أدوية التخسيس

[حسام يوسف]

السلام عليكم ورحمة الله

كتير مننا بيعانوا من مشكلة البدانة

وأولهم العبدلله كاتب السطور

النهاردة كنت بتكلم مع صديق بيستشيرنى فى انه بيستعمل أحد أدوية التخسيس (الميريديا)

والحقيقة أنا مش موافق على الأدوية دي تماما لتأثيراتها الجانبية وان فيه دراسات بتقول ان بعض المرضي اللى استعملوها أصيبوا بارتفاع فى ضغط الدم والبعض الاخر أصيب بالسكري وبعض ثالث أصيب بعدم انتظام ضربات القلب

أيا كان رأيك

مع

أو

ضد

هذة الأدوية

وان كنت من الوسط الطبى

أو حتى من المتعاملين مع هذة الأدوية

رأيك ايه؟

تم تعديل 22 أغسطس 2009 بواسطة حسام يوسف

[MZohairy]

اول حاجه انا عارف مين صاحبك ده :unsure:

لسه قايلي على مكالمتك معاه ع الماسنجر من شويه

المهم

دلوقتي يا حسام مفيش حاجه ملهاش اعراض جانبيه او اضرار

يبقى نشوف الفايده و الضرر و نقيس

انخفاض الوزن باستعمال الميريديا سينتج عنه انخفاض ضغط الدم المرتفع و سلامة العمود الفقري و الركب و كل الجسم بشكل عام

لو حتقيس الفوايد دي كلها امام الاعراض الجانبيه للميريديا

يبقى حتلاقي استعماله في الاخر فايده

كل كيلو بتنزله بينقص ضغطك على فكره

فلو رفعلك الميريديا الضغط 5 درجات مثلا بسبب اثاره الجانبيه

و نزلك خسسانك الضغط 10 درجات تبقى انت الكسبان

[حسام يوسف]

كتبت مشاركة طويلة

وراحت

مش عارف ارجعها

سنعود لاحقا

[حسام يوسف]

اول حاجه انا عارف مين صاحبك ده :ninja:

لسه قايلي على مكالمتك معاه ع الماسنجر من شويه

المهم

دلوقتي يا حسام مفيش حاجه ملهاش اعراض جانبيه او اضرار

معاك يامايسترو 100%

ما اتعملش ومش هيتعمل دوا مالوش آثار جانبية

يبقى نشوف الفايده و الضرر و نقيس

معاك يا صديقي العزيز برضة 100%

لو قلنا كل دوا مانستعملوش عشان آثاره الجانبية يبقى مش هنستعمل دوا

والمهم نحسب الbenifit-cost ratio

لو تأثيره العلاجي أفضل أقوى بكتير من آثار جانبية (يمكن احتمالها) يبقى ع البركة ونستعمله

بس لو الآثار الجانبية خطيرة

التأثير العلاجي عليه ملحوظات زي ان المريض بيرجع لمشكلته تانى أول ما يبطل دوا

يبقى استعمال الدوا ده مش صح طبيا

انخفاض الوزن باستعمال الميريديا سينتج عنه انخفاض ضغط الدم المرتفع و سلامة العمود الفقري و الركب و كل الجسم بشكل عام

معاك ان البدانة بتتصنف كمرض طبقا لكلام الWHO

منظمة الصحة العالمية وانها الطريق المفروش بالورود لأمراض ارتفاع ضغط الدم والسكر واضطرابات القلب وغيرها من أمراض خطيرة

لو حتقيس الفوايد دي كلها امام الاعراض الجانبيه للميريديا

يبقى حتلاقي استعماله في الاخر فايده

كل كيلو بتنزله بينقص ضغطك على فكره

فلو رفعلك الميريديا الضغط 5 درجات مثلا بسبب اثاره الجانبيه

و نزلك خسسانك الضغط 10 درجات تبقى انت الكسبان

هنا بقى اختلفنا يا مايسترو

والكلمتين دول كلام مافيا شركات الأدوية اللى بتبثه عبر مندوبينها وأطقمها الدعائية للأطباء والجمهور

