حداشر يوم فى مونتريال

[خالد المسلم]

أياك ثم اياك ثم اياك تسيب كندا قبل ما تخد البى ار فى ايدك وتشوفه بعينك وتحطه فى جيبك

ممكن حد يقول اشمعنى :

لان لاقدر الله لو كان فيه مشكله فى الصور بيبعت السى اى سى جواب ظريف يقولك ان الصور مش تنفع ويديك معاد تروح عشان تتصور او تبعت الصور على عنوان معين وبيطلب منك التوقيع انت وكل افراد اسرتك اللى معاك وطبعا ده بيتطلب حضورك انت واسرتك ..طيب لو كنت مسافر كل حاجه بتقف وتدخل فى دوامه الترافل دوكيومنت طيب على ايه ما الواحد يصبر الشهر لحد ما يخد كرته وبعد كده يسافر وفى بطنه بطيخه صيفى ...

أولاً أحييك يا خالد على موضوعك ومحاولتك رسم صورة واضحة لرحلة اللاندنج. ثانياً أختلف معك في نصيحة كل مهاجر بألا يغادر الا وفي يده الPR card لأن كلامك ده معناه تعطيل شغللك الحالي لحوالي شهرين وما يتبعه من مصاريف محترمه في كندا انتظاراً للمحروس الكارد. أنا وصلني الكارد الخاص بي و بأفراد أسرتي الثلاثة امبارح بس بعد انتظار حوالي 7 أسابيع وأنا كنت عملت لاندنج في 22/9/2009 وخرجت من كندا بعد 10 أيام من اللاندنج لارتباطي الوظيفي. لا داعي للهلع من عدم وصول الكارد لأن ببساطة لو عدم صلاحية الصور أمر لا يحدث الا في حالات متباعدة ولا يتطلب انفاق مبلغ كبير لا يقل عن 3000 دولار :D اذا كان معاك اسرة في انتظار كارد ثمنه 50 دولار ويمكنك استخراجه حتى وانت خارج كندا في حالة مشكلة الصور لا قدر الله. بمعنى أخر خروجك من كندا بدون الكارد لا يمثل مخالفة لقوانين الاقامة تستدعي منعك من دخول كندا مرة أخرى. خلي قلبك جااااااااااامد :D وربنا يوفقني واياك وكل من يقرأ موضوعك الجميل.

السلام عليكم ورحمه الله وبركاته

اولا بحييى اخى الفاضل CAPHCYMO لانه أثار نقطه فى غايه الاهميه الا وهى :

الاحسن ايه والاسلم ايه نستنى لحد ما نخد البى ار كارت ولا نعمل اللاندنج ونتكل على الله نروح

اولا انا فكرت فى فتح موضوع جديد بنفس العنوان بس عشان ميكونش الكلام مكرر ولانى شخصيا ضد فتح مواضيع لاتفيد القارئ بشئ او حتى يمكن دمجها مع مواضيع اخرى تحمل نفس المعنى انا هنا بعمل توقف مؤقت لحين اخذ اراء اخوانا وخصوصا اللى عملوا اللاندنج ...واخص بالذكر أستاذ طارق جمعه ورفيق الدرب الباشمهندس هانى

اتمنى انى اعرف رايهم فى الموضوع ...

اما انا هبدأ براييى بس هحاول انه يكون مدعم بالوثائق المره ده ....

بسم الله ابدأ

انا كان ومازال راييى ان المهاجر الجديد يستنى لحد ما يخد البى ار السؤال ليه؟

اولا...لان فعلا لو فيه مشكله فى الصور وانت خارج كندا حسب راى بعض الاخوه واللى انا بنفسى شوفته فى محاورات اجنبيه انك لازم تروح بنفسك لاما عشان تتصور او تديهم الصور وتوقع امام الموظف ...وللامانه المحامى قالى ممكن تبعت الصور من خارج كندا بس طبعا مش مباشره لل CIC ...لمحامى مثلا والمحامى هوه اللى يبعتها..

ده كان كلام المحامى ...بس الكلام ده كل اللى كلمتهم فى الموضوع نفوه ...على فكره النقطه ده مش اكيده بالنسبه ده لحد دلوقتى

ثانيا...فى حاله عدم وجود البى ار يكون البديل هو TRAVEL DOCUMENT ...ومن اهم شروط الTRAVEL DOCUMENT هى:

1-تكون وجودك على الاقل سنتين من اول خمس سنين

2-لازم يكون مر على وجودك مش اكتر من 365 يوم عشان تقدم على TRAVEL DOCUMENT....يعنى لو حضرتك عملت اللاندنج ورجعت من غير البى ار ولاقدر الله مش عرفت تستخرجه وقعدت فى بلدك اكتر من سنه سنتين مثلا وجيت تقدم على TRAVEL DOCUMENT حسب الشرط ده ممكن تترفض ...

