نهايتي بالمملكة 10 سبتمبر عاااااااااجل جدا ً اً اً

[عماد حمدي]

يا جماعة ارجوكم

نهايتي بالمملكة يوم 10/09/2009م 20 رمضان 1430هـ

القصة كالأتي :-

أولا ً تأشيرتي والمهنة في الإقامة حداد تسليح بناء

ثانياً أعمل محاسب

ثالثاً أعمل بمؤسسة غير مؤسستي وهي مؤسسة أخو كفيلي

دي مبدئيا ً كدا

نخش في المهم بقا

الشقة اللي قصادنا فيها واحد صاحبي محاسب عربيته دخلت في حادث وقالي خد الفواتير دي قفلها ليا في مكتبك .. كفيلي طب عليا ومسك الأتي :-

1- قيد يومية انا اللي عملة وموقع عليه بس ( أنا أخدت صورة من مطبوعات مؤسسة صديقي والخاصة بالقيود وكتبت عليها القيد بخط ايدي ووقعت عليه ) علشان صاحبي ياخدها تاني ويبيضها علي مطبوعات مؤسستة

2- بيان مصروفات علي صورة من مطبوعات مؤسسة صديقي

طبعا ً دا دليل إدانة أني اعمل بجهة أخري غير مؤسستي

المهم كفيلي طلعني برة واتصل بابوه واخوه ومديري المباشر علشان يجوا يحضروا الواقعة

وتم الأتي :-

أولا ً عملوا محضر سين وجيم وانا رديت كالتالي :

يا جماعة ظروف حصلت لصديقي وكذا كذا كذا وهل لو انا شغال فعلا ً عندهم لية مروحش اقعد هناك في مكتبهم .. وحتي لو قاعد في مكتبي كنت سايب الباب مفتوح ودا حسن نية

قالولي طيب الفواتير اللي انته موقع عليها بتاريخ 28/08/2009 قولتلهم صديقي قالي الفواتير دي اكتبها بتاريخ 28/08/2009

ثانيا ً في أخر التحقيق قالوا الأتي :-

بناء ً علي مات جاء أعلاه تقرر التالي

1- يمنح السيد عماد خروج نهائي بعد تسليم كافة اعمالة الي المحاسب الجديد ويعطي مهلة لذلك 21 يوم

2- لا يمنح أي مستحقات حيث أنه مخالف لقانون مكتب العمل والعمال

3- يتم تسفيرة علي حسابة الخاص

وطبعا ً خدوا الإقامة وكمان كارت التأمين الطبي وسلمت مفاتيح المكتب ويوم السبت هيجوا يجردوا المكتب واسلم أعمال للمحاسب الجديد

وخدوا كمان الورق بتاع مؤسسة صاحبي اللي عليه توقيعي تحت مسمي الحسابات

دا كل اللي حصل معايا

دلوقتي من المستحيل أني أخد منهم إخلاء طرف مش هيرضوا

هل ينفع أجي بقا علي تأشيرة تانية واخش البلد عادي مع العلم اني مبصم وانا داخل في مطار الملك خالد

فية احتمال انه ميعملشي شوشرة وميدخلش مكتب العمل ويديني نهائي بالله عليكم انا بقالي 6 شهور بس وربنا العالم ان الحالة ... الحمد لله

في نفس اليوم اتعرض عليا تأشيرة جديده هرجع عليها ينفع ارجع تاني

الله يجزاكم كل خير

[doha]

لا حول ولا قوة الا بالله ..

لا تتصور تنكدت قد ايه لما قرأت موضوعك ده ولا انحرق دمي ازاي .. الله يكون في عونك ..

ماحدث امر متوقع جدا للاسف .. من ساعة ماقرأت رسالتك من فترة :

السلام عليكم ورحمه الله وبركاته

كل سنة وانتم طيبين ورمضان كريم

بإختصار أنا قررت أني أقدم استقالة لكفيلي وأرجع مصر وأجي علي تأشيرة جديده

ممكن صيغة استقالة تكون تمام ...

معلشي لاني لو اتكلمت في تفاصيل لية هقدم استقالة مش عارف ممكن يحصلي اية لان ربنا العالم ودا حل نهائي بالنسبة ليا .. خاصة وان الكفيل غير معترف بمهنه محاسب علي وجه الإطلاق بمعني اني لو قعدت معاه 1200000 سنة بردة راتبي هوه هوه وغير مقدر

غير اسباب تانية

وشكرا ً لاهتمام سيادتكم

أخوكم في الله

عماد

يومها قلت في بالي انك بتلعب بالنار وحذرتك وقتها . .

طبعا الامر راجع لك يااستاذ عماد وكل ماعلي هو المشورة وانت لك مطلق الحرية بالتاكيد تاخذ بيها او تتجاهلها ..

باختصار شديد لو هتسيب كفيلك دلوقت يبقى انسى الفرصة الي جات لك لانه مش اهبل يخسرك و يسيبك تطلع من عنده كسبان ..

مع كفيلك انت بالذات وعلى حسب مافهمت منك قبل كده فاحذر الانقلاب المفاجيء الي انت ناوي عليه واحذر تطالبه باستقاله او ماشابه في الفترة الحاليه ..

