سؤال رجالي..؟؟

[بنت شعنونة]

معلش انا عاوزة افهم حاجا ضروووووررري جدا

وماحدش ها يشرحهالي الا القسم الرجالي في المنتدى.. fwrk: fwrk: blw) blw)

واحد كان خاطب واحدة

وسابها من اكتر من 3 سنين

يبقى معناه ايييييييييييييييييه انه يفضل كل اول يوم عيد + اول يوم رمضان + يوم عيد ميلادها يعيد عليها؟؟؟؟؟؟؟؟؟؟؟؟؟؟؟؟؟؟؟؟!!!!!!!!!

ممكن حد يفهمني دا معناه ايه؟؟؟

لسا بيحبها؟

بيهرج؟؟؟

غلاسة؟

يعني ايه دا بالذممممممممة :lol: fwrk: :lol: :lol:

الحقني يا سي السييييييد

الحقني يا حشيش وفهموووووووووووونييييييييي blw) gt:

[صعيدي]

وسابها من اكتر من 3 سنين

انتى موضحتيش ظروف الانفصال

هو اللى سابها ولا هى اللى سابته ام انهم اتفقوا على الانفصال

وبعدين الموضوع بسيط جدا

ممكن تسأله بكل وضوح ......(انت عاوز ايه بالضبط لأن اللى بتعمله ده ممكن يأثر على سمعتى)

ولكن اذا اردت تفسير مختصر فأعتقد انه لايزال يحبها

تم تعديل 10 ديسمبر 2003 بواسطة صعيدي

[جدو]

وسابها من اكتر من 3 سنين

انتى موضحتيش ظروف الانفصال

هو اللى سابها ولا هى اللى سابته ام انهم اتفقوا على الانفصال

وبعدين الموضوع بسيط جدا

ممكن تسأله بكل وضوح ......(انت عاوز ايه بالضبط لأن اللى بتعمله ده ممكن يأثر على سمعتى)

ولكن اذا اردت تفسير مختصر فأعتقد انه لايزال يحبها

متفق معاك عاوزين التفاصيل

لكن غير متفق في موضوع الحب لاني غير مقتنع بيه اصلا

[se_ Elsyed]

دعونا نعمل في صمت ...

تعالي يا شعنونة يا بنتي .. ، هو الموضوع ده له شقين ( هأعمل زي الخبراء اللي فرضينهوم علينا على شاشات التلفاز )

1- يعني لو كان قريبها إين خالتها مثلاً أو إبن عمها وحصل فركشه للخطوبة فهو مازال قريبها فصلة القرابة لا تنتهي ولا بأس إنه يعيد عليها كفرد من أفراد العيلة في حدود الأدب وفي حدود العيلة أيضاً .

2- لو كان غريب ، فمش من حقه يتمحلس ويستغل فرصة أعياد ومناسبات إجتماعية علشان يتصل بها بأي شكل من الأشكال وهي لا يجب أن تعطيه الفرصة ومعليش يعني مهما كان سبب الفركشة مش مهم نعرفوا ، وبلاش بقى نتشبه بالممثلين والوسط الفني اللي وصلوا لمرحلة إن الواحد فيهم بيبقى جلده تخين ومابيحسش ومابيفرقش بين الحلال والحرام وتلاقيهم متطلقين ويقولولك أحنا إنفصلنا لكن لسه فيه بيننا علاقة صداقة وممكن توصل الدرجة أنهم يعيشوا مع بعض في الحرام بحجة الصداقة دي ...

بالإضافة إلى إن الأخ ده هايشوشر على سمعة البنت ، إحنا عايشين في مجتمع شرقي ولما الناس تعرف إنه لسه بيتصل بيها طبعاً هايقولوا إن الموضوع فيه إن وأخواتها كمان ..

هأقولك على موقف شخصي ، أختي الصغيرة كانت مخطوبة من ييجي ست سنوات كده لأخو واحد من سكان البيت بتاعنا وأحنا كلنا ساكنين في نفس البيت وبعد فترة قصيرة لم يحدث نصيب وتم فسخ الخطبة ، عملت مجلس عرب أنا وأخواتي الصبيان وأتخذنا قرار وبلغنا بيه الساكن ان أخوه ممنوع يزورة في البيت عايز يقابله يبقى بره بيتنا بس مايجيش ويعملها حلوانه في سلوانه ونلاقيه كل شوية جاي البيت عندنا بحجة أنه يزور أخوه ، قرار قاسي شويه لكن معليش الضرورات بتحكم .

