انا خايفة من انفلونزا الخنازير

[ذهبية]

يا جماعة كل يوم باسمع تصريحات و اقرا تعليقات وزير الصحة على النت و اقرا التعليقات اخاف خاصة ان كل يوم التصريحات بتزيد من الخوف من المرض و باحس ان لغة المسئولين يوم عن يوم بتزداد تشاؤم

وطبعا زى كلناعارفين احنا اخرررررر بلد ممكن تحافظ على مواطنيها وطبعا التعتيم فى العدد الحقيقى كلنا عارفينة

وملاحظة ان بعد ما كان وزير الصحة بيحذر من التعامل مع الاطباء وانة لابد من الذهاب الى المستشفى الحميات و منع استخدام التاموفلو

الا من خلال المستشفيات اصبح الان ان المريض يظل فى بيتة و لا يخرج من اوضتة دو معناة من الاعداد الرهيبة المتكدسة فى المستشفيات و لك الله فى الاول و فى الاخر

انا بقى المرفوض عليا اعمل اية ؟؟؟؟؟؟؟

هل بعد كل دة اودى ولادى المدرسة و هما فى الحضانة و مرحلة الابتدائى يعنى اصعب سن

تاجلت الدراسة و المح الوزير اليوم انها ممكن تتاجل كمان طيب ما دة هياثر على التحصيل الدراسى طيب بما تلغوا شوية من المنهج

او على الاقل يتم الغاء الامتحان بتاع الترم و يخلية امتحان واحد اخر العام

خاصة ان الويز قال ان اصعب فترة لانتقال المرض هى ديسمبر و يناير و فبراير

طيب بعد لك دة هاضطر اودى ولادى دروس خصوصية علشان مش هيكون فية تعليم فى المدرسة اصلا

طيب ما نفس الخوف من انتشار المرض موجود برضة

طيب اعمل اية انا مرعوبةةةة بجد على ولادى طيب لو ما ودتهم المدرسةودة هيحصل اكيد طيب الدروس الخصوصية الحل فيها اية ؟؟؟؟؟ ومحدش يقولى دى لا

لاحظوا اصلا ان مش هيكون تعليم فى المدرسة اساسا و الاستاذ الجهبز يسرى الجمل قال مفيش الغاء للمنهج و لا الغاء لميعاد الامتحان

طيب بجد انتم هتعملوا اية مع ولادكم ؟؟؟؟؟

ربنا يستر بجد يا جماعة و يحمينا من شر هذا المرض

ذهبية

[se_ Elsyed]

بالتأكيد في تخبط واضح في الموضوع

وفي إفتراح كمان إنهم يوقفوا الدراسة في أشهر الذروة دي على أن يستكملوها في الصيف

وأنا مع حضرتك تماماً إنهم يخففوا المناهج شويتين .. خلاص يعني النوابغ مش مستنيين في الطابور ... صحة الأطفال أهم

[mama nona]

الاخت ذهبية

السلام عليكم

والله انا كمان خايفة من موضوع المدرسة ده

وبفكر بجدية انى موديش البنت المدرسة

هما يعنى هيجيبو الديب من ديله

بناقص سنة

انا قريت فجريدة الرياض من اسبوعين كده ان توقعات العلماء انه

عدد الحلات ففصل الشتاء هيوصل لمليون حالة على مستوى العالم

وانها هتحل محل الانفلونزا العادية.

الحالات هنا فالرياض حدث ولا حرج

المستشفيات مليانه وحالات الوفاة طبعا بيخفوها علينا

بالنسبة لكم فمصر حتى الدروس الخصوصية هتخضع للفحص

ولكى الخبر

هدد بإغلاقها لأن "كثافة الطلاب بها تفوق المدارس"..

الجبلى يخضع مراكزالدروس الخصوصية لفحص الأنفلونزا

الأحد، 13 سبتمبر 2009 - 20:30

د.حاتم الجبلى وزير الصحة

كتب حاتم سالم

هدد د.حاتم الجبلى وزير الصحة بإغلاق مراكز الدروس الخصوصية التى تزيد كثافة الطلاب بها عن كثافتهم داخل المدارس بما يجعلها بيئة صالحة لانتشار أنفلونزا الخنازير، موضحا أنه سيتفق مع وزير التربية والتعليم والمحافظين من أجل وقف نشاط تلك المراكز فى حالة عدم التزامها بتقليل الكثافة الطلابية وتطبيق الإجراءات الوقائية ضد المرض.

