أتمني ضم زيدان للمنتخب

[GENDY ABASI]

دعونا نعود بالذاكرة خماشر تماناشر شهر لورا أيوة شويه ورا كمان فردة قدام كده هبابة لقدام أيوة إثبت غلي كده

خمس دقايق قبل متش مصر و الكاميرون في افتتاح مباريات المجموعة التالتة إرجع بذاكرتك و إفتكلر اللحظات دي

ولا واحد فيكي يا مصر كان يتوقع مجرد توقع إن مصر حتي هتتعادل مع الكاميرون السؤال اللي كان فارض نفسه هنشيل كام يا معلم النهارده ؟ استرها يارب

وبعدين الماتش بدأ أداء حلو هب جون في إتنين مين يا جدعان الواد الأصلع ده ؟ إيه ده ده زيدان ......................هب بيقلع الجزمة وينطقها علي إيده زي ماتكون فحمة مولعة بعد أنضف هجمة مرتدة إتعملت في تاريخ مصر بينه و بين القديس أو تريكه ربنا يحفظه يارب و يعنيه علي مواصلة اللي هو فيه و يثبته

مصر بشكل تاني مصر بمعني تاني

مصر بتنفض الكاميرون أربعة

قاعدين مش خايفيين و إحنا بنتفرج ليه؟

لإننا بجد ويمكن من زماااااااااااااااااااان (بالنسبة إلي أنا كانت أول مرة) أشوف منتخب مصر بيلعب كورة هجومية حلوة ممتعة تمزج و تشرح القلب الحزين ( الله يمسيك بالخير يا عم جوهري كل ما أفتكر ماتش إيرلندا و المدرب بتاع إيرلندا اللي جاله ذبحة صدرية و هو بيقول " لو هلعب مع مصر علي نهائى كأس العالم مش عايزه أنا مش ممكن ألعب تاني مع مصر................الراجل كان هيكفر بعد ما طلعه الجو هري من هدومه)

و بعدين نطلع سنة كده قدام أيوه النهائى مصر زانقه الكاميرون في ملعبها و عمالة تديها لكميات هوب تحت الحزام وهوب فوقه بس الكورة مش راضيه تدخل وبعدين...................

كورة ولا أموت ولا أضيع في حوزة سونج الرهيب ( اللي كان رهيب) ينقض عليه زيدان اللي طول ركبته و يخوفه بل يلرعبه و يخليه يرجع بيها لجونه سونج يوقعه بس حتي و أنا علي الأرض بباسي بعد ما لففت سونج حوالين نفسه يكون جالي أبو تريكة أديهاله يرزعها جون .....................الله الله الله مش ممكن وأنضف وأغلي و أحلي بطولة مكن البطولة الوحيدة اللي الواحد فرح بجد فيها

تعالي لي بقي قدام يا برنس شوية لا شوية كتير أيوة بس هنا هو شهر النحس ده شهر حزيران واللي إحنا المصريين هنسميه بعد كده شهر حزنان ( يونيو) كل نكساتنا فيه يا رب مش ينفع شهر مايو يجي بعده يوليو علي طول ...................بعد كده مصر تعتذر عن اللعب في شهر حزنان

متش الجزائر و ما أدراك ما متش الجزائر قدرنا في الشوط الأول نسكت 80 ألف جزائرى بلعيبتهم بمدريبهم بشماريخهم .....ليه عشان كلن فيه كورة حلوة بين العالمي زيدان و القديس أبو تريكة يا سلام لو كانت واحدة منهم في الجون ..................................كان زمانا دلوقتي بنشتري تذاكر طيران جوهانسبرج ........يلا قدر الله و ما شاء فعل

لما زيدان خطب مي عز الدين والله والله أحترمته أكتر لأني قلت الواد ده بيفهم في الحريم أحسن من الكورة واللي هو أصلا وحش مفترس فيها

شوفها بين الشوطين في متش روندا في القاهرة مش ممكن الوش ده و هو قلقان ,,,,,,,,,,,,,,,,,,,والله ممكن الواحد يتنازل عن فكرة الصعود لكأس العالم مدي الحياة بشرط اصطبح بالوش ده كل يوم ( يا رب مرات ما تقرا التوبيك ده)

مرة واحدة سابته ...........................صدمة الله يكون في عونه فيها والله أنا لو مكانه أنا ممكن أرمي نفسي من فوق جبل ...............

