لو عندك بنت

[فــيــروز]

مسلسل رجل فى زمن العولمه .. يبدو من الاعمال التليفزيونيه الجذابه التى لا استطيع اللحاق بها ورؤيتها سوى يومى الاجازه او لو اخذت اجازه عارضه كاليوم ..

ورغم ان هناك العديد من الافكار فى المسلسل لا اتفق معها الا ان هناك فكره واحده استوقفتنى ولم استطع ان اكون راى فيها

فالاب فى المسلسل لديه ابنه فى سن المراهقه تحب زميل لها او جار على ما يبدو وهو مقارب لها فى السن .. و الاب يعلم بهذا ويرى انه من الافضل ان تمر ابنته بهذه التجربه امام عينيه وليس من وراء ظهره .. وكما تقول امى فى احدى الحلقات طلب منها ان تلتقى هذا الشاب فى منزلها امامه وتحت رقابته افضل من ان تذهب للقياه من وراء ظهره

وانا الحقيقه لا اعرف لو كان لدى ابنه او اخت ومرت هذه التجربه ما الذى يمكن ان افعله معها !! انا طبعا سافترض انى ساربى ابنتى على الخلق القويم و السلوك الحسن ولكن .. ماذا افعل اذا وجدتها فى يوم من الايام تصارحنى بانها تحب احدهم !! انا لا اقتنع بجدوى العنف -لا اقصد الجسدى طبعا- ولكن اقصد العنف المعنوى و القرارات الحازمه المتشدده من نوعية مفيش خروج او مصروف الى آخر تلك الفرمانات !! لكن يا ترى لو عندك بنت او اخت تمر بهذه التجربه كيف يكون التعامل معها !!

[Guest Mohd Gramoun]

من المهم جدا أن نفرق بين 3 حالات اختلطت في مفاهيمنا و أصبحت ذات مدلول واحد و هو الحب...

* الشهوة: التغيير الفسيولوجي للبنت أو الولد في مرحلة البلوغ و محاولات التأقلم مع الوضع الجسماني و الجنسي بالتفكير في الإرتباط مع إتخاذ الفئات العمرية الأكبر مثالا و قد يكون مثالا جيدا أو غير جيد...

* الالفة و الود (الصداقة)... وهي ظاهرة طبيعية تلجأ اليها البنت او الإبن نتيجة خلل إجتماعي في الأسرة وفقدان المشاعر الأسرية و التفكك و إنحلال القيم و المفاهيم الأجتماعية أدت لتطلع البنت أو تطلع الولد للآخر الخارجي عله يجد فيه ما يفتقده في البيت.

* الحب.. الحب في الله و التقدير و الإحترام لله و لرسولنا و لصحابته و لإهلينا و للإسلام والحب الناتج عن العشرة و الود و الزواج و هو ما حث عليه ديننا الحنيف.

و لعل إختلاط النماذج السابقة وغياب مفهوم تحريم الإختلاط و تبخر الحياء الذي تربت عليه بعض البنات نتيجة إنشغال الاهل بملذات الحياة و الرحلة في الحرام .. يؤدي لمثل هذا الموقف

تم تعديل 11 ديسمبر 2003 بواسطة mgramoun

[Mohd Hafez]

الحمد الله عندي بنت .. وهي أجمل شئ في حياتي .. وكثيرا ما يقلقني مستقبل علاقتها مع الجنس الأخر .. فتجارب الحياة جعلتني ضعيف الثقة فيما يقال عن وجود صداقة بين رجل وأمرأة .. مافيش حاجة أسمها صداقة .. صدقيني .. جميعها فشلت وتحولت لشئ مختلف تماما عن مفهوم الصداقة .. وعليه .. فمن المستحيل تقريبا أن أوافق على وجود صديق لأبنتي ..

.... ولكــــــــــــــــــن ...

ليس هناك مانع عندما تكبر وتنضج أن أقربها من ما أراه مناسب لها .. تقارب في حدود التعارف وتقبل الأخر .. وربما يتطور لعلاقة حب فيما بعد .. ولكن تحت مراقبتي .. وأنا أختار ما يناسبها لليوم وللغد .. وبالطبع لابد أن يكون إختياري واقع في حدود ما أعتقد أنه مواصفات من ترضاه شريكا .. فلابد أولا وأخير أن يكون عنده واعز ديني شديد .. وعادل حتى مع خصمه .. ولكن ليس بمتطرف .. أو منغلق ..

