أتمني ضم زيدان للمنتخب

[GENDY ABASI]

سجلنى يا مواطن

ومش عارف ايه سعار الاخلاق اللى الناس (رافعته) مره واحده دا؟؟

واولهم شحته ؟

كانت فين الاخلاق ايام ضم الحارس الهارب !!

مش شحته دا اللى قبل كدا قال مش مستعد اضم لاعب عامل مشكله مع ناديه او عنده خلاف مع ناديه وكان عمرو زكى بالتحديد.

ولا هى المبادىء بتتجزاء يا شحاتيلى ؟.

يا باشا يسلم فمك .......................أيوه كده ....................هى دي بالظبط الردود اللي تشجع

[حسام يوسف]

ماشي هانسيبنا من الأخلاق ....

طب على الأقل ردوا على السؤال :

- لما فسخ خطوبته مع مي وقعد فترة مكتئبة وما بياكلش ولا يشرب ومالوش نفس للحياه .... كان يقدر يقفل تليفونه ويخلي مسئولي نادي بروسيا درتموند اللي محترف فيه يخبطوا راسهم في الحيط ويتدلع عليهم زي ما عمل مع منتخب بلده ؟

ما تردوا يا جماعه

أختلف معاك يا عزيزي س س

مش معاك فى كلما نسيبنا من الأخلاق

هوة الاعتراض على مشاركته

ومنع حسن شحاته ليه من الانضمام عشان أسباب أخلاقية

وليست فنية

ولو كل لاعيب عمل زي زيدان بيه مش هيبقى فيه التزام

أو عمل جماعى

أو تدريبات

أو خطط

وبعدين يا عم س س هيبقى لا تأهل لكأس العالم

ولا أخلاقيات كمان؟

[GENDY ABASI]

أكد رابح سعدان المدير الفني للمنتخب الجزائري أن أبواب "الخضر" مفتوحة أمام كل لاعب لديه رغبة كبيرة في الالتحاق وفرض نفسه وتقديم مستوى أفضل من بعض اللاعبين الذين يعتمد عليهم حاليا، مشيرا إلى أن "الخضر" أثبتوا قوتهم في تصفيات المجموعة الثالثة المؤهلة لمونديال 2010، وأنه لا يكترث بتصريحات المصريين النارية.

وقال سعدان –في تصريح خاص لجريدة "الشروق" الجزائرية يوم الأحد- إن إمكانية انضمام مهدي لحسن لاعب وسط سانتاندر الإسباني إلى صفوف الفريق في المستقبل واردة جدا، خاصة أنه لاعب جيد.

وأضاف "لا يعرف أحد الأسباب الحقيقية لعدم التحاق لحسن بصفوف الخضر"، وأنه غير ناقم عليه ولا يمكنه أن يحقد عليه أيضا، "ربما هناك ظروف قاهرة تسببت في عدم التحاقه بالمنتخب في الوقت الحالي".

ودعا سعدان الجزائريين إلى "الرأفة" بلاعب وسط سانتاندر الإسباني، معتقدا بأن لحسن سيلعب يوما ما مع المنتخب الجزائري سواء تحت إشرافه أو تحت أي مدرب آخر سيخلفه، والأمر نفسه ينطبق على اللاعب لزهر حاج عيسى الذي تم التخلي عنه بعد تصرفه السلبي على هامش مباراة الجزائر ومصر خلال شهر يونيو/حزيران الماضي.

وأكد شحاتة في تصريحات خاصة لـmbc.net أن المرحلة المقبلة من التصفيات الإفريقية بحاجة إلى حسابات خاصة حتى يكون لنا دور في رسم البهجة والسعادة على وجوه الجماهير المصرية.

وأضاف أن اختياراته للاعبين ستخضع لظروف خاصة، معترفا بأنه لن يضم محمد زيدان المحترف في صفوف بروسيا دورتموند الألماني مهما كانت الأمور؛ لأنه لم يحترم الجهاز الفني للفراعنة وتجاهل اتصالاته التليفونية.

