حكاياتي مع ديكوراتي

[mama nona]

الناس نامت ولا ايه

صحصحوا بقى كده

ياللا يا عمو سى السيد انت شطبت ولا ايه

هو شكل عمر باشا وصل

معلهشى بقى عايزة عنوان المنطقة بتاعة الابواب الخشب تانى

[se_ Elsyed]

عُمر أفندي وصل هو وباقي أفراد العصابة

وأنا سيادتك بأعزل لشقة جديدة في الملز برضوا ...

وواقف قدام الصنايعية اللي بيخلصوا الشقة

واللي ما أتادبش في حياته .. بيأدبوه الصنايعية ... واللي مالوش أهل الحكومة أهله ..

أفضى بس وأنقل في الشقة الجديدة وأترستق وبعدين نكمل ..

---------

عنوان شركات الأبواب الخشب ... سهل وما يتوهش .. شارع الجيش بالعتبه .... خلف محل حلواني تسيباس ... كلهم متركزين هناك .. والمنطقة دي إسمها " الرويعي " ومتخصصين في المجال ده بالإضافة إلى إكسسوارات النجارة والأبواب الأكورديون وما إلى ذلك ...

وتسلم إيدك على شوية الصور بتاعت شغل الجبس ... بصراح ذوقك هايل ... ... ولو إني ليه تعليق بسيط على الكورنيشة اللي لها سن دي وفيها فراغ من فوق ... فخلي بالك بقى أحسن بتلم تراب وعنكبوت ... وبالتالي عاوزه سلم وتنضفيها على طول من الداخل ...

[mama nona]

اهلا استاذ سى السيد

حمد الله على سلامة عمر باشا

ومبروك عالشقة الجديدة

عقبال شقة مصر ما تخلص ان شاء الله

انا مش عارفة حضرتك تقصد ايه بالكورنيشة ال لها سن

انا عاملة كورنيشة ال فيها ورده

انما يمكن حضرتك تقصد الجبسون بورد ؟؟؟؟؟؟

ال تحتيه المقلم ؟؟؟

انا عاملة اتنين كورنيشة ساده فالجبسون بورد وفوق بعض بمسافة بسيطة لان السقف اقل من 3متر

وانا عملت لونها ماشى مع التراب برده

اهو حتى ال هيشوف مش هيفرق هيا متربة ولا لأ

وشكرا عالعنوان

وللحديث بقية

[se_ Elsyed]

ماما العزيزة .... نونا

كنت عاوز اخد رأيك في سعر عمل الجيبسون بورد

انا هاعمله في الريسيبشن بس ... وعندي تقريباً حوالي 5 حوائط هايكعبوا حوالي 20 متر طولي ...

فالمهندس جاب لي واحد بتاع جبس بس شكله فاهم وصنايعي .. وتوصلنا معاه على سعر المتر " 65 " ج بالعافية .... بصراحة ما عملتش حاجه زي دي قبل كده ومش عارف سعرها ... إيه رأيك ؟

لكن انا دايس في الكرانيش بانواعها ... ولسه عامل شقة اختي في مدينة نصر من سنتين وجايب واحد معرفه .. صنايعي برضوا عامل المتر ساعتها بـ 13 ج ...

لكن الراجل بتاع أمبارح جاب من الأخر وطلب ... 10 ج ... which is soooo good خصوصاً إن الضربة كلها هاتبقى في دي لأن الشقة مساحتها كبيرة وكلها هاتبقى كرانيش وعندي غرفة ليفينج هاعملها كورنيشة شكل إسلامي أو عربي يعني ...

لكن اخويا والمهندس نسيوا يتفقوا معاه على متر المصيص بتاع السقف ... وكمان مصنوعية " البانوهات " البراويز يعني اللي بتتعمل في سقف الغُرف وبيبقى شكلها شيك قوي ... وانا فكرتهم بده النهاردة

قولي لي بقى أنتي قفلتي المطبخ والحمام من فوق إزاي ؟

يعني منطقة اللحام بين السيراميك والسقف ... عملتيها كورنيشة جبس صغننه .. ولا سيراميك ولا خشب ؟...

