اذهب إلى المحتوى
محاورات المصريين

ابحث عن زملائك . جيرانك . تعارف

goold

بواسطة goold
في موضوعات شخصية

 مشاركة

Recommended Posts

فــيــروز عضو جديد

فــيــروز

بتاريخ:
بتاريخ:

فعلا ys):

ابو ذكرى فتح فرع جديد فى آخر شارع احمد عرابى

حاجه خنقه جدا rs: لان العربيات اللى بتركن هناك بتقفل الشارع بصوره مريعه ومش بيبقى فاضل غير حاره واحده بس فى آخر الشارع

انا اكتر جزء بافضله فى المنطقه يمكن اللى موجود فيه التقاء شارعى البطل احمد عبد العزيز مع شارع جامعة الدول العربيه .. من كتر المحلات و الدوشه اللى هنام باحس انى فى فيلم كله الوان dckix.gif.. خصوصا مع لوحات الاعلانات اللى حطوها فى الشارع ..

زمان فعلا كان الحى اهدأ بكثير .. يعنى كان ممكن الوحد يفتح البلكونه ويسيبها من غير ضيق لقلة العمارات !! وكانت الشمس تصل لمسافه كبيره داخل الشقه .. دلوقت بقى انسى خالص موضوع البلكونه ده gt:

بس ماقلتيش لى ، بتجيبوا الساندوتشات من بون أبيتى ولا من مؤمن ؟

من مؤمن gt: .. ده مؤمن ده الحقيقه له مواقف غذائيه جليله معانا

فيه واحد هايل فتح جديد جنب نادى الصيد على صف عماره عمرو موسى إسمه على ماأتذكر كلوك دوور أو حاجه كده ، بس ساندويتشاته برضه تستاهل بقك

كوك دور .. الغريبه ان المحل ده صغير شويه فى الحجم بس فعلا سندوتشاته هايله .. خصوصا الجمبرى بالمايونيز .. rs:

بصراحه إللى ماباأطيقهوش لما أصحابى بيجبرونى للذهاب له هو المقاهى الشبابيه بتاعت الروشنه إللى عماله تنتشر بشكل سرطانى فى كل شارع ، أنا أصلى مش مدخن وأكره رائحه الدخان ويبقى الواحد مخنوق من دخان الشيشه ، وآلمنى بشده أن أجد بنات فى العشرينات من عمرهن بيشيشوا

الطف حاجه فى موضوع المقاهى الشبابيه دى انى فعلا باعرف عنها من ناس ساكنين خارج منطقتنا بس عارفينها فرّيره .. فيه واحده اسمها Tasters باين فى اول شارع احمد عرابى .. ورغم انى عديت فى الشارع ده آلاف المرات الا ان عمرى ما عرفت عن هذا المكان غير من ناس ساكنين بعيدا جدا عنا !! على اعتباره مكان شيك فيه فعلا بنات بيشربوا شيشه وهما بيذاكروا .. :) والله انا نفسى ذهلت اما شفت واحده بتذاكر وهى بتشرب شيشه رغم وجود تليفيزيون مفتوح على قناة اغانى صاخبه ومش عارفه العالم دى بتذاكر ازاى !!

بس بجد بجد فرصه هايله جدا good.gif

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
  • الردود 87
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

الصور المنشورة

Pianist عضو جديد

Pianist

بتاريخ:
بتاريخ:

شرقيه و فيروز انتم بالبوستات بتاعتكم دي رجعتوني 12 سنه و رجعتوني لأحلى أيام حياتي أيام الكلية و الجامعة و اللف في شوارع الدقي و المهندسين و برغم اني مش من سكان المنطقة بس كنت بقضي فيها يومي كله robt:

فكرتوني بمدرسة الأورمان التجريبية و النموذجية اللي كنت بروحها مع أصحابي في الكلية عشان نشوف اللي لسه مش عايزين يسيبوا المدرسة afr2: و الأيام اللي كنا بنط فيها من على سور المدينة الجامعية عشان ننزل على طول في المدرسة بدل ما نلف و ندخل من الشارع shn::

و فكرتوني بالعمده اللي كنا بنروح نفطر عنده بين المحاضرات و سندوتشات النابالم و اللي فرحنا جدا لما فتح قدام سينما التحرير و فكرتوني بسينما التحرير و اول حفلة ميد نايت في حياتي و الطقوس بتاعت سينما التحرير بون ابيتي أو مؤمن الاول و بعدين السينما و سندوتشات نعمه لما مايكونش فيه فلوس و فرغلي و الفخفخينا و الراجل بتاع اللب اللي تحت كوبري الدقي و رضوان اللي قصاده و الساندوتشات اللي كنا بناخدها من عنده برضه لما مايكونش فيه فلوس و فكرتني بكشك السجاير اللي كان في ميدان المساحة اللي كان بيبع سجاير مستورده و القهوة اللي كنا اللي بنقعد عليها ورا مسرح البالون في الشارع و ايام البرد اللي كنا برضه بنقعد فيها عالقهوة wst::