وأوضح أن المشكلة الأساسية التي أوقعته مع زيدان تتمثل في عدم رده على الاتصالات التي يجريها معه الجهاز الفني لاستدعائه حتى الآن، ولن ينضم للمنتخب خلال الفترة المقبلة بعد رفضه الانضمام للمعسكر الذي سبق لقاء غينيا الودي.

وأشار إلى أن زيدان اعتاد على القيام بمثل هذا السلوك الغريب؛ حيث إنها المرة الثالثة ومن ثم فإن قيامه بمثل هذا السلوك يمكن وصفه بأنه غير مقدر للمنتخب المصري الذي صنعه سواء على المستوى الإفريقي أم كأس القارات الأخيرة، لذا فإنه اتخذ قرارا نهائيا بعدم ضمه مهما كانت الظروف والإمكانيات.

ده خبر علي موقع mbc.net واضح جدا الفرق بين تصريحات و طريقة تفكير الشيخ سعدان و طريقة تفكير حسن شحاتة

تعليقاتكم يا رجالة

تم تعديل 14 سبتمبر 2009 بواسطة GENDY ABASI

[GENDY ABASI]

المنتخب مش في حاجة لزيدان

واساساً هوه نقطة ضعف المنتخب

طب مين البديل اللي علي نفس المستوي و يمكن الإعتماد عليه في وجهة نظرك

[se_ Elsyed]

للمرة المليون نؤكد يا جماعه إن باب الرياضة هو باب للموضوعات الخفيفة ...

لذا فلا داعي لشدة الأعصاب من الجميع ...

[GENDY ABASI]

سي السيد باشا طبعا الرياضة هي إستراحة المنتدي و مافيش داعي خالص لشدة الأعصاب زي ما إتفضلت و قولت

بس المشكلة إن حسن شحاتة لسه مصر يستفز الناس و مايضمش زيدان

طب حد يقولي هيبقي إيه التغير اللي هيطرأ علي تشكلية النتخب في الماتش اللي فات:

أبو تريكة ...........لسه مش fit 100%

بركات ...............مالعبش متش الجيش و الألتهابات دي ممكنترد عليه تاني لإنها مزمنة

ميدو و عمرو زكي ......................لا تعليق

شيكابالا .........................مش مضمون إنه هياخدوه المنتخب و هو نفسه متذبذب المستوي خصوصا مع المنتخب

حسام غالي ...................مش مطروح أصلا إسمه إنه ينضم لإن واضح إن شحاته مابيحبوش بدليل إنه ماخدوش في 2006 رغم إنه أيامها كان ماشي كويس في إنجلترا

طب لسه فاضل مين؟؟؟؟؟؟؟؟؟؟؟؟؟؟؟.............................................هو عند وخلاص

[se_ Elsyed]

شوف يا جندي

ما هو في الأول والأخر هو المدير الفني وهو اللي بيتحاسب

ومهما قلنا ولا عدنا هو المدير الفني

لسه بدري على ماتش زامبيا

وعمرو زكي وبركات وأبو تريكه هايكونوا رجعوا

وخلي بالك ماتش زامبيا مش محتاجين فيه إلا راس حربه واحد

وهو عمرو بإذن الله

وعندنا في الإحتياطي أحمد رؤوف

[GENDY ABASI]

سي السيد باشا

إتفق معاك إنه هو المدير الفني و هو اللي هيتحاسب ؟بس هو أخره إيه يعني .........الجرايد تفضل تشتم فيه شويه ..........شوبير و ضيوفه مع الدكتور علاء صادق ينفضوه شويتين وكل سنة وإنت طيب ..........و إستنوا يامصريين كمان 4 سنين علي ما يجي حد تاني يضيع حلم البرازيل 2014

حسن شحاته مش هيخسر حاجه وهتنهال عليه العروض من الخليج و هو عمل من خلال 2006 و2008 إسم كويس يشغله عشر سنين لقدام في الخليج زي ميتسو و بمرتب أضعاف اللي بيخده في مصر