واعترف الجبلى، فى تصريحات صحفية صباح اليوم الأحد، بأنه لا يعلم حتى الآن ما إذا كان اللقاح الجديد لأنفلونزا الخنازير، والذى تعاقدت مصر على استيراده من شركات دواء عالمية، له آثار سلبية أم لا، لكنه أشار إلى أن وزارة الصحة لن تجيز حقن المصريين به مباشرة، وإنما ستخضعه للتجارب للتأكد من عدم خطورة آثاره الجانبية، وهو ما قد يؤجل البدء فى استعماله إلى ما قبل يناير المقبل.

وأوضح الجبلى أن مصر ستتسلم 80 ألف جرعة من لقاح أنفلونزا الخنازير العالمى خلال شهر أكتوبر المقبل، وقال "حصتنا من اللقاح الجديد 5 ملايين جرعة، وسننتهى من استلامها فى مارس 2010 بسبب وجود ضغط كبير على الدواء".

وأضاف وزير الصحة أن خطورة مرض أنفلونزا الخنازير على طلاب المدارس والجامعات، تكمن فى أن معدل انتشاره بين الشباب تصل إلى 4 أضعاف معدل انتشاره بين الكهول، غير أنه أوضح أن إنشاء غرفة عزل بكل منشأة تعليمية للإسراع فى التعامل مع المصابين سيكفل تماثلهم للشفاء، وذلك فى معرض رده على د.عصام أنور مدير التأمين الصحى بمحافظة القاهرة، والذى أوضح أن 85% من المدارس لا تتوفر بها عيادات طبية.

وأشار الجبلى إلى أن وزارة الصحة ستجيز قريبا تحليل عينات مسحات حلق المشتبه فى إصابتهم بالمرض داخل 6 معامل بـ 6 جامعات حكومية، للقضاء على "مركزية" التحاليل بما يؤدى أحيانا إلى تأخر علاج المصابين.

وحاول الجبلى طمأنة أولياء الأمور على أبنائهم الطلاب بتأكيده على أن مرض أنفلونزا الخنازير مازال "هادئا" فى مصر، ويمكن الوقاية منه بأبسط الطرق، وعلى رأسها حفاظ الطالب على النظافة العامة واستعمال المناديل المطهرة أو جزء من ملابسه أثناء العطس.

[بنت الشاطئ1]

كنت فى وسط البلد من اسبوع مع اختى

ثم مدينة نصر

المهم مجرد ما رجعنا كانت هى نازلة عطس وتانى يوم كحة

تفتكروا الواحد ممكن يتعدى وهو ماشى فى الشارع والناس اللان الافضل انها تضع كمامة وهى ماشية

طب فى اعراض معينة للانفلونزا غير الاعراض المعروفة للانفلونزا العادية

[عاشق الترحال]

المرض واضح أنه مش بالسهوله اللى بعض الناس بتتعامل معاه بيها وللأسف أنا كنت واحد من الناس دي و بقالى كام يوم عطس ورشح وربنا يستر .

المرض لسه لم يبلغ ذروته لأننا لسه مدخلناش في فصل الشتا والعالم كله خايف من اللي جاي وبدأت بعض البلدان في تطعيم اللقاحات المضاده للمرض لمواطنيها وعقبالنا أحنا كمان .

ولا الحكومه هتقول ال 80 مليون لما يروح منهم كام مليون مش مشكله يخفوا الحمل من علينا شويه .

الله يسترها معانا .

[mama nona]

يا جماعة الخير

الايميل ده جانى انهارده

منقول للفائده

ذات صباح كنت أتابع بإهتمام شديد دكتور كويتي تحدث عن مرض

(H1N1) إنفلونزا الخنازير

وذكر أمور مهمه جدا بطريقة سلسة سهله وقام بتجربة عملية

للوقاية من ذلك الفايروس بإذن الله

حفظكم المولى من كل شر

تعريف بسيط

بالبداية مرض إنفلونزا الخنازير ينتقل من الإنسان إلى الخنزير نفسه

فحين يتناول الإنسان لحمه يتكون لديه نوع من الفايروس ومن ثم تنتقل العدوى

من الإنسان إلى الخنازير

كالمزارع الذي يمتلك مزرعة خنازير فينقل المرض لجميع خنازيره عبر الإحتكاك بها أو السعال أو العطاس

