مدارس حكومى واللا ازهر

[بنت الشاطئ1]

السلام عليكم

ايهما افضل ان الواحد يقدم لاولاده فى مدرسة حكومى واللا ازهر مع العلم انهم فترة الدراسة كلها خارج مصر لكن نريد ان نكون مرتبطين بمدارس مصرية

وايه سلبيات الازهر

[Alrefaey]

السلام عليكم

ايهما افضل ان الواحد يقدم لاولاده فى مدرسة حكومى واللا ازهر مع العلم انهم فترة الدراسة كلها خارج مصر لكن نريد ان نكون مرتبطين بمدارس مصرية

وايه سلبيات الازهر

التعليم الازهرى ياعزيزتى الان يحارب من الدولة حربا شديدة وهذا بدورة ينعكس على الطلاب لذا لا انصحك به

العلوم الازهرية من حيث المناهج هى نفسها الحكومى مع زيادة فى المواد الدينية(فقه وتوحيد وعقيدة وقرآن وتفسير وحديث ) واللغوية (صرف وادب وشعر اكثر من مثيله الحكومى )

التعليم الجامعى نفس الشىء مع فارق ان كليات القمة محدودة جغرافيا فى الازهر عن مثيله الحكومى فمثلا لا توجد الا كلية هندسة واحدة بالقاهرة وثلاث كليات طب (القاهرة واسيوط ودمياط ) وكليتين صيدلة (القاهرة واسيوط ) هذا فى حالة الذكور

اما فى حالة الاناث فهى بالفعل مآساه لا توجد سوى كلية طب واحدة وصيدلة واحدة

بمعنى لو بنتك ماجابت فى الثانويه طب او صيدلية او هندسة مالها بعدها الا علوم او تربية وكله بالقاهرة

اما فى الحكومى فأمامها اعلام ,اقتصاد وعلوم سياسية ,السن ,ومزيد من الفرص

الميزة الوحيدة فى التعليم الازهرى هو حفظ القرآن اهتمى بأولادك بحفظ القرآن ودخليهم حكومى واهتمى باللغات

تقبلى تحياتى

[safwat]

انا طالب فى بكالوريوس هندسة جامعة الازهر

وعندى نصيحة لحضرتك لو دخلت ولادك ازهر لازم تدخليهم ازهر خاص او لغات

لان مدارس الازهر العادية فيها انحطاط مش هقدر اوصفلك مداة سواء من المدرسين او الطلبة

انا كنت بعانى فى المدرسة

لحد ما ربنا كرمنى ودخلت الجامعة وكليتى الحمد لله كل الناس اللى فيها محترمة

[أبو اياد المصرى]

انا طالب فى بكالوريوس هندسة جامعة الازهر

وعندى نصيحة لحضرتك لو دخلت ولادك ازهر لازم تدخليهم ازهر خاص او لغات

لان مدارس الازهر العادية فيها انحطاط مش هقدر اوصفلك مداة سواء من المدرسين او الطلبة

انا كنت بعانى فى المدرسة

لحد ما ربنا كرمنى ودخلت الجامعة وكليتى الحمد لله كل الناس اللى فيها محترمة

فعلا حقيقى كلامك مضبوط وعن معايشة على الواقع نظراً لأن أى الصغير كان فى تعليمه كله أزهرى وللأسف الدراسة صعبة جداً والتعقيد على أشده وبالذات فى المرحلة الجامعية ونسب النجاح ضعيفة

وعموما برضه هذا يتوقف على مدى قدرة واستيعاب الطالب لهذة المواد وهذة النوعية من الدراسة وكل إنسان أدرى بأولاده هل هم من نوعية الدحيحة هههههههههه (اللى بيذاكروا موت يعنى ) ولا من نوعية الناس اللى بتمشى على سطر وتسيب سطور !!!!!!!