اذهب إلى المحتوى
محاورات المصريين

ابحث عن زملائك . جيرانك . تعارف

goold

بواسطة goold
في موضوعات شخصية

 مشاركة

Recommended Posts

ragab2 عضو جديد

ragab2

بتاريخ:
بتاريخ:

حد

من شبرا .. حى الجدعان

انتقلت للإقامة بعيدا عن شبرا ومازالت معشوقتى شبرا الجميلة

التى ولدت وتربيت فيها ودرست فى مدارسها

ومازال بها منزل الأسرة يقيم فيه أخى ويرعاه

وأسعد بزيارتى لها كل حين وكلما توافرت الظروف

مصر أكبر من نظام الحكم الفردى الديكتاتورى الإستبدادى

الذى فرضه علينا عسكر حركة يوليو فى الخمسينات

وصار نظاما لحكم مصر

برنامج الرئيس الإنتخابى لإسكان فقراء الشباب ..

سرقه مسؤولون وزارة الإسكان مع المقاولين ..!

رابط هذا التعليق
شارك
  • الردود 87
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

الصور المنشورة

homer عضو جديد

homer

بتاريخ:
بتاريخ:
homer:

أقتصاد ينفع؟

تمام يافندم :P

اقتصاد وعلوم وسياسيه؟ قسم ايه ؟ ودفعة كام ؟ :P

تمام سعادتك

الدفعة المفترية 1986 محمود محى الدين وسامر وسليمان وعاطف السمان ومعتز ومحمود عبد العزيز وحوالى 13 دكتور كمان مش فاكر اساميهم كلهم

<span style='font-size:14pt;line-height:100%'>

مفيش حنفى

</span>

تأملات خايبة

رابط هذا التعليق
شارك
emmyyy عضو جديد

emmyyy

بتاريخ:
بتاريخ:

تجاررررة :P

تيب

ينفع اكاديميه البحريه ابوقير هندسه كمبيوتر دفعه 1999

انا يا ستى من سكان لوران الشتويين بس.

ساكن فوق محل بالى جنب ماكدونالدز الأقبال.

عارفها عمارة تافرنا سابقا دي علامه من علامات لوران

ان لم أكن أخلصت في طاعتك****فانني أطمع في رحمتك

وانما يشفع لي أنني*******قد عشت لا اشرك في وحدتك

رابط هذا التعليق
شارك
c'est la vie عضو جديد

c'est la vie

بتاريخ:
بتاريخ:
homer:

أقتصاد ينفع؟

تمام يافندم :P

اقتصاد وعلوم وسياسيه؟ قسم ايه ؟ ودفعة كام ؟ :blink:

تمام سعادتك

الدفعة المفترية 1986 محمود محى الدين وسامر وسليمان وعاطف السمان ومعتز ومحمود عبد العزيز وحوالى 13 دكتور كمان مش فاكر اساميهم كلهم

انا لسه لم تتحدد دفعتى بعد :P لسه بدرس يعنى ..

والدكاترة اللى حضرتك ذكرتهم باسمع عنهم من الدكاتره الحاليين ..

بالذات محمود محى الدين هو اللي بئي وزير الاستثمار دلوقتى؟ وتقريباً هو كان دكتور اقتصاد..

~~~

بخصوص الافترا اعتقد ان الكليه طول عمرها مفتريه بالذات في الامتحانات ..

~~~

لكن اخبار حضرتك ايه بعد التخرج هل زى مابنسمع انه مافيش اى بارقة أمل لخريجى الكليه حيث ان اغلب المواد تتشابه مع كليتى التجارة والحقوق اللى هما كانوا النواه المؤسسه للكليه؟

(كد ه انا قلبت اعلام :o )

ألقاك في عصف الذهول المر ..

تجتاز الفجاج السود , مخبولاً شقيا ..

مالذي سدد في قلبك سكيناً ..

وبعينيك سؤالاً .. أخرس الدمعة ..

وحزناً آبديا ..

{ فاروق شــوشة }..

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

إذاً فهي الحرب ..

