اليوم

مفيش اي عذر يخلي واحد قادر ياكل في موائد الرحمن الا الطفاسه

[Alshiekh]

انا شايف ان الفقير بها اولى 100%

و الكرسي اللي القادر حياخده فحيكون اخذ نصيب احد الفقراء في هذا اليوم

مفيش اي عذر يخلي واحد قادر ياكل في موائد الرحمن الا الطفاسه

أو يكون عازب + غريب مش من المدينة + مالهوش اهل يستنوه على الفطار + بخيل كمان + الطفاسة

او يكون هو اللى عامل مائدة الرحمن وبيفطر هو واهله مع الناس كنوع من المودة وحسن الضيافة

[سهل جدا]

انا شايف ان الفقير بها اولى 100%

و الكرسي اللي القادر حياخده فحيكون اخذ نصيب احد الفقراء في هذا اليوم

مفيش اي عذر يخلي واحد قادر ياكل في موائد الرحمن الا الطفاسه

أو يكون عازب + غريب مش من المدينة + مالهوش اهل يستنوه على الفطار + بخيل كمان + الطفاسة

او يكون هو اللى عامل مائدة الرحمن وبيفطر هو واهله مع الناس كنوع من المودة وحسن الضيافة

وممكن بردو يكون إنسان عاقل..

ولا يخجل من الناس طالما إنه يتصرّف في حدود المُباح..

أنا أوّل ما جيت السعودية لاقيت بعض موائد الإفطار جنبي.. بترمي الأكل بعد الإفطار من كثرته

فقولت في نفسي: حرام عليّ أروح آكل في المطاعم.. وكمّية الأكل ديه كلّها بتترمي..

وقولت في نفسي كمان.. هي الناس الفقيرة اللي بتاكل ديه (هنود وبنجاليين) جربانين عشان أقرف آكل معاهم..

ما يمكن يكونوا عند ربّنا أحسن من مليون واحد زيي..

وبيني وبينكم... وفّرت كثير أوي في الشهر ده .. :closedeyes:

تم تعديل 22 أغسطس 2009 بواسطة سهل جدا

[MZohairy]

القادر يا محمد لو راح كوالالمبور حيركب تاكسي و يقوله وديني مطعم و ياكل

مفيش اعذار :closedeyes:

[جيمي]

انتو نسيتو فئه كبيره اوي مهتمين بموائد الرحمن غير الفقرا والغلابه ........

الطلبه الجامعين اللى فى مدن بها جامعااات :closedeyes:

وبما ان الموضوع ده فى باب موضوعات خفيفه .. فانا هكشف النقاب عن مائدة رحمن فى مدينة المنصوره للطلبه فقط وبتوزع وجبات بكارنيه الجامعه والله بجد ده حاصل mfb:

بس انا برده عمري مااكلت هناك طبعااا

[سهل جدا]

بس انا برده عمري مااكلت هناك طبعااا

يا جيمي اعترف أحسن لك..

الأدلّة كلها ضدك..

أكلت كم مرّة في موائد الرحمن :closedeyes:

[جيمي]

بس انا برده عمري مااكلت هناك طبعااا

يا جيمي اعترف أحسن لك..

الأدلّة كلها ضدك..

أكلت كم مرّة في موائد الرحمن :closedeyes:

مظلوم يا بيه ;)

خد دي كمان بقه .... كان فيه مائدة رحمن بتتعمل برده فى المنصوره كل يوم ثلاثاء فى مسجد اعضاء هيئة التدريس بتاع الجامعه وبفلوسهم وتحت اشرافهم واللى بيقدم الاكل برده دكاتره من الجامعه .. تخيل حاجه اخر الاجه .... المهم واحد صاحبنا راح هناك وتشاء الاقدار ان خاله اللى يقدملو صينية البطاطس باللحمه وكان دكتور فى الجامعه mfb: يا فضيحته يا فضيحته :wub:

الواد ده كان ميسور الحال واخر حلاوه .. بس ماتعرفش طلبت معاه توفير ولا بلطجه ... بس كان شكله وحش اوي بصراحه

بس برده مش انا :P

[doha]

عمري مااكلت فيها بس احتمال لو كنت مسافرة على الطريق مثلا واذن المغرب اكيد هدخل افطر في اقرب مائده ..

بس على فكره هي مسألة تقبل بغض النظر عن الوضع يعني آخر مرة كنت في العمره كان الفندق بيقدم وجبة افطار مجانيه ( اوبين بوفيه ) مما لذ وطاب افطار عادي الصبح يعني مش في رمضان .. مكنتش بروح عادي .. معرفش ليه الاكل ابو ببلاش مبيبقاش له طعم برغم انك بتبقى دافع ثمنه من ضمن الاقامه بس ولو ..

[mandoo]

هههه هههههه ههههههه ....هعهعهعهع ..... وكمان وفرت .... ده إنت راجل سهل جدا ومتواضع وكريم .... إنت عارف طبعا أنا بضحك ليه ؟ خش على موضوع دعوه على الفطار ..