ان شئت رايي دلوقت انت ماشاء الله جبت ثمن تاشيرتك ومصاريفك وباقي ثلاث شهور على الحج باذن الله فانت في الثلاث شهور دور حوش ثمن الحج وتوكل على الله وادي الفريضه .. بكده تبقى انت كسبت لك حسبة ثلاثين اربعين الف جنيه الي كان مفروض تدفعهم عشان تطلع تحج من مصر ده اذا لقيت تاشيرة اساسا ..

وفي كل الاحوال خلي بالك مش هيسيبك الكفيل تروح لحد غيره قبل ماتكمل عقدك واذا كان ولابد يبقى تطلع من هنا على مصر عدل مش هيديلك الفرصة ترجع تاني ..

للاسف هذا ماحدث بالحرف ..

كفيلك عرف بطريقة ما وغالبا لما حضرتك قدمت له الاستقاله انك ناوي على ( الغدر ) وهتروح لحد تاني فقرر ان فيها لاخفيها وعلي وعلى اعدائي وهدم عليك المعبد بما فيه .. لا حول ولا قوة الا بالله ..

بصراحة خايفه اتكلم تدعي علي ولا حاجه .. بس الي اقدر اقوله لك اني هدعي لك من قلبي ربنا يفرجها عليك ومن حيث لا تدري ..

وبصراحة انت الغلطان في الاول والآخر حط في بالك كده يمكن ده يساعدك تتخذ قرار مناسب او تخرج من المأزق الي انحطيت فيه ..

ربنا معاك بجد ..

[MZohairy]

انا رأيي تحاول تعتذر او تبينله انك اخطأت وتحاول تهدي الامور شويه

لأني بصراحه مش شايف مخرج في الموضوع ده غير كده

ربنا يفكها عليك من حيث لا تحتسب

[عماد حمدي]

دا لو مسك الضغط العالي مستحيل أعتذرلة ... وانأ امس أصريت علي أقوالي ...

عايز أعرف أخرة معايا هيعمل اية ..

لو في دماغه اسلم شغلي ويهددني ميدنيش خروج نهائي ويعلقني

بالنسبة ليا عادي والله ما عادت فارقة معايا بس معتذرش لية أبدا ً

وبالنسبة لشغلي مش هسلم تعبي لحد مهما كان وهعمل فيها فاقد الذاكرة ويثبت بقا

اصلها خربت خلاص

وبيقولي ملكش رواتب ليا راتب متأخر وراتب الشهر دا ياعني شهرين وانا وربي مهسيب ريال واحد يعدي مني لنا لهوه لو وصلت اني اضربة واللي عارف يعملة يعملة ..

الباشا دا لو مشاني نهائي هرجع تاني ولا لا يا جدعااااااااان انا مهنتي في الإقامة حداد تسليح بناء

[MZohairy]

اعتقد و بنسبة 99% انك مش حينفع ترجع تاني

الا اذا كانت القوانين اتغيرت

لأنه ببساطه مش حيديلك عدم ممانعه

و خارج بقضيه في مكتب العمل فيها مخالفه واضحه

ده غير انك باصم في مطار الرياض و بالتالي لو فكرت تغير الباسبور مش حتفيدك الفكره

ربنا معاك

[se_ Elsyed]

هاجي اكل ودانك والله يا زهيري

بنسبة 99.9 % هاترجع تاني من غير اي مشاكل

حتى لو كنت مبصم ... وكل ما في الامر انك هاتوفر على الحكومة تبصيمك المرة القادمة

بس ابعد عن المنطقة اللي فيها الكفول الله يكرمك ولو قدامك تأشيرة ممكن ترجع تاني يوم يا معلم

ولا اعتقد انها قضية ولا دياوله ... دي تلكيكه ... وخد نهائي واخلص

بس يمين بالله

لو دخلت المحاورات تاني وقلت ان جايلك تأشيرة عامل فرن على 1200 ريال والتأشيرة نفسها بـ 20 الف والكلام ده ... أنا شخصياً مش هارد عليك

عشان ما تعملش العامله وتضرب بنصائحنا عرض الحائط وترجع تقول الحقوني ..

اومال فايدة النصايح ايه بقى ؟

[بندق أفندى]

يا جماعة ارجوكم

نهايتي بالمملكة يوم 10/09/2009م 20 رمضان 1430هـ

القصة كالأتي :-

أولا ً تأشيرتي والمهنة في الإقامة حداد تسليح بناء

ثانياً أعمل محاسب

ثالثاً أعمل بمؤسسة غير مؤسستي وهي مؤسسة أخو كفيلي

دي مبدئيا ً كدا

نخش في المهم بقا

الشقة اللي قصادنا فيها واحد صاحبي محاسب عربيته دخلت في حادث وقالي خد الفواتير دي قفلها ليا في مكتبك .. كفيلي طب عليا ومسك الأتي :-

1- قيد يومية انا اللي عملة وموقع عليه بس ( أنا أخدت صورة من مطبوعات مؤسسة صديقي والخاصة بالقيود وكتبت عليها القيد بخط ايدي ووقعت عليه ) علشان صاحبي ياخدها تاني ويبيضها علي مطبوعات مؤسستة

2- بيان مصروفات علي صورة من مطبوعات مؤسسة صديقي

طبعا ً دا دليل إدانة أني اعمل بجهة أخري غير مؤسستي

المهم كفيلي طلعني برة واتصل بابوه واخوه ومديري المباشر علشان يجوا يحضروا الواقعة

وتم الأتي :-

أولا ً عملوا محضر سين وجيم وانا رديت كالتالي :