طب حد قضى طفولة مشردة في شارع مصر والسودان وكان بيصلي في جامع الشيخ كشك - الله يرحمه -

وكان بيروح يتشعبط في قطر البضاعة اللي بيعدي على محطة الدمرداش .... وكان بيتراهن مع العيال التانية إنه ممكن يستخبى ما بين الكوبري وبين فلنكات القطر، والقطر يقوم معدي من فوقيه - الحركة دي بصراحة ما قدرتش اعملها بس العيال اللي كانوا معانا عملوها العفاريت -

طب حدش كان في مدرسة فاطمة الزهراء او مدرسة الفتح في الحدايق برضوا ؟

طب حد كان مدمن يدخل سنيما الحدائق لما كانت بـ 7 ساغ سنة 79 ؟

طب حد برضوا كان مدمن أكل سندوتشات فول وطعمية من محل نجف اللي في العباسية وببلاش لأنه محلنا ؟

وكان يحلي ببسبوسة وكنافة من الحلواني اللي جنبه اللي ناسي إسمه دلوقت ؟

حدش قال أنا ؟ ... شكلي بقى بايخ كلكوا طلعتوا جيران وانا اللي عايش وحداني .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Ahmed Mohsen عضو جديد

Ahmed Mohsen

بتاريخ:
بتاريخ:

سي السيد جاري وحبيبي ..........

إيه الحلاوة دي .........

أينعم إحنا نعتبر سابع جار بس مش مهم .........

أنا من ميدان الجيش ......

وياما كلت في نجف ... بس بفلوس عشان ماكانش بتاعنا

ومدرستي كانت هناك ...... صقر قريش التجريبية .... أمام مدرسة الساكريكور علي طول

مش بقولك حبيبي وأخويا كمان

الحل لكل مشاكلنا في الحياة هو:

"عامل الناس كما تحب أن تعامل"

رابط هذا التعليق
شارك
Mohammad Abouzied عضو جديد

Mohammad Abouzied

بتاريخ:
بتاريخ:

بصراحة انا كنت باكل سندوتشات من محل العربي الى امام نجف لان صاحبه كان راجل صاحبي وبيلعب كراتية ( متزعلشي مني) والمدام بتاعتنا كانت ساكنه في عمارة عبد الله سامي في الدور الارضي جنب الفرن الى هناك دا الي مش عارف اسمه حتى ابن الخياط الى هناك الى برضه مش فاكر اسمه كان صاحبي وبعد كده خاصمته لانه بوظلي بدلة الفرح مع اني فضلته على خياط العيلة ساعتها

وعلى فكرة سينما الحدائق كنت انا والعقيد بهاء مدير مرور الجيزة حاليا كنا كل يوم في الاجازة بندخلها ونخرج بخناقه كان يتسبب فيها واحد صاحبنا ممثل دلوقتي مغمور ومش فاكر اسمه وكان عاوز يبوظ اخلاقنا ويشغلنا في السينما معاه في استوديو جلال على ما اعتقد ولكننا وش فقر ورفضنا الفكره

على فكرة انا من حمامات القبة ولكن كل جمعة كنت اروح مشي لمسجد الشيخ كشك علشان اسمع الشتيمة على الحكومة

مزاج بقى

يأتي في آخر الزمان قوم حدثاء الأسنان سفهاء الأحلام يقولون من خير قول البرية يمرقون من الإسلام كما يمرق السهم من الرمية لا يجاوز إيمانهم حناجرهم فأينما لقيتموهم فاقتلوهم فإن في قتلهم أجرا لمن قتلهم يوم القيامة

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
سي السيد جاري وحبيبي ..........

إيه الحلاوة دي .........

أينعم إحنا نعتبر سابع جار بس مش مهم .........

أنا من ميدان الجيش ......

وياما كلت في نجف ... بس بفلوس عشان ماكانش بتاعنا

ومدرستي كانت هناك ...... صقر قريش التجريبية .... أمام مدرسة الساكريكور علي طول

مش بقولك حبيبي وأخويا كمان

مش فاكرك يـــــــــــــاه

معليش يا ياسو القافية حكمت وإفتكرت فيلم اللمبي لما كان مستقصد أحمد حلمي طول الفيلم ...

لكن حقيقي مش قادر أفتكرك ... طب كنت بتيجي تاكل في المحل وما بتدفعش وبنخليك تغسل أطباق؟

او مثلاً كنت دايماً تطلع بره الطابور والعمال ييجوا يزعقولك ؟

قولي أي علامة مميزة أفتكرك بيها ...

