استرجل .. و اشرب بيريل

[Amr Radwan]

استرجل .. و اشرب بيريل

استفزني و بشدة في الفترة الاخيرة اعلانات المشروب "بيريل" و خاصة ان هذا المشروب ليس له اي علاقة بالرجولة المزعومة و التي يحاولون الربط بينهما "الرجولة - مشروب بيريل"

هل شرب هذا المشروب يعطي الشاب او الرجل "الرجولة" !!!

ما يقوم به الاعلان هو ربط الرجولة كما يفسرها اي رجل (الجدعنة او الشهامة او الفتوة او العلاقة الحميمية ) بهذا الشروب اي انه حتي يكون رجل بمعني الكلمة لا بد ان يشربه و يعتاد علي طعمه الغريب و ان يشربه في كل المناسبات مثل سهرات الشباب و المباريات و غيرها ..

و الملاحظ ايضا انه يتم التركيز علي فئة الشباب في هذه الاعلانات

و سابقا كانت اعلانات مشروب "فيروز " لنفس المصنع .. و الرقص الهستيري لبنات عاريات و العنوان "هندوس في المنجا" !!

ايه رايكم .. هل الاعلانات دي لها تاثير سلبي علي شبابنا ..؟؟ و خاصة في ربط اسم بيريل مع "البيرة" و خاصة ان مصنع الاهرام للمشروبات هو المنتج لمشروب بيريل من اكبر مصانع البيرة "الخمرة" في مصر

[الباشمهندس ياسر]

استرجل و اشرب بيريل

الكرش ما يعيبش راجل

شخصية البنت ... متعلق عليها كتير

كل ما سلف من الاقوال الماثورة عند الشركة المذكورة

البتر ... بيريح من حاجات كتير اوى

تحياتى

[أحمد سيف]

والإزازه تتحط في أي حته

[Amr Radwan]

ازيك يا هندسة ..

بالنسة لموضوع البتر :closedeyes: انت قصدك بتر الشركة دي و لا بتر المشروب و لا بتر اية بالظبط ؟؟ :closedeyes:

بالمناسبة انا اكتشفت ان فيه مجموعات علي الفيس بوك عشان منع الاعلان ده و انه يمثل امتهان للمراه و اهدار لقيمنا و عاداتنا

[Tolbas]

و الله انا شايف يا جماعة ان الموضوع ده عادي

الحكاية ان وكالات الاعلانات بتستغل جهل فئة معينة من الشعب لاثارة مشاعرهم و غرائزهم للترويج لبعض السلع

يعني انا عن نفسي شاب مثقف ولا عمري اهتميت بالاعلان ده و لا عمري هشرب بريل

و شايف نفسي سيد الرجالة من غيرها :h!!!h:

بس لو عاوزين نتكلم عن الاعلانات الي المفروض تتمنع

عندك الاعلان بتاع فرتك يا ونش ارفع يا ونش

و اعتقد ات الالفاظ مفيش فيها اي تلميح

دي عيني عيناك.

او مسابقة الست بايره جيالكم حتخطف عيالكم

ده كفاية اسمها لوحده.

[عاشق الترحال]

اإعلان ده مع أنه مستفز وغتيت بس هو عاوز يصور أن طعم البيريل مبيقدرش عليه إلا الراجل على حد تعبيره مع أنه عادي يعني .

بس الشاشات الوقتى بقت مليانه بأقبح منه وطبعا سلسلة إعلانات ميلودي أفلام الجديده غنيه عن التعريف ( أفلام عربي ) أم الأجنبي !!! ووديع وتيتانيك ولحم رخيص وسيب لي مدام رشا يا وديع تعتبر إعلانات عاوزه إزاله من أساسه.

وطبعا إعلانات الفياجرا و ( حامد رجع جامد ) وغيره بقت حاجه آخر قباحه وبجاحه عيني عينك !!!!

بصراحه المسؤليين عن الإعلانات والرقابه خلوها بقت آخر خلاعه وقلة أدب !!

تفتكر أولادك الصغيرين بييبقى تعليقهم أيه على الإعلانات دي وبيفهموه إزاي ؟!

أؤيد الباشمهندس ياسر في موضوع البتر ... بيريح من حاجات كتير اوى

تم تعديل 31 أغسطس 2009 بواسطة عاشق الترحال

[mffaswan]

تأييداً لمبدأ البتر .. و ممكن كمان الحرق ..

ربنا يرحمنا

[نبض الابداع]

باطك بس هو اللى بيترشلو اسبراي

لا تعليق

[مصري المصري]

الإعلانات .. هي أسوأ ما يمكن أن يراه أبنائنا الصغار ..

المشكلة ليست فقط في بيريل وفيروز وحامد رجع جامد وارفع يا ونش وغيرها بل تتعدى ذلك لإعلانات الأفلام والتي يختار المعلن ( أوسخ ) لقطات في الأفلام المعروضة في السينما ليعرضوها علينا في التليفزيون .. وفي إيه .. في القنوات الرياضية .. طب بزمتكوا أنا كراجل محافظ ومش عايز أولادي تعرض عليهم الأشياء القذرة دي وحاذف 90% من قنوات النايل سات لعدم صلاحيتها من وجهة نظري للعرض على الأطفال .. نعمل إيه ..

حسبنا الله ونعم الوكيل ..

تم تعديل 31 أغسطس 2009 بواسطة مصري المصري