عندما أمسك ابني الصغير بالمصحف وقال لي

[مصري المصري]

- مفيش فايدة : هتطلع لعبة أخوك الصغير يعني هتطلعها .

- يا بابا صدقني .. أنا مخبتهاش ..

- بقولك إيه ما تحاولش انت اللي أخدتها دور عليها وهاتها .

- ( يدور عليها في الشقة كلها ويرجع لي ويقول ) : ملقتهاش ..!

- ( غاضباً ) : اتفضل ادخل أودتك ومتطلعش منها .

هذا ما دار بيني وبين ابني ( علي : 10 سنوات ) بشأن اختفاء لعبة لأخيه الصغير ( عمر : 5 سنوات ) على خلفية أنه بصراحة عمل العملة دي أكتر من مرة سابقاً ..

المشهد التالي :

( عمر يجري مسرعاً وببراءة الشياطين ) : اللعبة بتاعتي أهه ..

- ( أنادي بصوت مرتفع من الصالة ) : يا علي .. تعال خلاص لقينا اللعبة ..

- ( علي يتأخر قليلاً في الخروج من الأودة ثم يخرج ممسكاً بالمصحف ويقول ) : يا بابا اقرأ هذه الآية ..

( يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا وَلَا يَغْتَب بَّعْضُكُم بَعْضًا أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَّحِيمٌ )

تمت .

[سهل جدا]

ما شاء الله عليه ولد ذكي.. ربنا يخليهولك..

===

بس حلو النيو لوك بتاعك ده يا أستاذ مصري md2:

[Alrefaey]

بسم الله ماشاء الله

الله يبارك لك فيهم ويرعاهم

[لولا]

كم هى شاقة جدا مسألة التربية والتوجية .

مشاء الله الموقف يعكس لى عدة اشياء

ان عمر ولد ذكى

انه حساس

الإتهام أثر فيه بشكل كبير

الموقف جعله يفكر كثيرا

اوصلته افكاره للأية الكريمة التى أطلعك عليها

واجهك بها ليقول لك لقد ظلمتنى يا بابا وشككت بى وقد كنت بريء وقد قلت لك ولكن لم تصدقنى.

حفظه الله لك وجعله ابن بارا لكم.

اتمنى ان تكون اعتذرت له بشدة عن ما شعره من ظلم فى حقه واتهام باطل.

الأبناء كائنات شديدة الذكاء والحساسية ومواقف كهذه تترك اثرا وذكرى فى نفوسهم .. من الجميل ان ينتهى الموقف برسالة ايجابية

لإصلاح ما حدث بان يتذكر ان بابا اعتذر له واننا يجب ان نكون دوما صادقين ضمن حديث هادئ وحميم معه .

تحياتى

لولا

[أبو محمد]

هذا ما دار بيني وبين ابني ( علي : 10 سنوات ) بشأن اختفاء لعبة لأخيه الصغير ( عمر : 5 سنوات ) على خلفية أنه بصراحة عمل العملة دي أكتر من مرة سابقاً ..

ماشاء الله .. ولد ذكى .. وهذا النوع من الأطفال يحتاج إلى معاملة خاصة

هل فكرت يا أخى الفاضل أن تشرح له معنى "إن بعض الظن إثم"

وهل فكرت أن تحكى له قصة الراعى والذئب ؟

[MZohairy]

واحشني يا مصري و رمضان كريم

و ربنا يخليهوملك md2:

[مصري المصري]

اخواني الكرام سهل جداً - Alrefaey

أسعدني مروركم الكريم

وأسعدتني أكثر كلماتكم الرقيقة ..

اتمنى ان تكون اعتذرت له بشدة عن ما شعره من ظلم فى حقه واتهام باطل.

الأبناء كائنات شديدة الذكاء والحساسية ومواقف كهذه تترك اثرا وذكرى فى نفوسهم .. من الجميل ان ينتهى الموقف برسالة ايجابية

لإصلاح ما حدث بان يتذكر ان بابا اعتذر له واننا يجب ان نكون دوما صادقين ضمن حديث هادئ وحميم معه .

أختى الكريمة لولا ..

والله مخبيش عليكي أنا كنت في نص هدومي .. وقمت بالإعتذار له وتعمدت أن يكون بشكل علني .

أسعدني مرورك الكريم ..

ماشاء الله .. ولد ذكى .. وهذا النوع من الأطفال يحتاج إلى معاملة خاصة

هل فكرت يا أخى الفاضل أن تشرح له معنى "إن بعض الظن إثم"

وهل فكرت أن تحكى له قصة الراعى والذئب ؟

أخي الفاضل أبو محمد ..

بداية .. أشكرك على مرورك الكريم

وأحاول أن أشرح له معنى الآيات التي يقوم بحفظها ( بقدر الإمكان ) .. وبالنسبة لقصة الراعي والذئب هحاول أعرفها أنا الأول وبعدين هحكيهاله md2:

واحشني يا مصري و رمضان كريم

و ربنا يخليهوملك

زهيري باشا ..

والله كنت خايف لتكون نسيتني ..

بالمناسبة : كويس انك فاكر الوردة الحمرا ..

والله واحشني بجد ..

[ذهبية]

الاول كل سنة و حضرتك طيب و كل المحاوراتية لان دة اول دخول ليا بعد رمضان الكريم

اولا بسم الله ماشاء الله على ابن حضرتك ربنا يحمية لك يارب دة مش ذكى بس دة هيطلع انسان حساس جداااا و ارجو من حضرتك انك

تاخد بالك من النقطة دى فى خلال تربيتة انة حساس و اى كلمة لو بسيطة بتاثر فية جدااااو بيفكر فيها مدة و بتشغل بالة

ثانيا مش عيب ابدااااا اننا كاباء نتعلم من ولادنا و تذكرت مسلسل ونيس اثناء قراءة موضوعك و ازاى ان الاولاد و احنا بنعلمهم بنتعلم

منهم بالعكس المواقف دى بتاثر فينا اكتر لانها من اعز ما نملك من اولادنا

انا كام بصراحة كل يوم بيعدى عليا مع ولادى مواقف اتفاجا بيهم و بردود افعالهم و اظل افكر فيها و بتغير كتير من افكارى

ولا اخجل انى اقول ان ساعات ولادى برغم ضغر سنهم بيعدلوا عليا و بيلفتوا انتباهى لاشياء بتكون بعيدة عن تفكيرى

و فعلا باشكرهم و اشجعهم انهم يعبروا عن رايهم و ان رايهم دة صح و احسن من راى كمان

ربنا يخلية لك و يبارك لك فية

ذهبية

[مصري المصري]

أختى الكريمة .. ذهبية ..

أسعدني مرورك الكريم .. وكل سنة وأنت بخير وبصحة وسعادة

وعندك حق انه مش عيب أن نتعلم من أبنائنا كما نعلمهم .. فتربية الأولاد اليومين دول بقت حاجة صعبة وخصوصاً مع تغيرات العصر اللي احنا عايشين فيه من قنوات وإنترنت وعشان كده لازم الواحد يبقى عنيه في وسط راسه زي ما بيقولوا ..

بارك الله فيك وفي أولادك وجعلهم قرة عين لك ... آمين

[enjisultan]

ما شاء الله على ابنك ربنا يحفظهم يا رب

بس على فكرة الكبير دايما مظلوم وغلبان بجد الكل بيحملوا المسؤلية والذنب

ما شاء الله احب احيك والمدام كمان على تربيتكوا لولادكم ماشاء الله لا حول ولا قوة الا بالله

على العموم المثل بيقول اخطب لبنتك ولا تخطبش لابنك

انا عندى عروستين حلوين ولا العرسان هيطلعوا مرتبطين ولا اية؟

[مصري المصري]

أخي الفاضل ونسيبي enjisultan ..

عندك حق فالكبير دايما هو اللي بيتحمل المسئولية وهو اللي بيطلع غلطان في كل الحروب والمناوشات اللي بتحصل بينه وبين اخواته وخصوصاً لما ربنا يوعده بعيل شيطان صغير على أي حاجة تلاقيه بيصرخ ويحسسك إن القيامة قامت وإنه مضروب ومتبهدل ومظلوم وفي الآخر يتضح انه اللي نكش أخوه الكبير وهو السبب في المشكلة اللي حصلت ..

المشكلة ان الصغير دايما بيصعب عليك .. حتى وانت عارف ان هو السبب ... :closedeyes:

سيبك .. خلينا في المهم : نقول الخميس الجاي كويس نلبس الشبكة ؟؟

وبص مالآخر كده خلي البنت الشقية فيهم للواد عمر الصغير هما هيعرفوا يتصرفوا مع بعض .. :yahoo:

[doha]

طيب تسمحولي معليش يادكتوره انجي والاستاذ مصري اقطع عليكم الجلسة العائلية دي في ملحوظه صغنونه كده ..

مرة زمااااان لما كانت بنتي لسه صغيره كان كل الي يشوفها يقعد يقول انا حاجزها لابني ومش عارف ايه .. فانا كنت باخذ الموضوع بهزار زيكم كده واقول ماشي واقعد اتشرط والذي منه .. في يوم وحده جزاها الله كل خير نبهتني الى ان الحكايه دي ممكن تكون غلط لان الرسول عليه الصلاة والسلام بيقول (( ثلاثه جدهن جد وهزلهن الزواج والعتق والطلاق )) يعني امور الزواج دي مفيهاش هزار وبما انكم اولياء ابنائكم فالي بتقولوه ده على سبيل المزاح المفروض يعتبر جد ..

