بدء الدراسة في المملكة

[pink rose]

هو صحيح الدراسة اتأجلت اسبوع

اللي اعرفه انها كانت هاتبدأ يوم 26/9 بيقال انهم اجلوها اسبوع

و سمعت اوشاعة اكبر بقى ان المملكة بتدرس تأجيل الدراسة لبعد الحج تخوفا من انفلونزا الخنازير

حد سمع اي حاجه عن الحوار دا حقيقي و لا مجرد اوشاعات؟

[مصري المصري]

شوف يا ريمو ..

الأجازة فعلاً تأجلت لمدة أسبوع إلى تاريخ 15 - 10- 30هـ وهذا الموضوع حقيقي وجاءت به نشرة للمدارس كلها

وللأسف حدث هذا التأجيل في السنة الوحيدة اللي قررت فيها إني منزلش أجازة .. :h!!!h:

[مصري المصري]

التاريخ اللي فات بالهجري يوافق 3- 10 بالميلادي

مجرد توضيح :h!!!h:

[تامر مصطفى]

دول الخليج بتأجل الدراسة واحدة ورا التانية

عمان بدأت وأجلت ( على ما سمعت ) لمدة عام دراسي كامل

الكويت أجلت رياض الأطفال وذوي الاحتياجات الخاصة لغاية الاسبوع الأخير من شهر نوفمبر

ولكن الملاحظ ان أي تأجيل يتم للطلبة فقط والمدرسين يبدأ دوامهم كما هو مقر سلفا ( من سوء حظنا )

[se_ Elsyed]

لأ يا تامر

سلطنة عمان أجلت لحد شهر ديسمبر فقط

[زعلان]

الامارات بدأت الدراسة في عدد من المدارس الخاصة و البقية تأتي بعد العيد ان شاء الله

شهر ديسمبر عز الانفلونزا وشواحد بيكركر

[doha]

موضوع ان السعوديه بتدرس تأجيل الدراسة ده مش اشاعه على فكره ..

قرأت في الانترنت ان القرار ده مطلعش فعلا وان غالبا مش هتتأجل لكن ده لاينفي انها تحت الدراسة على اساس ان وزارة الصحه هتكون مشغوله بتأمين الحج فمش عاوزين يفتحوا جبهات تانيه زي المدارس وتجمعات الطلبة وبالتالي احتمال تتاجل الدراسة لمابعد الحج باذن الله ..

طبعا ده احتمال ضعيف والغالب هتبدأ في وقتها ومع ذلك فهو احتمال قائم ..

على العموم ياخبر بفلوس ..

[mama nona]

انا قريت امس فجريدة الرياض

انه توقعات العلماء على انفلونزا الخنازير إصابة مليون شخص على الاقل فى موسم الشتاء الجاى

وانها هتحل محل الانفلونزا الموسمية العادية

ودى طبعا مصيبة خصوصا زحام المدارس والتجمعات دى هتنقلها بسرعة البرق

والله يا ريت يأجلو المدارس فعلا عام كامل عالاقل عما نعرف ايه ال هيحصل

ده انا بفكر مسجاش لبنتى فالمدرسة السنة دى بجدية

[pink rose]

شكرا لكل اللي جاوبني جزاكم الله خير

بس كده بجد انا قلقانة اوي انا قدمت لمريم في المدرسة فعلا

اوديها بقى و لا اطنش السنة دي و لا اعمل ايه؟

بجد محتارة جدا و قلقانة جدا عليها

تم تعديل 31 أغسطس 2009 بواسطة remo

[yono]

هو كل التصريحات بتقول انهم مش هياجلوا الدراسةبالرغم من وصول الحالات لاكتر من 3000

هي خطتهم انهم هيعملوا توعية ويوزعوا مطهارات علي المدارس :)

ان بردوا بفكر جديا اني موديش ابني المدرسة السنة دية او علي الأقل لما نعرف الدنيا هتبقة عملة ازاي بعد الحج

[هشام عباس]

احنا هنا في سلطنة عمان المدارس الحكوميه فقط هي الي اجلت الدراسه الى 29/9 اما المدارس الخاصه فالمرحله الثانويه بدأوا النهارده وفيه مدارس بدأت امبارح هذا للمراحل الكبيره بس انما ابتدائي وk g هم الي اتأجلو بس في المدارس الخاصه

انما المدرسين دوامهم عادي مفيش تغيير والمشكله ان المدرسين كمان ظهرت وسطهم حالات كتيره من المرضى وربنا يستر على ولادنا لأني فعلا انا كمان بفكر مقدمش لبنتي الصغيره الي داخله k g 1 وخصوصا ان اخواتها هيدخلو اخر 9 ربنا بقى يعمل الي فيه الخير

[pink rose]

ايه اخر الاخبار يا جماعة اصل انا لسا في مصر و كل شوية اسمع كلام مختلف

اخر حاجه سمعتها الغاء الترم الاول من الدراسة السنة دي

حد عنده اي اخبار اكيدة؟؟!!!!!!!!!