حتى تصبح مصابة بذلك الفايروس

الأعراض

تكون مشابهة للإنفلونزا العادية ولا تظهر الأعراض حين الإصابة بل يأخذ المرض فترة

حضانة أيام ومن ثم تظهر علامات كإرتفاع الحرارة والإعياء .....الخ من الأعراض

كيفية الوقاية من ذلك المرض بإذن الله ؟

هنا الطبيب قام بتجربة عملية بمنتهى الروعة

بإمكانكم القيام بها بالمنزل

قام بإحضار

ورق تباع الشمس ومعروفة علميا بإسم

(PH - PAPER )

(متوفر بالصيدليات)

وأحضر أمامه

3 أكواب

الأول / وضع به ماء + ماده بيضاء سنعرفها لاحقا

الثاني / وضع به ماء فقط

الثالث / وضع به مشروب غازي

وحين وضع شريط تباع الشمس بالكوب الأول أصبحت الورقة بلون غامق جدا

وبالكوب الثاني لم يتغير لون الورقة ظلت صفراء

وبالكوب الثالث أصبحت الكارثة وتحولت الورقة إلى لون أصف ر فاتح جدا جدا

بعد تلك التجربة

أوضح الدكتور بإن الوقاية من أي فايروس على وجه الأرض حتى السابق منها

( كفايروس إنفلونزا الطيور وسارس )

تكون بجعل الدم ذا وسط قلوي لأن الفايروسات

تحب الدماء ذات الوسط الحمضي

فالوسط القلوي لا تتحمله الفايروسات فتموت على الفور

سبحان الله

وأما الدم ذا الوسط الحمضي فهو بيئة ممتازة للفايروس

فورقة تباع الشمس حين تغير لونها للأغمق كان الوسط قلوي

وحين تغيرت للون الأصفرالفاتح كان الوسط حمضي

إذا الوقاية تكون بجعل دمائنا ذات أوساط قلوية

كيف ؟

أخبر الطبيب بإن أخذ ملعقة صغيرة جدا

ملعقة شاي ممسوحة

من بيكربونات الصوديوم< /U> موجودة بالسوبرماركت

وهي تستخدم للخبز وإذابتها بكوب ماء ومن ثم شربها كفيلة بإن تجعل الدم قلوي

وبيئة تقتل أي فايروس على الفور سبحان الله

وهي مادة لا خوف منها أبدا ونأكلها يوميا نحن

عبر تناول الساندويتشات والخبز لأنها مكون رئيسي فيها

ونبه الدكتور على أن تناول الوجبات السريعة والمشروبات الغازية

والسكريات والشوكولاتة

هي عوامل مساعدة تجعل الدم حمضي على الفور

لإرتفاع الدهون فيها والسكر

بالتالي الدم يكون مستجيب تماما لأي نوع من الفايروس حتى فايروس الإنفلونزا العادية

لذلك يجب التقليل من تناول ما سبق ذكره

بالذات لمن هو كثير إحتكاك بالأجانب

ملاحظة

حتى الآن لم يتم

التوصل لمصل مضاد حتى وإن وجد سيكون بتكلفة عالية جدا جدا

تجربة مني

منذ أيام قليلة مضت إستيقظت و إذا بأعراض الزكام بدأت علي كإرتفاع بسيط بالحرارة والرشح

وفورا تذكرت حديث الطبيب وقمت بشرب كوب ماء مذاب به بيكربونات الصوديوم

وأقسم بالله وأشهده على ذلك سبحانه وتعالى إختفت الأعر اض بعد ساعات قليلة جدا

سبحان الله

بعض الأشخاص يتخوف من الأضرار أو من كثرة إستخدام البيكربونات

رغم انه لاخوف منها أبدا شرط إستخدام

( ملعقه شاي صغيرة جدا ممسوحة )

وإذا أردت ان تكون بالجانب الآمن إستخدمه في الأيام التي ستكون فيها

بإختلاط مع العديد من الأشخاص كالبنوك أو المستشفيات

&nb sp;