وطبعا الكلام ده من موقع السى اى سى http://www.cic.gc.ca/english/resources/man...f/enf27-eng.pdf

راجعوا الصفحه رقم 18 اخر قطعه ....

فالاسلم الواحد يستنى لحد ما ياخد البى ار ...وطبعا الموضوع يا ريت الكل يشارك فيه ....

[ehabtaher]

ممكن اسأل سؤال يعنى ليه سيادتك لما نزلت وعملت لاندنج فضلت قاعد فى مونتريال ليه مارحتش مثلا تورونتو هل ممنوع على الواحد انه يتحرك من المقاطعات الفرنسيه الى النجليزيه والعكس صحيح

الثانى ليه لم تفكر فى عمل كمساعد صيدلى حتى تكمل المعادله فمرتب مساعد الصيدلى يساوى ما يجنيه الصيدلى فى الخليج بل واكثر والمقابل انك بتحصل على تعليم جيد لاولادك و رعايه صحيه + معاش فأذا عملت بارت تايم فاعانه الحكومه ستساعدك فى استكمال ما ينقص

كورس مساعد الصيدلى اقل من 6 شهور ومرتبه جيد

[خالد المسلم]

السلام عليكم ورحمه الله وبركاته

والله يااخوانا جزاكم الله كل خير على كم المشاعر الجميل والاصرار على تكلمه الحداشر يوم اللى زى مافيهم الحلو فيهم المر ...

بس النهارده مش هكمل بقيت اليوم التانى...هتكلم كلمتين على البى ار كارد من واقع خبرتى البسيطه فى الموضوع وعلى فكره كان نفسى حد ينصحنى بالكلمتين اللى هقولهم دلوقتى بس قدر الله وماشاء فعل ...

اولا :طبعا معظمنا عارفين ان البى ار لما بيطلع لاول مره بيكون اوتوماتيك يعنى ولا بتحتاج تقدم ابلكيشن ولاصور ولامصاريف ...الابلكيشن بيتعملك اتوماتيك

والصور هيه نفسها الصور اللى بتقدمها لملف الفيدرال والمصاريف بتدفع مع تقديم الباسبور واسمها مصاريف اللاندنج اللى همه 490

طيب ايه المطلوب منك امام موظف الهجره شئ واحد الا وهو التوقيع فقط على ورقه اللاندنج ...ونفس التوقيع بيجيلك على كارت البى ار ان شاء الله

يعنى ابقى حسن خطك وانت بتوقع عشان شكل التوقيع يطلع حلو ...

وطبعا بتديهم عنوان فى كندا عشان يتبعتلك الكارت عليه ...نفترض ان مش عندك عنوان بيدوك رقم فاكس تبعتلهم عنوانك عليه لما يبانلك عنوان ...

ثانيا كطيب هوه ايه لازمه البى ار كارت :حاجه بسيطه خالص طول مانت مقيم دائم مش تقدر تدخل كندا الا بيه بس كده ...

طيب افرض ضاع منى :تجرى بسرعه على السفاره وتملى ابلكيشن الترافل دوكيومنت اللى بيدرسه موظف فى السفاره ويقرر بقى يديلك فيزه مؤقته تدخل بيها كندا عشان تعمل البى ار بتاعك ولا لآ...

هوه ممكن الموظف يرفض :فى احدى الحالات الاتيه :

1-تكون حضرتك قعدت بره كندا اكتر من تلت سنين مثلا فى اول خمس سنين فمنطقيا كده مش هتعرف تقعد ال730 يوم عشان تحافظ على كونك مقيم دائم

2-تكون حضرتك مشيت من كندا قبل ما تخد البى ار وقدر الله بقى ان البى ار بتاعك ميطلعش بسبب الصور وده حصل مع ناس كتير ...ايه اللى يحصل فى الحاله ده

واحد مشى من كندا ومش طلعله بى ار فى الحاله ده يكون مسموح له انه يطلع ترافل دوكيومنت بشرط انه يكون قعد فى كندا من سنه بالضبط يعنى لو واحد سافر من كندا بعد اللاندنج ومش طلعله البى ار بسبب الصور يكون قدامه سنه بالضبط عشان يعمل الترافل دوكيومنت(المعلومه ده مذكوره فى موقع الهجره بس مواقع تانيه مش ذكراها فخلى بالكم )

نصيحه مهمه جداجداجدا:

أياك ثم اياك ثم اياك تسيب كندا قبل ما تخد البى ار فى ايدك وتشوفه بعينك وتحطه فى جيبك

ممكن حد يقول اشمعنى :

لان لاقدر الله لو كان فيه مشكله فى الصور بيبعت السى اى سى جواب ظريف يقولك ان الصور مش تنفع ويديك معاد تروح عشان تتصور او تبعت الصور على عنوان معين وبيطلب منك التوقيع انت وكل افراد اسرتك اللى معاك وطبعا ده بيتطلب حضورك انت واسرتك ..طيب لو كنت مسافر كل حاجه بتقف وتدخل فى دوامه الترافل دوكيومنت طيب على ايه ما الواحد يصبر الشهر لحد ما يخد كرته وبعد كده يسافر وفى بطنه بطيخه صيفى ...

