حداشر يوم فى مونتريال

[خالد المسلم]

السلام عليكم ورحمه الله وبركاته

مين اللى يقدر يشمت الاعادى فينا ده يا مدام بولا ...لاطبعا احنا الكيبكواز قادمون بأذن الله

استاذ مازن الاطرش الموضوع مش موضوع احباط او محاوله تثبيط لالالا بالعكس البلد روعه واجمل ما تكون بس ...وحط مليون خط تحت كلمه بس

عموما اكمل اللى حصل وكل واحد صدقونى هيلاقى اللى هوه عاوزة ...

وصلنا لحد فين لحد ما خرجت من عند موظف الهجره الخاص بكيبك ومعايا شويه ورق كتير من بينهم خريطه مونتريال بالفرنساوى طبعا

متهيالى والله لسه بشوكها محدش فتحها...

طبعا نسيت اقول ان موظف الهجره الفيدرال سألنى معاك فلوس كام ....الحاجات اللى انت جايبها معاك ايه ...كنت انا عامل حسابى بناءا على نصيحه تهامى باشا

ونزلت نموزج للحاجات اللى بياخدها معاه المهاجر الجديد من موقع الهجره الكندى www.cic.gc.ca

اديته النموزج ختم عليه ...

روحت عشان اجيب الشنط استوقفنى المشد الاتى :

كل شركه طيران وصلت فى نفس المعاد اللى انا وصلت فيه او قريب منه ليها سير عليه شنط الركاب بتوعها canada airline ,france airline الخ روحت على olympic airline لقيت شنطتى خدتها وروحت على الباب وغلطت الغلطه الاتيه

الا وهى انى خدت تاكسى ....طبعا التاكسى هياخد منك تقريبا من اربعين الى خمسين دولار كندى ...

طيب ايه البديل ..البديل انك تاخد الاتوبيس او shuttle وده هياخد منك 16 دولار تقريبا وينزلك الدون تاون

طبعا انا كنت حاجز غرفه من على النت بس مش كنت دفعت حاجه وده الغلطه التانيه اول ما وصلت المطار روحت اتصل بصاحبه الغرفه محدش رد مع انى بتصل اتنين الظهر...بس كان اليوم سبت قلت يمكن بسلامتها بتتفسح فى الويك اند ...قلت اقعد يومين فى اى بيت شباب ...

اول ما اخدت التاكسى ابتديت الكلام طبعا بالانجليزى وقولتله انا جديد يا عم الباشا والله لا يسيئك نزلنى على اى بيت شباب

قالى عينى ...طبعا هوه شاف انى عربى فافتكر انى لما هشوف مونتريال هفتح بقى وابرق بعينى لانى بشوف حاجه عمرى ما شفتها ..فقالى انت شايف حاجه مختلفه عن مصر ...

طيب ارد عليه اقوله ايه ده :قولتله مونتريال صحيح مدينه متحضره وجميله محدش ينكر بس لاى واحد بيدور عن التاريخ والاثار عمره ما هيزور كندا وقولتله ان الاقصر مثلا فيها ربع اثار العالم وان عندنا مدن كتير الناس بتجيلها من كل حته فى العالم ...هقول ايه ده اللى ربنا قدرنى عليه ...

عموما وصلنى لحد اول بيت شباب نزلت لقيت ايه هيصه بنات وولاد داخلين وخارجين وناس قاعده على السلم واللى بيلعب فيديو جيم واللى بيقرأ واللى بيهرش لصاحبه يعنى نموزج امريكى جدا ...

روحت الريسيبشن غرفه بعد اذنك ...اه متاسفه كل الغرف محجوزه انت حضرتك مش حجزت من على النت ...قولتلها حضرتى لسه واصل من سفر 13 ساعه ...

وطبعا ده كانت غلطه منى عاوز تحجز فى بيت شباب تحجز قبلها من على النت ...

نزلت على صاحبنا سواق التاكسى وقولتله نروح بيت تانى ...لقيت شكله مدايق شويه كده وقالى حاضر من تحت سنانه كده ...

قالى بص هوصلك لبيت شباب بس هنزلك الداون تاون عشان لو مش كان فيه غرف هتلاقى فنادق بسهوله قولتله كتر خيرك ..

روحنا على بيت الشباب حاسبت صاحب التاكسى كان الحساب تقريبا 49 دولار كندى ...