حكاية الفلوس ..ستكون أخر ما أفكر فيه ..أو المستوي الإجتماعي غير مهم بتاتا .. ولكن المستوي الفكري هو المهم .. .. يكفيني فقط أنه يحافظ عليها حتى ولو كرهها يوما ما بعد رحيلي ..

تم تعديل 11 ديسمبر 2003 بواسطة EGYPT5

[فــيــروز]

طيب يا استاذ مجرمون حضرتك لديك تلت بنات ما شاء الله ربنا يحميهم و يبارك فيهم

يا ترى لا تفترض اطلاقا ان بنت منهم قد تعجب مثلا بشاب حين تصل الى مرحة المراهقه؟ وليس معنى هذا انى اقول انها لا تلتزم بالسلوك القويم لا سمح الله لكن لنفرض مثلا ان لها صديقه ولصديقتها اخ شاب محترم و اخلاقه عاليه ووجدت البنت نفسها معجبه به وتفكر فيه ..

الحقيقه انا لا اعرف اين اضع مثل هذه النوع من الاحاسيس تحت اى من التصنيفات الثلاثه التى تفضلت بوضعها .. ولكن بصرف النظر عن هذه التصنيفات يا ترى لو الموقف كما شرحته لحضرتك يكون تصرفك ازاى؟

تم تعديل 11 ديسمبر 2003 بواسطة فــيــروز

[فــيــروز]

الاستاذ ايجيبت 5

الحقيقه كلنا قلقون من هذه العلاقه ورغم انى ليس لدى ابناء الا انى لا استطيع ان اتوقف عن التفكير فى مثل هذا الموقف !!

ولكن .. هل تستطيع ان تضع امام مشاعرك حاجز مثل حواجز الامواج حتى تضمن الا تتجه مشاعرها لاحدهم؟ طيب ممكن تدلنى هتمنع مثل هذا ازاى؟ قد يكون بالفعل حلا ناجعا يفيدنا كلنا

والحقيقه راى حضرتك فيما يتعلق بالماديات اوافق عليه .. لكن يا ترى المستوى الاجتماعى الا يشكل اى عائق؟

[Guest Mohd Gramoun]

أختي فيروز...

لاشك ان هناك حالة من القلق تساورني كلما فكرت و تطلعت للمستقبل... و هذه الحالة من القلق تنغص علي حياتي كلما تذكرت الحكمة إفعل ماشئت و كمما تدين تدان و إن كانت أخطائي قبل ان يمن الله علي بفضل من عنده بهداية و إستقرار صغيرة إلا إنها في الاول و الآخر اخطاء و عليها قد أتطرق و اقيس مستقبل بناتي... لكن دائما ما يفرج الله همي و غمي بأن الله يغفر مادون الشرك به لمن يشاء و الله رزقنا طريق الهداية و هو سهل جدا و بسيط و دائما ما اتحدث انا و زوجتي مع بناتنا حول كل مايشاهدونه في يومنا العادي من خلال لقاءات الاهل و التنزه و المشاوير و ايضا في البيت و حول التلفزيون... دائما ما نتعمد التعليق امامهم هذا التصرف سليم و هذا تصرف خاطئ.. هذا تصرف يفرح الربالذي هو خلقنا و خلق الام كما هو خلقكم و هو الذي يدحل الجنة التي فيها مايتمناه كل طفل بسبب الالتزام بما يقوله الاب والام من توجيهات و كذلك فإن الله هوالذي ينجينا من النار بسبب إبتعاده عن العادات السيئة...

دائما ما تتعمد الام ان تردد الاذان خلف المؤذن و تدعو نور و سلمي للصلاه معهم فيأتو فرحين لمشاركتهم الام في طاعة الله و تسألها بعد الصلاة ...انا بجب ربنا و بأصلي... ربنا بيحبني؟ طبعا نعم يا بنتي...

و تعليم القرآن للأطفال منذ الصغر يجنبهم الوقوع في مشاكل كثيرة فهو بمثابة المرجع لهم عند حدوث خطأ فيلجأ الطفل لقراءة القرآن إعتقادا منه ان الله يغفر له خطأه البسيط... وهكذا...