أكد أطباء صينيون الثلاثاء أن إحتساء كوب من اليانسون الدافيء وليس المغلي

عقب الاستيقاظ صباحاُ

يعد أفضل وقاية من الاصابة البشرية من مرض انلفونزا الخنازير

الذي تفشى في بقاع شتى من العالم

وذكرت مجلة ( ميديكال ريسيرشيز) الصينية

المعنية بالشؤون الطبية

أن إحتساء اليانسون الدافيء يفوق في فاعليته تناول عقار

(تامفيلو) الذي طورته شركة "روش" السويسرية

ويستخدم حاليا على نطاق

عالمي واسع

للوقاية من انلفونزا الخنازير

ذلك أن أحد المكونات الاساسية

المستخدمة في إنتاج ذلك العقار هو ( حمض الشيمكيك ) الذي يستخرج من قرن ثمرة

اليانسون

ويترك عدة اسابيع ليتخمر

أرسلها لأغلى الناس عليك ولكل من يهمك أمره

لاتدعها تقف عندك

--

Dr.Mohamed Fathy Salem

Researcher of Plant Pathology,Cousultant of Organic Farming,Head of Mushroom Research and Production Unit,Genetic Engineering and biotechnology Research Institute,GEBRI,Sadat City,P.O.Box:79,Minufiya,Egypt

[maksoof]

يا جماعة الخير

الايميل ده جانى انهارده

منقول للفائده

Dr.Mohamed Fathy Salem

Researcher of Plant Pathology,Cousultant of Organic Farming,Head of Mushroom Research and Production Unit,Genetic Engineering and biotechnology Research Institute,GEBRI,Sadat City,P.O.Box:79,Minufiya,Egypt

يا أستاذتنا الفاضلة – الPH الخاص بالدم يتراوح بين 7.35 و 7.45 أى أنه يميل إلى ناحية القلوى و الجسم يحفظ هذه القيمة بدقة.

لو لأى سبب إنخفض ال PH إلى أقل من 7 فالدم يصبح حامضى و قد يؤدى إلى غيبوبة و وفاة.

كذلك لو إزداد عن 7.45 فهو يؤدى الى الوفاة أيضا. و يمكنكم عمل بحث على النت عن Acidosis و Alkalosis لمزيد من المعلومات.

و العلاج لا يوصف بهذه الطريقة "واحد كان بيعطس و أخد بيكربونات و بعد ساعات شفى". فهذا يعطى إحساس بالأمان غير صحيح. و لو كان الأمر بهذه البساطة لما أنفقت الحكومات الملايين لعمل لقاح مضاد و ملايين أخرى لتطعيم الناس.

و التاميفلو لا يحصن ضد الفيروس و لكنه علاج لل H1N1.

و مصل الوقاية موجود فى كندا (و أعتقد أن مصر ستستورده أيضا)

طرق الوقاية التى أتبعها هى التى توصى بها الحكومة الكندية و هى موجودة هنا

http://www.fightflu.ca/

مع تحياتى

[enjisultan]

انا شايفة انك ممكن تأخرى دخولهم اسوعين عن الميعاد الرسمى

لحد لما نشوف انا لو قاعدة فى مصر هاعمل كدة

وغالا نسبة 80% برضة فى السعودية مش هاوديهم مدرسة يبقوا تمتحن اخر السنة و خلاص

ربنا يستر

[doha]

بصي ياذهبية .. لا نهول في الموضوع ولا نهون فيه .

بالنسبة للمدرسه لما ييجي وقتها يبقى ربنا يحلها .. يعني هي دلوقت تأجلت اسبوع ولا اثنين ننبسط في المده دي ومنفكرش وقبلها بيوم نشوف ونسال هنودي الاولاد بكره ولا هنغيبهم اسبوع كمان نشوف الحاله ايه .. ده اذا مصدرش تأجيل تاني اساسا ..

بالنسبة لخطورة انفلونزا الخنازير وانهم قالوا الناس تقعد في بيوتها فاذكرك بمرة زمان من كام سنة لما قالوا في كسوف شمس جاي واياكم حد يطلع من بيته واياكم وحده تشيل عيل صغير على كتفها اصله هيبص للشمس ينعمي .. وفضل التلفزيون في سذاجة منقطعه النظير يعيد ويزيد في تحذير عقيم ان اياكم حد يهوب ناحية الشمس وقت كسوفها ..

في ذالك اليوم صادف اني كنت في القاهرة في منطقة المهندسين تحديدا .. مش ممكن .. مكانش في بني آدم واحد في الشارع .. الناس كلها كانت خايفه مع ان العالم كله طلع في ذلك اليوم وشاهد الكسوف ومنظرنا احنا كمصريين بعد ماغسلوا لنا دماغنا بان الموضوع خطير وانهد منك ليه في البيت .. بقى يموت من الكسوف ..