واللى انا بقوله ده حصل مع ناس وذاقوا الامرين ...

اما انا فلله الحمد والمنه من قبل ومن بعد وصل البى ار للعنوان اللى انا اديته ليهم بس بعد ما الواحد عاش وقت عصيب لان الكارت اتاخر قريب من شهرين

عشان كده مش عاوز حد يعمل اللى انا عملته ...

وان شاء الله نكمل الحداشر يوم ...فى ارض الاحلام كندا

جزاك الله كل خير يا دكتور خالد ....طيب سؤال ..لو سمحت ..

ايه اللى ممكن نعمله علشان نتأكد ان الصور - اللى هم بيطلبوها - مطبوطه...يعنى ايه هى الاخطاء الشائعه وايه هى المواصفات المطلةبه من واقع خبرتك..

يعنى المشكله بتكون فين مقاسات الصوره والا ايه ؟ وهل ممكن على سبيل الاحتياط ..نتصور صور اضافيه بمواصفات ادق مثلا ونديهالهم عند اللاندنج ..وياترى الmain applicant

هو بس اللى لازم يستنى الpr والا كل افراد الاسره ؟؟؟؟ياريت نعرف الاجابه..وشكرا مقدما

السلام عليكم ورحمه الله وبركاته

والله الواحد مكسوف من حضرتك يا دكتوره انى اتاخرت للدرجه ده فى الاجابه

مقاييس الصور ومواصفاتها موجوده على موقع الهجره تقريبا المقاييس 3.5*4.5 متهيالى .....بس ده مش ضمان لان ممكن تقولوا اى حاجه زى مثلا ان المسافه بين نهايه الراس وحد الصوره بسيط ...فيه تدرج فى الاضاءه وهكذا وانا قريت فى محاورات اجنبيه ان واحد هوه وعيلته اتصوروا عند نفس المصور طلبوا منه صوره تانيه وقبلوا صور باقى العيله ...بس نصيحه للى عاوز يتصور صور مضبوطه عليك وعلى فوجى متهيالى انهم بيضبطوا الصور كويس ...

اما بالنسبه للاندنج مش بياخدوا اى صور بتكون هى نفس الصور اللى حضرتك ادتهالهم فى انتى بتقدمى على ملف الفيدرال ...

الاضمن والاحسن ان كل افراد الاسره تستنى البى ار ....ده راييى ومازال الموضوع مفتوح للى عنده راى مخالف

[خالد المسلم]

السلام عليكم ورحمه الله وبركاته

ألف مبروك يا دكتور على ال بى ار........ بس ايه اللى أخر الكارت شهرين كده؟ياريت توضح علشان نتعلم ولكم جزيل الشكر

السلام عليكم ورحمه الله وبركاته

الله يبارك فى حضرتك يا دكتورنا العزيز ....الكارت اتاخر لانهم صمموا نظام امنى جديد لكروت البى ار فكان الكارت الجديد مختلف تماما عن القديم وده طبعا عشان التزوير وخلافه

[خالد المسلم]

ممكن اسأل سؤال يعنى ليه سيادتك لما نزلت وعملت لاندنج فضلت قاعد فى مونتريال ليه مارحتش مثلا تورونتو هل ممنوع على الواحد انه يتحرك من المقاطعات الفرنسيه الى النجليزيه والعكس صحيح

الثانى ليه لم تفكر فى عمل كمساعد صيدلى حتى تكمل المعادله فمرتب مساعد الصيدلى يساوى ما يجنيه الصيدلى فى الخليج بل واكثر والمقابل انك بتحصل على تعليم جيد لاولادك و رعايه صحيه + معاش فأذا عملت بارت تايم فاعانه الحكومه ستساعدك فى استكمال ما ينقص

كورس مساعد الصيدلى اقل من 6 شهور ومرتبه جيد

السلام عليكم ورحمه الله وبركاته

اخى الفاضل ايهاب :

انا فضلت فى مونتريال لانى اتوفرلى السكن والشغل وبينى وبينك انا كنت على وشك فعلا انى اروح تورنتو ...وده طبعا مش ممنوع ممكن تروح اى حته فى كندا من اول لحظه ..

نيجى لموضوع مساعد الصيدلى :انا كان ادامى فعلا انى اخد قرض من الحكومه واقدم فى معهد ادرس فيه سته شهور فعلا وبعد كده ابقى مساعد صيدلى....بس لما قعدت مع صيدلى سورى قالى ان مرتب مساعد الصيدلى اللى لسه متعين 12 دولار فى الساعه واكتر حاجه ممكن يوصلها 15 دولار يعنى زى اى مهنه تانيه فى مونتريال مش فيها ميزه ....فكان قدامى الحل التانى انى ارجع على الخليج واكمل المعادله وده اللى حصل ...