و اللف في المهندسين و شارع جامعة الدول بالليل و صوت الكاسيت العالي اوي في العربية wst:: و بعدين اللف في شوارع الدقي و ميدان المساحة و أول بنت حبيتها في حياتي و اللي كانت ساكنه في ميدان المساحة و كانت بتخترع أي مشوار عشان تنزل اشوفها و نتمشى سوا في شوارع الدقي و اللي كانت برضه في ثانوية الاورمان بنات

و بتاع الساندوتشات اللي فاتح في محي الدين اسمه كوك دور و فعلا عنده ساندوتشات هايله

دلوقتي لما بمشي في الشوارع دي او بعدي على أي مكان فيها ببتسم لأني بفتكر ذكريات حلوه أو موقف حصل بيكون احساس حلو أوي لما تحس إن ليك في معظم الشوارع دي ذكريات cr((:

و زي ما قولت يا شرقيه الدقي و المهندسين هما درة احياء مصر و اهلها هم خيرة الناس

اشكركم على الابتسامه اللي حطيتوها على وشي بالبوست ده و الذكريات الجميلة اللي فكرتوني بيها

شيء في قلبي يحترقُ

إذ يمضي الوقتُ فنفترقُ

و نمدُّ الأيدي يجمعها حبٌّ و تفرِّقها طرقُ

رابط هذا التعليق
شارك
Ahmed Mohsen عضو جديد

Ahmed Mohsen

بتاريخ:
بتاريخ:

المهندسين والدقي درة القاهرة ........

المهندسين والدقي درة القاهرة ........

الله ..............

أمال العباسية تبقي إيه بقي ؟؟؟؟؟؟؟؟؟؟؟؟

حد هنا من العباسية يا بشر ؟؟؟؟؟؟

الحل لكل مشاكلنا في الحياة هو:

"عامل الناس كما تحب أن تعامل"

رابط هذا التعليق
شارك
Farida عضو جديد

Farida

بتاريخ:
بتاريخ: (معدل)

استاذ شرقيه كل اللى بتقول عليه انا عارفاه كويس اصلى باشتغل فى الدقى وبصراحه ابو ذكرى مخلص على المرتب اول باول و واضح جدا انك ما بتبعدش عن مصر كتير بس حضرتك متحيز شويه للدقى و المهندسين لأ اسمح لى ناس المنيل اجدع ناس و اكثر ناس مسقفه قصدى مثقفه .....حد من المنيل يرد على الأستاذ لو سمحتم

تم تعديل بواسطة Farida

*اللهم انى اشكو اليك ضعف قوتى و قلة حيلتى و هوانى على الناس

*اللهم و لى امورنا خيارنا و لا تول امورنا شرارنا

* الساكت عن الحق شيطان أخرس

* الشعوب تستحق حكامها

رابط هذا التعليق
شارك
Sharkiah عضو جديد

Sharkiah

بتاريخ:
بتاريخ:
استاذ شرقيه كل اللى بتقول عليه انا عارفاه كويس اصلى باشتغل فى الدقى وبصراحه ابو ذكرى مخلص على المرتب اول باول  و واضح جدا انك ما بتبعدش عن مصر كتير بس حضرتك متحيز شويه للدقى و المهندسين لأ اسمح لى ناس المنيل اجدع ناس و اكثر ناس مسقفه قصدى مثقفه .....حد من المنيل يرد على الأستاذ لو سمحتم

وماله ياأفندم

موافق طبعا على كلام حضرتك بل وأصدق عليه كحقيقه لاتقبل الجدل

فالتاريخ وهو خير معلم يخبرنا أن الحضارات ومنجزاتها الماديه والإنسانيه تنتقل بالتواصل الإنسانى

مثلا الزرادشتيه إنتقلت من الهند إلى الصين وتطورت للبوذيه ، التى إنتقلت بدورها لشبه الجزيره الكوريه ومنها إلى اليابان وتطورت إلى الشنتويه

فلا غرو إذا أن تنتقل حضاره أهل الدقى والمهندسين إلى أهل المنيل على مر السنين والعقود وتساهم فى تدرجهم حضاريا وإرتقائهم حتى وصلوا لوضعهم الحالى shn::