في رايي انفلونزا الخنازير هي مرض عادي وبينتشر بسرعة وبيخف برضه ببسرعه وفيه نسبة وفيات لا ننكر ذلك ولكن الموضوع باجماله تم استغلاله كـ ( بيزنيس ) وعلى مستوى دولي كمان فميغركيش كلام من نوع منظمه الصحه بتقول ومنظمه الصحه بتعيد لان هي طول عمرها بتقول وكلامها ده مش بتقوله عشان تخوف وانما عشان توعي لكن هو بينقل لنا من باب يانهار اسود الحق ياجدع .. زي بالظبط لما قالوا منظمه الصحه اعلنت انه وصل للدرجه السادسه والناس صوتت ساعتها ده بقى درجه سادسه من غير مايسألوا نفسهم سادسه دي يعني ايه ؟ يعني طلع بيموت اكتر مااحنا فاكرين ؟ ابدا .. سادسه يعني زاد انتشاره اكتر وهو شيء متوقع وكان متحذر منه قبل كده يبقى ايه الجديد ؟

بعدين على فكره مفيش حاجه اسمها الناس بتموت بس محدش بيقولنا .. المثل بيقول الي بيزمر مبيغطيش دقنه .. ولو تاخذي بالك دائما لما بيجي لاي حد فينا اعراض معينه مثلا رشح او نزله معويه او كده بدون سبب ويقول مثلا لمعارفه انا جالي كذا فورا بيقولوا له ايوه مهو فلان من معارفنا برضه عنده نفس الاعراض ( هو دور وماشي في الجو ) الكلمه دي دائما بنقولها وفعلا لو لاحظتي مثلا لو بنتي جالها دور برد بلاحظ ان كذا طفل في العائلة او محيط معارفي حتى لو بعاد عنها عنده نفس الاعراض .. طيب تقدري تقولي لي كام واحد كده نعرفه لا قدر الله الف مرة توفي من الانفلونزا؟ انا ( شخصيا ) الحمد والشكر لله معرفش حد خالص في مصر توفي بانفلونزا الخنازير وده يدل ان مازال معدل الوفيات تحت السيطرة . .

كل المطلوب منك تعمليه تجنبي بس التجمعات الشديده وبرضه لو امكن تخرجي بكمامه لو رايحه سوق مثلا او ماشابه وربنا يعين كلها كام شهر وتنقشع الازمه ..

واخيرا قل لن يصيبنا الا ماكتب الله لو ربنا كاتب لحد انه يموت هيموت لو عملنا ايه فخلاص الواحد يعمل الي عليه وياخذ بالاسباب وميلقيش بنفسه في التهلكه لكن ميبالغش ويوقف حياته ويقول احتياط .. وكله في الاول والآخر بامر الله وعمره ماهيكتب علينا شيء مش في مصلحتنا ابدا..

حفظنا الله وابنائنا جميعا من كل مانخاف ونكره ..

تم تعديل 14 سبتمبر 2009 بواسطة doha

[ذهبية]

سى السيد

اشكرك على مرورك بالتوبك و انا مع الاقتراح اللى بيقول ان الدراسة تقف فى فترة شدة الفيروس اللى هى اشهر الشتاء و يكون امتحان

واحد فى اخر العام و يتم تقليل المنهج من الحشو اللى فية

و السنوات الاولى زى kg1 و kg2 و حتى اولى ابتدائى بلاش منة الذهاب اصلا خاصة انى قريت ان شخص واحد كفيل انة يعدى خمسين

وانت عارفين الاولاد الضغيرين استحالة هيلتزموا و هما اصلا مناعتهم ضعيفة من اى شىء

و اعتقد انى سمعت انالمدراس هتتقسم الى تلات ايام و يتم تقسيم الفصل دة مجرد اشعات و كل يوم باسمع خبر جديد و تخبط من وزير التعليم اللى بيتكلم دايما بلا مبالاة و بطريقة بتغيظنى بصراحة

ووزير الصحة اللى بيتكلم هو كمان بطريقة بتجننى مرة يرعبنا و مرة يهدينا و تانى يوم يلغى اللى قالة ان مصر فى امان و مرة تانية يقول مصر هيصيبها 7 مليون و يرجع تانى يغير كلامة

[ذهبية]

ماما نونا انا قريت تعليق وزير الصحة هو بس الدروس الخصوصية اللى مشكلة طيب و المواصلات هيعمل فيها اية

