حاميها حراميها

[Nassarlink]

ارجو منكم النصيحه

ماذا افعل للساكن الي عندي

اكتشفت اليوم انه سارق كهرباء التكييف بتاعه من خلف عداد الكهرباء

وطبعا من يوم تركيبيه يعني من سنتين

لو هو مواطن عادي كنت قولت مطحون يا عيني وغلبان

وبيسرق علشان يتكييف بس

ولكن المصيبه انه مقدم شرطه

حامي الديار يعني

ماذا افعل مع هذا الرجل عديم الضمير

مش كفايه الحرام الي بيحطه في بطنه طول السنه

وكمان بيكيف نفسه حرام

وشكرا

[mandoo]

إياك أن تسكت ... لازم يكون لك رد فعل ... لازم تقول لا للغلط ....بس لازم تتعامل بحكمة مع الموضوع .. علشان صاحبك ده بما إنه معدوم الضمير .. فرد فعله تجاهك حيكون قاسى جدا وبدون رحمة ... الناس اللى زى الراجل ده ممكن يبهدلك ويشتت أفكارك ويطير النوم من عنيك ..

وأعتقد أسلم حل إنك تنصحه لوجه الله ...فإن إقتنع فلك الأجر والثواب وإن لم يقتنع ... وإن كنت أنت ممن لا يستسلمون يبقى تروح تشتكى ... بس خليك أسد حتى النهاية .

رجاء طمنا عليك بعد الشكوى

[Alshiekh]

ارجو منكم النصيحه

ماذا افعل للساكن الي عندي

اكتشفت اليوم انه سارق كهرباء التكييف بتاعه من خلف عداد الكهرباء

وطبعا من يوم تركيبيه يعني من سنتين

لو هو مواطن عادي كنت قولت مطحون يا عيني وغلبان

وبيسرق علشان يتكييف بس

ولكن المصيبه انه مقدم شرطه

حامي الديار يعني

ماذا افعل مع هذا الرجل عديم الضمير

مش كفايه الحرام الي بيحطه في بطنه طول السنه

وكمان بيكيف نفسه حرام

وشكرا

فســــــــــــــــــــــــــــــــــــــــــــــــاد

السرقة اصلا طبع فى الانسان كبر مقامه او صغر

صادفت موقف كهذا وصاحبه كان " رجل اعمال " بيلعب بالفلوس لعب زى مابيقولوا.

تعبت نفسى واتصلت بشرطة الكهرباء

اخذوا اللى فيه النصيب وظل الحال على ماهو عليه ولا ادرى ان كان قد تم توريث الكهرباء المسروقة لمشترى الشقة الجديد ام لا.

كم استمر الحال ؟ 18 سنة.

فســــــــــــــــــــــــــــــــــــــــــــــــاد

[Nassarlink]

فســــــــــــــــــــــــــــــــــــــــــــــــاد

السرقة اصلا طبع فى الانسان كبر مقامه او صغر

صادفت موقف كهذا وصاحبه كان " رجل اعمال " بيلعب بالفلوس لعب زى مابيقولوا.

تعبت نفسى واتصلت بشرطة الكهرباء

اخذوا اللى فيه النصيب وظل الحال على ماهو عليه ولا ادرى ان كان قد تم توريث الكهرباء المسروقة لمشترى الشقة الجديد ام لا.

كم استمر الحال ؟ 18 سنة.

فســــــــــــــــــــــــــــــــــــــــــــــــاد

انا عارف اني لو بلغت هتكون النتيجه زي انت ما بتقول

ويجي الموظف ياخد الي فيه النصيب

ويمكن كمان يدفعني انا غرامه

علشان بلّغت عن سعادة الباشا

بس هل سعني اسكت علي كده وخلاص

والله انا احترت في الناس عديمة الضمير دي

[Nassarlink]

إياك أن تسكت ... لازم يكون لك رد فعل ... لازم تقول لا للغلط ....بس لازم تتعامل بحكمة مع الموضوع .. علشان صاحبك ده بما إنه معدوم الضمير .. فرد فعله تجاهك حيكون قاسى جدا وبدون رحمة ... الناس اللى زى الراجل ده ممكن يبهدلك ويشتت أفكارك ويطير النوم من عنيك ..

وأعتقد أسلم حل إنك تنصحه لوجه الله ...فإن إقتنع فلك الأجر والثواب وإن لم يقتنع ... وإن كنت أنت ممن لا يستسلمون يبقى تروح تشتكى ... بس خليك أسد حتى النهاية .

