الزبـــــــالة . . عار قومى

[أحمد سيف]

ماهو لو المسؤول في الوحدة المحلية أو المحافظة كان عارف إن بقاءه في موقعه رهن برضا الناس عن أداءه وإنه لو ماعرفش يحل مشكلاتهم هيشيلوه ويجيبوا غيره كان اشتغل ليل نهار لحل المشكلة ... لكن للأسف فإن هذا المسؤول متعين في مكانه عن طريق واحد قاعد في مكتب مكيف ومش داري ايه اللي بيحصل في البلد يبقى يشغل نفسه ليه باحتياجات الناس ومشكلاتهم ... الحل ببساطة إن كل المسؤولين المحليين والمحافظين يوصلوا لمواقعهم بالانتخاب وتتخصص ليهم ميزانيات يشتغلوا منها وبعدين يتحاسبوا رسميا وشعبيا وقانونيا عن أداءهم ... يا اخوانا العيب لاهو في المواطنين ولا في الزبالين ولا في الشركات ... العيب في النظام .

[الباشمهندس ياسر]

ممكن سؤال

هو ايه الصناعات اللى ممكن نستفيد فيها من تدوير الزبالة.....؟؟؟

و حد هنا عنده دراسات عن الموضوع ده؟

[aimen]

بشهمندس ياسر

كنانة اون لاين

افضل موقع يفيدك فى الحكاية دى

تابع الرابط

http://ayadina.kenanaonline.com/topics/57087/posts/7124

http://kenanaonline.com/

تحياتى

[miramikhail]

هو طبعا الزبالة وصلت لدرجة غير عادية و أنا مش بتكلم على الورقة و ألا أتنين و لا علبة الببسى المرمية فى الشارع وأللى أتفق تمام مع الرأى أن كل واحد يبدأ بنفسة فى المحافظة على حية و بلدة لكن الزبالة بتاعة البيوت.

طبعا أنا حقول الوضع أية بالظبط عندى كمثال الحكومة بتأخد 5 جنية ولا 10 جنية مش عارفة نظافة على فاتورة الكهرباء و بعدين بدى البواب 5 جنية تانى عشان ينزل الزبالة لأقرب صندوق طبعا مش معقول ألف و أدور أدور على الصندوق بتاع الزبالة عشان أرمى فية.

المهم طبعا أنا بدفع زبالة مرتين. قبل كده كان الزبال المسكين (واللى على فكرة لسة بيعدى و بذات فى الأعياد لما البواب بيبقى مسافر يلم الزبالة و يأخد اللى فية النصيب) كان بيعدى كل يوم يأخد الزبالة ماعدا يوم الحد وبيأخد 3 جنية فى الشهر و بيشكرنا كمان و لو مجاش يوم كنت تسمع كمان الشقق بتتخانق معاه (كانت أيام... :blink: ) .

و على فكرة مع شركات النظافة و قبل حكاية دبح الخنازير (اللى طبعا كانت كارثة _ومعروف مين وراها واللى ملهاش أى ذنب فى أننا سمينا المرض بأسمها _ أولا من ناحية أنه أكل عيش لناس و أنها كانت بتأكل الفضلات العضوية بتاعتنا اللى بتجيب كل البلاوى ده غير أن الخنازير المصرية بتمتاز بمقاومتها للأمرض و كمان بتكاثرها السريع يعنى البطن بالبلدى كده بتجيب من4-6 خنازير وده اللى عرفته و متستغربوش ولا أحسن تفتكروا أنى مربية خنازير فى الشقة :lol: لكن الحقيقة أنا مهتميه جدا بالحيونات و كان حلمى و أنا صغيرة أما أكبر أبقى باحثة فى علم الحيوان بس قالو ليا مابتأكلش عيش فبقيت مهندسة wst:: ) المهم كان تلاقى الزبال بيعدى يلم من الصناديق قبل العربيات ماتعدى.

أنا الحل اللى بشوفة أن الزبال يرجع يلم الزبالة من الشقق وملزم يرميها فى المقالب المخصصة لكدة.أما نظافة الشوارع فملها هيئة نظافة تبع المحافظة ما يزودهم شوية و يشغلوهم شركات أجنبية أية وزفت أية.

