ماذا نأخذ معنا واحنا مسافريين كندا

[francois]

من وفقهم الله واجتازوا مقابلة السفارة وقدموا اوراقهم للفيدرالى يجب ان يعتبروا هذه المدة فترة هامة لكى يقرر ما هو مهم ان يحمله معه وما ليس مهم وان يتركه

معلومة هامة لا نستطيع اخذ اى جهاز كهربائى لان الكهرباء هناك على 110 فولت وليس على 220 مثل عندنا

البعض بصحنى بأن اكثر من البطاطين والملايات لانها غالية الثمن

الدواء غالى ولكن ادوية الرف( البرد والانفلونزا العادية - ) ثمنها يتراوح من 10 - 30 دولار

علمت ان ادوات المطبخ غالية

فيجب ان نتواصل لكى نفيد بعضنا البعض فيما هو مناسب ان نأخذه معنا وما هو غير مناسب ويجب ان نتركه

[moheltohamy]

ماتاخدش معاك أي حاجة!

إنتا مش رايح صحرا يا أستاذنا ، وكل حاجة موجودة ومتاحة ، وأسعارها كويسة هنا كمان. واللي أسعاره مش كويسة ، ممكن تشتريه مستعمل ؛سواء من أدوات المطبخ أو من فرش البيت!

يمكن الإستثناء هوه في الأدوية اللي مش هتعرف تشتريها من هنا غير بطلوع الضرس! ودي كنت اتكلمت عنها بالتفصيل على قهوتي.

وهيه طباع أولاً وأخيراً ، فيه اللي غاوي يبدأ حياة جديدة بحاجات جديدة ، وفيه اللي غاوي ينقل كراكيبه معاه في كل مكان!

وأفتكر مدام دعاء كانت اتكلمت عن الحاجات اللي ممكن تاخدها معاك وانتا جاي اللاندنج ، و دكتور الشامي برضه كان اتكلم في المشوار ده ، وغيرهم. يبقى كده التوبيك ده تحصيل حاصل ، وتجميع ومراجعة لما سبقت دراسته!

أنا مش مقتنع بالتوبيك ده من الأساس ، لكن هانتظر لو الزملاء شايفينه كويّس نسيبه.

منتظر الآراء

[astrophy]

ماتاخدش معاك أي حاجة!

إنتا مش رايح صحرا يا أستاذنا ، وكل حاجة موجودة ومتاحة ، وأسعارها كويسة هنا كمان. واللي أسعاره مش كويسة ، ممكن تشتريه مستعمل ؛سواء من أدوات المطبخ أو من فرش البيت!

يمكن الإستثناء هوه في الأدوية اللي مش هتعرف تشتريها من هنا غير بطلوع الضرس! ودي كنت اتكلمت عنها بالتفصيل على قهوتي.

وهيه طباع أولاً وأخيراً ، فيه اللي غاوي يبدأ حياة جديدة بحاجات جديدة ، وفيه اللي غاوي ينقل كراكيبه معاه في كل مكان!

وأفتكر مدام دعاء كانت اتكلمت عن الحاجات اللي ممكن تاخدها معاك وانتا جاي اللاندنج ، و دكتور الشامي برضه كان اتكلم في المشوار ده ، وغيرهم. يبقى كده التوبيك ده تحصيل حاصل ، وتجميع ومراجعة لما سبقت دراسته!

أنا مش مقتنع بالتوبيك ده من الأساس ، لكن هانتظر لو الزملاء شايفينه كويّس نسيبه.

منتظر الآراء

انا راى يادكتور محمد نسيب الموضوع دا لانه اكتر تخصص مركز على شىء واحد فقط وهو الاشياء الضرورى الى يحتاجها الى مهاجر والضروريه فقط وتكون سهله ومش تعمل وزن معاه علشان االميزان

وبردوا نشوف اخوانا رايهم ايه

تحياتى ورمضان كريم

[qenawy]

سيبه

سيبه

سيبه

الكابتن جمال عبد الحميد يحتضن المشجع المتعصب ويبعد عنه الامن المركزي بعد ان نزل يهز الشبكة

سيبه

اول حاجة تاخدها معاك شهادات ميلادك بالانجليزي

شهادات الكلية بالانجليزي

[surgeon]

موضوع مهم ومفيد

أرجو من أصحاب الخبرة النصح والمشورة

[MZohairy]

بسطرمه و جبنه رومي

[hamoudi]

بسطرمه و جبنه رومي

مش البسطرمه من اللحوم وممنوع دخول اللحوم عن اى طريق الا بالحجر الصحي؟؟

يعني البسطرمه لازم هاتتصادر وتتعدم قدام عينينا

[moheltohamy]

خلاص يا اخواننا تنزل المرّادي...