يا جماعة ظروف حصلت لصديقي وكذا كذا كذا وهل لو انا شغال فعلا ً عندهم لية مروحش اقعد هناك في مكتبهم .. وحتي لو قاعد في مكتبي كنت سايب الباب مفتوح ودا حسن نية

قالولي طيب الفواتير اللي انته موقع عليها بتاريخ 28/08/2009 قولتلهم صديقي قالي الفواتير دي اكتبها بتاريخ 28/08/2009

ثانيا ً في أخر التحقيق قالوا الأتي :-

بناء ً علي مات جاء أعلاه تقرر التالي

1- يمنح السيد عماد خروج نهائي بعد تسليم كافة اعمالة الي المحاسب الجديد ويعطي مهلة لذلك 21 يوم

2- لا يمنح أي مستحقات حيث أنه مخالف لقانون مكتب العمل والعمال

3- يتم تسفيرة علي حسابة الخاص

وطبعا ً خدوا الإقامة وكمان كارت التأمين الطبي وسلمت مفاتيح المكتب ويوم السبت هيجوا يجردوا المكتب واسلم أعمال للمحاسب الجديد

وخدوا كمان الورق بتاع مؤسسة صاحبي اللي عليه توقيعي تحت مسمي الحسابات

دا كل اللي حصل معايا

دلوقتي من المستحيل أني أخد منهم إخلاء طرف مش هيرضوا

هل ينفع أجي بقا علي تأشيرة تانية واخش البلد عادي مع العلم اني مبصم وانا داخل في مطار الملك خالد

فية احتمال انه ميعملشي شوشرة وميدخلش مكتب العمل ويديني نهائي بالله عليكم انا بقالي 6 شهور بس وربنا العالم ان الحالة ... الحمد لله

في نفس اليوم اتعرض عليا تأشيرة جديده هرجع عليها ينفع ارجع تاني

الله يجزاكم كل خير

تملك حل واحد فقط .. لن يفيد فى عودتك أصلا لكنه يضر بكفيلك اذا كنت تريد الانتقام ..

وهو الشكوى لمكتب العمل وحيث انه مش على كفالة المؤسسة وتعمل بمهنة مختلفة هيكون فيها غرامتين فى بعض اعتقد بحوالى 60 الف

لكن .. سعادتك استهترت بشدة .. وتصرفت على انه لا أحد يفهم وهذه مشكلة كبيرة خصوصا لما تكون واقع فى مشاكل من اساسه

[MZohairy]

بجد والله يااحمد؟

يعني ممكن يرجع تاني بدون عدم ممانعه و رغم التبصيم؟

أومال هم عملوا البصمه ليه؟

مش عشان ميرجعوش الناس تاني؟

و عدم الممانعه مالوش اي قيمه دلوقتي؟

فهمهالنا و حياة ابوك

[se_ Elsyed]

يا لخويتيييييييييييييييي

ماما ماما

تعالي لي يا ماما

انا بأعيط يا ماما

يابني ....... النيلة البصمة بتبقى لأجراءات أمنية فقط اللي كان سارق ولا عليه احكام ولا عامل مصيبة مش هايعرف يرجع تاني او بالمناسبة " كفيله مبلغ عنه هروب " ...

انما اللي خرج خروج وعوده ومما رجعش وجه بتأشيرة جديدة او اللي خرج نهائي ورجع تاني

كل ده ما فيهوش اي مشكله

وعدم الممانعه ما بقاش مطلوب لو الواحد غير جواز سفره

واقرا الموضوع اللي حمض ده وماحدش بيعبره ولا يقرا

القول الفصل في موضوع البصمة واللي هايتكلم في الموضوع ده تاني هابطحه

[عماد حمدي]

ممممممممممم تصدق بقا ان انا فعلا ً في نيتي الإنتقام عيب الناس هنا مفكرة انننا مش فاهمين حاجة ولسة جايين جداد وووو

بص فعلاً انا المؤسسةة بتاعت كفيلي مش شغال فيها شغال في مؤسسسة أخوه وكمان شغال محاسب فالباشا لو جه بس قالي ملكش راتب وهتاخد نهائي اروح بقا انا فاقع شكوة في مكتب العمل .. صح كدا

ثانيا ً حد يقولي اتكلم معاه بأي أسلوب يوم السبت . كأنها مش فارقة معايا ولا ضعف ولا اثبت علي موقفي وابنلة اني جامد

والله انتو مشفتوش كان شكلة عامل ازاي الشماتة ملية عنيه وانا قاعد حاطط رجل علي رجل واغقولة اللي انته عايز تعملة تحت امرك ...

[raedraed]

• هل يحتاج حصولي على شهادة عدم ممانعة من صاحب العمل السابق في حال تقدمي للحصول على تأشيرة دخول للعمل لدى صاحب عمل جديد ؟

• إذا غادرت المملكة بموجب تأشيرة خروج نهائي ولديك مخالصة مع صاحب العمل السابق فلا تحتاج إلى شهادة عدم ممانعه .