بس ربنا صبره كل اللي عمله.......................قفل موبايله و ساب شقته و راح قعد في فندق لا عايز يشوف حد ولا حد يشوفه ...............إيه قلة الةطنية ولا قلة الأحترام في الراجل عمله ؟ لأ بتكلم بجد لو واحد منا بيحب خطيبته و اللي هي زي القمر لأ قمر إيه قول زي الشمس الملهلبة وسابيته مش هيتأثر و يزعل شوية طبعا ده يبقي ما عندوش دم لو معملش كده

و بعدين ربنا ماطولش عليه بعتله اللي توانس وحديته شتينا يا لا يا رجاله كلنا ندعيلها و ندعي لحرمينا يبقوا زيها " اللهم شتنن نساءنا " أمين

شتينا واللي هي برضه زي القمر ...................بغض النظر بقي مجوزها مش مجوزها ...............محدش عارف العلاقة واصلة بينهم لغاية فين .مش يمكن حب عذري .الله أعلم و يمكن ناوي يجوزها ......ربك رب قلوب و هو اللي عالم بالنوايا

المهم طلعت الواد من اللي هو كانفيه .... يكرمها ربنا يا رب وبدأ الدوري الألما ني و الواد زيدان زنهر كده و نور و كل ماتش يضربه جول ولا إتنين

عمك حسن شحاته لأ العزة و الكرامة و الأنفة و الكنبة و كل حاجة في الدنيا واخداه

ياعم بالراحة ع الواد شوية هو يعني كان عمل إيه ؟ يعني ماكانش هيضربك زي ما ميدو عمل و لا فرج عليك كل أمة لا إله إلا الله و غير أمه لا إله إلا الله.في كل تليفزيونات و دي في ديهات و يو تيوبات العالم؟

إرحم يا حسن يا شحاته ............ وخلينا نعترف ...فيه ناس ما تعرفش تعيش من غير السجاير .................و فيه ناس ما تعرفش تعيش من غير جواز ...................... وفيه بقي ناس ما تعرفش تعيش من غير حب ............إيه عمرك ما حبيت ................ما تقول حاجه لأبوك يا كريم

و في الأخر مش هأقولك إلا حاجة واحدة

تخيل نفسك تاني في السبعينات و تخيل كده إنك خاطب شمس البارودي ( ربنا يثبتها و يقويها علي هي فيه)

و أكيد طبعا طبعا كل شباب السبعينات بما فيهم أبويا كانوا بيموتوا علي شمس البارودي

وبعد قصة حب و خطوبة فشكلت الخطوبة .؟

هتعمل إيه يا معللللللللللللللللللللللللللللم؟؟؟؟؟؟؟؟؟؟؟؟؟؟؟؟؟؟؟؟؟ سؤال عايزك تجاوبني عليه و بكل صراحة و بعيد عن كريم و أم كريم و كل إخوات كريم

تم تعديل 27 أكتوبر 2009 بواسطة Scorpion

[se_ Elsyed]

إنت اكيد بتهزر صح ؟

قولي وريحي جلبي يا ولدي أنا بجيت راجل كابير ومش متحمل كلام زي ديه

بعدين ربنا ماطولش عليه بعتله اللي توانس وحديته شتينا يا لا يا رجاله كلنا ندعيلها و ندعي لحرمينا يبقوا زيها " اللهم شتنن نساءنا " أمين

شتينا واللي هي برضه زي القمر ...................بغض النظر بقي مجوزها مش مجوزها

!!!!!!!!!!!!!!