لسه هتكلم عن النقطه ده بالتفصيل فى وقتها باذن الله ...

[CAPHCYMO]

لا أختلف معاك مطلقاً يا خالد في ان انتظارك للكارد وانت في كندا هو عين العقل لو انت ناوي تستقر مباشرة، بس لو انته:

1. مستقر في شغل في الخليج مثلا زي حالاتي وبتعمل زيي في التدريس الجامعي او حتى ما قبل الجامعي (يعني مرتبط بخطة دراسية ولازم تعمل لاندنج في وقت بعيد عن اجازة الصيف)، وقس على ذلك الصيدلي الذي لن يسمح له كفيله باجازة كبيرة أو الطبيب اللي مرضاه مش حيستنوا كتير ولا يوجد له بديل.

2. ظروفك المادية لا تسمح لك بتغطية مصاريفك العائلية في كندا مدة شهرين بلا عمل (2000 دولار سكن على الأقل وزيهم للمعيشة لمدة شهرين مينيمام + انقطاع مرتبك فترة اللاندنج لو عمللك يوفر لك شهر واحد اجازة في السنة.).

3. عندك أولاد لازم ينتظموا في مدارسهم والا يضيع عليهم الترم.

أعتقد ان دي أسباب منطقية تجعل أي مهاجر يفضل انتظار الPR وهوه يمارس حياته الطبيعية.

لو سألني أحد قراء موضوعك ماذا كنت ستفعل لو لم يأتي الكارد وحصل لك مشكلة. الجواب اني كنت مهيأ نفسي معنوياً للتعامل مع الموقف. مباشرة بعد ما أعرف ان فيه مشكلة في الصور كنت حاتواصل مع السفارة واعرف منهم بالظبط ايه المطلوب لحل المشكلة واعتقد انه سيكون واحد من اتنين انته ذكرتهم يا خالد:

1. Travel Document من السفارة.

2. التواصل مع محامي في كندا ليقوم بالأجراءات نيابة عنك وعن اسرتك.

أخيراً أرجو من كل الأعضاء المهاجرين القدامى ان يدلو بخبراتهم وتجاربهم ليستفيد الأخوة المهاجرين الجدد المصريين والعرب من خبرات اخوانهم.

[safaalabana]

شكرا على اجابتك يا دكتور خالد ...موضوع ال PR كارد ده عقده لينا كلنا ربنا يحلها من عنده..

وياريت لما تلاقى وقت عندك تبقى تحكى لنا عن موضوع مهم انت كنت قلت ح تحكى عنه بعدين وهو موضوع اللحوم الحلال ..ياريت تفيدنا ...شد حيلك فى المداكره احنا ما بنزعلش لو انت اتاخرت فى الرد

عاوزينك تزاكر وربنا معاك

[magedghonim]

والله يا دكتور خالد

موضوع مساعد الصيدلي انا شايف انه عموما ... فكرة مش بطالة

وبتفق مع الدكتور ايهااب

اهو برضه فرصةللواحد يندمج اكتر في الصيدليات ويبقى جاهز عشان حتة الخبرة واللغة

وخصوصا للي عايز يستقر في موريال...

بس القرض او بمعنى اصح مصاريف المعهد الخاص بفني الصيدلة ل 6 شهور تقريبا في حدود كام؟

وتسجيل متابعة ليك يا دكتورنا

وبالتوفيق في المعادلة ان شاء الله.

[MohMohsen]

السلام عليكم ورحمة الله وبركاته

هو أنا جيت متأخر ولا إيه؟ فين الدكتور خالد يا جماعة؟ حد سأل عليه؟ لو حد معاه أي معلومات للإتصال به والإطمئنان عليه ياريت يطمنا. أنا عارف إن الكلام ده متأخر قوى بس مش سهل الواحد بيلاقى موضوع ممتاز زى ده ويفضل بلا نهاية، الحكاية دى لقيتها فى كذا موضوع. لعل المانع خير.

[masrylionking]

السلام عليكم ورحمه لله وبركاته

انا صيدلى من مصر و كنت بعمل مندوب دعايه في السعوديه لمده سنه ومعايا شهاده خبره من الشركه الي اشتغلت فيها (بس طبعا بالعربي )

انشالله ناوي اقدم للهجره فيدرالي مش كيبك

هل حد من اخوانى الصيادله عندهم فكره اذا كانت شهاده خبره المندوب الدعايه فيها مشكله بالنسبه الفيدرال ولا هم ملهمووش دعوه اصلي عرفت ان مندوب دعايه مش بيشتغلوها الصيادله هنااك(وده من رحمه ربنا علينا كفايه الي شفناه في الدعايه)

فهل هم ممكن يقولو لا احنا مش بنعترف بحاجه زى كده لانها تختلف عن شهادهتك الي هي صيدله

انا كنت ممكن اعمل زي معظم الناس انى اعمل شهاده خبره من صيدليه بس حالتى مختلفه لاني سفرت عمل للسعوديه فلو نكرت عليهم انى سفرت السعوديه مثلا زي انى اعمل باسبور جديد لانج اكييد هم بيعرفو عن طريق وزاره الخارجيه المصريه عشان يشوفو الشخص ده كان مسافر فين؟ افغانستان وما شابه....

