هي بلدنا ولا

[herohero]

ممكن يكون السؤال ده مش وقته واحنا في رمضان يعني مفيش داعي نفكر ف حاجات تضايقنا

بس بجد ليه الواحد لما بيبقى ماشي في مصر بيبقى خايف ، يعني خايف يطلع له عسكري مباحث ولا ضابط ويتعرض لاسلوب مش ظريف ، ليه الواحد ممكن يعرض لموقف بايخ وهو بيطلب منه اثبات الشخصية طبعا غالبابيبقى الاسلوب مش ظريف ، ليه الواحد بيبقى خايف وهو داخل ع لجنة تفتيش في مصر في حين ان ده مش بيحصل وهو في نفس الموقف بره مصر ، ليه بتبقى شايل هم وانت سايق ف مصر ان حد يخبط عربيتك بنبقى خايفين مش من خبطة العربية من ما بعد الخبطة قلة ادب الطرف التاني يعني حجات كتير بتخليني اسأل هوالطبيعي ان الواحد يبقى كده ف بلده هو الطبيعي ان الواحد يبقى حاسس بقلق وخوف من ضياع حقه وعدم احترام ادميته وهو في بلده

هي لو بلد الواحد يحس بده ، ولا هي مش بلدنا ؟؟؟؟

[se_ Elsyed]

مخاوفك مش في محلها يا هيرو على فكره

الشرطة وخصوصاً المرور اصبحوا على قدر كبير من الاحترام وما فيش الكلام اللي بتقول عليه ده الا مع المشبوهين

[raedraed]

بقالي فترة كبيرة بعد إصدار البطاقة ، وسافرت محافظات وأعدي على مناطق حساسة ومفكرتش مرة إني أشيل بطاقة في جيبي ، وده لأني كنت مقتنع إن الشرطة بتوقف الشخص اللي ماشي وهو خايف من نفسه أكنه عامل عملة ، أما أمين الشرطة فما أقل فطالما قولتله "ياباشا" يبقى خلاص استحمل اللي هايجرالك وديه لاحظتها في مواقف كتير شاهدتها بنفسي

الصراحة اللي كنت بقلق منهم هما سواقين الميكروباص فئة "اللبط" لكن فيه سواقين كتير محترمين جدا أما اللبط ده مابحاولش احتك بيه خالص

[herohero]

كويس والله لان الواحد اظاهر هو اللي شكله شبهة ، يعني انا فاكر دايما ان فيه شرطة عسكرية عند سور الكلية الحربية كانت بتلكك ع اي شيئ عشان يلموا فلوس هو كان بيبقى عندهم شرطة مدنية كمان وكمائن كتير ع الدائري ما بيبقوش بالرقي ده ف التعامل وياسلام لو راكب مواصله عامة ميكروباص يعني امين الشرطة بيوقفه وبيطلب البطايق الشخصية او الموقف من التجنيد ما بيبقاش بالرقي اللي مذكور ده

ولو حد خبط عربيتك المشكله مش بتكون ف تكلفة التلفيات المشكلة فيما بعد ذلك من سلوك الاخ اللي خبطك

كويس اننا ف بلدنا بنحس بالامان وان حقوقنا محفوظة ، رغم اني عمري ماتعرضت لموقف اثبات الشخصية ف الكويت او ف السعودية

فالظاهر الواحد اللي شكلة لبط ف مصر بس

[pocy]

أخي الكريم هيروووووووووووووو اخبارك ايه؟؟؟؟؟؟؟؟؟؟ شكلك فى مصر ولا ايه

المهم انا بصراحه عمرى ما خفت من الموضوع ده مش لانى مسنوده ولا فى حد في ظهرى لا لانى دايما ماشيه وانا بعمل الصح ومقتنعه انى محدش هيقولك حاجه طالما انت ماشي صح المهم ان الواحد يعمل اللى عليه وربنا بيسترها

بس تخيلوا الموقف ده معاى انت قاعد في ميكرباص وفجأة السواق خبط عربيه واحد كبير في السن عنده 74 سنه ويوقفه ويقله نستنى البوليس لان واضح ان عربيته متأمنه ولا حاجه المهم يروح سواق الميكروباص يقوله هتمشي من قدام العربيه ولا ادوسك يروح الراجل الكبير في السن يقله لا مش ماشي ويقف بكل قوه امام الميكروباص تخيلوا ايه اللى ممكن يحصل ؟؟؟؟؟؟؟؟؟؟؟؟؟؟؟؟