التوجيه في السن الصغير و خاصة من 3-8 سنوات مهم جدا و فعال للغاية فقد كان الحاجزالاساسي بين و بين كثير من الاخطاء صحيح ارتكبت البعض منها نتيجة لإبتعادي عن الله في فترة معينة و نتيجة عدم وجود رقابة و نصح و متابعة من الاهل في فترة مهمة من حياتي نتيجة دراستي بعيدا عنهم لكن عوضني الله خيرا بعد فترة بالرجوع للحق و الندم علي مافات و هذا مهم جدا و درس في جياتي ان اكون قريبا من ابنائي في السن الحرجة وان اكون الناصح و المتابع و المراقب ...

والموقف الذي تحدثتي عنه لا يمكن ان يعمم ...كثيرا ما اشاهد بنات و طالبات يلتقين اولاد و طلاب في الشارع و غيره لكنهم في الاخر قلة قليلة اذا قورنوا بالاف من الطالبات المهذبات و كم منهن الاخريات لديه الجرأة للبوح بمثل هذا لإهله نتيجة الشعور بالخطأ .. إلا فئة قليلة ممن تربوا علي التحرر و الواقعية التي تؤدي لإنفلات او خطأ نسأل الله ان يقينا و يقي المسلمين شره.

[Farida]

عزيزتى فيروز انا بقه و لله الحمد ام لتلات بنات و انا و اخواتى كمان تلات بنات بس الفرق بينى و بين الصغرى كان كبير فكنت بانصحها و اقولها زى ما كنت باقول لنفسى ان عمرى ما ارتبط بحد الا لو كان خطيب او زوج علشان ما استهلكش نفسى و احاسيسى و على فكره انا شخصيا هو ده الكلام اللى حا أقوله لبناتى و زى ما كانت امى بتغذى فينا عادة القرأة و الإهتمام بالثقافه و السياسه و تعلم الرسم و الموسيقى و تغذيه الطموح العلمى و التفوق الدراسى انا حا أعمل كده مع بناتى و بديهى بعد ما يبقوا نهمين للقرأة و الثقافه انهم حايستهيفوا اى شاب عابث او لاهى و مش حا يستجرى يقرب الا واحد عنده دماغ كويسه وقصده خير اما عن نفسى انا كنت باتكلم مع زملاء فى الكليه و با طلع رحلات و اتناقش مع زملاء فى العمل و فى النادى لكنى كنت حريصه جدا و بشكل مرضى ولافت للنظر انى ما أقفش مع اى شاب لوحدى ابدا او انى مثلا اركب عربيه مع حد .....

طبعا حكايه البنت اللى بتقرأ كنير و مخها كبير بيبقى واقى لها من العابثين و غيره فى فترة المراهقه و ده كويس لكن المشكله لما بتقرب لسن الزواج بيقى عائق امامها لإن عادة معظم الشباب اللى جاهز للزواج بيقى تافه فكريا او مش عايز واحده تناقشه و توجع دماغه انا الحمد لله ربنا رزقنى بزوج فاهم و واعى و محب بس لسه مثلا اختى الصغرى لم تصادف هذا الشخص للآن للسبب الذى ذكرته من قبل

تم تعديل 11 ديسمبر 2003 بواسطة Farida

[فــيــروز]

شكرا للاخوين مجرمون وفريده على هذه الردود

فى الحقيقه الردود بتاعتكم ريحتنى كتير و اثلجت صدرى

يمكن لانى كثيرا ما اجلس الى اقاربى الاصغر منى فاحس باختلاف كبير بينى عندما كنت فى سنهم وبينهم و توقعى اذا رزقنى الله بابنه ان تكون هى الاخرى مختلفه عنى ..

الحقيقه يمكن تكون طريقة تربيتى فى بيتنا مثلما وصفت فريده تقريبا و الحمد لله انا راضيه تماما عنها وعن المبادئ التى تربيت عليها .. لكن ما يخيفنى ان هذه الطرق فى التربيه صارت ضعيفه نوعا ما امام الاعلام المفتوح .. وعلاقتى بابنائى قد تكون قويه و متينه ولكن قد يزعزها اصدقاء فى الدراسه مثلا فيهدمون ما ابنيه .. و الحقيقه ما اردت ان اخرج به من الموضوع هو كيف يمكن للاب و الام ان يصلا للمرحله التى تجعل ابناءهم يتخذونهم اهم الاصدقاء وكيف يمكن ان يكون بينهم ثقه متبادله لان هذا هو حجر الزاويه فى الحفاظ على الصغار حتى يعتمدوا على انفسهم فى مواجهة الحياه ..