أما موضوع لرأس الحربة الواحد مش معاك فيه ............ليه لإن زامبيا مش الفريق المرعب هجوميا يعني مالوش لازمة الحذر الدفاعي الزايد..........مطلوب نلعب بتوازن

كمان عمرو مستواه ميطمنش و مش معاك ياباشا إن أحمد رؤوف البديل المناسب .............لسه بدري عليه

فكده كده زيدان لازم لازم

[rar]

برغم اني شايف ان زيدان عموما لا يستحق المنتخب المصري... و برغم احترامي لحق المدرب في ادارة الفريق بحرية لأنه شايف اللي انا مش شايفه... لكن البلد كلها ابتدت تشيل من حسن شحاته بقالنا مدة... ليه؟

لأن الراجل ده برغم عبقريته الكروية، لكنه غير محترف في تعامله مع اللاعبين... بيعتبر ان علاقة اللاعب بيه هو شخصيا أهم من اداء اللاعب أو احتياج المنتخب...

كلنا فاكرين لما كان غضبان علي بركات و جمال حمزة... عشان ده قال ماعرفش ايه في برنامج تلفزيوني... كلنا عارفين انه بيفضل ناس علي ناس بغض النظر عن مستواهم الحالي (متعب، شوقي)... مدرب نفساوي زيادة... و ده مش شغل احتراف...

الاتحاد المصري كمان ماشي بالبركة... يعني أعتقد بعد تسعين سنة من تأسيسه، يفترض ان كل خطأ يكون له لايحة تحدد حجم العقاب و نوعه... لأنها مش عزبة ملك البيه المدرب، و لو مش عاجبنا نمشيه... يا فرحتي اننا مشينا تارديللي و قعدنا أربع سنين نحلم بكاس العالم...

يا سادة يا أفاضل لا مقارنة بين لعب زيدان لفريقه، و لعبه لمنتخبه... لأن الأول هو أكل عيشه، و كلنا بنروح الشغل و احنا في أزفت حالة نفسية و بنستحمل... لكن اللاعيبة لا تأتي المنتخب من أجل المال... و لكن من أجل الانتماء و اسعاد الناس... الخ... و دي حاجات نفسية و ليست مادية...

نعتب كلنا علي زيدان عدم رده أو اعتذاره عن المباراة "التجريبية" بتاعة غينيا، و لكن شحاته يفترض انه أبوه... والده يعني... و يفترض ان فيه أخصائي نفسي في الفريق... كان يفترض ان هما الاتنين يروحوا لزيدان بعد الماتش و يصفوا النفوس... مش يتم الرد عليه علي الفضائيات!!

نفس عدم الاحتراف في التعامل حصل اكتر من مرة مع ميدو... و اخرها الصيف اللي فات لما تم اسقاطه تماما من الحسابات... فترك ميدو نفسه للأجازة الطويلة بدون أي أمل في العودة للمنتخب، لنفاجأ به في الموسم الجديد و قد زاد وزنه... لو كان شحاته بيعامل اللاعيبة صح و يحسن ادارتهم نفسيا... كان هياخد عينيه...

نفس المشكلة في خناقة عمر زكي و ميدو بعد ماتش زامبيا... كان مفروض المدرب يجمع اللاعبين في ساعتها و يصفي الموضوع، ما يبقاش ردهم علي بعض من خلال الفضائيات...

طبعا أعذر شحاته بسبب أخلاق لاعيبتنا اللي زي الزفت، و تدل بحق علي أخلاق مجتمعنا المصري كله حاليا... لكن المدرب المحترف ما بياخدش حاجة بحساسية، و ما بينظرش لعلاقة اللاعب بشخصه علي انها علاقة اللاعب بالفريق... حسن شحاته محتاج يتواضع شوية و يشيل "الذات" المتضخمة بتاعته دي من مجال عمله...

و سواء ضم زيدان أو لأ... برضه أعتقد اننا سنصل كاس العالم ان شاء الله...

