قناة National Geographic Abu Dhabi

[نبض الابداع]

قناة حلوة جدا

جامدة

[لماضة مصرية جدا]

السلام عليكم و رحمة الله و بركاته

القناة هتعرض يوم الجمعة الجاية ان شاء الله فيلم وثائقي عن جامع الشيخ زايد....

أدعوكم للمشاهدة.....الجامع لا يكفي لوصفه كلمة تحفة معمارية.....هو حالة خاصة جدا لا يسعك سوي التعبد في صمت في محرابه

الله يرحمك يا زايد الخير

تحياتي

[doha]

السلام عليكم و رحمة الله و بركاته

القناة هتعرض يوم الجمعة الجاية ان شاء الله فيلم وثائقي عن جامع الشيخ زايد....

أدعوكم للمشاهدة.....الجامع لا يكفي لوصفه كلمة تحفة معمارية.....هو حالة خاصة جدا لا يسعك سوي التعبد في صمت في محرابه

الله يرحمك يا زايد الخير

تحياتي

كلامك عن المسجد خلاني متشوقة اني اشوفه فاستعجلت وعملت جولة سريعه في الجوجل وطلع معايا ده .. بصراحه .. عاجزه عن الوصف ..

[Sherief AbdelWahab]

القناتين أجمد من بعض .. بس تدخل معاهم في المنافسة قنوات أخرى بتقدم منتج وثائقي قوي وبحق وحقيقي ، وللأسف مفيش منهم طبعاً قناة مصرية باعتبار النظرة الاستسخافية التي يبديها الإعلام المصري لهذا الفن الجميل ، خاصةً على ما يسمى بقناة "النيل" الإخبارية وأختها الثقافية.. الأختين الحلوين هناء وشيرين :( .. ويا سلام لما يتمطعولك ويذلوك بإنهم أخرجوا وثائقي على طريقتهم .. كام شريط على حتة موسيقى هابلة على تسجيل صوت ما يعلم بيه إلا ربنا ويقولولك هيييييييييييييه.. عملنا دوكيومينتاري :(

أهم القنوات اللي بتنتج وثائقيات جامدة على النايل سات غير الناشيونال جيوجرافيك والجزيرة الوثائقية مثلاً الدويتشة فيللة الألمانية ،وبتذيع وثائقيات قوية في مجالات شتى بالإنجليزي والألماني بترجمة عربية وبالعربية .. أفلام فيها قيمة معرفية أكثر ونسبة لا يستهان منها علمي .. كمان ما ننساش الـTV5 الفرنسية اللي بتذيع وثائقيات فرنسية بترجمة عربية ..ولسة كنت شايف منها الأسبوع اللي فات وثائقي جامد عن برنامج لعقد الصفقات مع مساجين سابقين تابعين لعصابات إجرامية في أوروبا وكندا مقابل التجسس على عصاباتهم السابقة ، وتتضمن التغاضي عن جرائم دامية قاموا بها وقت ما كانوا في عصاباتهم..

خلص الكلام