رجاء طمنا عليك بعد الشكوى

مينفعش انصح واحد زي ده لوجه الله

كان غيري اشطر

وبعدين النوع ده بتاخده عزة النفس الكذابه

وميحبش حد يقوله انت حرامي

حسبي الله ونعم الوكيل

حسبي الله ونعم الوكيل

طب انت عارف

أكل علي 1000 جنيه فرق حساب في مره

ولما قولت له حرام عليك قالي ملكش دعوه انا قابل علي نفسي الحرام

حسبي الله ونعم الوكيل

حسبي الله ونعم الوكيل

عارف ان الناس مش عاوزه تدخل في مشاكل مع سلطه وعدم ضمير متجمعين في شخص واحد

[تامر مصطفى]

المشكلة يا استاذ نصار هي نفس المشكلة اللي بيعاني منها معظم الناس وهي : هتشتكي مين لمين؟؟؟؟

يعني هتشتكي حرامي لحرامي زميله وممكن يكون أقذر منه؟؟؟؟

وطبعا شرطة الكهرباء هتعمل حساب لزميلهم الباشا ومفيش مانع من شوية مجاملات ...... وهما قاعدين في التكييف

انا بقول تشتكي لله سبحانه وتعالى وتبرء نفسك من فعلته ولو الأحوال حوالينا اتغيرت ابقى ساعتها اشتكيه وخد حقك

[الباشمهندس ياسر]

شفت الالف جنية اللى اكلها عليك دى

ممكن بواحدة زيها تعمله علامة ف وشه

اللى يرشك بالمايه رشه بالنار

[عنبو]

شفت الالف جنية اللى اكلها عليك دى

ممكن بواحدة زيها تعمله علامة ف وشه

اللى يرشك بالمايه رشه بالنار

عينى عليك يامعلم كده بقت تمام بس دى عاوزه واد حريف يقدر يخلص مش واد خيخه من اول كف يجب كل حاجه انت فاهمنى طبعاً

[doha]

شفت الالف جنية اللى اكلها عليك دى

ممكن بواحدة زيها تعمله علامة ف وشه

اللى يرشك بالمايه رشه بالنار

ويروح فين من ربنا ساعتها ؟ وان عاقبتم فعاقبوا بمثل ماعوقبتم به .. ولا ايه؟

انا رايي حاجه من اثنين ..

لو هو شخص بيقبل منك النصيحه قريبك مثلا او جارك ولكم كلام مع بعض بتفهمه بهدوء ان الي بيعمله ده سرقة وحرام .. الاحتمال شبه الاكيد هيقولك ملكش دخل سواء هيقولها صراحة او ضمنا واحتمال ضعيف جدا يوعدك خير او يتاثر في نفسه او حتى يخاف طالما انه انكشف فيرجع الوضع قانوني وفي الحالتين هتكون برأت ذمتك من ربنا وعملت الي عليك وانكرت المنكر بلسانك ..

طيب لو انت ملكش ( دلال عليه ) كما هو واضح من كلامك ان بينكم اصلا شبه مشاكل ومش بعيد يعتبر تدخلك مش لوجه الله او بغرض النصيحه في الحاله دي تعمل ايه ؟

بكل بساطه لو انت نيتك تنكر المنكر يبقى شكوى صغيره لشرطة الكهرباء غالبا مش هيعملوا حاجه وهياخذوا المعلوم ويمشوا ولو الراجل شرطة زي مابتقول يبقى حتى المعلوم ده مشكوك في امره .. بس مش مشكلة تبقى عملت الي عليك وبرأت ذمتك ومين عارف يمكن بلاغك ده يعمل له قلق واهو العيار الي ميصيبش يدوش .. انت اعمل الي عليك وسيب الباقي على ربنا والمهم انك مكنتش شيطان اخرس ..

واكيد لو ناوي تنصح يبقى انسى حكايه البلاغ ولو العكس وهتشتكيه يبقى اوعى تتكلم معاه لان ساعتها هتدخل نفسك في مشاكل انت في غنى عنها .. هو واحد من السكتين بس الي هتسلكه والي هيحدد طبعا موقفك منه ان كنت عارف عنه كويس وهيقبل منك النصيحه ولا من الصنف الي بيخاف ميختشيش فمفيش معاه غير البلاغ بدون تفكير ..

