ماذا نأخذ معنا واحنا مسافريين كندا

[somayasaleh]

باشمهنسة سمية

عارفة في نوغين

في نوع بتبقي الفيشة الاقطاب بتاعتها موش دائرية او بمعني ادق اسطوانية زي عندنا في مصر

عارفة بتبقي سكينة ..يعني شريحتين موش اسطوانتين

وفيه نوع بيبقي 3 اقطاب منهم واحد للارضي بيبقي سكينة بردة ( سكينة يعني ..القطب اللي بيخش في الفيشة موش على شكل اسطواني ..بيبقي عامل زي شريحة مستطيلة

ممكن تكوني شفتيها في فيشة مكنة الحلاقة الكهربا بتاعة الدقن اللي موجودة في الفنادق جنب المراية

دي حلها تجيبي مشتركات من كل صنف ونوع تركب فيها الاسطوانية تتحول على مستطيلة والعكس ولثنائي لثلاثي والعكس يعني جربي كل المشتركات والتحاويل

فيه مشترك بتركب عليه اي نوع من الافياش اللي في الدنيا ويحولها للامريكي ( اللي هو السكينة ) لو ليكي حد في السعودية متوافر بكثرة

شكرا جزيلا باشمهندس زناتي

انا نفسي في السعودية دلوقتي...ممكن احضرهم من ساكو....صح

علي العموم لسه مش وقته دلوقت....لما الفيزا تيجي الاول

واخبار المديكال ايه؟؟؟؟؟

ربنا يطمنا علي حضرتك والاسرة

[somayasaleh]

شكرا جزيلا اخ بوستامي

انا عن نفسي....بكتب اللستة من دلوقتي.......الاوراق الاصلية وصور شخصية كتييييييييييير لكل افراد العائلة

..اهم شيئ مصليات ....وطبعا اسدالات الصلاة للنساء.... والمصحف الشريف طبعا

طبعا الملابس الخاصة بالشتاء.....ضروري جدا جدا

كتبي الخاصة العربي ودواوين الشعر المختلفة....واكيد اللاب توب .... والفيشة الخاصة به من السعودية( مساء الفل يا زناتي يا اخويا)

وادوية الصداع والبرد وخافض الحرارة للاولاد والفيتامينات

غير كده اعتقد كله ممكن شراءه من هناك ان شاء الله

[Queen]

السلام عليكم،

شكرا يا استاذ نصار على ذوق حضرتك، و حبيت اوضح موضوع الجبنة الرومي. هي فعلا الجبنة الرومي باربعين جنية و هنا باربعين دولار ، لكن في البداية انت بتصرف من مدخراتك اللي انت كسبتها بالجنية علشان كده تلقائيا بتبدء تحول اي مبلغ للجنيه او الريال او ......

الفكرة مش ان الجبنة الرومي اغلى من حاجات تانية، هي سعرها عادي هنا ، بس انا كنت بقول على الحاجات اللي مسموح بدخولها كندا، وممكن الواحد يجبها معاه. وطبعا ده في النهاية حاجة ترجع للشخص نفسه.

و لو ان الواحد قال انه ممكن يجيب كل حاجة من كندا، طيب ليه نجيب ملابسنا كمان، ما نشتري ملابس جديدة من كندا، ونروح المطار خفاف احسن. من وجه نظرى ان الواحد يجيب اي حاجة كويسة عنده، مسموح دخولها كندا، في حدود الوزن المسموح به. يعني مدام سوسو جايبه سيشوار، و اكيد في كندا سيشوارات، بس هيه جابته لانه شغال و كويس. و هي فضلت السيشوار على الحلة دي بقى personal Preferences .

على فكرة انا مجبتش حاجة معي غير ملابس و احذية فقط، و لكن انا اعرف هنا ثلاث عائلات ، كل ماقول لحد فيهم اني نازلة اشتري الشئ الفلاني، يستغربوا قوي و يقولولي معقولة انت مش جايبة حاجة معاكي من مصر خالص، و علشان كده انا كتبت المداخلة اللي فاتت.

