حكاياتي مع ديكوراتي

[HanaaOsama]

ياترى ممكن فكرة عن إيه الأفضل فى تركيب الكرانيش الجبس, الجاهز ولا العمولة؟

أنا نفسى أعمل كرانيش جبس عندى فى الشقة بس مكسل عشان وجع الدماغ وهدة الحيل, وفى نفس الوقت سمعت إن فى خامة تانية بيقولوا أفضل من الجبس بيقولوا عليها فيبر, ياترى إيه الأنسب وحدود سعر المتر مصنعية وخامات فى الحالتين كام؟

النوع التاني غير الجبس اسمه " فيوتك " المتر تقريبا كان من سنه ب 22 او 24 مش فاكره و هما بيجوا يلصقوه

و الفروق بينه و بين االجبس :-

اول حاجه عشان تعمل جبس من الي بيتصبوا فيي قوالب جاهزه الي فيه اشكال و روسمات حلوه لازم الصنايعي يكون كويس عشان مايبنش الفرق بين الواحده و اختها اما الجبس العادي الي بيتعمل علي الايد كويس لكن شكله عادي لكن في ناس بتحبه لغايه دلوقتي و بيتقول عليه بسيط و شيك

الجبس اكيد اكيد هيبهدل الشقه لو حضرتك ساكن فيها و هتجرح الاول مكان تركيب الكورنيشه و و يعد يمسك بتاع شهر عشان ميته تنشف و تقدر تدهنه

السعر برضه من حوالي سنه كان تقريبا ب 15 او 17 بتركيبه

ده الجاهز الي مصبوب بره لكن طبعا لسه تكلفه الجبس الي هتجيبه عشان يلزق بيه

لكن السعر كمان بيختلف من منطقه لمنطقه و من محافظه للتانيه لكن سعر الفيوتك ثابت

لكن حضرتك ممكن تتاكد من الاسعار في الوقت الحالي

اي محل بويات كويس دلوقتي هتلاقي عنده كتالوج كرانيش فيوتك بالاسعار

كبعا برضه في دلوقتي " سره " للسقف فيوتك تحفه و مدهونه كل الاشكال و الالوان و دهبي في زيتي و حاجات شيك الصراحه

تم تعديل 31 مايو 2010 بواسطة HanaaOsama

[واحد تاني]

ياترى ممكن فكرة عن إيه الأفضل فى تركيب الكرانيش الجبس, الجاهز ولا العمولة؟

أنا نفسى أعمل كرانيش جبس عندى فى الشقة بس مكسل عشان وجع الدماغ وهدة الحيل, وفى نفس الوقت سمعت إن فى خامة تانية بيقولوا أفضل من الجبس بيقولوا عليها فيبر, ياترى إيه الأنسب وحدود سعر المتر مصنعية وخامات فى الحالتين كام؟

الجاهز أسهل بكتير ...

روح على محطة ترام بولكلي ... في هناك الرشيدي

اسأله على الفيوتك ... هتعرف معلومات كتير عن الموديلات ... والاسعار والمصنعيات

[محمد عبدالعزيز]

ياترى ممكن فكرة عن إيه الأفضل فى تركيب الكرانيش الجبس, الجاهز ولا العمولة؟

أنا نفسى أعمل كرانيش جبس عندى فى الشقة بس مكسل عشان وجع الدماغ وهدة الحيل, وفى نفس الوقت سمعت إن فى خامة تانية بيقولوا أفضل من الجبس بيقولوا عليها فيبر, ياترى إيه الأنسب وحدود سعر المتر مصنعية وخامات فى الحالتين كام؟

النوع التاني غير الجبس اسمه " فيوتك " المتر تقريبا كان من سنه ب 22 او 24 مش فاكره و هما بيجوا يلصقوه

