ابنيها ام ابيعها

[aboramy]

عندى قطعة ارض فى مكان تجارى على شارع ثمانية متر لا يمكننى من الارتفاع اكثر من ثلاث طوابق طبقا للقانون الجديد

ما رأيكم هل ابنيها فى هذا الوقت حيث الحديد رخيص ام ابيعها لانه لن يمكننى الارتفاع اكثر من ارضى وثلاث طوابق حيث ان سعرها عالى جدا ومستخسر ان اضع هذا السعر فى الارض ولن يمكننى استغلال عدد طوابق كبير ’’’’ ما رأيكم مع العلم ان البيع تم وانتهى الموضوع مع العلم اننى لو هبيعها لن يكون قبل العام القادم وقت اجازتى القادمة هل ما لدى من نقود الان ابنى بها حيث ان القيمة الشرعية للنقود اذا بقيت فى البنك فان قيمتها تقل

[الباشمهندس ياسر]

الارض دى فين

و سعر المتر للارض كام

و سعر المتر لو هنبيع شقق تمليك كام

و الارضى تجارى و لا ايه ظروفه و لو تجارى برده سعر المتر كام

و طبعا مساحتها كام

عشان نعرف نعملك المعادلة كاملة و نحسبهالك

[aboramy]

الأرض 10*15 على واجهة واحدة يعنى هناك جار على اليمين وجار على الشمال

العشرة متر على شارع رئيسى يصلح الدور الارضى كله محلات ..عملنا الرخصة ان الارضى كله محلات ..كنظام مول حيث محل على اليمين ومحل على الشمال والمدخل فى المنتصف وبعد ذلك محلات فى الداخل ..تقريبا سبع محلات مع اختلاف المساحات

..الارض كلفت 130 الف جنيه

الدور يصلح شقتين صغيرتين ..وعملنا رخصة الدور الاول شقة كبيرة تصلح للسكن لنا

واذا بنيت فانا لا افكر فى بيع شقق ممكن ايجار جديد

انا الان محتار هل اتركها للزمن وافكر فى شراء قطعة اخرى مميزة حيث اننى وقت شراء تلك القطعة اشتريتها دون تأنى حيث كنت اريد ان اضع ما معى من مال فى اى قطعة ارض لانى كنت على وشك السفر ..وتم شرائها من خمسة اشهر فقط

ما رأيكم ..المشكلة انى لو هشترى مرة اخرى سأنتظر عام اخر..هتكون الاراضى ولعت وكذلك الحديد

[الباشمهندس ياسر]

يا اخى الفاضل جاوبنى ع الاسئلة اللى انا حطيتهالك عشان اعرف اجاوبك صح

غير كده فانت مدخل كام حوار ف حوار

[aboramy]

سعر المتر فى حدود 900 جنيه للمتر

الشقة تمليك المتر فى حدود 1000

الارضى تجارى كله ..

مساحة الارض 10*15

[بنت الشاطئ1]

انا لو مكانك ابيعها . لأنك كدا خسران دور او دورين لان فى مكان اخر ممكن تعمل ارضى وخمسة ادوار وشوف بقى لو الدور شقتين يبقى انت كدا خسران اربع شقق..واللا ايه رأى المهندسين هنا فى المنتدى

[الباشمهندس ياسر]

انا لو مكانك ابيعها . لأنك كدا خسران دور او دورين لان فى مكان اخر ممكن تعمل ارضى وخمسة ادوار وشوف بقى لو الدور شقتين يبقى انت كدا خسران اربع شقق..واللا ايه رأى المهندسين هنا فى المنتدى

اختى الفاضلة

ممكن اعرف حضرتك حسبتيها ازاى؟؟؟

و عشان كده قلتى يبيعها

[بنت الشاطئ1]

انا والله قصدى انها مش حاجة لقطة

يعنى ممكن يلاقى حاجة احسن ويكون متاح ليه انه يعلى ادوار كلما كان معه مبلغ فائض..وكمستقبل ان الادوار الزيادة ممكن تفيده فى الايجار او حتى لأولاده

[الباشمهندس ياسر]

انا والله قصدى انها مش حاجة لقطة

يعنى ممكن يلاقى حاجة احسن ويكون متاح ليه انه يعلى ادوار كلما كان معه مبلغ فائض..وكمستقبل ان الادوار الزيادة ممكن تفيده فى الايجار او حتى لأولاده