بس لو نحاول ننقل المشاركات القديمة اللي قبل كده المتعلقة باللي تاخده معاك وانتا رايح ، وآهو يبقى موضوع مجمّع كله على بعضه ، عشان ما نجيش بعد كده ونفتح توبيك تاني (إيه العصاير اللي هتوحشنا في كندا)

بسطرمه و جبنه رومي

عيب عليك يا زهيري... ما تقعش انتا الوقعة دي! أمّال لو ما كنتش مغنيلها وشارب من نيلها ، قصدي يعني من أهل الدار!

جبنة رومي وهنقول ماشي... بسطرمة بقى يا حلو... دي تاخدها زي الشاطر كداهوّت وترميها بإيديك الحلوين في زبالة المطار!

مانتا هتكون كاتب إن معاك أكل ، وبعد كده هتقول لهم بسطرمة يعني منتجات لحوم ، ممنوووع!

أما بقى لو حبيت تتذاكى ، وربنا وقعك في شر أعمالك ، والكلّوب الحبّوب راح شمشم على الشنطة ، و وقف قدامها ، وربّع رجليه ، وحط إيده عليها ، يبقى بالسلامة يا حلو ؛ وبقيت كذاب ، وغرامة ميت دولار اقل واجب ، ويمكن يتعلّم عليك بقى ، وكده ولاّ كده هيفلّوا شنطك ، وهيطلّعوا عينيك!

ما عندك المحلات العربي يا عم الحاج ، بالذات في البسطرمة اللي يجيلك منها الريح دي!

[terminator]

خد معاك كيس زبالة وافرطه فى الشارع قدام بيتك ... علشان متحسش بالغربة عن مصر

[Queen]

السلام عليكم ،

كل عام و انتم جميعا بخير و صحة و سلامة.

الموضوع ده فعلا مهم،و انا احب ان أؤكد على اهمية ان الواحد يجيب معاه جبنة رومى على ما قد الوزن يسمح، لان كيلو الجبنة الرومي هنا باربعين دولار . وممكن كمان جبنة بيضاء معلبه، مثل جبنة فيتا جرين لاند ، او جبن مثلثات او جبنة كيري. موضوع الاجبان ضايع جدا هنا في كندا، غالبا هما بيكلوهاش على عكسنا الجبنة شئ مهم جدا.

بخلاف الاجبان كل الاكل متوفر و اسعاره معقولة. و معظم الحاجات بعد كده ممنوعة، الفاكهة الخضروات اللحوم الحبوب.

اي حاجة للتأثيث المنزل هاتها معاك على قد ما الوزن يسمحلك، انا الصراحة ماجبتش قشة، و اشعر بالندم الشديد لذلك، و لكن عذري الوحيد اني ما كنش معي وزن زيادة.

فعلا ان الواحد يبدأ حياة جديدة بحاجات جديدة حاجة جميلة جدا و انا من اول المشجعين على الفكرة ديه، و فعلا الأسعار هنا متوسطة و مش غالية، لكن تأثيث بيت كامل بكل تفاصيله بيكون مكلف جدا ، فعلى الاقل مستلزمات المطبخ و الملايات. لان الأشياء الصغيرة بتجمع في النهاية مبلغ كبير.و في البداية بيكون فيه مصاريف كتيرة جدا.

و شكرا لحسن استماعكم.

[Nassarlink]

السلام عليكم ،

كل عام و انتم جميعا بخير و صحة و سلامة.

الموضوع ده فعلا مهم،و انا احب ان أؤكد على اهمية ان الواحد يجيب معاه جبنة رومى على ما قد الوزن يسمح، لان كيلو الجبنة الرومي هنا باربعين دولار . وممكن كمان جبنة بيضاء معلبه، مثل جبنة فيتا جرين لاند ، او جبن مثلثات او جبنة كيري. موضوع الاجبان ضايع جدا هنا في كندا، غالبا هما بيكلوهاش على عكسنا الجبنة شئ مهم جدا.

بخلاف الاجبان كل الاكل متوفر و اسعاره معقولة. و معظم الحاجات بعد كده ممنوعة، الفاكهة الخضروات اللحوم الحبوب.