طب من انهي كتبية في ميدان الجيش ... يعني مدفعية .. مشاه .... سلاح المقشات .. اي حاجة ... قربهالي شوية يستها معاك يابني ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Ahmed Mohsen عضو جديد

Ahmed Mohsen

بتاريخ:
بتاريخ: (معدل)
سي السيد جاري وحبيبي ..........

إيه الحلاوة دي .........

أينعم إحنا نعتبر سابع جار بس مش مهم .........

أنا من ميدان الجيش ......

وياما كلت في نجف ... بس بفلوس عشان ماكانش بتاعنا

ومدرستي كانت هناك ...... صقر قريش التجريبية .... أمام مدرسة الساكريكور علي طول

مش بقولك حبيبي وأخويا كمان

مش فاكرك يـــــــــــــاه

معليش يا ياسو القافية حكمت وإفتكرت فيلم اللمبي لما كان مستقصد أحمد حلمي طول الفيلم ...

لكن حقيقي مش قادر أفتكرك ... طب كنت بتيجي تاكل في المحل وما بتدفعش وبنخليك تغسل أطباق؟

او مثلاً كنت دايماً تطلع بره الطابور والعمال ييجوا يزعقولك ؟

قولي أي علامة مميزة أفتكرك بيها ...

طب من انهي كتبية في ميدان الجيش ... يعني مدفعية .. مشاه .... سلاح المقشات .. اي حاجة ... قربهالي شوية يستها معاك يابني ...

سلامة الشوف يا سي السيد ........

ياسو مين يا حبيبي .......

انا أحمد محسن يا راجل .......

تم تعديل بواسطة Ahmed Mohsen

الحل لكل مشاكلنا في الحياة هو:

"عامل الناس كما تحب أن تعامل"

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
وعلى فكرة سينما الحدائق كنت انا والعقيد بهاء مدير مرور الجيزة حاليا كنا كل يوم في الاجازة بندخلها ونخرج بخناقه

غريبة !!!!

أنا كنت على طول بأشوف العقيد بهاء هناك .. حتى بالأمارة كان بيقعد بلكون وكان على كتفه نسر ونحلتين قصدي دبورتين... أومال إنت كنت بتبقى فين يا حاج محمد ماشفتكش ولا مره معاه ؟

تصدق بالله ولا لك علي يمين .. إن معظم فرجتنا على السيما كانت بتبقى من بير السلم اللي في البيت اللي جنب السيما ؟

آه والله ... أصل في شباك على السلم بيطل على السيما على طول ... فلما كانت بنتبقى مزنقة معايا أنا واصحابي - وغالباً ما كانت بتبقى مزنقه طوال الوقت - كنا بنقف في الشباك ده وبنتفرج ولا أجدعها لوج .

هيييييه ألا ليت الطفولة المشردة تعود يوماً

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
homer عضو جديد

homer

بتاريخ:
بتاريخ:
homer:

أقتصاد ينفع؟

تمام يافندم md2:

اقتصاد وعلوم وسياسيه؟ قسم ايه ؟ ودفعة كام ؟ :D

تمام سعادتك

الدفعة المفترية 1986 محمود محى الدين وسامر وسليمان وعاطف السمان ومعتز ومحمود عبد العزيز وحوالى 13 دكتور كمان مش فاكر اساميهم كلهم

انا لسه لم تتحدد دفعتى بعد :) لسه بدرس يعنى ..

والدكاترة اللى حضرتك ذكرتهم باسمع عنهم من الدكاتره الحاليين ..

بالذات محمود محى الدين هو اللي بئي وزير الاستثمار دلوقتى؟ وتقريباً هو كان دكتور اقتصاد..

~~~

بخصوص الافترا اعتقد ان الكليه طول عمرها مفتريه بالذات في الامتحانات ..