مقتبس من أسئلة شائعة بموقع وزارة الخارجية السعودية

فخد بالك من المخالصة يعني انه مالوش عندك أي حاجة وكان الأخ الفاضل سي السيد ذكر في مرة ان ورقة استلام مستحقاتك تثبت في نفس الوقت أيضا ان المؤسسة مالهاش حاجة عندك ، وبما انه اتش ار فهو أدرى وأعلم

[عماد حمدي]

يااااااااااااااااه عارفين انا حاسس اليومين دول اني فعلا بايع الدنيا ومش هممني حد هقولكم هعمل اية وقولولي صح ولا لا

اول حاجة هقولة مش هسلم شغلي لا اي حد غير ما استلم اقامتي واروح اعمل عمرتي

تاني حاجة مش هترضوا خلاص اللي هيفصل مكتب العمل واعتبروني متوقف عن العمل وروحوا اشتكوني

لان فيه ملاحظة مهمة اوي وهي الاتي

1- المحضر اللي موقع عليه علي مطبوعات مؤسسة اخوة البيه مش علي مطبوعات مؤسستي الفعلية

2- مهنتي حداد تسليح وانا شغال محاسب

دا مقتبس من رد بندق

هل يقدر فعلاً ميدينيش رواتبي

وكمان لو مدنيش رواتب ومستحقاتي ينفع انا اشتكيه

كل دا علشان بس اخد ورقة منه ان مشش عليا هلله للشركة

حسبي الله ونعم الوكيل

بس والله ردودكم ريحتي جدا جدا جدا جدا بس همي كلة ابويا هقولة اية واهلي دي مشكلتي

ربنا يفرجها

قولولي ارد علية بكرة اقولة اية بالظبط

[doha]

عن نفسي معنديش حل اقدر اقولك هو ده مية في المية الي مطلوب منك تعمله دلوقت لكن ممكن احاول ( افكر معاك ) بصوت عالي يمكن كلامي يكون فيه خيط يساعدك توصل للحل الصحيح ...

فاكر لما زمان قلت لك في موضوعك الي قبل كده الي كنت بسال فيه اكتب الاستقاله ازاي :

من متابعتي لقصتك من فترة اقولك كلمه واحده .. لو استقلت الآن ( هتندم ) ..

استخير ولك الخيار ولكن بقولها لك الاستقاله مش في مصلحتك ابدا في المرحلة الحالية وانا لو مكانك مفكرش فيها نهائي دلوقت ..

يا Doha انتي كلامك مقنع بس تقدري تقولي ان عامل الرهبة والخوف من الكفيل اتشال من عندي ( نملة طلع لها سنان ) انا اللي أقرف فيه مش هوه ... ثانيا ً انا قدمتها واترفضت قالي مفيش بديل ليك ... لازم احقنة كل شوية كدة اني في اي وقت ممكن امتنع عن الشغل ومش عاجبك نزلني مصر بحسسة بدي دايما ً ويارب يارب يارب يديني نهائي

(ياريتك دعيت لي بالجنة .. على كل حال احنا فيها ادعي تاني وان ربنا يصلح لك الحال وباذن الله مش هيخيب دعائك المرة دي برضه )

والله كان قلبي حاسس ان ده الي هيحصل بالظبط .. تقديمك الاستقاله لايعني الا شيء واحد ان ( عينك زاغت ) وشفت لك شوفه تانيه والكفيل مش اهبل ده في الاول والآخر ( تاجر ) وفي السوق ووضعه ده يخليه يعرف ازاي يفهم الي قدامه بكلمه او حركة ويعرف برضه يحافظ على الي شايف انه حقه عنده وكويس اوي كمان ..

انت دلوقت عملت زي واحد تزوج وحده من حته بعيده وراح معرفها على اصحابه ثم فوجيء انها وبعد كام شهر تعلقت بواحد فيهم وجايه بكل براءة تقوله طلقني عشان اشوف حياتي .. تفتكر رد فعله هيكون ايه؟ وتفتكر صحيح هيديلها ( حريتها ) عشان تروح للندل الي بتحبه؟

زكي رستم الي انت على كفالته مستحيل هيسمح بشيء زي ده خاصه لما طلع حويط اوي كده وساب لك الحبل خااالص لغايه مادبر له بديل عنك ثم سحبه مرة وحده بعد ماضمن انه ملفوف على رقبتك تمام ..

بص بغض النظر عن راي اي منا في كفيلك فالي يهمنا دلوقت هو رأيه فيك او وجهة نظره عن كل ماحدث معاك وسيحدث في الايام القادمه ..

اعتقد والله اعلم الراجل بيبص لك دلوقت على انك ( نمرود ) وانه هو الي ( جابك ) وهو الي ( عملك ) وبعد مادفع وتكلف فيك انت بكل بساطه عاوز تروح لغيره ومش بس كده انت ( تماديت ) في اظهار عدم اهتمامك بتهديداته فهو قرر انه هينتقم وينفذها فعلا خاصه وهو خلاص عارف انك مش قاعد ..

طيب لو قلنا انك هتروح تعتذر له وتقوله معليش عيل وغلط هل هتتحمل الذل الي هيذلهولك بعد كده والعجين الي هيمشيك عليه متلخبطهوش بعد ماخلاص انكشفت قدامه ان مفيش في ايدك حاجه تعملها ؟ مظنش ولا ارضاها لك كمان ..

طيب لو قلنا برضه سقت فيها وسبته يعمل الي هو عاوزه وقلت له اخبط راسك في الحيط وراح مسفرك فعلا .. وللاسف الاحتمال ده وارد جدا بنسبة اكبر من اي احتمال تاني ان الراجل فعلا خلاص مش عاوزك لانه استفاد منك الى حد ما وانت كده بسفرك مش هتكلفه ده غير انه لما يديلك نهائي هيقدر يطلع تاشيرة لواحد بدالك يبقى هو كده مستفيد من كل الاطراف وان الخاسر شبه الوحيد ..