بشكركم جدا و اتمنى ان دكاتره صيادله يردو عليا اعتقد هم فهمين قصدي اكتر

[DoctorHany]

السلام عليكم ورحمه لله وبركاته

انا صيدلى من مصر و كنت بعمل مندوب دعايه في السعوديه لمده سنه ومعايا شهاده خبره من الشركه الي اشتغلت فيها (بس طبعا بالعربي )

انشالله ناوي اقدم للهجره فيدرالي مش كيبك

هل حد من اخوانى الصيادله عندهم فكره اذا كانت شهاده خبره المندوب الدعايه فيها مشكله بالنسبه الفيدرال ولا هم ملهمووش دعوه اصلي عرفت ان مندوب دعايه مش بيشتغلوها الصيادله هنااك(وده من رحمه ربنا علينا كفايه الي شفناه في الدعايه)

فهل هم ممكن يقولو لا احنا مش بنعترف بحاجه زى كده لانها تختلف عن شهادهتك الي هي صيدله

انا كنت ممكن اعمل زي معظم الناس انى اعمل شهاده خبره من صيدليه بس حالتى مختلفه لاني سفرت عمل للسعوديه فلو نكرت عليهم انى سفرت السعوديه مثلا زي انى اعمل باسبور جديد لانج اكييد هم بيعرفو عن طريق وزاره الخارجيه المصريه عشان يشوفو الشخص ده كان مسافر فين؟ افغانستان وما شابه....

بشكركم جدا و اتمنى ان دكاتره صيادله يردو عليا اعتقد هم فهمين قصدي اكتر

الأخ العزيز masylionking

انا دكتور بشرى بس هاقولك خبرتى فى التقديم الجديد للفيدرال وعلى حسب ما قريت كتير جدا فى المواضيع دى واخدت خبرة الناس اللى قبل كده ...

من الاول كده انت هاتقدم على Highly skilled workers يبقى هاتقدم بشهادة بكالوريوس الصيدلة بتاعتك ... وده بيستلزم سنة خبرة على الأقل تكون اشتغلت فيها ((صيدلى

)) على حسب شهادتك وتكون وظيفتك كصيدلى فى السنة دى مذكورة فى قايمة الوظائف المطلوبة المحددة فى الوقت اللى سيادتك هاتقدم فيه ...

نيجى بقى لبقية سنين الخبرة ... ممكن تجيب شهادة خبرة باى وظيفة مش مهم المهم تكون مذكورة فى قايمة ال NOC وتعرف رقمها كام فى القايمه لان الكلام ده هاتكتبه فى الابليكشن بتاعك وانت بتقدم .....

نيجى لنقطة انك سافرت السعودية ... وهو انها ممكن يتطلب من سعادتك فيش وتشبيه طالع من السعودية لو كنت قضيت فى السعودية سنة فما فوق ... وده برضه هاتكتبه فى الابلكيشن بتاع رحلاتك اللى عملتها خارج بلدك من اول سن 18 سنة ...

لو عاوز رأيى مش لازم نكدب فى اى خطوة لان مفيش حاجه نخاف منها طالما احنا ماشيين صح ... وماتقلقش هما لو حبوا يطلبوا منك فيش وتشبيه من السعودية هتلاقيهم هما يبعتولك طلب للسفارة السعودية لو انت فى مصر وهما غصب عنهم هايعملولك اللى انت عاوزه لان ده طلب من الحكومة الكندية ...

ماتنساش تترجم شهادة الخبرة بتاعتك من السعودية فى مكتب ترجمة معتمد لو قررت تمشى فى سكة تقديمها ... وبالتوفيق

[DoctorHany]

السلام عليكم ورحمه لله وبركاته

انا صيدلى من مصر و كنت بعمل مندوب دعايه في السعوديه لمده سنه ومعايا شهاده خبره من الشركه الي اشتغلت فيها (بس طبعا بالعربي )

انشالله ناوي اقدم للهجره فيدرالي مش كيبك

هل حد من اخوانى الصيادله عندهم فكره اذا كانت شهاده خبره المندوب الدعايه فيها مشكله بالنسبه الفيدرال ولا هم ملهمووش دعوه اصلي عرفت ان مندوب دعايه مش بيشتغلوها الصيادله هنااك(وده من رحمه ربنا علينا كفايه الي شفناه في الدعايه)

فهل هم ممكن يقولو لا احنا مش بنعترف بحاجه زى كده لانها تختلف عن شهادهتك الي هي صيدله

انا كنت ممكن اعمل زي معظم الناس انى اعمل شهاده خبره من صيدليه بس حالتى مختلفه لاني سفرت عمل للسعوديه فلو نكرت عليهم انى سفرت السعوديه مثلا زي انى اعمل باسبور جديد لانج اكييد هم بيعرفو عن طريق وزاره الخارجيه المصريه عشان يشوفو الشخص ده كان مسافر فين؟ افغانستان وما شابه....