[Farida]

الحاجه اللى تخلى الأطفال يثقوا فى اهلهم و ما يلجأوش لأصحاب السوء هو الصراحه و عدم الكذب و الأجابه الكافيه لأى سؤال للطفل

[Sharkiah]

عزيزتى فيروز انا بقه و لله الحمد ام لتلات بنات و انا و اخواتى كمان تلات بنات بس الفرق بينى و بين الصغرى كان كبير فكنت بانصحها و اقولها زى ما كنت باقول لنفسى ان عمرى ما ارتبط بحد الا لو كان خطيب او زوج علشان ما استهلكش نفسى و احاسيسى و على فكره انا شخصيا هو ده الكلام اللى حا أقوله لبناتى و زى ما كانت امى بتغذى فينا عادة القرأة و الإهتمام بالثقافه و السياسه و تعلم الرسم و الموسيقى و تغذيه الطموح العلمى و التفوق الدراسى انا حا أعمل كده مع بناتى و بديهى بعد ما يبقوا نهمين للقرأة و الثقافه انهم حايستهيفوا اى شاب عابث او لاهى و مش حا يستجرى يقرب الا واحد عنده دماغ كويسه وقصده خير اما عن نفسى انا كنت باتكلم مع زملاء فى الكليه و با طلع رحلات و اتناقش مع زملاء فى العمل و فى النادى لكنى كنت حريصه جدا و بشكل مرضى ولافت للنظر انى ما أقفش مع اى شاب لوحدى ابدا او انى مثلا اركب عربيه مع حد .....

طبعا حكايه البنت اللى بتقرأ كنير و مخها كبير بيبقى واقى لها من العابثين و غيره فى فترة المراهقه و ده كويس لكن المشكله لما بتقرب لسن الزواج بيقى عائق امامها لإن عادة معظم الشباب اللى جاهز للزواج بيقى تافه فكريا او مش عايز واحده تناقشه و توجع دماغه انا الحمد لله ربنا رزقنى بزوج فاهم و واعى و محب بس لسه مثلا اختى الصغرى لم تصادف هذا الشخص للآن للسبب الذى ذكرته من قبل

والله ما عندى ما أقوله ياأخت فريده غير ماشاء الله لاقوه إلا بالله ، أمرنا رب العزه أن نقلها عندما نستحسن نعمه ما وهبنا إياها ـ وهو مالم يقله صاحب الجنتين ـ حتى نشكره عليها ونحفظها من الحسد ، وأنا أعتبرك أنت وغيرك من سيدات وآنسات المنتدى الفاضلات مثل الأخوات مسلمه وفيروز وشانا نعمه من الله بإلتزامكن وتمسككن بتعاليم دينكن ، هى والله نعمه أن يتحاور الإنسان مع أخ أو أخت له فى الله فيذكره الحوار دائما بالله وأوامره ونواهيه وحدود دينه

فقط أود قول شئ وحيد ـ من باب العشم والمناكفه :) ـ لماذا دائما التحفز ضد الرجال هو الأصل فى تفكيرك ؟ ياسيدتى والله العظيم مامن رجل سوى عاقل عنده رمق من عقل إلا وكانت زوجه صالحه تتقى الله فيه هى أمله ومبتغاه فى الدنيا حتى أن الرسول عليه الصلاه والسلام قال عنها أنها خير متاع الدنيا ، فلماذا الإفتراض بأن كل الشباب فى سن الزواج تافهين ومش عارف إيه ؟

ملحوظه ـ أوعى تبقى تقول الكلام ده لفرح ، أخبار عذابك إنتى وبباها لما بتصحيكوا فى إنصاص الليالى إيه ؟

[Excellence]

أنا شخصيا أرفض هذه العلاقة .. :) :)

لأن بيني و بين بنتي (10 سنين) قصة حب عنيفة.

[صعيدي]

أنا أيضا اب لإبنتين وأحيانا أفكر فى تلك المشكلة حين تواجهنى بعد سنوات ومع التقدم التقنى فى جميع المجالات كالانترنت والموبايل والله أعلم بما يأتى لاحقا أصبح فى إمكان الفتاة ان تفعل ما تريد وقت ما تريد دون أن يلاحظ عليها الاهل أى شيىء.

