صلاة التراويح... اقبال كبير

[MZohairy]

هناك نقطه لم استوعبها بالقدر الكافي حقيقة

لماذا يتهافت المسلمون على صلاة التراويح في المساجد بالرغم من انها سنه فقط و تستغرق وقت طويل نسبيا؟

و لا يتهافتون بنفس الدرجه على أداء باقي الصلوات اليوميه في المساجد و هي فرض و تستغرق وقت قصير نسبيا؟

هل هو اعتقاد خاطئ لدى البعض بأن ثوابها أكبر مثلا؟

أم هو اعتقاد خاطئ بأنها فرض مثلا؟

أم هي اصبحت روتين رمضاني يتم بدون تفكير؟

[التونسى]

اعتقد انه يوجد تهافت ايضا على باقى الصلوات فى شهر رمضان .. ولم ألحظ ماتقوله اخى الكريم ..قد يكون هذا شئ نسبى من مكان لاخر ..ولا انا ولا انت ولا غيرنا يستطيع الجزم بشكل قاطع وفاصل حول هذا الامر ..ولكن الاحظ طبعا ان التهافت على الصلوات فى المساجد يكون بنسبة كبيره جدا لدرجة كامل العدد ((full mosque))فى رمضان مقارنة بباقى شهور السنه التى لا تشهد مثل هذا الاقبال على المساجد

اما سر التهافت على صلاة التراويح فاعتقد لان وقتها يجئ بعد الافطار .. وكذلك بعد انتهاء معظم الناس من عملهم اليومى .. وهى شئ جميل ومستحب .. فالعبادات بكافة اشكالها فى شهر رمضان ثوابها عند الله اضعاف مضاعفه .. والاقبال الكبير على هذه الصلاه قد تعبتره اخى الكريم بمثابة تجارة مع الله .. بدلا من التجاره مع المسلسلات والبرامج المختلفه

[MZohairy]

انا اقارن فقط بين صلاة التراويح في رمضان و باقي الصلوات اليوميه في غير رمضان

بعض الناس لا يذهبون الى المسجد في خلال السنه الا قليلا جدا

و تجدهم يواظبون على صلاة التراويح في رمضان بشكل يومي

[الحازم حسن]

يا مواضيعك يا زوهيري

بقالها كام يوم كده أرض جو عابرة للقارات قادرة على حمل رؤوس نووية

[elfakhrany]

رمضان شهر المغفرة .

[التونسى]

انا اقارن فقط بين صلاة التراويح في رمضان و باقي الصلوات اليوميه في غير رمضان

بعض الناس لا يذهبون الى المسجد في خلال السنه الا قليلا جدا

و تجدهم يواظبون على صلاة التراويح في رمضان بشكل يومي

نقول كمان .. تجاره مع الله .. فثواب أداء العبادات فى رمضان اضعاف مضاعفه .. ومش بس صلاة التراويح اللى بتكون عليها اقبال .. لكن كمان اخراج الصدقات واطعام الفقراء بيكون فيها اقبال من المسلمين .. وياريت فعلا تكون الروح الايمانيه دى موجوده فى معظم ايام السنه وليس رمضان فقط .. لكن لان رمضان ((وبقول كمان)) فيه الحسنة على عمل الخير والعبادات اضعاف مضاعفه .. فعشان كده تلاقى ظاهرة اقبال الناس على صلاة التراويح وغيرها من العبادات

يعنى باختصار وبمثل بسيط رمضان مثل(( اوكازيون دينى سنوى )) .. وضعه الله للناس رحمة ومغفرة .. ويمكن ده اللى بيحرك الناس ويشجعهم ويدفعهم لفعل الخير .. فيه اللى بيقلل من ذلك بعد انقضاء الشهر .. وفيه اللى بيستمر على نفس المنوال ..

تم تعديل 30 أغسطس 2009 بواسطة التونسى

[MZohairy]

يعنى باختصار وبمثل بسيط رمضان مثل(( اوكازيون دينى سنوى )) .. وضعه الله للناس رحمة ومغفرة .. ويمكن ده اللى بيحرك الناس ويشجعهم ويدفعهم لفعل الخير .. فيه اللى بيقلل من ذلك بعد انقضاء الشهر .. وفيه اللى بيستمر على نفس المنوال ..

حضرتك مافهمتش استفساري للأسف

الاوكازيون ده هل مفروض يخلي الناس تتهافت على صلاة السنه في رمضان في المسجد و عدم صلاة الفرض خارج رمضان في المسجد؟

مش ده اللي بيحصل؟

التهافت على اللا واجب في رمضان

و عدم التهافت على الواجب خارج رمضان

مش اللي بيعمل كده يبقى فاهم الدين غلط؟

[لولا]

يعنى باختصار وبمثل بسيط رمضان مثل(( اوكازيون دينى سنوى )) .. وضعه الله للناس رحمة ومغفرة .. ويمكن ده اللى بيحرك الناس ويشجعهم ويدفعهم لفعل الخير .. فيه اللى بيقلل من ذلك بعد انقضاء الشهر .. وفيه اللى بيستمر على نفس المنوال ..

حضرتك مافهمتش استفساري للأسف

الاوكازيون ده هل مفروض يخلي الناس تتهافت على صلاة السنه في رمضان في المسجد و عدم صلاة الفرض خارج رمضان في المسجد؟

مش ده اللي بيحصل؟

التهافت على اللا واجب في رمضان

و عدم التهافت على الواجب خارج رمضان

مش اللي بيعمل كده يبقى فاهم الدين غلط؟

المسألة لا تندرج حسب فهمى تحت بند فهم خاطيء للدين ..

ولكنها الهمم يا زهيرى ..

همم تعلو وتهبط فى عام كامل لأن النفس البشرية ضعيفة جدا وللأننا نتحدث عن انفسنا ونحن بشر فأظن اننا غالبا نعانى هذا العارض

فى رمضان شهر الصوم ومضاعفة الأجر حيث تتوقف النفوس وتعيد حساباتها ..

تخرج للتراويح والتهجد لأن فى النفوس رغبة صادقة فى الحصول على الأجر المضاعف فى رمضان .. نعم هو اوكازيون ..لما لانستغله ؟

..

نحن نتخفف مما نحمله من كم هائل من الذنوب فى هذا الشهر - على الأقل كهذا نرجو - بالتالى يكون حضور صلاة التروايح مع ما فيها من دعاء

يدعوه الأمام ويؤمن عليه المصلين ما يجعل الحواس كلها تخشع والله .. تقف فى هذا الجمع الغفير ويؤمن الناس على الدعاء وتؤمن الملائكه فى السماء

وترجو ان تنالك رحمة واسعة من عنده على كل من كان فى هذا الجمع الغفير فى بيت من بيوت الله ومجلس من مجالس ذكره .

قولى يازهيرى ..هو اى شخص انا او انت او هو او هى كان مقصر فى شيء ودخل رمضان وبقى بيزيد على اداء الفرائض

السنن وبقى حريص على ختم القرآن مرة وانتين فى الشهر دوت وبقى حريص انه يعمل عمره لو كان قادر هل هو كده يعتبر "فاهم الدين غلط ".

اعتقد ان المسألة ابدا لا تقع تحت هذا التفسير ..

اكرر هى همم تعلو وتهبط .. نسأل الله دوما وابدا ان يثبتنا يارب .. ان نكون من القائمين العابدين طوال العام .

تحياتى

لولا

[MZohairy]

كلامك يا لولا فيه شيئ كبير من الحق

لكن انا اتحدث من ناحية المفاهيم الدينيه

ناس كتير عندها وقت فاضي و عمرها ما بتصلي في المسجد

و تلاقي نفس الناس دي كل رمضان حريصين جدا على أداء صلاة التراويح في المسجد

عن نفسي أرى تناقض في هذا التصرف

[لولا]

كلامك يا لولا فيه شيئ كبير من الحق

لكن انا اتحدث من ناحية المفاهيم الدينيه

ناس كتير عندها وقت فاضي و عمرها ما بتصلي في المسجد

و تلاقي نفس الناس دي كل رمضان حريصين جدا على أداء صلاة التراويح في المسجد

عن نفسي أرى تناقض في هذا التصرف

على فكره .. ساعات اخاف اعلق على اجزاء من كلامك فى عدة مواضيع لأنى معنديش نفس طوووووووووووووووووويل كده زيك - ما شاء الله يعنى -

تقول انه تناقض فى التصرف ..

وان كان ..

اظن التناقض اصبح السمة الغالبه لكل ما تراه حولك ..

حتما قرأت مقال الأسوانى .

ولكن ..

اعود فأقول لك .. انسان تراه يفعل ذلك وتفسر تصرفه بالتناقض .. اقول لك انه تناقض راجع الى تناقض هممنا صعودا ونزوووووووووووولا :closedeyes:

المفاهيم الدينيه لا تندرج كلها فى لستة التطبيقات للجميع على ارض الواقع .. هناك جزء من الدين نطبقه .. وهناك جزء نكتفى بفهمه وننتظر الهدايه لتطبيقه ..

وهناك جزء آخر اختلطت فيه العاده بالعباده وهناك وهناك اجزاء واجزاء

تحياتى

لولا

[MZohairy]

كلامك يا لولا فيه شيئ كبير من الحق

لكن انا اتحدث من ناحية المفاهيم الدينيه

ناس كتير عندها وقت فاضي و عمرها ما بتصلي في المسجد

و تلاقي نفس الناس دي كل رمضان حريصين جدا على أداء صلاة التراويح في المسجد

عن نفسي أرى تناقض في هذا التصرف

على فكره .. ساعات اخاف اعلق على اجزاء من كلامك فى عدة مواضيع لأنى معنديش نفس طوووووووووووووووووويل كده زيك - ما شاء الله يعنى -

تقول انه تناقض فى التصرف ..

وان كان ..

اظن التناقض اصبح السمة الغالبه لكل ما تراه حولك ..