[MZohairy]

انا مابفهمش في الكوره قوي

لكن كل اللي بيفهموا فيها بيقولوا حسن شحاته مدرب فاشل و ربنا مباركله

الكلام ده صح؟

[الحازم حسن]

المنتخب مش في حاجة لزيدان

واساساً هوه نقطة ضعف المنتخب

طب مين البديل اللي علي نفس المستوي و يمكن الإعتماد عليه في وجهة نظرك

البديل اي لاعب مش عايش في الدور ولا كل همه الرقصة اللي حيعملها بعد الهدف ولا جيرلفريند

ودول كتير ومستنيين نص فرصة يثبتوا بيها نفسهم .. السيد حمدي .. الجباس .. احمد عيد عبدالملك وغيرهم كتير

[GENDY ABASI]

البديل اي لاعب مش عايش في الدور ولا كل همه الرقصة اللي حيعملها بعد الهدف ولا جيرلفريند

ودول كتير ومستنيين نص فرصة يثبتوا بيها نفسهم .. السيد حمدي .. الجباس .. احمد عيد عبدالملك وغيرهم كتير

طب ما هم خدوا فرصتهم الماتش اللي فات و معملوش حاجة في أجوال مؤكده يعني مش أنصاف فرص زي جول النهائي بنتاع الكاميرون 2008

وياباشا لو قلت لسه و المفروض نصبر عليهم

هيرد علينا رابح سعدان و يقول " عفوا لقد نفذ رصيدكم"

هو متش واحد اللي جايمتوقف عليه كل حاجة و ربنا يستر

و يا صابت يا إتنين عور

[GENDY ABASI]

برغم اني شايف ان زيدان عموما لا يستحق المنتخب المصري... و برغم احترامي لحق المدرب في ادارة الفريق بحرية لأنه شايف اللي انا مش شايفه... لكن البلد كلها ابتدت تشيل من حسن شحاته بقالنا مدة... ليه؟

لأن الراجل ده برغم عبقريته الكروية، لكنه غير محترف في تعامله مع اللاعبين... بيعتبر ان علاقة اللاعب بيه هو شخصيا أهم من اداء اللاعب أو احتياج المنتخب...

كلنا فاكرين لما كان غضبان علي بركات و جمال حمزة... عشان ده قال ماعرفش ايه في برنامج تلفزيوني... كلنا عارفين انه بيفضل ناس علي ناس بغض النظر عن مستواهم الحالي (متعب، شوقي)... مدرب نفساوي زيادة... و ده مش شغل احتراف...

الاتحاد المصري كمان ماشي بالبركة... يعني أعتقد بعد تسعين سنة من تأسيسه، يفترض ان كل خطأ يكون له لايحة تحدد حجم العقاب و نوعه... لأنها مش عزبة ملك البيه المدرب، و لو مش عاجبنا نمشيه... يا فرحتي اننا مشينا تارديللي و قعدنا أربع سنين نحلم بكاس العالم...

يا سادة يا أفاضل لا مقارنة بين لعب زيدان لفريقه، و لعبه لمنتخبه... لأن الأول هو أكل عيشه، و كلنا بنروح الشغل و احنا في أزفت حالة نفسية و بنستحمل... لكن اللاعيبة لا تأتي المنتخب من أجل المال... و لكن من أجل الانتماء و اسعاد الناس... الخ... و دي حاجات نفسية و ليست مادية...

نعتب كلنا علي زيدان عدم رده أو اعتذاره عن المباراة "التجريبية" بتاعة غينيا، و لكن شحاته يفترض انه أبوه... والده يعني... و يفترض ان فيه أخصائي نفسي في الفريق... كان يفترض ان هما الاتنين يروحوا لزيدان بعد الماتش و يصفوا النفوس... مش يتم الرد عليه علي الفضائيات!!

نفس عدم الاحتراف في التعامل حصل اكتر من مرة مع ميدو... و اخرها الصيف اللي فات لما تم اسقاطه تماما من الحسابات... فترك ميدو نفسه للأجازة الطويلة بدون أي أمل في العودة للمنتخب، لنفاجأ به في الموسم الجديد و قد زاد وزنه... لو كان شحاته بيعامل اللاعيبة صح و يحسن ادارتهم نفسيا... كان هياخد عينيه...