[se_ Elsyed]

و في الأخر مش هأقولك إلا حاجة واحدة

تخيل نفسك تاني في السبعينات و تخيل كده إنك خاطب شمس البارودي ( ربنا يثبتها و يقويها علي هي فيه)

و أكيد طبعا طبعا كل شباب السبعينات بما فيهم أبويا كانوا بيموتوا علي شمس البارودي

وبعد قصة حب و خطوبة فشكلت الخطوبة .؟

لأ إزاي

الواحد يقعد يولول ويلطم ويلبس طرحه عشان خطيبته سابته

طب هاسألك سؤال انت بقى

تفتكر هو عمل كده .. مع نادي بروسيا درتموند ؟

قول

جاوب

ده لو فكر مجرد تفكير بس .. كان زمانه أخد بالشبشب

عارف ليه ؟

لإن الناس دي ما بتهرجش ...

زي ما بتاخد ملايين ... يبقى لازم تدي اكتر منها

لكن على مصر

يتدلع ويتمخطر ويقل موبايله ويشتم في بلده في الجرايد هناك

ودي مش اول مره يعملها على فكره

بُص ... الأخلاق والأدب اهم بلا كوره بلا قرف

[حسام يوسف]

هذا الكلام انتشر فى الفترة الأخيرة

نغمة العفو عن زيدان

والعبدلله رأيه لو هناخد كأس العالم بالأخلاق دي

فبلاش منه أساسا

زيزو بيه عنده ماتش فى الفريندلى داي

يعنى يوم على مستوي العالم ماتشات ودية للمنتخبات

افرض انه تعبان

نفسه مسدودة

مكتأب

يفتح تليفونه

ويعتذر

هوة حد هيلعب غصب عنه

وكمان كان ماتش ودي

يعنى لو كان كلم شحاته انه مش جاهز وبيعتذر بأدب

كان ممكن مايلعبش

ومفيش مشكلة

لكن أصلا معبرش حد فى المنتخب

ولا بعض أعضاء اتحاد الكورة يستسمحوه عشان يلعب

لا

لا

لا

دي قلة أدب

وعدم احترام لمدربه ولمنتخب بلاده

يقدر يقفل موبايلاته أو يعمل كدة مع بروسيا دورتموند زي ما قال س س؟

مستحيل

وعفوا يعنى ايه حكايه اعلانه انه (عايش )مع واحدة دي؟

وحضرتك بتدافع عنه؟

الدعوة مرفوضة

مرفوضة

مرفوضة

ولو كنا مش نافعين فى الكورة

فياريت ننفع فى الأخلاق

[GENDY ABASI]

إيه ده يا رجالة

3 بس دخلوا و كتبوا

و رأيهم ضد الواد...................................جبتوا منين الجساوة دي يا مصراويه ؟

الواد إبننا و الموتشة دهية بتاعتنا ................مش كده ولا إيه يا ردالة ؟

ولازمن ولابد يكون ويانا الواد إبن أبو زيدان ...............ده واد واعر جوي يابوي والزامباوية هيعملوا لوه يجي ألف حساب

وبعدين الحج اللي بيجول إنه مايجدرش يعمل إكده مع بتوع ألمنيا ..أنا بجوله إن ولدنا يجدر يعمل أيتها حاجة في الدنيا .....عشان ولدنا رادل من ضهر رادل .............مش كده ولا إيه يا هريدي؟

ولو حد جال غير إكده هيوالله لنطخه بالبندجة وبعدين نجطعه جطيع

يا رجالة أي حد ممكن يتعرض لظروف وحشة في حياته ................أنا مثلا في يوم كنت تعبان نفسيا جدا جدا . لدرجة وحشه جدا حتي فكرت إني ارتكب جريمة....عملت إيه؟