دخلت على بيت الشباب ..لقيت واحده على الرسبيشن ودار الحوار التالى :

-غرفه بعد اذنك

*معاك اوراق الهجره بتاعتك

-قولتها اه طبعا ...خرجت الباسبور وورقه اللاندنج

*بصت فى الباسبور وبصت فى ورقه اللاندنج وقالت هيه فين الصوره

-صوره ايه حضرتك

*قالتلى انت حضرتك مش refugee

-قولتلها لا انا مش لاجئ انا مقيم دائم

*اه متاسفه لحضرتك يا فندم بيت الشباب ده للrefugee ..

-شكرا لحضرتك ....

حطيت عزالى على ظهرى ومشيت ..كده يا كندا من اول يوم كده ...ماشى يا كندا

[hamoudi]

حمد لله على السلامه ياخالد باشا

وعقبال الاقامه الى بجد في مونتريال

بالنسبه للجامعه هي جامعة سان جور في ميدان المنشيه في اسكندريه

بالنسبه لمطار اثينا انطباعك عنه ايه علشان الصوره تكمل ؟

منتظرين بقية ال11 يوم في مونتريال ؟

[خالد المسلم]

حمد لله على السلامه ياخالد باشا

وعقبال الاقامه الى بجد في مونتريال

بالنسبه للجامعه هي جامعة سان جور في ميدان المنشيه في اسكندريه

بالنسبه لمطار اثينا انطباعك عنه ايه علشان الصوره تكمل ؟

منتظرين بقية ال11 يوم في مونتريال ؟

السلام عليكم ورحمه الله وبركاته

يادى الخيبه الكبيره يا ولاد

الكندى عارف ان الجامعه الفرنسيه فى الاسكندريه وانا مش عارف

حد تانى كان عارف ان الجامعه فى اسكندريه ؟

بالنسبه لمطار اثينا فهو مطار دولى محترم جدا بس انا استغربت ان الموظفه طلبت تشوف تاشيره كندا

انا كنت هرفض

هوه انا فى مطار مونتريال عشان اوريها التاشيره وورق الهجره زائد انا جاى اصلا مشحون من فكره انهم بيضطهدوا العرب...

بس قلت ممكن يكون للموضوع ابعاد امنيه بعد ما ادتلها الورق وكشفت على الفيزه ومشيت لقتها عملت كده مع اللى بعدى ذو الاصول الاوروبيه

قولت عداكى العيب يا اثينا ....

والطياره التانيه اللى كانت رايحه مونتريال من اثينا تحفه فنيه سواء المظهر او فى الطاقم ...

وللحديث بقيه ...

[mohamedadel]

الف حمد الله على السلامه يا استاذ خالد ....

انا لسه واصل الإمارات من يومين بس ولكن بعد 35 يوم بالتمام والكمال قضتهم ما بين تورونتو و اوتوا و نياجرا .......

إن شاء الله لما اعرف اقلب يومي من نهار إلى ليل و العكس حبقى اعمل زيك وحكي لأخونا التفاصيل على ما أقدر ...

بالتوفيق للجميع ان شاء الله

[montrealAlex]

استاذ خالد مونتريال نورت

حتى الان نستفيد من حضرتك ان لازم تكزن عارف حد مصرى هناك يستناك فى المطار على الاقل ويرتب موضوع السكن

وبعدين انت لازم تكون تعرف حد موجود هناك ازاى متعرفش ؟

صاحبك اللى شجعك على الهجرة ؟ بلاش

زميلك فى المركز الفرنسى اللى كان مهاجر ايضا؟ بلاش

حد اتعرفت علية عن طريق النت ؟ بردوة لا

على العموم النصيحة للكل اعملوا زى ما الجروب بتاعنا ما بيعمل

السبحة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Hany Lewis]

دوكتورنا الكبير .. خالد باشا

ألف مليون حمد الله علي السلامه .. و أنا أعنيها حقيقه .. اعني حمد الله علي السلامه و انت طبعا عارف يا باشا أنا بتكلم عن ايه

أنا متفق معاك جدا جدا جدا يا دوك من ناحيه قرار رجوعك .. انا متصور ان اللي يهاجر بشكل نهائي و يستقر لازم يكون عمل الأتي

1- يعمل اللاندينج و يرجع مكان ما هو كان قاعد ,اذا كانت ظروفه تسمح بده .. ده ليه .. هقوله في النقطه التانيه

