1500 ريال

[السيد توفيق]

ياجماعة ايه اللي بيحصل دا كل يوم بنشوف عروض رواتب متدنية وصاحبها بيسئل بينزل على السعودية او لا

واخرها واحد منزل موضوع ومؤهله جامعي حاسب الي حصل له عقد في عرعر ب1500 ريال

ايه العقول دي اللي بتقبل برواتب مايخذوهاش عمال النظافة ياجماعة ممكن انت بتقل بعقد زي دا لكن فيه مشكلة كبيرة بتخليك تموت مليون مرة يوم بتشوف قدامك أن رواتب جميع الموظفين بالشركة اكثر من راتبك سواء المصريين او اي جنسية

من خلال خبرتي رواتب بعض المصريين اللي ماعندهمش اي مؤهل علمي

ود صناعي كهربائي سيارات دخله الشهري 8000 ريال سعودي

ود سايق باص نقل جماعي راتبه 4500 + اعاشة مفتوحه باحسن المطاعم + تذاكر سفر + سكن تكيف مركزي

ود سباك بياخذ مباني شهريا فوق 10 الاف ريال دخل صافي

ود سواق قريدر شغال معنا بالشركة راتبه 4000 ريال + سكن + اعاشه

[doha]

انا قرات العنوان بحسبك لاقيهم فدخلت اقول بتوعي .. ماعلينا ..

الي حضرتك ذكرته ده طبيعي ومتوقع ..

يعني ان كهربائي او سباك يكون راتبه اكتر من مدرس او محاسب فده منطقي جدا .. شوف كل واحد منهم راتبه في مصر اساسا كام ولو فضل فيها ( هيطلع ) كام وعليه فتوقع راتبه هنا هيبقى شكله ايه

اما السائقين الي حضرتك ضربت بيهم امثله فشوف كل واحد فيهم ( عهدته ) الي سايقها تعمل كام الف و( بتجيب ) كام الف وعليه فتوقع راتبه على طول ..

عادي هي ارزاق وربنا يبارك للجميع في رزقه

والنصيحة الي نقدر نقولها لاخوانا الي في مصر لو جالك عقد وشايف ان الراتب قليل او البنود فيه مجحفه طالب بالي تشوفه مرضي لك من وجهة نظرك بس اعمل حسابك ان 99 في المية العقد هيروح ومش هتاخذه وان برضه 99 في المية لو راح مش هتلاقي غيره .. لو تقبلت الفكرة دي ولقيتها مناسبه لظروفك خلاص توكل على الله وغامر وياطابت يااثنين عور ..

[واثق الخطوة]

اعتقد ان ما ذكرته عن رواتب للعمال مبالغ فيه جداااااااااااااااااااااااا

جدا

وأتمنى أن تعطي هواتف هذه المؤسسات حتى أقدم فيها واترك مهنتي !!

[Handasah]

اعتقد ان ما ذكرته عن رواتب للعمال مبالغ فيه جداااااااااااااااااااااااا

جدا

وأتمنى أن تعطي هواتف هذه المؤسسات حتى أقدم فيها واترك مهنتي !!

على فكرة ماذكرة الاخ السيد توفيق عن رواتب بعض المهن غير مبالغ فية لان فى ناس فعلا بتاخد المرتبات دى بس طبعا فى عوامل كثيرة تحدد الراتب ( الخبرة والالتزام و حجم الشركة الموجود بها العامل ونوعية الاعمال المطلوبة و اشياء كثيرة جدا )

[الممول العجيب]

يعني العامل ممكن راتبه يوصل عشرة الاف ريال

طيب والدكتور الاستشاري بعد ما شاف الويل في دراسته ولبس نظاره قعر كوبايه ومسافر علي عشره او اقل ؟؟؟

او المهندس اللي مسافر علي خمسة الاف او اكثر شويه؟

طعبا هي ارزاق لكن واضح كده ان مفيش تقدير للشهادات والموضوع كله فهلوه وشطاره في التفاوض وخلاص

[moamana]

الموضوع يعتمد على الشركة التى تعمل بها و مستواها و ايضا على شطارتك و فهلوتك بالفعل