حملات للقبض على المجاهرين بالإفطار في شوارع أسوان

[White heart]

هو المسلم ده طفل صغيّر سيتألّم حين يرى غيره يأكل و يشرب و هو محرّم عليه الأكل و الشرب حتى الآذان !! و بصراحه أكثر أعتبر مدحنا ل "مراعاة المسيحيين لمشاعرنا بعدم تناول أكل و شرب خلال صومنا" فيه قدر من الضغط النفسى عليهم و كأنّنا بنقول لهم ضمنيا لو أكلتم أو شربتم خلال صومنا يبقوا مش بتراعوا مشاعرنا و بتجرحونا !! لا يا جماعه الصوم أكبر كثير من هذا كلّه .. و الله أعلم

ومين قال أن المسلم سيتألم كطفل صغير عندما يرى غيره يفطر .. اسمحيلي يا أخت فيروز فليس هذا ما قصدته من قريب او بعيد .. القصة كلها بشكل مبسط أننا دولة إسلامية وأن الإسلام له أركان يجب مراعاتها على كل المقيمين في هذه الدولة .. وليس الأمر اختلاف آراء لكل منا رأيه الخاص ..

هذا ديننا .. وهو ليس مستباح لهذه الدرجة لكي يفطر الناس هكذا جهاراً نهاراً في بلاد المسلمين ونقول حرية شخصية ..

تحياتي لك ..

[White heart]

(مصري المصري @ Sep 3 2009,11:55 PM)

ومين قال أن المسلم سيتألم كطفل صغير عندما يرى غيره يفطر .. اسمحيلي يا أخت فيروز فليس هذا ما قصدته من قريب او بعيد .. القصة كلها بشكل مبسط أننا دولة إسلامية وأن الإسلام له أركان يجب مراعاتها على كل المقيمين في هذه الدولة .. وليس الأمر اختلاف آراء لكل منا رأيه الخاص ..

هذا ديننا .. وهو ليس مستباح لهذه الدرجة لكي يفطر الناس هكذا جهاراً نهاراً في بلاد المسلمين ونقول حرية شخصية ..

تحياتي لك ..

طيب ممكن حضرتك تشرح لى ما المقصود بفكرة احترام المشاعر التى وردت فى الموضوع أكثر من مرّه و التى تتمثّل بالنسبه للبعض فى أن المسيحيين لا يتناولون الطعام أو الشراب أمام المسلمين خلال وقت الصوم !!

ما الذى يجرح مشاعر المسلم أو يهزّ أركان الإسلام حين يفطر الغير مسلم لأن دينه يبيح له هذا !!

هل هناك فتوى تمنع على الغير مسلم أن يفطر فى مطعم مكشوف مثلا أو فى حضور مسلمين؟

أفيدونا ..

[White heart]

(مصري المصري @ Sep 3 2009, 10:28 PM)

عفوا وايت هارت ..

هذا ديننا .. ركن من أركان إسلامنا .. والصيام في بلادنا ليس عادة يحق لي أن أصوم ويحق للأخر أن يجاهر بالافطار هكذا جهاراً في الشارع ..

هو ليس وجهات نظر يعجبني أحدها ولا يعجبني وجهة النظر الأخرى فأجاهر برفضها ..

هذا ديننا ..

وفقا لهذا المصدر:

قال رسول الاسلام" : من صام رمضان ايمانا واحتسابا، غفر له ما تقدم من ذنبه، ومن قام ليلة القدر إيمانا واحتسابا، غفر له ما تقدم من ذنبه. (رواه أبو هريرة)

اذا أنا لم اخطئ عندما قلت ان من حق أى مواطن "إختار" ان يقوي العلاقة التي بينه و بين خالقه وقرر أن يصوم، أنه يقدم على هذا العمل تقربا لله و طمعا فى رحمته .... أذن ان يصوم أو يفطر هذا لا ينفع أو يضر أى مواطن آخر (اى كانت عقيدته) ... وبكل تأكيد هذا المواطن الآخر (أى كانت عقيدته) هو بالفعل حر تماما فى إختياره كحق أصيل ... وإذا ما أصريت على "إحتكار" حق، و "مصادره" حق غيرك، تحت زعم ان هذا يعتبر تعد على حقوق الله سبحانه ورفض لأوامره الربانية ... فبكل تأكيد و بلاجدال انت بهذا من وجهة نظري لا تفعل الا محاولة "إقتسام" سلطة و حق آلهي صرف/أصيل .. اذ هو وحده سبحانه وتعالى من يحق له - متى إسترد تلك الروح لديه - أن يحاسبها حسب علمه ومشيئته هو .... و إذا أصررت أكثر فهذا لا يعني بالنسبة لي الا انك تعمل بعكس نفس التعاليم الدينية ذاتها ... وليكن على سبيل المثال وليس الحصر ماورد فى القرآن الكريم حيث نقرأ قوله تعالى:

{ لا إكراه في الدين قد تبين الرشد من الغي } (البقرة:256)

أو قوله تعالى فى سورة الكهف الآية [29]:

﴿وَقُلِ الْحَقُّ مِن رَّبِّكُمْ فَمَن شَاء فَلْيُؤْمِن وَمَن شَاء فَلْيَكْفُرْ إِنَّا أَعْتَدْنَا لِلظَّالِمِينَ نَارًا أَحَاطَ بِهِمْ سُرَادِقُهَا وَإِن يَسْتَغِيثُوا يُغَاثُوا بِمَاء كَالْمُهْلِ يَشْوِي الْوُجُوهَ بِئْسَ الشَّرَابُ وَسَاءتْ مُرْتَفَقًا29﴾

حاول أن تفرق جيدا بين ما هو من سلطان الله سبحانه وتعالى وحده، و بين واجبتك أنت كفرد واحد "ممتحن" على هذه الأرض ... إخترت كحق أصيل لك أن تؤمن بكل هذه التعاليم وتطمع فى ربح/نجاح كبير فى الآخرة ... ودع باقي الأفراد "الممتحنين" وإختياراتهم المختلفة كحقوق أصيلة لهم هم أيضا ... أظن واضح؟

المسيحيون في بلادنا هم أحرص الناس على إحترام مشاعر المسلمين والعكس صحيح بالطبع .. فلماذا تحرص دائماً يا وايت هارت على إثارة النزعات الطائفية هنا في المنتدى ..