2- اذا كانت شهادتك محتاجه معادله يبقي حضر كل شيء و انت هناك .. كتب , ورق , كل شيء خاص بالمعادله .. ارجع بلدك بكرامتك و ذاكر .. و خلص و ارجع امتحن و ربنا يكرم يا رب .. ليه تعمل كده ؟

3- انت لو شغال في الخليج يبقي انت لسه بتعمل فلوس و تحوش .. و برضه بتذاكر .. يبقي ضربت كل العصافير بحجر واحد .. لسه بتعمل قرش يساعدك في الأيام الأولي .. بتذاكر عشان تروح و معاك المعادله .. تقصر المده اللي ممكن تشتغل فيها بعيد عن مجالك.. ده برضه لا يعني انك هتلاقي شغل في مجالك أول ما توصل .. بس يبقي انت عملت اللي عليك تماما يعني زي ما بيقولو خلصت ال homework بتاعك..

4- السبب الرابع و ده سبب مش دايم .. احنا في أزمه اقتصاديه طاحنه .. مين اللي يفكر يروح و يتسقر هناك دلوقتي ؟؟!!!!!!.. طبعا ده لا يعني ان كل اللي بيروحو مش بيلاقو شغل .. لكن بتكلم عن الوضع الأقتصادي الحالي بشكل عام ...

في النهايه ده رأي الشخصي .. و يا رب يا رب كل اللي مقدمين علي الهجره و اللي لسه هيهاجرو و اللي خلاص هاجرو يحققو كل أحلامهم بجد مش مجرد كلام .. الله قادر ان يفرح قلوبكم جميعا و يسدد خطاك يا دوكتور ....

كل سنه و انتم كلكم طيبين .. عيد العذراء .. رمضان و عيد الفطر .. ربنا يجعل حياتكم كلها فراح

و حمد الله علي السلامه مره تانيه

ان شاء الله هنلتقي لما أروح مونتريال 19-09-2009 اللي جاي .. ادعو لي ..

[Hany Lewis]

يا جماعه كل اللي لسه هيهاجر ان شاء الله فيه موقعين أعتقد حضراتكم عارفينهم كويس عشان تحجزو شقق أو غرف من عليهم

http://montreal.en.craigslist.ca

http://montreal.kijiji.ca

من خبره اللي سبقوني بلاقيهم مفيدين جدا

http://www.515stecatherine.com ده مكان شكله محترم برضه و مش غالي

www.berrisuites.ca .... ده مكان لاقيته من علي الموقع الأول .. ممكن حضراتكم تحجزو من عليه مباشره

تعليق بسيط علي السكن .. أغلب الأماكن بتحب تأجر مدد مش قصيره .. يعن أقل شيء 6 أشهر .. يعني مثلا بيبقي فيه ناس مؤجره و عايزه تمشي فبتدي ال lease

بتعاها لحد تاني و بسموه sublet .. علي أي حال اللي ناوي يروح يستقر هناك علي طول مش هيلاقي صعوبه ان شاء الله في السن .. لأنه طبعا هيسكن مدد طويله

لازم بس تعرفو هتدفعو ايه .. يعني هل يا تري الأيجار شامل الأنترنت و التليفزيون و اذا كان فيه تليفون و لا لأ .. و اذا كان فيه heating /aircondition و ده يا جماعه مهم جدا التدفئه عشان الجليد اللي هناك.. و اذا كان شامل الكهربا و المياه و كده .. و اذا مان الحمام هيبقي مشترك و منفصل .. كل ده حاجات مهمه

اذا كان قريب من وسط البلد و لا لأ .. في مكان محترم و لا لأ ... كل ده حاجات لازم تسألو عنها و انتو بتأجرو ..

بالنسبه لأول و تاني موقع انتم ممكن تلاقو عليهم شغل برضه .. واحد صاحبي لاقي شغل علي أول موقع كريج ليست...

بالنسبه لبيوت الشباب لازم تشتركو من مصر الأول متهيأ لي عشان ده هيسهل حاجات كتير هناك ...