في ناس ما بتحبش الجبس على أساس إنه عدو المياه ... والمطبخ والحمام كلها ميه ... ويكفي البخار اللي بيبقى في الحمام وبيطلع لفوق فممكن يبهدل الكورنيشة الجبس اللي معمولة ... لكن هو شكله بيبقى شيك

أنا دلوقت في مرحلة التليين في الموضوع ده وهارجع أكمل لكم حكاياتي مع ديكوراتي لكن بعد ما اضرب شوية كحك

انتظرونا

[mama nona]

السلام عليكم

اهلا اهلا ببتوع الفراقيع والبر

خلصتو فسح العيد؟؟؟؟؟؟

نرجع بقى تانى لديكوراتنا

بالنسبة لسعر الجبسون بورد انا مش متذكرة اوى بس على ما افتكر متهيألى سعره كده مناسب

انا فاكرة انى كنت عاملة حاجة مترها 65 وحاجة مترها 85

بالنسبة للمصيص ؟؟؟؟

حضرتك تقصد الكيميزيت الابيض ال بيتمحر بيه السقف ؟؟؟؟

لو هو ده المقصود ده عملته مع المحارة كان المتر فالسقف ب 3 جنيه والجداران محارتها ب 3جنيه ونص

وعرفت بعدها ان المحارة غليت وبقتمن 4ونص الى 5 جنيه

بالنسبة لموضوع البراويز الجبس او البانوهات الحضرتك ذكرتها انا معملتهاش خالص لان ارتفاع السقف عندى مش عالى اوى

فحسيت انه هيكون دوشة فالسقف

واكتفيت باالكورنيشة السادة وصرة النجفة ال انا حطيت صورها

بس لصورة دى فالريسبشن

اما الصرة ال فالغرف لونتها مع الكورنيشة السادة بلون الجداران

فاعطت شكل حلو مع السقف السادة

انا بشوف ناس بتحط البرواز ده بس ومتعملش كرانيش

وتخلى اللعب كله فالبراويز دى

بالنسبة لسقف الحمام والمطبخ انا ععملت برواز حولى 4سم جة السقف بس بالسيراميك

مقطع شرايح طوليه

مهو مينفعش تحط خشب ولا جبس فيهم

خلى السقف ساده خالص ويكفى تجيب لمبات شيك او نجف كاجوال احسن وانضف

[mama nona]

عمو سى السيد

بالنسبة للجبس عموما وانت بتختاره لازم تكون عارف هتفرش ايه كلاسيك ولا مودرن

لانه هو ال بيبان فالفنش النهائى

يعنى مثلا انا عفشى كله كلاسيكى فكان اختيارى منصب عالبساطة والهدوء

وكمان انا بختار البساطة فالشغل علشان التنظيف

لانه باعتبار ان الشقة مقفولة بالسنين الجبس هو اكتر شىء بيلم تراب عليه

انما ان شاء الله فالشقة التانية بقى

قول ان شاء الله معايا

هصممها كلها مودرن سواء ديكورات او عفش

ده ان شاء الله بعد عمرين طوال

الجديد بقى فالجبس وده خصوصا لما بتعمل جبسون بورد والسقف مش عالى

انك بتسيب مسافه 5سم مثلا وبعدها تبدأ فتركيب الجبسون بورد

دى بقى عشان الستاير وخصوصا البراقع

علشان تعلق المواسير او خشب الستاير ورا الجبس

انا شفته عالطبيعة وعجبنى جدا

ده ممكن ينفعك اوى فالليفنج الاسلامى

[mama nona]

صبااااااح الخير على الناس النعسانه

ايه يا عمو سى السيد

وصلت لفين مع بتوع الجبس

فين حكاوى القهاوى ؟

منتظرين

الشاى والقهوة والشيشة جاهزين

[se_ Elsyed]