بشكركم جدا و اتمنى ان دكاتره صيادله يردو عليا اعتقد هم فهمين قصدي اكتر

[masrylionking]

بشكرك جدا جدا يا دكتور هاني انت عندك حق انا اساسا مش عاوز اكذب لان هما اكيد كده ولا كده هيعرفو انا روحت فين و جيت منين عشان امن بلدهم

النقطه بس الي مش عارف بجد اعمل فيها ايه و حضرتك تعرف ان مش انا بس كده الي اشتغلت مندوب دعايه و انا صيدلى

مش عارف بقا هيقبلوها ولا لا و انا معايا شهاده خبره من صيدليه لمده سنه ونصف

لما دخلت على NOC

لاقيت ان قسم الدعايه و الاعلانات حاجات اكترها تنطبق على خريجي التجاره او الاعلام وكلهم managers

ولو حضرتك شوفت الينك ده

http://www5.hrsdc.gc.ca/NOC/English/NOC/2006/ViewAllTitlesQuickSearch.aspx?val=0&val1=0611&val65=*

مش عارف بجد اعمل ايه انا بفكر اقدم لهم شهاده خبره الدعايه و الصيدليه و امرى الى لله هعمل ايه يعني

بالنسبه للفيش بتاع السعوديه معملتوش هناك انا معايا تاشيره النهائ

اعتقد ان لو عليا اي حكم او عمل جنائ السعوديه مكنتش تمشيني من عندها ولو كندا عاوزه فيش من السعوديه مفيش مشكله اروح السفاره هبقا اعمله

متشكر جدا ليك يا دكتور هاني

تم تعديل 18 يناير 2012 بواسطة masrylionking

[DoctorHany]

الاخ الفاضل masrylionking أشكرك جدا على كلماتك الجميلة وانا تحت امرك فى اى حاجه تقابلك فى التقديم للهجرة ...

بالنسبة للخبرة ودى نقطة حساسة جدا ومن اهم المواضيع ... هما محتاجين منك على الاقل سنة واحدة خبرة فى مجال شهادتك اللى انت مقدمها يعنى البكالوريوس بتاعك كصيدلى .. والباقى علشان تاخد نقط الخبرة كامله ممكن من اى عمل اشتغلته full time طبعا وحاول تلاقيله رقم فى ال NOC واللى انت عملته ده صح جدا ... يعنى فى حالتك يبقى سنة ونص خبرة صيدله طبعا هاتجيبلهم شهادة تحركات طالعة من ادارة صيدلة وفيها كل عملك ومختومة من ادارة صيدلة .. وطبعا هاتروح تترجمها عند المترجم المعتمد وترفق الاصل وليس الصورة مع الترجمه الانجليزيه والاتنين يتدبسوا ويتختموا بختم المترجم المعتمد ... وباقى المده اللى هى يعنى انت مطلوب منك على الاقل سنتين ونصف شهادة خبرة تانيه من اى مكان اشتغلت فيه وليكن شركات الادوية ... ودى برضه تترجم زى ماقلتلك ... طبعا مافيش اى اختام خارجيه ولا قنصلية ولا الكلام ده خالص ... بس يكون مكتوب فى الشهادة عنوان المكان اللى كنت بتشتغل فيه وتليفوناتهم علشان لو حبوا يتاكدوا ... وانت بتمضى فى الابليكشن بتاعك انك بتفوض المسئولين فى كندا انهم يتاكدوا من اوراقك كلها بطريقتهم ..

تبقى نقطة الفيش والتشبيه ودى ماتشغلش بالك بيها خالص لانهم احيانا بيطلبوها واحيانا لا ... بس الموضوع مالوش علاقه بانك اخدت تاشيرة نهائية ام لا ... علما بان التاشيرة النهائيه فعلا بتبقى نقطة لصالحك لان السعودية مش بتطلع تاشيرة نهائية وانت عليك اى احكام او اى طلبات ... لكن مش ده اللى مكتوب فى الموقع بتاعهم بشكل رسمى عن الفيش من السعودية ... هو بيقول بشكل واضح انه لو اتطلب منك هايبقى بجواب رسمى موجه للسفاره السعوديه والسفاره لازم هاتعملك اللازم ده ولو فيه اى تاخير يبقى منهم مش منك انت ... يعنى احنا مش مسئولين عن النقطة دى خالص ...