أنا مؤمن جداً في " أن معظم النار من مستصغر الشرر " النهاردة تلاقيه بيتكلم في التليفون بكره يقابل البنت - صدفة - في الشارع بعدها مش عارف أيه .. يبقى نقفل الطريق من أوله ويادار مادخلك شر.

[بنت شعنونة]

فاكرين خطيبي السعودي اللي كنت حكيتلكم عليه من يجي عشرميييت سنة

هوا دا stnd:: mf(

من ساعة ما انفصلنا "وهوا اللي سابني بالمناسبة"

وهوا كللللللل سنة يبعتلي ايميل في العيد وفي رمضان وفي عيد ميلادي :D :D

ها اموت اعرف ليه

لو قلت بيحبني زي ما قلتوا

طب ما هوا اللي سابني

وبعدين احنا سايبين بعض من اكتر من 3 سنين لدرجة اني مش عاوزة احسبها كام سنة :P

انا محتارة اوي فيه

خصوصا اني ما بردش علي ايميلاته دي نهائي

ورغم دا من اكتر من 3 سنين وهوا مستمر فيها بدون ملل!!

المشكلة ان ببقى شايلة هم الأيام دييي جدااااا جداااااا

بجد بجد بتتعب نفسيتي جدا لما بشوف ايميل منه

وبقى محتارة وقرفانا وزهقانا ومخنوقة وكل حاجا غريبة

ببقى نفسي ارد عليه مرة نفسي اشكره مرة نفس اهببببب فيه واشتم واضرب مرة نفسي افرسه

مش عاااااااااااااااررررررررررفة

بس بجد انا محتارة جدا ومش عارفا افهم

حد فاهم حاجا!!؟ :D cbyb: cbyb:

[ragab2]

بصراحة

أعتبر تصرف هذا الخطيب تلامة ورذالة

ولابد من وقفة معه والرد عليه بما يفيد الاستياء والاشمئناط من تصرفه حتى يلزم حدوده

ولا يستخف ببنات الناس

والله أعلم

[بنت شعنونة]

والله يا دكتر رجب انا خافة ابعتله ايميل

ابقى انا شخصيا مش قده stnd::

وبدل ما يسكت يزيد الموضوع

والحق يقال هوا بيبعت كلمتين تعييد + اطمئنان على صحتي واحوالي وخلاص

ومؤخرا بقى يمضي بكلمة "اخوك" بعد ما كان بيكتب اسمه بس

بس اييييييييييه اللي يصبر واحد 4 سنين يبعت كل سنة ايميل في وقت معين لآنسان معين؟؟

نفسي افهم mf( :P

[حشيش]

الحقني يا حشيش وفهموووووووووووونييييييييي 

لبيك ياأختاه هههههههههههههههههههههههههههههههههه (ربنا يستر ومخدش إنذار تانى :D stnd:: :D)...........

للأسف ياشعنونة خطيبك السابق يعانى من مرض نفسى خطير يعرف عندنا نحن المتخصصون ب ( نومة العازب الإزدواجية ) f((: f((: f((:...يظل المصاب بهذا المرض فى حالة من فقدان التوازن والعيش فى الزمن الماضى وأغلب الظن أنه لم يرتبط حتى الأن...غالباً يكون ذلك مصحوباً بأعراض أخرى مثل الحكة الجلدية والتثاؤب المتكرر وظهور شعر غزير بأسفل الظهر mf( :P :D...

