صديقتى تحرض ابنتى على

[بنت الشاطئ1]

لى صديقة كلما تأتى لزيارتى لابد ان تنتقد اسلوب تربيتى لاطفالى وذلك امامهم

مثلا ابنى فى السادسة من عمره رأته يأكل فى رمضان تقول له ماما ديه وحشة مش معلماك تصوم

مثال اخر ابنتى عمرها سبع سنوات تقول لها هيا تغالى معى الى منزلى تقوم ابنتى لترتدى ثيابها كل ذلك وانا جالسه معها دون ان تأخذ اذنى واذا اعترضت تعترض على اعتراضى فتقول لى وما المانع فتجعل ابنتى تعترض مثلها.... وعندما ينتهى الموقف بالرفض من طرفى اجد ان ابنتى تغضب بشدة منى وهذه المواقف تتكرر .. ايه رأى الامهات فى هذه المواقف..خصوصا انها تتكرر وهل حصل معك شئ مشابه

[enjisultan]

أذا كانت صديقتك فعلا لية ما تقوليلهاش بكل أدب كدة بليز ممكن ما تتدخليش فى الحوار وانا باكلم بنتى

لو هية عقلية كويسة هتتفهم

انتى عارفة انا واختى لو هى بتزعق لابنها وانا مش عاجبنى مش هتتكلم غير لما يكون الولد مش موجود

حتى اصحابى مثلا لو قاعدين مع بعض وبنتى شبطت فى كوبايت حد تبقى عايزة تشربها منها ما بتكسفش أنى اقولها لأ معلش انا باعودهم ما يشربوش مكان حد عادى

انا طبعا كنت باتكسف وبعدين اتكرر فى اول حياة الامومة معايا مواقف من دى كتير

ابسطها تبقى قاعدة فى عربيتك وبتلعبى بنتك تلاقى واحدة دخلت راسها جوة العربية ماشاء الله اية القمر دا وتقوم بايسها وطالعة(ةالله حصلت معايا) بقيت مش با تكسف بقى مثلا لو مش عايزة حد يلمسهم هاقول ولا حد هيهمنى

بصى اذا كانت تحبك وخايفة على مصلحة ولادك هتتفهم عادى ما فيهاش حاجة

[mandoo]

لى صديقة كلما تأتى لزيارتى لابد ان تنتقد اسلوب تربيتى لاطفالى وذلك امامهم

مثلا ابنى فى السادسة من عمره رأته يأكل فى رمضان تقول له ماما ديه وحشة مش معلماك تصوم

مثال اخر ابنتى عمرها سبع سنوات تقول لها هيا تغالى معى الى منزلى تقوم ابنتى لترتدى ثيابها كل ذلك وانا جالسه معها دون ان تأخذ اذنى واذا اعترضت تعترض على اعتراضى فتقول لى وما المانع فتجعل ابنتى تعترض مثلها.... وعندما ينتهى الموقف بالرفض من طرفى اجد ان ابنتى تغضب بشدة منى وهذه المواقف تتكرر .. ايه رأى الامهات فى هذه المواقف..خصوصا انها تتكرر وهل حصل معك شئ مشابه

إسمحيلى أقولك ... إنك غلطانة ...

أولا ليس من المفترض أن يحضر الأطفال مجالس الكبار ... لما فيها من مواضيع قد تطرح هى أكبر من إستيعابهم العقلى ولديهم أسئلة كثيرة مطلوب منا الحكمة فى شرحها ..

ثانيا يجب أن يعتاد أطفالك على إلقاء التحية على الضيف ومن ثم التوجه الى غرفتهم الخاصة بهم وعدم الخروج منها الا فى أضيق الحدود

أخيرا يجب ألا تخجلى من صديقتك .. ويجب عليها أن تفهم جيدا أن أسلوبها غير مقبول .... فإن كانت نعم الصديقة ستتفهم موقفك وإلا بلاها من صداقة .... حيث من المفترض أن يكون التوجيه للأطفال بإطاعة الوالدين وليس العكس ... فلا تخجلى وأنت المسئولة عن أطفالك وعن طرقة تربيتهم ...