و الفروق بينه و بين االجبس :-

اول حاجه عشان تعمل جبس من الي بيتصبوا فيي قوالب جاهزه الي فيه اشكال و روسمات حلوه لازم الصنايعي يكون كويس عشان مايبنش الفرق بين الواحده و اختها اما الجبس العادي الي بيتعمل علي الايد كويس لكن شكله عادي لكن في ناس بتحبه لغايه دلوقتي و بيتقول عليه بسيط و شيك

الجبس اكيد اكيد هيبهدل الشقه لو حضرتك ساكن فيها و هتجرح الاول مكان تركيب الكورنيشه و و يعد يمسك بتاع شهر عشان ميته تنشف و تقدر تدهنه

السعر برضه من حوالي سنه كان تقريبا ب 15 او 17 بتركيبه

ده الجاهز الي مصبوب بره لكن طبعا لسه تكلفه الجبس الي هتجيبه عشان يلزق بيه

لكن السعر كمان بيختلف من منطقه لمنطقه و من محافظه للتانيه لكن سعر الفيوتك ثابت

لكن حضرتك ممكن تتاكد من الاسعار في الوقت الحالي

اي محل بويات كويس دلوقتي هتلاقي عنده كتالوج كرانيش فيوتك بالاسعار

كبعا برضه في دلوقتي " سره " للسقف فيوتك تحفه و مدهونه كل الاشكال و الالوان و دهبي في زيتي و حاجات شيك الصراحه

أشكرك جداً ياباشمهندسة هناء على المعلومات القيمة والمفيدة جداً دى, وأنا فعلاً ساكن فى الشقة وهو ده اللى مقلقنى من قلبة الشقة مرة تانية, لأنى لسه السنة اللى فاتت مركب سيراميك بدل الأرضيات الخشب, وحيلى اتهد فى العملية دى ومش عاوز أجربها مرة تانية.

طيب بالنسبة للفيوتك, هل سكنى فى آخر دور ممكن يخلى اللصق يفك بسرعة, لأن فى صديق حصل عنده المشكلة دى واللصق فك؟

ولا هى المشكلة فى الصنعة أو الخامة بتاعة اللصق؟

معلش سؤال برضه بخصوص الصنايعية, حضرتك بتقولى هما اللى بيلصقوه... هل قصدك المحل ولا المصنع ولا مين اللى بيجوا يلصقوه؟

وهل سعر المتر بيكون شامل التركيب بخامات اللصق ولا لأ؟

أشكرك مرة تانية

[محمد عبدالعزيز]

ياترى ممكن فكرة عن إيه الأفضل فى تركيب الكرانيش الجبس, الجاهز ولا العمولة؟

أنا نفسى أعمل كرانيش جبس عندى فى الشقة بس مكسل عشان وجع الدماغ وهدة الحيل, وفى نفس الوقت سمعت إن فى خامة تانية بيقولوا أفضل من الجبس بيقولوا عليها فيبر, ياترى إيه الأنسب وحدود سعر المتر مصنعية وخامات فى الحالتين كام؟

الجاهز أسهل بكتير ...

روح على محطة ترام بولكلي ... في هناك الرشيدي

اسأله على الفيوتك ... هتعرف معلومات كتير عن الموديلات ... والاسعار والمصنعيات

أشكرك جداً يا واحد تانى :happy:

بإذن الله أنتهز أقرب فرصة وأروح عند الرشيدى اخد فكرة عن الأسعار والمصنعيات والموديلات.

[HanaaOsama]

أشكرك جداً ياباشمهندسة هناء على المعلومات القيمة والمفيدة جداً دى, وأنا فعلاً ساكن فى الشقة وهو ده اللى مقلقنى من قلبة الشقة مرة تانية, لأنى لسه السنة اللى فاتت مركب سيراميك بدل الأرضيات الخشب, وحيلى اتهد فى العملية دى ومش عاوز أجربها مرة تانية.