[sos]

الحل سهل خالص

اعملى Blocking لعنوانه البريدى

ولن يصلك منه اى ميل بعد ذلك

[رشيد22]

المشكلة ان ببقى شايلة هم الأيام دييي جدااااا جداااااا

بجد بجد بتتعب نفسيتي جدا لما بشوف ايميل منه

وبقى محتارة وقرفانا وزهقانا ومخنوقة وكل حاجا غريبة

ببقى نفسي ارد عليه مرة نفسي اشكره مرة نفس اهببببب فيه واشتم واضرب مرة نفسي افرسه

مش عاااااااااااااااررررررررررفة

بسيطه جدا اقفلى الايميل و افتحى حساب جديد و بلغى اصحابك الذين تودين بقاء الاتصال بهم بعنوانك الجديد و .... بس

[DARWEEN]

ما أهو أنا قلت من الأول أرتباطات من بره مصر بلاش وخصوصا من الأخوه العرب ماحدش صدقني

أسمعي يا شعنونه .. واضح جدا أن الأخ بيهرج أو بمعنى أصح كان من الأول بيهرج ومعلش أستحمليني علشان أنا في المواضيع اللي زي دي بأعتبر أن سوء الظن من أحسن الفطن

طبعا الحل في رأيي هوا رد غير محترم وشامل تهديد من ضمن محتواه stnd:: mf( :P :D ولمره واحده .. وبعد كده أحلى BLOCK على الأيميل بتاعه

ماهو فيه ناس معندهاش أحساس

[جدو]

دعونا نعمل في صمت ...

تعالي يا شعنونة يا بنتي .. ، هو الموضوع ده له شقين ( هأعمل زي الخبراء اللي فرضينهوم علينا على شاشات التلفاز )

1- يعني لو كان قريبها إين خالتها مثلاً أو إبن عمها وحصل فركشه للخطوبة فهو مازال قريبها فصلة القرابة لا تنتهي ولا بأس إنه يعيد عليها كفرد من أفراد العيلة في حدود الأدب وفي حدود العيلة أيضاً .

2- لو كان غريب ، فمش من حقه يتمحلس ويستغل فرصة أعياد ومناسبات إجتماعية علشان يتصل بها بأي شكل من الأشكال وهي لا يجب أن تعطيه الفرصة ومعليش يعني مهما كان سبب الفركشة مش مهم نعرفوا ، وبلاش بقى نتشبه بالممثلين والوسط الفني اللي وصلوا لمرحلة إن الواحد فيهم بيبقى جلده تخين ومابيحسش ومابيفرقش بين الحلال والحرام وتلاقيهم متطلقين  ويقولولك  أحنا إنفصلنا لكن لسه فيه بيننا علاقة صداقة وممكن توصل الدرجة أنهم يعيشوا مع بعض في الحرام بحجة الصداقة دي ...

بالإضافة إلى إن الأخ ده هايشوشر على سمعة البنت ، إحنا عايشين في مجتمع شرقي ولما الناس تعرف إنه لسه بيتصل بيها طبعاً هايقولوا إن الموضوع فيه إن وأخواتها كمان ..

هأقولك على موقف شخصي ، أختي الصغيرة كانت مخطوبة من ييجي ست سنوات كده لأخو واحد من سكان البيت بتاعنا وأحنا كلنا ساكنين في نفس البيت وبعد فترة قصيرة لم يحدث نصيب وتم فسخ الخطبة ، عملت مجلس عرب أنا وأخواتي الصبيان وأتخذنا قرار وبلغنا بيه الساكن ان أخوه ممنوع يزورة في البيت عايز يقابله يبقى بره بيتنا بس مايجيش ويعملها حلوانه في سلوانه ونلاقيه كل شوية جاي البيت عندنا بحجة أنه يزور أخوه ، قرار قاسي  شويه لكن معليش الضرورات بتحكم .

أنا مؤمن جداً في " أن معظم النار من مستصغر الشرر " النهاردة تلاقيه بيتكلم في التليفون بكره يقابل البنت - صدفة - في الشارع بعدها مش عارف أيه .. يبقى نقفل الطريق من أوله ويادار مادخلك شر.