وبعدين كتير مننا ربنا أكرمه بزيارة مسجد الرسول عليه أفضل الصلاة والسلام ... ولو صادف وقت صلاة المغرب وإنت داخل المسجد حتلاقى مليون شخص بيشدك من إيدك علشان تفطر معاه .... وطبعا ده طمعا فى الثواب ... وكذلك داخل الحرم المكى .... تمر وماء زمزم ... وفى بعض الأحيان وأثناء سيرك بالسيارة .. تلاقى ناس كتير واقفة فى الإشارات ... بتوزع تمر وماء ... هل عيب إنك تاخد منهم .. أعتقد إنك لو فعلت ذلك بتحرم الناس دى من الثواب .

ياجماعة الموضوع أبسط من كده ... الناس دى بتجرى وراء الحسنات .... طيب ليه نحرمهم منها .... أعتقد ده يبقى إسمه جحود وغل ..... خلوا البساط أحمدى ... وعيش حياتك ياعم سهل ... وهى فرصة توفر الشهر ده وكمل تشطيب العمارة :closedeyes:

كل عام وانت طيب

[icehearted girl]

حلو الموضوع دا اوي

مرة واحدة صحبتي كانت عاوزة تجرب الحكاية دي

بس انا رفضت تماما ..مش خجل انما اانا اقدر افطر فبيتي فليه انزل واخد ممكان حد اولي مني بالفطور دا؟؟ :unsure:

المهم هي صمصمت وراحت ونا دلتها علي افخم واحدة اعرف طريقها

البنت يعيني دخلت لقت الكبايات مطينة....والسلطة حمضانة..لأا والناس بيتخانقوا عليهم

وهي مزبلهة ومش قادرة تدوق اي حاجة مالمنظر

راحت مشيت بسرعة فطرت في كوك دور :lol: :lol:

[eslam elmasre]

سيبك يا عم سهل ما فيش احسن من انك تاخد اولادك وتاخد فطارك معاك وتروح تفطر علي البحر والجو جميل

انا ساعات بتطلب معايا اعمل كده وبيبقي احلي فطار واهو تغيير

بالنسبه لموائد الرحمن انا اصلي بيتي اوي ودايمن بكون في البيت علي الفطار الا في اوقات نادره وبصراحه حصلت معايا مره واحده اني اتأخرت علي الفطار وحبيت ادخل افطر في مائدة الرحمن ولما دخلت لقيت الناس بتتعارك علي الاكل بصراحه خوفت لاحسن اضرب روحت عامل للخلف در وروحت البيت اكلت

[MZohairy]

سيبك يا عم سهل ما فيش احسن من انك تاخد اولادك وتاخد فطارك معاك وتروح تفطر علي البحر والجو جميل

فكرت اعمل كده بس لقيت الستات كلها بالبكيني ع البحر :unsure:

و فطار مع البكيني مش راكبه

فتراجعت عن القرار :lol:

[محمد عيسى]

حصل قبل كده في اوقات كنت مسافر من او الى بعض المحافظات و اصل على موعد الافطار فيصمم اصحاب المائده على دعوتي اليها و في الواقع اكون محرج و آكل اقل القليل لكسر الصيام و تلبية دعوة اصحاب المائدة فقط و لو فيه حتة لحمة بديها للي قدامي او جنبي

لكن في المعتاد بفطر في مطعم لو كنت بره البيت او على سفر في موعد الافطار

[زعلان]

موائد الرحمن ليست موائد استضافه و غالبا ما تكون من مائد الصدقات او الزكاة و ليست هدايا

فاذا كانت من اموال الزكاة فلا ينبغي لأحد ممن لا تنطبق عليهم شروط اخذ الزكاة من التناول عليها

اما اذا كانت صدقة فقد يجوز لغير الفقير ممن لا تحرم عليه الصدقة تحرم الصدقة على من ينتمون لنسل اهل البيت) فحكمها طالما لم تعرف كزكاة امر مباح في الغالب

وهناك وضع البلد التي فيه مائدة الافطار هل حصل كل المستحقين فيه على الافطار ام لا وهل صاحب المائدة حدد اهلها ام لا فإذا كانت مشاع فلا بأس او لعابر سبيل فلا بأس اما اذا كانت مخصصة للفقراء فهي للفقراء فقط سواء كانت من اموال صدقة ام هدية

وان كنت انتقد مثل هذه المائد فالأولى اعطاء الطعام للفقراء في بيوتهم ليأكلوا بحريتهم وبكرامة

سواء كان الأكل مطهو او غير مطهو

[زعلان]

لما كنا في كندا ايام الجامعه كان بيبقى في مائدة افطار صغيرة وكان بيجي يفطر فيها اساتذة و طلبة من غير المسلمين هي مش مائدة رحمن بالمعنى المتعارف عليه لكن هو شوية اكل بسيط حجات خفيفة ممكن يبقى في سمبوسة وبرياني وما شابه و بيبقى في صندوق للتبرع محطوط على جنب علشان الطلبة المسلمين يتبرعوا علشان المشروع يستمر وده كان المسلمين لازم يشاركوا فيه ولو مرتين في الشهر من باب التعاون و للاستمرارية و علشان غير المسلمين كانوا بيفرحوا بالموضوع و بيسعدوا بمشاركة غير المسلمين في الطعام المجاني و كان الطلبة المسلمين بيكونوا مبسوطين بهذه المشاركة حتى من المسيحين واليهود و الي كانوا بيشكروا الطلبة على العشاء وهما ممتنين و بيألوا عن المناسبة