ما روحتش النوباتجيه بتاعتي قصرت الشر و فضلت قاعد في أوضتي و قفلت علي نفسي وهات يا سجاير و قفلت موبايلي لغاية مادروخت ونمت من الهم وفضلت علي كده يومين

طبعا لما فتحت الموبايل لاقيت يجي عشرين ميسد كول من الحاجة و بتاع عشرة من رئيس القسم بتاعي و حوالي 30 من زميلي اللي كان في النوباتجية لوحدي

طبعا أمي فضلت متكلمنيش أسبوع و رئيس القسم أداني جزا 3 أيام و زميلي فضل مايكلمنيش شهر

بس ما اتفصلتش ولا إتحولت محمه تأديبية .................لإنهم محتاجني

ولإني لم ارتكب خطأ مهني جسيم

إحنا قدامنا هدف يا رجالة ولازم نوصله ولا عاجبكو الذل اللي علي المنتديات من الجزائريين

الحساب علي قد الغلطة يا عم حسن ...................و إنت يا عم زيدان بوس رأسه و إنزل التمرين

[MZohairy]

كلنا فداك يا زيزو

كلنا فداكي يا مي

اللهم فك الكرب اللي جي

[se_ Elsyed]

أنا هانظر للموضوع ده على انه هزار وتهريج

[MZohairy]

ليه و هو الموضوع ده بجد؟

[حسام يوسف]

كلنا فداك يا زيزو

كلنا فداكي يا مي

اللهم فك الكرب اللي جي

زوهيري باشا المانسترلي

يا عمنا نفسي أتعلم منك هدوءك ده

وبجد دي مش رفاهية

حقيقي لو كنت زيك كدة كانت حاجات كتير اتغيرت في حياتى

ممكن كورس؟ wst::

وهبقى تلميذ ملتزم والله

وتحت أمرك فى اى طلبات :wub:

[MZohairy]

كلنا فداك يا زيزو

كلنا فداكي يا مي

اللهم فك الكرب اللي جي

زوهيري باشا المانسترلي

يا عمنا نفسي أتعلم منك هدوءك ده

وبجد دي مش رفاهية

حقيقي لو كنت زيك كدة كانت حاجات كتير اتغيرت في حياتى

ممكن كورس؟ :)

وهبقى تلميذ ملتزم والله

وتحت أمرك فى اى طلبات :wub:

انا خدامك يا معلمي wst::

[حسام يوسف]

كلنا فداك يا زيزو

كلنا فداكي يا مي

اللهم فك الكرب اللي جي

زوهيري باشا المانسترلي

يا عمنا نفسي أتعلم منك هدوءك ده

وبجد دي مش رفاهية

حقيقي لو كنت زيك كدة كانت حاجات كتير اتغيرت في حياتى

ممكن كورس؟ :)

وهبقى تلميذ ملتزم والله

وتحت أمرك فى اى طلبات :wub:

انا خدامك يا معلمي wst::

العفو

بجد سواء اتفقنا أو اختلفنا

انا بقدرك وبحترمك جدا :)

[GENDY ABASI]

سيادة العضو المحترم سي باشا السيد :

هو الموضوع في مجمله مش هزار ولا تهريج ..................لإن وصولنا لكأس العالم مش هزار أبدا ده حلم أصغر عيل و أكبر حد في شوارع مصر

أنا مش هنسي الراجل اللي جتله سكته قلبية في متش مصر والمغرب 22 يناير 2001 بعد ما طارق السعيد إنفرد بالجون و حطها في الأوت

بس ده ما ينفيش إني دخلت التهريج في حاجات كتير زي علاقة زيدان و شتينا ....................أنا كل قصدي نفصل بين علاقاتة الشخصية و مستواه اللي يؤهله للمنتخب اللي في عرض ربع جول في متش زامبيا اللي جاي

