ما شعورك إذا وقفت في هذا الطابور من أجل استلام راتبك ؟!!!

[ornatepeacock]

في الامارات صدر قرار بتحويل رواتب العمال عن طريق البنوك وهناك توجه لان تلتزم كل الشركات بهذا القرار

ولكن لأن عدد العمال كبير فقد حدثت بعض المفارقات

نرى بعضها في هذه الصور

حيث يقف عدد كبير من العمال امام ماكينة السحب الالي من اجل الحصول على راتبهم

الذي يترواح احيانا في حدود 650 درهم او اكثر قليلا و أحيانا أقل

الصور من منطقة مصفح في ابوظبي

و حتي الليل لايزال الطابور مستمرا كما كان

[se_ Elsyed]

طب وهي ابو ظبي كلها ما فيهاش الا ماكينة صراف واحده ؟

شيء غريب

وبعدين الشركة دي غبية لإن كده العمال هايتعطلوا ومش هايشتغلوا

[أحمد سيف]

لو أخذت بالك هتلاقي في الصورة الثانيه بنك ثاني على بعد دقيقتين مشي ... بس الظاهر إن الكفيل ما قالهمش إن البطاقة ممكن تسحب من أي ماكنة صراف آلي ... والظاهر كمان إنه ما قالهمش إن السحب ممكن يكون في أي وقت من اليوم وطول الشهر

[الباشمهندس ياسر]

حمدا لله ع السلامة يا جميل

فينك من فترة

اسمحلى اطلع بره الموضوع شويه و اقولك

عجبانى اوى الصورة اللى ف توقيعك يا هندسة .... مفيش كام واحدة كده يحسسونا ان فيه امل الكرامة ترجع تانى

[se_ Elsyed]

انا فهمت الفوله

دول عماله بسيطة ما عندهمش عربيات طبعاً

فاتوبيسات الشغل جت دلقتهم قدام ماكينه واحده وان شالله يولعوا

حاجه غير ادمية بالمره

[ornatepeacock]

لو سحبوا من أي ماكينة سحب تبع بنك تاني .. يخصم درهمين

ودول بيحسبوها بالدرهم

بالاضافة ان السحب بفئات 100 درهم

يعني ماينفعش الواحد يسحب 150 او 230 لا لازم السحب يكون 100 او 200 او 300

فالدرهمين دول ممكن يوقفوا سحب 100 درهم

يعني اللي مرتبة 700 درهم لو سحب من ماكينه مش تبع البنك مش ينفع يسحب 698

لأ يسحب 600 بس و يخلي 98 درهم لخصم المرات الجاية

طبعا بالاضافة لموضوع المواصلات لان في مشروعات كتيرة بتكون في اماكن بعيدة وبتكون في اطار خطة لتنمية المنطقة كلها

زي جزيرة الشويفات مثلا و غيرها يعني فعلا من غير سيارة الموضوع هيكون صعب جدا

طبعا مسألة ان السحب طول الشهر .. فناس كتير بيكونوا منتظرين المرتب على أحر من الجمر

و عشان التحويلات كمان

حمدا لله ع السلامة يا جميل

فينك من فترة

اسمحلى اطلع بره الموضوع شويه و اقولك

عجبانى اوى الصورة اللى ف توقيعك يا هندسة .... مفيش كام واحدة كده يحسسونا ان فيه امل الكرامة ترجع تانى

الله يسلمك يا بشمهندس

أكيد في صور كتير لأن لنا ماضي عظيم

لكن للأسف أنا مش عندي غير دي

جميل إنك أخدت بالك منها

رغم انها ممكن تكون مش واضحة :blink:

[محمد عيسى]

في الواقع ايجابيات هذ الموضوع اكبر من سلبياته بكثير

فقرار وزارة العمل تحويل جميع المرتبات عن طريق البنوك او شركات الصرافة كان بهدف الرقابه على انتظام تسديد المرتبات لهؤلاء المساكين الذين كانت رواتبهم تتأخر بالشهور

أما موضوع الطوابير فلان هذا هو اول شهر لتطبيق هذا القانون فلا بد ان تصاحبه بعض السلبيات .. و على اي حال هي افضل من تاخر مرتباتهم بالشهور .. و بالتاكيد سوف يتم توفير حل قريب لهذا الموضوع

[se_ Elsyed]

الله يسلمك يا بشمهندس

أكيد في صور كتير لأن لنا ماضي عظيم

لكن للأسف أنا مش عندي غير دي

جميل إنك أخدت بالك منها

رغم انها ممكن تكون مش واضحة

وأنا مش معاك ..

وبصراحة صورة غير معبرة بالمرة ..

بل بالعكس تُُثير الأحقاد والضغائن بين الأخوة ...

