اذهب إلى المحتوى
محاورات المصريين

حداشر يوم فى مونتريال

خالد المسلم
 مشاركة

Recommended Posts

خالد المسلم عضو جديد

خالد المسلم

بتاريخ:
بتاريخ:

السلام عليكم ورحمه الله وبركاته

محدثكم خالد المسلم من الرياض بعد للاندنج ..... زى ما كان المنتدى مصدر معلومات لكل واحد ناوى يهاجر حبيت اشارك تجربتى

هيه صحيح تجربه مش مفيده اوى زى تجارب اعضاء تانيين بس على الاقل ...بس انا حبيت احكيها عسى انه يكون فيها فايده لحد من اخوانا

بسم الله نبدأ....

حجزت التذكره على يوم 15 تمانيه اللى فات على خطوط اوليمبك ...كان سعر التذكره تقريبا 3400 جنيه مصرى ...

طلبوا منى طلب غريب قالولى لازم تقطع ذهاب وعوده خوفا من انى اكون واخد تاشيره سياحه وابلغ فرار ...طبعا قولتلهم يا اخوانا ده تاشيره هجره

ماعلينا سافرت فى المعاد على اثينا ومنها على موريال ارض الاحلام

وصلت اثينا والغريب ان موظفه من الجوازات هناك فحصت تاشيره كندا وطلبت منى ورق الهجره (CPR) الظاهر ان خبرتهم مع المصريين والعرب مش ولا بد

وانا قاعد فى اثينا قابلت فلسطينى معاه الجنسيه الكنديه ومسافر موريال ومنها رايح على تورنتو اتكلمت معاه وعرفت انه شغال فى الكويت وولاده بيدرسوا

فى الجامعه لافال تقريبا ...هوه مهاجر من خمستاشر سنه تقريبا وكان معاه جواز اردنى والغريب انى لما سالته انت شكلك مش مبسوط قالى انه كان شهرين تلاته

مسافر على كندا وتعب من تكاليف التذاكر والغربه بينه وبين عيلته وولاده اللى رافضين يرجعوا الخليج او يستقر فى الاردن وغيره وغيره ...قولتله انت شكلك مش مبسوط

قالى انه لو كان الزمن رجع بيه مكنش فكر فى كندا لانه على حسب كلامه بعدته عن عيلته واهله ...قولت بينى وبين نفسى بلاش يا واد يا خالد تعمم كندا حلوه وجميله

بس هوه اللى مش عرف يخطط كويس ....

المهم وصلنا مونتريال بعد تقريبا حداشر ساعه اكتر اقل من فاكر ....

المطار تحفه فى كل حاجه النظام والتقدم يعنى مش يفرق عن مطاراتنا الا حاجات بسيطه خمسين سنه او اكتر شويه بس مفيش اكتر من كده ....

دخلت على موظفه الجوازات راجعت على البيانات والفيزه وطلبت منى ادخل مكتب الهجره ...وقد كان ..

دخلت مكتب الهجره قابلنى الموظف الاول طبعا كل ده وانا بتكلم انجليزى وعشان الاحراج ببدا انا الكلام عشان محدش يتكلم معايا فرنساوى اتفضح ...

كلمت الموظف الكلام بالانجليزى لقيته بيرد بالفرنساوى ..يا عم ارحمنى اضطريت امشى معاه بالشويتين فرنساوى اللى انا فاكرهم طبعا كانت المحادثه ركيكه بس مفهومه

منى طبعا مش منه ...

خد منى اوراق الهجره والجواز وقالى استنى شويه ....قولتله من عنيا بس مش سمعها ...