نفس المشكلة في خناقة عمر زكي و ميدو بعد ماتش زامبيا... كان مفروض المدرب يجمع اللاعبين في ساعتها و يصفي الموضوع، ما يبقاش ردهم علي بعض من خلال الفضائيات...

طبعا أعذر شحاته بسبب أخلاق لاعيبتنا اللي زي الزفت، و تدل بحق علي أخلاق مجتمعنا المصري كله حاليا... لكن المدرب المحترف ما بياخدش حاجة بحساسية، و ما بينظرش لعلاقة اللاعب بشخصه علي انها علاقة اللاعب بالفريق... حسن شحاته محتاج يتواضع شوية و يشيل "الذات" المتضخمة بتاعته دي من مجال عمله...

و سواء ضم زيدان أو لأ... برضه أعتقد اننا سنصل كاس العالم ان شاء الله...

والله عين العقل ياباشا.................الراجل ده بيتكلم كلام زي الفل

[الحازم حسن]

زيدان لاعب ماتش واحد ومش لاعب بطولة

تفتكر في البطولة اللي انت بتتكلم عنها دي اول ما بدأ قام سجل جونين في الكاميرون وبعدين قطع النفس

ونفس الحكاية في القارات جونين في البرازيل وهب قام قاطع النفس

اذن هوه لاعب بسيط الخبرة وبيقدم كل اللي عنده في اول المشوار وكمان هوه اعترف انه لاعب مزاجي يعني لما يكون مزاجه عال عال يلعب ولما يكون مقريف يخربها ويقفل تليفونه وده طبعا باي حال من الاحوال مينفعش لعيب لاي منتخب

والارجح في كل ده هوه احساسه بان المركب بتغرق قام هوه اول لاعب نط منها وده طبعاً شيء ميشرفش

ولو تفتكر موقف بشير التابعي اللي اعتذر سنة 2006 عن اللعب مع منتخب مصر ليلة البطولة ومن يومها مشفش حاجة اسمها تي شيرت منتخب مصر

فعلا الناس دي لازم تبقى عبرة لغيرها

[GENDY ABASI]

زيدان لاعب ماتش واحد ومش لاعب بطولة

تفتكر في البطولة اللي انت بتتكلم عنها دي اول ما بدأ قام سجل جونين في الكاميرون وبعدين قطع النفس

ونفس الحكاية في القارات جونين في البرازيل وهب قام قاطع النفس

اذن هوه لاعب بسيط الخبرة وبيقدم كل اللي عنده في اول المشوار وكمان هوه اعترف انه لاعب مزاجي يعني لما يكون مزاجه عال عال يلعب ولما يكون مقريف يخربها ويقفل تليفونه وده طبعا باي حال من الاحوال مينفعش لعيب لاي منتخب

والارجح في كل ده هوه احساسه بان المركب بتغرق قام هوه اول لاعب نط منها وده طبعاً شيء ميشرفش

ولو تفتكر موقف بشير التابعي اللي اعتذر سنة 2006 عن اللعب مع منتخب مصر ليلة البطولة ومن يومها مشفش حاجة اسمها تي شيرت منتخب مصر

فعلا الناس دي لازم تبقى عبرة لغيرها

طب بما إنه ماعملش حاجة في التصفيات يمكن يعمل الماتش الجاي لإنه متش حياة أو موت و خصوصا إن حالته المزاجية كويسة دلوقتي و ماشي كويس في الدوري الألماني رغم إن فريقه إتهف خمسة الماتش اللي فات

بس هو ما نطش من المركب و لا حاجة يا مان هو كان عنده دوار بحر و مش قادر يروح جمصة ( متش غينيا الودي) قام نام في بيتهم و قالها لما المعلم الكبير يجي يا أما قوليله مات ولا أقولك قوليله معرفش فين لأحسن يجي يحضر الجنازة..........................أومال يعني كانت هتقوله عنده إسهال ( أسف للتعبير المقزز بس القافيه حكمت)

إحنا دلوقتي هنعدي علي الصومال نقوم مانخدوش عشان ماجاش معانا جمصة ...............ده كلام ؟

تم تعديل 17 سبتمبر 2009 بواسطة GENDY ABASI

[Scorpion]

وددت ان أعبر عن اعتراضي علي عنوان الموضوع و ليس علي محتواه ....