تعالى نشوف الفايدة بتاعة الدوا ايه وازاى وهل بتستمر ولا لأ

أولا الدوا بيشتغل عن طريق اللعب فى مركز الشبع فى المخ

يخليه يبث اشارات للمعدة ان الجسم مش جعان

ومش محتاج اكل

شبعان يعنى

فبالتالى تحس بالشبع بالرغم انك ما كلتش اساسا

حلو قوى

أولا المخ عامل زي لوحة مفاتيح كهربة البيت

تطفى الزرار ده تلاقي الصالة طفيت

تطفي الزرار ده تلاقى الحمام وأوضة البواب طفيت :ninja:

وهكذا

شركات الدوا

أو مافيا الدواء بتفترض ان الدوا هيروح لمركز معين بشكل عالى الانتقائية على مركز معين

ومش هيأثر على أى مركز تانى

ازاى؟

هوة مش قنابل ذكية أصله

والدليل باعتراف الشركة نفسها ان بعض الحالات (قد) تعانى من ارتفاع الضغط أو تغير فى ضربات أو ريتم القلب

هل بقى تأثير تقليل البدانة أكبر من تأثيره الجانبى من اللعب فى الزراير اللى حوالين مركز الشبع؟

الدراسات متضاربة

وهنا الشك يفسر لصالح المهاجم

قصدي المريض

يعنى مافيش داعى من استعمال دوا هيدخلنى فى ديلما تانية خالص

نقطة تانية كمان

بعد ما المريض بيوقف استعمال الدوا

هل تأثر الشبع بيفضل؟

حالات كتير قالت لا

بيرجعوا زى الاول

واحيانا اكتر

يبقى كانك يا ابوزيد ما غزيت

وكمان حط عليها ان المريض احتمال يدخل فى مرض الضغط أو مشاكل قلب

والحاجات دي بعد الشر عن السامعين لما بتيجي لمريض

بتقعد وتربع

يعنى اللى بيجيله مرض ارتفاع الضغط زي حالاتى

بيفضل طول عمره مريض ضغط ولازم يمشى ع الدوا

عارف يا عم زهيري المشكلة فين فى قصة البدانة؟

انها ماجاتش من يوم أو اتنين

دي تراكمات سنين طويلة من أكل غير صحي

وقلة رياضة وحركة

ونظام حياتي غير سليم

احنا بقى بنحب الاستسهال clp::

وحلم الكبسولة اللى هتشفيني فى شهر واحد

وايزي كم ايزي جو

الحل فى رأيي

بتغيير نمط الحياة

رياضة يومية ساعة على الأقل يوميا ولو مشي سريع

تغيير أكلنا وعناصره

وياسيدي ان كان على الشبع بتاع طنط الميريديا

لما تصحي الصبح خدلك معلقتين تلاتة اربعة ردة بتاعة عيش اسمر

ده سيليلوز

يعنى نوع من الكربوهيدرات الغير قابلة للهضم فى جسم الانسان

تدخل معدتك

وتخرج بدون ما تدخل هضم اساسا ولا تدخل جسمك بالتالى

وزي ما قالت أختنا الفاضلة فى كورسها التخسيسي الجميل

كل ساعة كلك خيارة طماطماية فاكهة بس مش بلح أو عنب يعنى

أخيرا

لو حد مختلف مع كلامى طبيا

ياريت أطباء وصيادلة المنتدي يقولوا رأيهم وانا هكون متشكر جدا

ولو غلطان هروح أجيب طلبية ميريديا

ولو حد من غير الوسط الطبى وليه تجربة مع ادوية التخسيس

ياريت يقولهالنا

بجد يا جماعة

موضوع البدانة ده خطر

خطر

خطر

تم تعديل 23 أغسطس 2009 بواسطة حسام يوسف

[Alrefaey]

رمضان كريم وكل سنة وانت طيب يادك حسام

هقولك رأيى بصراحة فى ادوية التخسيس بحكم الخبرة فى مصر والخليج وكمان التجربة

كما تعلم عزيزى يوجد 2 جروب لأدوية التخسيس تعمل كل مجموعه بمكانزم مختلف الاولى ويتزعمها ريداكتيل (اسمه فى الخليج )او ميرديا (فى مصر ) وله اسم اخر فى امريكا بنفس المادة الفعاله وتوجد اكثر من شركة مصرية تنتجه بأسماء مختلفة

وهى تعمل مركزيا عن طريق تثبيت مركز الشبع فى المخ كما تفضلت حضرتك بالذكر كما انها تحفز عملية التمثيل الغذائى بالجسم عموما .