والمثل بقول ...الطفل العاق بيجيب اللعنة لوالديه

خالص تحياتى وربنا يهدى أولادنا جميعا

[لولا]

سيدتى الفاضلة ان تصل الأمور لهذا الحد فعلا أمر خطير ..

لا تبدو لى المواقف التى ذكرتها مما يجب السكوت عنه او الإستهانة به بأى حال ومن الغريب جدا انك تذكرين ان موقف دعوتها لإبنتك للخروج معها تكرر

الحل ..

الحل يكمن فى يد حضرتك فى المقام الأول

واجهى صديقتك على انفراد بحديث جاد - ودون اى خجل - انك ترفضين تعليقاتها التى تمس طريقة تربيتك لأطفالك وما تسببه هذه التعليقات

من ايصال رسائل مشوهه وتشويش للأطفال..

اعتقد انها يجب ان تكون قادرة على الفهم وتحترم اساليب تربيتك والمنطق والتهذيب بعدم التدخل السافر بهذا الشكل الذى لا اظن ان احدا يمكن ان يقبله

ولو كانت اما فلا اظن انها سترتضى ان يتعاطى احد مع ابنائها منتقدا اياها بهذا الشكل .

ولو لم تكن اما فأظن انها تملك النضج الكافى لتفهم وجهة نظرك وكلامك ..

نقطة اخيره ..

اتفق جدا مع الفاضل ماندو .. من الواجب عدم حضور الأطفال لمجالس الكبار ومتابعة احاديثهم وتواجدهم فى نفس الغرفة .

تحياتى لك

لولا

[بندق أفندى]

وطفلى صغير عملتها صديقة زوجتى .. قلتلها خديه .. وانت اشبع بيها وروح معاها

وفعلا راح وبعد 3 ساعات كانت بتصرخ تعالو خدوه وانا أقوله خليك عندك مش انت اللى اخترت؟

وتاب

[enjisultan]

وطفلى صغير عملتها صديقة زوجتى .. قلتلها خديه .. وانت اشبع بيها وروح معاها

وفعلا راح وبعد 3 ساعات كانت بتصرخ تعالو خدوه وانا أقوله خليك عندك مش انت اللى اخترت؟

وتاب

فكرة ممتازة فعلا تبعت كل الولاد وهى هتوب ومش هتعتب لها بيت اصلا

بس طبعا واضح انها متدخلة فى كل حاجة لو جت على اد شبطان العيال فيها يبقى دا عقاب تمام

انما لو حاجات كتير يبقى العمل ايةبقى؟

[Alrefaey]

اعتقد ان الامر متعلق اما بطبيعة شخصية صديقتك وهى بذلك تكون بتعامل الجميع بنفس الاسلوب وبهذا فهو عيب متأصل بشخصيتها صعب تغيرة

او انها بتعمل هذا معك وحدك وهذا يدل على انها تحسدك وترى ان مالديكى من نعمة كتير عليك وانكى لاتحسنين صنعا

عنى شخصيا لو لى صديق بهذا السلوك سأعيد النظر فى مدى علاقتى به

[بندق أفندى]

وطفلى صغير عملتها صديقة زوجتى .. قلتلها خديه .. وانت اشبع بيها وروح معاها

وفعلا راح وبعد 3 ساعات كانت بتصرخ تعالو خدوه وانا أقوله خليك عندك مش انت اللى اخترت؟

وتاب

فكرة ممتازة فعلا تبعت كل الولاد وهى هتوب ومش هتعتب لها بيت اصلا

بس طبعا واضح انها متدخلة فى كل حاجة لو جت على اد شبطان العيال فيها يبقى دا عقاب تمام

انما لو حاجات كتير يبقى العمل ايةبقى؟

ما كانتش متدخلة فى كل حاجة .. لكن كانت دايما تقول بتقسو على الولد ..

لو متدخلة فى كل حاجة يبقى العين الحمرا هى الحل والا نستاهل اللى بيجرا لنا

[بندق أفندى]

طيب فيه موقف مقابل

لي بنت خالة والدتى فى عمرى تقريبا لديها ولد وبنت ..