طيب ووطابور العيش وطابور المرتبات و اى طابور فى فيك يا مصر و ما اكثرهم هيعمل فيها اية دة شوية زبالة بقالها شهور فى الجيزة محدش عارف يشيلها

و الله انا كل شوية اسمع تصريحات من اليمين و الشمال لكن التنفيذ فين دة حتى الخط الساخن اللى عملوة نمرة 105 للاستفسار عن انفلونزا الخنازير بعد ما يسمعوك يقولوا لك فى الاخر يستحسن تروح للدكتور علشان يطمنك طيب لزمة الخط الساخن اية

طيب الحملات اللى عملها كل شوية عن العربيات اللى بتكشف على سرطان الثدى مجانا اتصلى ب 16 و كذا رقم اتصلت بيهم

و الله النمرة ما بترد و بيجى ان الرقم غلط مش موجود بالخدمة اصلا

حتى التطعيم اللى هيستوردة علشان تطعيم ولادنا شاكين انة بيسبب السرطان يعنى الواحد يعمل اية :)

[ذهبية]

بنت الشاطىء 1

بصى للتفرقة بين الانفلونزا العادية الخنازير تلاحظى الاتى

الحرارة تعبر من اساس المرض لانة ارتفاع كبير فى درجة الحرارة و ممكن تستمر الى اربع ايام

الكحة فى العادية بيكون مصحوب بلبغم و عادى لكن التانية بعيد عننا يارب بتكون بدون بلغم و سعال حاد

الام الجسم و السعال

فى العادية موجود و محتملة فى التانية شديدة و حادة جداااا

اسداد الانف

فى العادية موجود و يستمر الى اسبوع التانية مش موجود انسداد فى الانف

القشعرينة

العادية ساعات بتجى لكن التانية من اساسيات المرضو بتوجد فى ستنين فى المية من الحالات

التعب و الارهاق

فى العادية خفيفة نوعا ما فى التانية حادة و شديدة

العطس

فى العادية موجود طبعا لكن التانية نادر الحدوث

مفاجاة المرض

العادية تبدا ببطا فى خلال تلات او اربع ايام فى التانية تبدا بقوة فجاة بدون انذار فى خلال تلات ساعات الى 6 ساعات تضرب الجسم فجاة

الصداع

خفيف فى العادية لكن فى التانية قوى و حاد و من اساسيات المرض

التهاب الحلق

فى العاديةمن لابد منة لكن التانية نادر الحدوث

الام الصدر

فى العادية خفيفة لكن التانية شديد جدا و بيقلب لبعد الشر الىالتهاب رئوى نجنا الله جميعا من هذا البلاء

[ذهبية]

ماما نونا موضوع اليانسون دة سمعت عنة و فية ناس تانية كذبوة و بصراحة انا شايفة اننا لو اخدناة مش هننضر ما يمكن يكون فية العلاج

انجى سلطان

انا احتمال كبير فعلا مش هاوديهم لحد ما نشوف الامور هتمشى ازاى بالذات الشتاء و اشكرك يا انجى على المرور

عاشق الترحال

الف سلامة عليك و ان شاء الله مفيش حاجة و انا كتبت الفرق بين الانفلونزا العادية و التانية زى ما قريتة فى موقع على النت فاطمن ان شاء الله خير

ضحى

كلامك حلو قوى يا ضحى بجد عجبنى و زى ما كلنا عارفين فعلا لن يصيبنا الا ما كتبة الله لنا بس انا قلقى بس على الولاد الضغيرين

و ربنا قال برضة و لا تلقوا بانفسكم الى التهلكة يعنى نعلم الى علينا و نحافظ على نفسنا و عيالنا و نسيب الاول و الاخر على الله

من ناحية انتى تعرفى حد مات اة فعلا انا من المنصورة و فعلا ماتت و احدة فى مستشفى الصدر فى المنصورة و هى اصلا من بلد حنب المنصورة و اسمها سمر عندها 25 سنة

و للاسف لما راحت الى الاكباء رجعوها و ادوا لها مضاد حيوى و بعدها زادت الاعراض مردوش يدخلوها الى المستشفى الى بجواب متحول من مستشفى الحميات لانها كانت المفروض تروح الحميات مش الصدر لان الدولة الجميلة مقسمة انفلزنزا الطيور فى مستشفيات الصدر ام الخنازير فى مستشفيات الحميات