نا متفق مع استاذ سيد في النقطه 1 و2

اما موضوع مجلس العرب بتاع الاخوة ده فانا شاف انه مش مجرد حكم قاسي لكن انا شايفه امتداد لتقسيم الناس حسب قدراتهم الماديه والنفوذ

انا فهمت من ردك يا استاذ سيد انك تملك العمارة طيب وماجر الشقه دي لاخو الخطيب السابق طب باي حق تمع اخو الراجل من انه يزور اخوه

انا شايف نقطتين من نحيتك

1-لي ذراع للمستاجر لانه مستاجر في العمارة عندك

2-انكم مجموعه كبيره عزوة يعني فمحدش يقدر يقف قدامكم

و نقطتين من نحية الطرف التاني

1-ضعف شديد في الشخصيه

2-انعدام حيله

انا بقى هسئلك انت سؤال لوكان الموقف ده معكوس يعني انت اخو الخطيب السابق كان هيبقى رد فعلك ايه

وهفترض الموقف زي ما هوه لكن الراجل ده ليه سطوة ونفوذ وانت مش هتقدر عليه ؟!!!!

يا ترى كنت هتاخد نفس الموقف

اعذروني انا خرجت بيكم خارج الموضوع الرئيسي لكن الكلام اثارني واتمنى كمان ان الاستاذ سيد ميعتبرش كلامي هجوم عليه في شخصه انا بتسائل اسئله نبعت لمجرد ماقريت كلامه ازاي انسان يتفاخر بانه سلب انسان تاني حق من حقوقه ومهما كانت المسببات وجيهه في رايك ادام مبدرش شيئ من الراجل خلاص وعلى فكرة الكلام بتاعك بيفكرني بالضربات الاستباقيه بتاعة جورش بوش انت افترضت الاسوء واتصرفت على اساسه

واخيرا ارجوا ان كلامي ميزعلش حد

وشكرا

[بنت شعنونة]

والله يا جماعا ان خطرت في بالي كل الحلول دي

انما اللي كان شاغلني فعلا هوا السبب

ايه اللي يخلي انسان يفضل 4 سنين يبعت ايميل لشخص معين في نفس الوقت من كل سنة وخلاص؟؟

يعني السبب نفسه هوا اللي تاعبني..

نيجي للجزء التاني بتاع س السيد

استاذ جدو انا اعرف اخواااااات خسروا بعض عشان ولادهم كانوا ها يتجوزوا واتفركشت وحرصا على سمعة البنت الأخ منع ولاد اخوه يدخلوا بيته

بس قلبت غم بعد كدا... :D :D

الا عندي سؤال كمان بالمرة..

ليه لما موضوع خطوبة يتفركش لازم ينته بشتايم او بخناق وقطيعة نهائية!!

ماينفعش ينته بسلام!؟؟ :D f((: stnd:: mf( :P f((:

[moody00x]

ما أهو أنا قلت من الأول أرتباطات من بره مصر بلاش وخصوصا من الأخوه العرب ماحدش صدقني

أسمعي يا شعنونه .. واضح جدا أن الأخ بيهرج أو بمعنى أصح كان من الأول بيهرج ومعلش أستحمليني علشان أنا في المواضيع اللي زي دي بأعتبر أن سوء الظن من أحسن الفطن

طبعا الحل في رأيي هوا رد غير محترم وشامل تهديد من ضمن محتواه  ولمره واحده .. وبعد كده أحلى BLOCK على الأيميل بتاعه

ماهو فيه ناس معندهاش أحساس

اتفق معاك تماما يا داروين يا اخويا ...بصراحة وبالفم المليان

زواج مصرية من عربى خليجى بيتكلم بفلوسه شئ مرفوض ومقزز

لانه حاجة من اتنين يا بيتكلم بفلوسه ونازل يشترى ...

يااما لعابه سائل على الجمال المصرى..

موضوع ان فيهم ناس كويسة ومحترمة وشخصيتهم كويسة..

طبعا فيه الحلو وفيه الوحش..لكن الوحش فى الموضوع ده بالذات

يمثل %99

لو عايزين تفتحوا موضوع مستقل ماشى..