كنا نتزاوز كثيرا وأحيانا الولاد يبيتو عندنا ..

بأسأل الولد نفسك فى ايه؟ قالى على حاجة .. تانى يوم اشتريتها له .. وذهبت علقتها على باب البيت ..

فتح لقاها اتجنن .. اتصلت بى والدته قالت لا يفعلها غيرك ..

بعد فترة بسيطة .. وجدت لديه نفس اللعبة لكنها مختلفة .. سألتها أين الأخرى؟

قال بابا أخدها رماها واشترى لى دى

هل الوالد لديه حق؟ مع العلم انه لا أتدخل فقط الولد كان بيحبنى وبيجيب سيرتى كتير

[بركة]

على فكرة الموضوع ده بيحصل معايا انا كمان كتير بشكل مستفز

مثلا انا معلمة ولادي ان عيب نفتح شنطة ماما و عيب ان احنا ناخد حاجة من غير ما نستأذن من صاحبها

ولما نكون عند حد لازم نلعب من غير ما نضايق الناس يعني لعب من غير جري ولا تنطيط

أقوم ألاقي مثلا صاحبتي تفتح الشنطة وبتدي بنتي بونبوناية واللا شوكلاتاية وسايباها تدعبس معاها في الشنطة

اقول ساعتها يا ماما عيب كده تقولي سيبيها الشنطة ما فيهاش حاجة أخاف عليها دي كلها مش عارف ايه

وفاكراني كده هنبسط منها أقوم أنا أتنرفز وأكتم وخلاص وبعدين أحاول أفهمها بالراحة اني بحب محدش يكسر الثوابت

بتاعتي مع العيال عشان وعشان ومافيش فايده

ومثلا بلاش نلعب بعشم اوي كده الاقي اللي تقوللي سيبي العيال ما فيش مشكلة يقوم ابني يقوللي

خلاص مافيش مشكلة ياماما وتقلب بعد كده احراج وخنقه وشدة اعصاب و اقول انا هحرم اروح عند حد

والنتيجة في الاخر لميت ولادي وعزلتهم عن الاختلاط لان بصراحة كل واحد بيربي بطريقة مختلفة

لازم نعملهم وقفة واحلف اني بتكلم جد عشان تصدقني ........

[Amr Radwan]

اختي الكريمة .. الموضوع حله كما ذكر الافاضل في الردود السابقة

ابدأي مع صديقتك بجلسة ودية بينكما و اذكري لها ان هذا يسبب مشكلة لك في تربية الاطفال و انك تتقبلي النقد في تربية الاطفال و لكن بينك و بينها و ليس امام الاطفال و انك لك الحق في تنفيذ وجهة نظرها او الاستمرار في تربية الاطفال من وجهة نظرك ..

و بعد ذلك ان استمرت بنفس الافعال اري و بكل ثقة ان تقطعي علاقتك بها بشكل مهذب حماية و حفظا لابنائك من التربية الخطأ بعض الاحيان يكون القرار الفاصل و الحازم صعب و غير متوقع و لكنه في النهاية هو السليم ..

و في النهاية دمتي في سعادة و هناء و صحة و عافية و عاشت اسرتك في خير ان شاء الله

تم تعديل 27 أغسطس 2009 بواسطة Amr Radwan

[عنبو]

اولا السلام عليكم ورحمة الله وبركاته

نظراً لانى بحب الاطفال جداً ومبسبش عيل الا لما اقعد انقش فيه يعنى من باب تحريك العيال

بص على فكره ممكن تكون صحبتك دى بتعمل الموضوع ده من باب العشم او هى مش فاهمه فانتى بقى فهميها بينك وبينها كده واقولها كده غلط انت كده بتهدى اللى انا ببنيه ولو مقتنعتش يبقى خلاص ما باليد حيله لما تيجى متخليش العيال يقعدوا معها اصلاً

enjisultan مشاركة بتاريخ أمس, 05:22 PM

أذا كانت صديقتك فعلا لية ما تقوليلهاش بكل أدب كدة بليز ممكن ما تتدخليش فى الحوار وانا باكلم بنتى