- من الذى يستفيد من تلك العينه من الادوية ؟ الذين لايقدرون على التحكم فى شهيتهم بمعنى واحد مشكلته مع الاكل هى الكم اكثر من الكيف مشكلته انه بياكل كتير وضعيف امام شهوة الطعام عموما

- هل هذا الدواء فعلا فعال فى سد الشهية ؟ نعم بنسبة كبيرة

-هل الاثار الجانبية لهذا الدواء خطيرة ؟ اثارة الجانبية تتراوح من خفيفة الى معتدلة ويتحملها مريض السمنه بشكل طبيعى

- ماهى الاثار الجانبية ؟ ارتفاع طفيف فى ضغط الدم (2-4 )درجات ويكون فى بداية العلاج ولكن بعد الاستمرار يرجع الضغط للطبيعته

ارتفاع طفيف فى سكر الدم وهو رد فعل طبيعى لما للدواء من تأثير مضاد للانسولين وهو وقتى ويرجع مستوى السكر للطبيعته مع الوقت

امساك ,خفقان ,زيادة بسيطة فى النبض احيانا ,واخيرا مبادىء اكتأب

معظم الذين شاهدتهم بيأخذو هذا الدواء على مر خمس سنوات شكواهم الوحيدة هى انخفاض الموود والاكتأب والذى تختفى اعراضه مباشرة بعد توقف العلاج .

المجموعة الثانية وهى التى تعمل على اضمصاص الدهون من المعدة والقولون وتمنع امتصاصها وعبورها الى الدم وتنزل الدهون مع الفضلات اعزكم الله

هذه المجموعه يتزعمها دواء زينيكال الشهير او اورليستات

كيف يعمل هذا الدواء ؟ يمتص 30%من دهون الطعام وبالتالى لاتدخل الجسم وتسبب السمنه

من يستفيد من هذا الدواء ؟ الذين اعتادو على اكل الدسم والدهون فالذين لا يأكلون دهون لن يستفيدو منه

-ماهى اثارة الجانبية ؟ اسهال ,بقع زيتية فى الملابس ,نقص فيتامينات نتيجه لامتصاص الدواء تلك الفيتامينات من الطعام

ايضا من تلك المجموعه الشيتوزان والمعروف بأسم شيتوكال او فاتاشى وله اسماء كثيرة فى السوق المصرى

- لاتعترف به منظمة الصحة العالمية كدواء للتخصيص وعمليا دواء فاشل

ايضا من تلك المجموعه دواء فرنسى نزل للسوق من حوالى سنه ونصف اسمه نيواوبتيا وهو مستخلص من الصبار ويعمل بنفس ميكانزم الزينيكال دون اسهال

سؤال هام هل ممكن انا كمريض سمنه اقدر استخدم دواء من كل مجموعه فى وقت واحد يعنى رداكتيل +زينيكال ؟, تقدر واتى بنتائج جيدة مع بعض الناس

طيب سؤال تانى انا هاخذ الدوايين بس هاستمر فى تناول السكريات والدهون هل هخس ؟ شوف ياعزيزى الطعام والانسان مثل البنزين والسيارة فالسيارة كى تحرق لتر بنزين مثلا بتمشى كم كيلو لو ما تحركت لن تحرق البنزين هو كذالك الانسان يجب ان يكون طعامة على قدر انشطته اليومية فلو زاول نشاط اكثر هيخس لو اكل اكثر هيسمن وهكذا ...