الحل ياشانا متفكريش كتير تملى deleteللاميل وخلاص

[جدو]

ايه اللي يخلي انسان يفضل 4 سنين يبعت ايميل لشخص معين في نفس الوقت من كل سنة وخلاص؟؟

ممكن جدا تكوني عنده في الميل لست وببيبعت وينسى انك موجوده ده احتمال قائم برضو

لو كان مبيحددش اسم مثلا يكتب طمئنونا على الصحه او كل عام وانتم بخير وهاكذا

احتمال قائم

[se_ Elsyed]

معليش أنا لازم أرد على جدو واوضح له نقطة هامة جداً علشان مايسيئش الظن بي ..

- أولا كان فسخ الخطبة من ناحيته هو ... إذن فكما هو متعارف عليه فإن الشبكة تكون من حق البنت ... صح ولا لأ ؟

- ثانياً قبل أن يبلغنا بفسخ الخطبة تحايل على أختي وأخذ منها كل الشبكة بحجة أنه سيغيرها له وأن بعضها يحتاج إلى إصلاح ... إلخ والبنت بحسن نيه قامت بتسليمه كل دهبها والحمد لله إنها لم تعطيه مشغولاتها الشخصية ... أتاري البيه كان بيخطط لهذا وبعد يومين يبعث لنا رسالة عن طريق أخوه بإن كل شيء قسمة ونصيب وأنه في حل من الخطبة ولم يستطيع أن يواجهنا ... فقل لي بالله عليك ماذا تفعل في هذه الحالة ؟

فكان أحسن حل إننا مانشوفش وشه تاني ولا يأتي لأخوه أحسن ماحد مننا يتهور ويعمل فيه حاجة ..

فهو ليس تجبر ولا ظلم ولكنه الحل الأفضل وكنا ممكن ندخل في موضوع محاكم وخلافة لإسترداد الشبكة ولكن الدهب والمال لا يعنينا في شيء على قدر ما أثر فينا موضوع الخيانة والتحايل ..

وعلى فكره ليس شكراً فينا أو في أختي والله .. ولكن لأننا أحتسبنا وفوضنا أمرنا لله فقد رزقها الله بزوج صالح وتقي وعوضها خيراً وهي الأن تعيش مع أسرتها منذ عدة سنوات في أحدى الدول الأسكندنافية في سعادة ..

آسف عل الخروج عن الموضوع ولكن كان يجب التوضيح...

[Mohd Hafez]

... الرجل بيحبك وبيحب أيامه معكي ياشنشن ..

إنت بتبعدي عن المنتدى أسبوعين .. نصف أعضاء المنتدى لا ينامون الليل إلا بعد رجوعك مرة أخرى .. وإحنا لا نعرف بعض إلا عن طريق المشاعر الإلكترونية فقط .. فما بال رجل خطيبك السابق هذا..

الرجل ..حبيب.. خطبك .. ومشي معاكي .. وقضيتم ساعات جميلة سويا ..تشاركيه أحلامك ويشاركك أحلامه .. هل تعتقدين أنه من السهل عليه أن ينساكي .. أهو ده إللي مش ممكن أبدا يا شن شن ..

أعذري الرجل .. وشوفي إنت عملتي أيه في المنتدى ..

[جـورج]

ممكن جدا تكوني عنده في الميل لست وببيبعت وينسى انك موجوده ده احتمال قائم برضو

لو كان مبيحددش اسم مثلا يكتب طمئنونا على الصحه او كل عام وانتم بخير وهاكذا

احتمال قائم

ده احتمال

و الاحتمال الثانى انه ما اخدش الموضوع جد من الاول و لما شاف انك مش بتاعه هزار و لعب خلع و هرب لانه ماكانش ناوى ينهى الموضوع النهايه الطبيعيه

و لكنه ما زال عنده امل انك ترجعى تفكرى فيه تانى

يعنى الحكايه مجرد جس نبض

و اتفق مع الاخوه داروين و مودى فى ان البعد عن العرب فى مسائل الجواز غنيمه

:) :)

[جدو]

شكرا للتوضيح يا استاذ سيد

التوضيح ده حل سوء فهم على العموم ارجو انك متكونش زعلان

:)

لكن بصراحه قبل التوضيح كان دمي محروق

[جدو]

شكرا للتوضيح يا استاذ سيد

التوضيح ده حل سوء فهم على العموم ارجو انك متكونش زعلان

:)

لكن بصراحه قبل التوضيح كان دمي محروق