اي حاجة للتأثيث المنزل هاتها معاك على قد ما الوزن يسمحلك، انا الصراحة ماجبتش قشة، و اشعر بالندم الشديد لذلك، و لكن عذري الوحيد اني ما كنش معي وزن زيادة.

فعلا ان الواحد يبدأ حياة جديدة بحاجات جديدة حاجة جميلة جدا و انا من اول المشجعين على الفكرة ديه، و فعلا الأسعار هنا متوسطة و مش غالية، لكن تأثيث بيت كامل بكل تفاصيله بيكون مكلف جدا ، فعلى الاقل مستلزمات المطبخ و الملايات. لان الأشياء الصغيرة بتجمع في النهاية مبلغ كبير.و في البداية بيكون فيه مصاريف كتيرة جدا.

و شكرا لحسن استماعكم.

الواجب علينا احنا نشكرك لمشاركتك معانا

وبالنسبه للجبنه الرومي لو سعرها 40 دولار للكيلو بيساوي 40 جنيه في مصر

علي افتراض ان الدولار في كندابيساوي جنيه في مصر كقوه شرائيه

ساعتها الرومي كده متبقاش غاليه

او ان الحياه في كندا هي الي رخيصه علشان كده الرومي تعتبر غاليه

نصّار

[znaty]

عندي بس ملاحظة مهمة بناء على خبرات اصحابي

الفلوس

طبعا انت عارف لو انت واخد معاك اكتر من 10 الاف دولار كاش لازم تفصح عنهم والا فيها غرامة وعقوبة

المهم

اللي انا قصدي عليه ماتفتحش صدرك في الفلوس اوي

واحد صاحبي قالوا له معاك كام قالهم عشرة

قالتله الاوفيسر بس ؟

راح مبحبح نفسه وركبته العزة بقة وقالها لااا

معايا في الفيزا ومعايا في البنك هايتحولوا لسة ومعايا موش عارف ايه باجمالي ما قدرة 35 الف دولار

وهو ماعهوش اصلا الا ال 10 دول

المهم قالتله اوك وخلصنا

بعد شهر رايح يقدم على قرض ماعرفش علشان يعمل ايه قالتله الموظفة

لا يا حبيبي ؟؟؟؟معاك 35 الف ...مالحقتش تصرفهم في شهر ابدا ...هاتلي اثبات بفواتير ازي صرفتهم؟؟

طبعا صاحبي بقي في نص هدومة

لذلك كانت نصيحته ...قول الحقيقة فقط لا غير بدون اي تجميل او زيادة

الموضوع اللي كان نفسي معلومات اكتر عنه موضوع مواصفات العربية اللي ممكن تاخدها معاك

عل فيه جهة او موقع معين تتدخل في ماركة ومكان صنع وسنة صنع والبلد اللي كانت ماشية فيها العربية يقوللي دي تخش والا لا ؟؟؟

[safaalabana]

موضوع مهم ....ياترى حد عنده فكره عن الستائر والسجاد...يعنى من كندا احسن ؟ والا منمصر او الخليج..؟؟

[hamoudi]

عندي بس ملاحظة مهمة بناء على خبرات اصحابي

الفلوس

طبعا انت عارف لو انت واخد معاك اكتر من 10 الاف دولار كاش لازم تفصح عنهم والا فيها غرامة وعقوبة

المهم

اللي انا قصدي عليه ماتفتحش صدرك في الفلوس اوي

واحد صاحبي قالوا له معاك كام قالهم عشرة

قالتله الاوفيسر بس ؟

راح مبحبح نفسه وركبته العزة بقة وقالها لااا

معايا في الفيزا ومعايا في البنك هايتحولوا لسة ومعايا موش عارف ايه باجمالي ما قدرة 35 الف دولار

وهو ماعهوش اصلا الا ال 10 دول

المهم قالتله اوك وخلصنا

بعد شهر رايح يقدم على قرض ماعرفش علشان يعمل ايه قالتله الموظفة

لا يا حبيبي ؟؟؟؟معاك 35 الف ...مالحقتش تصرفهم في شهر ابدا ...هاتلي اثبات بفواتير ازي صرفتهم؟؟

طبعا صاحبي بقي في نص هدومة

لذلك كانت نصيحته ...قول الحقيقة فقط لا غير بدون اي تجميل او زيادة

الموضوع اللي كان نفسي معلومات اكتر عنه موضوع مواصفات العربية اللي ممكن تاخدها معاك