~~~

لكن اخبار حضرتك ايه بعد التخرج هل زى مابنسمع انه مافيش اى بارقة أمل لخريجى الكليه حيث ان اغلب المواد تتشابه مع كليتى التجارة والحقوق اللى هما كانوا النواه المؤسسه للكليه؟

(كد ه انا قلبت اعلام :D )

أهلا يا سى لا فى يا طليعة الجيل الصاعد الواعد المتوعد

شوف يا سيدى دفعتنا هى الدفعة المفترية لسببين أولا لأن كان فيها أكبرعدد من الامتياز والجيد جدا فى تاريخ الكلية. وثانيا لأن منها أكبر عدد كمل دراسات عليا ماجستير ودكتوراة. من الاقتصاد "بتاعنا" الشياطين ال13 - دى كانت قصص مغامرات زمانااااان - وعلى رأسهم طبعا محمود اللى هو وزير الاقتصاد حاليا وهو أول واحد خلص دكتوراة من دفعتنا وهو كمل فى انجلترا اما بقية ال12 ف 11 منهم كملوا فى امريكا زى سامر ومعتز وسليمان وداليا والعبد لله وواحد بس كمل فى مصر وهو أحمد حلمى. الغريب بأه فى دفعتنا المفترية ان محدش اتعين معيد وحتى محمود اتعين وبعدين استقال بس رجع بعد الدكتوراة.

المستقبل هايل بأذن الله بس تركز على الايكونوميتريكس لأن هو ده البوابة الملكية لعبور المحيط وهأقوللك أن شاء الله بعد ما تتخرج تعمل ايه عشان تكمل دكتوراة فى أحسن الجامعات طبعا اذا كنت ناوى. مش باقول لك دفعة مفترية.

الدفعة المفترية التانية هى دفغة 1988 ودول كان منهم أكبر عدد فى الخارجية فى تاريخ الكلية زى اسامة شلتوت وعادل مصطفى أخو أشرف مصطفى اللى هو دفعتنا.

وبالمناسبة حسام محرم قنصل مصر السابق فى دبى برضه كان من الدفعة المفترية الاولانية

ايييييييييه ايام

<span style='font-size:14pt;line-height:100%'>

مفيش حنفى

</span>

تأملات خايبة

رابط هذا التعليق
شارك
Sharkiah عضو جديد

Sharkiah

بتاريخ:
بتاريخ: (معدل)

طيب ياأخت فريده وياأستاذ كفايه أهلا وسهلا وإحنا برضه جيران

إنتوا لازم بتيجوا عندنا وإحنا لازم بنروح عندكم ، دى العمليه كلها تعديه كوبرى الجامعه أو المنيل

كان فى زمان لى واحد صاحب غاوى سندوتشات جمبرى من مطعم إسمه عجيبه فى المنيل ، ياترى لسه موجود ؟

وفاكر كمان إن كان فى ميكانيكى متخصص تماما فى الفولكس بكل أنواعها إسمه إيليا على الناصيه تماما أمام الإشاره الكبيره إللى تاخد إللى يعديها شمال على كوبرى الجامعه فى طريق العوده للدقى ، ياترى لسه موجود ؟

تم تعديل بواسطة Sharkiah

بسم الله الرحمن الرحيم ـ وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالاً مُّبِيناً ـ صدق الله العظيم

رابط هذا التعليق
شارك
Sharkiah عضو جديد

Sharkiah

بتاريخ:
بتاريخ:
وبالمناسبة حسام محرم قنصل مصر السابق فى دبى برضه كان من الدفعة المفترية الاولانية

ايييييييييه ايام

أعرفه ياهومر ، إتعرفت عليه فى نادى الصيد عن طريق واحد صاحبى كان زميله لما الإثنين كانوا فى سفاره مصر فى دبلن

إيييييييييه ، صدق من قال الدنيا صغيره

it's a small world

بسم الله الرحمن الرحيم ـ وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالاً مُّبِيناً ـ صدق الله العظيم

رابط هذا التعليق
شارك
Mohammad Abouzied عضو جديد

Mohammad Abouzied

بتاريخ:
بتاريخ:

وعلى فكرة سينما الحدائق كنت انا والعقيد بهاء مدير مرور الجيزة حاليا كنا كل يوم في الاجازة بندخلها ونخرج بخناقه

غريبة !!!!

أنا كنت على طول بأشوف العقيد بهاء هناك .. حتى بالأمارة كان بيقعد بلكون وكان على كتفه نسر ونحلتين قصدي دبورتين... أومال إنت كنت بتبقى فين يا حاج محمد ماشفتكش ولا مره معاه ؟

تصدق بالله ولا لك علي يمين .. إن معظم فرجتنا على السيما كانت بتبقى من بير السلم اللي في البيت اللي جنب السيما ؟

آه والله ... أصل في شباك على السلم بيطل على السيما على طول ... فلما كانت بنتبقى مزنقة معايا أنا واصحابي - وغالباً ما كانت بتبقى مزنقه طوال الوقت - كنا بنقف في الشباك ده وبنتفرج ولا أجدعها لوج .