اما بالنسبة ان الحاجة موجودة، فكل حاجة موجودة في كندا، و باسعار معقولة كمان ( مش ارخص من مصر طبعا لفرق العملة)، لكن لما الواحد بيجيب شوية حاجات بسيطة معاه بتساعده في الاول و بيكون استغل الوزن اللي معاه.

و شكرا

[مصركندا]

اخوانى و اخواتى زملاء الكفاح للاسف انقطعت عن المنتدى لظروف اللاندنج و تجهيز البيت الحمدلله اليوم بقى لنا 30 يوم كاملين فى كندا وتقريبا 90% من الحاجات الاولية انتهت على خير فيه حاجات كتير ساعدتنى فيها خبرات الفاتحين الاوائل جزاهم الله عنا خير الجزاء وفيه حاجات تانية ان شاء الله سأضيفها تباعا للاستفادة

بالنسبة لماذا ناخذ معنا من نصف ساعة بس فضيت اخر كرتونة شحن واقدر اقولك انى سعيدة جدا بكل حاجة شحنتها من بيتى وندمانة على كل حاجة سبتها واضطريت اشترى بدالها

يعنى لو حاجتك كويسة ماتسيبهاش الفترة الاولى مكلفة ماديا جدا حتى تستقر فاذا كانت حاجتك الاساسية معاك حتسهل عليك وقت ومجهود و فلوس

طبعا انا ضدالاكل تماما ياجماعة دا رقاق فرجللو موجود هنا احنا بناكل زى بلادنا تماما

المطبخ

بلاش الحاجات اللى بتتكسر الصينى و الكوبيات اسعارهم فى ايكيا طقم 24 طبق 29 دولار

مهم الرفايع الفتاحات و ادوات الغرف لو عندك هاتها معاك

الحلل بجد غالية انا شحنتهم تيفال

الستاير

ملهاش لازمة لان الblinds حتادى الغرض فى الفترة الاولى و دول اساسى موجودين مع البيت الايجار

السجاد

شحنته و البيت طلع كله موكيت اتخزنوا تانى

العفش

لو عندك اطقم ترابيزات الصغيرة side table زي من سيتى بلازا فى التخفيضات ممتازة اشحنهم

الملايات و الفوط

طبعا الادوية

شرايط و سىدى قران

كتب عربى للاولاد انا جبت الاضواء و سلاح التلميذ عربى و دين

لو حتشحن تلفزيون وصلة الكابل هنا مختلفة حتلاقى وصلة كابل زيادة فى الكرتونة كلنا بنرميها بس مهمة جدا

شوية هدايا فرعونية وورق بردى بيحبوها جدا كهدايا

الاباجورات هنا معقولة ماتجيبش معاك

key board عربى علشان لو جبت لابتوب من هنا

فى تقديم المدرسة طلبوا اخر report من المدرسة

شهادة بخبرة القيادة من المرور

حالف لفة على البيت و لو لقيت حاجة تانيةحابعت لكم

[Nassarlink]

اخوانى و اخواتى زملاء الكفاح للاسف انقطعت عن المنتدى لظروف اللاندنج و تجهيز البيت الحمدلله اليوم بقى لنا 30 يوم كاملين فى كندا وتقريبا 90% من الحاجات

الف حمد الله علي السلامه

وربنا يوفقك في ايامك الاولي

اكيد انت لسه مشغول

رتب نفسك واحنا في انتظارك

بس انت مقولتش انت في مدينه ايه ؟

نصار

[ahmed_saleh]

الموضوع اللي كان نفسي معلومات اكتر عنه موضوع مواصفات العربية اللي ممكن تاخدها معاك

عل فيه جهة او موقع معين تتدخل في ماركة ومكان صنع وسنة صنع والبلد اللي كانت ماشية فيها العربية يقوللي دي تخش والا لا ؟؟؟