صبااااااح الخير على الناس النعسانه

ايه يا عمو سى السيد

وصلت لفين مع بتوع الجبس

فين حكاوى القهاوى ؟

منتظرين

الشاى والقهوة والشيشة جاهزين

والله يا ماما نونا ورايا شوية مشاغل وسفريات على شوية حاجات تاني فوق بعض

عاوز اخد رأيكم بقى

وصلت الان لمرحلة ما قبل الحداثه

قصدي ما قبل النقاشه

انا كنت عاوز ادهن زيت

كلمت المهندس لقيته بيبص لي - في التليفون يعني - من فوق لتحت ويقول لي .. يابني أخر واحد دهن زيت كان سنة 1913 الله يرحمه

كل الديكورات دلوقت تعتمد على البلاستيك

والبلاستيك أتطور جداً وبقى يتغسل عادي وبيديك ثبات ألوان وهكذا

إيه رأيكم ؟

هل أنتم ممن جاءوا بعد مرحلة 1913 لا قبلها ؟

[mama nona]

صبااااااح الخير على الناس النعسانه

ايه يا عمو سى السيد

وصلت لفين مع بتوع الجبس

فين حكاوى القهاوى ؟

منتظرين

الشاى والقهوة والشيشة جاهزين

والله يا ماما نونا ورايا شوية مشاغل وسفريات على شوية حاجات تاني فوق بعض

عاوز اخد رأيكم بقى

وصلت الان لمرحلة ما قبل الحداثه

قصدي ما قبل النقاشه

انا كنت عاوز ادهن زيت

كلمت المهندس لقيته بيبص لي - في التليفون يعني - من فوق لتحت ويقول لي .. يابني أخر واحد دهن زيت كان سنة 1913 الله يرحمه

كل الديكورات دلوقت تعتمد على البلاستيك

والبلاستيك أتطور جداً وبقى يتغسل عادي وبيديك ثبات ألوان وهكذا

إيه رأيكم ؟

هل أنتم ممن جاءوا بعد مرحلة 1913 لا قبلها ؟

ربنا يعينك ان شاء الله

بالنسبة لى بقى فأنا طلعت من قبل 1913

لانى دهنت زيت مطفى بس ده لانى كان عندى عقدةمن البلاستيك

كلام صحيح انه الديكورات اغلبها عالبلاستيك

انا دهنت الزيت للجدران السادة فقط

اما الجدران ال فيها تعتيق وتقليم وشغل فدى بتكون بلاستيك نص لمعة او لمعة كاملة على حسب الشغل ال فيها

وعند التنظيف كلاهما متساوى

يعنى بسفنجة مبللة تقدر تمسح اى اوساخ على النوعين

لو هتعمل جدران فليفيت دى بيجيلها دهانها مع بعضه نوع الجزيرة (يعنى البطانه واللمهة نفس النوع )

ولو هتختار الوان الكمبيوتر اختار اللون الاغمق من الدرجة ال انت عاوزها لانك لو اخترت اللون المطلوب بالكمبيوتر بيطلع افتح شوية

[عنبو]

على فكره البلاستيك الامع او المغسول وده الاسم الدارج عند الصنايعيه

احسن مليون مره من الزيت وصحى كمان وعملى اكتر من الزيت

بس اهم حاجه لازم يكون البلاستيك انتاج شركه محترمه مثلاً يوتن وسابيس

ولو عاوز تختار اللمعه اختار نص مط او الامع لكن المطفى هيبقى شكله مطفى خالص

[se_ Elsyed]

شكراً يا ماما

شكراً يا عنبي

أنا برضوا أقتنعت بالبلاستيك وبالأخص يوتن

[se_ Elsyed]

ماما العزيزة نونا

عامله إيه ؟

كل سنة وإنتي طيبة يا مامتي

شوفي يا ستي

بدانا أمبارح السيراميك والحمد لله

وربنا وفقنا في صنايعي كويس ... و بعد مفاوضات السيراميك مقابل السلام ... أتفقنا على مصنوعية تركيب المتر بـ 14 ج .. قايم نايم .. يعني حوائط وأرضيات ..