- طيب اخر سؤال بماذا تنصحنى ؟

اهم شىء فى التخسيس الامتناع تماما عن السكر الابيض وكل طعام يدخل فية مثل الحلويات والكولا ..الخ

تقليل الدهون بالذات المقليات

النشويات بحساب

كل بضم الكاف كل ما تشتهى لكن بحساب واعمل برنامج تخسيس تمشى عليه طول عمرك وليس شهر او اسابيع

تحياتى لك يادكتور حسام وعلى مواضيعك الجميله

[MZohairy]

الزينيكال ده اغبى دوا شوفته في حياتي

اولا بيمنع امتصاص 30% فقط من الدهون

ثانيا ملوش علاقه بالسكريات و النشويات

ثالثا بيعمل اسهال و بلاوي زرقا

حاجه نيله خالص

[حسام يوسف]

رمضان كريم وكل سنة وانت طيب يادك حسام

هقولك رأيى بصراحة فى ادوية التخسيس بحكم الخبرة فى مصر والخليج وكمان التجربة

كما تعلم عزيزى يوجد 2 جروب لأدوية التخسيس تعمل كل مجموعه بمكانزم مختلف الاولى ويتزعمها ريداكتيل (اسمه فى الخليج )او ميرديا (فى مصر ) وله اسم اخر فى امريكا بنفس المادة الفعاله وتوجد اكثر من شركة مصرية تنتجه بأسماء مختلفة

وهى تعمل مركزيا عن طريق تثبيت مركز الشبع فى المخ كما تفضلت حضرتك بالذكر كما انها تحفز عملية التمثيل الغذائى بالجسم عموما .

- من الذى يستفيد من تلك العينه من الادوية ؟ الذين لايقدرون على التحكم فى شهيتهم بمعنى واحد مشكلته مع الاكل هى الكم اكثر من الكيف مشكلته انه بياكل كتير وضعيف امام شهوة الطعام عموما

- هل هذا الدواء فعلا فعال فى سد الشهية ؟ نعم بنسبة كبيرة

-هل الاثار الجانبية لهذا الدواء خطيرة ؟ اثارة الجانبية تتراوح من خفيفة الى معتدلة ويتحملها مريض السمنه بشكل طبيعى

- ماهى الاثار الجانبية ؟ ارتفاع طفيف فى ضغط الدم (2-4 )درجات ويكون فى بداية العلاج ولكن بعد الاستمرار يرجع الضغط للطبيعته

ارتفاع طفيف فى سكر الدم وهو رد فعل طبيعى لما للدواء من تأثير مضاد للانسولين وهو وقتى ويرجع مستوى السكر للطبيعته مع الوقت

امساك ,خفقان ,زيادة بسيطة فى النبض احيانا ,واخيرا مبادىء اكتأب

معظم الذين شاهدتهم بيأخذو هذا الدواء على مر خمس سنوات شكواهم الوحيدة هى انخفاض الموود والاكتأب والذى تختفى اعراضه مباشرة بعد توقف العلاج .

المجموعة الثانية وهى التى تعمل على اضمصاص الدهون من المعدة والقولون وتمنع امتصاصها وعبورها الى الدم وتنزل الدهون مع الفضلات اعزكم الله

هذه المجموعه يتزعمها دواء زينيكال الشهير او اورليستات

كيف يعمل هذا الدواء ؟ يمتص 30%من دهون الطعام وبالتالى لاتدخل الجسم وتسبب السمنه

من يستفيد من هذا الدواء ؟ الذين اعتادو على اكل الدسم والدهون فالذين لا يأكلون دهون لن يستفيدو منه

-ماهى اثارة الجانبية ؟ اسهال ,بقع زيتية فى الملابس ,نقص فيتامينات نتيجه لامتصاص الدواء تلك الفيتامينات من الطعام

ايضا من تلك المجموعه الشيتوزان والمعروف بأسم شيتوكال او فاتاشى وله اسماء كثيرة فى السوق المصرى

- لاتعترف به منظمة الصحة العالمية كدواء للتخصيص وعمليا دواء فاشل

ايضا من تلك المجموعه دواء فرنسى نزل للسوق من حوالى سنه ونصف اسمه نيواوبتيا وهو مستخلص من الصبار ويعمل بنفس ميكانزم الزينيكال دون اسهال :blink:

سؤال هام هل ممكن انا كمريض سمنه اقدر استخدم دواء من كل مجموعه فى وقت واحد يعنى رداكتيل +زينيكال ؟, تقدر واتى بنتائج جيدة مع بعض الناس

طيب سؤال تانى انا هاخذ الدوايين بس هاستمر فى تناول السكريات والدهون هل هخس ؟ شوف ياعزيزى الطعام والانسان مثل البنزين والسيارة فالسيارة كى تحرق لتر بنزين مثلا بتمشى كم كيلو لو ما تحركت لن تحرق البنزين هو كذالك الانسان يجب ان يكون طعامة على قدر انشطته اليومية فلو زاول نشاط اكثر هيخس لو اكل اكثر هيسمن وهكذا ...

- طيب اخر سؤال بماذا تنصحنى ؟

اهم شىء فى التخسيس الامتناع تماما عن السكر الابيض وكل طعام يدخل فية مثل الحلويات والكولا ..الخ

تقليل الدهون بالذات المقليات

النشويات بحساب

كل بضم الكاف كل ما تشتهى لكن بحساب واعمل برنامج تخسيس تمشى عليه طول عمرك وليس شهر او اسابيع

تحياتى لك يادكتور حسام وعلى مواضيعك الجميله

نورت الموضوع يا دكتور رفاعي

وانا معاك فى كل اللى قلته باستثناء التقليل من مخاطر ارتفاع الضغط والسكر

طيب بذمتك القصة كلها أقلل الشهية

يعنى مش تخسيس الكتل اللى موجودة بالفعل

طيب يعنى لو واحد بدين وأكلته عادية مش جامدة

يبقى مالوش لازمة

وخدت الآثار الجانبية ع الفاضي

وحتى التأثير العلاجي

ممكن ناكل كتير خضار وقواكه بس مش غنية بالسكر زي العنب والبلح

وزي ما انت عارف ان السيليلوز بيتا مش الفا

يعنى كربوهيدرات مش هيتهضم

ونديها بران او ألياف الردة السمرا

وبعدين بالمجموعة دي أو دي أو من غيرهم

بقولها بالصوت العالى

مفيش تخسيس بدون رياضة

نورت الموضوع يا دكتور رفاعي

تم تعديل 23 أغسطس 2009 بواسطة حسام يوسف

[Alrefaey]

الموضوع منور بأصحابه ياغالى

عارف يادك موضوع السمنه والتخسيس ده معادلة محسوبه

كم سعر حرارى داخلك من الاكل والشرب(س) - المقدار اللى الجسم بيحرقه(ص) = اماسمنه او نحافة اوثبات الوزن (ع)

عندك ثلاث اطراف فى المعادلة س-ص =ع

اما تنقص س عن الطبيعى (تقلل اكلك ,تحد من السكر والدهن )بأى طريقه كانت دايت او دواء او اى اسلوب يلائمك

او تزود الحرق ص بالرياضه

بالتالى هتكون النتيجه ع تخسيس

اما لو زاد س عن ص هتكون النتيجه بدانه (لعدم حرق الجلوكوز وتحويله الى دهن )

او يكون س =ص وده معناه ثبات الوزن

وعايز اقول شىء مهم اعتقد اننا لسنا جميعا متساووين فى معدل الحرق (التمثيل الغذائى ) وده بيرجع لسبب هرمونى وممكن يكون وراثى

لذا تجد صديقك النحيف يأكل ضعفك ولا يبان عليه وانت عامل دايت وموت نفسك ولو لغبط يومين يرجع وزنك يزيد

ارزاق بأءة وربك مقسمها

تم تعديل 23 أغسطس 2009 بواسطة Alrefaey

[د هشام ابراهيم]

موافق بالثلث علي كلامك يا صديقي العزيز و علي كلام د الرفاعي ..... و أنا شخصيا و مهنيا ضد أدوية التخسيس علي طول الخط .....

