لو حد مسافر لاول مره ....بدون تصريح عمل

[rewsha]

لو حد كان شغال في حكومه وطلع معاش

وجه يسافر بس مالحقش يطله تصريح العمل قبل ميعاد السفر .يعني الحجز جه بدري وتصريح العمل لاول مره بيكون بعد 72 ساعه

الحل يكون ايه؟

ممكن يرجعوه من المطار ؟؟؟؟؟؟؟

وله بيكتب تعهد زي باقي الناس اللي سافروا قبل كده ؟

[doha]

زوجي لما جاء يسافر ودي كانت اول مرة له يسافر ظابط الجوازات قاله فين التصريح قاله مجبتوش ( هو عنده تصريح قديم الي كان شغال بيه في شغله في مصر بس مطلعش واحد للسعوديه ) فقاله عادي بس اعمل حسابك لما ترجع مصر وتيجي مسافر مرة تانيه باذن الله مش هتطلع من غير تصريح ..

مفيهاش حاجه باذن الله مش هيرجعوه ويقدر يعمل التصريح من مصر بعد مايرجع باذن الله او من السفاره في المكان الي هو رايح ليه .. بعدين كده كده خلاص طالما حجز وطالع ومفيش وقت يبقى ميتعبش نفسه بالسؤال وباذن الله عادي زي ماقلت لك هيطلع عادي ده اذا سألوه اصلا في ناس محدش بيسالها على التصريح ..

[عنبو]

عادى بيعدى عادى خالص بيعدى ولو الظابط غلس بيقى فيه مكاتب فى المطار ممكن يعمل واحد عادى

[rewsha]

شكرا يا مدام ضحى

شكرا استاذ محمد العنبي

انا بس اللي كان قالقني هوه انه اول مره يسافر

لكن كده طمنتوني .الحمد لله وربنا يكرم ونلحق برضو هانحاول احتياطي وهابقى اكتب بعد كده عن تجربتنا مع تصريح العمل (ههههههههه)

[KAhamid]

انا لسه مسافر الاحد اللي فات من مصر ولاول مرة

والتصريح لما سالوني عليه ما شافهوش الظابط بتاع المطار

هو بس قالي انت معاك تصريح العمل قولتله ايوه ولما جيت اطلعه ما بصش فيه

[rewsha]

كويس جدا يا KAhamid

كويس انك دايما سابقنا بخطوه في اجراءات السفر

وبكده باقدر اعرف منك اللي هايحصل معانا md2:

شكرا جزيلا للمعلومه .

[RANIMMOHAMED]

الأخوة الزملاء

انا عندي مشكلة ومش عارف لها حل وياريت تدلوني اعمل ايه ......انا شغال طبيب بشري في جهة حكومية ومسجل في الجواز الجهة الحكومية بس لما جبت العقد وقدمت طلب اجازة رفضوا لحاجة العمل والأستقالة او الفصل هتاحد اكتر من شهر..... فانا عايز اعرف لوسافرت من غير موافقة جهة العمل او تصريح السفر ممكن يرجعوني في المطار ولا أعدي ؟؟؟؟؟؟؟؟؟؟؟؟؟؟؟؟؟ jmb-)

[doha]

الأخوة الزملاء

انا عندي مشكلة ومش عارف لها حل وياريت تدلوني اعمل ايه ......انا شغال طبيب بشري في جهة حكومية ومسجل في الجواز الجهة الحكومية بس لما جبت العقد وقدمت طلب اجازة رفضوا لحاجة العمل والأستقالة او الفصل هتاحد اكتر من شهر..... فانا عايز اعرف لوسافرت من غير موافقة جهة العمل او تصريح السفر ممكن يرجعوني في المطار ولا أعدي ؟؟؟؟؟؟؟؟؟؟؟؟؟؟؟؟؟ jmb-)

نصيحه حاول معاهم بكل السبل انك تاخذ اجازه وبلاش مخاطرة بالاستقاله او ماشابه طالما انك شغال في الحكومه حتى لو الراتب ضعيف متحرقش كل سفنك قبل ماتسافر وخلي دائما حاجه تقدر ترجع لها لو لاقدر الله اضطريت ..

مش متأكده ان كان ينفع تسافر من غير تصريح عمل ولا لاه بس قريت قبل كده في المنتدى هنا ان الاطباء بالذات لازم لهم تصريح عمل انما اي مهنة تانيه عادي .

[mokhtarelmalahy]

انا عملت تصريح العمل بعد الحجز قبل ماوصل دبى بيومين السفر كان الاحد صباحا وانا عملتها الخميس بس فى المطار ماحدش سالنى عليه