من هنا الى هنا كانت البنت اتهلكت و اصيبت بالتهاب رئوى حاد و لما اخدت التاموفلو كان المنيعاد عدى عليها لانالتاموفلو مش علاج دة بيعمل على ايقاف الفيرس وقت لحد ما مناعة الانسان تقدر تقاوم المرض

للاسف البنت ماتت و اهلها رافعين قضية على الحكومة بسبب الاهمال و عدم استقابلها الا لما خلصت

و بيقولو ا انها اصيبت من جوزها اللى جاى من السعودية فى منتصف شهر 8

و دى تعتبر الحالة رقم 2 من الوفيات و اله اعلم ما خفى كان اعظم

[doha]

معليش ياذهبية بالنسبة لموضوع تعرفي حد مات .. هل انتي تعرفي سمر دي شخصيا؟؟

يعني هنا ماما تعرف وحده اخوها كان في العناية المركزه عشان انفلونزا الخنازير وقالوا اهله منتظرين موته في اي لحظه .. كان صعبان على ماما اوي وقالت اصله ( شاب صغير ) وقالت انه شغال في المطار ويبدوا التقط العدوى من هناك ..

بعد كام يوم ماما جات وهي زعلانه اوي وقالت اخوا فلانه مات خلاص .. قلت لها انتي متأكده ان مات بانفلونزا الخنازير ؟ قالت لي هو مطلعش اخوها الي في المطار ده طلع اخ تاني بس قالوا كان ( بيشيش ) معروفه عنه الحكايه دي والله يرحمه لم يتحمل المرض فمات ..

لاحظي احنا منعرفش المريض معرفه شخصيه ولا نعرف عنه اي شيء وخلي بالك ماما افترضت ان اخو فلانه يبقى هو بتاع المطار ( عرفاه لانه مرة قالت لها لو محتاجه خدمه ) ثم اتضح انه واحد تاني خالص ومش بعيد يكون ميت بسبب تاني خالص .. يمكن لا قدر الله سرطان الرئة هو السبب .. اذكر كان لنا جار الله يرحمه مات في الثلاثينات من العمر بسبب انه كان بيشرب سجاير وشيشه وتوفي رحمه الله عليه بسرطان الرئة .. لاحظي الناس بتاخذ المعلومه وتكمل عليها . ده عنده حاجه في الصدر يبقى هي الانفلونزا .. مع ان مش شرط ابدا تكون هي وحتى لو هي ممكن مات لان عنده مرض تاني معاها فبقى الاثنين مع بعض هم السبب ..

عن نفسي معرفش حد نهائيا ولا بشكل شخصي او بشكل كافي اني اقول فلان ده او فلانه دي جالها انفلونزا فعلا او لاقدر الله حد مات غير هو بس الي قلت لك عليه ده ..

بالنسبة لاختي هي في الخارج حاليا وقالت فعلا تعرف وحده جارتها معرفه شخصية وطلع عندها الانفلونزا والحمد لله تعالجت وخفت عادي جدا .. قالت انها منتشره جدا عندهم وبيخفوا منها عادي حتى احيانا بلا علاج بس هي برضه متعرفش حد مات ولله الحمد ..

بالنسبة لسمر الي حكيتي عنها فشوفي نسبتها كام لنسبه الشعب المصري وهي حاله واحده .. ده اذا فرضنا انها ماتت من الانفلونزا نفسها واكيد لو فتشت في الموضوع فهيطلع سبب الوفاه حاجة تانيه خالص.

اتركيها على الله وخذي بالاسباب وباذن الله خير الموضوع مش مستاهل نقلق عليه من دلوقت ..

[mama nona]

[se_ Elsyed]

ححححححححححححححيييييييييييييي

صلي على رسول الله

قرق قرب على شربة الحج محمود اللي بتورد الخدود وبتطرد الدود

طبعاً ... آه .. إزاي ...

إزاي موسم زي ده يعدي من غير إيميلات تهري بدننا من جهات مجهولة عن يانسون ويتذكرون ومغلي البردقوش اللي بيقي من H1N1 وخلي الناس تروح في داهيه طالما بتتبع الخرافات ...

وأي واحد معذور او متورط في مخزون من سلعة ما ... يادوب .. بأقول يادوب يبعت إيميل بس فيه إن مرقوع البراطيش يقي بإذن الله من الهوسهوس ... والناس يا عيني تدور في الشوارع على اي برطوشه قديمة وتنقعها في ميه وتشرب السأسأه بتاعتها وكأن مافيش حاجه إسمها علم وعلماء متخصصين ...