الموضوع ببساطة نمط حياة كما تفضلت .....نوم كافي و مثالي ...مواعيد ثابتة للاكل .... مبدأ ديني فعال : اذا أكلت لا تشبع ..... مثل عالمي مفيد جدا :كل فطارك كله و أقسم غداك مع صديقك و أدي عشاك كله لعدوك ...... أكل صحي و البعد عن الأفراط ...عادات أكل صحية... ممارسة رياضة يومية ان شا الله مشي أو عجلة ثابتة ..... ...البعد عن مسببات القلق و التوتر ما أمكن إلخ

و الالتزام بكل ده طول الحياة ..... من أسهل ما يمكن و من أصعب ما يمكن في نفس الوقت :unsure:

[حسام يوسف]

موافق بالثلث علي كلامك يا صديقي العزيز و علي كلام د الرفاعي ..... و أنا شخصيا و مهنيا ضد أدوية التخسيس علي طول الخط .....

الموضوع ببساطة نمط حياة كما تفضلت .....نوم كافي و مثالي ...مواعيد ثابتة للاكل .... مبدأ ديني فعال : اذا أكلت لا تشبع ..... مثل عالمي مفيد جدا :كل فطارك كله و أقسم غداك مع صديقك و أدي عشاك كله لعدوك ...... أكل صحي و البعد عن الأفراط ...عادات أكل صحية... ممارسة رياضة يومية ان شا الله مشي أو عجلة ثابتة ..... ...البعد عن مسببات القلق و التوتر ما أمكن إلخ

و الالتزام بكل ده طول الحياة ..... من أسهل ما يمكن و من أصعب ما يمكن في نفس الوقت wst::

والله العظيم كنت فعلا منتظر رد دكتور هشام اللى بشكره على تشريفه للتوبيك رغم مشاغله

نورتنا يا دكتور هشام

وياريت كل اللى بيستخدموا الادوية دي يتابعوا التوبيك ده

وخصوصا انت يا مايسترو :unsure:

[د هشام ابراهيم]

والله العظيم كنت فعلا منتظر رد دكتور هشام اللى بشكره على تشريفه للتوبيك رغم مشاغله

نورتنا يا دكتور هشام

وياريت كل اللى بيستخدموا الادوية دي يتابعوا التوبيك ده

وخصوصا انت يا مايسترو wst::

العفو يا صديقي العزيز سعادتك تؤمر بس :unsure:

[enjisultan]

شكرا جدا على الموضوع المفيد دا يا دكتور حسام

مبدئيا انا ضد شراء ادوية التخسيس واكل الرجيم واللى عايز يعمل رجيم يعملوا باكلة العادى يعنى مش النهاردة اول يوم رجيم وعايزة بقى اروح رويال هاوس اجيب كل اكل الدايت من الكومبارتمنت بتاعت الرجيم انا شايفة ان دا مش حاجة حلوة

دا مبدئيا بقى

انما كمان الناس اللى ممكن تكون محتاجة ادوية بيكون ما عندهاش وعى ولا هى ولا الدكاترة كمان اللى بيشغلةا الناس على موضوع التخسيس بيعملوها سورى فى اللفظ بس سبوبة

المهم انهم بينصحوا بالادوية بدون فحوصات يا جماعة دى مصيبة والله

ومش عايزة اقولكوا احنا حصلت لنا مصيبةبسبب هذا اللا وعى

زوجة اخى اخدت احدى اغلى انواع ادوية التخسيس لمدة شهر ونص وخست فعلا 15 كجم

وكانت طول الفترة بتشتكى بعدم انتظام بضربات القلب بس شديد جدا ونهجان شديد

والنتيجو كانت موت مفاجئ

طبعا دا عمر وكل حاجة وربنا وحدة اللى يعلم السبب الحقيقى فى الوفاة انما قطعا (ممكن يكون فى احتمالات الوفاة ان عندها مرض بالقلب لم يشخص وبرضة هناك اصابع اتهام لهذا الدوا)

فعشان الكل يبقى فى السليم الدكتور والعيان والدوا

رأى ممكن يكون هناك حالات محتاجة للادوية انما لازم فحوصات ثم فحوصات تم متابعة

[حسام يوسف]