عل فيه جهة او موقع معين تتدخل في ماركة ومكان صنع وسنة صنع والبلد اللي كانت ماشية فيها العربية يقوللي دي تخش والا لا ؟؟؟

انا شايف انه مالوش داعي لانك مش معقول تسيب مالذ وطاب من العربيات في بلد الكواليتي فيها عاليه وبجوارها اكبر مصانع السيارات في العالم وتجيب عربيه من بره او تعمل اعادة تصدير انا شايف انك تجيب من كندا

[hamoudi]

موضوع مهم ....ياترى حد عنده فكره عن الستائر والسجاد...يعنى من كندا احسن ؟ والا منمصر او الخليج..؟؟

مش عارف ايه حكاية السجاجيد بالظبط

انا مراتي بتسألني في النقطه دي وكأنها اكثر حاجه حيويه في عملية الهجره . صحيح مافيش اجابه عندي بس الموضوع من وجهة نظري مش مهم قوي لسببين

الاول ان الارضيات حدا الكنادوه غالبا باركيه

الثاني ان السجاجيد ذات وزن كبير وبالتالي ادفع فلوس كتير زيادة ميزان

لكن الملحوظه الى قالها الناس الى هناك ان اواني الطهي في مصر ارخص بكتير ويحبذ احضار طقم اواني متوسط

تم تعديل 26 أغسطس 2009 بواسطة hamoudi

[MZohairy]

انتو بتتكلموا جد؟؟!!!!

حد عايز يجيب معاه سجاجيد لكندا؟؟!!!

هو انتو جايين على مركب مش بالطياره؟؟!!!

ماهو يا إما جايين على مركب و مفيش مشاكل في الوزن بالنسبالكم يا إما اغنيا جدا و مش فارقه معاكم ان الكيلو الزياده يبقى بعشرين دولار!!

يا جماعه السجاد هنا مرطرط

و بكل الأسعار

و جديد و مستعمل

اقولكم على فكره

هاتوا معاكم اثقال (حديد) عشان لو حد عايز يتمرن .....

يا جماعة الخير

انا مش شايف اي حاجه مهمه لازم تجيبوها معاكم غير الباسبورات و ورق الهجره و الفلوس و بس

[safaalabana]

انتو بتتكلموا جد؟؟!!!!

حد عايز يجيب معاه سجاجيد لكندا؟؟!!!

هو انتو جايين على مركب مش بالطياره؟؟!!!

ماهو يا إما جايين على مركب و مفيش مشاكل في الوزن بالنسبالكم يا إما اغنيا جدا و مش فارقه معاكم ان الكيلو الزياده يبقى بعشرين دولار!!

يا جماعه السجاد هنا مرطرط

و بكل الأسعار

و جديد و مستعمل

اقولكم على فكره

هاتوا معاكم اثقال (حديد) عشان لو حد عايز يتمرن .....

يا جماعة الخير

انا مش شايف اي حاجه مهمه لازم تجيبوها معاكم غير الباسبورات و ورق الهجره و الفلوس و بس

:lol: :lol:

الله يسعدك ويضحكك زى ما اضحكتنا ....خلاص مش مهم السجاد..ناخد الموبيليا بس :lol:

[SoSo R]

صباح الخير

يا جماعة ماحدش يجيب حاجة غير هدومه اللى حالتها كويسة و حاجته الشخصية ألبومات صور أو سىدىهات

غير كدة يتكتب فى اللستة بتاعة الشحن عشان يشوفوه و أنتوا داخلين البلد...وبعدين أبقوا إشحنوا اللى محتاجينه فعلا

يعنى اللستة موجودة و أنتوا حرين بعد كدة

لكن حلل وسجاد...

تحياتى

سوسورانى

[safar]

عندي بس ملاحظة مهمة بناء على خبرات اصحابي

الفلوس

طبعا انت عارف لو انت واخد معاك اكتر من 10 الاف دولار كاش لازم تفصح عنهم والا فيها غرامة وعقوبة

المهم

اللي انا قصدي عليه ماتفتحش صدرك في الفلوس اوي

واحد صاحبي قالوا له معاك كام قالهم عشرة

قالتله الاوفيسر بس ؟

راح مبحبح نفسه وركبته العزة بقة وقالها لااا

معايا في الفيزا ومعايا في البنك هايتحولوا لسة ومعايا موش عارف ايه باجمالي ما قدرة 35 الف دولار