يارب يارب نفوز 1/4 - صفر والله راضيين بس نعملها

طبعا أنا كتبت الموضوع لإني متغاظ جدا من حسن شحاته عشان راسم دور الكرامة اللي بتنقح عليه رغم إنه مفيش مايبرر الكلام ده لإنه ببساطة زيدان كان عنده ظروفه وبعدين كان شحاته هيعمل بيه إيه لو جاله متش غينيا وهو نفسيا مش متظبط علي الأقل أدي فرصة لسيد حمدي

في الوقت اللي الباشا طنش كل حاجة عاملها السيد ميدو فيه من تشويح و تحرش ( عشان يضربه مش عشان حاجة تانية) و شتيمة و جابه تاني علي الرغم إن ميدو مابيعملش حاجة غير برضه التشويح و تخويف الحكام بطوله و بشعره

يعني يا شحاته مش فاكر حاجة خالص لزيدان يخليك تسامحه؟.........................فيه إيه ؟ واللهى يا شحاته لو خسرت الماتش ولا إتعادلت من غير زيدان .....مش هقولك الناس هتعمل فيك إيه؟

ولو كسبت من غيره .....أنا هبطل إتكلم في الكورة خاااااااااااالص مش بس كده لأ ده أنا كمان هتأديبا ليا هشوف برنامج كريم إبنك

[حسام يوسف]

الأخلاق قبل المكسب

[GENDY ABASI]

أنا عايز الناس اللي ماسكين نغمة الأخلاق الأخلاق :

يبطلوا يتكلموا عن الأخلاق للأسباب الأتية:

1- ما حدش ليه دعوه خالص بالحياة الشخصية لأي حد ( ما ينفعش أجي أقولك إنت بتعمل غلط كذا و كذا ف مش هشغلك ) لإنك ما لكش دعوة إطلاقا باللي أنا بعمله في حياتي الخاصة إنت ليك الشغل لو أنا كويس ما لكش دعوة بأي حاجة تانية.

2- المشكلة ماكانتش يا أستاذ حسام إن زيدان مصاحب ولا إتنيل علي عينه المشكلة إن ما ردش علي الناس و بتهيالي ده موقف مفهوم جدا لما إتعرف السبب فبلاش نخلط المواضيع في بعضها

3- المنتخب دلوقتي محتاج زيدان ولا لأ ؟ طبعا محتاجه ............شايفين كلنا المستوي الرهيب بتاع ميدو و عمرو زكي ............و ماحدش يقولي سيد حمدي و دودي الجباس دول لسه بدري جدا عليهم......الإنفرادات..الفرص اللي ضيعوها دي لو كانت جت لمتعب و لا زيدان ولا أبو تريكة كان زمان الماتش اللي فات خلص 3 و لا 4 .

بعدين أنا عايز سيادتك بعد إذنك تقولي أخلاق إيه بالظبط اللي عايزها قبل المكسب؟ ممكن تحدد؟

[حسام يوسف]

أنا عايز الناس اللي ماسكين نغمة الأخلاق الأخلاق :

يبطلوا يتكلموا عن الأخلاق للأسباب الأتية:

1- ما حدش ليه دعوه خالص بالحياة الشخصية لأي حد ( ما ينفعش أجي أقولك إنت بتعمل غلط كذا و كذا ف مش هشغلك ) لإنك ما لكش دعوة إطلاقا باللي أنا بعمله في حياتي الخاصة إنت ليك الشغل لو أنا كويس ما لكش دعوة بأي حاجة تانية.