شويه ونادى اسمى موظف هجره تانى ...نعمين ...برضه مش سمعها ...ما علينا ...المدهش ان الموظف التانى مسلم واسمه محمد سعيد جنسيته سنغالى واتكلمنا عن الازهر وعن مصر ووضع العرب والمسلمين فى كندا وعن الجامعه الفرنسيه هوه قال انها موجوده فى اسكندريه وانا مصر انها موجوده فى القاهره الله اعلم مين فينا اللى صح

كلمنى انجليزى وحكالى عن تجربته وازاى هوه اول ما جه البلد لقى صعوبات كتيره لحد ما عرف يستقر وازاى ان فيه ناس كتير بتيجى وبترجع

على فكره يا اخوانا كندا مش زى ماكتير كانوا فاهمين وانا كنت واحد منهم...كندا ده اكبر تحدى فى حياه الواحد...بكل ما تحمل الكلمه من معنى ...

طلب منى امضى على نموزج السى بى ار وادانى كوبى وخد الاصل مع الكوبى التانى \

وقالى انت دلوقتى مقيم دائم وطلب منى عنوان عشان يبعتلى الالبى ار عليه ...وطلب منى اروح المكتب اللى جنبه طبعا كان مكتب كيبك

دخلت على الموظف طبعا كلمنى كلمتين فرنساوى ولانى كنت رهيب فى الفرنساوى غار منى وكلمنى انجليزى ..والله فعلا الحقد والغيره موجوده فى كل حته ,,

شرحلى وضعى باختصار وحددلى معاد مع موظفه هجره تانيه فى الدون تاون ..بعد اربع ايام

وادانى ورق بالهبل عن السكن والشغل وكتيب اسمه كيبك جايد الخ الخ

فاصل ونواصل ...

رابط هذا التعليق
شارك
  • الردود 142
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

حسام يوسف عضو جديد

حسام يوسف

بتاريخ:
بتاريخ: (معدل)

دكتور خالد هنا؟

يامرحبا يا مرحبا :redrose:

ألف حمدالله على سلامة الوصول وان شاء الله تبقى هجرة ناجحة

تحياتى يا زميل المهنة والحلم

تم تعديل بواسطة حسام يوسف
رابط هذا التعليق
شارك
Muhammad Zidan عضو جديد

Muhammad Zidan

بتاريخ:
بتاريخ: (معدل)

تسجيل متابعة

تم تعديل بواسطة Muhammad Zidan

آخر الكلام

دع الأمور تجري في أعنتها ولا تبيتنَّ إلا خالي البال

ما بين غمضة عين وانتباهتها يغير الله حال بحال

رابط هذا التعليق
شارك
Ebn Sina عضو جديد

Ebn Sina

بتاريخ:
بتاريخ:

نورت السعودية يا صديقى

تجربتك رغم قصرها لكنها كانت ثرية جدا

تسجيل متابعة

يوم قلت آه .. سمعوني قالوا فَسَدْ

ده كان جدع قلبه حديد .....واتحسد

رديت على اللايمين أنا وقلت .. آآآآه

لو تعرفوا معنى زئير .......... الأسد

عجبي !!

رابط هذا التعليق
شارك
حسام يوسف عضو جديد

حسام يوسف

بتاريخ:
بتاريخ: (معدل)
نورت السعودية يا صديقى

تجربتك رغم قصرها لكنها كانت ثرية جدا

تسجيل متابعة

عدلت المشاركة بعد ما فقت :redrose:

تم تعديل بواسطة حسام يوسف
رابط هذا التعليق
شارك
Nassarlink عضو جديد

Nassarlink

بتاريخ:
بتاريخ:

الف حمد الله علي السلامه مرتين

واحده لكندا وواحده للسعوديه

اتحفنا بالي شوفته وسمعته في 11 يوم في مونتريال

فكرتني ب11 سبتمبر والي جري بعدها

قووووووووول

نصار

l'important dans la vie

c'est de quelle maniére tu te perçois

635569846.gif

انااااااااااااااااااااااااااا انا مش هرد

لالالا

وانا بعرف اصد

ده انا وانا رافع ايدي بكتب علي الكيبورد

نصار ابو اللينك

عاوز تهاجر الي امريكا

مينا ممكن يساعدك

رابط هذا التعليق
شارك
poulaemad عضو جديد

poulaemad

بتاريخ:
بتاريخ:

الف حمد الله على السلامه يا دكتور خالد

ويارب تكون اتبسطت هناك فى كندا

لكن ياترى ليه رجعت بسرعه كده مع ان احنا كنا سمعنا انك مبسوط وكمان اشتغلت

منتظرينك بقى تحكى لنا شويه عن مونتريال

وربنا معاك

نفس الكسلان تشتهى ولا تحصد شيئا اما نفس المجتهد تسمن

رابط هذا التعليق
شارك
Alrefaey عضو جديد

Alrefaey

بتاريخ:
بتاريخ:

حمدآ لله على السلامة

تسجيل متابعة

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
poulaemad عضو جديد

poulaemad

بتاريخ:
بتاريخ:
نورت السعودية يا صديقى

تجربتك رغم قصرها لكنها كانت ثرية جدا

تسجيل متابعة

عقبالك يا دكتور ابن سيناء

وان شاء الله نبارك لحضرتك قريب قوى على الفيزا

وبالتوفيق

نفس الكسلان تشتهى ولا تحصد شيئا اما نفس المجتهد تسمن

رابط هذا التعليق
شارك
khaled gh عضو جديد

khaled gh

بتاريخ:
بتاريخ:

حمدا للة على السلامة يا دكتور خالد ونحن فى انتظار باقى تفاصيل رحلة اللاندينح

KHG

رابط هذا التعليق
شارك
Ebn Sina عضو جديد

Ebn Sina

بتاريخ:
بتاريخ:
نورت السعودية يا صديقى

تجربتك رغم قصرها لكنها كانت ثرية جدا

تسجيل متابعة

عقبالك يا دكتور ابن سيناء

وان شاء الله نبارك لحضرتك قريب قوى على الفيزا

وبالتوفيق

ربنا يخليكى يا مدام بولا...كلك ذوق

ربنا ييسر الحال والفيزا تطلع عما قريب ....وان شاء الله يكون على المنتدى اول قهوة كيبكواه خالصة

ربنا يوفق الجميع

وفى انتظار باقى حكاياتك فى مونتريال يا عم خالد....ما تكسلش ....كلنا أذان صاغية[/font]

يوم قلت آه .. سمعوني قالوا فَسَدْ

ده كان جدع قلبه حديد .....واتحسد

رديت على اللايمين أنا وقلت .. آآآآه

لو تعرفوا معنى زئير .......... الأسد

عجبي !!

رابط هذا التعليق
شارك
Rock عضو جديد

Rock

بتاريخ:
بتاريخ:

تسجيل متابعة و حمد و شكر لربنا انة اخيرا في حد هليتكلم عن مونتريال md2: :roseop:

حمداللة علي سلامتك يا باشا

Until the day when God shall deign to reveal the future to man, all human wisdom is summed up in these two words 'Wait and hope'

- = Alexandre Dumas=-

---------------------------------------------------------------------------------------------------------------------------------------------------------------------------------------------------------------------------------------------

Je dis Oh! si j'avais les ailes de la colombe, Je m'envolerais, et je trouverais le repos -----------------------------------------------------------------------------------------------------------------------------------------------------------------------------------------------------------------------------------------

اطباء بلا حقوق

------------------------------------------------------------------------------------------------------------------------------------------------------------------------------------------

كم ذا بمصر من المضحكات ..و لكنه ضحك كالبكا...المتنبي

رابط هذا التعليق
شارك
samady عضو جديد

samady

بتاريخ:
بتاريخ:

السلام عليكم ورحمة الله

حمدلله على السلامة يادكتور خالد وربنا يوفقك في كل اختياراتك.