انا بصراحه مش عارفه ايه الحل الي اقدر اقول مناسب مية في المية واكتر ماحز في نفسي هو العمرة الي كنت فكراك طلعتها وللاسف اكتشفت ان حتى دي مطلتهاش .. لا حول ولا قوة الا بالله .. بس معليش حتى لو مرحتش فلك الاجر عليها باذن الله لانك كنت ناويها بجد وان شاء الله مش هيخذلك وهتروح برغم كل شيء ..

الراي الي شيفاه ( لو كنت مكانك ) هعمله ..

كنت هروح الشغل تاني يوم عادي وعلى وجهي ملامح لا توحي بشيء .. يعني لا مبينه الاستهتار بالي حصل ولا مبينه سعاده طبعا ولا مبينة ذل او انكسار .. يعني ملامح حاده وبس ..

شغلك هتعمله عادي جدا وبدون كلام وبطريقتك العادية جدا .. لا هتعمل زياده ولا هتعمل نقص .. لو طالبوك بالاوراق الي عندك قول انها لسه ( مخلصتش ) وان اوراق ست شهور مش هتتقفل في ست ساعات .. لو حددوا لك موعد نهائي تسلم فيه الورق بكرا مثلا ولا على بليل بص لهم بصة جامده لا تحمل اي تعبير وقولهم ( يصير خير )

احنا بس بنحاول نكسب وقت عشان تفكر بهدوء وتعرف تتصرف صح ..

لا احبذ ابدا ابدا تساوم الورق الي هتسلمه بالاقامة عشان العمره .. متدخلش معاهم في مساومات ايا كانت لان موقفك اضعف منهم مش عشان الفيلم الي عملوه لك والمحضر والكلام الفاضي ده ولكن لان زي ماشفت بعينك ففي الوقت الحالي هم يقدروا يجيبوا غيرك لكن انت متقدرش تروح لغيرهم لانك لعبتها صح في الوقت الغلط..

طيب في عدة نقاط دلوقت لفتت نظري في موضوعك ..

منها ان قيود اليوميه الي اتمسكت عليك مكتوبه على ورق مؤسسة اخو الكفيل الي انت اصلا شغال عنده فهل ممكن بكده تقول انها ضمن عملك لدى مؤسسة اخوه وانها تخص اخوه مش شركة غريبة . .. هل في الاوراق ماينفي هذا الادعاء بشكل واضح ؟

بكرا باذن الله وفي وقت ميكونش كفيلك موجود فيه او حد ينقل له الكلام هتتصل بالمكتب العمالي في السفاره ( بتاعتنا ) وهتشرح له الوضع بالظبط .. هتقوله كلمتين اتنين .. انا محاسب ومش مرتاح في شغلي لاسباب كتير فبحثت عن عمل تاني وقررت اترك الكفيل الاولاني واخذ نهائي وارجع على الشغل الجديد .. الكفيل عرف وبطريقة ما قدر يثبت اني بشتغل لحساب ناس تانيه ( بشتغل معاهم بمعرفته ) واثبت علي ده باوراق فيها قيود يوميه بخطي وموقع عليها بامضائي والاوراق رسميه او بفورمة ( الناس التانيه ) الي بشتغل عندها غير الكفيل بتاعي ..

قوله الوضع حاليا ان الكفيل اعطاني مهله 21 يوم وبعدها خروج نهائي .. وصعب اخذ منه عدم ممانعه وفي نفس الوقت عاوز ارجع على شركة تانيه بتاشيرة جديده فسؤالي هو .. حدد طلباتك ..

اولا ايه هي الصيغه القانونيه الي اقدر اخذها منه وتعتبر عدم ممانعه ضمنا يعني هل اخلاء الطرف يعتد بيه في الحاله دي ولا لازم تنكتب بالحرف كده عدم ممانعه ؟

ثانيا كوني اعمل في مؤسسة اخوه ( بعلم الكفيل ) فهل لو قدرت اثبت الحكاية دي ممكن ده يضر الاخ في مكتب العمل وتبقى دي ورقة ضغط من جانبي عشان اخذ حقوقي الي عندهم ؟

ثالثا كوني حضرت على تاشيرة حداد واعمل محاسب فهل ده يدين الكفيل او الشركه الي انا شغال فيها ( اخو الكفيل ) بشيء لدى مكتب العمل ؟ هل دي ممكن تكون ورقة ضغط تانيه ؟

انا فعلا معرفش الاجابة الصحيحه للوضع ده ايه لكن اكيد بتاع المكتب العمالي عارف وبما انه غالبا هيقولك ( اسوأ الاحتمالات ) ويسودها في وشك ( مجرباه قبل كده ) فعلى الاقل هتبقى مطمئن ان مفيش اسوأ من الي هيقولك عليه ممكن يحصل وبكده لما تاخذ رايه وتعرف وضعك القانوني بالظبط هتبقى واقف على ارضيه صلبة الى حد ما ..

بس ركز في الي انت عاوز تسال فيه بنقاط محدده ومتشغلهوش بتفاصيل كتير الا لو سألك ومهم انك متنساش تعرف اجاباته على الاسئلة الثلاثه الي قلتها لك بالتحديد .. لان الراجل مشغول دائما والوصول له صعب شويه يعني احتمال تطلع عينك على ماحد يرد عليك بس هيرد في الآخر ويجيب من الآخر ويقولك المفيد ..