طبعا كل ده لو عاوز بس ترضي ضميرك اما لو الحكايه فيها شبهة وحسيت بينك وبين نفسك انك عاوز تبلغ مش عشان تصلح وضغ غلط او تستنكره فقط وانما عشان ( تادبه ) لحاجه بينكم زي موضوع الالف جنيه دي فانصحك بلاش .انت لك حق عنده وحقك هتاخذه هتاخذه ان مكانش في الدنيا يبقى في الآخره فمتضيعش حقك بكلام فاضي وصدقني لو خدتها من عند ربنا هتبقى اكبر بكتير فاصبر وهتلاقي الحكايه مستاهله جدا ويمكن ساعتها تقول ياريته خد بدال الالف عشرين ..

[الباشمهندس ياسر]

المثالية الزيادة يا اخت ضحى ... متنفعش

عارفه

لو انا معنديش الناب الازرق ده و بفكر كده و معروف اوى اوى عنى انى كده

كان زمانى بدور على بلد تانية اهاجرلها زى اخوانا اللى بيهاجروا رغم المخاطرة الكبيرة فى اولادهم

ضحى

العين بالعين و السن بالسن و البادى اظلم

[doha]

المثالية الزيادة يا اخت ضحى ... متنفعش

عارفه

لو انا معنديش الناب الازرق ده و بفكر كده و معروف اوى اوى عنى انى كده

كان زمانى بدور على بلد تانية اهاجرلها زى اخوانا اللى بيهاجروا رغم المخاطرة الكبيرة فى اولادهم

ضحى

العين بالعين و السن بالسن و البادى اظلم

مختلفناش .. الف ياخذ مقابلها الف مش يعمل له علامه في وشه ..

وعلى فكره دي مش مثاليه دي واقعية انت ممكن تعمل الي انت عاوزه وتفتكر نفسك اخذت حقك بيه وتطنش وتعيش حياتك لكن النهرده دنيا وبكرا في آخره وكله مكتوب .. هتقابل ربنا ازاي لو انت ظلمت بني آدم عمل لك حاجه وحشه فرديتها له عشر امثال؟؟

ايوه طبعا الواحد ميسيبش حقه لو هتطلع فيه روحه حتى .. يموت وهو على حق ولايموت وهو مفرط فيه لكن مش معنى اني اطالب بحقي يبقى اجور على حقوق غيري .. يبقى مش معنى واحد ظلمني في قرشين اروح احدث له عاهه ولا ايه؟

[الباشمهندس ياسر]

ايه..

[Nassarlink]

انا بقول تشتكي لله سبحانه وتعالى وتبرء نفسك من فعلته ولو الأحوال حوالينا اتغيرت ابقى ساعتها اشتكيه وخد حقك

الاحوال هتتغير ازاي

مفيش فايده كانت اتغيرت من سنين

هي صحيح بتتغير بس من سيئ الي اسوء

[Nassarlink]

شفت الالف جنية اللى اكلها عليك دى

ممكن بواحدة زيها تعمله علامة ف وشه

اللى يرشك بالمايه رشه بالنار

اكذب عليك واقول اني هعمل زي انت ما بتقول

انا كده ابقي باعلن العداوه ضد الفساد

وانا مش معايا سلاح

ده مش استسلام لكن

هو ده الوضع الحالي

انت عارف لما انا كنت في جنوب سينا

كنت بشوف ضباط الشرطه في القسم بيقفوا زي الكتاكيت عارف امام مين

اما بدو سينا

علشان عارفين انهم لو عملوا عداوه معاهم

الضباط مش هيرجعوا بلادهم سالمين

يعني يتخطف ويترمي للكلاب في الجبل

شفت منطق القوه عامل ايه

نصار

[toota]

هو بيسرق الكهرباء منين...منك ولا من السكان ولا من شركة الكهرباء ؟

لو من الاولانيين يتعمله محضر....لو من الاخيرة...يبقى حرامي بيسرق حرامية...والاتنين يستاهلوا بعض...اهو يخش النار بسبههم وهم كده كده شايلين ذنب الناس الغلابه....

[ing]

عليك وعلي شرطة الكهرباء

او ممكن تروح لادارة الكهرباء بالمنطقة اللي انته تبعها وتروح تتقول لااي مهندس وتقوله ياريت ماتذكرش اسمي وهو هيقوم بالواجب

انا عن نفسي دفعت واحد لواء 20 الف جنيه غرامة سرقة وماقدرتش يتكلم لانه عارف نفسه غلط ومايقدرش يعمل حاجه معايا لانه هيتفضح