انت اخدت امتحان الايلتس ولا لسه ؟؟؟ وايه اخبار تخليص الورق بتاعك ؟؟؟

ربنا معاك

[masrylionking]

ربنا يكرمك يا دكتور هاني انا بجد اتشرف و اتكلمك على الموبايل بس مش بقدر اراسل عالخاص لمشكله في النت

انا فعلا عندي خبره سنه ونص في صيدليه و سنه كامله كمندوب دعايه في السعوديه

انا مش عارف اذا كانو هيحسبوهالي ولا لا انا بتكلم على سنه المندوب هترجمها برده زي محضرتك قولتلي

بالنسبه للايلتس ده امر سهل انا كنت دخلته كذا مره و سكورى كويس فانشالله هقدر اجيب الاسكور

اما باقيه الورق انا هبتدي اجمع من الايام ده زي ترجمه شهاده الكليه و الدرجات و ترجمه الثانويه العامه اعتقد ان ده كله مش بيتوثق بيترجم بس

وكمان شهاده الخبره ده بتتوثق من الخارجيه و الايلتس اصلها و شهاده الميلاد بالانجليزي كل ده يا باشا ان بروسسيسنج لسه بعمل فيه

بشكرك جدا يا باشا و ياريت نبقا على اتصال عشان هحتاجك في ملى الابليكشن و الورق بتاعه

[masrylionking]

السلام عليكم و رحمه لله وبركاته

انا النهارده الحمدلله تلقيت ايميل من NOC كنت سالهم قبل كده على قصه مندوب الدعايه في شركه الادويه الي اشتغلتها لمده سنه

هم بصراحه ناس بيقدروا قلق الواحد وبيجاوبو على كل الاسئله بكل دقه و حياديه

قالتلي الاتي :

The following is the response to your request for assistance (reference #183023 ):

We are not sure of the nature of your request. However, sased on the information you have provided, the following National Occupational Classification (NOC) code may be appropriate for the occupation that you described. Please verify the link below to ensure that the education, main duties and employment requirements correspond to your occupation. You are in a better position to determine whether or not this NOC code reflects your job.

NOC 6221 - Technical Sales Specialists - Wholesale Trade:

http://www5.hrsdc.gc.ca/NOC/English/NOC/2006/ProfileQuickSearch.aspx?val=6&val1=6221&val65=pharmaceutical+representative

الحمدلله السنه مرحتش اونطه هبقا اكتب في الترجمه بتاعه الشهاده الخبره دعايه انه يعمي ك Pharmaceutical Sales Representative

انا قلت اقول الايمل ده عشان اي زميل مندوب دعايه (الجماعه المطحونه) يطمن

تحــياتي

[DoctorHany]

دكتورنا Masrylionking معلش اتاخرت عليك فى الرد انت عارف بقى اخر الاسبوع ومتطلباته ... على فكره انا لسه بشتغل فى السعودية

مجهود جميل منك اوى انك تدور فى NOC وتلاقى الكود الوظيفى وماتقلقش ابدا عمر مافيه حاجه ضاعت عند ربنا واللى بيعمل مجهود اكيد بيلاقى نتيجة ان شاء الله ... على فكره على حسب ما اعرف مفيش شهادات خالص بتتصدق من مكاتب تصديق الخارجية ... كندا ما بتحتاجش تصديق والكلام الفاضى بتاع الدول العربية ده ... الناس دول فاهمين اوى وارقى من كده بكتير ... على فكره شهادة التخرج بس هى المطلوبة مش شهادة الدرجات بتاعة الكلية ... وياريت لو تترجم الشهادة الكرتون مش المؤقتة ... وعلى فكرة الثانوية العامة مش مطلوبة ... طالما فيه شهادة بكالوريوس .. ماهو مش معقول واحد ياخد بكالوريوس من غير ثانوية عامة ... هما بيطلبوها للى ماعندهمش بكالوريوس ... وكمان احتمال تحتاجها هناك فى كندا لو ما اشتغلتش بشهادتك اللى هى صيدلة ......

طبعا انك تقدم على الهجرة حاجه وانك تترخص وتعمل كصيدلى فى كندا حاجه تانيه ... بمعنى اخر هتحتاج شهادة الدرجات مترجمة وحاجات تانية كتير وانت بتقدم على المعادلة الكندية يعنى مش هاتخسر لو عملتها ... وشهادات الميلاد مترجمة بتطلع اما من وزارة الصحة ودلوقتى عملولهم مكان جديد جنب المعامل المركزية فى شارع الفلكى ... وبرضه بتتعمل فى مصلحة الاحوال المدنية بتطلبها وتطلع بالانجليزى ... بس زحمة اكتر ... يعنى وزارة الصحة أكثر احتراما ... يلا علشان تملا ورق الابلكيشن بقى وتبعته مفيش وقت على فكره السنه الجديدة بتاعتهم على ما اعرف بتبقى فى شهر 7 ... يعنى ممكن الوظائف المطلوبه تتغير تانى ... يعنى كل ماقدمت بسرعة فى مصلحتك