تماماً نفس شعورك لو واحد عربي نشر صورة لمصري وهو بيبوس إيد كفيله

او واحد جه يعايرك ويقول لك فاكر لما ما كنتش لاقي تاكل ؟

ساعتها هاتعمل إيه ؟

هاتبوسه وتقول له عنك حق إنت راجل كلامك زي الفُل ؟

لإن عمر ما كانت الكرامة بتقبيل الأيدي ولا الأرجل

لكن الكرامة بتبقى بثقة الإنسان في نفسه ... وفي احترامه للاخرين وأحترام الأخرين له ...

أسف للخروج عن الموضوع

[الباشمهندس ياسر]

وأنا مش معاك ..

وبصراحة صورة غير معبرة بالمرة ..

بل بالعكس تُُثير الأحقاد والضغائن بين الأخوة ...

تماماً نفس شعورك لو واحد عربي نشر صورة لمصري وهو بيبوس إيد كفيله

او واحد جه يعايرك ويقول لك فاكر لما ما كنتش لاقي تاكل ؟

ساعتها هاتعمل إيه ؟

هاتبوسه وتقول له عنك حق إنت راجل كلامك زي الفُل ؟

لإن عمر ما كانت الكرامة بتقبيل الأيدي ولا الأرجل

لكن الكرامة بتبقى بثقة الإنسان في نفسه ... وفي احترامه للاخرين وأحترام الأخرين له ...

أسف للخروج عن الموضوع

معلش يا عمنا سى السيد

سؤال

هو الراجل ده مش كان ملك

و كانوا بيتعاملوا معاه بما يليق بالملوك

فين المشكلة بقى...........؟؟؟؟

[maksoof]

حيث يقف عدد كبير من العمال امام ماكينة السحب الالي من اجل الحصول على راتبهم

بيقفوا فى الطابور مرة فى الشهر؟

أكيد فيه بعض الأعضاء الكرام اللى فاكريين أيام ما كان المصريين بيقفوا فى طوابير الجمعية يوميا عشان يشتروا حاجة ياكلوها..

أيام عبدالناصر الجميلة اللى كان بيتفنن فى إذلال المصريين (اللى ما اعتقلهمش) باختلاق الأزمات واحدة ورا التانية!

[حمدي العسال]

الهم ارحم رؤساء مصر السابقون ( عبدالناصر والسادات) وارحم اموات المسلمين يارب العالمين

[miramikhail]

معلش الى بيقول على عبد الناصر كده أه كان فية طوابير بس كان كيلو اللحمة بكام و الفرخة بكام و كيلوا الزيت بكام و الشقة كانت بكام

أقول لك اللى فكراه كيلو اللحمة كان ب 67 قرش و الفرخة كانت ب 60 قرش و الشقة 185 متر فى ميدان روكسى ب 4000 جم بالتقسيط على 20 سنة و دية كانت تعتبر أغلى حاجة.

الله يرحمك يا جمال .

معلش بعتذر لصاحب الموضوع لأنى بصراحة ما بحبش حد يفترى على حد

[أحمد سيف]

معلش الى بيقول على عبد الناصر كده أه كان فية طوابير بس كان كيلو اللحمة بكام و الفرخة بكام و كيلوا الزيت بكام و الشقة كانت بكام

أقول لك اللى فكراه كيلو اللحمة كان ب 67 قرش و الفرخة كانت ب 60 قرش و الشقة 185 متر فى ميدان روكسى ب 4000 جم بالتقسيط على 20 سنة و دية كانت تعتبر أغلى حاجة.

الله يرحمك يا جمال .

معلش بعتذر لصاحب الموضوع لأنى بصراحة ما بحبش حد يفترى على حد

كيلو اللحمه ب 67 قرش ومتوسط دخل المواطن كان كام؟

[مغتربة]

معلش الى بيقول على عبد الناصر كده أه كان فية طوابير بس كان كيلو اللحمة بكام و الفرخة بكام و كيلوا الزيت بكام و الشقة كانت بكام

أقول لك اللى فكراه كيلو اللحمة كان ب 67 قرش و الفرخة كانت ب 60 قرش و الشقة 185 متر فى ميدان روكسى ب 4000 جم بالتقسيط على 20 سنة و دية كانت تعتبر أغلى حاجة. :rolleyes:

الله يرحمك يا جمال .

معلش بعتذر لصاحب الموضوع لأنى بصراحة ما بحبش حد يفترى على حد

و المرتب الى كان هيجيب بيها الحاجات دى كان كام :ninja: :lol: mfb: :) wst:: :P

[moheltohamy]

الأخت ميرا بس جديدة شوية ، اللي أفتكره إن كيلو اللحمة كان بربع جنيه ، وجرام الدهب كان بـ 90 قرش!

كان مرتب الدكتور حديث التخرّج 17 جنيه ، وكان إيجار شقة كويّسة في المنصورة بـ 12 جنيه ، وعلى ما توصل اللجنة كمان!

يعني المتبقي بعد إيجار الشقة يجيب 20 كيلو لحمة!

يعني لو حسبناها دلوقتي ، يبقى المفروض مرتب الدكتور حديث التخرج يبقى 2000 جنيه!