وتفضل ده رقم المكتب العمالي في الرياض :

صندوق رعاية المصريين : 4808770

المكتب العمالي : 4804643

اما بالنسبة لتقولهم في مصر ايه فدي اسهل حاجه في الموضوع كله ..

كان لزوجي في مصر زميل في العمل مهندس زراعي وسافر السعوديه ورجع بعد ثلاث شهور بالظبط ..

اول مارجع استلموه بقى ايه الي جابك على ملأ وشك كده قالهم اسكتووو مش طلعت عيني هناك وكنا بننام عشرة في اوضه وحده والمية بتنزل من الحنفيات متجمده ( اصله كان في تبوك على مايبدوا وكان مسافر في الشتا ) قال اتبهدلت وشفت الي ماحد شافه بس صبرت لغاية الحج رحت حجيت ورجعت قلت للكفيل انا مش مكمل الكفيل طلع ابن حلال وقاله توكل على الله .. وبيقول اصل انا كنت طالع على فيزا عامل لو طالع مهندس مكنتش شفت البهدلة دي كلها لان كان في مهندس معانا واخد وضعه تمام وسكن مؤثث وسيارة .. الخ .. زوجي بيقول ان صاحبه قال برضه انه جاب معاه وهو راجع جاكت لكل واحد من اخواه وشويه لعب وكلام فاضي لعيالهم ومش عارف ايه حاجات بسيطة كده بس غريبه يعني وخلصت الحكايه ..

على فكره صاحب زوجي ده رجع الشغل تاني بتاعه في مصر عادي ومحدش قاله اي شيء لا في الشغل ولا في البيت وبالعكس اسرته فرحت بيه جدا لما رجع وقالوا احسن بلا غربه بلا وجع قلب ..

انت ابسط حاجه خالص لو رجعت فعلا وسالوك قول منفعتش الشغلانه عادي اكتشفت ان الي جاي على قد الي رايح ومش مستاهله غربه ورجعت اتعب في بلدي ..واصل انا طلعت في وضع غلط ولو كان وضع تاني كان استمريت .. الخ . وبما انك مكنتش بتقبض احيانا فعادي جدا لو قلت الحقيقة من ان اتاكل عليك رواتب فانت كده مش بتكذب .. بس عشان الامانة متتجناش على الكفيل ولا تقول في البلد ماليس فيها .. قول الحقيقة وبس وصدقني من فرحتهم برجوعك محدش هيسال ولا يدق بل يمكن هم نفسهم هيجيبوا لك مبررات ..

بص اتمنى منك من اللحظة دي تسيب الموضوع خااالص انت لسه قدامك يجي 20يوم ممكن تحصل فيهم اهوال وتتغير فيهم امور كتير ومن هنا لوقتها ربنا يحلها .. انت بس ركز دلوقت في الكام يوم الباقيين من رمضان دول متضيعهمش ومن دلوقت لغايه ماتنام اقعد اقرأ قرآن وصلي وادعي ومتحطش موضوع الكفيل في دماغك خالص وتخلي الشيطان ينجح في شغلك عن ماهو اهم .. انتهز فرصة العشر الاواخر وحاول بكرا ولا بعده تشوف حل للذهاب للعمره باي طريقة وان شاء الله هتتحل اكيد .. متدعيش على حد وادعي لنفسك وبس فيما ينفعك في الدنيا والآخره وان شاء الله هيصلح لك الحال وهتشوف هيفرجها عليك ازاي ..

ربنا معاك ..

[بندق أفندى]

شوف يا محاسب وهنا قلت محاسب لأنه لى رأى فى المحاسبين .. انا محاسب بس باشمهندس ..

موضوعك له حل .. ساعة الفطور وانا فى المطبخ أستلهم الأفكار .. بس الأول تحكى بصراحة ايه اللى حصل عشان كلامك بيقول انك عامل مصيبة سودا ومش عاوز تجيب سيرتها

الأول التحقيق على ورق رسمى ولا ورق أبيض؟

وورق أى مؤسسة اللى يتشغل فيها ولا اللى انت على كفالتها؟

ووقعت على التحقيق ولا لأ؟

اذا كان على ورق رسمى .. لمؤسسة كفيلك والمحقق من مؤسسة كفيلك .. كده القصة منتهية

اذا كان ورق أبيض والمحقق من المؤسسة التى تعمل بها لن يستطيعو لك شئ وتاخد حقوقك بموجب انهاء الخدمات

لابد وانتى زى ما هو وضح مشكلجى وبراوى .. ومش بتريح .. هيكون عندك ما يثبت انك شغال معاهم .. طيب هم هيحاولو ينفو العلاقة .. يبقى ساعتها تطالب برواتبك المتأخرة ..

