أفكار ديكورية .. مجنونية

[se_ Elsyed]

بما إن مخي إتلحس الأجازة ديه .. بالأفكار الديكورية ... وهارغي معاكو عنها بعدين عن تجاربي الحياتية

حبيت الأول أحط شويه صور مجنونه ... يمكن تعجبكو وتنفذوها في بيوتكو ..... اللهي يعمر بيوتكو

- مش عارف ليه تخيلت عم ابو محمد في الصورة دي .. وهو مجتمع مع أحفاده وبيحكي لهم حكايات من ضمن لقاء " حديث الثلاثاء " .....

كرسي فاميلي سايز

- الصورة دي موتتني من الضحك ....

هو كده الواحد هايقعد ولا هايرقد ؟

- عايز أفهم ... يعني الواحد لما يكون داخل الحمام الأكره تتحول للون الأحمر على أحساس تدي مشغول ولا هي كده على طول ولا إيه بالظبط ؟

- ده بقى عشان الناس اللي دودة قرايا ...

- ههههههههههه ... كرسي فايبريشن

- بصراحة .... كاسات تحفه .. تفتكروا اللي جوه الكاس ده منكر ولا عصير لمون ؟

- ناولني يابني شنطة العدة من عندك

- ترابيزة فكرتها في منتهى البساطة .. وهي في منتهى الشياكة

- تسلم الدماغ العالية دي

- تابع سلسلة الناس اللي بتحلق ودماغها بتوصل للسما

[se_ Elsyed]

- لهواة كرة القدم

- شيك قوي قوي

[Diab]

جميلة يا ابو عمر تسلم ايدك

كل سنة وانت طيب ورمضان كريم :closedeyes: :closedeyes: :closedeyes:

[mandoo]

كرسي فاميلي سايز

- الصورة دي موتتني من الضحك ....

يعنى أعمل فيك إيه ؟ وأنا كمان مش أسكت ... ندهت على بنتى نور ... وطبعا ياباشا جبت لنفسى وجع الدماغ .... وكل شوية تقوللى ... أنا حاوسة الكلسى ته ....

أقنعها إنه مش موجود ... وعمو سين سين بيهزر .... تقوللى لا أنا حاوزاه ... ممكن بقى تقولنا الكرسى ده بيتباع فين ..... ولا أبعتلك نور تتصرف معاك ... قلت إيه ؟ على فكرة نور هتكمل 4 سنوات قبل الإحتفال بالسادس من إكتوبر بيومين ...

وحمد الله على السلامة ونورت الرياض

[bentmasria]

افكار تحفة يا س س ربنا يكرمك عليها انا نويت اشترى شنطة عدة واجرب اعمل الطرابيزة ام روحين بصراحة تحفة فنية

فعلا افكار جديدة وتحفة

يسلم الذوق والاختيار

[النسر المصري]

]

- بصراحة .... كاسات تحفه .. تفتكروا اللي جوه الكاس ده منكر ولا عصير لمون ؟

]

لمون منكر مش ده تامهم دلوقتي

المهم ان مراتي ماسكة ف دراعي ومتشعلقة فيا وحالفه بالطلائع اني اجيبلها الكاسات دي بمناسبة عيد الجرجير القومي (اي مناسبة بتخترعها عشان اجيبلها اللي نفسها فيه)

رسونا ياجماعة اجيب منين الكاسات دي وانا على اتم استعداد احول الفلوس باللليرة اللبناني حتى لو عاوزين

بس فكولي ايدي !!

[ام بودى]

السلام عليكم حمد اللة على السلامة يا اخى سين سين وكل سنة وانت طيب رمضان كريم

شكرا على الافكار الحلوة طب شوف دول كدة شوية منحوتات خشبية بس تحفة

[Alshiekh]

هو كده الواحد هايقعد ولا هايرقد ؟

ياترى مدة الصلاحية تنتهى امتى؟

[mamdowh]

هو كده الواحد هايقعد ولا هايرقد ؟

ياترى مدة الصلاحية تنتهى امتى؟

المشكلة مش فى الصلاحيه المشكله انك ممكن تصحى تانى يوم تلاقى الصالون مليان كتاكيت تقعد فين فى الحالة دى ؟

وبالمناسبه دى تحضرنى نكته (واحد كل يوم بيحلم بماتشات كتاكيت فراح للدكتور وقاله يادكتور انا كل يوم باحلم بماتشات كتاكيت قاله خد الدوا ده وانت مش هاتحلم بالماتشات دى تانى ,قاله بس ممكن يا دكتور ابتدى العلاج من بكره , الدكتور قاله ليه , قاله أصل النهارده ماتش النهائى -_- :lol: :lol:

حمد الله على السلامه س س ورمضان كريم

[se_ Elsyed]

يا سلام

اخيراً لقيت ناس حلوين ولهم في الطراقيع زيي

هههههههههه

الابن العزيز مندو

على فكرة نور هتكمل 4 سنوات قبل الإحتفال بالسادس من إكتوبر بيومين ...

آممممممممممم

طب كده نجيب لنور كرسي هديه على هيئة مدفع

او على هيئة طيارة من بتوع صاحب الطلعه الجوية .. ان شالله طيارة صيني مستعمله ( توك توك بس بيطير يعني )

واكراماً لنور .. امرنا نحن سين سين ملك مصر والسودان ان يوم 4 اكتوبر هايبقى اجازة رسمية مدفوعه الأجر بمناسبة عيد ميلاد الابنة نور

الله

الوطن

سين سين

---------------

شكراً لمرورك يا دبدوب

ايه مش هاتنفعنا ؟

يعني خد لك ولو كرسي حمام حتى ... مش عايزين مشكور ومسرور والكلام ابو بلاش ده

-----------

ام مادا الغالية

كل سنة وانتي طيبة

قوليلي : مادا جاب فانوس كرومبو ولا لسه ؟ عاوز اجي العب معاه بقى

--------------

بص يا نسر

الكاسات دي متوفرة وبشده ... عارف شارع عبعزيز ... طب عارف بتاع الكبده اللي عاليمين قدام المطافي ... طب عارف بتوع المحاميل اللي هناك ... هاتلاقي بقى جنبهم محل من ابو كل شيء باتنين ونص ... روح وعيش يا معلم

-------

الدكتورة ام بودي

شوية منحوتات في الجون

بس تصدقي بالله ؟

انا باحسب الراجل ده منحوت برضوا هو كمان

[se_ Elsyed]

الله يسلمك يا ممدوح بيه

جامده نكته الكتاكيت

بس الله يخليك مش عاوزين تلقيح عالزمالكوية ... راعي مشاعير اصحابك المتكحرتين اللي ما بيعيش لهم مدرب

عم محمد

ممكن نناقش سوا كرسي الكاتكيت ده في باب المشرفين .. ونعمل اومليت وبانيه براحتنا

[عبقرينو]

اهداء خاص من رابطة المحاورين السيكوباتيين للاديب سين سين ورمضان كريم

ستارة حبنا

نشنت يا فالح

احبة مهما اشوف منة

ومهما الناس قالت عنة

انا هويت

وانتهيت ....

[mamdowh]

الحل الوحيد للجماعة دول انا عندى كتكوت قصدى مدرب شركسى ( اقرع من قفاه ) بريش أحمر هو ده اللى ينفعهم وبعدين قريب يعنى لا عايز مدرب أحمال ولا دياولو هما بس هايشفوه والشفا من عند الله :h!!!h: :h!!!h:

قول لا إله الا الله

[se_ Elsyed]

يخرب بيت عقل سعادتك يا عبقرينو

إنت جبت الحاجات السيكوباتيه دي منين ؟

بجد تحف تحف

نفسي أبقى دموي في شقتي كده

يعني ممكن احط دُميه لواحد مشنوق على باب الشقة

وكمان أكهرب الأكره ... بحيث أي حد ييجي يفتح الباب يقوم ملسوع ..

ولو فلت من الأكره أكون معلق له جردل زيت مغلي بحبل بحيث أول ما يفتح الباب يقوم الزيت المغلي واقع على دماغه ... بس كده ممكن الزيت يبقع الأرضية .. هاتصرف ؟

[النسر المصري]

بص يا نسر

الكاسات دي متوفرة وبشده ... عارف شارع عبعزيز ... طب عارف بتاع الكبده اللي عاليمين قدام المطافي ... طب عارف بتوع المحاميل اللي هناك ... هاتلاقي بقى جنبهم محل من ابو كل شيء باتنين ونص ... روح وعيش يا معلم

انت فاكرني بهزر ياريس...والله بتكلم بجد فعلا عاوز اشتريهم......بس معرفش اجيبهم منين ولا حتى عارف اعمل عليهم سيرش!!

الله يخليك ياس س تدعبسلي واعرفلي هم منين!!

مراتي لسه متشعلقه ف دراعي زي الأطفال ومصرة اني اجيبهم لها!!

هي تستاهل بصراحه!!