[masrylionking]

منور دايما يا دكتور هاني ابدا انت متتاخرش على حد كلك زوق

انا مش بحضر الورق عشان اقدمه السنه ده او الفتره ده لان الكاب وصل بالنسبه للصيادله انا بحضره لشهر سبعه الي جاي و طبعا هو ريسك اما يبقو صيادله موجودين و اما لا

كله بايد ربنا

انا بشكرك جدا على ردودك دايما بتصححلي لما بقول شئ مش دقيق

[masrylionking]

السلام عليكم و رحمه لله وبركاته

انا قريت حاجه استوقفتني للحظه انا هنقل لكم السطر الي مكتوب و الكتير منكم قراه قبل كده وليا عليه استفسار

What are the minimal requirements?

All applicants must meet the following minimal requirements to apply as a skilled worker:

You must have at least one year of continuous full-time, paid work experience or the equivalent in part-time continuous employment

معنى الكلام ده ان الواحد لازم يكون شغال المهنه الي مقدم عليها لمده سنه كامله مستمره ولا ممكن بانقطاع يعني مثلا 8 شهور كفتره و بعد سنه اشتغل 5 شهور في نفس المهنه .

هو الوضع عندى قريب الى حد ما لاني اشتغلت من بعد ترخيص مزواله مهنه (صيدله) و سافرت السعوديه كمندوب دعايه بعد تقريبا سنه (او اقل بايام قليله ) عشان ا كون محدد انا اشتغلت في الصيدليه من تاريخ 29/10/2009 و حتى 23/10/2010

يعني سنه الا سته ايام علما انى لما رجعت من السعوديه اشتغلت لمده 5 شهور ،هل هيعتبرو الفتره الاولى ليا سنه ولا هيدققو في 6 ايام اصل بصراحه اتخنقت من دقتهم . ولا ممكن عادي سنه تتحسب على انقطاع .

ارجو من اخواني الافاده في اسرع وقت لاني قلقاااااان

شكرا جدزيلا

[masrylionking]

السلام عليكم و رحمه لله وبركاته

انا قريت حاجه استوقفتني للحظه انا هنقل لكم السطر الي مكتوب و الكتير منكم قراه قبل كده وليا عليه استفسار

What are the minimal requirements?

All applicants must meet the following minimal requirements to apply as a skilled worker:

You must have at least one year of continuous full-time, paid work experience or the equivalent in part-time continuous employment

معنى الكلام ده ان الواحد لازم يكون شغال المهنه الي مقدم عليها لمده سنه كامله مستمره ولا ممكن بانقطاع يعني مثلا 8 شهور كفتره و بعد سنه اشتغل 5 شهور في نفس المهنه .

هو الوضع عندى قريب الى حد ما لاني اشتغلت من بعد ترخيص مزواله مهنه (صيدله) و سافرت السعوديه كمندوب دعايه بعد تقريبا سنه (او اقل بايام قليله ) عشان ا كون محدد انا اشتغلت في الصيدليه من تاريخ 29/10/2009 و حتى 23/10/2010

يعني سنه الا سته ايام علما انى لما رجعت من السعوديه اشتغلت لمده 5 شهور ،هل هيعتبرو الفتره الاولى ليا سنه ولا هيدققو في 6 ايام اصل بصراحه اتخنقت من دقتهم . ولا ممكن عادي سنه تتحسب على انقطاع .

ارجو من اخواني الافاده في اسرع وقت لاني قلقاااااان

شكرا جدزيلا

عليكم السلام ورحمه لله وبركاته يا حج مالك عامل ازعرينه ليه مع الناس

حد فيكو جرب قبل كده انه يرده على نفسه :blush2:

انا بعد فحص عميق لمعظم المنتديات قدرت اوصل الى ان الكنديين بيجمعو الشهور فوق بعضها لغايه لما تكمل سنه فيما فوق (يعني قطاعي)

الكلام ده مش من عندي ده كلام لاقته في ملف ب دي اف حكومي تابع لهجره كندا الكلام بيقول ده

• be full-time work, which, according to R80(7), is equivalent to at least 37.5 hours of paid work

per week. Full-time work experience requirement may be met by the equivalent in part-time

paid work experience, e.g. more than one part-time job held simultaneously or one or more

part-time jobs held over the equivalent of one year of full-time work. Experience can be

calculated by adding up the number of weeks of full-time work, i.e. 37.5 hours per week in one

job or a total of at least 37.5 hours per week in more than one job, in one or more of the NOC

categories. Periods of work of less than 12 months during the 10 years immediately preceding

the date of the application may be added together and divided by 12 to calculate the number

of years

اي خدمه يا رجاله