[aimen]

سى السيد

الموضوع مش فى الإيميلات بس دا وصل للصحف كمان ....وذيع وانشر يا معلم ....

أكد الدكتور سعيد شلبى أستاذ الباطنة والكبد بالمركز القومى للبحوث وعضو جمعية الماكروبيوتيك العالمية بإيطاليا، أن تناول كوب من الينسون المغلى يومياً قبل الخروج من المنزل يقى الإنسان من الإصابة بمرض أنفلونزا الخنازير، حيث إن عقار "التاميفلو" المستخدم حاليا فى علاج المرض مستخرج من الينسون.

وقال الدكتور سعيد شلبى اليوم الأحد، إن تناول كوب الينسون يمنح الجسم جرعة وقائية مركزة من هذا العقار يوميا وبأقل الأثمان، مشيرا إلى أن نظريات علم الماكروبيوتيك (علم الحياة.. دواء وغذاء وأسلوب حياة) فى مجال الوقاية والعلاج من الأمراض المختلفة تعتمد على ضبط تركيز أيون الهيدروجين فى الدم بحيث يوفر بيئة غير مناسبة لتكاثر الكائنات الحية المسببة للأمراض.

وأضاف أنه بتطبيق هذه النظريات على مرض أنفلونزا الخنازير، فإنه يمكن الوقاية من المرض بتناول ملعقة صغيرة من مادة بيكربونات الصوديوم (البيكربوناتو) المذابة فى الماء قبل الخروج إلى الأماكن المزدحمة والأماكن التى يتواجد بها المرضى، مشيرا إلى أن هذه المادة تساعد على ارتفاع قلوية الدم، وبذلك يصبح وسطا غير مناسب لتكاثر فيروسات الأنفلونزا بصفة عامة.

ودعا الدكتور سعيد شلبى إلى الإقلال من تناول الأغذية التى تؤدى لزيادة حموضة الدم مثل اللحوم الحمراء والدواجن ومنتجات الألبان والسكر والشاى الأحمر والقهوة التركى، فى هذا الوقت الذى ينتشر فيه مرض أنفلونزا الخنازير، واستبدال القهوة بقهوة الشعير، والشاى الأحمر بالشاى الأخضر، والسكر بسكر المالتوز غير المخمر، وتناول الأسماك والبقوليات (مثل الفول والعدس واللوبيا والفاصوليا والحمص) كبدائل للحوم الحمراء والدواجن.

وأكد أهمية ممارسة الرياضة بقدر المستطاع، خاصة لدورها فى تخليص الجسم من الطاقة الزائدة، خاصة إذا كانت طبيعة العمل قليلة الحركة، لافتا إلى أنه كبديل لتمرينات التنفس التى يجريها البعض لتحسين مقاومة الجسم، فإنه يفضل الخروج للهواء الطلق والنهوض مبكرا وتنفس هواء الصباح النقى الغنى بالأوكسجين

كوب من الينسون كافى لمقاومة انفلونزا الخنازير

فين الصيادلة و الدكاترة يفتونا فى القصة دى ؟ وهل ما ورد فى التعليق سليم ام لا

وقانا الله واياكم شر كل انواع الإنفلونزا

[enjisultan]

طب تفتكروا ممكن يلغوا الدراسة السنة دى فى مصر؟

تفتكروا

[Alrefaey]

فيروس الانفلونزا ضعيف جدا ولا يقوى على مهاجمة الشخص السليم صحيا واذا اصيب الشخص به فأن مناعة الجسم العادية تتغلب عليه ,

نخاف على مين من انفلونزا الخنازير

كبار السن ,الاطفال ,الاشخاص اصحاب الامراض المناعية ,مرضى الامراض المزمنه ..ربو وخلافه ....

[بنت الشاطئ1]

فيروس الانفلونزا ضعيف جدا ولا يقوى على مهاجمة الشخص السليم صحيا واذا اصيب الشخص به فأن مناعة الجسم العادية تتغلب عليه ,

نخاف على مين من انفلونزا الخنازير

كبار السن ,الاطفال ,الاشخاص اصحاب الامراض المناعية ,مرضى الامراض المزمنه ..ربو وخلافه ....

ربنا يطمنك يا رب