هقدم إستقالة

[عماد حمدي]

السلام عليكم ورحمه الله وبركاته

كل سنة وانتم طيبين ورمضان كريم

بإختصار أنا قررت أني أقدم استقالة لكفيلي وأرجع مصر وأجي علي تأشيرة جديده

ممكن صيغة استقالة تكون تمام ...

معلشي لاني لو اتكلمت في تفاصيل لية هقدم استقالة مش عارف ممكن يحصلي اية لان ربنا العالم ودا حل نهائي بالنسبة ليا .. خاصة وان الكفيل غير معترف بمهنه محاسب علي وجه الإطلاق بمعني اني لو قعدت معاه 1200000 سنة بردة راتبي هوه هوه وغير مقدر

غير اسباب تانية

وشكرا ً لاهتمام سيادتكم

أخوكم في الله

عماد

[doha]

من متابعتي لقصتك من فترة اقولك كلمه واحده .. لو استقلت الآن ( هتندم ) ..

استخير ولك الخيار ولكن بقولها لك الاستقاله مش في مصلحتك ابدا في المرحلة الحالية وانا لو مكانك مفكرش فيها نهائي دلوقت ..

[تامر مصطفى]

الاخ عماد

الموضوع ده محتاج تفكير كويس وتحسب الأمور بتأني علشان متندمش على حاجة

انا عارف ان الوضع عندك في السعودية متعب جدا والتعامل مع الكفلاء هو اسوأ شيء ولكن لازم تعمل حساب كل خطوة وتعرف العواقب اللي ممكن تيجي من وراها وتتوقع الأسوأ قبل الأفضل

وربنا يكرمك ويوفقك

[زعلان]

الراجل لم يطالب بأي احد و عايز صيغة استقالة مناسبة

قد استقالة مسببة بان الراتب و المميزات و المسمى الوظيفي غير متنسب مع ما يسند اليك من مهام و غير مناسب لمؤهلاتك و انه لا تستطيع الاستمرار للعمل لما تقدم و ترغب بالاستقالة و العودة لبلادك مع حفظ جميع حقوقك من مكافئة نهاية خدمة و باقي مستحقاتك لدى الشركة مع خالص الشكرو الاحترام و اذكر المدة التي ستتبقى اليك في العمل وفق ما هو منصوص عليه يعني لو مكتوب انك لازم تبلغهم قبل الاستقالة بشهر اذكر انك ستسقيل بعد مضي شهر من ابلاغهم بالاستقالة او شهرين حسب علشان تبقى في السليم و اديتهم فرصه و اعمل منها 3 نسخ نسخة مقدمة لرئيسك المباشر نسخة للمدير العام و نسخة للعمل و العمال

[MZohairy]

انا رأي تروح مكتب العمل و العمال و تسألهم عن افضل الحلول

و حتى افضل صيغه للاستقاله حتكون عندهم

مكتب العمل و العمال السعودي منصف جدا و مره قلب الدنيا على مجموعة دله البركه بتاعة صالح كامل بسبب 3 عمال باكستانيين

[Amr Radwan]

و الله يا اخ زهيري للاسف مش دايما مكتب العمل بينصف العامل المغلوب علي امره .. انا اعرف واحد اشتكي كفيله في مكتب العميل و في يوم طلبوا حضور الموظف وجها لوجه مع الكفيل لحل المشكلة و جاء اليوم و حضر صديقي و كانت الطامة الكبري ان الكفيل دخل و سلم و باس الموظفين بتوع مكتب العمل و طبعا في النهاية .. دفع الموظف فلوس للكفيل عشان يسيبه و انا عارف ان ده مش تعميم و لكن اللي عاوز اوصله ان مكتب العمل بنظام Case by Case

نرجع لموضوعنا بالنسبة لللاستقالة ..

استقالة

السيد الاستاذ / فلان الفلاني

صاحب و مدير مؤسسة ...

تحية طيبة و بعد ،،،

افيد سيادتكم اني اعتذر عن تجديد العقد السنوي مع مؤسسة و ذلك لظروف اجتماعية و شخصية خاصة بي تمنعني من تجديد العقد و ذلك اعتبارا من 22-44-3393 و اتعهد بتسليم العهدة الخاصة بي في حين طلبها مني في اي وقت.