هيييييه ألا ليت الطفولة المشردة تعود يوماً

يا سلام عليك يا سي السيد العقيد بها كان لسه طالب ثانوي وقتها وبعدين يا سيدي كنت اطلع فوق وبلاش بير السلم كنا ها نفتلك على طول وتتفرج من البلكونة ما هو الجدع سمير الى كان بيتخانق معانا دا كان ابن صاحب الشقة وكنا بنرخم عليه علشان نذاكر عنده احنا الثلاثة وبعد كدا بنبص على الفيلم من البلكونة ونسيب المذاكرة فكان ابوه يطردنا على طول وتبقى خناقة بعد كدا

يأتي في آخر الزمان قوم حدثاء الأسنان سفهاء الأحلام يقولون من خير قول البرية يمرقون من الإسلام كما يمرق السهم من الرمية لا يجاوز إيمانهم حناجرهم فأينما لقيتموهم فاقتلوهم فإن في قتلهم أجرا لمن قتلهم يوم القيامة

رابط هذا التعليق
شارك
SnipeR عضو جديد

SnipeR

بتاريخ:
بتاريخ: (معدل)
طب حد برضوا كان مدمن أكل سندوتشات فول وطعمية من محل نجف اللي في العباسية وببلاش لأنه محلنا ؟

وكان يحلي ببسبوسة وكنافة من الحلواني اللي جنبه اللي ناسي إسمه دلوقت ؟

حدش قال أنا ؟ ... شكلي بقى بايخ كلكوا طلعتوا جيران وانا اللي عايش وحداني .

صحيح انا منيلاوي اصيل ..بس الوالده من شارع مصر و السودان يامعلمي..

وبيت جدتي مازال هناك وهو اللي اتربيت فيه ورا قاصد كريم بيومي علطول جنب جامع شلبيه

واتولدت في المستشفي الايطالي كمان ..

الحلواني الله يمسيه بالخير كان اسمو دو شيس ..هو قفل من زمان بس فتح في مصر الجديده محل كبير قوي..

ايييييييييييييييييه.الله يرحمك يانينا :) ..

تم تعديل بواسطة SnipeR
رابط هذا التعليق
شارك
yasovinas عضو جديد

yasovinas

بتاريخ:
بتاريخ:
تجارة اسكندريه

تجارة اسكندرية من 81لغاية87

انت دخلت امتى وخرجت امتى يا امير

قشطة

أنا تجارة إسكندرية 86-92

اهلا وسهلا يا المصري قوللي بقى تعرف سيد الصيفي كان ايامي يعني اول ما دخلت انت الكليه معيد بيدرس ادارة سمعت عنه

وكان فيه معيد طخييين قوي اسمه عبد الواحد عارفه

Yasso.gif

رابط هذا التعليق
شارك
yasovinas عضو جديد

yasovinas

بتاريخ:
بتاريخ:
معليش يا ياسو

ابو السيد حبيبي

مساء الفل يا باشا ده اسمه ايه ده حب ربنا يديم المحبه ولا الفول اللي اكلته من المحل زمان ببلاش غشوش على الدماغ

اللي بيكلمك اخوك الصغير احمد محسن

انا اسكندراني يا ابن عمي سلامات

الووووو يا فلافل

Yasso.gif

رابط هذا التعليق
شارك
ماجد عضو جديد

ماجد

بتاريخ:
بتاريخ:
عارفها عمارة تافرنا سابقا دي علامه من علامات لوران

بس الحمد لله تافرنا قفل ( بعد الراجل صاحبه ما مات ) من الدوشه اللى الشباب كانوا عاملينا تحت و المكان لسه مقفول لغاية دلوقتى مش عارف ليه مع ان موقعه ممتاز و ممكن يبقى حاجه كويسه جدا.