أتمنى أن تكون الرسالة قد وصلت ..

لا أعتقد ..

n2&(

دعك من "غيرك" سواء كانوا مسيحيين أو غيرهم، فأنا لم أتعرض بشر لأى أحد ... وحاورني Mano-a-mano ...

الا إذا كنت لا تقتن الا المبـــــــــــــادرة بإستخدام أساليب الشخصنة أو الشللية، عوضا عن المحاججة فهذا أمر آخر ....

تحياتي.

[White heart]

والله يا جماعة من اول ما ابتدي الشهر الكريم ده و انا ممتنع تمامآ عن التعليق عن اي موضوع منعآ للحساسية ... و كل يوم اقرا في مداخلات المسيحيين مالهمش فيها و لا في الطور و لا في الطحين ... لكنهم بالعافية لازم يتجاب سيرتهم و تلاقي الكلام بصورة ما اترص يخللي الواحد بصراحة .. يفنجل عينيه مستغرب من اللي بيسمعه .. قصدي من اللي بيقراه ...

موضوع بين أخوتي المسلمين عن المصاصات و تشبيهها بالحجاب !! ... تلاقي اتجاب فيه المقارنة بالراهبات !!!! ماشي ...

موضوع عن فوازير رمضان الدينية ... الاقي نفسي فيه عدو الله و عدو الرسول عليه السلام و مسيري جهنم مليون في الميه .... يا سلام ... ربنا يديم المودة يا سيدي ... وفداك يا حبيبي روحي و روح ابويا و امي اللي حكمت عليهم خبط لزق كده المهم انك تسلي صيامك ...

موضوع عن شيخ الأزهر اللي ادلي برأي انه ممكن المسلم يتبرع لبناء كنيسة .. و بالرغم انها حاجة عمرها ما حتحصل في مصر و ما افتكرش ان فيه حتي واحد مسيحي هف علي دماغه انه يطلب منه طلب مماثل ... الاقي كنايسنا تتشبه بنوادي القمار و زرايب الخنازير .. كتر خيرك والله ده كرم كبير ...

موضوع عن اتهام جديد لانج انضم لقانون العقوبات المصري اسمه المجاهرة بالأفطار ... و ازاي الشرطة المصرية اضافت الي واجباتها المتعددة واجبات جديدة موجودة في دولة السعودية الشقيقة و المتمثلة في الهيئة ... الاقي برضه المسيحيين اتحشروا فيه من غير مناسبة ... و ان كانوا بصورة نوعا ايجابية في اظهارهم بمن يحترم مشاعر المسلمين .. بس و لو ... من الناحية التانية برضه كفرة و حيخشوا النار ... طب ما دام حنخش النار كده كده ... يبقي بلاها احترام مشاعر ..... ولا هو هم في الدنيا و في الآخرة كمان ....

هو فيه ايييه ؟؟؟ ما تخليكم حلوين شوية ... اللي بيقرا ده من اخوانكم ... و لا بلاش اخوانكم .. من جيرانكم او معارفكم او البني آدمين دول اللي اسمهم مسيحيين بيجري جوا عروقهم برضه دم .. مش سطل مية ساقعة ...

ده رمضااان يا جماعة ... اومال في ذو الحجة حتعملوا ايه ؟؟

[White heart]

العزيز سكوب ..

لو قرأت جمييييييييع مداخلاتي جيداً ستحس فيها تقدير وإعزاز شديد بإخواننا المسيحيين .. ولك أنت يا عزيزي سكوب تقدير خاص ..

ولكننا جميعاً نعيش في بلد دينها الرسمي هو الإسلام ( مع كامل إحترامنا للأخوة المسيحيين ) فليس من المعقول أن يتم استباحة ركن أساسي من أركان الإسلام بالإفطار جهاراً في نهار رمضان ..

تحياتي لك ..

[White heart]

عزيزي مصري المصري .. انا لم اوجه اطلاقآ اي اصبع اتهام لأحد ... لقد قمت بما يسمي ببعض "الفضفضة" عندما وجدت ان الأمر أصبح بالفعل مبالغ فيه ... مبالغ فيه ليس فقط في جانبه العقائدي .. و لكن في كثيرآ من التناقضات الصارخة التي تحتوي عليها بعض المداخلات الناصحة ....

و لكن ما دام هذا يجعل المرء يرضي عن نفسه و يقتنع انه بالفعل أدي واجبه .. فلا بأس ... هنيئآ له بهذا الأعتقاد ...

بالنسبة لموضوعنا الحالي .... لا أتذكر اطلاقآ ان المجاهرة بالأفطار كانت ابدآ جريمة يعاقب عليها القانون ... فما هو تكييفها القانوني الحالي و تحت اي بند في الدستور المصري يتم الأتهام و العقاب ... و الأهم ...

اشمعني السنة دي ؟؟؟

تحياتي و احتراماتي ... و

رمضان كريم

[White heart]

(مصري المصري @ Sep 3 2009, 03:55 PM)

هذا ديننا .. وهو ليس مستباح لهذه الدرجة لكي يفطر الناس هكذا جهاراً نهاراً في بلاد المسلمين ونقول حرية شخصية ..

تعرف لو انا كنت فاطر وواحد بص لى وقال لى انت فاطر ليه حارد عليه واقول له ايه؟ حاقوله " وانت مالك " عايز تفطر افطر عايز تصوم صوم ومالكش دعوة بغيرك وورينى عرض قفاك ، وحاقول له ورينى عرض قفاك لانه تجرأ وسألنى السؤال ده فمش لازم اكون مؤدب معاه.

بالقياس على ماتقول ، اذا أُذن لصلاة الجمعة فمن حقك ومن حق اى واحد ومن حق ضابط مباحث اسوان انه يدخل على اى محل مفتوح يضرب الناس اللى فيه ويقول لهم سيبوا اللى فى ايديكم واطلعوا على الصلاة ، لان هناك أمر الهى بترك البيع والذهاب الى الصلاة "

﴿ يا أيها الذين امنوا إذا نودي للصلاة من يوم الجمعة فاسعوا إلى ذكر الله وذروا البيع ذلكم خير لكم إن كنتم تعلمون، فإذا قضيت الصلوة فانتشروا في الأرض وابتغوا من فضل الله واذكروا الله كثيرا لعلكم تفلحون ﴾

مين بقى اللى اعطى الحق لاى واحد فينا ان يجبر الاخرين على طاعة الله؟ وربنا عمل الثواب والعقاب ليه؟ عندما فرض الله عقوبات فى القرآن فرضها على من يضرون الاخرين ضررا ماديا وليس معنويا ، لم يقل الله اضربوا او اجلدوا تارك الصلاة او فاطر رمضان فمن اين اتيت بمقولة ان من يقصر فى عبادة قد استباح الدين كما تدعى؟

ما استغرب له حقا هو ان الخبر الذى اورده الفاضل الاستاذ حسام تضمن فى الحقيقة خبرين

خبرا عن القبض على المفطرين ،

والاخر القبض على 72 مشتبه بهم ساقهم حظهم العاثر ان يخرجوا ليلا ، لم يكن من بينهم سوى 5 مطلوبين وتم صرف الباقين وعددهم 67 مواطنا بريئا من قسم الشرطة .

وحيث ان قيمة الانسان اصبحت لاتعنى احدا فتم القفز على هذه الجزئية ودار الحوار عن حق الشرطة فى القبض على المفطرين لانهم ياحرام جرحوا مشاعرنا كصائمين.

يبدو ان المشكلة ليست فى الحكومة والنظام بل ان المشكلة قد تعدت ذلك بكثير.

[White heart]

(Scorpion @ Sep 4 2009, 12:21 AM)

هو فيه ايييه ؟؟؟ ما تخليكم حلوين شوية ... اللي بيقرا ده من اخوانكم ... و لا بلاش اخوانكم .. من جيرانكم او معارفكم او البني آدمين دول اللي اسمهم مسيحيين بيجري جوا عروقهم برضه دم .. مش سطل مية ساقعة ...

ده رمضااان يا جماعة ... اومال في ذو الحجة حتعملوا ايه ؟؟

حتكلم بجد شويه يا سكوب و ركز معايا

انتو تستاهلوا بصراحه و ماتزعلش مني

في المنتديات المصريه المشتركه (التي لا تحمل الصبغه الدينيه) لا اجد لكم فيها تفاعل يذكر في مواضيع تخصكم

ومئات المواضيع التي يساء لديانتكم و الديانات الأخرى تتم امام اعينكم ولا معترض منكم او حتى مناقش

و بالتالي اذا سكت انت عن حقك في الدفاع عن نفسك فلا تلومن الآخرين على اعتقادهم بأن سقف الرمي بالإهانه اصبح اعلى

ما تعودنيش على 9 كيلو لحمه كل يوم و بعد كده تقولي كفايه عليك 4 كيلو بس

شكرا يابو جونيور

[White heart]

(جيمي @ Aug 31 2009, 02:49 AM)

يا جماعه الموضوع ده موجود من زمان .. الشرطه عربيات البوكس يعني طول عمرها بتلم المشتبه فى كونهم بلطجيه .. يعني اللى باين عليه علامات البلطجه .. اللى لابس حزام حديد مثلا .. اللى فى وشه علامع (بشله) يعني ... اللى ماشي بيتطوح وسنانه واقعه او متفحمه من الهباب اللى بيشربه .... يعني الغرض انهم بيلمو البلطجيه ... ومفيش بلطجه اكتر من وااحد ماشى يشرب سجاير جهارا ظهارا كده فى نهار رمضان .. يعني مش حكاية فريضه وتعذير والحوار دهوت ... يعني ممكن امين الشرطه اللى واخده اشتباه يكون فاطر اساسا ... بس مش دي القضيه يعني

هوه الموضوع كده بالظبط الشرطه طول عمرها بتلم البلطجيه والسوابق وعديمي الاحساس بالمسؤليه ... وبيعتيرو ان اللى بيدخن او بياكل كده علني فى الشوارع علامه من علامات البلطجه ... انما الموضوع لا له علاقه بالاسلام ولا المسيحين ولا بصراع الاديان دهوت وزي ما سي سيد او رار قالو ان الشرطه سلطه تنفيذيه مش تشريعيه ... ايه بقى اللى يخلينا احنا نفتح حوار المفروض او مش المفروض بقه ... بالنسبه للى كان بيسال عن الهيئه فى السعوديه واللى هيه معروفه على فكره بتجاوزات كتيره لو جم يقبضو على واحد ساعة الصلاه وطلع ليهم الاقامه وقالهم انا مسيحي بيسيبو .... وانا حتى اوردت ان الموضوع حتي مالوش علاقه بالصيام كفريضه وان حتى امين الشرطه اللى قابض على البلطجى ده ممكن يكون فاطر ... الله يسامحه بقى اللى غير مسار الموضوع ... والغريب ان قبل الموضوع ينحرف اوي عن مساره الاخ حنظله سال السؤال ده وقال مصر رايحه لفين ؟

(hanzalah @ Sep 1 2009, 01:27 PM)

شيء مخيف ان تتحول اسوان التي احمل لها كل ذكريات جميلة الى مثل هذا الكابوس

وشيء يدعو الى القلق فعلا ان يتسرب الى النسيج الاجتماعي المصري هذا الكم الضخم من العنف واللامبالاه

العنف في القول والفعل والتبجح بالخطأ والبلطجة

شيء يدعو الى القلق ايضا ان نتحول من النقاش الجاد الى السفسطة والسخرية !!

بالتأكيد الأمر كله يحتاج الى وقفه ومراجعة النفس

انا رايح لفين !!؟

مصر رايحة لفين ؟!!

عرفت بقه يا اخ حنظله مصر رايحه لفين ... ربنا يستر علينا وعليك وعلى الانسانيه كلها

[White heart]

عزيزي مصري المصري .. انا لم اوجه اطلاقآ اي اصبع اتهام لأحد ... لقد قمت بما يسمي ببعض "الفضفضة" عندما وجدت ان الأمر أصبح بالفعل مبالغ فيه ... مبالغ فيه ليس فقط في جانبه العقائدي .. و لكن في كثيرآ من التناقضات الصارخة التي تحتوي عليها بعض المداخلات الناصحة ....

و لكن ما دام هذا يجعل المرء يرضي عن نفسه و يقتنع انه بالفعل أدي واجبه .. فلا بأس ... هنيئآ له بهذا الأعتقاد ...

العزيز .. سكوب ..

أتفق معاك أن المسألة أصبحت مبالغاً فيها ليس في هذا الموضوع فقط ولكن في مواضيع أخرى مشابهة .. واتفق أن لكل إنسان إعتقاده الديني الذي يرضى عنه ويريح نفسه ويعتقد به أنه قد أرضى ربه ..

ولكن على ألا يؤذي غيره بإرتكاب أفعال تصطدم مع معتقدات الآخر الدينية ..

كده تمام يا عم سكوب ..

تحياتي واحتراماتي و ..

الله أكرم ..

[White heart]

(مصري المصري @ Sep 3 2009, 10:55 PM)

القصة كلها بشكل مبسط أننا دولة إسلامية وأن الإسلام له أركان يجب مراعاتها على كل المقيمين في هذه الدولة .. وليس الأمر اختلاف آراء لكل منا رأيه الخاص ..

قمة الخلط و التناقض تكمن من وجهة نظري فى تلك العبارة!!!

وسيظل مثل هذا الخلط والتخبط والتناقض قائم طالما ضم الدستور نفس هذا الخلط/التناقض:

مادة 2

الإسلام دين الدولة، واللغة العربية لغتها الرسمية، ومبادئ الشريعة الإسلامية المصدر الرئيسى للتشريع.

مادة 46

تكفل الدولة حرية العقيدة وحرية ممارسة الشعائر الدينية.

انت لا تريد قولها صراحة ...ان ما تخطه يداك ما هو الا إكراه فى الدين .... كيف يمكن أن يستوى الأمر بالله عليك؟؟؟

كيف يمكن الجمع بين إختيـــــــــار الفرد المواطن لإيمانه = لمعتقده الخاص الذى محله هو قلبه هو ..... وبين وجوبـــــــــيـــــــــــة تطبيق معتقده هذا على جميع من حوله، آمن من آمن و كفر من كفر ..... شاء من شاء و أبى من أبى؟؟؟!!!!

هذا ديننا .. وهو ليس مستباح لهذه الدرجة لكي يفطر الناس هكذا جهاراً نهاراً في بلاد المسلمين ونقول حرية شخصية ..

؟؟؟؟!!!!!

بصراحة وسعت منك شوية دي يا عزيزي ... اللي يسمعك بتتكلم عن "المجاهرة" و "الإستباحة" يفتكر اننا بنتكلم عن علاقات جنسية كاملة بين أفراد فى الطريق العام!!!!

إذا كان إيمان ومعتقد الإنسان الفرد نفسه ما هى الا حريته الشخصية ... فكيف تريد ان تجعلها "سوط" = "كرباج" تجلد به من حولك (الوجوبية) .. ومن يعترض أو لا يريد مشاركتك تلك "الفلسفة" فهو معتدي = يستبيح معتقدك الخاص بك؟؟؟!!!

يعني القليل من المنطق لن يضر .....

تحياتي

[White heart]

تصدق ياعم سكوربيون ردك ده برد على قلبي .. اقولك ليه ..

من شويه كده عماله اتصفح مواضيع المنتدى ـ واسمح لي وليسمح لي كل الافاضل هنا ـ يعني لا مؤاخذه خالص .. كنت بتصفح ( بقرف ) ..

بجد مفيش موضوع على الساحه من يومين يفتح النفس .. والغريب ان كل موضوع ينقلب خناقة وكلها على المتدينين ومعرفش ليه ..

يعني عاملين موضوع بسيط عن اسئلة دينية بسيطة على قدنا يعني .. تسالي .. قوم فجاه بقدرة قادر يتحول الموضوع من كلام في الدين لتريقة عليه ..

الي يدخل يرمي كلمتين ويطلع والي يحول الاسئلة لجدال عقيم ملوش هدف الا السخرية من الدين سواء بشكل مباشر او بطريقة ملتويه ..

طلعت من الموضوع الخفيف الي معادش ظريف ودخلت على موضوع تاني واحد بيحكي قصة لقرايب ليه حصلت من قديم الازل اضطر فيها القريب انه يتزوج على مراته .. الراجل بيسال سؤال بريء ماذا لو حصل ده ليك هتعمل ايه ـ السؤال برييييء .. بس الظاهر انه في منتدانا ( حوروم )

بقدرة قادر يتحول الموضوع لخناقة حول مشروعية الزواج الثاني وان مين ابو كرش واسع الي يرضى على نفسه يتجوز اثنين ومين ترضى من زوجها سبة زي دي .. مستغربين ان حد يجيب له زوجه ثانية وناسيين ان عندنا مثل بلدي بيقول ( إن خابت تنيلها ) ..

سبت الجواز وسنين الجواز وطلعت على موضوع تاني ..قصدي تالت .. قلت المره دي العب في المضمون .. خليكي في موضوعات جاده .. سميت الله وضغطت .. قوم الاقي ايه ..

هل تسمح لزوجتك تشترك في المحاورات ؟

وبرغم ان الموضوع كما هو ظاهر من عنوانه يندرج تحت بند ( الترف الفكري ) يعني المواضيع القراقيش كده الي تصلح تناقش لما نكون قاعدين ساعة عصاري في البلكونه كده وخلاص بقى منفضين العفش ومطوقين الارضيه والعيال مستحمية وبتلعب مع ولاد الجيران ومورناش حاجه بقى كله في الالسطة قوم مع فنجان القهوة كده وعشان نكسر حاجز الصمت والراجل ميقولش علي مملة اروح فقعاه السؤال .. يابو ابراهيم الهو ممكن اخوش النييت ياخويه ؟

وبرغم بساطة الموضوع وبرغم توقعي ان في محاورات المصريين تحديدا موضوع زي ده ( ملوش سوق ) الا ان الشاطرة تغزل برجل حمار وجاموسة كمان ان اقتضى الامر فاساتذة المحاورات مغلبوش وعرفوا يطلعوا لنا من فكرة قد التنتوفه موضوع طويل عريض في عشرات الصفحات وبرضه وبمهارة اللاعب الحاذق عرفوا كما العاده يجروا الكوره لمرمى العدو ومن ساعتها مش مبطلين فيه شوط برضه الحمد لله ربنا قدرنا وعرفنا نزج باسم الدين في الحكايه وعرفنا نتريق لنا شويه عليه وعلى الي فيه ..

يعني بدال ماننتقد الفراغ الي وصلنا له لدرجه نسال سؤال زي ده لاه سيبنا ده كله وقعدنا نتسائل ايه ده هو في لسه ناس بتسأل الكلام على النت حلال ولا حرام لاه ونناقش كمان فتوى ظهرت بليل لمجتمع تاني خالص غيرنا وعنده مشاكل تانيه خااااالص غير مشاكلنا ..

ويلله كل من عنده دلو يدلو ويصب .. والي يقولك الي بيقول ان الصور الرمزية عيب وكخه يبقى هو الي في قلبه الكخه .. والي يقولك مهي الي بتخضع مش عارف ايه بالإيه تبقى هي إلي ايه .. كله يفتي وكله يقول رايه ونتريق بقى ونعييش ..

التريقة حلوة ان كانت هتشغلنا عن مشاكلنا الحقيقية بس الاحلى منها ادراكنا ان حتى لو تشاغلنا عن المشاكل ( الحقيقية ) فهي مش هتنشغل عنا ..

خرجت من كل المواضيع دي وانا مستغربه .. ايه ده معقوله ؟ معادش في حيطه اكثر ميلانا من حيطة الدين عشان كل من هفته نفسه يجي يتريق له شويه ويطلع ؟

وان تكلمنا يقولوا حد جاب سيرة الدين؟ احنا بنشتم ( بعض ) المتدينين ..

طيب يااخي مهو انت مش بتشتمهم بالاسم ولا بالفعل الشاذ ده انت بتشتم بالاجمال كده وبافعال نشترك جميعنا تقريبا فيها .. والغريب ان الحكايه مبقتش حكرا على المواضيع الدينية او المواضيع الخلافية بطبعها لاه ده بقت في كل المواضيع تقريبا بلا استثناء حتى المواضيع المفتوحه للترفيه ..

بقيت مش عارفه ايه المطلوب بالظبط .. هل الدين خلاص بقى سبة كل من حب يعمل نفسه بني آدم لازم يجيب الدليل القطعي على تبرأه منها ؟ مع احترامي للجميع ولنوايا الكل بس مشاركات البعض جعلتني اتسائل بصدق .. هل الناس دي مسلمه فعلا ؟ معقوله يكونوا من الجهل لدرجه مش حاسين هم بيقولوا ايه ولا بيكتبوا ايه ؟

وان كلمتهم يقولك اصل احنا بننتقد اوضاع شاذة .. احنا عاوزين نرتقي بحال البلد .. طيب عملت ايه تاني في حياتك عشان ترتقي ببلدك ولا تغير فيها وضع غلط غير التريقة والانتقاد ؟ مفيش .. الصمت المطبق . .

قرأت كتير واختلفت مع ناس كتير ودائما كنت بشوف مع الطرف الثاني الحق فيما يقول او فيما يعتقد لاقتناعي بمنطقه لكن لاول مرة اجد ماوجدته هنا في المحاورات ..

هجوم مستميت وغير مبرر وعلى ايه ؟ على طواحين هوا صورت عقول البعض لهم انهم بيحاربوها لما يتهجموا على ( سلفية ) ولا ( متأسلمين ) ولا ايا كان المسمى الي بيسموه وفي النهايه لم يخرج ايا منهم الا بضحكة سخرية من عدوة الي شايفه رافع سيفه لايحارب بيه الا نفسه ..

كنت بكره منتديات ( السلفية ) المتشددين وبكره فيهم رفضهم لكل من يخالف رايهم وهجومهم المستميت على اي غريب لدرجه ( تطفيشه ) من المكان لو تجرأ واعلن انتمائه لفكر مخالف لهم فمابالك لو كتب راي . النهرده لقيت في المحاورات وضع مشابه جدا لوضع المنتديات دي مع فارق الانتماء . . المتشددين الدينيين بيهاجموا ( ويلفظوا ) اي من يبتعد عن اقصى يمينهم المتطرف و( بعض ) المحاورين من ( المجددين ) بيستخدموا نفس الاسلوب في الرفض واللفظ لكل من يحاول يقترب ولو من بعيد من وسطية الدين .. يااما تتبرأ من القاسم المشترك بينك وبين الاسلاميين او هنحسبك معاهم وهتنالك وينال دينك واعتقادك منا مالايعجبك ..

لا انكر ان الغالبيه العظمى من المحاوراتيه بل الكل احيانا على درجه من الرقي والنضج الفكري ولكن للاسف في الفترةالاخيره مشفتش الاخلاق دي في التعامل مع المواضيع الدينية او حتى التي يزج فيها باسم الدين والغريب ان التصرفات المنتقده دي مصدرتش غير من اشخاص معظمهم احسبهم ـ انا على الاقل ـ على اعلى درجات النضج والعقل .. بس نقول ايه ؟ اميل حيطه بقى ولازم يقفز من عليها ..

في غمرة شعوري ـ عفوا بالاشمئزاز ـ قرأت مداخلتك اخي الفاضل وشعرت وكان ماء بارد صب علي ليطفيء في داخلي اي غضب ..

بصراحه لم ارى ايا مما تقول في المداخلات السابقة ولم اشعر ابدا باقحام المسيحيين بسبب او بدون سبب في مداخلات الاعضاء .. وللامانة .. لما قرأت تبريراتك لمعتقدك ده لقيتها في محلها .. بالفعل السيرة دي انحشرت كتير في الفترة السابقة في اكتر من مداخله لكني لم انتبه لذلك .. وبالفعل انا لو مكانك ( وتنحشر ) سيرة الي يهموني كده بدون سبب في كلام ملوش علاقه بيهم انغاظ طبعا خاصه لما الموضوع يتكرر .. والغريب ان لا انا لاحظت الحكايه دي ولا اثارت في اي انطباع وارجح انك انت كمان لم تلاحظ الي انا لاحظته من ( حشر ) التريقة على الاسلام عمال على بطال بل و( تنكيد ) اي موضوع يكون ماشي كويس لازم تنحط فيه ( سيرة الحب ) ..

لما شفت الوضع كده قلت يبقى اكيد انا على مايبدوا ( مكبرة الموضوع ) وان الحكايه غير مقصوده وانما لفتت نظري حيث كل يبكي على ليلاه .. وليلى مش سامعة حد ..

يبدوا اني انا الي بقيت اكثر حساسية فتصورت ان في هجوم غير مبرر او زج برموز اسلامية بلا سبب في اي حوار وتحويله لمهاترات بالظبط زي ماانت تصورت ان في تعمد لذكر ناس معينين او تحميلهم مسؤوليه اشياء ملهمش بيها مسؤوليه ..

يمكن اكون غلطانة يمكن اكون على صواب .. يمكن تكون انت كمان غلطان وبرضه يمكن تكون على صواب .. كلها احتمالات لكن الاكيد ان فعلا كلامك خلاني اعيد التفكير يبدوا ان الصورة مش قاتمه اوي كده . .

[White heart]

(mzohairy @ Sep 4 2009, 01:11 AM)

(Scorpion @ Sep 4 2009, 12:21 AM)

هو فيه ايييه ؟؟؟ ما تخليكم حلوين شوية ... اللي بيقرا ده من اخوانكم ... و لا بلاش اخوانكم .. من جيرانكم او معارفكم او البني آدمين دول اللي اسمهم مسيحيين بيجري جوا عروقهم برضه دم .. مش سطل مية ساقعة ...

ده رمضااان يا جماعة ... اومال في ذو الحجة حتعملوا ايه ؟؟

حتكلم بجد شويه يا سكوب و ركز معايا

انتو تستاهلوا بصراحه و ماتزعلش مني

في المنتديات المصريه المشتركه (التي لا تحمل الصبغه الدينيه) لا اجد لكم فيها تفاعل يذكر في مواضيع تخصكم

ومئات المواضيع التي يساء لديانتكم و الديانات الأخرى تتم امام اعينكم ولا معترض منكم او حتى مناقش

و بالتالي اذا سكت انت عن حقك في الدفاع عن نفسك فلا تلومن الآخرين على اعتقادهم بأن سقف الرمي بالإهانه اصبح اعلى

ما تعودنيش على 9 كيلو لحمه كل يوم و بعد كده تقولي كفايه عليك 4 كيلو بس

شكرا يابو جونيور

ماتخليك محضر خير يا عم زوهيري ... ومعلش اسمحلي اقولك يا عمي

معلش انامش شايف ان فى اساءات بتحصل وبالكم الهائل اللى انت بتتكلم عليه ... ولو فى اساءات فاكيد الاداره بتدخل وبتحذف وبتدي انزارات وبتطرد بره كمان ... واوعي تستشهدلي بمداخلات وتقولي اساءه اهيه ... لو في حاجه زي دي بلغ عنها على الاداره .. جايز تكون انت فهمتها اساءه وهيه مجرد وجهة نظر مثلا ...

ربنا يوفقك يا استاذ زوهيري

[White heart]

(Mohammad @ Sep 4 2009, 01:11 AM)

(مصري المصري @ Sep 3 2009, 03:55 PM)

هذا ديننا .. وهو ليس مستباح لهذه الدرجة لكي يفطر الناس هكذا جهاراً نهاراً في بلاد المسلمين ونقول حرية شخصية ..

والاخر القبض على 72 مشتبه بهم ساقهم حظهم العاثر ان يخرجوا ليلا ، لم يكن من بينهم سوى 5 مطلوبين وتم صرف الباقين وعددهم 67 مواطنا بريئا من قسم الشرطة .

وحيث ان قيمة الانسان اصبحت لاتعنى احدا فتم القفز على هذه الجزئية ودار الحوار عن حق الشرطة فى القبض على المفطرين لانهم ياحرام جرحوا مشاعرنا كصائمين.

يبدو ان المشكلة ليست فى الحكومة والنظام بل ان المشكلة قد تعدت ذلك بكثير.

وبدل مالحوار يقفز للحاجه اللى ممكن تكون فى مصلحتنا ككل ومصلحة البلد ويستنكرو على الاقل تجاوزات الشرطه او يتحسرو برده على الاقل على كرامة المواطن اللى بيت ليلته فى القسم وهوه مالوش زنب ولا يا تري ده بقه اتشتم بامه كام مره فى ليلته السوده دي ... راح الحوار فين ؟؟؟ انا مستغرب

بالنسبه بقه المشكله فين ؟؟ فى الحكومه والنظام ولا فينا احنا ؟؟

فماتدورش كتير علشان ماتتعبش ... النظام قدر يصنع جيل مايشكلش اي تهديد عليه ويقدر ياذي نفسه قبل مالنظام ياذيه ... وقدر يلهيه ويوجه طاقته لغير مصلحته ... لعند ما مسخه ... وربنا ينجينا .. بس

[White heart]

والله مش عارف اقول لك ايه يا زهيري .....

لو اتهنت في ديني .... و سبت الدم يضرب في نافوخي و رديت الصاع صاعين للي غلط فيا ..... فانا كده اوتوماتيكي فصلت اللي حواليا لمجموعتين و ده جوا الطبيعة الأنسانية مهما كانت مثالية ... ثقافة القطيع .. او القبيلة .. كل مجموعة من غير ما تشعر حتناصر واحد منا ... مش حيظهر الخطأ الأصلي لواحد منا .... او الأعتقاد الغير صحيح .. او التفسير الغلط ... اللي حيخلص ان كل واحد من المجموعتين بقي في ساحة معركة .. بكل ما تحمل الكلمة دي من معاني .. ممكن يتم استخدام فيها كل الأسلحة .. و الضرب تحت الحزام ... و النهاية دايمآ حريقة يعلم ربنا حتنطفي ازاي في الآخر ...

و حنروح بعيد ليه .... حسألك انت سؤال مباشر .. ايه رأيك في أقباط المهجر ؟؟؟؟ ايه رأيك في زكريا بطرس ؟؟؟

دي الحالة اللي قصادنا اللي ممكن تتبلور فيها و تنتهي اليها ردود افعال من اللي انت بتطلبها ....

بالنسبة لتفاعل المسيحيين في المنتديات المشتركة زي ما سميتها ...

من غير لف و لا دوران .. المسيحي لما بيكتب بيكتب و هو عارف انه في نظر زميله المسلم مش علي قدم المساواة .... و وحياتك ما تقوليش دي عقدة الأضطهاد علشان بقت مستهلكة قوي ....

يعني انه بيتم النظر اليه بنظرة نوعآ ما "علوية" و ليست كنِد ...

كلمات زي الكفر ... و جهنم و بئس المصير .... و مغضوب عليهم .. و ضالين ... و قاموس لا نهاية له من تعبيرات مماثلة .... موجودة في ثقافة أخي المسلم تجاهي .... ممكن يغلفها في النهاية ببونبوناية و يقوللي ... بالرغم من انك وحش كده لكن ديني موصيني عليك ...

اتناقش معاه ازاي في مشاكل رغيف العيش ابو مسامير و زلط اللي بقف معاه في نفس الطابور علشان نشتريه ...

لما اعاتبه .. يقوللي .. انت عايزني اخالف تعاليم ديني علشان ما اجرحكش ....

او يقوللي .. ما انت كمان بتفكر فيا كده ...

ما القسيس الفلاني شتم ... و الكنيسة اللي مش عارف ايه عملت مسرحية ... و يفضل يحيبلي ميت دليل ان الغلط هو اللي راكبني من ساسي لراسي ...

ما يمنعش ان فيه جانب تاني بحس معاه فعلآ اني بكلم اخويا .. انه بيفكر بنفس تفكيري .. انه مش حاسس انه احسن مني بس علشان مسلم ... لكن الصوت العالي هو اللي بيغلب في النهاية ...

و الأحتماء بتفسيرات من القرآن الكريم هي فصل الختام في اي نقاش ....

و نفس المواضيع .. و تفس الأتهامات .. و نفس التفكير .. يلف و يرجع تاني ... ميت مرة .. يلف و يرجع تاني .... و نهاتي و نهاتي في نفس المواويل .. و القربة دايمآ مقطوعة .. بس من فترة للتانية نحاول ننفخ فيها ... يمكن تكون اتلحمت من الهم اللي احنا واقعين فيه كلنا ....

ليه رأيك بجااااااااا ؟؟؟

[White heart]

هو احنا رايحين على فين

تعصب تعصب تعصب هو احنا كنا كدة طول عمرنا وانا ماكنتش واخد بالى ام دى سياسة دخيلة علينا

شخص فاطر فى نهار رمضان قد يكون عندة الف عزر مال الشرطة ومال الموضوع بينما لا تحرك ساكنا امام الناس اللى بتجلس على القهاوى فى صلاة الجمعه وشيشة وخلافه ولا تفكر حتى تحجل على نفسها ياتصلى ياتريح فى بيتها

ايه التناقض اللى نعشها دى

الله يهدينا جميعا

[White heart]

(doha @ Sep 4 2009, 12:20 AM)

.. هل الدين خلاص بقى سبة كل من حب يعمل نفسه بني آدم لازم يجيب الدليل القطعي على تبرأه منها ؟ مع احترامي للجميع ولنوايا الكل بس مشاركات البعض جعلتني اتسائل بصدق .. هل الناس دي مسلمه فعلا ؟ معقوله يكونوا من الجهل لدرجه مش حاسين هم بيقولوا ايه ولا بيكتبوا ايه ؟

العزيزة doha .... من وجهة نظري المتواضعة ...هذا هو مثال عام لكيفية إستخدام الدين و تطويعه و إقحامه فى كل المواضيع .... لا أعتقد ان الدين (أى دين) يجب أن يتم الإستعانة به لإستخدامه كسوط، ككرباج يبادر به البعض بجلد البعض الآخر ..... ظنا منهم انهم لن ينالهم رد مشابه ... إذا أردنا صيانة الدين (أى دين) اذا وجب علينا إحترامه ... وأول هام فى كيفية إحترامه من وجهة نظري .. هى الكف عن تطويعه و إستخدامه كسلاح = كآداة حرب (سيف ودرع) .... لأنه ببساطة فى الحروب تسقط سيوف ودروع (من كل الأطراف) و تسحق تحت الأقدام .... ويهب كل طرف للثأر من الطرف /الأطراف الأخرى و تظل نارا مشتعلة الى ماشاء الله ....

ليس من أجل هذا أوجد الله سبحانه و تعالى الأديان ....

تحياتي.

[White heart]

معليش يااستاذ وايت هيرت ياريت تعيد صياغة ردك الاخير بحيث يكون اكثر وضوحا انا مفهمتش المقصود منه .. ياريت تكلمني مباشره كده عشان افهم المقصود أو بعباره ادق عشان افهم ايه علاقة ماكتبته انا .. بما كتبته انت ..

تحياتي

[White heart]

(doha @ Sep 4 2009, 12:53 AM)

معليش يااستاذ وايت هيرت ياريت تعيد صياغة ردك الاخير بحيث يكون اكثر وضوحا انا مفهمتش المقصود منه .. ياريت تكلمني مباشره كده عشان افهم المقصود أو بعباره ادق عشان افهم ايه علاقة ماكتبته انا .. بما كتبته انت ..

تحياتي

أنتِ طالعتي مواضيع متعددة فى الفترة الأخيرة .... خرجتِ منها بنتيجة مفادها ان "الدين أصبح حيطة مايلة" يسخر ويستهزأ منه البعض ... (ولو انى ثقتي كاملة فى إدارة المكان بحزمها منذ بداية نشأتها و حتى هذه اللحظة تجاة مثل هذا الأمر) وأنا فى عبارتك تلك تحديدا لم أرى الا هجومك على هؤلاء البعض الذين تعنيهم بإستخدام سلاح الدين ذاته:

.. هل الناس دي مسلمه فعلا ؟ معقوله يكونوا من الجهل لدرجه مش حاسين هم بيقولوا ايه ولا بيكتبوا ايه ؟

فها أنتِ قد إتهمتِ من هم فى واقع الأمر مجرد مخالفين لكِ فى الرأى (وليس معتدين على الدين نفسه لثقتي فى إدارة المكان كما سبق و أشرت لكِ) بأن شككتِ فى إسلامهم .... وكذلك إتهمتيهم بالجهل ولو على هيئة تساؤل ... إذن فتوقعي "رد فعل" مطابق او مشابه .... أى تطويع الدين و إستخدامه فى التبارز و التنافس و المزايدة و التعالي، و بالطبع انتِ لن تسكتي .. وهلم جرا ...

هذا هو ما عنيته بعدم إحترام الدين من قبل من قرر أن يطوعه ويستخدمه فى مثل هكذا أمور .. لم أقصد إلا الإستعانة بعبارتك تلك ... وإستخدامها كمثال عام بسيط ليس أكثر لطرح وجهة نظري ..... إذن فلا داعي للغضب أو الشعور بالتصيد أو الملاحقة أوما شابة ......

تحياتي.

[White heart]

الأستاذ الفاضل سكوربيون..

واضح إن حضرتك شايل منّي بسبب الموضوع اللي كنت بسلّي فيه صيامي..

والذي فتحته فقط من أجلة التسلية.. ولكن المداخلات تجبر على الخوض في أحاديث أخرى غير ما رسمت له ..

(Scorpion @ Sep 4 2009, 01:36 AM)

من غير لف و لا دوران .. المسيحي لما بيكتب بيكتب و هو عارف انه في نظر زميله المسلم مش علي قدم المساواة .... و وحياتك ما تقوليش دي عقدة الأضطهاد علشان بقت مستهلكة قوي ....

يعني انه بيتم النظر اليه بنظرة نوعآ ما "علوية" و ليست كنِد ...

هذه مشكلة أزلية يشعر بها الأقليّات.. في أغلب بقاع العالم..

حتى في دول الغرب نفسها.. ستجد أن الأقليّات المسلمة يُنظر إليها نفس النظرة..

ولا يُشترط أن تكون هذه النظرة لها تعلّق بالدين..

XXXXXXXXXXXXXXXXXXXXXXXXXX

XXXXXXXXXXXXXXXXXXXXXXXXXX

XXXXXXXXXXXXXXXXXXXXXXXXXX

XXXXXXXXXXXXXXXXXXXXXXXXXXX

XXXXXXXXXXXXXXXXXXXXXXXXXX

XXXXXXXXXXXXXXXXXXXXXXXXXX

XXXXXXXXXXXXXXXXXXXXXXXXXX

المقصود يا أستاذ سكوربيون..

إن أنا فقط أعرض عقيدتي المتواترة كمسلم من خلال القرآن الكريم والسنة النبوية..

قد يؤدي هذا إلى زعل بعض الناس منّي.. أعلم ذلك يقيناً..

ولكنّي على غير استعداد أن أخسر ديني أو أنافق من أجل إرضاء أي بشر مهما كان.. حتى لو كان والدي..

ولنا في رسول الله صلى الله عليه وسلم أسوة حسنة حينما سئل عن أبيه.. فقال: (أبي في النار)

وذلك لأنه مات على غير توحيد الله..

الجنة والنار ليست لنا.. وقد أخبرنا الله في القرآن عن أهل كل واحدة فيهما..

أما في الدنيا .. فقد قلت مراراً وتكراراً.. أن ديني يأمرني بألا أظلم إنساناً مهما كان دينه..

خذ الوردة ديه n2&(

الفاضل سهل جدا

من المؤسف جدا جدا التوقف عند مجمل مداخلتك هذه ككل مع ما فيها من شخصنة واستفزاز لزميل مسيحى بيننا كانت له مداخلة سابقة هى نموذج راقى لآدب

التخاطب والتعبير كما عهدناه دوما ..

كان من الممكن حذف مداخلتك ككل ولكنى اكتفيت بحذف الجزء من المثال الذى يفتقد لأدنى درجات احترام الآخر ويستهدف استفزازه فى المقام الأول.

سأترك باقى مداخلتك هذه التى اختصصت بها الزميل "سكوربيون " ليقرأ الزملاء مجمل مداخلته ومداخلتك هذه التى لا تحمل اى رسالة سوى الإستفزاز للإستفزاز.

عن فريق الإشراف

لولا

تم تحرير المشاركة بواسطة لولا: أمس, 03:28 AM

سبب التعديل: سبب التعديل: ادراج مثال مستفز مثير للفتنة وعدم احترام الأخوة المسيحيين .