مستنيين بقيت الحكاية

عليك بتقوى الله إن كنت غافلاً

يأتيك بالأرزاق من حيث لا تدري

فكيف تخاف الفقر والله رازقا

وقد رزق الطير والحوت في البحر

رابط هذا التعليق
شارك
مازن أطرش عضو جديد

مازن أطرش

بتاريخ:
بتاريخ:

الحمد لله على السلامة أخ خالد ..وإن شاءالله تتوفق بحياتك الكندية ...ويارب تكمل معاك ونسمع أحلى الأخبار ...مستنين الحكاية ..فصل فصل ..

تسجيل متابعة

رابط هذا التعليق
شارك
jessika عضو جديد

jessika

بتاريخ:
بتاريخ:

حمدلله على السلامة يادكتور خالد

دا عشان احس بشىء بسيط في محبتك محتاج ياربي لألف عمر اعيشه ليك...عمر اتعلم كلامك ...عمر اعيش افهم سلامك..والف عمر اتأمل ازاي اني ليك ...عمر افكر ليه قابلني ...وعمر تاني علشان حاببني ..والف عمر اكتب كلام عن حبي فيك........ ميكفنيييييييييييش

رابط هذا التعليق
شارك
Rock عضو جديد

Rock

بتاريخ:
بتاريخ:

فينك يا دكتور خالد , احب اقولك انة المشاريب نزلت خلاص و شربناها :yahoo: :bodybuilder:

مش انت برضة قلت المشاريب علي حسابك ولا شكلها هندفع تمنها مسح و كنس القهوة flx:

ربنا يساعدك

سلام

Until the day when God shall deign to reveal the future to man, all human wisdom is summed up in these two words 'Wait and hope'

- = Alexandre Dumas=-

---------------------------------------------------------------------------------------------------------------------------------------------------------------------------------------------------------------------------------------------

Je dis Oh! si j'avais les ailes de la colombe, Je m'envolerais, et je trouverais le repos -----------------------------------------------------------------------------------------------------------------------------------------------------------------------------------------------------------------------------------------

اطباء بلا حقوق

------------------------------------------------------------------------------------------------------------------------------------------------------------------------------------------

كم ذا بمصر من المضحكات ..و لكنه ضحك كالبكا...المتنبي

رابط هذا التعليق
شارك
astrophy عضو جديد

astrophy

بتاريخ:
بتاريخ:

حمدلله على السلامه يادكتور خالد

ترجع بالسلامه تانى لارض الاحلام ان شاء الله

ياريت تقولنا انطباعك الشحصى عن مونتريال وعن الحياه هناك فى الفتره الصغيره دى

وهل بتفكر بامر الله ترجع قريب وتستقر نهائى هناك

{بلى من أسلم وجهه لله وهو محسن فله أجره عند ربه ولا خوف عليهم ولا هم يحزنون}

صدق الله العظيم

رابط هذا التعليق
شارك
poulaemad عضو جديد

poulaemad

بتاريخ:
بتاريخ:

لاه كده مينفعش خاااااااااااااااااااااالص على فكره يا دكتور خالد

فتحنا قهوه وعملنا لها دعايه

ونزلنا المشاريب :lol: وكمان فاصل اعلانى لا مش بس فاصل ده فواصل :110:

الناس حتبتدى تزهق وتمشى من القهوه :lol:

عاوز يعنى الجماعه التانيين يقولوا علينا ايه؟؟

ان الجماعه الكيبكواز دول ملهمش فى موضوع القهاوى ولا ايه؟؟ :lol:

لأ لو سمحت متشمتش الاعداء فينا -_-

تحياتى

نفس الكسلان تشتهى ولا تحصد شيئا اما نفس المجتهد تسمن

رابط هذا التعليق
شارك
مازن أطرش عضو جديد

مازن أطرش

بتاريخ:
بتاريخ:

عزيزي دكتور خالد .. :lol: .مستنين ملابسات ما حصل معك .. :lol: لأنو معقول ..تروح بس 11 يوم وترجع .. :sad: .اي اللي حصل ياولاد .. :lol: . دا انتا ملحقتش تشم هوا .. :110: بس المهم انو تكون عودتك قريبة لرض الأحلام .. -_-

حبيبب . :wub: .متفائلين بيك ..ما تحبطناش ..مع انهو مهما حكيت ..انا عن نفسي رايح ...كيبك ...وناوي ابقى ..يا أنا ..يا كيبك wst:: ..