أظن أخذتى فتره راحه طويله من المناكفه وحان وقتها من جديد

بسم الله الرحمن الرحيم ـ وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالاً مُّبِيناً ـ صدق الله العظيم

رابط هذا التعليق
شارك
Farida عضو جديد

Farida

بتاريخ:
بتاريخ:

ماشى الدقى و المنيل مش بعيد عن بعض اتوبيس 96 و 910 و 20 ج بيقريوا المسافات بس المنيل من ايام المماليك البحريه يعنى حضارتهم سبقت حضاره الدقى و الباشمهندسن بمراحل و قصر المانسترلى و المقياس يشهدوا ....ياترى فى قصر فى الدقى او المهندسين .......لأ تبقوا مش من مستوانا (انا فضيت للمناكفه shn:: )

*اللهم انى اشكو اليك ضعف قوتى و قلة حيلتى و هوانى على الناس

*اللهم و لى امورنا خيارنا و لا تول امورنا شرارنا

* الساكت عن الحق شيطان أخرس

* الشعوب تستحق حكامها

رابط هذا التعليق
شارك
Sharkiah عضو جديد

Sharkiah

بتاريخ:
بتاريخ:
ماشى الدقى و المنيل مش بعيد عن بعض اتوبيس 96 و 910 و 20 ج بيقريوا المسافات بس المنيل من ايام المماليك البحريه يعنى حضارتهم سبقت حضاره الدقى و الباشمهندسن بمراحل و قصر المانسترلى و المقياس يشهدوا ....ياترى فى قصر فى الدقى او المهندسين .......لأ تبقوا مش من مستوانا (انا فضيت للمناكفه  shn:: )

مماليك مين ياأفندم ولاد إمبارح بتوع القرن الثامن عشر

يادكتوره الدقى والمهندسين دى أحياء فرعونيه ، إمتداد للجيزه العريقه الضاربه بجذورها فى أعماق الحضاره الفرعونيه ، أمال الملوك العظام خوفو وخفرع ومنكاورع وحاشيتهم كانوا عايشين فين قرب مدافنهم وهى بتتبنى علشان كل شويه يشأروا على العمال ؟

بسم الله الرحمن الرحيم ـ وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالاً مُّبِيناً ـ صدق الله العظيم

رابط هذا التعليق
شارك
SilverSwan عضو جديد

SilverSwan

بتاريخ:
بتاريخ:
وعلى فكره فى جامع كبير ويحتوى على قسم كبير للسيدات إسمه جامع دعوه الحق فى ميدان بابل لو تعرفيه (تكسرى شمال من شارع مصدق عند لابوار تلاقيه فى وشك) والجامع ده بيروحه الدكتور صفوت حجازى لإعطاء درس أسبوعى على حسب ماسمعت من أختى

كان .. كان زمان الشيخ صفوت بيدي الدرس هناك ...

shn::

رابط هذا التعليق
شارك
hamo90 عضو جديد

hamo90

بتاريخ:
بتاريخ:
في حد هنا غير حشيش خريج تجارة عين شمس دفعة 98/90 إلى 92/93 .. بس مايكونش مدبلر  wst::

أنا تجارة عين شمس " مبيض محارة " دفعة 2002

بس ولامؤاخذة مدبلر shn::

حمو

jihad_19.gif

أتمني أن يأتي اليوم الذي نعيش فيه الديموقراطية , لا أن نكتفي بالتشدق بها .......read.gif

<span style='font-size:21pt;line-height:100%'><span style='font-family:Times'>

خير الكلام ما قل ودل</span></span>

رابط هذا التعليق
شارك
ragab2 عضو جديد

ragab2

بتاريخ:
بتاريخ:

فيه حد

كان فى قاسم أمين الإعدادية للبنات

بنت جارتنا كانت فيها

مصر أكبر من نظام الحكم الفردى الديكتاتورى الإستبدادى

الذى فرضه علينا عسكر حركة يوليو فى الخمسينات

وصار نظاما لحكم مصر

برنامج الرئيس الإنتخابى لإسكان فقراء الشباب ..

سرقه مسؤولون وزارة الإسكان مع المقاولين ..!