طيب بالنسبة للفيوتك, هل سكنى فى آخر دور ممكن يخلى اللصق يفك بسرعة, لأن فى صديق حصل عنده المشكلة دى واللصق فك؟

ولا هى المشكلة فى الصنعة أو الخامة بتاعة اللصق؟

معلش سؤال برضه بخصوص الصنايعية, حضرتك بتقولى هما اللى بيلصقوه... هل قصدك المحل ولا المصنع ولا مين اللى بيجوا يلصقوه؟

وهل سعر المتر بيكون شامل التركيب بخامات اللصق ولا لأ؟

أشكرك مرة تانية

الي بيلصق المحل الي اشتريت منه بيبعت ناس مع الكرانيش و ده الي حصل مع قريبتي الي ركبته السنه الي فاتت

معرفش النطام دلوقتي ايه

و السعر الي قلته تقريبا 24 شامل التركيب

يعني هو بيقولك سعر متر الكرانيش لوحده و المصنعيه لوحدها لكن علي بعض تقريبا كان 24 يعني مثلا الكرانيش 21 و ال 3 تركيب

انا مش فاكره بالظبط هتصل بيها و اتاكد

موضوع انه يفك ولا لأ معرفش الصراحه لكن اكيد هتبقي المشكله في خامه اللصق مش في الصنعه

حضرتك ممكن تسال المحلات الي بتبيع هل في انواع لصق ولا كله واحد

و اي خدمه في اي وقت

[noureymo]

فينك يا سي السيد انا قلت انك اول ما هتشوف المقايسة دي هترد عليا

بصراحة انا مش عارف أقرر لوحدي خاصة اني مش عارف اسعار الخامات ايه.

يا فندم أنا هنا .. ولو أعرف أقول على طول ..

لكن انا غلبان وماليش في موضوع المقايسات والكلام ده .. لإنه محتاج متخصص ...

عليك وعلى الباشمهندس أشرف محمد ....

شكرا يا باشا على اهتمامك بالرد انا بس كنت قصدي ان الناس الي عندها خبرة زي حضرتك في التشطيبات هيقدروا يقولولي السعر ده كتير ولا قليل يعني مثلا مكتوب ان تكلفة الحمام او المطبخ 1500 جم (مونة واجرة) هل ده منطقي ولا كتير.أو ان متر المحارة مونة واجرة 22 جم. كده كتير ولا مناسب.

هو ده كان قصدي من استشارتكم.

انا عارف ان الموضوع محتاج متخصص على الاقل في تحديد الامتار وكمية الخامات .

شكرا مرة تانية واسف على الازعاج

[HanaaOsama]

فينك يا سي السيد انا قلت انك اول ما هتشوف المقايسة دي هترد عليا

بصراحة انا مش عارف أقرر لوحدي خاصة اني مش عارف اسعار الخامات ايه.

يا فندم أنا هنا .. ولو أعرف أقول على طول ..

لكن انا غلبان وماليش في موضوع المقايسات والكلام ده .. لإنه محتاج متخصص ...

عليك وعلى الباشمهندس أشرف محمد ....

شكرا يا باشا على اهتمامك بالرد انا بس كنت قصدي ان الناس الي عندها خبرة زي حضرتك في التشطيبات هيقدروا يقولولي السعر ده كتير ولا قليل يعني مثلا مكتوب ان تكلفة الحمام او المطبخ 1500 جم (مونة واجرة) هل ده منطقي ولا كتير.أو ان متر المحارة مونة واجرة 22 جم. كده كتير ولا مناسب.

هو ده كان قصدي من استشارتكم.

انا عارف ان الموضوع محتاج متخصص على الاقل في تحديد الامتار وكمية الخامات .

شكرا مرة تانية واسف على الازعاج

معلش انا رديت في نشره اخبار العقارات

[moataz]

موضوع جميل ومفيد جدا الف شكر لكل من ساهم فيه ..

لى سؤال ايه رايكم فى تركيب سيراميك الحمام والمطبخ من تحت غامق وفى النصف فاتح ثم من فوق غامق ولا من تحت غامق ومن فوق فاتح ولو حد عنده اقتراح ثانى يا ريت يقول ...