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • maroshka
      0
      ممكن حد مسافر من مونتريال لمصر قريب
      السلام عليكم .. انا متاسفه  عىل الازعاج .. بس محتاجه حد يكون جاي من مونتريال لمصر ياخد حاجات معاه واكون شاكره جدا ليه 

      بواسطة maroshka
      كُتب

    • بيبو كندا
      135
      مونتريال من اللاندنج لبيبو فى كندا
      طالما هذا طلب الكثير من الجماهير يبقى نفتح موضوع جديد عن الاحداث اليومية و انطباعاتى عن مونتريال و نبدأ بأسوأ الاحداث تذاكر الطيران اول القصيدة بعد بحث و تدوير و شقلباظلت ملهاش اى لازمة ( لأن جميع المصريين فاكرين انهم اذكى خلق الله و بيحبو يبتدوا من حيث ما بدأ به الاخرين و ليس من ما انتهوا اليه ) لان كل الناس حجزت على الاردنية و بعد بحث اقل ما يوصف بالطويل تم الحجز على الاردنية برضو لانها ارخص الشركات سعرا و 2 شنطة لكل راكب و طبعا زى ما الناس قالو لى لازم الترانزيت على الاقل 3 ساعات بس على

      بواسطة بيبو كندا
      كُتب

    • francois
      0
      ممكن انتظرك فى مطار مونتريال
      الاخوة العرب والمصريين المهاجريين والمسافريين من جميع انحاء الدول العربية والقادميين الى مونتريال انا ممكن انتظركم فى المطار لتوصيلكم الى اماكن الاقامة الخاصة بكم مقابل اجر رمزى وعلى من يرغب يراسلنى محددا معاد الرحلة ورقم الطيارة وانا سوف اتابع معه لحين وصوله بالسلامة

      بواسطة francois
      كُتب

    • Hany Lewis
      81
      مونتريال كما رأيتها و بين ما يقال
      أحبائي و أخواني أعضاء المنتدي الجميل ... أحب أقولكم انكم وحشتوني أولا ... و ألف شكر لكل اللي كان بيسأل علي و دائم الأتصال بي .. الحقيقيه انا كنت متردد اني أفتح موضوع جديد لسببين .. الأول انها مسئوليه كبيره و زي ما قلت قبل كده أنا بفضل اني أضيف شيء جديد لعل الأخرين ينتفعو بيه ... الثاني اني هبقي مشغول جدا الفتره اللي جايه اللي هتبقي فتره طويله حقيقي.. لكن علي أي حال أنا هحاول بقدر الأمكان اني ابقي متواجد و احط انطباعاتي و اللي شفته في مونتريال .. بدايه , انا اسمي هاني , مهندس اتصالات و اليكترون

      بواسطة Hany Lewis
      كُتب

    • meshmesh
      45
      مونتريال و كيبيك
      ألإخوة ألأعزاء اغلب المواضيع عن كندا بتكلم عن تورونتو وده شىء طبيعى لأن مصريين كتير هناك و على رأسهم مستر فريفرير اللى ليه فضل فتح موضوع المهاجريين.................. لكن ايه اخبار مونتريال و دي تاني مدينة فى كندا ? الاسعار و الشغل و السكن و الرعاية الصحية........الخ يا ريت الاخوة اللى عايشين هناك يدونا صورة تفصيلية و بيانات وافية و شكرا

      بواسطة meshmesh
      كُتب

×
×
  • أضف...