شوف يا حاج زناتي ... أحسن حاجه تعملها إنك تتصل بوكيل النيسان في السعودية وتطلب منه شهاده من الشركه إن العربيه بتاعتك مواصفات أمريكاني ... لو ما يعرفش يطلعلك الشهاده يبقى مافيش قدامك غير إنك تبعث جواب للشركه المصنعه تطلب منهم الشهاده دي ... على فكره مش معنى إن العربية مصنوعه في أمريكا إنها مطابقة للمواصفات الأمريكاني ... التصنيع بيكون حسب مواصفات الدوله اللى العربية هتتصدر ليها يعني ممكن مصنع ياباني يطلع عربيات مواصفات ياباني أو أمريكي أو خليجي أو مصري flx: ... أنا عندي نفس المشكله وناوي أبعث للشركه وأسألهم ايه اللي ناقص العربية عشان تبقى مواصفات أمريكاني ... لو لقيت العمليه بسيطه هعدلها وآخذها معايا ... لكن لو العمليه هتوسع يبقى أستعوض ربنا في الفلوس وأشوف واحد ابن حلال من القرايب ولا المعارف أبيع له العربيه بسعر السوق.

اخواني و اخواتي الاعزاء

اسمحولي اقولكم بعض المعلومات عن موضوع العربية لاني مررت بنفس التفكير و توصلت الى ان :-

العربيات بتاعتنا و خاصة الجديدة لن يسمح لها بدخول كندا الا اذا تم تعديل مواصفاتها على حسابك الخاص و التعديل بيكون اساساً في حاجتين مهمين جداً و غير موجودين بعربياتنا اللي بالخليج او مصر و حتى لو كانت امريكية الصنع

تغيير الضفيرة ( اسلاك الكهرباء) حتى تتحمل درجات البرودة و ما بعد التجمد

في كمان حاجة زي heater لكي يحافظ على جميع السوائل من التجمد

و على ما اعتقد ده هيكون صعب تعديله و ايضاً غالباً مكلف غير ثمن الشحن و خلافه

عشان كده انا بعت العربية و الحمد لله على كل شئ و الله يعوض علينا :D

قلبي

ضفيره ؟ :yahoo:

انت كدة خلاص قضيت عليا يا احمد

كنت عايش على امل اني هاشحنها

بيقولك ضفيرة يا سيف ؟؟

الهيتر عندي والعربية مواصفات امريكية موش خليجية يا صديقي

بس موضوع الضفيرة دة موش عارف

بس فاكر الموجة البرد بتاعة السنةاللي فاتت والا اللي قبلها ؟؟

الحرارة كانت جايبة ناقص 3 في الليلة دي وانا سقت العربية كان عداد الحرارة في التابلوه جايب درجة الحرارة 3- وكاتب جنبها frozen وتحذير من الانزلاق على التلج

متهيالي كدة معناها مصممة لتحت الصفر بردة طالما فيها تعريف للناقص

المهم ربنا يستر بس نعدي بس موضوع المديكال وخلافة ان شاء الله ونبدا ندور بجد

شكرا يا اخوانا

الاخ العزيز znaty

زي ما انت عارف طبعاً السيارة امريكية الصنع غير مواصفات امريكية

لكن انا حبيت اديلك فكرة عن المطلوب و الاجراءات من خلال اللينك اللي جاي ... مع تحياتي

http://www.riv.ca/VehicleAdmissibility.aspx

http://www.tc.gc.ca/roadsafety/safevehicle...-than/index.htm

[شامه]

مبحبش الجبنه الرومي :lol: wst::

[QueQue]

مساء الخير

هولية الموضوع دة ما كملهوش دة موضوع مهم جدا للناس على وشك السفر ومش عارفة تاخد اية معاها

[Bassem]

السلام عليكم

انا ان شاء الله مسافر قريب

عندى بعض الاسئله

انا معايا اى فون 4 ابيعه واله هيشتغل هناك؟

وبالنسبه للسوفتير اللى على الاب هل هما فعلا هيشوفوا السوفتوير اذا كان اوريجنال او لا؟

[chemical]

السلام عليكم اهم حاجه تجيبها وانت جاي الادويه مش عشان اول تلات شهور بس لكن لمدة بقائك في كندا لان صرف الادويه هنا مش سهل لازم روشته والروشته هتروح للدكتور وتستنى 5ساعات فما فوق وممكن ميكتبش اي دوا عادي عندهم حتى السرنجات جيب معاك ده تجربه ليه مع تجارب ناس كتير التامين الصحي في كندا روتيني جدا ومحدش يقدر يخترق الروتين ده