اما تكلفة الوزرة فصمم تبقى بـ 6 ج .. المتر طولي لأنها مقرفة وبتاخد منهم تقطيع ومجهود دقيق ...

وعلى فكره عرفت إن في صنايعية كتير بتحسب متر الوزرة بمترين

تخيلي مثلاً بلاطه يقعد يقطعها 4 حتت ... وكلها لازم تبقى بالمللي وللشقة كلها

وانا عارف إن شغلي هايبقى مُرهق

لسببين :

1- كل الشقة هاعمل البلاط درجة 45 ... نوضح للاخوه الزملاء يعني أيه ..... البلاط مش هايترص بس كده جنب بعضه لأ .. لكن هايبقى بسبموكسة .... وفي حاجات حواليها براويز مستقيمه قريبة من الحائط والـ 45 يبقى جوه البرواز

2- كمان في المطبخ والحمامين عندي أشكال هندسية وأختلاف ألوان عشان الكونتراست ووزارات وبلاط ديكور

وكل ده بياخد مجهود

خدي دي بقى من أخوكي سين سين ..

إحنا داخلين عالشتا والصنايعيه بيشموا جبس في الموسم ده .. وبعد ما كان الواحد فيهم بيحط رجل على رجل ويتنطط عالواحد في موسم الصيف ..

دلوقت أقدر أشخط فيه واقول له : نزل رجلك يا بني أدم وقوم أقف وإنتي بتكلمني

الحمد لله الشقة عندي هاتاخد شغل كتير عشان كبيرة

لكن صاحبنا مصمم إنه يشتتغل لوحده مش هايجيب صنايعي معاه وحجته بقى : إنه عاوز إيد واحده تشتغل بميزان واحد وعشان يسلم للمهندس شغل نضيف وهو مش مستعجل إن شالله ياخد فيها شهر

وأنا كمان من ناحيتي مش مستعجل إن شالله ياخد 6 أشهر :rolleyes:

فقلت له ما أحب ما عليه يا حبيبي

لكن أنا عارف السبب إيه ...مش كده خالص

عشان هو في الشتا هايآنتخ كتيييييييير ويمكن يعيش على اللي هايطلع له من عندي لحد ما ربنا يكرمه بشغل تاني

---------

كان معكم محدثكم سين سين من أمام كارفور العبور

[mama nona]

اهلا عمو سى السيد

كل سنة وحضرتك طيب

اخبار السيراميك وصل لحد فين ؟

والدهان عايزة اشوف صور الشغل ال عندك

اهو نستفيد لو فيه عندك حركات جديدة

اصلى قاعدة بنش فى مصر ومش لاقيه حاجة اعملها

ربنا يبارك لك فيها ان شاء الله ويبعد عن شرها

سلام

[se_ Elsyed]

اهلا عمو سى السيد

كل سنة وحضرتك طيب

اخبار السيراميك وصل لحد فين ؟

والدهان عايزة اشوف صور الشغل ال عندك

اهو نستفيد لو فيه عندك حركات جديدة

اصلى قاعدة بنش فى مصر ومش لاقيه حاجة اعملها

ربنا يبارك لك فيها ان شاء الله ويبعد عن شرها

سلام

حمد الله عالسلامه ومنورة المحروسة يا ماما نونا

إنتي عارفه بقى العيد واللحمه والخرفان والصنايعية والاجازات ... لسه الراجل بتاع السيراميك شغال ... يا دوب خلص الحوائط ... ويمكن نص الأرضيات وأنا سايبة براحته أصلي مش مستعجل

ولسه ما بدأناش نقاشه طبعاً

لكن إتفقنا مع النقاش اللي تبع مكتب الديكور ... وهاياخد على المتر 8 ج ... كله في قلب بعضه