[Howayda Ismail]

المطبخ نصفه السفلى غامق وصف سكلو والنصف العلوى فاتح مع مراعاة تناسق الالوان والارضية فاتحة بيكون شكله جميل خاصة لو المساحة صغيرة الى حد ما والحمام لون سادة موحد ولايمنع وجود تابلوه سيراميك من نفس اللون و الارضية مزركشة من نفس درجة الالوان ولو الحمام كبير الوان غامقة نوعا ما لو صغير الفاتح افضل

[HanaaOsama]

موضوع جميل ومفيد جدا الف شكر لكل من ساهم فيه ..

لى سؤال ايه رايكم فى تركيب سيراميك الحمام والمطبخ من تحت غامق وفى النصف فاتح ثم من فوق غامق ولا من تحت غامق ومن فوق فاتح ولو حد عنده اقتراح ثانى يا ريت يقول ...

المطبخ

النضف السفلي غامق و يعلوه وزره الحوائط بتاعته العريضه

بعدين جزء فاتح بعديه الوزره بتاعته الرفيعه

و بعدين بلاطه غامقه

مع مراعاه ان النصف الغامق السفلي مبيكونش نص بالظبط هو بيتظبط بحيث الوزره العريضه تبان في منتصف قطعه المطبخ السفلي و العليا

لو عشان التكلفه ممكن بلاش الجزء العلوي بتاع الوزره الرفيعه

الحمامات ممكن نفس الكلام او الشكل الحديث الي هو لون واحد غالبا الفاتح و تعمل بلاطه او اتنين او اكتر بالطول و يمين و شمال تحط بلاطات الديكور بالطول برضه

تم تعديل 10 يونيو 2010 بواسطة HanaaOsama

[jasmin hamed]

موضوع جميل ومفيد جدا الف شكر لكل من ساهم فيه ..

لى سؤال ايه رايكم فى تركيب سيراميك الحمام والمطبخ من تحت غامق وفى النصف فاتح ثم من فوق غامق ولا من تحت غامق ومن فوق فاتح ولو حد عنده اقتراح ثانى يا ريت يقول ...

هوه موضوع النصين ده كان موضه وفى طريقهاالى الزوال

دلوقت استخام لونين بيكون بصوره تدريجيه

ذى كده

او عشوائيه ذى كده بالوان متقاربه و متناقه

او بصوره طوليه ذى كده

[HanaaOsama]

الصوره الاخيره دي الي حطيتها جاسمين هي شرحي للحمام و ممكن بدل الوزره الي محطوطه بالطول بدالها بلاطات ديكور

بس الصورتين الاوليين دول يا جاسمين موضه مش حلوه شكلها يعصب

ده غير ان البلاطات الصغيره ديه مبتتركبش عادي كدا زي السيراميك العادي ديه بتتلصق

تم تعديل 10 يونيو 2010 بواسطة HanaaOsama

[jasmin hamed]

الصوره الاخيره دي الي حطيتها جاسمين هي شرحي للحمام و ممكن بدل الوزره الي محطوطه بالطول بدالها بلاطات ديكور

بس الصورتين الاوليين دول يا جاسمين موضه مش حلوه شكلها يعصب

ده غير ان البلاطات الصغيره ديه مبتتركبش عادي كدا زي السيراميك العادي ديه بتتلصق

هوه انا شفت بلاطات كبيره مقسمه صغير ذى ما يكون بلاط صغير

و موضوع الذوق بيفرق من حد لتانى و درجات اللون كمان بتفرق فى النتيجه النهائيه

[moataz]

الف شكر يا جماعه على ردودكم الكريمه جزاءكم الله كل خير ..