لو هية عقلية كويسة هتتفهم

انتى عارفة انا واختى لو هى بتزعق لابنها وانا مش عاجبنى مش هتتكلم غير لما يكون الولد مش موجود

حتى اصحابى مثلا لو قاعدين مع بعض وبنتى شبطت فى كوبايت حد تبقى عايزة تشربها منها ما بتكسفش أنى اقولها لأ معلش انا باعودهم ما يشربوش مكان حد عادى

انا طبعا كنت باتكسف وبعدين اتكرر فى اول حياة الامومة معايا مواقف من دى كتير

ابسطها تبقى قاعدة فى عربيتك وبتلعبى بنتك تلاقى واحدة دخلت راسها جوة العربية ماشاء الله اية القمر دا وتقوم بايسها وطالعة(ةالله حصلت معايا) بقيت مش با تكسف بقى مثلا لو مش عايزة حد يلمسهم هاقول ولا حد هيهمنى

بصى اذا كانت تحبك وخايفة على مصلحة ولادك هتتفهم عادى ما فيهاش حاجة

موضوع بوس العيال الصغيرين دول كان بيعمل معايا مشكله كان مره يوم عيد الاضحى وطبعاً اختى عندنا وكانت النبت بنتها لسه عندها سنه ونص وانا طبعاً شايلها وفرحان بيها وطالع بيها عند الجزار والناس اللى بره وكان من ضمن الواقفين الجزار فالراجل الجزار مسك البنت وباسها طبعاً ابوها لما شاف الموقف ده اقلى اوعى تقول لاختك علشان النبت هتعيى وهتعمل لينا مشكله احنا فى غنا عنها تصدقوا بجد ان البنت عييت وصرفت مبلغ محترم وطبعاً اختى اقعدت تسالنى مين اللى باس البنت دى وانا اقول باس ايه يابنتى ليه هى ايه يعنى اقلتلى لا البنت دى ريحتها مش طبيعيه على العموم البنت دى هتيعى بجد والله عيت ومن يومها مش بخلى اى حد يبوس العيال الا لما يكون تبعنا انا مش ناقص بجد والله مره باخد برده ابنت خالتى وده كان اول ولد ليها على بنتين وطبعاً اقالت لى خده بس اوعى يا محمد حد يبوسه طبعاً انا اتعلمت من الدرس الاول

[النسر المصري]

زوجة صديقي السورية عملتها مرتين اتنين ورا بعض!!

قطعت العرقوب وسيحت دمه على طول مع صاحبي وكلمته صراحه...

ولكن للأسف هو ضعيف الشخصية جدا ومراته سورية حلبية كمان...يعني طين خالص !!

رحت قاطع نهائيا...والحمدلله انا في نعيم حتى الآن!!

[الحازم حسن]

اول ما تشوفيها اضربيها مطوة في وشها على طول

ده الهزار

الجد بقة

انك ممكن في جلسة خاصة بينك وبينها تفهميها ان ده بيضايقك وانك رافضة تماما تدخل اي حد في تربية اولادك

وتكون ظاهرة عليكي علامات الجدية عشان البعيدة تهتم

وافتكر مفيش حل تاني

تم تعديل 27 أغسطس 2009 بواسطة الحازم حسن

[enjisultan]

اولا السلام عليكم ورحمة الله وبركاته

نظراً لانى بحب الاطفال جداً ومبسبش عيل الا لما اقعد انقش فيه يعنى من باب تحريك العيال

بص على فكره ممكن تكون صحبتك دى بتعمل الموضوع ده من باب العشم او هى مش فاهمه فانتى بقى فهميها بينك وبينها كده واقولها كده غلط انت كده بتهدى اللى انا ببنيه ولو مقتنعتش يبقى خلاص ما باليد حيله لما تيجى متخليش العيال يقعدوا معها اصلاً

enjisultan مشاركة بتاريخ أمس, 05:22 PM

أذا كانت صديقتك فعلا لية ما تقوليلهاش بكل أدب كدة بليز ممكن ما تتدخليش فى الحوار وانا باكلم بنتى