وأحب أن أوضح ان اسلوب المصارحة مع الأهل على أهميته الا انه لا يكفى وحده لضمان حسن سلوكيات الابناء

فالضمان الوحيد هو غرس القيم الدينية والاسلامية فى نفوس الابناء حتى يعلموا ان الله يعلم خائنة الاعين وما تُخفى الصدور

وايضا يمكننا أن نعلم الابناء كيفية وزن أى فعل بمقياس الحلال والحرام فكل الاعمال كبيرها وصغيرها أما حلال أو حرام وكلاً على درجة أيمانه

فى هذه الحالة وبمفرض حدوث ما قالته الاخت فيروز فالسؤال الموجه للبنت وبكل احترام هل تلك العلاقة حلال وهل يرضى عنها الله..............زز

[Farida]

حمد لله ع السلامه يا أستاذ شرقيه و حشتنى المناكفه عموما و الله انا ما قلتش على كل الشباب و لكن قلت معظمهم و باقولك حكايه اختى و على من هن من شاكلتها لم يصادفهن شاب يستحسن مستواهم الفكرى و الثقافى كزوجات و لكن كزميلات فقط ..... اما عن فرح و الله البنت مظلومه و اخواتها قايمين معاها بالواجب اما انا عندى مذاكرة الكبار كل يوم للساعه 11 و مسئوليات البيت و الدكتوراة ..... ربنا معاها

[فــيــروز]

خلاص يا Excellence

طالما فيه بينكم قصة حب عنيفه تبقى فى الامان :unsure: وربرنا يديم الحب بينكم يا رب

الاخ صعيدى

الحقيقه رد حضرتك فعلا يعد طريقه فعاله ايضا فى ان يحكم الانسان بنفسه على تصرفاته و يجعل تقوى الله و الخوف منه هو الحاكم الاول لهذه التصرفات

وكى اكون صريحه معك انا انا باسال لانى اعلم تماما ان توصيل الابناء الى هذه الدرجه من الايمان و الوعى يحتاج مجهود كبير من الابوين مع الابناء منذ الصغر .. وهذا ما اخشى الا استطيع القيام به على اكمل وجه ..

الاستاذ شرقيه

اسمح لى اؤيد ما قالته فريده B) فبعض الشباب الواعى المتدين يقرن وعى المراه ونضج تفكيرها بكونها مناكفه ومشاكسه !! والامران لا علاقه بينهما !! مما يجبر الفتيات فى بعض الاحيان على التظاهر بالغباء او لنقل التفاهه .. حتى تعطى انطباعا لزوج المستقبل انها سهلة القياد واليفه !! ودى تجارب عمليه علميه معمليه فذه بس احنا ولا يهمنا :P :D

[se_ Elsyed]

أنا أسف يا جماعة كنت معدي جنب الموضوع ده لقيت زحمة وناس ببتخانق مع بعض قلت يا واد يا س س ادخل يمكن بيبعوا فراخ مجمدة ... فلقيت الموضوع عن البنات ... فانا آسف مرة تانية عن أذنكم ...

أصلي ماعنديش بنات بعيد عنكم فلسه مش قادر أكون فكر تحويري عن مثل هذه القضايا البرجوازية ....

حدش يسلفني بنت ألعب بيها .. الله يخليكوا نفسي في بنت صغيرة بضفاير كده أقعد أعض فيها .. العيال الصبيان مجننني وبصراحة بقى الواحد لازم أقولها علاية مدوية البنت بتبقى رقيقة وحنينة أماالولد فبيبقى دفيش وجامد .دانا لما بأنظل أشتريلهم هدوم بأغلب وبأقعد اتنح قدام هدوم البنات الصغيرة اللي في سنهم حاجة تهوس .

ده الواد عمر أبني سنتين ونص لسه وبيمد أيدوا عليه ....