بس عاوز اقول حاجه شكل الميزانيه كدا مش هتسمح انى اجيب وزره فبفكر اعمل حيطه واحده فى الحمام زى الشطرنج بلاطه غامقه وجنبها بلاطه فاتحه وباقى الحمام يبقى فاتح بس الصراحه مش متخيل شكله هيطلع ازاى فايه رايكم فى الفكره ده .. بالنسبه للمطبخ مش عارف بصراحه اعمله ازاى من غير وزره فيا ريت لو حد عنده اقتراحات يقولى عليها ضرورى ...

[HanaaOsama]

الف شكر يا جماعه على ردودكم الكريمه جزاءكم الله كل خير ..

بس عاوز اقول حاجه شكل الميزانيه كدا مش هتسمح انى اجيب وزره فبفكر اعمل حيطه واحده فى الحمام زى الشطرنج بلاطه غامقه وجنبها بلاطه فاتحه وباقى الحمام يبقى فاتح بس الصراحه مش متخيل شكله هيطلع ازاى فايه رايكم فى الفكره ده .. بالنسبه للمطبخ مش عارف بصراحه اعمله ازاى من غير وزره فيا ريت لو حد عنده اقتراحات يقولى عليها ضرورى ...

معلش سؤال حضرتك ناوي تجيب سيراميك نوعه ايه كيلوباترا ولا الفا ولا ايه ؟

بالنسبه للوصف الي حضرتك بتقوله بصراحه متخيلاه مش ظريف ممكن تعمل زي اخر صوره بلاطتين تلاته غامقين بالطول في نصف الحائط و غالبا بيكون الحائط الي عليه الحوض و المرايه حتي و لم تستخدم وزر

لكن لو لنفس الشكل الي بقول لحضرتك عليه وقررت تركب وزر بالطول التكلفه طبعا هتقل عن لو ركبت وزر بعرض الحمام كله

لو عملت وزر بالطول علي يمين و شمال البلاطات الغامقه هتحتاج حوالي 30 وزره فقط لان الوزره العاديه 20 سم في حوالي 3 متر يمين و 3 متر شمال يبقي 15 وزره يمين و 15 وزره شمال

لو عشان التكلفه طبعا وزرات كيلوباترا غاليه

حتي لو هتجيب سيراميك كيلوباترا ممكن تركب وزرات الفا و ديه كتير جدا و اشكالها رائعه الواحده ب 3 جنيه تقريبا او 4 مش فاكره

يعني عشان تعمل الشكل الي قلته هتتكلف من 90 جنيه الي 120 جنيه وزرات فقط

اكيد مش حاجه جمب اجمالي تكلفه عمل سيراميك لكن هتفرق اكيد في الشكل

و لو الحمام صغير و حضرتك عايز تعمل نص غامق و نص فاتح احسب محيط الحمام و اقسمه علي 20 سم هتعرف انت محتاج كام وزره و اضربها في 4 جنيه

تم تعديل 11 يونيو 2010 بواسطة HanaaOsama

[moataz]

الف شكر يا استاذه HanaaOsama على ردك والله افادتينى كثير جزاءكى الله كل خير ... حلوه فكرة الوزره بالطول بس اعتقد مش هتنفع لان الحوض عندى قبل فتحة الباب بحاجه بسيطه ...

بالنسبه لنوع السيراميك طبعا كليوباترا افضل حاجه بس هتبقى غاليه شويه وبرده فى نفس الحيره محتار اجيب انهى نوع بعد كليوباترا يا ريت تفيدنى ...

ايه رايك بالمناسبه فى الفكره ده لاقيتها على الانترنت وهتبقى سهله التنفيذ ولالا لو كانت كويسه باعتبارها فكره جديده:

http://1.bp.blogspot.com/_n2Hf7aG9Ip8/SQ4V.../Image(323).jpg

بالنسبه لسيراميك المطبخ ايه راي حضرتك فى ده بس الصوره مش واضحه اوى معلش مضطر احط الرابط :

http://forums.3roos.com/showpost.php?p=121...mp;postcount=99

بفكر اجيبه واعمله على شكل اقلام بلاطين غامقين وجنبهم بلاطين فاتحين بس مش متخيل شكله بصراحه ..واخيرا انا متاسف جدا لازعاج حضرتك ..