أنا مش هتكلم على انه يصاحب دي

ولا يتجوز دي

دي مش بتاعتى

ولو انها مؤشر على عدم الالتزام

2- المشكلة ماكانتش يا أستاذ حسام إن زيدان مصاحب ولا إتنيل علي عينه المشكلة إن ما ردش علي الناس و بتهيالي ده موقف مفهوم جدا لما إتعرف السبب فبلاش نخلط المواضيع في بعضها

*****

فعلا المشكلة انه ماردش على استدعاءات المنتخب

ولا بيرد على التليفون

وقافل موبايله وقمة فى التجاهل واللامبالاى وعدم الاحترام

وآسف جدا

لو حضرتك شايف الموقف مفهوم

فدي حاجة تخص حضرتك

انما أنا مش مفهوم أبدا بالنسبة ليه هذا التصرف الغير محترم بالمرة

وأنا لا أخلط مواضيع

انا معترض لأسباب واضحة وصريحة وهية عدم التزامه بأبسط حقوق منتخب بلاده عليه

وأدبيات احترام مدرب المنتخب الوطنى ومسؤوليه

وهوة انه يجب الرد والاعتذار مش التجاهل التام

3- المنتخب دلوقتي محتاج زيدان ولا لأ ؟ طبعا محتاجه ............شايفين كلنا المستوي الرهيب بتاع ميدو و عمرو زكي ............و ماحدش يقولي سيد حمدي و دودي الجباس دول لسه بدري جدا عليهم......الإنفرادات..الفرص اللي ضيعوها دي لو كانت جت لمتعب و لا زيدان ولا أبو تريكة كان زمان الماتش اللي فات خلص 3 و لا 4 .

الاحتياج للاعب لا يعنى التخلى عن الأصول والأخلاق

ولو كان زيدان ده كاكا أو ميسي

بعدين أنا عايز سيادتك بعد إذنك تقولي أخلاق إيه بالظبط اللي عايزها قبل المكسب؟ ممكن تحدد؟

الأخلاقيات المقصودة هنا هية ان لو لاعب مش قادر يحضر أو يلعب

يقول ويعتذر حتى لو كانت الأسباب نفسية

مش نفسيته جاية على منتخب بلاده بس

وفي نفس الأسبوع كان لاعب مع بروسيا دورتموند

المنتخب مش الحيطة المايلة

****

هوضح لحضرتك ايه المقصود بالأخلاق فى موضوع سي زيدان

لما لاعب يكون عنده استدعاء من منتخب بلاده

يبقى لازم ييجي

ولو مش جاهز سواء لأسباب بدنية أو حتة نفسية -اتفقنا أم اختلفنا-

يبقى البيه يتعطف

وبتنازل

ويتكرم

ويرد على المدير الفنى للمنتخب ويقول انه مش جاهز وانه مش قادر يأدي المباراة

مش يضرب طناش

ويقفل موبايلاته

وكمان ييجي مصر ويسافر تانى ولا على باله خالص منتخب بلاده ولا المسؤولين عنه

*****

تم تعديل 15 سبتمبر 2009 بواسطة se_ Elsyed

[الحازم حسن]

المنتخب مش في حاجة لزيدان

واساساً هوه نقطة ضعف المنتخب

[لولا]

الأخلاق قبل المكسب .

تحياتى

لولا

[ahlawycatalony]

سجلنى يا مواطن

ومش عارف ايه سعار الاخلاق اللى الناس (رافعته) مره واحده دا؟؟

واولهم شحته ؟

كانت فين الاخلاق ايام ضم الحارس الهارب !!

مش شحته دا اللى قبل كدا قال مش مستعد اضم لاعب عامل مشكله مع ناديه او عنده خلاف مع ناديه وكان عمرو زكى بالتحديد.

ولا هى المبادىء بتتجزاء يا شحاتيلى ؟.

[se_ Elsyed]

ماشي هانسيبنا من الأخلاق ....