الامور متتحسبش كده يا اختى

البيزنس ليه حسابات تانية

و هقولك انها مش لقطة فعلا لكنها هتكسب معاه ع الوضع اللى هو شرحه

تحياتى

[aboramy]

اخوانى المهندسين فى المنتدى

كنت قد نويت البناء باذن الله

فوجئت بالمهندس يقول لى انه لن يمكن بناء اكثر من دورين غير الارضى

قال الاتى

الدور ثلاثة متر اذن دورين سيكون سته متر والارضى بيكون اربعة متر اذن المجموع عشرة متر وارتفاع متر ونصف عن الارض اللى بتكون سلالم مثلا

اذن اصبح مجموع الارتفاع احدى عشر ونصف والارض على شارع 8 متر اذن لن يمكننا ارتفاع اكثر من اثنى عشر مترا

ما رأيكم

انا قسمت الامتار بطريقة اخرى

ان الارضى يكون ثلاثة متر

وطبعا الادوار المتكررة كل منهما ثلاثة اذن المجموع اثنى عشر..لكن تبقى الارتفاع عن الارض هل يمكن الارتفاع عن الارض نصف متر زيادة عن الاثنى عشر ام لابد من تطبيق القانون بالمللى

ايه رأيكم فى تقسيمى للامتار هل مناسب ام الارضى لابد ان يكون اربعة ادوار

[الباشمهندس ياسر]

اخوانى المهندسين فى المنتدى

كنت قد نويت البناء باذن الله

فوجئت بالمهندس يقول لى انه لن يمكن بناء اكثر من دورين غير الارضى

قال الاتى

الدور ثلاثة متر اذن دورين سيكون سته متر والارضى بيكون اربعة متر اذن المجموع عشرة متر وارتفاع متر ونصف عن الارض اللى بتكون سلالم مثلا

اذن اصبح مجموع الارتفاع احدى عشر ونصف والارض على شارع 8 متر اذن لن يمكننا ارتفاع اكثر من اثنى عشر مترا

ما رأيكم

انا قسمت الامتار بطريقة اخرى

ان الارضى يكون ثلاثة متر

وطبعا الادوار المتكررة كل منهما ثلاثة اذن المجموع اثنى عشر..لكن تبقى الارتفاع عن الارض هل يمكن الارتفاع عن الارض نصف متر زيادة عن الاثنى عشر ام لابد من تطبيق القانون بالمللى

ايه رأيكم فى تقسيمى للامتار هل مناسب ام الارضى لابد ان يكون اربعة ادوار

لو عملت الارضى 3 متر ارتفاع يبقى قتلته

ايوه قتلته و سعر المتر بتاعه هيموت منك

و العمارة دى كل مصلحتها طالعة م الارضى

تحياتى

[aboramy]

لو عملنا الارضى اربعة متر وثلاث ادوار ..كل منهما ثلاثة متر اذن المجموع 13 متر وارتفاع عن الارض نصف متر ...اذن المجموع 13.5

اذن فى متر ونصف زيادة هل يمكن ذلك ام لابد من الالتزام بالقانون بالمللى واللا ايه

[الباشمهندس ياسر]

مش حضرتك معاك مهندس

اومال فيه ايه بقى؟؟؟؟

عموما

ابنى دورين فوق الارضى و اظبط ارتفاعاتهم و روق امورك و متحاولش تعمل شاطر ع الحكومة مع نفسك

عايز تعمل حاجة ف دماغك شوف طريقا منين و ادخله

غير كده بلاش

[Smiley]

كل عام والجميع بخير وعقبال ماييجي اليوم اللي نقول فيه عيدكم سعيد بدون مبارك وعائلته كلها

الباشمهندس ياسر ماجاوبش على سؤال الأخ صاحب الموضوع

بعد مجموعة ردود من قبيل ايش فهمك انتي يا استاذه وجبتي الكلام ده منين - وماترد علينا يا أخينا وفك من الحوارات دي كأنه ضابط مباحث قسم محاورات المصريين

سامحني يا باشمهندس (أنا اسمي ياسر برضه بالمناسبه) بس بصراحه كان نفسي أقرأ رد من متخصص زي حضرتك مش قفش على الناس والنتيجة التعادل بدون أهداف

تحياتي وتمنياتي بعيد خالي من المنغصات

[الباشمهندس ياسر]

لا يا اخى

انا جاوبت على صاحب الموضوع و دار بينى و بينه حوار ... حضرتك مشفتوش هنا على صفحة الموضوع

و كل سنة و انت طيب

و بالمناسبة

شكرا ع الطريقة الجميلة جدا