واللي يفتكر الحياة والأسعار أيام الملك بقى يبقى يقول... أنا ما عشتش الأيّأم دي الصراحة :rolleyes:

[justme]

ما نزرعه الأن يحصده اولادنا في المستقبل القريب والبعيد

ايام عبد الناصر والسادات انا في رأيي دي محصلتها

عبد الناصر كان بيحصد ناتج اللي قبله طب هوه عمل ايه للي بعده؟؟

وهكذا

بمناسبة الملك

الناس كانت بتحكي عنها ليا من رأيي انه كان فيه خير وشوية عك

بس الحاغجة لما كانت بتتعمل كان بيتخطط لها صح

وابسط مثال المشاريع اللي اتعملت ايامهم لسه عايشة وبكفاءة

الله يرحمك يا محمد علي

بجد الراجل ده معلم وعايز يتدرس وبجد ده اللي كان عصره ذهبي

بس دوام الحال امر من المحال

زي ما حصل التاريخ بيتكرر

والمنحنى لابد من صعود وهبوط فيه بس امتى؟؟؟

[miramikhail]

لو بنقيس بالمشروعات اللى باقية من أيام جمال عبد الناصر كتيررررررررررر

عندك السد العالى و مصانع الحديد و الصلب و مشروع الفوسفات و ............

أما بالنسبة للدخل و عشان تعملوا مقارنة بسيطة و بما أنى مهتمية بالشقق عشان عايزة أجيب شقة أكبر (ثلاث أوض وصالة مش حاجة جامدة) حعمل مقارنة و يمكن سبق و قلتها فى مداخة قبل كدة (مدير محطة كهرباء محصلش مدير عام وقتها صحيح منطقة بيسموها نأية ووقت حرب يعنى بيأحخد ضعف مرتبة و مدرسة ثانوى و طبعا سنة 69 مكانش فية دروس و هى كان مبدأه سورى يعنى المدرس اللى بيدى دروس أما حرامى أو خايب و طبعا هى كان بأخلاقيات ذلك الوقت كان كلام طبيعى و عندهم أربع أولاد أشتروا الشقة ال185 متر مربع فى ميدان روكسى تمليك ب 4000 أو 4500جم بالتقسيط على 20سنة.

المقارنة بقى مين مدير محطة كهرباء و مراتة مدرسة بنفس الوضع السابق و عندهم أربع أولاد فى مدارس حكومة من اللى بتعلم زى زمان يقدر يجيب شقة بالمساحة دية فى الشروق و لا القاهرة الجديدة مش حقول مساكن شيراتون ولا مدينة نصر.

[doctor ayman]

الموضوع تشعب الي عدة موضوعات

بالنسبه للصوره ...... اتفق مع الاخ سي السيد انها تثير الضغائن بدون داعي

وانها تعتبر عاديه بمقياس زمنها لان ما يظهر في الصوره شخص عربي يقبل يد ملك مصر

وممكن تجد في نفس الزياره شخص مصري يقبل يد الملك السعودي او الخليجي

الموضوع الثاني المتجدد موضوع عبد الناصر وايامه

اعتقد (مع احترامي لجميع الاراء) ان عبد الناصر هو الذي وضع حجر الاساس للنظام الحالي في بلدنا

فقد الغي الدستور والغي الاحزاب وجعل الرئيس هو المتحكم في كل شيئ(one man show)

وسار السادات علي نهجه ومازلنا حتي الآن........وهو ما ادي الي الفقر الذي نعاني منه

تفتكزوا ماذا كان سيحدث لو كنا سلكنا نفس الطريق الذي سلكته الهند مثلا ولن اقول كوريا وهم نالوا استقلالهم معنا

[miramikhail]

رأى لو كنا مشينا بنفس معدل الأهتمام بالصناعة و أنشأء المصانع الكبيرة و التى يعود عائدها على الدولة و مبعنهاش لبعض الأشخاص يضربوا العائد فى جيوبهم و ده طبعى لأنها ملكهم كان الوضع بقى غير الوضع .

الهند فيها ناس فقرأ أوى كمان بمعنى ناس أغنية أوووووى و ناس فقرأ أوووووى

و ملها الصين ماهى أبتديت معانا و دلوقتى تانى أقوى كيان أقتصادى و فية عدالة فى التوزيع بين الناس لحد كبير

طبعا السادات ما مشيش على طريق عبد الناصر هو أول من أبتدى الأنفتاح الأقتصادى و أول ما أبتديت حكاية رجال الأعمال تهرب بفلوس البنوك و توظيف الأموال و........

تم تعديل 10 ديسمبر 2009 بواسطة miramikhail

[غريب في وطني]

أضحكتني و كم من ضحك كالبكا

هنا عندنا تقريبا نفس الشيء

إحنا عايشين في مدينة صغيرة قريبب منها مشروع عملاق فيه ألوف من العمال المساكين الهنود

فتخيل شكل البلد يوم نزول الراتب و البلد كلها فيها 2 ماكينة بس طبعا ممنوع الإقتراب و التصوير

ليه لأن العمال هنااااااااااااااااااااااااك