للاسف سواق الميكروباص داس على البنزين ومش بس كده داس على الراجل كمان وكمل المسيره ده خبر قريته فى مصراوى والله تعبت نفسيا لما قريته والراجل اللى مات ده كان وكيل أول وزاره الله يرحمه ويرحمنا معاه مات لانه كان عايز ينفذ القانون وياخد حقه مات وحقه راح لان الميكروباص مكنش ليه نمر ولا لوحه معدنيه من اساسه مات لان اتكلم مع واحد للاسف مش بيتفاهم ولا يعرف يعنى ايه حق للاسف فى من الحالات والحكايات كتير علشان كده بنصح اننا نحسبن ومش نقلل من مستواهنا وننزل لناس مستواهم اقل ممنا فى التفكير والا النتيحه هتكون ضياع حقوق وضياع أرواح كمان

[herohero]

أخي الكريم هيروووووووووووووو اخبارك ايه؟؟؟؟؟؟؟؟؟؟ شكلك فى مصر ولا ايه

المهم انا بصراحه عمرى ما خفت من الموضوع ده مش لانى مسنوده ولا فى حد في ظهرى لا لانى دايما ماشيه وانا بعمل الصح ومقتنعه انى محدش هيقولك حاجه طالما انت ماشي صح المهم ان الواحد يعمل اللى عليه وربنا بيسترها

بس تخيلوا الموقف ده معاى انت قاعد في ميكرباص وفجأة السواق خبط عربيه واحد كبير في السن عنده 74 سنه ويوقفه ويقله نستنى البوليس لان واضح ان عربيته متأمنه ولا حاجه المهم يروح سواق الميكروباص يقوله هتمشي من قدام العربيه ولا ادوسك يروح الراجل الكبير في السن يقله لا مش ماشي ويقف بكل قوه امام الميكروباص تخيلوا ايه اللى ممكن يحصل ؟؟؟؟؟؟؟؟؟؟؟؟؟؟؟؟

للاسف سواق الميكروباص داس على البنزين ومش بس كده داس على الراجل كمان وكمل المسيره ده خبر قريته فى مصراوى والله تعبت نفسيا لما قريته والراجل اللى مات ده كان وكيل أول وزاره الله يرحمه ويرحمنا معاه مات لانه كان عايز ينفذ القانون وياخد حقه مات وحقه راح لان الميكروباص مكنش ليه نمر ولا لوحه معدنيه من اساسه مات لان اتكلم مع واحد للاسف مش بيتفاهم ولا يعرف يعنى ايه حق للاسف فى من الحالات والحكايات كتير علشان كده بنصح اننا نحسبن ومش نقلل من مستواهنا وننزل لناس مستواهم اقل ممنا فى التفكير والا النتيحه هتكون ضياع حقوق وضياع أرواح كمان

ماهو الواحد بيبقى ماشي صح لكن هل عملية اخذ الحقوق في بلدنا بقت متاحة ، انا بقولها بملئ الفم لا والف لا

انا في مصر ممشي اموري كلها بوسايط للاسف ولما بحب اعمل حاجه بنفسي بعاني معاناة فظيعة

خلي حد يسوق في القاهرة ويحصل لعربيته شيئ ونشوف الوضع بيبقى ايه

بيتم الاتي اولا الطرف التاني بيبص ويشوف امكانيات اللي ادامه من الناحية الجسمانيه والناحية البلطجية ومحدش ينسى كليب العصاية الكهربية بتاعت بنت لواء الشرطة وغيره كتير

خلي مراية تتكسر ونشوف هناخد حق ولا باطل ازاي القصة قصة نفوذ ووعلاقات مش اكتر وموقف مقتل الراجل الكبير ده عادي جدا ، لان البقاء للاقوى ف مثل هذه الحالات الحمد لله الواحد بيعرف يمشي اموره لانه عارف قواعد اللعبة والمتمثلة ف ان الواحد بيلم نفسه \

لكن هل معنى ده انه بيعرف ياخد حقه لا طبعا

[مهندس مصراوي]

واضح يا اخ هيرو انك سايب بلدك من زمان

اخي الحبيب البلد مش وحشة زي ما انت بتتخيل

البلد لسه بخير وسيبك من الفضائيات والكلام الفاضي

انصحك تقرأ قصة اهرام الجمعة الصادرة 11/9/2009

وفيها قصة اسرة عاشت طول عمرها برة وبعدين رجعت مصر وتعرضت لخسائر مالية ضخمة

عارف السبب ايه ؟

الغربة اخذتهم عن بلدهم وخلتهم مش عارفين يعيشوا في مصر

انصحك من اخ اغترب اكثر من 15 سنة عندك

انك ماتخليش الغربة تاخدك من بلدك

تم تعديل 12 سبتمبر 2009 بواسطة مهندس مصراوي

[herohero]

