اين اماكن الترفية العائلى بالرياض

[sayed]

خلال فترة قصيرة لا تتعدى شهر ، وهى فترة وصولى الى المملكة

زرت خلالها الدمام وجدة ومكة والطائف

وجدت فى الدمام ومكة وجده حدائق عامة مفتوحة بها العاب للاطفال

ولكن فى الرياض لا اجد شىء يتسلى به الاطفال

فهل يعرف احدكم اماكن ترفية عائلية بالرياض

[mama nona]

عندك منتزه سلام

عندك حديقة المركز التاريخى

عندك المولات ال فيها مواقع ترفيه للاطفال زى العثيم مثلا فالربوة وخريص والسويدى والملك عبدالله

عندك الترفيه للحكير لاند

عندك فانتزى لاند

وبعدين هنا فالرياض

مفرشك فشنطة عربيتك .... وشايك وميتك و تسليتك معاك

اجدع حتة تعجبك تنزل وتركن وتفرش فيها

واهو ده احلى ترفيه

واتمنى لك اوقات ترفيهية سعيدة ان شاء الله

[MZohairy]

والله يسأل في ذلك الحاج سي السيد زميلي في الرياض الشقيقه

بس عموما العيشه في الرياض معموله اساسا عشان الشغل و الفلوس

اما الترفيه بمعناه الحقيقي فهو غير موجود

فقط ترفيه جزئي او وهمي

الا اذا اعتبرت التمشيه في المولات نوع من انواع الترفيه بحكم كونه مكان مكيف على الأقل

في رأيي جده افضل حالا كثيرا من الرياض في موضوع الترفيه الجزئي

بالتوفيق

[se_ Elsyed]

ما تسيبنا في همنا يا عم زهيري

ولا نيجي نولع لك في هانوفر ومونتريال وبريتيش هامبورجر بتاعتك دي

ماما نونا .... لكي تحياتي ... انتي من الاحرار

[MZohairy]

ما تسيبنا في همنا يا عم زهيري

ولا نيجي نولع لك في هانوفر ومونتريال وبريتيش هامبورجر بتاعتك دي

أموت انا في الديره و المنفوحه -_-

[se_ Elsyed]

انا كنت ساكت ومش عاوز احرجك قدام الناس

طب .. انتو في كندا بطولها وعرضها ... عندكو صالات تزحلج عالثليج ؟

ها

قول بقى

قول

احنا عندنا هنا كذا صالة

احرجتك ... مش كده ؟

طب اسمع النكته دي

واحد بيقول للتاني

تصدق ان ربنا غضبان على بتوع كندا ؟

قال له ليه ؟

قال له وهو لو كان راضي عنهم كان رماهم بعيد كده

[عاشق النيل]

بعد السلام عليكم

المولات الكبيرة بها ملاهى اطفال وقعدات عائلية

الثمامة ممكن استئجار استراحة عائلية

الروضة مليانة اماكن ترفية

1)حديقة الروضة العامة

2)ملاهى الروضة

3)العديد من الحدائق الصغيرة بالروضة بها ملاهى اطفال

وبعد كدة تطلب دليفرى وحمضيات وتسترخى بالمنزل المكيف

وشكرا

[enjisultan]

بعد السلام عليكم

المولات الكبيرة بها ملاهى اطفال وقعدات عائلية

الثمامة ممكن استئجار استراحة عائلية

الروضة مليانة اماكن ترفية

1)حديقة الروضة العامة

2)ملاهى الروضة

3)العديد من الحدائق الصغيرة بالروضة بها ملاهى اطفال

وبعد كدة تطلب دليفرى وحمضيات وتسترخى بالمنزل المكيف

وشكرا

طب ما الرياض كويسة اهة اومال بتقولوا عليها وحشة لية ؟

دون الخروج عن الموضوع الجنة هى الحتة اللى فيها الناس اللى بحبهم حتى لو كانت مصر شوفتوا ازاى

والجنة من غير ناس ما تنداس حتى لو كانت كندا

بس الكل مضطر

ربنا مع الجميع

[MZohairy]

انا كنت ساكت ومش عاوز احرجك قدام الناس

طب .. انتو في كندا بطولها وعرضها ... عندكو صالات تزحلج عالثليج ؟

ها

قول بقى

قول

احنا عندنا هنا كذا صالة

احرجتك ... مش كده ؟

طب اسمع النكته دي

واحد بيقول للتاني

تصدق ان ربنا غضبان على بتوع كندا ؟

قال له ليه ؟

قال له وهو لو كان راضي عنهم كان رماهم بعيد كده

والله يا احمد كنت انا و مراتي في مكه سنة 93 لما منلاقيش حاجه نعملها خالص و بعد ما نعمل عمره و خلصنا خلاص و ويك اند بقى نعمل ايه؟

نطلع على جبل و نقعد مسهمين و نرجع على البيت

يا إما نروح مزدلفه نتفرج ع الناس اللي فارشه و قاعده في الخلاء

يا إما نروح السوبر ماركت الوحيد ايامها كان اسمه بن داود

غير كده حتى المطاعم كانت ممنوع فيها العائلات ايامها يعني ماينفعش ادخل آكل انا و مراتي

يا إما نروح جده

كانت فتره صعبه جدا

جده بقى مختلفه كتير عن مكه و اماكن التنزه كتير جدا بالمقارنه

الرياض ماخففش عننا فيها غير اننا كنا ساكنين في كمبوند و جيراننا محترمين قوي و بقينا زي الاهل

الخبر ما طقتهاش

صغيره و مفيهاش غير انك تروح البحرين كل اسبوع

ده ملخص السعوديه

نسيت صحيح....

كان فيه جنينة حيوانات في الرياض ممنوع يدخلها الرجاله

يعني الزوجه و الاطفال فقط

لسه دي زي ما هي؟

[se_ Elsyed]

الجنة هى الحتة اللى فيها الناس اللى بحبهم حتى لو كانت مصر شوفتوا ازاى

والجنة من غير ناس ما تنداس حتى لو كانت كندا

بس بقى يا انجي احسن هاعيط والله

---------------

كان فيه جنينة حيوانات في الرياض ممنوع يدخلها الرجاله

يعني الزوجه و الاطفال فقط

لسه دي زي ما هي؟

لأ يا خويا

الجونينه دلوقت بقت زي الفل وجددوها وعملوا استقدام لحيوانات جديدة .. بس لسه بيأكلوا الاسد فول سوداني لانه جاي بتأشيرة قرد والبيه مش عارف يغير مهنه ولا لاقي مُعقب كويس يغيرها له عشان يدوق اللحمه

وفتحوها كمان للعائلات وكله تمام

آه بالحق

الزرافه بتسلم عليك وبتقول فين ايام زهيري هو الوحيد اللي كان طويل وحاسس بيه

[mama nona]

يااااااااااه يا عم زوهيرى

ده انت لفيت المملكة كلها

من ايام زمان اوى

انا من مواليد السعودية - الرياض

وكل ما افتكرالرياض دى كانت ازاى والوقت ىازاى

اقوووول سبحان الله

ده احنا كنا اموات

لا كان فيه سوبر ماركت

ولا مطاعم

ولا خروج من اصله

ولما كنا نحب نخرج نطلع عالجبل شوية ونرجع

شوف بفى الرياض الوقتى ايه

على فكرة حديقة الحيوانات الوقتى بقوا يدخلوها حريم ورجال واطفال وكل ال عايزهم يدخلو ابعتهم انت بس واحنا تحت امرك

فيها ايام للعائلات وايام للرجال فقط وايام للحريم فقط

ورمضان كريم