طب على الأقل ردوا على السؤال :

- لما فسخ خطوبته مع مي وقعد فترة مكتئبة وما بياكلش ولا يشرب ومالوش نفس للحياه .... كان يقدر يقفل تليفونه ويخلي مسئولي نادي بروسيا درتموند اللي محترف فيه يخبطوا راسهم في الحيط ويتدلع عليهم زي ما عمل مع منتخب بلده ؟

ما تردوا يا جماعه

[GENDY ABASI]

أنا عايز الناس اللي ماسكين نغمة الأخلاق الأخلاق :

يبطلوا يتكلموا عن الأخلاق للأسباب الأتية:

1- ما حدش ليه دعوه خالص بالحياة الشخصية لأي حد ( ما ينفعش أجي أقولك إنت بتعمل غلط كذا و كذا ف مش هشغلك ) لإنك ما لكش دعوة إطلاقا باللي أنا بعمله في حياتي الخاصة إنت ليك الشغل لو أنا كويس ما لكش دعوة بأي حاجة تانية.

أنا مش هتكلم على انه يصاحب دي

ولا يتجوز دي

دي مش بتاعتى

ولو انها مؤشر على عدم الالتزام

2- المشكلة ماكانتش يا أستاذ حسام إن زيدان مصاحب ولا إتنيل علي عينه المشكلة إن ما ردش علي الناس و بتهيالي ده موقف مفهوم جدا لما إتعرف السبب فبلاش نخلط المواضيع في بعضها

*****

وفعلا المشكلة انه ماردش على استدعاءات المنتخب

ولا بيرد على التليفون

وقافل موبايله وقمة فى التجاهل واللامبالاى وعدم الاحترام

وآسف جدا

لو حضرتك شايف الموقف مفهوم

فدي حاجة تخص حضرتك

انما أنا مش مفهوم أبدا بالنسبة ليه هذا التصرف الغير محترم بالمرة

وأنا لا أخلط مواضيع

انا معترض لأسباب واضحة وصريحة وهية عدم التزامه بأبسط حقوق منتخب بلاده عليه

وأدبيات احترام مدرب المنتخب الوطنى ومسؤوليه

وهوة انه يجب الرد والاعتذار مش التجاهل التام

3- المنتخب دلوقتي محتاج زيدان ولا لأ ؟ طبعا محتاجه ............شايفين كلنا المستوي الرهيب بتاع ميدو و عمرو زكي ............و ماحدش يقولي سيد حمدي و دودي الجباس دول لسه بدري جدا عليهم......الإنفرادات..الفرص اللي ضيعوها دي لو كانت جت لمتعب و لا زيدان ولا أبو تريكة كان زمان الماتش اللي فات خلص 3 و لا 4 .

الاحتياج للاعب لا يعنى التخلى عن الأصول والأخلاق

ولو كان زيدان ده كاكا أو ميسي

بعدين أنا عايز سيادتك بعد إذنك تقولي أخلاق إيه بالظبط اللي عايزها قبل المكسب؟ ممكن تحدد؟

الأخلاقيات المقصودة هنا هية ان لو لاعب مش قادر يحضر أو يلعب

يقول ويعتذر حتى لو كانت الأسباب نفسية

مش نفسيته جاية على منتخب بلاده بس

وفي نفس الأسبوع كان لاعب مع بروسيا دورتموند

المنتخب مش الحيطة المايلة

******

هوضح لحضرتك ايه المقصود بالأخلاق فى موضوع سي زيدان

لما لاعب يكون عنده استدعاء من منتخب بلاده

يبقى لازم ييجي

ولو مش جاهز سواء لأسباب بدنية أو حتة نفسية -اتفقنا أم اختلفنا-

يبقى البيه يتعطف

وبتنازل

ويتكرم

ويرد على المدير الفنى للمنتخب ويقول انه مش جاهز وانه مش قادر يأدي المباراة

مش يضرب طناش

ويقفل موبايلاته

وكمان ييجي مصر ويسافر تانى ولا على باله خالص منتخب بلاده ولا المسؤولين عنه

****

*****

.

حتى لو اختلفت مع أفكارك

تم تعديل 15 سبتمبر 2009 بواسطة se_ Elsyed