وهو ماعهوش اصلا الا ال 10 دول

المهم قالتله اوك وخلصنا

بعد شهر رايح يقدم على قرض ماعرفش علشان يعمل ايه قالتله الموظفة

لا يا حبيبي ؟؟؟؟معاك 35 الف ...مالحقتش تصرفهم في شهر ابدا ...هاتلي اثبات بفواتير ازي صرفتهم؟؟

طبعا صاحبي بقي في نص هدومة

لذلك كانت نصيحته ...قول الحقيقة فقط لا غير بدون اي تجميل او زيادة

الموضوع اللي كان نفسي معلومات اكتر عنه موضوع مواصفات العربية اللي ممكن تاخدها معاك

عل فيه جهة او موقع معين تتدخل في ماركة ومكان صنع وسنة صنع والبلد اللي كانت ماشية فيها العربية يقوللي دي تخش والا لا ؟؟؟

هنالك طبعاً وجهة نظر في موضوع صاحبك وهو خوفه من أن يرجعوه بالطائرة التي جاء بها وبالتالي كان لازم يعمل أي حاجة لكي لا يرجعوه إلى بلده التي أتى منها.

لنفترض أنه قلنا احضرنا فقط 10.000 دولار هل سيسألوا عن ما ذكرته في أوراقي بأنه معي المبلغ الذي حددوه في موقع الهجرة أم لا؟

ولنفترض أنني أصررت على العشرة آلاف فقط ، هل سيلغوا طلب الهجرة ، يرجى الإفادة من الخبراء حول ذلك؟

مع تحياتي للجميع

[znaty]

عندي بس ملاحظة مهمة بناء على خبرات اصحابي

الفلوس

طبعا انت عارف لو انت واخد معاك اكتر من 10 الاف دولار كاش لازم تفصح عنهم والا فيها غرامة وعقوبة

المهم

اللي انا قصدي عليه ماتفتحش صدرك في الفلوس اوي

واحد صاحبي قالوا له معاك كام قالهم عشرة

قالتله الاوفيسر بس ؟

راح مبحبح نفسه وركبته العزة بقة وقالها لااا

معايا في الفيزا ومعايا في البنك هايتحولوا لسة ومعايا موش عارف ايه باجمالي ما قدرة 35 الف دولار

وهو ماعهوش اصلا الا ال 10 دول

المهم قالتله اوك وخلصنا

بعد شهر رايح يقدم على قرض ماعرفش علشان يعمل ايه قالتله الموظفة

لا يا حبيبي ؟؟؟؟معاك 35 الف ...مالحقتش تصرفهم في شهر ابدا ...هاتلي اثبات بفواتير ازي صرفتهم؟؟

طبعا صاحبي بقي في نص هدومة :lol:

لذلك كانت نصيحته ...قول الحقيقة فقط لا غير بدون اي تجميل او زيادة

الموضوع اللي كان نفسي معلومات اكتر عنه موضوع مواصفات العربية اللي ممكن تاخدها معاك

عل فيه جهة او موقع معين تتدخل في ماركة ومكان صنع وسنة صنع والبلد اللي كانت ماشية فيها العربية يقوللي دي تخش والا لا ؟؟؟

انا شايف انه مالوش داعي لانك مش معقول تسيب مالذ وطاب من العربيات في بلد الكواليتي فيها عاليه وبجوارها اكبر مصانع السيارات في العالم وتجيب عربيه من بره او تعمل اعادة تصدير انا شايف انك تجيب من كندا

ماهو انا مشكلتي يا استاذ حمودي اني شاري عربية غالية هنا في السعودية ومواصفتها عالية جدا

فول اوبشن ومواصفات امريكية

لو بعتها هنا هاخسر 75 في المية من تمنها وهيا مامشيتش حاجة لسا لان هنا العربيات المستعملة مالهاش تمن لسهولة شرا الجديد

ودورت على العربية دي بنفس الموديل في كندا لقيت سعرها يبدا من 35 الف دولار يعني تمنها وكانها جديدة هنا ماعرفش ازاي

فلذلك فرق الخسارة رهيب لو بعتها هنا وحرام بصراحة جديدة

حاجة تانية مهمة في وجهة نظري

اي ورق او شهادات تجيبها بالانجليزي

علشان الترجمة من خارج كندا غير معترف بيها

والمترجمين المعتمدين في كندا غاليين اوي ومن خبرات اصحابي دايما في اخطاء

معظمهم فلسطينيين وعراقيين وبيكبروا دماغهم شوية في الترجمة فممكن دة يعملك تعطيل بالاضافة الى مصاريف كتير