أما موضوع الجيش فلالالالالالالالالالالالالالالالالالالا - لأن الجيش للحروب أو للمشروعات الكبيرة أو المشروعات الخاصة بالأمن القومى مش الزبالة

تم تعديل 29 سبتمبر 2009 بواسطة miramikhail

[الباشمهندس ياسر]

بشهمندس ياسر

كنانة اون لاين

افضل موقع يفيدك فى الحكاية دى

تابع الرابط

http://ayadina.kenanaonline.com/topics/57087/posts/7124

http://kenanaonline.com/

تحياتى

من يوم ما عرفنا المحاورات و انت جمايلك مغرقانا يا حاج ايمن... :blush2:

**********************************************************

جماعة الخير

ينفع اننا نفكر بصوت عالى مع بعض ف الموضوع م الناحية الاقتصادية.....؟

[الترجمـان]

في رمضان وقبل الفطار كنت بتفرج على برنامج على mbc بيتكلم عن السلوكيات والبيئة التي يعيش فيها المجتمع الياباني ومقارنتها بالسلوكيات والبيئة التي يعيش فيها المجتمع العربي ..

وكيف ان عامل النظافة في اليابان يتقاضى اجر شهري في حدود 8000 $ ومش عاجبينه ..

ودا رابط الحلقة للي يحب يطلع على التفاصيل http://www.youtube.com/watch?v=zbgXSccA55A ..

الغريب والسؤال اللاي محيرني ان لما العامل اللي بيسموه "مهندس الصحة" عندهم بياخد المبلغ داه شهريا ..

طيب الشركات الخاصة اللي بيشتغل فيها هذا العامل بتكسب كام سنويا من الموضوع داه ..؟؟

ويا ترى الحكومة اليابانية الغير ذكية هيه اللي بتدفع لتلك الشركات زي ما بتعمل حكوماتنا الذكية ولا هيه اللي بتاخد منها ضرائب سنوية نظير تحقيقها لمكاسب تعينها على دفع رواتب عاليه لعمالها بهذا الشكل ..؟؟

تم تعديل 4 أكتوبر 2009 بواسطة الترجمـان

[الترجمـان]

بعض المشاهدات لطريقة تدوير القمامة في البلاد التي أخضعت جل مشاكلها للنظام العلمي وبين ما نعانيه من غياب إرادة النجاح التي ادت إلى تنحية العلم من معالجة حتى أبسط مخلفاتنا اليومية ...

تدوير القمامة في بلادنا وحال القائمين عليها : http://www.youtube.com/watch?v=CC963qVNvfY

تدوير القمامة في إحدى بقاع كوكب الأرض : http://www.youtube.com/watch?v=f72L9IPXITk...mp;feature=fvwp

[nizza la bella]

ابقي قابلني لو حد عرف يحلها كانوا عرفوا يحلو مشكلة العيش و لا المياه ولا ولالالالالا

للا سف الزبالة دى احنا بناكوله طب انت عارفين ان

قطعان الغنم اللى ماشية فى الشارع قبل عيد الاضحى وعمالة تحش فى الزبالة

طبعا الحكومة ملهاش دخل

واحنا بقدرة قادر بندبح وعيش حياتك مع الامراض :D :D

وياريت اسمع اغنية بصيت لروحى فجاءه تعبت من المفجاءه

...طبعا انت فكرين شركة اونكس الشركة دى هنا فى فرنسا عملة شغل عشر على عشر

عملت عقد بجمع الزبالة فى عروسة النيل الاسكندرية

ولأننا من الشعوب الي بتلعب بالبيضة والحجر :lol: :happy:

بقدرة قادرالعجلات اتسرقت من صنديق الزبالة

وبعدة بى كام يوم اتسرقت الصناديق

الحكومة ملهاش دخل دة سلوك طبعا

وفجاء القمر الصناعى الجوجل ايرز رصد صناديق الزبالة على اسطح البيوت

بعد الفحص والمحص اتضح ان صناديق الزبالة استعملت فناطيس مية خزنات يعنى :rolleyes:

وبرميل لعمل المخلل والطرشى ود الاستعمال الامثل زبالة مين يا ابا

والشركة دلوقتى بتعمل دراسة جدوة لى خرم صناديق الزبالة...... :happy:

سلوك وعشوائية وسلبية الشعب

مع حكومة زبالة وجايبة زبالتها معاها وزاد المبلة طينة

وبتتكلم عن الديمقراطية و الملوخية

فى مشروع نووى سلمى.أوتوماتيك وبتفكر

إتنيلو.إنتوا عارفين تحلوا موضوع الزباله يا فشله؟