[sarmar]

السلام عليكم ورحمة الله وبركاتة

ياجماعة الخير كان قد سبق قرار من الملك عبد اللة ملك السعودية بان بداية العام الدراسى يوم السبت القادم 21 من شوال الموافق 10 أكتوبر 2009 وذلك لجميع مراحل التعليم المختلفة فيما عدا المرحة الابتدائية والروضة

حيث سوف يبدأ ان شاء اللة الدراسة بهاتين المرحلتين ( ابتدائى وروضة ) السبت الذى يلية يعنى 28 شوال 1430هـ الموافق 17/10/2009

ولايوجد تاجيل اطلاقا حسب ماصرحت بة وزارة الصحة السعودية امس

[pink rose]

السلام عليكم

اخباركم ايه يا جماعة كل سنة و انتم كلكم طيبين

بدأت الدراسة في المملكة اظن يوم 10 بالنسبة للاعدادي و الثانوي

و يوم السبت ان شاء الله مرحلة الكي جي و الابتدائي

هل من اخبار يعني اخوانا اللي ولادهم دخلوا فعلا ايه الاخبار في المدارس الدراسة عادية و ما فيش اي حالات ظهرت و ايه الاحتياطات اللي المدارس اتخذتها بخصوص الانفلونزا

و ايه اخبار الاخوة و الاخوات اللي ولادهم في كي جي زي حالاتي كده هايدخلوا ولادهم و لا هايطنشوا

انا يا جماعة لحد دلوقتي مش عارفه اخد قرار بالنسبة لمريم

انا باقول اتوكل على الله و ادخلها و ربنا هو الحافظ الاهل بقى في مصر عمالين يخوفنا و يقولوا هي مش في ثانوي يعني عشان تدخليها و نفضل قلقانين دي لسا كي جي 2 ذاكريلها انتي و خلاص و ربنا يحلها السنة اللي جاية

و انا و باباها حيرانين جدا المدرسة بعد بكرة و لحد دلوقتي ما اخدناش اي قرار

يا ريت اعرف ارآء حضراتكم هاتعملوا ايه في الموضوع دا؟

تم تعديل 15 أكتوبر 2009 بواسطة remo

[mandoo]

السلام عليكم

اخباركم ايه يا جماعة كل سنة و انتم كلكم طيبين

بدأت الدراسة في المملكة اظن يوم 10 بالنسبة للاعدادي و الثانوي

و يوم السبت ان شاء الله مرحلة الكي جي و الابتدائي

هل من اخبار يعني اخوانا اللي ولادهم دخلوا فعلا ايه الاخبار في المدارس الدراسة عادية و ما فيش اي حالات ظهرت و ايه الاحتياطات اللي المدارس اتخذتها بخصوص الانفلونزا

و ايه اخبار الاخوة و الاخوات اللي ولادهم في كي جي زي حالاتي كده هايدخلوا ولادهم و لا هايطنشوا

انا يا جماعة لحد دلوقتي مش عارفه اخد قرار بالنسبة لمريم

انا باقول اتوكل على الله و ادخلها و ربنا هو الحافظ الاهل بقى في مصر عمالين يخوفنا و يقولوا هي مش في ثانوي يعني عشان تدخليها و نفضل قلقانين دي لسا كي جي 2 ذاكريلها انتي و خلاص و ربنا يحلها السنة اللي جاية

و انا و باباها حيرانين جدا المدرسة بعد بكرة و لحد دلوقتي ما اخدناش اي قرار

يا ريت اعرف ارآء حضراتكم هاتعملوا ايه في الموضوع دا؟

معقولة يا أم مريم خايفة ... وبعدين إحنا نتوكل على الله .... ونستودعهم الله الذى لاتضيع ودائعه ... أما بخصوص أولادى جريد 4 ، جريد 3 ، كى جى 2 ... إن شاء الله رايحين المدرسة يوم السبت ... لكن لازم نأكد على ولادنا ونعلمهم إزاى يحافظو على نظافتهم وبطريقة سلسة علشان إنت عارفة الولاد الصغيرين دول مشكلة ... وأنا فعلا معودهم بمجرد دخول البيت لازم يغسلوا إيديهم ورجلهم كمان ... المهم نروح معاهم يوم السبت ونطمن بأن الأمور تسير بشكل طيب .... وإن شاء الله ربنا حيسترها معانا جميعا .... وبعدين أنا أعرف إن الإسكندرانية قلبهم جامد زى الحديد ... مش قلب تايوانى wst::

كل عام وأنت طيبة ... وربنا يحفظ لك مريم .... ويحفظ لى إبنتى هانيا.....وإبنى محمود ....وإبنتى نور ...............

[doha]

كنت عامله حسابي اودي بنتي المدرسة بكرا السبت ان شاء الله بس وصلتنا رساله على الموبايل من المدرسة بتقول ان في عدد من الفصول هتدخل السبت وبالنسبة لبنتي هتكون ضمن العدد الي هيدخل الاحد وفي ناس تانيه هتدخل الاثنين !!

بصراحه مش عارفه ايه الحكمه من تقسيم الجريدات لايام كل مجموعة يوم . . وهل الوضع ده اول يوم بس ولا هيكون على مدار الاسبوع كل مجموعه لها ايام محدده .. مش عارفه بصراحه ..