واضح يا اخ هيرو انك سايب بلدك من زمان

اخي الحبيب البلد مش وحشة زي ما انت بتتخيل

البلد لسه بخير وسيبك من الفضائيات والكلام الفاضي

انصحك تقرأ قصة اهرام الجمعة الصادرة 11/9/2009

وفيها قصة اسرة عاشت طول عمرها برة وبعدين رجعت مصر وتعرضت لخسائر مالية ضخمة

عارف السبب ايه ؟

الغربة اخذتهم عن بلدهم وخلتهم مش عارفين يعيشوا في مصر

انصحك من اخ اغترب اكثر من 15 سنة عندك

انك ماتخليش الغربة تاخدك من بلدك

لا بالعكس صحيح انا اتربيت بره مصر يعني طفولتي كانت بره يادوب فترة الدراسه الجامعيه واشتغلت ف مصر فترة 4 سنوات ، لكن انا بحلل الامور بوضوح وشفافية وانا بتكلم بكل حيادية انا اتمنى ان اعيش في بلدي امن على كل شيئ لكن محدش يقدر ينكر السلبيات اللي ذكرتها هل حضرتك شايف ان بلدنا بلد سيادة قانون

معظم اللي طلعوا بره مصر حقوقهم كانت بتضيع ف بلدهم مبدئيا هل حضرتك تقنعني انك لو روحت تتعامل مع جهات المرور بتكون الامور في منتهى اليسر والمتعة هل تقنعني حضرتك انك لوحبيت تركب عداد كهرباء ولا تدخل ميا ولا غاز الامور بتكون بمنتهى البساطة

هل حضرتك لما بتدخل قسم شرطة بتحس انك مواطن مرغوب فيه انا لا اتحدث من واقع برامج فضائية لكن اتحدث من واقع تجارب سيدي الكوسة والواسطة بترحب بيك من اول ماتنزل من المطار هل حضرتك ما شوفتش ان في ناس بتبقى مستنياك وبتخلص لك ورقك دون الوقوف ف اي طوابير هل شاهدت مثل هذا الموقف ف اماكن اخرى

هل بتحس انك الخادم عند مقدم اي خدمة في مصر هل تقنعني باننا عندما نذهب للحصول ع اي خدمة لا تشعر بانك تاخذ هذه الخدمة بالمجان او حسنة او شفقة من مقدم الخدمة باستثناء خدمة الانترنت بصراحه قمة الرقي من مزودي الخدمة

هل تقنعني بمدى توفر خدمات الحكومة الالكترونية وسداد الفواتير من اي جهة دون الحاجة للوقوف ف طوابير هل تقنعني بمدى سلامة عمل ماكينات الصرف الالي للبنوك

هل انت مقتنع بانك تحصل على خدمة راقيه مقابل ماتدفعه ، ولا داعي للحديث عن شجون الغربة لاننا لم نتغرب غصب عننا لم ننفى لبلد الاغتراب لكن هي غربة بمزاجنا لاننا شعرنا باغتراب داخلي وهو أصعب من اي نوع اه اي اسرة بتعيش بره وترجع تستقر في مصر بتتعب لاختلاف التفكير واسلوب التعامل هل انت راضي عن شيوع نظرية واسلوب اخطف واجري

سيدي العزيز بلدنا والمفروض اننا نحب انها تكون احسن ما يكون لكن هل هي ترغب فينا هل فعلا هي بلدنا ولا بلد ناس تانيه

هل تقنعني بان مستوى الخدمات في احياء معينة بالاسماء هو نفسه يعني لو عطل تليفونك وانت في مصر الجديده بتلاقي خدمة زي لو عطل تليفونك وانت ف اي منطقة تانيه

يا سيدي مواسير مياه الشرب بتختلف ، سيدي الميكروباص ممنوع مشيه ف مناطق بذاتها حتى لا يسبب ازعاج للاخوة ساكنيها

يبقى هي بلدنا ولا ؟؟؟؟ انا اشك ف انها بلد الناس اللي بتتعب سواء بره مصر ولا جواها هي بلد ناس تانيه خالص واكلاها والعة

واظن حضرتك اكيد بتحس بكده انها بلد ناس تانية لا مهندسين ولادكاترة

يبقى هي بلدنا ولا ؟؟؟؟

[واثق الخطوة]

اعتقد ان مخاوفك مغالى فيها

نفس الخوف من العسكري يواجهنا في كل البلدان العربية

يبدو أن العسكري العربي ببدلته بالمسدس في جيبه يذكرها بالقادة الاشاوس اصحاب 99.9 في كل انتخابات !