يعني لو في ديكورات أو ترخيم او حاجه سبونيش برضوا هاتتحسب بـ 8 ج

وجه الكهربائي عمل الاماكان بتاعت الأسبوتات في السقف المعلق

وأهو اول ما السيراميك يخلص .. كل الدوشة والتراب والقلق اللي في الشقة بيخلص ويبتدي الشغل النضيف بتاع النقاشة والألوميتال

على فكره

يومين كده وهانزل صور شغل الجبس اللي صورته لما نزلت مصر من 3 أسابيع ... ما شاء الله شوية شغل حلوين والواد طلع فنان وعمل حاجات بصراحه احلى من اللي المكتب قال له عليه .. وده اللي بيعجبني في الصنايعي الكويس إنه يكون عند لمسة الأبتكار ويقدم أفكار للعميل ويا يقبلها يا يقتنع بيها

أما الدهانات فأنا مش هاعمل بهرجه كتيرة فيها ... يعني حاجه سيمبل وخلاص ...

لكن هذا لا يمنع إنك لو عندك أفكار جديدة قديمة للبيع أي حاجه قوليها ..

وبرضوا الحج عنبي بعد ما رجع من الحجاز لو عنده طاقيه أو سبحه أو فكره عن الدهانات يجيبها ومن قدم شيء بيداه إلتقاه وهنيالك يا فاعل الخير والثواب

[ahmos1]

كل سنة و انتم طيبين و ربنا يقويك ياسى السيد و على فكرة انا اعمل فى جدة

طيب اية حكاية مكتب الديكور دى لان عندى فيلا فى التجمع و مش عارف اشطب ازاى و اثق فى مين

[عنبو]

وبرضوا الحج عنبي بعد ما رجع من الحجاز لو عنده طاقيه أو سبحه أو فكره عن الدهانات يجيبها ومن قدم شيء بيداه إلتقاه وهنيالك يا فاعل الخير والثواب

احم والله يا حج احمد وطبعاً زى ما انت عارف ان احمد مش زى الحج احمد

على العموم موضوع الديكورات ده مالوش قاعده ثابته يعنى كل مكان وله ظروفه الخاصه به

علشان كده خلينى انا لو فيه حاجه فنيه عاوز تعرفها

يعنى ممكن تسألنى سواء فى النقاشه او فى الموبيليا وانا تحت امرك

الحج محمد عنبى

[mama nona]

اهلا عمو سى السيد

كل سنة وحضرتك طيب

اخبار السيراميك وصل لحد فين ؟

والدهان عايزة اشوف صور الشغل ال عندك

اهو نستفيد لو فيه عندك حركات جديدة

اصلى قاعدة بنش فى مصر ومش لاقيه حاجة اعملها

ربنا يبارك لك فيها ان شاء الله ويبعد عن شرها

سلام

حمد الله عالسلامه ومنورة المحروسة يا ماما نونا

إنتي عارفه بقى العيد واللحمه والخرفان والصنايعية والاجازات ... لسه الراجل بتاع السيراميك شغال ... يا دوب خلص الحوائط ... ويمكن نص الأرضيات وأنا سايبة براحته أصلي مش مستعجل

ولسه ما بدأناش نقاشه طبعاً

لكن إتفقنا مع النقاش اللي تبع مكتب الديكور ... وهاياخد على المتر 8 ج ... كله في قلب بعضه

يعني لو في ديكورات أو ترخيم او حاجه سبونيش برضوا هاتتحسب بـ 8 ج

وجه الكهربائي عمل الاماكان بتاعت الأسبوتات في السقف المعلق

وأهو اول ما السيراميك يخلص .. كل الدوشة والتراب والقلق اللي في الشقة بيخلص ويبتدي الشغل النضيف بتاع النقاشة والألوميتال

على فكره

يومين كده وهانزل صور شغل الجبس اللي صورته لما نزلت مصر من 3 أسابيع ... ما شاء الله شوية شغل حلوين والواد طلع فنان وعمل حاجات بصراحه احلى من اللي المكتب قال له عليه .. وده اللي بيعجبني في الصنايعي الكويس إنه يكون عند لمسة الأبتكار ويقدم أفكار للعميل ويا يقبلها يا يقتنع بيها

أما الدهانات فأنا مش هاعمل بهرجه كتيرة فيها ... يعني حاجه سيمبل وخلاص ...