خدوا راحتكم انا ماشي واللي عندوا بنت زيادة أو مش عايزها يتصل على زيرو 900 أربع بنات وأنا في الخدمة

[فــيــروز]

الحقيقه يا س.س. قطعت قلبى

ومش عارفه اقول لك ايه فى الماساه الابويه اللى انت عايشها دى

وانا رغم ان لا عندى بنات ولا اولاد بس رايى بردو ان البنات الطف :)

الواحد يفضل يدلع فيهم وكده يعنى وفى الآخر يلاقيهم جنبه

انما الاولاد .. :) حلوين بردو نعمه محدش يقدر يقول عليهم حاجه :P

طيب يا س.س. حتى لو مش عندك بنت بتمر بالموقف اللى بنحكى عنه لو اختك تمر بهذا الموقف تعمل ايه؟

[DARWEEN]

مع أن بنتي لسه عندها 6 سنين لك بالفعل بأقعد أفكر في هذا الموضوع من الآن والحمد لله أني أنا حبيبها الوحيد لحد دلوقتي ودايما في صفها قدام الغجر الصبيان ... بس بجد بجد فعلا أسلوب التربيه من سن أربع سنوات بيكون عامل مؤثر جدا يعني الحمد لله أولادي على طول معي أنا وأمهم في الصلاه وممنوع تماما موضوع البوس عمال على بطال من الأقارب لأسباب أخلاقيه تربويه وأيضا صحيه ... ولحد الآن أنا وأولادي أصدقاء جدا وبأستمتع جدا لما أسمع منهم كل حاجه حتى لو كانت في منتهى التفاهه ... برضه شيء مهم جدا أن الأبناء لايشعرون بالرهبه من أبوهم .. أحترام نعم لكن خوف ورهبه لأ ... وأعتقد أن هذا الأسلوب ممكن يكون مجدي مع الوقت أننا نتبادل دايما المشاكل حتى الخاص منها ...

أما أن تأتي بنتي مثل مابتقولوا في المسلسل وتقولي أنها بتحب وكلام فاضي فطبعا أمر مرفوض تماما كمبدأ لكن سأقوم بمناقشتها فيه وشرح ضرره ونواحي الخطأ فيه وفي النهايه لابد مع كل الصداقه والود مع الأبناء لابد من وجود الرقابه الغير ظاهره

وبصراحة بقى الواحد لازم أقولها علاية مدوية البنت بتبقى رقيقة وحنينة أماالولد فبيبقى دفيش وجامد

معاك حق يابو السيد حنان البنت دا كوم تاني خالص ... بس ياحلو معندكش فكره لما تبدأ تغير عليك ... حتى من أمها ... ياساترررررر بتبقى فظيعه ياراجل قال يعني الواحدج كان خلص من الأم طالعه المفعوصه الصغيره مش عاوزاني أكلم حد غيرها

:) :) :P

[goold]

هو فى الوقت الحاضر من وجهة نظرى انه الانسان مايضمنش الا التربية المحافظة من البداية يتلقى الطفل المبادئ السليمة التى تجعله يتعود على الاستقامة حتى لو جرفته ظروف الدنيا المتقلبه ووضعته فى وسط مختلف ميتأثرش ابدا ويبقي على مبادئه التى ترب عليها وتجده غير قادر على الانحراف بل تجده يعود للاستقامه وهنا حتى لو غاب عنه والديه خلاص مادام اتربى صح يبقي هنا الامان . وقد لاحظت فى سن ما قبل المراهقه الاطفال بتنظر اوى للاهل وبيحزوا حزوهم

وفى فترة المراهقه بتجد البنت الصالحه فعلا وبغياب اهلها لوحدها بتتجه للصالح وبتصاحب الصالحين وتجدها لوحدها مياله لانتقاد الزملاء الغير ملتزمين ..

وضرورى اوى ان ننمى اى موهبه او نسميها نشاط وخاصا للبنت حيث انها تنشغل به فى فراغها ده هيخليها تعبر الى بر الأمان يعنى يبعدها عن الفراغ ويفيدها جدا

ندعو الله الصلاح لأولادنا واولادكم الحمد لله عندى 3 بنات وولد واجد الولد حنون ايضا خاصة على اخواته ..

اما البنت فهى منبع الحنان للأسرة كلها فعلا افضل الكائنات .

[se_ Elsyed]

. حتى لو مش عندك بنت بتمر بالموقف اللى بنحكى عنه لو اختك تمر بهذا الموقف تعمل ايه؟

يعتذر الكاتب الكبير - في السن - س س عن التعليق على هذا الموضوع لمروره بوعكه صحية ( إشمعنى أنا ماهم كلهم بيتوعكوا hg)::

دي أحسن طريقة يا واد يا س س علشان تهرب بجلدك من الموضوع ده