المدينة المنورة

[enjisultan]

شركة السفريات كلمتنا وبعد ما كنا هنلروح الرياض

قالت لنا فى اماكن فاضية فى المدينة للمدينة المنورة لو حابين تغيروا

اعمل اية بقى ؟

جوزى نفسة اوى فى المدينة وانا لسة هادور تانى وخايفة مالاقيش مدارس للبنات ولا سكن مناسب

اية رايكوا ؟

[Alrefaey]

شركة السفريات كلمتنا وبعد ما كنا هنلروح الرياض

قالت لنا فى اماكن فاضية فى المدينة للمدينة المنورة لو حابين تغيروا

اعمل اية بقى ؟

جوزى نفسة اوى فى المدينة وانا لسة هادور تانى وخايفة مالاقيش مدارس للبنات ولا سكن مناسب

اية رايكوا ؟

اعملى مقارنة بين العقديين وشوفى الافضل لكم ده على وجه الخصوص

اما بوجه عام الرياض لها ميزة وعيب الميزة العاصمة بمعنى كافة الخدمات والسفارات وخلافه والعيب الجفاف واقصد بالجفاف جفاف كل شىء من طبيعة وبشر

المدينة لم اسكن فيها ولكنى زرتها اكثر من مرة اسمع ان اهلها طيبين ويكفيها المسجد النبوى من ناحية اماكن الترفية والمدارس فياريت الاخوة يفيدوكى

لو جدة كنت قلت لكى ماتفكريش طيران على هناك

تم تعديل 31 أغسطس 2009 بواسطة Alrefaey

[enjisultan]

شكرا دكتور رفاعى

هما بالمنسبة هو نفس العقد بس باحد الافرع الاخرى نفس الماديات بالضبط

ومين عارف يمكن اول ما نوصل بريدة لاستلام العمل يقولولنا طيران على جدة لكم اماكن هناك

والله احنا تقريبا لفنا فروع الاكاديمية واحنا لسة لم نغادر مصر ربنا يستور ويكملها على خير

الاهم بقى جوزى رد على الشركة ووافق بعد تفكير نص ساعة مننا

ان شاء الله يكون خير

[مصري بالخرج]

بالتوفيق لك اختي

[doha]

انا لو مكانك اخذ المدينة بلا تردد

الرياض متطورة جدا لكن بما انك جايه من مصر مش هيفرق معاك تطورها اوي وهتبقى المدينة لك اقرب ( مش قصدي ان مصر اقل لاسمح الله ولكن في مصر بنتأخر شويه على مانطبق تقنية معينة او على مانعتمد اسلوب مدنية حديثة ) المدينة هتبقى معقوله اوي بالنسبة لك كمدينة متطوره

ثانيا اهل المدينة مشهورين على مستوى المملكه بالطيبة والاخلاق الجمة .. معتقدش هتلاقي اخلاقهم وتعاملاتهم الطيبة في حته تانيه او مع ناس تانيه .

ثالثا وده بيت القصيد .. الحرم النبوي وقريبة جدا من الحرم المكي ودي لوحدها كفايه ..

واخيرا بالنسبة للمدارس اعتقد اي مدرسة خاصة هتبقى كويسه بالذات لو ناوية ترجعي مصر بعد كام سنة مش هتقعدي لغايه مالبنات يدخلوا الجامعة ..

وطبعا الاستخاره قبل اي شيء ..

ربنا معاكم ..

[wayfarerr]

المدينة المنورة طبعا بدون تفكير

المدينة احسن من الرياض ومن جده بدليل ان اللي قعد في المدينة فترة بيرفض تماما النقل للرياض او جده حتى مع زيادة الراتب

انا بقالي حوالي سنة في المدينة وبحمد ربنا اني جيت هنا وبالنسبة للمدراس الخاصة للبنات هنا كتيييييييييييييييييير

والسكن هنا افضل وارخص من الرياض والجو افضل من الرياض وجده

دا غير اهل المدينة

دا غير جوار الحبيب المصطفى عليه الصلاة والسلام ودي في المقام الاول

[ahmedsharaki]

السلام عليكم ورحمه الله وبركاته

اخونا المصريين في المدينه المنوره انا مهندس مدني مقيم عايز اتعرف على مصريين في المدينه الوحده والغربه قتلتني

[raedraed]

والسكن هنا افضل وارخص من الرياض والجو افضل من الرياض وجده

بالمناسبة ياريت نعرف متوسط أسعار السكن في المدينة

هنا في الرياض مثلا بتبتدي الأسعار بداية من 12 فما فوق على حسب المنطقة وحالة المبنى والشقة

[wayfarerr]

برده هنا السكن في المدينة بيكون من بداية 10000 كده وطالع بس بيكون نضيف وقريب نسبيا من الحرم

انما لو اماكن بعيده عن الحرم واي كلام فيه 7000 و8000

[enjisultan]

يا جماعة فى مدارس فى المدينة لغات

ناشونال او انترناشونال؟

حد يعرف؟

[أسد]

الحياة في المدينة ممتعة .. خاصة لأنك ستكون بالقرب من المسجد النبوي الشريف ..

وهي مدينة مريحة نفسياً ..

الحياة أسهل .. وأرخص ..

ولكن إذا كان الأبناء في مدارس لغات أو إنترناشيونال .. ستكون هناك مشكلة حقيقية ..

[enjisultan]

ولكن إذا كان الأبناء في مدارس لغات أو إنترناشيونال .. ستكون هناك مشكلة حقيقية ..

افهم من حضرتك ان مافيش مدارس للغات ناشونال او انترناشونال بالمدينة؟

[أسد]

ولكن إذا كان الأبناء في مدارس لغات أو إنترناشيونال .. ستكون هناك مشكلة حقيقية ..

افهم من حضرتك ان مافيش مدارس للغات ناشونال او انترناشونال بالمدينة؟

يمكن مدرسة واحدة

هندي أو باكستاني

[nadeen]

انا كنت في المدينة مدة 10 سنوات و يوجد مدرسة انترناشيونال اسمها العقيق الدوليه بتدرس المنهج الامريكي و هي مدرسة هايلة .