[عنبو]

انا مكلتش فى موائد الرحمن قبل كده وده لانى بحاول اكون فى البيت قبل المغرب علشان افطر معاهم

لكن فى مره كنت مسافر انا وجوز اختى كنا راجعين من دمياط وطبعاً اذن علينا المغرب فى الطريق وللعلم مكنش فيه ولا مائدة رحمن فى الطريق بجد كان اخرهم شوية بلح

على العموم الحمد لله انا بجد عمرى ما اكلت فى موائد رحمن بس عادى اذا ماشى فى طريق ولقيت مائده ممكن ادخل افطر بس بشرط يكون الاكل فيها حلو ونظيف والا استحمل شويه لحد لما الاقى مطعم بس افضل طبعا اذا فيه مطعم يبقى افطر فى المطعم

[elfakhrany]

وبعض الناس يفضّل الأكل في أفضل المطاعم ويدفع أموال طائلة.. بالرغم من وجود موائد إفطار بجانبه يُرمَى فيها الأكل لقلّة الجالسين عليها..

:unsure: :lol:

[بندق أفندى]

القادر يا محمد لو راح كوالالمبور حيركب تاكسي و يقوله وديني مطعم و ياكل

مفيش اعذار :unsure:

هههههههههههههههههههههههههههههههه

كنت داخل أقول .. انه أكلت على موائد الرحمن فى كوالالمبور .. بس هى مش نفس النظام زى مصر

هى أكل يقدم فى المسجد .. تاكل بس مش بتشبع (لكنه أكل مش مجرد تمر وماء) .. ويأكل فيها الوزير والغفير وعدم أكلك معناه لا تذهب للمسجد مع الصلاة انتظر لحد ما يرفعو الأكل .. لكن اذا ذهبت لابد أن تأكل والا كنت متعالى ومتكبر .. مع العلم انه الشعب الماليزيى يأكل نفس الأكل وبنفس الطريقة من اول الملك لحد المجاريرجى

خانك المكان يا اكسلانس ..

فى مصر .. تعودنا (عائليا) ان نقيم فطور جماعى يوم أو يومين أو أى عدد من الأيام على حسب .. والجميع مدعو له ولأنه البيت لا يتسع لعدد يصل الى 400 شخص أحيانا .. فساحة المسجد هى المحيط .. ويحضره الغنى قبل الفقير بدون اى حرج ولا كسوف .. ولا أى حسابات

ولو فعلها غيرنا سوف نذهب ..

مش بيقول المثل السورى انت كريم واحنا نستاهل

وكان والدى رحمه الله يقف فى الشارع قبل الفطور بدقائق (التى لن تسمح لصاحبها ببلوغ بيته قبل الفطور) .. وأى مار يعرفه او لا يعرفه (وقد كان يعرف الجميع) لا محالة هو ضيف على الفطور .. طوال شهر رمضان وطوال ما عرفته

[MZohairy]

القادر يا محمد لو راح كوالالمبور حيركب تاكسي و يقوله وديني مطعم و ياكل

مفيش اعذار :ninja:

هههههههههههههههههههههههههههههههه

كنت داخل أقول .. انه أكلت على موائد الرحمن فى كوالالمبور .. بس هى مش نفس النظام زى مصر

هى أكل يقدم فى المسجد .. تاكل بس مش بتشبع (لكنه أكل مش مجرد تمر وماء) .. ويأكل فيها الوزير والغفير وعدم أكلك معناه لا تذهب للمسجد مع الصلاة انتظر لحد ما يرفعو الأكل .. لكن اذا ذهبت لابد أن تأكل والا كنت متعالى ومتكبر .. مع العلم انه الشعب الماليزيى يأكل نفس الأكل وبنفس الطريقة من اول الملك لحد المجاريرجى

خانك المكان يا اكسلانس ..

فى مصر .. تعودنا (عائليا) ان نقيم فطور جماعى يوم أو يومين أو أى عدد من الأيام على حسب .. والجميع مدعو له ولأنه البيت لا يتسع لعدد يصل الى 400 شخص أحيانا .. فساحة المسجد هى المحيط .. ويحضره الغنى قبل الفقير بدون اى حرج ولا كسوف .. ولا أى حسابات

ولو فعلها غيرنا سوف نذهب ..

مش بيقول المثل السورى انت كريم واحنا نستاهل

وكان والدى رحمه الله يقف فى الشارع قبل الفطور بدقائق (التى لن تسمح لصاحبها ببلوغ بيته قبل الفطور) .. وأى مار يعرفه او لا يعرفه (وقد كان يعرف الجميع) لا محالة هو ضيف على الفطور .. طوال شهر رمضان وطوال ما عرفته

يابني الفقير اولى بأي لقمه يبلعها القادر

ماتقاوحش بقى :ninja: