استفسار بخصوص تجديد الجواز

[nightmare]

السلام عليكم جميعا ورحمة الله وبركاته , ورمضان كريم وكل عام وانتم بخير

كان عندي استفسار بسيط , انا اعمل بالمملكة العربية السعودية , وحاليا باجازة في مصر الحبيبة , وجواز سفري سينتهي في 27/09/2010 , اى العام القادم , وانا ناوى انزل اجازة ان شاء الله في اول 9 السنة القادمة ايضا وخايف ما اقدرش اخد تاشيرة الخروج والعودة السنة القادمة على اساس ان الجواز سينتهي بعدها بايام.

فارجو توضيح الموقف من خبراء المحاورات , هل عادي انهم يعطونى تاشيرة الخروج والعودة علما ان الجواز لن يتبقي فيه الا ايام وتنتهي صلاحيته , ام من الافضل انى اجدد الجواز حاليا وانا في مصر , ولو من الافضل انه اجدده حاليا , تاشيرة الخروج والعودة اللى عليه دلوقتى اعمل فيها ايه

تم تعديل 30 أغسطس 2009 بواسطة nightmare

[dongol]

الموضوع بسيط خالص ان شاء الله

حضرتك بتجدد الجواز عادي اثناء اجازتك في مصر وبتخلي الجواز القديم اللي عليه التاشيرة معاك و انت مسافر

بتاخد ختم الخروج علي الجواز الجديد و هما بيستخدموا الجواز القديم اللي عليه التاشيرة في المطار

علي فكرة انا زيك ماشي بجوازين بقالي سنه دلوقتي

تحياتي

دنجل

[nightmare]

الف شكر يا استاذ دنجل علي ردك السريع , ولكن اللى اعرفه ان الجواز القديم بيتسلم واخد الجديد , ايه صيغة طلب جواز جديد , هل بدل فاقد او بدل تالف والا ايه بالضبط .. معلش تعبك معايا لكن الموضوع ده بجد قالقنى جدا

[dongol]

الف شكر يا استاذ دنجل علي ردك السريع , ولكن اللى اعرفه ان الجواز القديم بيتسلم واخد الجديد , ايه صيغة طلب جواز جديد , هل بدل فاقد او بدل تالف والا ايه بالضبط .. معلش تعبك معايا لكن الموضوع ده بجد قالقنى جدا

المعلومة دي غلط

الجواز القديم مش بيتسلم هما بس بيختموه بكلمة لاغي و لما حضرتك بتقلهم ان عليه التأشيرة بيدهولك عادي جدا

اما عن الصيغة فحضرتك بتروح تقلهم انك عايز تجددة علشان انتهي و هما بيدولك الاستمارة المناسبة

دنجل

[ahmedfathi]

يا باشا الجواز القديم بيختموه لاغي وبيديهولك تاني ومش بياخدوا زي ما حضرتك فاهم انا غيرت المهنه في الجواز واخدت عليه ختم لاغي وادهولي تاني والصيغه انت بتقول للعسكري اللي واقف علي الباب بيوزع الاستمارات انك عايز تغيره لانتهاء المده بيديك استماره وتملاها وتقف في الشباك وعادي جدا

تم تعديل 22 سبتمبر 2009 بواسطة ahmedfathi

[EL DeeB]

السلام عليكم لوسمحتم محتاج سعة صدركم وخبرة في هذه الاعمال انا موجود بالسعودية منذ شهرين ولسة الاقامة مطلعتش والجواز ضاع من الكفيل الله يسمحه وانا رحت الجوزات وبخلص اوراق من الجوزات بس مش عارف الوضع في السفارة بالرياض اية عايز اعرف اية الاوراق المطلوبة والتكليف وكافة الطلبات جزاكم الله خيرا

[aimen]

متى السفارة هتبدأ تعمل الجوازالجديد

ومتى ينتهي العمل بالقديم

[waledbak]

متى ينتهى العمل بالجواز القديم رسميا

ومتى تبدأ السفارة في استخراج المميكن هنا في الرياض