لو هية عقلية كويسة هتتفهم

انتى عارفة انا واختى لو هى بتزعق لابنها وانا مش عاجبنى مش هتتكلم غير لما يكون الولد مش موجود

حتى اصحابى مثلا لو قاعدين مع بعض وبنتى شبطت فى كوبايت حد تبقى عايزة تشربها منها ما بتكسفش أنى اقولها لأ معلش انا باعودهم ما يشربوش مكان حد عادى

انا طبعا كنت باتكسف وبعدين اتكرر فى اول حياة الامومة معايا مواقف من دى كتير

ابسطها تبقى قاعدة فى عربيتك وبتلعبى بنتك تلاقى واحدة دخلت راسها جوة العربية ماشاء الله اية القمر دا وتقوم بايسها وطالعة(ةالله حصلت معايا) بقيت مش با تكسف بقى مثلا لو مش عايزة حد يلمسهم هاقول ولا حد هيهمنى

بصى اذا كانت تحبك وخايفة على مصلحة ولادك هتتفهم عادى ما فيهاش حاجة

موضوع بوس العيال الصغيرين دول كان بيعمل معايا مشكله كان مره يوم عيد الاضحى وطبعاً اختى عندنا وكانت النبت بنتها لسه عندها سنه ونص وانا طبعاً شايلها وفرحان بيها وطالع بيها عند الجزار والناس اللى بره وكان من ضمن الواقفين الجزار فالراجل الجزار مسك البنت وباسها طبعاً ابوها لما شاف الموقف ده اقلى اوعى تقول لاختك علشان النبت هتعيى وهتعمل لينا مشكله احنا فى غنا عنها تصدقوا بجد ان البنت عييت وصرفت مبلغ محترم وطبعاً اختى اقعدت تسالنى مين اللى باس البنت دى وانا اقول باس ايه يابنتى ليه هى ايه يعنى اقلتلى لا البنت دى ريحتها مش طبيعيه على العموم البنت دى هتيعى بجد والله عيت ومن يومها مش بخلى اى حد يبوس العيال الا لما يكون تبعنا انا مش ناقص بجد والله مره باخد برده ابنت خالتى وده كان اول ولد ليها على بنتين وطبعاً اقالت لى خده بس اوعى يا محمد حد يبوسه طبعاً انا اتعلمت من الدرس الاول

ايوة موضوع عدم بوس الاطفال دا مش تناكة والله لاسمح الله

الا ان فعلا البنات بتعيي

لا والسخافة بقى فى ناس من كتر ما هى عايزة تعبرلك عن اعجابها

مرة واحد وخطيبتة كانوا قاعدين فى ترابيزة جنبنا واحنا بنتعشى برة

والبنات وقعت منهم لعبة تحت ترابيزتهم راحوا يا عينى يجبوها

اللى هو بقى دا النظام قاموا بايسين العيال من بؤهم حضرتك

انا وباباهم باصين لبعض وانبهرنا دا انا ما بابوسهمش كدة

هو احنا خرجنا برضة الموضوع بس كان الموضوع دا غايظنى اوى

نعتذر عن الخروج عن النص

وتحياتى

[بنت الشاطئ1]

من ضمن المواقف مثلا انها تتصل بى فى التليفون وترد عليها ابنتى واكون فى المطبخ مشغولة ثم اتى افاجأ انها كانت بتتكلم معهالمدة ربع ساعة وابنتى تلقائية جدا ولبقة جدا واحيانا كثيرة تحكى لى ما دار بينهم من احاديث واتضايق فعلا لان ابنتى تتكلم عن اشياء لا احب ان اذكرها امام احد