تم تعديل 11 يونيو 2010 بواسطة moataz

[HanaaOsama]

بالنسبه للحمام و بما ان زي ما قالت جاسمين ان الغامق تحت و الفاتح فوق موضه قربت يروح عليها في الحمامات يبقي انا شايفه ان الافضل موضوع الاشكال الطوليه ده وبالنسبه لان مكان الحوض مش مناسب يعني ورا الباب او مش واضح فممكن الحيطه الي شرحتها قبل كدا (ان بلاطتين تلاته غامقيين متحوطين يمين و شمال بورزات ) تكون في اي حائط ظاهر في الحمام

يعني الحائط الي واضح اول ما تدخل الحمام

بالنسبه للصوره الي حضرتك حاططها هي فكره جديده لكنها برضه تتبع ان الغامق فوق و الفاتح تحت و برضه دايما انا مقتنعه ان الوزرات باي شكل بتدي منظر احلي

و في النهايه كلها اذواق و مش كل الناس ذوقها زي بعض

بالنسبه للمطبخ الي فهمته انه بلاطتين غامقين جنب بلاطين فاتحيين في النهايه الشكل مقلم ....................

مش عارفه الصراحه مش متخيله علي مساحه كبيره يبقي عامل ازاي و زي ما قلت حضرتك الاذواق لازم تختلف بين الناس

لكن مازلت مقتنعه بالوزرات

بالنسبه للسؤال بتاع انهي نوع كيلوباترا مش فاهمه تقصد حضرتك ايه

تقصد نوع يعني سيراميك او بورسيلين ولا ايه ؟

تم تعديل 11 يونيو 2010 بواسطة HanaaOsama

[moataz]

بالنسبه للسيراميك اقصد ايه اللى بعد كليوباترا يكون قريب فى الجوده وسعره ارخص سواء حوائط او ارضيات .. بالنسبه للفكره ده (ان بلاطتين تلاته غامقيين متحوطين يمين و شمال بورزات ) جميله جدا بس باقى الحمام بعد كدا اظن يمشى فاتح ويا ريت لو فى صوره تنزليها ويبقى كثر الف خيرك ..

انا برده متفق معاكى فى الراى بخصوص موضوع الوزره انها بتدى شكل احلى من كل الكلام ده وان شاء الله احاول اوفر فلوس واجيبها ...والف شكر لتعبك معايا ..

تم تعديل 11 يونيو 2010 بواسطة moataz

[HanaaOsama]

بالنسبه للسيراميك اقصد ايه اللى بعد كليوباترا يكون قريب فى الجوده وسعره ارخص سواء حوائط او ارضيات .. بالنسبه للفكره ده (ان بلاطتين تلاته غامقيين متحوطين يمين و شمال بورزات ) جميله جدا بس باقى الحمام بعد كدا اظن يمشى فاتح ويا ريت لو فى صوره تنزليها ويبقى كثر الف خيرك ..

انا برده متفق معاكى فى الراى بخصوص موضوع الوزره انها بتدى شكل احلى من كل الكلام ده وان شاء الله احاول اوفر فلوس واجيبها ...والف شكر لتعبك معايا ..

الي بعد كيلوباترا سيراميك " الفا " و رويال برضه كويسه

و الوزرات الي قلت لحضرتك عليها الي من 3.5 الي 4 جنيه وزرات الفا برضه

باقي الحمام فاتح و الشكل زي الصوره الاخيره الي حططها جاسمين لو لقت صوره تانيه هحطها

تم تعديل 11 يونيو 2010 بواسطة HanaaOsama

[HanaaOsama]

ديه صوره للفكره لكن بدل الوزرات بلاطات ديكور

و ديه صوره جاسمين ( صف وزرات يميم و شمال )