و لسكان شارع مصر و السودان . كان لى واحد صاحبى زمان اسمه خالد فضه ياترى حد يعرف عنه حاجه . بالمناسبه خالد دخل موسوعة جينيز للأرقام القياسيه لأنه اكثر راجل اتجوز فى العالم علشان كان بيشتغل فى البحر و بيجوز فى كل مينا واحدة .

cld: fty:: fty::

الكلام بجد و الله و الخبر اتنشر ايامها فى جرايد مصر

:o :o :o

رابط هذا التعليق
شارك
ماجد عضو جديد

ماجد

بتاريخ:
بتاريخ:

و لسكان العباسيه ...

قعدت فتره من حياتى فى العباسيه فى شارع سبيل الخازندار حيث كان يسكن مذيع التلفزيون الراحل المحترم عبد الرحمن على و الممثل الراحل توفيق الدقن

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • News Bot
      0
      [مجلة رزو اليوسف] ابحث عن الاقتصاد الغاز الروسى يحرق الدولار الأمريكى فى أوكرانيا
      على غرار حكايات رواد المقاهى الشعبية يقولون إن أحد الصحفيين سأل الرئيس الروسى بوتين: ماذا ستفعل لو قامت أمريكاعرض المقال كاملاً

      بواسطة News Bot
      كُتب

    • News Bot
      0
      [مجلة صباح الخير]ابحث عن السر وعن لصوص الفراعنة!
      مصر معقل وبلد الحضارة الإنسانية عبر الزمان ومنذ فجر التاريخ البشرى وبكل ما يحويه من كنوز فرعونية نادرة لا مثيلعرض الصفحة

      بواسطة News Bot
      كُتب

    • Guest بسيوني
      9
      هي المانيا ايه؟ (تعارف)
      انا حبيت اعمل الموضوع ده علشان اتعرف على المصريين في المانيا وفي الشرق تحديدا. انا معنديش معلومات للدكاترة والصيادلة والكلام ده بس لو عندك سؤال عن حاجة تانية، إسأل يمكن اعرف اجاوبك. انا اسمي بسيوني. طبعا ده اللقب، بس بحبه 🙂   من المواضيع اللي بتناقش دائماً موضوع المصريين في الغربة وهل هم بيساعدوا بعض ولا لا. انا هتكلم عن نفسي. انا بحاول اساعد اي حد بس لما بحس ان الشخص ده بيستغلني طبعا بابعد عنه او انه بيحاول يعرفني علشان مصلحة. الامور دي بتبقي باينة من الأول. ايه أراءكم في الموضوع ده في الب

      بواسطة Guest بسيوني
      كُتب

    • عادل أبوزيد
      0
      ابحث عن أغنية عناوين جرانين المستقبل
      هذه أغنية من الستينيات تأليف صلاح جاهين و فيها عناوين جرانين المستقبل كانت مملوءة بالأمل و فيها تخيل عناوين جرانين المستقبل و لم  أتذكر منها إلا  أوبرا على كل ترعة و معرض لزهور السوسن. تخيلو معي شاعرية الخبر "معرض لزهور السوسن" رغم أني لا أعرف زهور السوسن معرفة شخصية. سألت زوجتي نشوة الخبيرة الفنية و الكروية فلم تتذكرها ، إستعنت بمحرك البحث جوجول و توصلت لكلمات الأغنية  و الغريب أن "معرض لزهور السوسن لم تأتي إلا في شطرة من بيت في أواخر الأغنية !  ترى هل فقدنا الأغنية ؟  

      بواسطة عادل أبوزيد
      كُتب

    • aimen
      21
      ابحث مع الشرطة ..قمر تايه يا ولاد الحلال ...
      http://www.almasry-alyoum.com/article2.aspx?ArticleID=274459 يا جماعه محدش شاف القمر ده ؟ طيب مش ممكن نشوف حد يفتح لنا المندل ولا مش عارف ايه علشان نعرف مكان القمر طيب ممكن يكون القمر ده بيشتغل فى مكان تانى ممكن نقول ان المحفزات المادية وظروف العمل مش مناسبة ليه دا بيفكرنى بقصة تحتمس 400 بشرطة لأحمد بهجت ...القصة ان مصر اطلقت صاروخ رايح للقمر فتاه فى الطريق وراح المريخ ولما كان رواد الفضاء بيومى وعتريس وتفيده من محبى الملوخية فقد طبخت لهم تفيده حلة الملوخية التمام اللى بسببها ح

      بواسطة aimen
      كُتب

×
×
  • أضف...