مرة كنت بكلمها فى التليفون وكنت مشغولة جدا جدا وبستعد للسفر فاعتذرت لها وجدتها تقول لى طيب روحى انت واعطينى اكلم ابنتك ..اعطيتها السماعة ثم اتيت بعد قليل واقول لها باننى لم اعد مشغولة ..مرة كنا عندها واحضرت لانشون قلت لها اننا امتنعنا عن اكلها لانها مليئة دهون وغير صحية قالت لى باسلوب مندهش مع اعتراض ولم تحرميهم ده اللانشون اسهل شئ اذا كنت ليس لديك وقت لعمل الغذاء وانا احاول ان افهمها وشعرت بان الموضوع هيقلب خناقة فامتنعت عن الكلام..مرت الايام وذهبنا انا وهى عند احدى صديقاتنا فاحضرت لانشون فوجئت بصديقتى اياها تقول انهم امتنعوا عن اللانشون لان زوجها قرأ انها غير صحية ..انا بصراحة اتعجب منها ومن اسلوبها هذا

[بنت الشاطئ1]

انا من الخطوات التى اتخذتها لعلاج هذه المواقف ان ابعد ابنتى عن مجالسنا وفعلا كلما اتت اقول لابنتى ادخلوا العبوا فى حجرتكم لكن لابد من التقائهم مثلا عندما نذهب الى حديقة ففى الطريق مثلا اجد حوارات تدور بينهم واشعر ان صديقتى تتكلم مع ابنتى كثيرا جدا اكثر مما اتكلم انا مع ابنتى.. لدرجة ان ابنتى تتكلم معها كانها تتكلم مع طفلة فى عمرها وهى فى نقاش مع ابنتى تنتهج اسلوب لا تفهمه ابنتى يعنى تخاطبها كأنها واحدة كبيرة وابنتى تظل تسأل وفى احدى المرات قالت لها ابنتى لفظ لا يليق ان تقوله للكبار مش فاكرة ايه بالضبط ..انت مبتفهميش واللا ايه ..حاجة زى كدا يعنى قلت لابنتى عيب كدا ..المهم هى بعد ذلك الموقف وجدتها تتعامل مع ابنتى بحدة كلما تكلمها ابنتى كعادتها ترد باسلوب فظ ..وعندما تتصل تقول لها هاتى ماما بسرعة عشان انا مش فاضية .. لكن منذ شهر رجعت كما سبق تكلمها بل واذا كنت مشغولة تطلب ابنتى لتكلمها .. كنا عندها مرة واحضر ابنها لعبة لابنتى وقال لها هذه هديه لك رفضت بشدة وقلت اننى لا اريد ان اعودها ان تأخذشئ من منزل احد قالت لى وما فى ذلك هو يريد ان يعطيها هديه اقبلوا الهديه ..قبلناها ..ثم اتت عندنا بعد اسبوع احضرت ابنتى لعبة من لعبها ولفتها بورق هدية واعطتها لابن صديقتى رفضت بشدة وخرجت ابنتى وراها وهم خارجين اخذتها من ابنتى وتركتها امام باب الشقة وخرجت ... بصراحة اتفرست اتفرست

[se_ Elsyed]

انا مع رأي حازم

اضربيها بالمطوه في وشها

بصراحه ... بأس الصداقة

العجيب ان يتحول الحق الي باطل ونخشاه

يعني حضرتك اللي على حق وخايفه على بيتك ومع ذلك محرجه ومكسوفه من انسانه ... سوري يعني ما عندهاش ذوق ولا ادنى حدود اللياقه

ارى ان تحددي علاقتك بها الى ادنى حد وتبعدي بنتك عنها وتزعل ولا تخبط راسها في الحيط .. ما فيش اغلى من بيت الانسان عليه

لأن ممكن تكون الست دي عندها مشاكل نفسية معينه وفي حاجات ما بتقدرش تطبقها في بيتها هي شخصياً .. ومع ذلك تروح تلغوص في بيوت الناس

[الباشمهندس ياسر]

من ضمن المواقف مثلا انها تتصل بى فى التليفون وترد عليها ابنتى واكون فى المطبخ مشغولة ثم اتى افاجأ انها كانت بتتكلم معهالمدة ربع ساعة وابنتى تلقائية جدا ولبقة جدا واحيانا كثيرة تحكى لى ما دار بينهم من احاديث واتضايق فعلا لان ابنتى تتكلم عن اشياء لا احب ان اذكرها امام احد