لكن هذا لا يمنع إنك لو عندك أفكار جديدة قديمة للبيع أي حاجه قوليها ..

وبرضوا الحج عنبي بعد ما رجع من الحجاز لو عنده طاقيه أو سبحه أو فكره عن الدهانات يجيبها ومن قدم شيء بيداه إلتقاه وهنيالك يا فاعل الخير والثواب

اهلا عمو سى السيد

بالنسبة للدهانات اكيد هتكون على ذوق وشكل العفش

بمعنى انه هتدهن كاجوال ولا كلاسيك

الوان صاخة ولا هادية

انا حاسة انه اكيد هيكون كلاسيك

انا عندى دهنت زيت زى ما قلت لك طبعا لانى عندى عقدة من البلاستيك ليه معرفش

الزيت ده كان للجدران السادة ال معليهاش اى ديكورات ولا اسبونش ولا حاجات من دى انما الديكورات دى بتكون على بلاستيك لمعة او نص لمعة

انا دهنت الصالة الريسبشن باللون الكريمى المصفر لانى عاملة جدار بحجر جبلى فكان لازم اختار من درجاته

وعلشان عفشى كله كلاسيك

وورا الصالون عملت وردات استنسل بارزة ودهبتها

وفالمدخل عملت لون بيتى غامق

وحوالين السفرة خليتها سادة

والجزء التالت ال من الريسبشن عملته فلفيت اورانج علشان عليه كونسول مدهب وكراسى فوتيه صغيرة فحبيت اخليه لون كاجوال

غرف النوم الوانها الجديدة الموف البيجات بدرجاتها ده على ااساس انه فيه جدار او جدارين لونهم بيكون مختلف عن اللون الاساسى

غرف الاولاد درجات اللبنى ف ازرق

او الاصفر وممكن الاخضر

والبنات طبعا البمبى والفوشيا

طبعا هى اذواق فالمقام الاول وارتياح للالوان

انا عملت النوم الرئيسية درجة البصلى والجدار ال ورا السرير عملته نبيتى فلفيت فطلعت جميلة

والكورنيشة والتاج عملت درجة اتقل شويتين من الجدران بصلى برده

غرفة الاطفال قسمت الجدار نصين بموجة ثابتة النص ال فوق اصفر مع السقف والنص ال تحت من الموجة فوشيا\

والكورنيشة والصرة فوشيا

وجدار كامل فوشيا

هحاول انزل الصور لو لقيتها يمكن تفيدك

وهبعت لك رقم الحساب علشان تحطلى اد 10000 جنيه للاستشارات دى

الليفنج عندك على ما اتذكر هيكون اسلامى صح ولا ايه

ده على اساس الجبس ال فيه

ممكن تخليه اسبونش بس بلون واحد وومكن نخلى جدار كامل ال هيكون واضح اسبونش بلون اغمق من ال هتكون عليه الغرفة ومعاه العمدان البارزة لو موجودة

وممكن اللجدار ال هنخليه غامق ده نخليه مقلم فاتح ف غامق ونعمله اسبونش

ومتنساش الكونيشه انها لازم تاخد من درجات الجدران

والسقف نفسه لو مساحته كبيرة ممكن واحد رسام يرسم لك فيه اشكال حلوة او نعتقه بلون افتح درجة من الجدران علشان يبان

[عنبو]

بالنسبه لغرف الاطفال على حسب السن بس لو اطفال اطفال يعنى

فيه بقى دهانات ورسومات بتتعمل فى غرف الاطفال بتبقى تحفه بجد زى مثلاً عالم الفضاء تدخل الاوضه كأنك داخل فضاء بجد

يعنى ليها رسومات خاصه بيها مع طبعاً شوية لعب فى الفرش بتاع الاوضه هتحصل على حاجه اخر شياااااااكه

[لماضة مصرية جدا]

السلام عليكم و رحمة الله و بركاته

حبايبي الحلوين...