وتقبل مني وافر التحيه والاحترام ،،،

التاريـخ: 28 / 10/ 3028 م

مقدمـه : فلان ابن فلان

التوقيـع:

لا تنسي عند انهاء عملك ان تحصل علي خطاب عدم الممانعه و اخلاء الطرف من قبل الشركة او المؤسسة حتي لا يطاردك بعد الدخول بالفيزا الجديدة او يمنعك من الدخول في المطار .

تحياتي لك

تم تعديل 29 أغسطس 2009 بواسطة Amr Radwan

[عماد حمدي]

شكرا ً لإهتمام السادة الأعضاء

معلشي هو إخلاء الطرف هوه هوه خطاب عدم الممانعة ولا اية الفرق

ومعلشي هتقل عليكم شويتين ممكن صيغه إخلاء الطرف وخطاب عدم الممانعة دا

ولو فرضنا ان الكفيف مرضاش يديني إخلاء الطرف والعدم ممانعة هل فيه طريقة اجبرة بيها انه يديني الحاجه دي ولا بمزاجة لانه جابلي الضغط ... وانا مش فرقة معايا هقعد أقرفه واجيبلة الضغط زي ما بهولي بالظبط ..

بالنسبة للأخت doha انا اتبعت مبدأ خسارة قريبة أفضل من المكسب البعيد ,, بمعني اني مر من دخولي المملكة شهور يادوب جبت تمن تاشيرتي وكل الي صرفتة وبصراحة مش شايف اي تقدم من الكفيل وجايلي فرصة افضل اية المانع بقا اني اخدها وانا اعتبرت ان ال 5 شهور دول جيت عملت عمرة ورجعت تاني احسن ما يعدي بيا الوقت واقول يارتني وضاع من عمري سنتين ولم أحصل اي شيء ..

مع خالص شكري وإحترامي لأعضاء المنتدي الكرام

عماد

تم تعديل 29 أغسطس 2009 بواسطة EMAD HAMDY

[doha]

طبعا الامر راجع لك يااستاذ عماد وكل ماعلي هو المشورة وانت لك مطلق الحرية بالتاكيد تاخذ بيها او تتجاهلها ..

باختصار شديد لو هتسيب كفيلك دلوقت يبقى انسى الفرصة الي جات لك لانه مش اهبل يخسرك و يسيبك تطلع من عنده كسبان ..

مع كفيلك انت بالذات وعلى حسب مافهمت منك قبل كده فاحذر الانقلاب المفاجيء الي انت ناوي عليه واحذر تطالبه باستقاله او ماشابه في الفترة الحاليه ..

ان شئت رايي دلوقت انت ماشاء الله جبت ثمن تاشيرتك ومصاريفك وباقي ثلاث شهور على الحج باذن الله فانت في الثلاث شهور دور حوش ثمن الحج وتوكل على الله وادي الفريضه .. بكده تبقى انت كسبت لك حسبة ثلاثين اربعين الف جنيه الي كان مفروض تدفعهم عشان تطلع تحج من مصر ده اذا لقيت تاشيرة اساسا ..

وفي كل الاحوال خلي بالك مش هيسيبك الكفيل تروح لحد غيره قبل ماتكمل عقدك واذا كان ولابد يبقى تطلع من هنا على مصر عدل مش هيديلك الفرصة ترجع تاني ..

واكيد متاخذش بكلامي ان فكرت تاخذ بيه بدون استخاره وان شاء الله ربنا هيهديك للي فيه الخير ..

[عماد حمدي]

يا Doha انتي كلامك مقنع بس تقدري تقولي ان عامل الرهبة والخوف من الكفيل اتشال من عندي ( نملة طلع لها سنان ) انا اللي أقرف فيه مش هوه ... ثانيا ً انا قدمتها واترفضت قالي مفيش بديل ليك ... لازم احقنة كل شوية كدة اني في اي وقت ممكن امتنع عن الشغل ومش عاجبك نزلني مصر بحسسة بدي دايما ً ويارب يارب يارب يديني نهائي

وبعدين اية ( أكيد ماتخدش بكلامي ان فكرت تاخد بيه ... ) دا انتي أصلا بفضل من عند ربنا ً ثم انتي ساعدتيني كتير في موضوعي لما كان الكفيف يهددني انه يعملي نهائي

شكراً جزيلا ً

[elfakhrany]

يا أخ عماد فى السعودية تنطبق تماماً مقولة اللى تعرفه أحسن من اللى متعرفوش .

تم تعديل 30 أغسطس 2009 بواسطة elfakhrany