هل يكون حل المشكلة الإقتصادية في الرقص ؟!!!

[se_ Elsyed]

االجمهورية 9/12/2003م

لحبس 3 سنوات للراقصة حنان

وإلزامها بدفع 7.5 مليون جنيه للضرائب

الإسكندرية أشرف حجاج:

عاقبت محكمة جنايات الإسكندرية "غيابيا" الراقصة حنان رمضان البوشي وشهرتها "دندش" بالسجن 3 سنوات وإلزامها بدفع 5 ملايين و736 ألف جنيه للضرائب.

أصدر الحكم المستشار علاء البنا بعضوية المستشارين عبدالعال سلامة وصبحي عبده وسكرتارية أحمد البغدادي ومحمد العجمي. كشفت مباحث التهرب الضريبي تهرب الراقصة من دفع 7.1 مليون جنيه قيمة الضرائب والرسوم علي عملها بفنادق وملاهي الإسكندرية العام الماضي.

تعليق المحلل الإقتصادي والمصفي القضائي س س خزام : يا نهار أبيض يا جدعان 7 مليون ضرايب عن رقص سنة واحده بس وراقصة مغمورة كمان يعني لا هي فيفى هانم عبده ولا دينا خانوم ولا العالمة باشا لوسي ..

يعني بحسبة صغيرة لو كانت الضرايب 40 % يبقى الست دندش عامله بتاع 16 مليون جنية إيرادات في سنة ميلادية واحد ونخرج منها شهر رمضان والأجازات وده كله غير النقطة والذي منه .......

وانا اللي فرحان ببكالوريوس التجارة وسيادة المدير راح وسيادة المدير جه ، وما تبصليش بعين رضية ..ده انا شغال في السعودية ......

يعني يا واد يا س س ممكن تقضي حياتك كلها رابط الحزام وبتحوش وبرضوا ماتحصلش نقطة رقاصة في ليلة واحده ......

لأ ده أنا كده لازم أعيد ترتيب أوراقي وانا سني لسه صغير ولازم ألحق الفرصة .......

الله يرحمك يابا قولت لك أدخل فرقة رضا .. تقولي لأ يا س س يا ولدي كلية التجارة أحسن ... تعالى شوف يا عم دندش بتعمل أيه ...

[Handicraft]

فكرتنى بتاجر مخدرات قبضوا عليه وكان من ضمن التهم الموجه إليه تهمة التهرب من الضرائب عن أرباحه من تجارة المخدارات والتى قدرت طبعا بمبلغ يبدأ بستة أصفار .

ولا تعليق.

[afiona]

فكرتنى بتاجر مخدرات قبضوا عليه وكان من ضمن التهم الموجه إليه تهمة التهرب من الضرائب عن أرباحه من تجارة المخدارات والتى قدرت طبعا بمبلغ يبدأ بستة أصفار .

طب الرقص وقلنا مهنة شريفة و محترمةو الراقصة بترقص بشرفها..عادى يعنى :lol: ، بس إيه الإسلوب بتاع دفع تجار المخدرات للضرائب؟ مش فاهم .. يمكن إحنا فى هولندا مثلا والمخدرات كوول وتجارتها مهنة محترمة برضه؟؟؟؟؟؟ :lol:

ياترى الطبال اللى ورا دندش بيعمل كام؟ وهل بيقبلوا واحد مهندس ولا لازم أجيب واسطة؟

[se_ Elsyed]

ده مش تهريج يا هاندي ولكن هذه حقيقة فإذا ثبتت تهمة تجارة المخدرات على التاجر فمن حق مصلحة الضرايب إنها تحاسبه على أرباح تجارته ويا الدفع يا الحبس ...

بس أنا خايف مايلقوش معاه فلوس ويأخده حق الدولة بضاعة وكل واحد يصرفها بمعرفته فتلاقي مأمور الضرايب واقف على باب المصلحة ومعاه لفف السلوفان المعتبره وكل واحد من عمال الشاي عمال يلف بالجوزة على مكاتب الموظفين وطبعاً مديرهم الكبير قاعد في المكتب الفخم أبو تكييف وقدامه الشيشة المعتبرة وموقف الموظفين قدامه وبيبستفهم ويقولهم " انا المأمور اللي يخسع معايا ما فيش غير رصاص مسدسي وفي قلبه " .... الله يسامحك يابوكمال هو اللي أخترع الحاجات دي في فيلم العار ....