من ساعتها بطلت اهزر الهزار ده خالص فعلا ملوش لازمه ..

معليش بقى لم عنقودين النور دول وطفوا المسجل بس محدش يحدفني بكرسي ولا حاجه وانا خارجه ...

فوتوكو بعافية ..

[enjisultan]

أخي الفاضل ونسيبي enjisultan ..

عندك حق فالكبير دايما هو اللي بيتحمل المسئولية وهو اللي بيطلع غلطان في كل الحروب والمناوشات اللي بتحصل بينه وبين اخواته :h!!!h: وخصوصاً لما ربنا يوعده بعيل شيطان صغير على أي حاجة تلاقيه بيصرخ ويحسسك إن القيامة قامت وإنه مضروب ومتبهدل ومظلوم وفي الآخر يتضح انه اللي نكش أخوه الكبير وهو السبب في المشكلة اللي حصلت ..

المشكلة ان الصغير دايما بيصعب عليك .. حتى وانت عارف ان هو السبب ... :h!!!h:

سيبك .. خلينا في المهم : نقول الخميس الجاي كويس نلبس الشبكة ؟؟

وبص مالآخر كده خلي البنت الشقية فيهم للواد عمر الصغير هما هيعرفوا يتصرفوا مع بعض ..

خلاص الصغيرة هى الشقية

و الكبيرة غلبانة لايقة على الكبير

كدة تمام والخميس برضة مش بطال..بس معلومة صغنونوة انا مامت العروستين مش بابهم

[مصري المصري]

أنا آسف جداً يا إنجي والله ما كنت أعرف وبعدين ده يدل على إني ضعيف في الإنجلش لأني معرفتش أقرأ الاسم كويس ..

آسف مرة ثانية وثالثة .. وأعتذر عن هذا الخطأ ..

و معلش يا ضحى عنقودين النور هيفضلوا زي ما هما والتسجيل مش هطفيه بعد ما اشتريته بدم قلبي .. واللي يحبنا ما يضربش نار .. لأن الفرح هيتعمل يعني هيتعمل .. أنا ما صدقت أن مامة العروستين وافقت :h!!!h:

على فكرة يا ضحى .. كلامك منطقي وأنا معاك فيما تقولين .. ولكنا زي مانت شايفه بنتكلم في تلبيس الشبكة فقط .. ومين عارف جايز الحكاية تقلب بجد ..

انجي .. متسمعيش كلام حد وخلينا نكمل الموضوع .. :h!!!h:

[عنبو]

ايوه انا معاكم وبما انى كان نفسى اطلع مؤزون البلد وانا صغير لذا فممكن تعتبرونى مؤزون المحاورات وانا تحت امركم طبعاً الحساب هيكون على العريس انا مخدش فى العمليه دى اقل خمششر دينار يعنى سره من الدنانير

[enjisultan]

آسف مرة ثانية وثالثة .. وأعتذر عن هذا الخطأ

يا فندم العفو ما فيش داعى للاعتذار وغالبا ما حدش بياخود بالة من الاسم الاول فولا يهمك

العنبى ما صدق

شكلة عايز يغير الكاريير يلا حلو كاريير مش وحش

لأ فعلا وتعمل اعلان علية صورتك (مؤذون البلد الحاج محمد عنبو) :sad:

[مدى]

ماشاء الله..

الله يبارك في تربيتكم ليهم..ويجعلهم قرة عين ليكم..

تم تعديل 31 أغسطس 2009 بواسطة مدى

[مصري المصري]

أولاً .. إحنا قولنا هنلبس الشبكة بس دلوقت مين قال هاتوا المأزون :) .. وعشان كده أجل موضوع الكاريير دلوقت يا عنبي .. اكيد هنحتاجك .. ومتقلقش صرة الدنانير جاهزة ومستنياك .. :lol:

وبعدين يا أبلة إنجي إحنا مش عاوزين كروته .. ادينا الأول شوية تفاصيل عن عروساتنا القمرات .. وكمان لسه قدامنا فترة الخطوبة عشان العرسان يتعرفوا على العرايس .. -_-

مش عارف أنا قلقان من البنت الصغيرة شكلها هي والواد عمر هيعملوا أحلى فترة خطوبة .. mfb:

[مصري المصري]

الأخت الكريمة مدى

أشكرك على كلماتك الرقيقة .. وأكيد هتكوني أول المدعووين .. :)