مرة كنت بكلمها فى التليفون وكنت مشغولة جدا جدا وبستعد للسفر فاعتذرت لها وجدتها تقول لى طيب روحى انت واعطينى اكلم ابنتك ..اعطيتها السماعة ثم اتيت بعد قليل واقول لها باننى لم اعد مشغولة ..مرة كنا عندها واحضرت لانشون قلت لها اننا امتنعنا عن اكلها لانها مليئة دهون وغير صحية قالت لى باسلوب مندهش مع اعتراض ولم تحرميهم ده اللانشون اسهل شئ اذا كنت ليس لديك وقت لعمل الغذاء وانا احاول ان افهمها وشعرت بان الموضوع هيقلب خناقة فامتنعت عن الكلام..مرت الايام وذهبنا انا وهى عند احدى صديقاتنا فاحضرت لانشون فوجئت بصديقتى اياها تقول انهم امتنعوا عن اللانشون لان زوجها قرأ انها غير صحية ..انا بصراحة اتعجب منها ومن اسلوبها هذا

انا من الخطوات التى اتخذتها لعلاج هذه المواقف ان ابعد ابنتى عن مجالسنا وفعلا كلما اتت اقول لابنتى ادخلوا العبوا فى حجرتكم لكن لابد من التقائهم مثلا عندما نذهب الى حديقة ففى الطريق مثلا اجد حوارات تدور بينهم واشعر ان صديقتى تتكلم مع ابنتى كثيرا جدا اكثر مما اتكلم انا مع ابنتى.. لدرجة ان ابنتى تتكلم معها كانها تتكلم مع طفلة فى عمرها وهى فى نقاش مع ابنتى تنتهج اسلوب لا تفهمه ابنتى يعنى تخاطبها كأنها واحدة كبيرة وابنتى تظل تسأل وفى احدى المرات قالت لها ابنتى لفظ لا يليق ان تقوله للكبار مش فاكرة ايه بالضبط ..انت مبتفهميش واللا ايه ..حاجة زى كدا يعنى قلت لابنتى عيب كدا ..المهم هى بعد ذلك الموقف وجدتها تتعامل مع ابنتى بحدة كلما تكلمها ابنتى كعادتها ترد باسلوب فظ ..وعندما تتصل تقول لها هاتى ماما بسرعة عشان انا مش فاضية .. لكن منذ شهر رجعت كما سبق تكلمها بل واذا كنت مشغولة تطلب ابنتى لتكلمها .. كنا عندها مرة واحضر ابنها لعبة لابنتى وقال لها هذه هديه لك رفضت بشدة وقلت اننى لا اريد ان اعودها ان تأخذشئ من منزل احد قالت لى وما فى ذلك هو يريد ان يعطيها هديه اقبلوا الهديه ..قبلناها ..ثم اتت عندنا بعد اسبوع احضرت ابنتى لعبة من لعبها ولفتها بورق هدية واعطتها لابن صديقتى رفضت بشدة وخرجت ابنتى وراها وهم خارجين اخذتها من ابنتى وتركتها امام باب الشقة وخرجت ... بصراحة اتفرست اتفرست

يعنى بالله عليكى

بعد كل الكلام اللى ف المداخلتين دول ... راجعه تقولى صديقتى و صاحبتى

المدام دى يا اما مريضة نفسيا و عايزة تتعالج .. يا اما .. حاقدة و العياذ بالله

و ف الحالتين متلزمكيش

[لولا]

على فكرة بعد اضافاتك الأخيرة فيما يخص هذه الصديقه اجد ان الحل الأمثل هو ان تقطعى علاقتك بها بلا تردد .

فكرى بهدوء يا عزيزتى هذه علاقة ذات مردود سلبى جدا على حياتك وابناءك والإستهانة بعدم تقنينها سيؤدى لمشاكل لن نتتهى

اولادك فى مرحلة خطره جدا وتكوين ومن المؤذى احتكاكهم بشخصية تحمل صفات صديقتك .

بالتوفيق ان شاء الله.

لولا