صوت الغريب في الغربة مش مسموع

[hemaya]

صوت الغريب

صوت الغريب في الغربة مش مسموع

لا الآه بتطلع ..

ولا حتى باين له رجوع

وفضلت أهلل وأقول الشمس بكرة تبان

لا الشمس طلعت ولا بكره باين له طلوع

يا غربتي جوه غربة غريبة ومرة

الشكوى قاسية والحلم راح بالمرة

ولا عدت طايلك يا بكي

وبترجي فيك يا دموع

صوت الغريب في الغربة مش مسموع

لكن صوتي بكي وأنين

وكله دموع

بصرخ تعود .. أو زماني يعود

بصرخ مفيش في الدنيا شئ موجود

ابني لغيري .. أبني وأعلي

والكلمة تايهة فيه ومني

هاتودعوني .. ما تودعوني

هتكفنوني .. ماتكفنوني

كفنوا الصمت اللي ساكن

جوه مني من سنين

رددوا الوهم اللي واهن

بين مشاعري المخنوقين

واطلبوا مني أوقع عالنهاية

ماالنهاية الحلوة باينة من البداية

اللي سافر عايش وحيد هيموت وحيد ..

إيه الجديد ؟؟؟؟؟؟؟؟؟

[zamakany]

للأسف ياحماية الاغتراب سمة عصر ومحنة اكثر من جيل من اول اللي سافرو في السبعينات علشان يبنو العماير ودلوقت إحنا بنسافر علشان نشتغل وبس لكن ارجوك لا ترسمها هكذا بلون الموت حاول أن تصنع فيها جديدا غير هذا الحزن

قلبي تمزق من أنينك يا شاعر

وزمان واحنا طلبة قبل ما نعرف إن السفر قدر ملايين كنت باسمع منير

عينيك تحت القمر فيهم كلام للخوف

فيهم كلام للقدر مداري مش مكشوف

مفيش كسوف في المحبة ولا للمحبة شروط

عمرك ماتشعر بغربة إلا في حنين مكبوت

[doha]

عندما يستبدل الجرح الانين بالكلمات ..

اخذتها من داخلي وداخل كل مغترب فاجدت الاختيار واجدت الوصف . .

برغم الألم .. بالتأكيد .. شكرا لك ..

[التونسى]

مبدع بدرجة موجع ..ما خطه قلمك .. لامست ب بنان شعرك.. بعضا من جروح الروح ..

سلمت قريحتك .. ودمت مبدعا

مع خالص تحيتى

التونسى