رابط هذا التعليق
شارك
سقراط المصري عضو جديد

سقراط المصري

بتاريخ:
بتاريخ:
فيه حد

كان فى قاسم أمين الإعدادية للبنات

بنت جارتنا كانت فيها

:huh: gra:- robt:

<span style='font-family: Arial'><span style='font-size:14pt;line-height:100%'><span style='color: blue'><strong class='bbc'><br />زوجتي الحبيبه ، امي الغاليه ، حماتي الطيبه<br /><br />برجاء تجهيز مايلي يوم وصولي لأرض المحروسه :<br /><br />باميه باللحم الضاني ، محشي ورق عنب ، كباب حله ، قلقاس باللحمه ،نص دستة زغاليل محشيه ، بطه راقده على صينية بطاطس ، وزه متشوحه كفتح شهيه ، صينيه رقاق ، موزه مشويه على الفحم ، سلطة طحينه بالليمون ، مية "دقه" ، ملوخيه بالارانب ، شربة فرخه بلدي بالحبهان والمستكه، برميل تمرهندي............... وكفايه كده عشان انام خفيف.<br /><br />سقراط المصري<br /></strong></span></span></span>

رابط هذا التعليق
شارك
kfaya عضو جديد

kfaya

بتاريخ:
بتاريخ:

د. فريدة كتبت

استاذ شرقيه كل اللى بتقول عليه انا عارفاه كويس اصلى باشتغل فى الدقى وبصراحه ابو ذكرى مخلص على المرتب اول باول و واضح جدا انك ما بتبعدش عن مصر كتير بس حضرتك متحيز شويه للدقى و المهندسين لأ اسمح لى ناس المنيل اجدع ناس و اكثر ناس مسقفه قصدى مثقفه .....حد من المنيل يرد على الأستاذ لو سمحتم

صباح الخير فريدة .... صباح الخير شرقية

المنيل ده حتتى و ملعبى و ملعب جدودى ... أى و الله بلا مبالغة ... 80 % من عائلتنا و أقاربنا يسكنون هذا الحى ....

هى بالضبط جزيرة تسمى جزيرة المنيل ... طرفها الشمالى فندق مريديان ( حاليا جراند حياة ) .. يلية قصر العينى باشا ( الأن مستشفى المنيل التعليمى ) .. بملحقاته من كلية الطب و طب الأسنان ... ثم قصر محمد على ( طبعا ليس محمد على باشا الكبير ) ... و لكن محمد على توفيق بن الخديوى توفيق .. محتوياته رائعة من الداخل حيث كان رجل متدين و يهوى الصيد و تحنيط الحيوانات و بحديقة قصرة مجموعة رائعة من النباتات النادرة ...

نتجه جنوبا فى شارع المنيل العمومى و الذى كان حتى أربعينات هذا القرن مزارع خضروات فى الشتاء .. و تغمرة مياة الفيضان فى الصيف ... فى خمسينات القرن الماضى تم تخطيط و تقسيم حى المنيل على النظام الذى نراه الأن .. شوارع طولية و عرضية .. شارع النيل من الجهة الشرقية يسمى متحف المنيل .. و من الناحية الغربية يسمى ش عبد العزيز اًل سعود ...

يخترق جزيرة المنيل من المنتصف ( تقريبا ) بالعرض شارع الروضة ينتهى جهة الغرب بكوبرى عباس .. ومن الشرق كوبرى الملك الصالح ..

الطرف الجنوبى للجزيرة قصر المانسترلى باشا ... حيث كان يشغل عدة فدادين من حدائق المانجو و الفاكهة ... و فى أقصى الطرف الجنوبى يوجد مقياس النيل و الذى بنى فى عصر المماليك ... و رمم عدة مرات ... و هو عبارة عن بئر عميق تنزل له بسلالم دائريه ... يغوص أمتار عديدة داخل مياه النيل ... مبنى بطول هذا البئر جدارية مدرجة بالشبر والزراع و بجوارها متر و سنتيمتر ( أعتقد أن علماء الحملة الفرنسية هم من أضافوا التدريج الجديد ) ...

سكان المنيل من الطبقة الوسطى ... بحكم أن المنيل ليس حى شعبى .. و أيضا ليس حى برجوازى ... للأن محافظ على طبيعته متوسطة الهدوء ... متوسطة وسائل الترفية ( أفتتحت سينما جالاكسى منذ عامين بها ستة شاشات ) ... أكتفاء ذاتى من محلات الملابس و البقالة و المأكولات السريعة ... و أيضا مدارس حكومية و تجريبى ....

منزلنا لم نغيره منذ الخمسينات ....

لو لم يكن المنيل طريق عبور , لكان من أجمل أحياء القاهرة ...

مش محتاج أبحث عن زملاء الدراسة بجميع مراحلها .... باشوفهم كل كام يوم فى الشارع أو المسجد أو المحلات ....