احب انوه انا ماليش في قصة الداكورات دي خاااااااااااااالص

بس لما تيجي بقي عند غرف الاطفال.....انا احب ادلي بالجردل بتاعي

اولا.....ابوس القدم.... خلوه فيه مساحااااااااااااااااااات و بلاش الكربسة في العفش دي.....كان ليا استاذ بيقولي المشكلة عندنا في مصر في حجم قطعة الاثاث مش في ضيق المساحات (يعني نعمل كورسي انتريه مثلا.... مع انه لشخص واحد بس ياكل كل الصالة و تنطر تستغني ع الكنبة)

انا بتخيل دايما غرفة الاطفال تبقي بتحكي قصتهم المفضلة.... و دي بنبتديها من اول الباب و ناخد القصة من اول حيطة و دوران داير علي الحيطان.....يعني انا بحب اليس في بلاد العجائب (اينعم هي الاوضة مش ليا...بس حبة حلم بقي)

ممكن الباب يبقي علي شكل قلب كبير...... و أرانب كده عشان باني باني (ما اظنش حد فاكره)

و بعدين لما نخش الاوضة.....لازم نلاقي اليس .....ممكن بتجري (ايوة بحب الرسومات اللي فيها حركة)

و ممكن نعمل الدولايبي علي شكل ورق كوتشينة (لا مش هنعلم العفاريت لعبة هي العروسة فين.....وش كريم عبد العزيز حرامية في تايلاند) بس ده كان جزء مهم من قصة اليس

يا ريت برضه الدولايب تبقيفي طول الطفل أو اعلي منه شوية عشان يتعود انه يحط هدومه لوحده

ممكن بقي يبقي فيه مكتب و هنا ممكن يبقي علي شكل قوالب طوب (المذاكرة هي ايه غير حاجات صغيرة فوق بعض....وش ممثل مش عارفاه في فيلم جواز بقرار جمهور)

....و رف الكتب و القصص يبقي واخد شكل هامبتي دامتي (البيضة اللي بتتكلم)

السرير يبقي شكل تاااااااااااج.....لان احلي كائن هيبقي نايم فيه

و اهم حاجة لازم يبقي فيه نجوم فوسفورية في السقف..... و نجوم نازلة بحبال رفيعة كده عشان لما نطفي النور تنور في الضلمة و تخيله باصص للسما

الشباك اللي في الاوضة بقي يا ريت يبقي علي شكل مصباح سحري....الله مش هو ده اللي بيخليه يشوف عالم جديد(الا إذا كان بيبص ع المنور :closedeyes: )

مش عارفة اعمل ايه تاني

انا نسيت حاجة

بس ركن اللعب يبقي متحرك يعني ممكن يبقي صندوق للعب و كورسي في نفس الوقت

مش عارفة الاوضة كده هيبقي شكلها حلو و لا ايه

فوتكم بعافية

[se_ Elsyed]

وكتاب الله يا لماضه لو عيل من عيالي عنده أوضه زي دي وندهني وقال لي : يا بابا ...

أقول له : بابا مين ؟؟؟؟ ده أنت اللي بابا ... ممكن كرت توصية يا كوكو

إيه القلوب والمصابيح والحركات دي كلها ؟ ...

علي النعمه أجي الصبح بدري وأعمل أنقلاب عسكري وأستولى على الأوضه بتاعته بوضع اليد .. لكن عشان أنا أب حنين .. ممكن أفرش له في المطبخ أي شوال ينام عليه ,, وأسمح له يزور أوضتي -- اللي كانت أوضته -- مرتين في السنة .. مره في عيد العمال ... والتانية في عيد الجلاء

------------

بكره هانزل لكم شوية صور على ما قُسم كده ..