مره تانيه ربنا معاكم و يوفق خطاكم

سلام

[montrealAlex]

معلش انا مكنتش مركز ان استاذ خالد رجع

وعلى العموم هو لحد دلوقتى وقع قى موقف صعب كان يمكن الابتعاد عنه بسهولة

المهم انا بعترض على جزء من كلام استاذ هانى اللى بتمنالة التوفيق فى مونتريال

الجزء الخاص بالذهاب وبعدين الرجوع ودا صعب للاسباب التالية

1- وانت هناك بتعمل المعادلة وفى نفس الوقت تدريب بساعات معتمدة اذن ازاى حتعمل التدريب وانت اصلا خارج كندا اذن لن تقبل المعادلة بتاعتك اصلا

2- اثناء المعادلة والتدريب بتكون اتمكنت من اللغة لانك بتمارسها كل يوم عكس انك بتذاكر فى مصر او الخليج وبتكلم عربى

3- بعد المعادلة ح تعمل السى فى بتاعك انك كنت فى الخليج طبعا دا ح يصعب عليك فرص الشغل

4- صعوبة الهجرة فى التلات سنين الاولى اذا عديتهم تبقى واثق انك ناجح فى المستقبل فى كندا

5- على كل واحد قبل ما يروح هناك يبذل كل طاقتة فى تسهيل كل العقبات اللى ممكن تقابلة ويبقى عنده خطة اولى وخطة بديلة ويمكن خطة تالتة كمان

فى السكن والمعادلة والشغل

وعلى العموم احنا لسة مانعرفش باقى الحداشر يوم اية

[hamoudi]

بخصوص اليوم الرابع بتاع المقابله في مكتب الهجره كان المكتب ده خاص بشئون كيبك والا خاص بكندا عموما

[خالد المسلم]

دوكتورنا الكبير .. خالد باشا

ألف مليون حمد الله علي السلامه .. و أنا أعنيها حقيقه .. اعني حمد الله علي السلامه و انت طبعا عارف يا باشا أنا بتكلم عن ايه :h!!!h:

أنا متفق معاك جدا جدا جدا يا دوك من ناحيه قرار رجوعك .. انا متصور ان اللي يهاجر بشكل نهائي و يستقر لازم يكون عمل الأتي

1- يعمل اللاندينج و يرجع مكان ما هو كان قاعد ,اذا كانت ظروفه تسمح بده .. ده ليه .. هقوله في النقطه التانيه

2- اذا كانت شهادتك محتاجه معادله يبقي حضر كل شيء و انت هناك .. كتب , ورق , كل شيء خاص بالمعادله .. ارجع بلدك بكرامتك و ذاكر .. و خلص و ارجع امتحن و ربنا يكرم يا رب .. ليه تعمل كده ؟

3- انت لو شغال في الخليج يبقي انت لسه بتعمل فلوس و تحوش .. و برضه بتذاكر .. يبقي ضربت كل العصافير بحجر واحد .. لسه بتعمل قرش يساعدك في الأيام الأولي .. بتذاكر عشان تروح و معاك المعادله .. تقصر المده اللي ممكن تشتغل فيها بعيد عن مجالك.. ده برضه لا يعني انك هتلاقي شغل في مجالك أول ما توصل .. بس يبقي انت عملت اللي عليك تماما يعني زي ما بيقولو خلصت ال homework بتاعك..

4- السبب الرابع و ده سبب مش دايم .. احنا في أزمه اقتصاديه طاحنه .. مين اللي يفكر يروح و يتسقر هناك دلوقتي ؟؟!!!!!!.. طبعا ده لا يعني ان كل اللي بيروحو مش بيلاقو شغل .. لكن بتكلم عن الوضع الأقتصادي الحالي بشكل عام ...

في النهايه ده رأي الشخصي .. و يا رب يا رب كل اللي مقدمين علي الهجره و اللي لسه هيهاجرو و اللي خلاص هاجرو يحققو كل أحلامهم بجد مش مجرد كلام .. الله قادر ان يفرح قلوبكم جميعا و يسدد خطاك يا دوكتور ....

كل سنه و انتم كلكم طيبين .. عيد العذراء .. رمضان و عيد الفطر .. ربنا يجعل حياتكم كلها فراح

و حمد الله علي السلامه مره تانيه

ان شاء الله هنلتقي لما أروح مونتريال 19-09-2009 اللي جاي .. ادعو لي ..