دى أفكار سودا عشان تكمل خبط فى الحيط زى ما قال سين سين .. ونقابلك فى سبتمبر 11 - 2010 نسألك عملت ايه فى القضية خلصت ولا لسة؟ ههههههه

[se_ Elsyed]

كنت عاوز اضيف نقطة مهمة

اللي متبلغ عنه هروب ما بيُسمحش له بدخول المملكه الا بعد 5 سنوات من تاريخ المغادرة

[عماد حمدي]

يا عم بندق هقولك علشان ترتبوا افكاركم معايا

نقاط هامة تأخذ في الإعتبار :-

1- كفيلي ( س ) اللي اسمة في الإقامة عنده مؤسسة اسمها وليكن سماسم دي مؤسسة وهمية كدا مكتب مأجره وحاطط ياقطة بس مقفول تمام

2 - كفيلي ( س ) لية أخ اسمة ( ص ) دي مؤسسة فعلية وقايم عليها النشاط تمام

3 - طلعت ليا تأشيرة حداد علي كفالة ( س )

4- جيت اشتغلت محاسب في مؤسسة ( ص )

5 - المحضر موقع عليه علي ورق مذكرات مطبوعات مؤسسة ( ص ) تمام

تمااااااااااااااااااام كداااااااااااااااااااااا

1- يا ضحي الشقة اللي قصادنا دي ليست لها علاقة من قريب او بعيد ب ( س أو ص ) دي مؤسسة يعمل بها صديقي وطلب مني مساعده عاجلة نظرا ً لتعرض سيارتة بحادث وليس معه تأمين وووو وكان يوم خميس مفيش دوام مسائي قولتة هات يا ريس اعملهواك عندي وبالمرة اكلم البيت طب البيه واللي حصل حصل

2- القيود اللي موقع عليها وقفشني بشتغل فيها علي صورة فقط وليست أصل من الشقة اللي قصادنا

3- قالوا في المحضر انته كدا خالفت مكتب العمل والعمال والورق اللي مسكناه دا يدل انك شغال عند الناس اللي قصادنا

ابن الـــ المحترمين دا اهبل ولا معتوه

طيب ما انا بفكر فوكيرة ممكن هوه ميقدرش يعمل اي شوشرة في مكتب العمل لانه لو عمل كدا بيأذي نفسة زي ما قال بندق

اولا ً موضوع المهنة

ثانيا ً شغال في مؤسسة ص وانا المفروض اشتغل في س

انا هلعب علي اية بقا

هقولهم الإقامة اطلع اعمل عمرة لكدة لمش مسلم شغلي لحد وهعطل طلوع المستخلصات وجالي فقدان ذاكرة اصلة كدة ولا كده انتم ممشيني نهائي ومش هاخد مستحقاتي فمفيش حاجه ازعل عليها

لو وافقوا خير وبركة بعد العيد بقا هلعب علي الأتي هسلم شغلي واسيب نواقص هيجي يقولي ملكش مستحقات اقولة بيني وبينك بقا مكت العمل واثبت ان انا مش انا واعتقد انه يخاف يعملها

ثالث حاجة ابلغ بقا الجوازات عليه يجوا يتفرجوا علي المصايب

لاني فعلاً مش هعمل اي حاجة في الشغل وهوقفة لحد ما اطلع اعمل عمرة لان مفيش حد يسد مكاني وهعملهم فيها اخرس واطرش وهجن ابوة

صح كدا ولا اية

[بندق أفندى]

يا عم بندق هقولك علشان ترتبوا افكاركم معايا

نقاط هامة تأخذ في الإعتبار :-

1- كفيلي ( س ) اللي اسمة في الإقامة عنده مؤسسة اسمها وليكن سماسم دي مؤسسة وهمية كدا مكتب مأجره وحاطط ياقطة بس مقفول تمام

2 - كفيلي ( س ) لية أخ اسمة ( ص ) دي مؤسسة فعلية وقايم عليها النشاط تمام

3 - طلعت ليا تأشيرة حداد علي كفالة ( س )

4- جيت اشتغلت محاسب في مؤسسة ( ص )

5 - المحضر موقع عليه علي ورق مذكرات مطبوعات مؤسسة ( ص ) تمام

تمااااااااااااااااااام كداااااااااااااااااااااا

1- يا ضحي الشقة اللي قصادنا دي ليست لها علاقة من قريب او بعيد ب ( س أو ص ) دي مؤسسة يعمل بها صديقي وطلب مني مساعده عاجلة نظرا ً لتعرض سيارتة بحادث وليس معه تأمين وووو وكان يوم خميس مفيش دوام مسائي قولتة هات يا ريس اعملهواك عندي وبالمرة اكلم البيت طب البيه واللي حصل حصل

2- القيود اللي موقع عليها وقفشني بشتغل فيها علي صورة فقط وليست أصل من الشقة اللي قصادنا

3- قالوا في المحضر انته كدا خالفت مكتب العمل والعمال والورق اللي مسكناه دا يدل انك شغال عند الناس اللي قصادنا

ابن الـــ المحترمين دا اهبل ولا معتوه

طيب ما انا بفكر فوكيرة ممكن هوه ميقدرش يعمل اي شوشرة في مكتب العمل لانه لو عمل كدا بيأذي نفسة زي ما قال بندق

اولا ً موضوع المهنة

ثانيا ً شغال في مؤسسة ص وانا المفروض اشتغل في س

انا هلعب علي اية بقا

هقولهم الإقامة اطلع اعمل عمرة لكدة لمش مسلم شغلي لحد وهعطل طلوع المستخلصات وجالي فقدان ذاكرة اصلة كدة ولا كده انتم ممشيني نهائي ومش هاخد مستحقاتي فمفيش حاجه ازعل عليها

لو وافقوا خير وبركة بعد العيد بقا هلعب علي الأتي هسلم شغلي واسيب نواقص هيجي يقولي ملكش مستحقات اقولة بيني وبينك بقا مكت العمل واثبت ان انا مش انا واعتقد انه يخاف يعملها

ثالث حاجة ابلغ بقا الجوازات عليه يجوا يتفرجوا علي المصايب

لاني فعلاً مش هعمل اي حاجة في الشغل وهوقفة لحد ما اطلع اعمل عمرة لان مفيش حد يسد مكاني وهعملهم فيها اخرس واطرش وهجن ابوة

صح كدا ولا اية

قوله كل شئ بمتابعة مكتب العمل

ولابد من خلاله .. ماذا والا

[doha]

انا فاهمه القصة بتاعت صاحبك والورق الي كتبت عليه القيود بس كنت فاهمه غلط انك كاتب القيود على ورق المؤسسة بتاعت اخو كفيلك ثم اتضح من كلامك دلوقت ان المحضر بس هو الي مكتوب على ورق المؤسسه ..