[muhamed]

و الله يا ياجماعه انا شايف ان الاخ هيرو معاه حق

انا عن نفسى بخاف جدا و مش بخاف علشان سارق و لا قاتل و لا عامل تهمه لا

ببساطه بخاف لانى لو وقفك ضابط او امين شرطه او عسكرى او مخبر

هو ممكن بمنتهى البساطه و من غير هو ما يشعر حتى تلاقيه طول لسانه عليك

و يا سلام بقى لو معاك مثلا المدام او اختك او حتى اخوك الصغير

و محدش يقولى انه مش ممكن يحصل و الا راجع لشخصية الفرد

لا هى متوقفه على اللى انتا بتكلمه هو اصله ايه و تربيته ايه على فكره فيهم ناس محترمه

بس المحترم منهم للعلم لا يشتغل فى المباحث يعنى ممكن الجوازات , حرس الجامعه , الاثار ....

و اقسم بالله الكلام ده من على لسان لواء شرطه

طيب ممكن احكيلكوا حكاية حصلت مع زميل لينا فى مصر

مندوب مبيعات فى شركة فى مصر اتسرق منه مبلغ يعدى 20000 جنيه

المهم اتصل بالشركة و قالهم و بعتوله محامى من عندنا من الشركة

لعمل محضر فى القسم تعرف الباشا مامور القسم قال ايه لمحامى الشركة

قاله انا شاكك ان المندوب متسرقش و انه واخد الفلوس دى مخبيها

تحب نحبسه و نحقق معاه فى الموضوع و ما ادراك كان ممكن الغلبان يعترف

و الحمد لله انها كانت شركة محترمه قاله لا

و بعدها باسبوع قبضوا على الحرامى و تعرف عليه زميلنا فعلا

شوفتوا بقى دى العقليات اللى بنتاعمل معاها

المجنى عليه تحول الى جانى و كان هيتحبس

المواطن متهم حتى تثبت برائته و تحيا الشرطه

تم تعديل 16 سبتمبر 2009 بواسطة muhamed

[herohero]

و الله يا ياجماعه انا شايف ان الاخ هيرو معاه حق

انا عن نفسى بخاف جدا و مش بخاف علشان سارق و لا قاتل و لا عامل تهمه لا

ببساطه بخاف لانى لو وقفك ضابط او امين شرطه او عسكرى او مخبر

هو ممكن بمنتهى البساطه و من غير هو ما يشعر حتى تلاقيه طول لسانه عليك

و يا سلام بقى لو معاك مثلا المدام او اختك او حتى اخوك الصغير

و محدش يقولى انه مش ممكن يحصل و الا راجع لشخصية الفرد

لا هى متوقفه على اللى انتا بتكلمه هو اصله ايه و تربيته ايه على فكره فيهم ناس محترمه

بس المحترم منهم للعلم لا يشتغل فى المباحث يعنى ممكن الجوازات , حرس الجامعه , الاثار ....

و اقسم بالله الكلام ده من على لسان لواء شرطه

طيب ممكن احكيلكوا حكاية حصلت مع زميل لينا فى مصر

مندوب مبيعات فى شركة فى مصر اتسرق منه مبلغ يعدى 20000 جنيه

المهم اتصل بالشركة و قالهم و بعتوله محامى من عندنا من الشركة

لعمل محضر فى القسم تعرف الباشا مامور القسم قال ايه لمحامى الشركة

قاله انا شاكك ان المندوب متسرقش و انه واخد الفلوس دى مخبيها

تحب نحبسه و نحقق معاه فى الموضوع و ما ادراك كان ممكن الغلبان يعترف

و الحمد لله انها كانت شركة محترمه قاله لا

و بعدها باسبوع قبضوا على الحرامى و تعرف عليه زميلنا فعلا

شوفتوا بقى دى العقليات اللى بنتاعمل معاها

المجنى عليه تحول الى جانى و كان هيتحبس

المواطن متهم حتى تثبت برائته و تحيا الشرطه

انا حصلي الموقف ده ف مبلغ 35000 زمان وطلع الحكم وشرطة تنفيذ الاحكام من الاخر قالت لنا ان الراجل بيدفع للي بيروحوا ينفذوا الحكم عليه فلازم انتوا تدفعوا وده شرطة تنفيذ الاحكام يعني لما دو مش عارفين يجيبوا لك حقك هتعمل ايه

والفلوس رجعت بعد 5 سنوات بعد مفاوضات مع الراجل اللي كان واخد المبلغووالله ماكان تجارة ده كان فك زنقة له ولكن هي ده السلوكيات الحالية

والحمد لله الواحد عارف السكة والنظام بترخص عربيتك لازم تغمس الورق ب100 وجاي تجدد الرخصه شرحه هتلاقي كل شيئ ماشي زي الفل

وحاجات كتيرة زيتدخيل عداد كهرباء ولا غاز

يعني زي ما قولت هي بلدنا ولا

[ahmedfathi]

سلام عليكم بصراحه انا عمري ما اطلب مني اني اطلع البطاقه وعمري ما طلعتها لظابط او امين او اي حد لان اللي بيعدي في الكمين وهوا خايف ومرعوب علي طول بيسحبوه وتفتيش وكدا