يا جماعه كل اللي لسه هيهاجر ان شاء الله فيه موقعين أعتقد حضراتكم عارفينهم كويس عشان تحجزو شقق أو غرف من عليهم

http://montreal.en.craigslist.ca

http://montreal.kijiji.ca

من خبره اللي سبقوني بلاقيهم مفيدين جدا

http://www.515stecatherine.com ده مكان شكله محترم برضه و مش غالي

www.berrisuites.ca .... ده مكان لاقيته من علي الموقع الأول .. ممكن حضراتكم تحجزو من عليه مباشره

تعليق بسيط علي السكن .. أغلب الأماكن بتحب تأجر مدد مش قصيره .. يعن أقل شيء 6 أشهر .. يعني مثلا بيبقي فيه ناس مؤجره و عايزه تمشي فبتدي ال lease

بتعاها لحد تاني و بسموه sublet .. علي أي حال اللي ناوي يروح يستقر هناك علي طول مش هيلاقي صعوبه ان شاء الله في السن .. لأنه طبعا هيسكن مدد طويله

لازم بس تعرفو هتدفعو ايه .. يعني هل يا تري الأيجار شامل الأنترنت و التليفزيون و اذا كان فيه تليفون و لا لأ .. و اذا كان فيه heating /aircondition و ده يا جماعه مهم جدا التدفئه عشان الجليد اللي هناك.. و اذا كان شامل الكهربا و المياه و كده .. و اذا مان الحمام هيبقي مشترك و منفصل .. كل ده حاجات مهمه

اذا كان قريب من وسط البلد و لا لأ .. في مكان محترم و لا لأ ... كل ده حاجات لازم تسألو عنها و انتو بتأجرو ..

بالنسبه لأول و تاني موقع انتم ممكن تلاقو عليهم شغل برضه .. واحد صاحبي لاقي شغل علي أول موقع كريج ليست...

بالنسبه لبيوت الشباب لازم تشتركو من مصر الأول متهيأ لي عشان ده هيسهل حاجات كتير هناك ...

مره تانيه ربنا معاكم و يوفق خطاكم

سلام

السلام عليكم ورحمه الله وبركاته

باشمهندس هانى

اى واحد عمل لاندنج او لسه هيعمل ان شاء الله ...مازلنا نتعلم من مداخلاتك

انت انسان جميل بيحب يساعد وان شاء الله ربنا هيوفقك فى رحلتك لموريال ...

[Hany Lewis]

معلش انا مكنتش مركز ان استاذ خالد رجع

وعلى العموم هو لحد دلوقتى وقع قى موقف صعب كان يمكن الابتعاد عنه بسهولة

المهم انا بعترض على جزء من كلام استاذ هانى اللى بتمنالة التوفيق فى مونتريال

الجزء الخاص بالذهاب وبعدين الرجوع ودا صعب للاسباب التالية

1- وانت هناك بتعمل المعادلة وفى نفس الوقت تدريب بساعات معتمدة اذن ازاى حتعمل التدريب وانت اصلا خارج كندا اذن لن تقبل المعادلة بتاعتك اصلا

2- اثناء المعادلة والتدريب بتكون اتمكنت من اللغة لانك بتمارسها كل يوم عكس انك بتذاكر فى مصر او الخليج وبتكلم عربى

3- بعد المعادلة ح تعمل السى فى بتاعك انك كنت فى الخليج طبعا دا ح يصعب عليك فرص الشغل

4- صعوبة الهجرة فى التلات سنين الاولى اذا عديتهم تبقى واثق انك ناجح فى المستقبل فى كندا

5- على كل واحد قبل ما يروح هناك يبذل كل طاقتة فى تسهيل كل العقبات اللى ممكن تقابلة ويبقى عنده خطة اولى وخطة بديلة ويمكن خطة تالتة كمان

فى السكن والمعادلة والشغل

وعلى العموم احنا لسة مانعرفش باقى الحداشر يوم اية

أستاذ مونتريال أليكس.. انا زي ما قلت ده رأي الشخصي .. اللي انا كنت بتكلم عنه هو انك تذاكــــــــــــــــــــر .. اذا كان من ضمن خطوات المعادله انك تتدرب في نفس الوقت يبقي هنا مفيش مفر انك تقعد و أمرك لله .. لكن لو هو مجرد امتحان يبقي أفضل انك تذاكر في بلدك أو الخليج زي ما قلت .. صحيح هو ايه المعادله اللي لازم تاخد فيها تدريب و انت هناك ؟؟ زي ايه ؟

[خالد المسلم]

فينك يا دكتور خالد , احب اقولك انة المشاريب نزلت خلاص و شربناها :h!!!h: :h!!!h:

مش انت برضة قلت المشاريب علي حسابك ولا شكلها هندفع تمنها مسح و كنس القهوة :D

ربنا يساعدك

سلام

السلام عليكم ورحمه الله وبركاته

لا الله يكرمك يا عم روك انا استويت من ناقصه مسح وكنس

هتعرف ليه بس لما نكمل الحداشر يوم

[خالد المسلم]

بخصوص اليوم الرابع بتاع المقابله في مكتب الهجره كان المكتب ده خاص بشئون كيبك والا خاص بكندا عموما

السلام عليكم ورحمه الله وبركاته

لا ده خاص بكيبك وبينى وبينك هوه مفيد جدا

احنا لسه فى اليوم الاول لما نوصل للرابع هشرح اللى حصل بالتفصيل الممل ان شاء الله

[montrealAlex]

استاذ هانى شكرا على ردك

المعادلة مع التدريب الطب - الهندسة المعمارية- المحاسبة واعتقد الصيدلة

اعتقد انة من الصعوبة جدا ان تجد شغل وانت لسة واصل وعامل امتحان المعادلة فقط

على فكرة انا ايضا بتكلم من رايىء الشخصى

انا لسة المقابلة على اخر السنة ان شاء الله

بس عندى خلفية مش بطالة عن الموضوع

[samady]

فينك يا دكتور خالد , احب اقولك انة المشاريب نزلت خلاص و شربناها :sad:

مش انت برضة قلت المشاريب علي حسابك ولا شكلها هندفع تمنها مسح و كنس القهوة :D

ربنا يساعدك

سلام

السلام عليكم ورحمه الله وبركاته

لا الله يكرمك يا عم روك انا استويت من ناقصه مسح وكنس

هتعرف ليه بس لما نكمل الحداشر يوم :lol: wst::

واضح إنك استويت هناك ياعم خالد المهم تكون استفدت وحققت ولو على الأقل جزء من الطريق لمستقبلك القادم

وبالتوفيق للجميع

[samady]

أنا مع رأي الأستاذ مونتريال أليكس إن الأفضل البقاء في مونتريال لأن أكيد لو فرص هناك فهي مش هتجيلك وإنت في الخليج لازم تتعب شوية وتدور على طريقك علشان ربنا يوفقك وتلاقيه.

ومع ذلك كلا الأستاذ لويس فيه نصيحه مهمة جدا إنك على كل الأحوال هتقعد أو هتمشي لازم تبقى محدد موقفك من البداية والرؤية عندك واضحة وحاطط خطط واحتمالات لخطواتك اللي جايه.

فعلا ما خاب من استشار

[حسام يوسف]

تسجيل متابعة للرحلة القصيرة المفيدة يا دكتور خالد

[montrealAlex]

فى ردود اتمسحت

احنا عايزين باقى ال 11 يوم نرجع لورا

نحن فى انتظار الباقى قبل انهيار المنتدى ولا اية؟

[issamsiph]

السلام عليكم دكتور خالد

أنا دخت عليك وعلى رقمك ولما وصلت لرقمك قالوا لي انك غير موجود وثاني يوم قالوا لي انك ربما سافرت حتى الناس يلي كنت معهم لايعرفون عنك شيء

على فكرة انا زعلان منك اوي لأني قلت لك أجيبك من المطار

ياجماعة البداية أسهل بكثير لو تلاقي واحد معاك والله لوجه الله تعالى

على كل حال كمل حلقاتك وراسلني

وسلامي للجميع

لم أستطع ان اكتب عن تجربتي حتى الأن لأني كنت نازل و العيلة في بيت مؤقت لمدة شهر بعد اللاندنج و الأن انتقلت الى بيت دائم انشاء الله

الأمور تسيير بتيسير من الله هو كل ما أخلص موضوع بيطلع لي غيره اليوم كنت فاضي شوي واذا رن التلفون

وزارة الهجرة غدا بدأ دورة الفرنساوي تبعك الله يستر ادعو لنا

أي أستفسار لجميع الأخوة انشاء الله مابنقصر فيه

سلامي للأستاذ نصار وبما أنه العمدة هنا أطلب منه نقل السلام لباقي الأعضاء خوفا من أن أنسى واحد منهم

دكتور خالد انتظر ردك علي انشاء الله

تم تعديل 11 سبتمبر 2009 بواسطة issamsiph

[خالد المسلم]

السلام عليكم ورحمه الله وبركاته

اخى الفاضل عصام طبعا انا والله لا اقدر على زعلك ولم اقصده بالطبع لكن صدقنى الامور مشيت اسرع مما كنت اتصور