طيب بس على فكره في سؤال مهم اوي لما هتحكي الرواية بتاعت المحاسب العيان الي انت اخذت ورقه تخلصهوله خدمه ممكن حد يسألهولك .. لما انت بتعمل الورق لوجه الله ومجامله لصاحبك بتمضي عليه ليه؟

ولا هم ممضيينك على الورق من ضمن امضائك على المحضر يعني ؟ ده اذا اعتبرناه محضر طبعا ..

على كل حال اعيد واكرر .. ايك ثم اياك تقولهم الاقامه مقابل الاوراق الي عندي .. ادي نفسك فرصة يوم او اثنين لمحاولة ايجاد حل مناسب ليك وتكون الامور هديت شويه .. لوي الذراع مش هيجيب غير لوي الذراع خاصه وهم خلاص صنفوك بلاك لست ..

معظم الكفلاء بيكونوا واخدين عن المصريين فكرة وحشه اوي اننا بتوع مشاكل ومبنجيش غير بالضرب على دماغنا بل وفي مرة واحد قال كلمه بيعتبرها حكمه ( المصري ان مكنتش تركبه يركبك ) بتكون مهمه كل واحد فينا انه يجي يشيل الفكرة السيئة دي من دماغ كفيله بعدين يحط الفكرة الحسنه عن نفسه .. انت للاسف الشديد ثبت الفكره دي وبغراء وبناء عليه فلو حاولت تساوم الكفيل دلوقت ممكن يلعب بالورقة الاخيرة ويحرق المراكب ويبلغ فيك هروب ..

كده هتبقى خسرت الجلد والسقط ومش بعيد كمان يتبلى عليك باي شيء ومين عارف ممكن يتمادى في ايه تاني ..

انا شايفه الحل المناسب دلوقت زي ماقلت لك النهرده وبكره متفتحش الموضوع ده خالص ومتساومش على شيء نهائي وان كنت عاوز الاقامه عشان العمره اطلبها عادي دي من حقك قولهم الاقامه او الجواز عشان اعمل عمره وان رفضوا قولهم خلاص انا اجري من الله وصلني وانتم عليكم اثم المنع .. يمكن ده يحركهم شويه ويخليهم يجيبوا الاقامه

اما تهدد وتقولهم دي قصاد دي هيركبوا دماغهم اكتر وممكن يتعمدوا يؤذوك اكتر ..

وبالمناسبة حته ان الكفيل بتاعك اصلا مؤسسته دي وهميه نقطه كويسه وورقة حلوه في ايدك ممكن تهدد وقت الجد باستخدامها بس خلي بالك متجيبش اخرك معاهم في التهديد عشان ميجيبوش آخرهم معاك في الانتقام لان برضه مازال في امل لتسويه وديه بس اصبر يومين كده على مالرؤيا تتضح اكتر ..

واخيرا بأكد عليك مرة تانيه اوعى تعمل اي شيء ولا تتخذ اي خطوة قبل ماتعرض الموضوع كاملا على المستشار العمالي .. وبكرا ضروري تكون مخلص الحكايه دي معاه عشان تبقى عارف راسك من رجلك ..

ربنا يصلح لك الحال..

تم تعديل 11 سبتمبر 2009 بواسطة doha

[عماد حمدي]

النهاردة السبت حصل الأتي

كلمتة بكل هدوء علشان اخد منه الإقامة وقلتة أعمل عمرة وارجع اسلم شغلي قالي لا .. قولتلة طيب بعد ما اسلم شغلي واخد نهائي ممكن تديني فرصة اروح اعمل عمرة قالي لأ .. وفعلا ً جه واحد النهاردة وبسلمة الشغل بس طبعا ً بمط فيه وحركات كده

انا معايا صورة من الجواز والكفيل موقع عليها ومختومة هل ينفع اطلع بيها عمرة ولا لازم الإقامة لان دا اخر حل ليا

[خالد شحاته]

الاخ الفاضل

كل عام وانتم بخير

انا بعتزر عن التاخير في الرد لاني والله لس واصل ارض الوطن مصر الحبيبه

اخي الفاضل من جه الرجوع هترجع عادي جدااا حتي لو باصم لانه مفيش عليك اي مشكله في الحاسب الالي لابلغ هروب ولا شي انت معك مشكله مع الكفيل وده شي عادي جداااا بس اهم شي انك تكون هادي علشان مش يرسل اسمك للخارجيه وكدال يمنعك من دخول المملكة هو عايز يعمل نهائي سافر ومتحسس الا قدمك انك خايف من شي واي خدمه انا تحت امرك في اي شي حتي لو عايز تسافر باذان الله انا اسشفرك