المنيل ..... هو فى زى المنيل ... :blink: الوردة دى لكل سكان المنيل

رابط هذا التعليق
شارك
c'est la vie عضو جديد

c'est la vie

بتاريخ:
بتاريخ: (معدل)

homer:

أقتصاد ينفع؟

تمام يافندم :blink:

اقتصاد وعلوم وسياسيه؟ قسم ايه ؟ ودفعة كام ؟ :huh:

تم تعديل بواسطة c'est la vie

ألقاك في عصف الذهول المر ..

تجتاز الفجاج السود , مخبولاً شقيا ..

مالذي سدد في قلبك سكيناً ..

وبعينيك سؤالاً .. أخرس الدمعة ..

وحزناً آبديا ..

{ فاروق شــوشة }..

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:
هو فى ايه يا جدعان؟

كلكوا من القاهرة ولا ايه؟

مفيش حد من المنصورة يا بشر؟

عليك وعلى شريف عب وهاب cr((:

اظن انه من المنصوره gsm::

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • News Bot
      0
      [مجلة رزو اليوسف] ابحث عن الاقتصاد الغاز الروسى يحرق الدولار الأمريكى فى أوكرانيا
      على غرار حكايات رواد المقاهى الشعبية يقولون إن أحد الصحفيين سأل الرئيس الروسى بوتين: ماذا ستفعل لو قامت أمريكاعرض المقال كاملاً

      بواسطة News Bot
      كُتب

    • News Bot
      0
      [مجلة صباح الخير]ابحث عن السر وعن لصوص الفراعنة!
      مصر معقل وبلد الحضارة الإنسانية عبر الزمان ومنذ فجر التاريخ البشرى وبكل ما يحويه من كنوز فرعونية نادرة لا مثيلعرض الصفحة

      بواسطة News Bot
      كُتب

    • Guest بسيوني
      9
      هي المانيا ايه؟ (تعارف)
      انا حبيت اعمل الموضوع ده علشان اتعرف على المصريين في المانيا وفي الشرق تحديدا. انا معنديش معلومات للدكاترة والصيادلة والكلام ده بس لو عندك سؤال عن حاجة تانية، إسأل يمكن اعرف اجاوبك. انا اسمي بسيوني. طبعا ده اللقب، بس بحبه 🙂   من المواضيع اللي بتناقش دائماً موضوع المصريين في الغربة وهل هم بيساعدوا بعض ولا لا. انا هتكلم عن نفسي. انا بحاول اساعد اي حد بس لما بحس ان الشخص ده بيستغلني طبعا بابعد عنه او انه بيحاول يعرفني علشان مصلحة. الامور دي بتبقي باينة من الأول. ايه أراءكم في الموضوع ده في الب

      بواسطة Guest بسيوني
      كُتب

    • عادل أبوزيد
      0
      ابحث عن أغنية عناوين جرانين المستقبل
      هذه أغنية من الستينيات تأليف صلاح جاهين و فيها عناوين جرانين المستقبل كانت مملوءة بالأمل و فيها تخيل عناوين جرانين المستقبل و لم  أتذكر منها إلا  أوبرا على كل ترعة و معرض لزهور السوسن. تخيلو معي شاعرية الخبر "معرض لزهور السوسن" رغم أني لا أعرف زهور السوسن معرفة شخصية. سألت زوجتي نشوة الخبيرة الفنية و الكروية فلم تتذكرها ، إستعنت بمحرك البحث جوجول و توصلت لكلمات الأغنية  و الغريب أن "معرض لزهور السوسن لم تأتي إلا في شطرة من بيت في أواخر الأغنية !  ترى هل فقدنا الأغنية ؟  

      بواسطة عادل أبوزيد
      كُتب

    • aimen
      21
      ابحث مع الشرطة ..قمر تايه يا ولاد الحلال ...
      http://www.almasry-alyoum.com/article2.aspx?ArticleID=274459 يا جماعه محدش شاف القمر ده ؟ طيب مش ممكن نشوف حد يفتح لنا المندل ولا مش عارف ايه علشان نعرف مكان القمر طيب ممكن يكون القمر ده بيشتغل فى مكان تانى ممكن نقول ان المحفزات المادية وظروف العمل مش مناسبة ليه دا بيفكرنى بقصة تحتمس 400 بشرطة لأحمد بهجت ...القصة ان مصر اطلقت صاروخ رايح للقمر فتاه فى الطريق وراح المريخ ولما كان رواد الفضاء بيومى وعتريس وتفيده من محبى الملوخية فقد طبخت لهم تفيده حلة الملوخية التمام اللى بسببها ح

      بواسطة aimen
      كُتب

×
×
  • أضف...