حتما قرأت مقال الأسوانى .

ولكن ..

اعود فأقول لك .. انسان تراه يفعل ذلك وتفسر تصرفه بالتناقض .. اقول لك انه تناقض راجع الى تناقض هممنا صعودا ونزوووووووووووولا :closedeyes:

المفاهيم الدينيه لا تندرج كلها فى لستة التطبيقات للجميع على ارض الواقع .. هناك جزء من الدين نطبقه .. وهناك جزء نكتفى بفهمه وننتظر الهدايه لتطبيقه ..

وهناك جزء آخر اختلطت فيه العاده بالعباده وهناك وهناك اجزاء واجزاء

تحياتى

لولا

ماشي يا معلمي

انتي الصح هنا

بس ماتنسيش التبرعات الكثيره في رمضان و الشبه معدومه في غير رمضان

ومتنسيش فعل الخير الكتير في رمضان و عدم فعله خارج رمضان

بحس يا لولا من تصرفات الكثيرين ان رب رمضان ليس هو رب باقي الأشهر

و الله اعلم

اخوكي مظهيري

[سهل جدا]

اللي أعرفه يا أستاذ زوهيري إن لكل مقام مقال

يعني دلوقتي ولله الحمد الناس عندها إقبال على الطاعة بالرغم من إن عندهم تقصير كبير

وكلنا أصحاب تقصير

فمانجيش نقول الكلام ده دلوقتي.. عشان ما نثبطهمش

يعني لما يبطلوا طاعة وصلاة تراويح هاتنبسط يعني..

أنا عارف حسن نيتك من فتح الموضوع ده..

لكن أعتقد إن الوقت المناسب له ليس الآن

وإنما في نهاية رمضان إن شاء الله

تقبل الله منا ومنك الصيام والقيام وقراءة القرآن

[MZohairy]

بالعكس

النقاش اثناء حدوث الظاهره هو انسب الاوقات

[الترجمـان]

أخي العزيز زهيري حضرتك بتتكلم في مسأله صعب انك تحدد فيها موضوع التناقض الذي تتحدث عنه ..

فحضرتك أكيد لا تنكر أن باب التوبة بين العبد وربه مفتوح في أوقت وفي أي ساعة ..

ولا تنسى أن الجرعة الإيمانية والروحية التي تتضمنها فلسفة الصيام في رمضان عالية جدا من الشعور بالفقراء والمحتاجين إلى صلة الرحم وخصوصا عندما يجد المقصر عن الصلاة اليومية المفروضة عليه طوال العام هذا التشجيع الجماعي والدعم النفسي الذي يساعده على التوبه الصادقة لله وتعويض ولو جزء مما فاته بالإنتظام في الصلاة واداء التراويح وقيام الليل إذا امكن ..كل هذا محمود ومطلوب.

أما بالنسبة للفهم الخاطئ للدين فهو موجود أيضا ..

فهناك بعض المسلمين يتعاملون مع بعض النصوص بطريقة حسابية زي ( 1 + 1=2)..

أو ( ذنوب ومعاصي طول السنة - صيام عرفات مثلا = صفر من الذنوب للسنه الماضية واللاحقة)

أو ( ذنوب ومعاصي طول حياته - اداء فريضة الحج = صفحة بيضاء من الذنوب ) .. وهكذا

فاعتقد ان هذا لا يستقيم أبدا إذا طوعنا المقدس بهذا الشكل حتى نطمئن ونفعل ما نشاء من الذنوب ونحن مرتاحين البال أن مغفرة الرحمن نجدها بأداء مجموعة من الطقوس بدافع الإيمان قطعا دون النظر إلى مجموعة الأعمال التي تقترن بتلك الطقوس ولا تنفصل عنه

تحياتي

[MZohairy]

حديلك مثال و حاول تقيس عليه

في تونس الشقيقه مثلا تجدههم يبيعون الخمور في كل مكان ماعدا يوم الجمعه (احتراما لليوم المقدس)

و تلاقيهم يوم الخميس بيبيعوا ضعف مبيعات الأيام العاديه (الناس اللي ما بتقدسش الجمعه بيبضعوا استعدادا للجمعه)

مثال آخر

تلاقيهم ايضا يشتموا بعض بالدين في كل الايام ماعدا الجمعه (عشان حرام يعني يوم الجمعه نشتم فيه بعض)

مثال تالت

تلاقي كل السكرجيه (اللي بيسكروا يعني) في أواخر شعبان بيشربوا لما يتعموا عشان مبيشربوش في رمضان ابدا

كل هذه الأمثله بهدف ايضاح ان كثير من الناس رب رمضان بالنسبة لهم أو رب يوم الجمعه غير رب باقي الشهور و الأيام

و قيس على ذلك ما يحدث عموما في امة الإسلام في رمضان

ليس الهدف من الموضوع ان يتوقف الناس عن فعل الخير في رمضان كما يحدث في باقي الشهور

و انما العكس

و هو ان يقبل الناس على فعل كل ما هو طيب في كل الشهور بلا استثناء