عندما يتم استخدام تعبير حملة .. و مزجها بمجتمعنا الصغير هذا فيجب أن تكون دائمآ من أجل شيء نبيل ....

من أجل هدف يفيد مجتمعنا ...

و لكن من أجل عودة لاعب كرة مشكوك في ولاءه من أصله .. و اعتباره المنقذ الوحيد لسلسة لا نهائية من الفشل و انعدام التخطيط .. ففي هذا مبالغة كبيرة جدآ ...

لذا رجاء تغيير عنوان هذا الموضوع ليعبر بالفعل عن محتواه .. فلا هناك حملة لأعادته و لا يوجد حتي الآن من أعضاء المحاورات ما يكون ما نستطيع ان نعتبره عدد يريد القيام بحملة مماثلة ...فهي مجرد رغبة فردية من زميل له كل الحق في التعبير عنها و لكن بدون أعطاءها حجم أكبر من حجمها أو حجم أطرافها ...

[adrianocrespo]

محمد زيدان لعب بعد تهربه من المنتخب مباراه مع بروسيا في الدوري الالماني بعد مباراه غينيا الوديه باقل من 3 ايام

ليه ماعتذرش للالمان و قالهم اصل نفسيتي تعبانه و خطيبتي سابتني

اجابه السؤال واضحه

و الراجل له سوابقه مع المنتخب

خلاص يعني

مفيش لاعب حيصعدنا لكاس العالم

مهما كان اسمه

يبقي ليه الحمله دي يا فندم

و بعدين انا مش شايف حد مشارك فيها اصلا

و كل الردود مش مقتنعه بعوده زيدان

[حسام يوسف]

محمد زيدان لعب بعد تهربه من المنتخب مباراه مع بروسيا في الدوري الالماني بعد مباراه غينيا الوديه باقل من 3 ايام

ليه ماعتذرش للالمان و قالهم اصل نفسيتي تعبانه و خطيبتي سابتني

اجابه السؤال واضحه

و الراجل له سوابقه مع المنتخب

خلاص يعني

مفيش لاعب حيصعدنا لكاس العالم

مهما كان اسمه

يبقي ليه الحمله دي يا فندم

و بعدين انا مش شايف حد مشارك فيها اصلا

و كل الردود مش مقتنعه بعوده زيدان

:sad: :tease: :lol:

[GENDY ABASI]

ما تنشنوش أوي كده يا رجالة دي مكنتش حملة لضم زيدان

إسمها الفعلي المفروض يبقي حملة أعضاء المحاورات لعدم ضم زيدان

تمام كده؟؟؟؟؟؟؟؟؟؟؟ :unsure:

ده أنا يا ناس قوبلت بحملة شرسة مضادة أصابتني بإحباط و إكتئاب كاد يعصف بمستقبلي الواعد و المبشر بكل ماهوخارج عن المألوف كعضو ثورجي في محاورات المصريين :closedeyes:

إبسط يا أبو كريم الرجالة هنا معاك بس أنا برضه لسه متوغوااااش

و بعدين يا رجالة عمو حسن أخرس جميع الألسنة و مضموش .............هه لما نشوف .............يارب يطلع راجل في الملعب يوم عشرة زي ما كان في قراره

نحن لا نملك الأن سوا الدعاء و يارب إخلف الظنون و نبقي علي بصيص الأمل حتي يوم 14\11

خولوص الكلام نلتقي عقب المباراة مع الأستوديو التحليلي

تم تعديل 28 سبتمبر 2009 بواسطة GENDY ABASI