نورتى التوبيك يا دكتور انجي

وأحب أبشرك ان أنا وحضرتك ودكتور هشام هنبقى WANTEDمن مافيا شركات الأدوية

[pink rose]

انا اسفة يا دكتور حسام

لو ممكن سؤال خارجي عن الموضوع

بس عاوزة اعرف ليه موضوع تثبيت مواعيد الاكل؟

انا اسفة مرة تانية لخروجي عن الموضوع

[حسام يوسف]

يافندم لا أسف ولا حاجة

حضرتك نورتي التوبيك

هوة بس مش عارف مين اللى قالها فى كلامه موضوع تثبيت مواعيد الاكل

لكن اوكية

أعتقد والعلم لله أن تثبيت مواعيد الأكل يحافظ على احتياج الجسم للأكل لأنه فى حالة تغيير مواعيد الطعام

يتعامل الجسم مع هذا الظرف أن هناك حالة تجويع

وعدم استقرار

فيبدأ عند تناول أول وجبة فى زيادة المطلوب من الطعام للوصول للشبع وكمان بيزيد ميل الجسم لتخزين الغذاء فيؤدي الى السمنة

[بركة]

كل سنة وانتم طيبين..

احب اسلم على كل الاخوة والاخوات في هذا التوبيك

يا أخواني واخواتي الرياضة والحركة هم السر وراء الصحة والرشاقة واللياقة البدنية

والله انا هريت نفسي رجيم وكنت خلاص على وشك اخد ادوية فعلا بس كنت خايفة

لحد ما اختنا الفاضلة ام بلال فتحت توبيك

http://www.egyptiantalks.org/invb/?showtopic=70541

وبصراحة اشترينا الكتاب اللي هي نقلتلنا منه المعلومات

ومشينا على نظامها ونزل زوجي من وزنه 15 كيلو اللهم بارك بمعدل 3 كيلو في الشهر بس

لكن مع الرياضة وعدم الحرمان والاكل الصحي ونزلت وزني بفضل الله حوالي 6 كيلو فقط لعدم انتظامي

في الرياضة لظروفي كأم وربة بيت ,,,,,,

انصحكم بصراحة بالجهاز الرياضي اللي اشتريناه لأن المشي في الشارع بيبقى ساعات مش متيسر لظروف كتيرة .

وهو مش مكلف للدرجة ومش بياخد مكان كما انه يدرب جميع اجزاء الجسم في نفس الوقت

ويسمى أوربت راك وفي منه انواع واشكال واسعار كتير

[حسام يوسف]

أختنا الفاضلة بركة

الف شكر على تشرفيك الموضوع

وكل سنة وأنتى طيبة

وتحياتنا لام بلال

رمضان كريم

[Alrefaey]

رمضان كريم مدام بركة ياريت معلومات اكتر عن الجهاز اسعارة اماكن وجوده وكيله بالمملكة ان امكن

[doudy]

كل سنة و حضرتك طيب يا دكتور حسام

بالنسبة لادوية التخسيس انا بعتقد انها مش بتخسس ولا حاجة

انا كنت متابعة مع دكتور تغذية و ما كانش كاتبلى ادوية للتخسيس لكن كان كاتبلى على دوا

كويس جحدا و هوة لسد النفس اسمه سليماكس و كان جايب مفعول كويس معايا

و ما اخدتوش كتيير حوالى شهر و انا وقفته من نفسى لانى لقيت انى اتعودت على كمية معينة من الاكل

و خلاص و بالنيبة للاكل انا يدوب قللت الحلويات و النشويات زى الرز و المكرونة و العيش كمان

و الحمد لله الحكاية ظبطت معايا الحمد للهانا وزنى 70 كيلو ما كنتش زايدة قوى

تم تعديل 27 أغسطس 2009 بواسطة doudy

[Alrefaey]

ماهو يا مدام دودى سليماكس هو مريديا وهو رداكتيل اللى بنحكى عليه من الاول وبأسم اخر هو سيبوتريم وشركات كتير بتنتجه فى مصر بأسماء مختلفة .