فجأه لقيت نفسى شغال وفجأه لقيت نفسى ساكن مع ناس افاضل مصريين وجزائريين وشويه لميت هدومى وطرت على السعوديه

يعنى انا فى فتره بسيطه لقيت نفسى عامل مليون حاجه مع بعض

فيه ناس بتلومنى وبتقول انى هربت من التحدى وانى كان لازم اصبر

اقول لاخوانى اللى بيقولوا كده انا اليومين اللى كنت شغال فيهم مع ناس مصريين وجزائيريين ومغاربه علمونى حاجات كتيره قوى

يا اخوانا اللى كانوا شغالين معايا كلهم شهادات عاليه وبعضهم stuff جامعه

كان شغال معايا طيار معاه شهاده فى الطيران الدولى :

طيب سؤال ليه مش اشتغل بشهادته لسبب بسيط جه عشان ياخد رخصه من مصر للطيران دفعوه مايزيد عن 25000 دولار تقريبا وبعد كده قلوله انت لا تصلح

وطبعا الفلوس ده تكلفه ساعات الطيران اللى كان بيطيرها مع مندوب مصر للطيران اللى المفروض انه يديله الرخصه وفى الاخر المندوب قاله يابنى انت مش كندى

قاله اه قاله هوه ايه اللى جابك ...رجع من ساعتها محطم واخيرا اشتغل كاجوال فى نفس المكان اللى كنت انا شغال فيه ....

كان معايا مدرس مساعد بكليه طب الاسنان بجامعه الازهر :

ده كان زعلان جدا انى جيت صعب عليه ان صيدلى ودكتور اسنان يشتغلوا فى الشغل ده كان فعلا بيبصلى نظرات كلها زعل وحزن واستقبلنى استقبال فاتر قوى

وكان دايما يتريق مع صاحب العمل المصرى ويقول خلاص معدش فاضلك الا دكتور بشرى ويبقى كده معاك كل كليات القمه ...واول كلمه قالهالى قالى انت هنا شغيل

يعنى اركن شهادتك بره ...محدش يفتكر انه انسان مش كويس لا بس هوه مكنش عاوزنى اوصل للى وصل ليه هوه ..

اتكلمت معاه ليه مش عملت معادله ..قالى معادله طب الاسنان بتتكلف 15000دولار ولو رسبت تدفع المبلغ من الاول ...او تعمل معادله مساعد وهوه كان رافض ده

ده اهم اتنين احب اتكلم عنهم

فيه معايا اخ جزائرى معاه ليسانس اقتصاد ودبلوم فى المحاسبه يعنى زى بكالوريوس تجاره وبكالوريوس سياسه واقتصاد وده عرف طريقه من الاول قالى انا مش جى هنا اعادل شهادتى انا جى هنا اشتغل

يبقى واحد تانى كان معايا فى السكن ...ده جه كندا من 8 سنين على مركب شحن وهرب وفضل فى كندا 8 سنين يشتغل فى مجال الفاكهه بس بصراحه كان مستريح وطبعا مصرى حاول يدخل امريكا معرفش ...وكنت سايبه ناوى ينزل على مصر وكان حجز التذكره فعلا ...وهوه انسان خلوق بالمناسبه

لقيت نفسى من التعب فى اخر اليوم اصلى واتكوم ...وفى بعض الاحيان حسيت بتعب فى الظهر من الشيل والحط ...طيب ايه اللى انا بعمله فى كندا :

1-مذاكره عشان المعادله مستحيل

2-شغل ..شكله لو استمر الموضوع كده هتشل قبل ما يجيلى الكارت الصحى

3-حسيت انى ضيعت عمرى هدر والخبره وشهادات التخصصات اللى خدتها فى السعوديه ومصر ابلها واشرب ميتها ولا ليها اى لازمه ..

يبقى لازم يكون فيه بديل ...حطيت لنفسى هدف انا هنا مش عشان اشتغل اى حاجه انا هنا عشان اشتغل صيدلى بس

خلاص يبقى اذاكر وارجع تانى على الامتحان ...والا هفضل كده ...كان عندى بديل الا وهو فيزه السعوديه مكنتش لسه خلصت اتكلت على الله وصليت استخاره

وحجزت بسرعه وسافرت بصوره اسرع ...وانا بقول ان شاء الله المره الجايه هكون مستعد اكتر ...